စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ  ကုန်မျိုးစုံရောင်းဝယ်ရေးဆိုင်များတွင် နေကြာစေ့လှော်များကို ရွှေဘိုမြို့နှင့်မန္တလေးမြို့တို့မှ မှာယူရောင်းချလျက်ရှိကြောင်း၊ နေကြာစေ့လှော်ကို  အပျင်းပြေသရေစာအဖြစ် စားသုံးကြကြောင်း သိရှိရပါသည်။ ၂၀၂၅ ခုနှစ်၊ စက်တင်ဘာလ ပထမပတ် အတွင်း ကန့်ဘလူမြို့ရှိ ကုန်မျိုးစုံဆိုင်များတွင်  နေကြာစေ့လှော် လက္ကားတစ်ပြည်လျှင် (၇၅၀၀)ကျပ်၊ လက်လီတစ်ပြည်လျှင် (၇၈၀၀)ကျပ်၊ နို့ဆီဘူး(၄)ဘူးလျှင် (၄၀၀၀)ကျပ်နှင့် နို့ဆီဘူး(၁)ဘူးလျှင် (၁၀၀၀) ကျပ်တို့ဖြင့် ရောင်းချလျက်ရှိကြောင်း ကုန်မျိုးစုံရောင်းချသည့် လုပ်ငန်းရှင်များထံမှ သိရှိရသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရာသီပေါ်ဟင်းသီးဟင်းရွက်များ ဖြစ်သည့် ဂွေးတောက်ရွက်၊ ကန်စွန်းရွက်၊ မုံညှင်းရွက်၊ ဆူးပုတ်ရွက်၊ ငရံ့ပတူရွက်နှင့် ကြက်တက်ရွက်များ နေ့စဉ်ရောင်းချလျက်ရှိကြောင်း သိရသည်။

    ၂၀၂၅ ခုနှစ်၊ စက်တင်ဘာလ ပထမပတ်အတွင်း ကန့်ဘလူမြို့မဈေးတွင် ရောင်းချနေသော  ကြက်တက်ရွက်ပြုတ် တစ်လုံးလျှင်(၅၀၀)ကျပ်၊ (၅၀)ကျပ်သားလျှင် (၃၅၀၀)ကျပ်နှင့် (၁၀)ကျပ်သား လျှင်(၇၀၀)ကျပ်ဖြင့်လည်းကောင်း၊ ငရံ့ပတူရွက်(၁)စည်းလျှင် (၃၀၀)ကျပ်၊   ငရံ့ပတူရွက် ပြုတ်တစ်လုံး လျှင်(၅၀၀)ကျပ်၊ (၄)လုံးလျှင် (၂၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ဈေးသည်များထံမှ သိရှိရသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကို စိုက်ပျိုးရောင်း ချသည့်အပြင်၊ ဒေသထွက် ရိုးရာလက်လုပ်ချဉ်များ ပြုလုပ်ရောင်းချပြီး မိသားစုစားဝတ်နေရေးအတွက် အထောက်အပံ့များရရှိကာ အဆင်ပြေလျက်ရှိကြောင်း၊ ပဲပင်ဖောက်ရာတွင် ပဲတီစိမ်းနှင့် မတ်ပဲတို့ကို အသုံးများကြောင်း၊ အသုံးပြုမည့်ပဲကို ကြိုတင်ရေစိမ်ထားရကြောင်း၊ ရရှိလာသောပဲပင်ပေါက်များကို သန့်ရှင်းအောင်ပြုလုပ်ပြီး ပဲချဉ်ပြုလုပ်ရကြောင်း သိရှိရသည်။

       ၂၀၂၅ ခုနှစ်၊ စက်တင်ဘာလ ပထမပတ်အတွင်း ကန့်ဘလူမြို့၊ မြို့မဈေး၌ဖြစ်ပေါ်နေသော ပဲပင်ပေါက်ဈေးနှုန်းမှာ ပဲပင်ပေါက် လက္ကားတစ်ပိဿာလျှင် (၄၀၀၀)ကျပ်၊ လက်လီတစ်ပိဿာလျှင် (၄၃၀၀)ကျပ်၊ (၁၀)ကျပ်သားလျှင်(၄၅၀)ကျပ်နှင့် ပဲချဉ်လက္ကားတစ်ပိဿာလျှင် (၄၀၀၀)ကျပ်၊ လက်လီတစ်ပိဿာလျှင် (၄၂၀၀)ကျပ်၊ (၅၀)ကျပ်သားလျှင် (၂၁၀၀)ကျပ်ဖြင့် အရောင်းအဝယ်ဖြစ် လျက်ရှိကြောင်း ၊ ပဲပင်ပေါက်နှင့် ပဲချဉ်ရောင်းချသည့် လုပ်ငန်းရှင်များထံမှ သိရှိရသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများ ဆောင်ရွက်လျက်ရှိသလို   စားသုံးသူများ နေ့စဉ်ဝယ်ယူသုံးစွဲလျက်ရှိသည့် အခြေခံစားသောက်ကုန် များ၏ ဈေးနှုန်း၊ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။

