၂၀၂၅ခုနစ်၊ စက်တင်ဘာလ ပထမပတ်အတွင်း ရောင်းချလျက်ရှိသော မြင်းခွာရွက်စျေးနှုန်း မှာ ၅ ကျပ်သားလျှင် (၅၀၀) ကျပ်နှုန်း၊ ၁၀ကျပ်သားလျှင်(၁၀၀၀) ကျပ်နှုန်း ဖြင့်ရောင်းချ လျက်ရှိ ကြောင်း စျေးရောင်းသူများထံမှ သိရပါသည်။ ဆူးပုတ်ရွက်ဈေးနှုန်းမှာ ၁ စီးလျှင် (၂၀၀) ကျပ်နှုန်းဖြင့်လည်ကောင်း ၅ စီးတစ်စီးလျှင် (၁၀၀၀)ကျပ်ဖြင်းလည်ကောင်း ရောင်းချလျက်ရှိကြောင်း စျေးရောင်းသူများထံမှ သိရပါသည်။
(DOCA ဧရာဝတီ)
ယခုအခါ နံနံပင်နှင့် ပင်စိမ်းပင်များကို စိုက်ပျိုးကြကြောင်း၊ နံနံပင်နှင့် ပင်စိမ်းပင်များကို ပုသိမ်မြို့မဈေးတွင်ရောင်း ချကြောင်း၊ ၂၀၂၅ခုနှစ်၊ စက်တင်ဘာလ ပထမပတ်အတွင်း နံနံပင်(၁)စည်းလျှင်(၂၀၀)ကျပ်၊ (၃)စည်း လျှင်(၅၀၀)ကျပ်၊(၇)စည်းလျှင်(၁၀၀၀)ကျပ်နှင့် ပင်စိမ်း(၁)စည်းလျှင် (၂၀၀)ကျပ်၊ (၃)စည်းလျှင် (၅၀၀)ကျပ်ဖြင့် အရောင်းအဝယ်ဖြစ် လျက်ရှိကြောင်း၊ နံနံပင်နှင့်ပင်စိမ်းပင်များကို အိမ်ရှင်မများ ဟင်းချက်ရာတွင်လည်း ကောင်း၊ နံနံပင်များကို မုန့်ဟင်းခါးဆိုင်များနှင့် အသုပ်ဆိုင်များမှအများဆုံး ဝယ်ယူကြသဖြင့် အရောင်းအဝယ်သွက်လျက်ရှိကြောင်း မြို့မဈေးရှိ ကုန်စိမ်းရောင်းချသူ တစ်ဦးထံမှ သိရှိရပါသည်။
(DOCA ဧရာဝတီ)
(DOCA ဧရာဝတီ)
(DOCA ဧရာဝတီ)
နဂါးမောက်သီးပင်များသည် အပူပိုင်းဒေသရာသီဥတုရှိရာ နေရာအနှံ့အပြားတွင် စိုက်ပျိုး ဖြစ်ထွန်းပြီး ရေငတ်ခံနိုင်သော ရှားစောင်းနွယ်ဝင်အပင်တစ်မျိုးဖြစ်သည်။ ယခုအခါတွင် မြန်မာ ပြည်အနှံ့ စိုက်ပျိုးလာကြောင်း တွေ့ရှိရသည်။ နဂါးမောက်သီးတွင် အဖြူ၊ အနီ၊ အဝါ သုံးမျိုးရှိရာ စားသုံးသူများမှာ အနီသီးကို ပိုမိုနှစ်သက်ကြသည်။
စက်တင်ဘာလပထမအပတ်အတွင်း ဖြစ်ပေါ်နေသော နဂါးမောက်သီးဈေးနှုန်းမှာ နဂါးမောက်သီး အသေး (၁)လုံး လျှင် (၅၀၀) ကျပ်၊ နဂါးမောက်သီး အလတ်(၁)လုံးလျှင် (၇၀၀) ကျပ်နှင့် နဂါးမောက်သီး အကြီး (၁)လုံးလျှင် (၁၀၀၀) ကျပ်အထိရောင်းချလျက်ကြောင်း နဂါးမောက်သီး ရောင်းချသူထံမှ သိရှိရပါသည်။
(DOCA ဧရာဝတီ)
