ပြည်တွင်းကုန်သွယ်မှုသတင်း

    ၁၆.၁.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

   ၉.၁.၂၀၂၄ ရက်နေ့တွင် စားသုံးသူရေးရာဦးစီးဌာန၊ မုဒုံမြို့နယ်တာဝန်ခံသည် မုဒုံမြို့နယ်ရှိ ဒေသခံတောင်သူများအနေဖြင့် နွေစပါးများ စိုက်ပျိုးရာသီတွင် စိုက်ပျိုးမှု အဆင်ပြေစေရေးအတွက် မြို့နယ်စိုက်ပျိုးရေးဦးစီးဌာန၊ သက်ဆိုင်ရာမိတ်ဆက်ဌာနများနှင့် ပူးပေါင်းပါဝင်ဆောင်ရွက်ခဲ့ပြီး ဘက်စုံအဆင့်မြင့် နည်းပညာသုံးစံပြကွက် (၃၀၀) ဧက၊ တင်း (၁၂၀) စံပြကွက်နှင့် စမ်းသပ်စံပြကွက်များ စိုက်ပျိုးကြမည့် ကျေးရွာများသို့ မျိုးစေ့များပံ့ပိုးပေးခြင်းနှင့် ဓာတ်မြေဩဇာများ ဈေးနှုန်းသက်သာစွာဖြင့် ဖြန့်ဖြူးပေးကာ နွေစပါးများကို ၂၀၂၃ခုနှစ် ဒီဇင်ဘာလ တတိယအပတ်မှစ၍ စတင်စိုက်ပျိုးလျက်ရှိသည်။

   မွန်ပြည်နယ် မုဒုံမြို့နယ်တွင် ၂၀၂၃-၂၀၂၄ ဘဏ္ဍာရေးနှစ် နွေစပါးစိုက်ပျိုးရာသီတွင် ချောင်းပိတ်၊ မြောင်းပိတ်နှင့် ဆည်ရေသောက်စနစ်ဖြင့် နွေစပါး စိုက်ဧက(၆၃၈)ဧကကို စိုက်ပျိုးရန်လျာထားကြောင်း မြို့နယ်စိုက်ပျိုးရေးဦးစီးဌာနမှ သိရသည်။

DOCA(မွန်)

  မကွေးတိုင်းဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် တက္ကသိုလ်/ ကောလိပ်ကျောင်းများ၌ အသားငါး/ ကြက်ဥနှင့် ဟင်းသီးဟင်းရွက်များကို စျေးနှုန်းသက်သာစွာ ရောင်းချပေးလျက်ရှိရာ (၂-၁-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့ရှိ မကွေးတက္ကသိုလ်/ ပညာရေးကောလိပ်/ ကွန်ပျူတာတက္ကသိုလ်/ ဆေးတက္ကသိုလ်/ နည်းပညာတက္ကသိုလ်နှင့် အခြေခံကျန်းမာရေးတက္ကသိုလ်ကျောင်းများသို့ စီမံအုပ်ချုပ်ရေးအဖွဲ့တာဝန်ရှိသူများ၊ စည်ပင်သာယာရေးအဖွဲ့နှင့် စားသုံးသူရေးရာဦးစီးဌာနဝန်ထမ်းများပူးပေါင်း၍ အသားငါး/ ကြက်ဥနှင့် ဟင်းသီးဟင်းရွက်များအား မော်တော်ယာဉ်များဖြင့်သယ်ယူ၍ စျေးနှုန်းချိုသာစွာသွားရောက်ရောင်းချပေးခဲ့ကြောင်းသိရှိရပါသည်။