   ၂၀၂၅ ခုနှစ်၊ စက်တင်ဘာလ ပထမပတ်အတွင်း ကန့်ဘလူမြို့မဈေးတွင် တီလားဗီးယားငါး အကြီး(၁)ပိဿာလျှင် (၁၅၀၀၀)ကျပ်၊  အသေး(၁)ပိဿာလျှင် (၁၂၀၀၀)ကျပ်နှင့် (၂၅)ကျပ်သား လျှင်(၄၀၀၀)ကျပ်၊ ငါးဘတ်(၁)ပိဿာလျှင် (၂၇၀၀၀)ကျပ်၊  ငါးရံ့(၁)ပိဿာ (၂၅၀၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခုပတ်အတွင်း တီလားဗီးယားငါး(၁)ပိဿာလျှင် (၁၀၀၀)ကျပ် ဈေးနှုန်းကျဆင်းသွားကြောင်း ငါးရောင်းဝယ်ရေး လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

      မအူပင်မြို့နယ်တွင် ဟင်းသီးဟင်းရွက် အမျိုးမျိုး စိုက်ပျိုးကြပြီး ပဲတောင့်ရှည်သီးနှံကိုလည်း စိုက်ပျိုးကြောင်း သိရသည်။ ဒေသပဲတောင့်ရှည် ကို ခြံမြေများတွင်လည်းကောင်း၊ လယ်မြေများတွင်လည်းကောင်း စိုက်ပျိုးကြပြီး စျေးကောင်းရရှိသဖြင့် မိသားစု တစ်ပိုင်တစ်နိုင် စိုက်ပျိုးရာမှ စီးပွားဖြစ်တိုးချဲ့စိုက်ပျိုးလာကြကြောင်း သိရသည်။

          မအူပင်ဈေးကွက်အတွင်း ပဲတောင့်ရှည် ရောင်းချနေမှု ဈေးနှုန်းမှာ ၁၀တောင့် တစ်စီးကို ၈၀၀နှုန်းဖြင့် အရောင်းအဝယ်ဖြစ်နေပြီး ဈေးကောင်းမွန်နေသည်။ ဧ၌ြီစိုက်ပျိုးထွက်ရှိသော ပဲတောင့်စီးဈေးမှာ ၁၀တောင့်တစ်စီးလျှင် ၅၀၀ကျပ်သာ ရောင်းချနေရပြီး ယခု ဩဂုတ်လနှင့် စက်တင်ဘာလ ၂ရက်နေ့တွင်  ပဲတောင့်ရှည် ဈေးကောင်းမွန်နေပြီး  အတောင့် ၁၀၀ပါ ၁စီးလျှင် ၈၀၀၀ကျပ်ထိ အရောင်းအဝယ်ဖြစ်နေသည်။ ပဲသီးကို စိုက်ပျိုးသူများပြားကြပြီး မအူပင်ဒေ သတွင်းတွင် နွေ။ မိုး၊ ဆောင်း စိုက်ပျိုးထွက်ရှိနေ၍   စိုက်ပျိုးသူများ ဈေးကောင်းမွန်ခြင်းကြေင့် အပိုဝင်ငွေရရှိနေကြောင်း ကုန်စိမ်းရောင်းချသူထံမှ သိရသည်။

       ပဲတောင့်ရှည်သီးနှံသည် နေ့စဉ်စားသုံးနေကြဟင်းလျာထဲမှ အရံဟင်းတစ်မျိုးဖြစ်သည်။ စားသောက်ဆိုင်များ တွင်လည်း ပဲတောင်ရှည်အကြော်မျိုးလုပ်၍ ရောင်းချသလို၊ အချိုကဆိုလျှင် အစိမ်းလိုက်စားချင်းမျိုးလဲ ရှိသည်။ မုန့်ဟင်းခါး ပွဲတွင်လည်း ပါးပါးလှီးကာ ထည့်၍ စားတက်ကြသေးသည်။ ပဲတောင့်ရှည်စားခြင်းဖြင့် ဗီတာမင်၊ သတ္ထုဓါတ်များ ကြွယ်ဝစွာပါဝင်၍ စားသုံးသင့်ပါသည်။

DOCA(ဧရာဝတီ)