ပြည်တွင်းကုန်သွယ်မှုသတင်း

     ဧရာဝတီတိုင်းဒေသကြီး၊ ပင်လယ်ကမ်းခြေနှင့်နီးကပ်လျက်ရှိသော ငပုတောမြို့နယ်အတွင်းရှိ  ဟိုင်းကြီးကျွန်းကျေးရွာ၊ မော်တင်၊ ဇီးချိုင်၊ ကံချိုင်၊ စံပြကျေးရွာ၊ သက္ကသောင်၊ သမ္မာဒေဝ၊ တောင်ကလေးကျေးရွာများနှင့် အခြားကျေးရွာများ၊ ချောင်းသာ၊ ငွေဆောင်ဝန်းကျင်ကျေးရွာများတွင် ရေချို၊ ရေငန်ပုစွန်များကိုဖမ်းဆီးလျက်ရှိပြီး ပုသိမ်ဈေးကွက်သို့ လာရောက်ရောင်းချလျက်ရှိကြောင်း ဈေးကွက်မှသိရသည်။

     ပုသိမ်ဈေးကွက်တွင် ဒေသတွင်းစားသုံးရန်နှင့် ရန်ကုန်ဈေးကွက်သို့ အဓိကတင်ပို့ရောင်းချလျက်ရှိပြီး ဂရမ်၂၅၀အထက် ပုစွန်ဈေးမှာ ၁ပိဿာလျှင် ၈၅၀၀၀ကျပ်၊ ဂရမ် ၂၀၀အထက်ဈေးမှာ ၁ပိဿာလျှင် ၆၅၀၀၀ကျပ်ဈေးနှုန်းနှင့် ဂရမ်၅၀မှ ဂရမ်၁၀၀အတွင်း (၅၀၀၀၀/၆၀၀၀၀) ကျပ်ဈေးနှုန်းခန့်၊ ပုစွန်အရွယ်အစားအလိုက် (၂၀၀၀၀/၄၀၀၀၀) ကျပ်အတွင်းရှိ ပုစွန်များကိုလည်း ဈေးကွက်အတွင်း ရောင်းချလျက်ရှိကြောင်းသိရသည်။

       ပုသိမ်ဈေးကွက်မှ ပြည်ပဈေးကွက်သို့ တိုက်ရိုက်တင်ပို့ရောင်းချမှုမရှိဘဲ ရန်ကုန်မြို့ရှိ စံပြဈေးနှင့် ရွှေပိတောက်ပါးဈေးသို့ နေ့စဉ်တင်ပို့ရောင်းချလျက်ရှိပြီး ရန်ကုန်မြို့ရှိ ပြည်ပသို့တင်ပို့ရောင်းချသည့် ကုမ္ပဏီများ၊ အဝယ်တော်များက အဆိုပါဈေးများတွင်  ဂရမ်၂၀၀အထက်နှင့် ဂရမ်၂၅၀အထက်ပုစွန်များကို လာရောက်ဝယ်ယူလျက်ရှိကြပြီး အရှေ့တောင်အာရှနိုင်ငံများဖြစ်သော ယိုးဒယား၊ စင်္ကာပူ၊ အာရှနိုင်ငံများဖြစ်သော ဂျပန်နိုင်ငံနှင့် ဥရောပနိုင်ငံများသို့လည်းတင်ပို့ရောင်းချလျက်ရှိကြောင်း၊ ပုသိမ်ဈေးကွက်မှ ရေထွက်ပစ္စည်းများရောင်းချရာတွင် ရန်ကုန်မြို့ရှိ အဝယ်ဒိုင်များက ဖွင့်လှစ်သောဈေးနှုန်းဖြင့်သာရောင်းချရပြီး ရန်ကုန်မြို့ရှိ ပြည်ပသို့ပို့သော ကုမ္ပဏီများအနေဖြင့်လည်း အရည်အသွေး၊ ဝယ်လိုအား၊ ဈေးကွက်ပေါ်မူတည်၍ အရောင်းအဝယ်ပြုလုပ်ရကြောင်း ပုသိမ်မြို့ရေထွက်ပစ္စည်းရောင်းဝယ်ရေးလုပ်ငန်းရှင်ထံမှသိရှိရပါသည်။

DOCA(ဧရာဝတီ)

   မွန်ပြည်နယ်၊ ကျိုက်ထိုမြို့နယ်တွင် ကုန်ဈေးနှုန်းတည်ငြိမ်ရေးအတွက် ကိုယ်တိုင် စိုက်ပျိုး မွေးမြူထုတ်လုပ် ဖြန့်ဖြူးသူများက သက်သာသော ဈေးနှုန်းများဖြင့် စားသောက်ကုန် ပစ္စည်းများ ရောင်းချပေးခြင်းကို ခရိုင်နှင့်မြို့နယ်စီမံအုပ်ချုပ်ရေးအဖွဲ့မှ ဦးဆောင်၍ ဇွန် ၂၈ ရက်နေ့ နံနက် (၀၇:၀၀)နာရီက မြို့မဈေးဝင်းအတွင်း ရောင်းချပေးလျက်ရှိကြောင်း သိရသည်။      