ပုသိမ်မြို့ တစ်ရက်လျှင် နာနတ်သီး ကား ၃ စီးမှ ၅ စီးအထိ ဝင်ရောက်နေပြီး တစ်စီးလျှင် နာနတ်သီး အလုံးရေ ၅၀၀၀ ကျော်ပါရှိကြောင်း သိရသည်။ နာနတ်သီး ဈေးနှုန်းများမှာ အလုံးကြီးတစ်လုံးလျှင် ၃၅၀၀ ကျပ်၊ အလတ်တစ်လုံးလျှင် ၃၀၀၀ ကျပ်၊ အသေး တစ်လုံးလျှင် ၂၅၀၀ ကျပ်တို့ဖြင့် ရောင်းချလျက်ရှိပြီး အရောင်းအဝယ်သွက်နေကြောင်း သိရသည်။
(DOCA ဧရာဝတီ)
ပုသိမ်မြို့နယ်တွင် စပါး၊ ကြက်သွန်၊ ငရုတ်၊ နှမ်းကို အဓိကထား စိုက်ပျိုးကြသော်လည်း ကျေးလက်နေတောင်သူများသည် ဆေးဖက်ဝင် အပင်တစ်မျိုးဖြစ်သည့် ဒန့်သလွန်ပင်များကို စီးပွားဖြစ်စိုက်ပျိုးခြင်း ၊ မိမိတို့ခြံ အိမ်ဝန်းအတွင်း မိသားစုတစ်ပိုင်တစ်နိုင် စားသုံးရန်နှင့် အပိုဝင်ငွေရရှိအောင် စိုက်ပျိုးကြပါသည် ။ ဒန့်သလွန်ပင်ကို ရာသီဥတု မရွေး စိုက်ပျိုးနိုင်ပြီး နှုန်းဆန်သောမြေတွင် ရှင်သန်ကြီးထွားဖြစ်ထွန်းမှု မြန်ဆန်ကြောင်း သိရှိရပါသည်။ ရေမဝပ် သော မြေတွင်စိုက်ပျိုးပါကလည်း ပိုမိုဖြစ်ထွန်းနိုင်ကြောင်း သိရှိရပါသည်။ ဒန့်သလွန်ပင် ကို အစေ့ချတိုက်ရိုက်စိုက်ပျိုးကြသလို ၊ ကိုင်းဖြတ်စိုက်ပျိုးနည်းဖြင့်လည်း စိုက်ပျိုး၍ရနိုင်ကြောင်း ၊ ကိုင်းဖြတ်စိုက်ပျိုးသော ဒန့်သလွန်ပင်သည် (၂)နှစ်သားအရွယ်တွင် စတင်အသီးပွင့်ကြောင်း သိရှိရ ပါသည်။ ယနေ့ခေတ်တွင် တောင်သူများသည် (၆)လမျိုးဖြစ်သော ဒန့်သလွန်မျိုးများကို စိုက်ပျိုး လာကြသည်ကိုလည်းတွေ့ရှိရပါသည်။ ဖေဖော်ဝါရီလ၊ မတ်လ၊ ဧပြီလ များတွင် ဒန့်သလွန်သီးများ မြိုင်မြိုင်သီးသောလများဖြစ်ပါသည်။ ဒန့်သလွန်ပင် တစ်ပင်တွင် တစ်နှစ်ပတ်လုံး ဒန့်သလွန်သီး (၆၅၀) ခန့် ထိသီးကြောင်း သိရှိရပါသည်။ ယခုအခါ ဒန့်သလွန်သီးများ ပေါ်ကာစဖြစ်၍ လက်ကားဈေးနှုန်း အနေဖြင့် (၃)ထောင့် တစ်စီးလျှင် (၃၀၀)ကျပ်၊ (၅)ထောင့် တစ်စီးလျှင် (၅၀၀)ကျပ်ဖြင့် ယူ၍ စျေးကွက်ထဲ၌ လက်လီ ဈေးနှုန်းအနေဖြင့် (၃)ထောင့် တစ်စီးလျှင် (၅၀၀)ကျပ်၊ (၅)ထောင့် တစ်စီး လျှင်(၇၀၀)ကျပ်ဖြင့် ရောင်းချကြောင်းသိရှိရပါသည် ။ ဒန့်သလွန်ပင်သည် ဆေးဖက်ဝင်သောကြောင့် အရွက်ကို ဟင်းချိုရည်ချက်၍ စားသုံးကြသလို အပွင့်ကို