    ထိုသို့ရောင်းချပေးနေမှုအား မကွေးတိုင်းဒေသကြီးအစိုးရအဖွဲ့၊ စီးပွားရေးရာဝန်ကြီး ဦးအောင်ချိန်၊ အတွင်းရေးမှူး ဦးသန်းဆွေဝင်းနှင့်တာဝန်ရှိသူများ သွားရောက်ကြည့်ရှုအားပေးကာ စီးပွားရေးရာဝန်ကြီးက တက္ကသိုလ်များရှိ အဆောင်နေကျောင်းသား/ ကျောင်းသူများ၊ ဆရာ/ ဆရာမများနှင့် ဝန်ထမ်းများအား သက်သာသောစျေးနှုန်းဖြင့် အပတ်စဉ်ရောင်းချပေးနိုင်ရေး အသားငါး/ ကြက်ဥနှင့် ဟင်းသီးဟင်းရွက်များသန့်ရှင်းလတ်ဆက်မှုရှိစေရေးနှင့် အခြားစားသောက်ကုန်များအမယ်စုံများ လာရောက်ရောင်းချပေးနိုင်ရေး တာဝန်ရှိသူများကို မှာကြားခဲ့ကြောင်းသိရှိရပါသည်။

DOCA(မကွေး)

 မကွေးတိုင်းဒေသကြီးသည် ဆန်လိုတိုင်းဒေသကြီးဖြစ်၍ စပါးအဓိကစိုက်ပျိုးထွက်ရှိရာ အခြားတိုင်း/ပြည်နယ်များမှတင်သွင်းရပါသည်။ ၂၀၂၄ခုနှစ်၊ ဇန်နဝါရီလ(၃)ရက်နေ့မှ (၉)ရက်နေ့အတွင်း ယခင်အပတ်ထက် စပါးဧရာပဒေသာ(၁)တင်းလျှင် ကျပ်(၁၀၀၀)၊ ဧည့်မထနွေ/မိုး(၁)တင်းလျှင်  ကျပ် (၂၀၀၀)၊ မကွေးခရိုင်တွင် ဆန် ပေါ်ဆန်းမွှေး(၂၄)ပြည်ပါ(၁)အိတ်လျှင် ကျပ်(၁၆၀၀၀)၊ မနောသုခတစ်အိတ်လျှင် ကျပ်(၇၀၀၀)၊ ရတနာတိုးတစ်အိတ်လျှင် ကျပ်(၃၀၀၀)၊ မင်းဘူးခရိုင်တွင် ပေါ်ဆန်းမွှေးတစ်အိတ်လျှင် ကျပ်(၅၀၀၀)၊ သရက်ရိုင်တွင် ပေါ်ဆန်းမွှေးတစ်အိတ်လျှင် ကျပ်(၁၅၀၀၀)၊ ဧရာပဒေသာတစ်အိတ်လျှင် ကျပ်(၃၀၀၀)၊ မနောသုခတစ်အိတ်လျှင် ကျပ်(၁၀၀၀) စသည်ဖြင့် ဈေးနှုန်းအသီးသီးမြင့်တက်လာကြောင်းသိရှိရပါသည်။ ဆန်၊ စပါးဈေးနှုန်းများမှာ ငွေကြေးမူဝါဒပြောင်းလဲလိုက်သည့်အတွက် ပြည်ပသို့တင်ပို့ရောင်းချသည့် Export လုပ်ငန်းရှင်များက ဆန်ဈေးမြင့်ပြီး ဝယ်ယူကြသောကြောင့် ဆန်းစပါးဈေးနှုန်းများမြင့်တက်ရခြင်းဖြစ်ကြောင်း  သိရှိရပါသည်။