    ယင်းသို့ ရောင်းချရာတွင် အခြေခံစားသောက်ကုန်ပစ္စည်းများဖြစ်သည့် အမဲသား တစ်ပိဿာ (၁၃၀၀၀) ကျပ်၊ ဝက်သား တစ်ပိဿာ (၁၂၅၀၀) ကျပ်၊ ကြက်သား တစ်ပိဿာ (၁၀၀၀၀) ကျပ်၊ ဧည့်မထဆန်(၁)ပြည် (၃၂၀၀)ကျပ်၊ စားအုန်းဆီတစ်ပိဿာ (၆၀၂၅)ကျပ်၊ ကြက်ဥ(၁)လုံး (၃၀၀)ကျပ်၊ ငါးတန်တစ်ပိဿာ(၅၀၀၀)ကျပ်၊ ငါးမြစ်ချင်း တစ်ပိဿာ (၅၅၀၀)ကျပ်၊ ငါးမုတ်တစ်ပိဿာ (၅၅၀၀)ကျပ် စသည့် စားကုန်ပစ္စည်းများအား သက်သာချောင်ချိသည့် ဈေးနှုန်းဖြင့်ရောင်းချပေးခဲ့ရာ အများပြည်သူများမှ စနစ်တကျ ဝယ်ယူအား‌ပေးခဲ့ကြောင်း သိရသည်။

     အဆိုပါရောင်းချမှုအား ခရိုင်စီမံအုပ်ချုပ်ရေးအဖွဲ့ အတွင်းရေးမှူးဒုတိယရဲမှူးကြီး ဆန်းနိုင်ဦးနှင့် အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးတင့်လွင်နှင့် အဖွဲ့ဝင်များက ကြည့်ရှုအားပေးခဲ့ကြရာ ဝယ်ယူအားပေးသူများက ကျေးဇူးတင်စကားပြောကြားပြီး အပတ်စဉ်ဆောင်ရွက်ပေးပါရန် တောင်းဆိုခဲ့ကြောင်း သိရသည်။

DOCA(မွန်)

      မြန်အောင်ခရိုင်အတွင်းရှိ မြို့နယ်များတွင် ၂၀၂၃-၂၀၂၄ ခုနှစ် မိုးမြေပဲများစိုက်ပျိုးလျက်ရှိရာ မြန်အောင်မြို့နယ်တွင် စိုက်ဧက ၇၂၁၂ဧကစိုက်ပျိုးခဲ့ပြီး ၇၂၁၂ဧကရိတ်သိမ်း၍ ၅၃၆၂၁၂တင်းထွက်ရှိခဲ့ကာ တစ်ဧကထွက်နှုန်းအနေဖြင့် ၇၄တင်းထွက်ရှိကြောင်းသိရသည်။ ကြံခင်းမြို့နယ်တွင် စိုက်ဧက ၄၉၉၇ဧကစိုက်ပျိုးခဲ့ပြီး ၄၉၉၇ဧကရိတ်သိမ်း၍ ၃၀၄၈၁၇တင်းထွက်ရှိခဲ့ကာ တစ်ဧကအထွက်နှုန်းအားဖြင့် ၆၁တင်း ထွက်ရှိကြောင်းသိရသည်။ အင်္ဂပူမြို့နယ်တွင် စိုက်ဧက ၂၉၅၂ဧကစိုက်ပျိုးခဲ့ပြီး ၂၉၅၂ဧကရိတ်သိမ်း၍ ၁၆၆၁၀၉တင်းထွက်ရှိကာ တစ်ဧကအထွက်နှုန်းအားဖြင့် ၅၆တင်းထွက်ရှိကြောင်းသိရသည်။

        မိုးမြေပဲကို မေလနှင့် ဇွန်လတို့တွင် စတင်စိုက်ပျိုးပြီး အောက်တိုဘာလနှင့် နိုဝင်ဘာလတို့တွင်ရိတ်သိမ်း၍ လက်ရှိမြေပြင်၌ မိုးမြေပဲဆန်အရောင်းအဝယ်ဖြစ်လျက်ရှိသည့် ဈေးနှုန်းမှာ မြေပဲလုံးဆန်တစ်ပိဿာလျှင် ကျပ်၈၀၀၀ခန့်နှင့် မြေပဲဆီတစ်ပိဿာလျှင် ကျပ်၁၆၀၀၀ခန့်အထိပေါက်ဈေးရှိနေပြီး မြေပဲဆန်အရည်အသွေးကောင်းမွန်မှုပေါ်မူတည်၍ အရောင်းအဝယ်ဖြစ်ပေါ်လျက်ရှိကြောင်းသိရပါသည်။