ရေနွေးဖျော်၍ အသုပ်သုပ်၍စားသုံးကြ ကြောင်း ၊ ဒန့်သလွန်သီးကို သီးစုံပဲကုလားဟင်း ချက်ပြုတ်၍ရနိုင်ကြောင်း သိရှိရပါသည်။ ဒန့်သလွန်အစေ့သည် သွေးတိုးရောဂါရှိသူများအတွက် အစေ့ကိုစားပါက ရောဂါသက် သာကြောင်း ၊ ဆေးဖက်လည်းဝင် ၊ စီးပွားလည်းဖြစ် ၊ မိသားစုဝင်ငွေ တိုးသောကြောင့် ဒန့်သလွန်ပင်ကို စိုက်ပျိုးသင့်ပါကြောင်း တောင်သူတစ်ဦး၏ ပြောကြားချက်အရ သိရှိရပါသည်။
(DOCA ဧရာဝတီ)
ပြည်ထောင်စုနယ်မြေ၊ နေပြည်တော်အတွင်း ဆီထွက်သီးနှံရိတ်သိမ်းမှုများတွင် နှမ်းနှင့် မြေပဲ ရိတ်သိမ်းမှုများတွင် နှမ်းနှင့်မြေပဲရိတ်သိမ်းမှုအားလုံး ပြီးစီးမှုရှိခဲ့သည်ကို တွေ့ရပါသည်။ နေကြာရိတ်သိမ်းနေဆဲနှင့် နေကြာစိုက်ခင်းအချို့ ပန်းပွင့်စ အနေအထားများကို တွေ့ရှိရပါသည်။ ဒေသတွင်း နှမ်း(နီ)ထွက်ရှိမှု ဆီကြိတ်ခွဲရန် အသုံးပြုမှုတွေ့ရှိရပြီး၊ နှမ်း(နက်)ထွက်ရှိမှုများအား မန္တလေးဈေးကွက်သို့ တင်ပို့ပါသည်။ နှမ်း(နီ)တစ်တင်း(၉၈၀၀၀)ကျပ်၊ နှမ်းနက်(၂၃၀၀၀၀) ဈေး နှုန်းရှိနေပါသည်။ မြေပဲ(အတောင့်) တစ်ပိဿာ (၄၂၀၀)ကျပ် ဈေးနှုန်းဖြစ်ပေါ်နေပါသည်။
ဈေးကွက်ဖြန့်ဖြူးရန် ကြိတ်ခွဲမှုပမာဏထက် နဝလီကြိတ်ခွဲမှု သုံးဆခန့်မြင့်တက်မှုရှိနေ သည်ကို တွေ့ရပါသည်။ မြေပဲဆံဈေးနှုန်း (၆၅၀၀)ကျပ်ခန့်ရှိလာသော်လည်း ဆီကြိတ်ဖတ်ဈေး နှုန်းမြင့်တက်ခဲ့မှုကြောင့် မြေပဲဆီဈေးနှုန်း မြင့်တက်မှု မရှိခဲ့ပါ။ မြေပဲဆီ (၁၆၀၀၀)ကျပ်၊ နှမ်းဆီ (၁၆၀၀၀)ကျပ်၊ နေကြာဆီ (၁၈၀၀၀)ကျပ် ဈေးနှုန်းဖြစ်ပေါ်မှုရှိနေပါသည်။
ဆီကြိတ်ဖတ် တင်ပို့မှု ရန်ကုန်နှင့် မန္တလေးသို့ တင်ပို့မှုရှိခဲ့ပြီး၊ မြေပဲဖတ်တင်ပို့မှု အများဆုံး ရှိခဲ့ပါသည်။ နှမ်းဖတ်ဒေသတွင်း မွေးမြူရေးလုပ်ငန်းများမှ ဝယ်ယူမှုများခဲ့သည်ဟု သိရှိရပါသည်။ နှမ်းဖတ်(၂၉၀၀)ကျပ်၊ မြေပဲဖတ်(၅၀၀၀)ကျပ်၊ နေကြာဖတ်(၂၁၀၀)ကျပ် ဈေးနှုန်းရှိနေကြောင်း သိရှိရပါသည်။
DOCA(နေပြည်တော်)