      မကွေးတိုင်းဒေသကြီးအတွင်း မင်းဘူးခရိုင်၊ မင်းဘူး၊ ပွင့်ဖြူ၊ စလင်းနှင့် မကွေးခရိုင်၊ မြို့သစ်၊ တောင်တွင်းတို့တွင် ဧရာပဒေသာစပါးကိုအဓိကစိုက်ပျိုးကြပြီး (၉.၁.၂၀၂၄)ရက်နေ့ တွင်ဖြစ်ပေါ်နေသော စပါးဈေးနှုန်းများမှာ ဧရာပဒေသာ(၁)တင်းလျှင် ကျပ်(၃၅၀၀၀)၊ မနောသုခ(သစ်)(၁)တင်းလျှင် ကျပ်(၂၃၀၀၀)၊ ဧည့်မထနွေ(အဟောင်း)(၁)တင်းလျှင် ကျပ်(၂၂၀၀၀)၊ ဧည့်မထမိုး(အသစ်) ကျပ်(၁၉၀၀၀)ဖြစ်ပြီး ဆန်ဈေးနှုန်းများမှာ မကွေးခရိုင်တွင် ပေါ်ဆန်းမွှေး(၂၄)ပြည်ပါ (၁)အိတ်လျှင် ကျပ်(၁၆၀၀၀၀)၊ ဧရာပဒေသာ(၁)အိတ်လျှင် ကျပ်(၁၄၀၀၀၀)၊ မနောသုခ(၁)အိတ်လျှင် ကျပ်(၉၅၀၀၀)၊ ရတနာတိုး(၁)အိတ်လျှင် ကျပ်(၇၅၀၀၀)၊ မင်းဘူးခရိုင်တွင် ပေါ်ဆန်းမွှေး(၁)အိတ်လျှင် ကျပ်(၁၂၅၀၀၀)၊ ဧရာပဒေသာ(၁)အိတ်လျှင် ကျပ်(၁၃၀၀၀၀)၊ မနောသုခ(၁)အိတ်လျှင် ကျပ်(၈၅၀၀၀)၊ သရက်ခရိုင်တွင် ပေါ်ဆန်းမွှေး(၁)အိတ်လျှင် ကျပ်(၁၄၀၀၀၀)၊ ဧရာပဒေသာ(၁)အိတ်လျှင် ကျပ်(၁၀၅၀၀၀)၊ မနောသုခ(၁)အိတ်လျှင် ကျပ်(၈၀၀၀၀)၊ အောင်လံခရိုင်တွင် ပေါ်ဆန်းမွှေး(၁)အိတ်လျှင် ကျပ်(၁၆၈၀၀၀)၊ ဧရာပဒေသာ(၁)အိတ်လျှင် ကျပ်(၁၂၅၀၀၀)၊ မနောသုခ(၁)အိတ်လျှင် ကျပ်(၇၅၀၀၀)၊ ရတနာတိုး(၁)အိတ်လျှင် ကျပ်(၆၅၀၀၀)၊ ချောက်ခရိုင်တွင် ပေါ်ဆန်းမွှေး(၁)အိတ်လျှင် ကျပ် (၁၅၀၀၀၀)၊ ဧရာပဒေသာ(၁)အိတ်လျှင် ကျပ်(၁၅၀၀၀၀)၊ မနောသုခ(၁)အိတ်လျှင် ကျပ်(၉၀၀၀၀)၊ ရတနာတိုး(၁)အိတ်လျှင် ကျပ်(၇၀၀၀၀)၊ ပခုက္ကူခရိုင်တွင် ပေါ်ဆန်းမွှေး(၁)အိတ်လျှင် ကျပ်(၁၃၅၀၀၀)၊ ဧရာပဒေသာ(၁)အိတ်လျှင် ကျပ်(၁၂၅၀၀၀)၊ မနောသုခ(၁)အိတ်လျှင် ကျပ်(၉၀၀၀၀)၊ ဂန့်ဂေါခရိုင်တွင် ပေါ်ဆန်းမွှေး(၁)အိတ်လျှင် ကျပ်(၁၆၀၀၀၀)၊ ဧရာပဒေသ(၁)အိတ်လျှင် ကျပ်(၁၃၁၀၀၀)၊ မနောသုခ(၁)အိတ်လျှင် ကျပ် (၁၀၀၀၀၀)တို့ဖြင့် အရောင်းအဝယ်ဖြစ်လျက်ရှိကြောင်း၊ ကုန်ဇောင်းဧရာပဒေသာဆန်မှာ ဆီးချိုသမားများ ဝယ်ယူစားသုံးမှုများ၍ ရွှေဘိုပေါ်ဆန်းဈေးနှုန်းနှင့်အတူတူဖြစ်ကြောင်းသိရှိရပါသည်။