DOCA(ဧရာဝတီ)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်း များဆောင်ရွက်လျက်ရှိပြီး ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန်ဟူသော မျော်မှန်းချက်နှင့်အညီ အသင်းအဖွဲ့များ၊ အစုအဖွဲ့များဖွဲ့စည်း ပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံးများ၏ သီးနှံဈေးနှုန်းများနှင့် အရောင်းအဝယ်ဖြစ်မှုများကိုလည်း  တင်း/ တန်စာရင်းတို့ဖြင့် အပတ်စဉ်၊ လစဉ် တင်ပြလျက်ရှိပါ သည်။

      ကန့်ဘလူပွဲရုံများအနေဖြင့် ၂၀၂၄ခုနှစ်၊ ဇွန်လအတွင်းပွဲရုံသို့ ဝင်ရောက်အရောင်းအဝယ်ဖြစ်နေ သော သီးနှံအမျိုးအစား၏ ဒေသပေါက်ဈေးနှုန်းများ အဝင်/အထွက်တင်းများ၏ အရောင်းအဝယ်ဖြစ်မှု အခြေအနေများမှာ ကုလားပဲ v2 (၃၇၅)တင်းဈေးနှုန်းမှာ (၈၃၀၀၀)ကျပ်၊ ကုလားပဲ 929 (၄၀၅၀)တင်းဈေးနှုန်းမှာ (၈၀၀၀၀)ကျပ်၊ ကုလားပဲ ထိုင်ဝမ်(၁၀၅)တင်းဈေးနှုန်းမှာ (၇၅၀၀၀)ကျပ်၊ မတ်ပဲအမျိုးအစား (၇၄၂.၅)တင်းဈေးနှုန်းမှာ (၁၀၃၀၀၀)ကျပ်၊  ပဲတီစိမ်း(၂၂၅၀)တင်းဈေးနှုန်းမှာ (၆၃၀၀၀)ကျပ် ပဲစင်းငုံ (နီ)(၂၄၇.၅)တင်းဈေးနှုန်းမှာ (၁၄၀၀၀၀)ကျပ်၊ ပဲစင်းငုံ (ဖြူ)(၇၈)တင်းဈေးနှုန်းမှာ (၁၃၃၀၀၀)ကျပ်၊ ကြက်ဆူ(၁၈၁.၅)တင်းဈေးနှုန်းမှာ (၃၇၀၀၀)ကျပ် ၊ ထောပတ်ပဲ(၈၁)တင်းဈေးနှုန်းမှာ(၁၃၀၀၀၀)ကျပ်၊ စွန်တာနီပဲ(၃၃)တင်းဈေးနှုန်းမှာ (၅၈၀၀၀)ကျပ်၊ ပဲဇီးကွက်(၁၃၀.၅)တင်းဈေးနှုန်းမှာ (၅၇၀၀၀)ကျပ်၊ နေကြာ(၁၃၉.၅)တင်းဈေးနှုန်းမှာ (၃၅၀၀၀)ကျပ်၊ မြေပဲဆန်(အဖြူ)(၄၅)တင်းဈေးနှုန်းမှာ (၁၁၀၀၀၀)ကျပ်၊ ဘိလပ်စေ့(၁၉၂)တင်းဈေးနှုန်းမှာ (၇၂၀၀၀)ကျပ်၊ နှံစားပြောင်း(ခေါ်)နွားစာပြောင်း(နီ/ဖြူ)(၉၄.၅)တင်းဈေးနှုန်းမှာ (၂၀၀၀၀)ကျပ်နှင့် ပြောင်းဆန်(၃၀၀)တင်းဈေးနှုန်းမှာ (၂၀၀၀၀)ကျပ် စသည်ဖြင့် အသီးသီးပေါက်ဈေးရှိကြောင်းသိရသည်။

     ယခုရာသီကာလတွင် ကုလားပဲများနှင့်ပဲတီစိမ်းများ လှိုင်လှိုင်ထွက်ရှိချိန်ဖြစ်ပြီး ယခင်မေလပေါက်ဈေးနှုန်းနှင့်နှိုင်းယှဉ်ကြည့်မည်ဆိုပါက ကုလားပဲ(ထိုင်ဝမ်) တစ်တင်းလျှင် (၂၀၀၀)ကျပ်၊ မတ်ပဲတစ်တင်းလျှင် (၆၀၀၀)ကျပ်၊ ပဲစင်းငုံ(ဖြူ/နီ)တစ်တင်းလျှင် (၁၀၀၀)ကျပ်၊ ကြက်ဆူစေ့တစ်တင်းလျှင် (၇၅၀၀)ကျပ်၊ နေကြာတစ်တင်းလျှင် (၂၀၀၀)ကျပ်ဈေးနှုန်းဖြင့် အနည်းငယ်မြင့်တက်လျက်ရှိကြောင်းနှင့် မိမိတို့ပွဲရုံမှသီးနှံများကို မန်းလေးမြို့၊ ဇောတိကပွဲရုံတစ်ခုတည်းကိုသာ တင်ပို့ရောင်းချလျက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိပါသည်။

DOCA(စစ်ကိုင်း)

၄.၇.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။