မုံရွာမြို့၊ ကျောက္ကာလမ်းဘေးတစ်လျောက်တွင် တွင်းမဒေသထွက် အုန်းသီးများနှင့် ရှမ်းပြည်နယ်၊ ကျောက်မဲမြို့မှ နာနတ်သီးများ အဓိက ဝင်ရောက်လျက်ရှိပြီး အရောင်းအဝယ် ဖြစ်လျက်ရှိကြောင်း သိရှိရပါသည်။ အုန်းပင်ကို အရွက်အလက်မှစ၍ အုန်းမြစ်အထိ လူသုံး ကုန်ပစ္စည်း အမျိုးမျိုးလည်း ပြုလုပ်နိုင်ပါသည်။ အုန်းသီးအသားကို စားသောက်ကုန်အမျိုးမျိုး အသုံးပြုနေကြပြီး အုန်းစိမ်းရည်ကို ကျန်းမာရေးအရ ဆေးဖက်ဝင်အဖြစ် သောက်သုံးနေကြ ပြီးလည်းဖြစ်ပါသည်။ နာနတ်သီးများမှာ အများအားဖြင့် အခွံနွှာ၍ အသင့်စားသုံးနိုင်သည့် အသီးဖြစ်သည့်အပြင် နာနတ်သီးဖျော်ရည်၊ နာနတ်သီးယို စသည်ဖြင့် ပြုလုပ်စားသုံးကြပါ သည်။
မုံရွာမြို့၊ ကျောက္ကာလမ်းဘေးတွင် ဖြစ်ပေါ်နေသော အုန်းသီးဈေးနှုန်းများမှာ အုန်းစိမ်း ရေသောက် အုန်းသီး အနု/အရင့် ပေါ်မူတည်၍ အုန်းသီးတစ်လုံးလျှင် (၂၇၀၀)ကျပ်မှ (၃၀၀၀)ကျပ်ထိ၊ နာနတ်သီးဈေးနှုန်း အနေဖြင့် နာနတ်သီးအကြီးတစ်လုံးလျှင် (၂၅၀၀)ကျပ်၊ အသေးတစ်လုံးလျှင် (၂၀၀၀)ကျပ်ဖြင့် အကြီး/ အသေးပေါ်မူ တည်၍ မုံရွာမြို့၊ ကျောက္ကာ လမ်းဘေးတစ်လျောက်တွင် ရောင်းချလျက်ရှိကြောင်း သိရှိရပါ သည်။
DOCA(စစ်ကိုင်း)
၂၀၂၅ ခုနှစ်၊ စက်တင်ဘာလ ပထမပတ်တွင် မုံရွာမြို့ရှိ သံလမ်းဈေး၊ ချင်းတွင်းရတနာ ဈေးနှင့် မြသလ္လာဈေးတို့တွင် ရောင်းချလျက်ရှိသော ဟင်းသီးဟင်းရွက်ဈေးနှုန်းများမှာ ဂေါ်ရခါးသီးအကြီးတစ်လုံးလျှင် (၇၀၀)ကျပ်၊ အလုံးသေးတစ်လုံးလျှင် (၅၀၀)ကျပ်၊ ဂေါ်ရခါးညွန့် တစ်စည်းလျှင် (၅၀၀)ကျပ်မှ (၁၀၀၀)ကျပ်၊ တောကြက်ဟင်းခါးသီး (၁) ဘူးလျှင် (၇၀၀)ကျပ်၊ ချဉ်ပေါင်ရွက် (၁)စည်းလျှင် (၁၀၀)ကျပ်၊ (၃)စည်းလျှင် (၂၀၀)ကျပ်၊ နံနံပင်(၁)စည်းလျှင် (၁၅၀)ကျပ်၊ နံနံပင်(၂)စည်းလျှင် (၃၀၀)ကျပ်၊ ဗမာသခွားသီး အကြီး (၁)လုံးလျှင် (၈၀၀) ကျပ် နှင့် ရိုးရိုးဗမာသခွားသီးအလတ်(၁)လုံးလျှင် (၅၀၀)ကျပ်၊ အသေးတစ်လုံးလျှင် (၄၀၀) ကျပ် ဗုံလုံသီး (ခေါ်) ပဲလင်းမြွှေသီး အကြီးတစ်တောင့်လျှင် (၁၀၀၀)ကျပ်၊ ဗုံလုံသီး(ခေါ်) ပဲလင်းမြွေသီး အလတ်တစ်တောင့်လျှင် (၉၀၀)ကျပ် နှင့် ဗုံလုံသီး(ခေါ်) ပဲလင်းမြွေသီး အသေးတစ်တောင့်လျှင်(၈၀၀)ကျပ်ဖြင့် ရောင်းချက်လျက်ရှိကြောင်း သိရှိရပါသည်။
DOCA(စစ်ကိုင်း)