   မကွေးတိုင်းဒေသကြီး၊ မကွေးမြို့သို့ ၂၀၂၄ခုနှစ်၊ ဇန်နဝါရီလ (၁-၁-၂၀၂၄)ရက်နေ့မှ (၉-၁-၂၀၂၄) ရက်နေ့အထိ အခြားတိုင်းဒေသကြီး/ ပြည်နယ်များမှ ဆန်စီးဝင်မှုမှာ စပါးအဓိကစိုက်ပျိုးထွက်ရှိသည့် ဧရာဝတီတိုင်းမှ ဆန်(၁၄၇၂၂)အိတ်၊ မန္တလေးတိုင်းမှ (၅၄၀)အိတ်၊ ရန်ကုန်တိုင်းမှ (၁၁၃၀)အိတ်၊ ပဲခူးတိုင်းဒေသကြီးမှ (၁၅၂၃)အိတ်၊ စုစုပေါင်း (၁၇၉၁၅)အိတ်၊ (၈၉၅.၇၅)တန်စီးဝင်ခဲ့ကြောင်းသိရှိရပါသည်။

DOCA(မကွေး)

    ငါးပိနှင့်တို့စရာတို့ကို မြန်မာထမင်း၊ ဟင်း၊ ဟင်းချိုတို့နှင့်အတူ မြန်မာလူမျိုးတို့ အဓိကစားသုံးလျက်ရှိပြီး ထမင်းကို ဟင်းနှင့်တွဲဖက်၍ မစားရစေကာမူ ငါးပိ၊ တို့စရာတို့နှင့်တွဲဖက်၍ မစားရလျှင် ထမင်းမြိန်မြိန်စားသောက်ရသည်ဟု မြန်မာတို့က မယူဆကြောင်း၊  အထူးသဖြင့် တောင်သူလယ်သမားနှင့် အခြေခံလူတန်းစားများမှာမူ ငါးပိကို မပါမဖြစ် အဓိက အစားအစာတစ်ခုအဖြစ် စားသုံးလျက်ရှိပါသည်။

    ရာသီပေါ် ခံတက်ရွက်နုများကို အချဉ်တည်ကာ တို့စရာခံတက်ချဉ်များအဖြစ် အချဉ်ဖောက်ကာ ရောင်းချလျက်ရှိပြီး အရောင်းအဝယ်ဖြစ်လျက်ရှိသည့်အပြင် လက်သုပ်အဖြစ် သုပ် စားလေ့ရှိကြသည်။ ပုသိမ်မြို့ဒေသအနီးရှိ ရပ်ကွက်များနှင့် ကျေးရွာများမှ (၃) ရက်ခြားတစ်ခါပြုလုပ်၍ ပုသိမ်မြို့အတွင်းရှိစျေးကွက်သို့ တင်ပို့ရောင်းချပြီး မိသားစုအပိုဝင်ငွေရရှိလျက် ရှိ‌ကြောင်းသိရသည်။

    ခံတက်ရွက်နုနုကို ဦးစွာပထမ ဆားရည်စိမ်၍ (၁) ညသိပ်ပြီး နောက်နေ့နံနက်လျှင် ရေအသစ်လဲကာ အိုးသန့်သန့်ထဲသို့ထည့်၍ ဆန်ဆေးရေ၊ ဆား၊ ထမင်းအနည်းငယ်ကိုထည့်၍ ဖက်လုံလုံ ဖြင့်ပိတ်ထား၍ အချဉ်တည်ကြပါသည်။ တချို့မှာမူ မန်ကျည်းမှည့်ဖြင့်ပြုတ်၍လည်း အချဉ်တည်စားသုံးလျက်ရှိသည့်အပြင် ခံတက်ချဉ်ကို ခရမ်းချဉ်သီးငါးပိချက်၊ ငါးငါးပိရည်ကျို၊ ငရုတ်သီး စပ်စပ်ဟင်းများနှင့်တွဲကာ တို့စရာအဖြစ် တွဲဖက်စားသောက်လေ့ရှိပြီး ဈေးနှုန်းမှာ ခံတက်ချဉ်တစ်စည်းလျှင် (၂၀၀-၃၀၀-၄၀၀) ကျပ်ဈေးနှုန်းတို့ဖြင့် ဈေးကွက်၌ အသီးသီးရောင်းချလျက် ရှိကြောင်းသိရှိရပါသည်။

DOCA(ဧရာဝတီ)