ပြည်တွင်းကုန်သွယ်မှုသတင်း

    မုံရွာမြို့၊ ချင်းတွင်းရတနာစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

    ယခုဇန်နဝါရီလ ပထမအပတ်တွင် ရောင်းချနေသော ဈေးနှုန်းများမှာ ပုဇွန်ခြောက် (၁)ပိဿာလျှင် ကျပ်(၆၅၀၀၀)မှ ကျပ်(၈၅၀၀၀)၊ ငါးရံ့ခြောက် (၁)ပိဿာလျှင် ကျပ်(၆၀၀၀၀မှ ၈၀၀၀၀)၊ ငါးပုတ်လုံးခြောက် (၁)ပိဿာလျှင် ကျပ်(၁၆၀၀၀မှ ၁၈၅၀၀)၊  ငါးပုတ်သင်(၁)ပိဿာလျှင် ကျပ်(၁၅၀၀၀မှ ၁၈၀၀၀) ၊ အာပြဲခြောက် (၁)ပိဿာလျှင် ကျပ်(၁၅၀၀၀မှ ၂၂၀၀၀)၊ ငါးကျည်းခြောက် (၁)ပိဿာလျှင် ကျပ်(၃၅၀၀၀မှ ၄၅၀၀၀)၊ ငါးနီတူးခြောက် (၁)ပိဿာလျှင် ကျပ်(၁၂၀၀၀ မှ ၁၄၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၅၀၀)ရှိကြောင်း ချင်းတွင်းရတနာဈေးတွင် ရောင်းချနေသော ငါးခြောက်ကုန်သည်များထံမှ သိရှိရပါသည်။

DOCA(စစ်ကိုင်း)

     မုံရွာခရိုင်အတွင်းရှိ မြို့နယ်များ၌ ဇန်နဝါရီလ ပထမပတ်တွင် စပါးဈေးနှုန်းနှင့် ဆန်ဈေးနှုန်းမြှင့်တက်လျက်ရှိပါကြောင်း သိရပါသည်။

   မုံရွာမြို့၏ ဇန်နဝါရီလ ပထမပတ်တွင် ဖြစ်ပေါ်နေသော စပါး/ဆန်း ဈေးနှုန်းများမှာ ဧရာမင်း စပါး(သစ်)တင်း ၁၀၀ လျှင် ကျပ် ၂၈၀၀၀၀၀ မှ ၃၀၀၀၀၀၀ ထိ၊ ဧရာမင်းစပါး(ဟောင်း)တင်း ၁၀၀ လျှင် ကျပ် ၃၅၀၀၀၀၀ မှ ၃၆၀၀၀၀၀ ထိ၊ ဧရာမင်းဆန်(သစ်)  ၂၄ ပြည်ပါ တစ်အိတ်လျှင် ၁၁၀၀၀၀ မှ ၁၂၀၀၀၀ ထိ၊ ဧရာမင်းဆန်(ဟောင်း)  ၂၄ ပြည်ပါ တစ်အိတ်လျှင် ၁၃၅၀၀၀ မှ ၁၄၀၀၀၀ ထိ၊ မနောသုခစပါး(သစ်)တင် ၁၀၀ လျှင် ကျပ် ၂၂၀၀၀၀၀၊ မနောသုခစပါး(ဟောင်း)တင် ၁၀၀ လျှင် ကျပ် ၂၈၀၀၀၀၀၊ မနောသုခဆန်(သစ်) ၂၄ ပြည်ပါ တစ်အိတ်လျှင် ကျပ် ၇၅၀၀၀ မှ ၈၀၀၀၀ ထိ၊  မနောသုခဆန်(ဟောင်း) ၂၄ ပြည်ပါ တစ်အိတ်လျှင် ကျပ် ၉၅၀၀၀ မှ ၁၀၀၀၀၀ ထိ၊  ပေါ်ဆန်းစပါး(သစ်)တင်း ၁၀၀ လျှင် ကျပ် ၃၃၀၀၀၀၀ မှ ၃၄၀၀၀၀၀ ထိ၊  ပေါ်ဆန်းစပါး (ဟောင်း) တင်း ၁၀၀ လျှင်  ၃၄၀၀၀၀၀ မှ ၃၅၀၀၀၀၀ ထိ၊ ပေါ်ဆန်းဆန်(သစ်) ၂၄ ပြည်ပါ တစ်အိတ်လျှင် ကျပ် ၁၂၀၀၀၀ မှ ၁၂၅၀၀၀ ထိ၊ ပေါ်ဆန်းဆန်(ဟောင်း)၂၄ ပြည်ပါ တစ်အိတ်လျှင် ကျပ် ၁၄၅၀၀၀ မှ ၁၅၅၀၀၀ ထိ တို့ဖြင့် အရောင်းအဝယ်ဖြစ်ကြောင်း သိရှိရပါသည်။

   ယခင်လ ဒီဇင်ဘာလ ပထမအပတ် စပါး/ဆန်ဈေးနှုန်းများ နှင့် ယခုလ ဇန်နဝါရီလ ပထမအပတ် ဈေးနှုန်းများနှိုင်းယှဉ်လျှင် ဧရာမင်းစပါး (သစ်)တင်း ၁၀၀ လျှင် ကျပ် ၈၀၀၀၀၀၊ ဧရာမင်းစပါး(ဟောင်း)တင်း ၁၀၀ လျှင် ကျပ် ၁၀၀၀၀၀၊ ဧရာမင်းဆန်(သစ်)  ၂၄ ပြည်ပါ တစ်အိတ်လျှင် ၄၀၀၀၀၊ ဧရာမင်းဆန်(ဟောင်း)  ၂၄ ပြည်ပါ တစ်အိတ်လျှင် ၅၀၀၀၀၊ မနော သုခစပါး(သစ်)တင်း ၁၀၀ လျှင် ကျပ် ၄၀၀၀၀၀၊ မနောသုခစပါး(ဟောင်း)တင်း ၁၀၀ လျှင် ကျပ် ၇၀၀၀၀၀၊ မနောသုခဆန်(သစ်) ၂၄ ပြည်ပါ တစ်အိတ်လျှင် ကျပ် ၁၀၀၀၀၊  မနောသုခဆန်(ဟောင်း) ၂၄ ပြည်ပါ တစ်အိတ်လျှင် ကျပ် ၁၀၀၀၀၊ ပေါ်ဆန်းဆန်(ဟောင်း)၂၄ ပြည် ပါတစ်အိတ်လျှင် ကျပ် ၅၀၀၀ ထိ  မြှင့်တက်လျက်ရှိပြီး ကျန်စပါး/ဆန် ဈေးနှုန်းများကွာဟမှုမရှိကြောင်း မုံရွာမြို့နေ ဆန်စက်ပိုင်တစ်ဦးထံမှ သိရှိရပါသည်။

DOCA(စစ်ကိုင်း)

    မြန်မာနိုင်ငံစက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်း ကြီးကြပ်ရေး ကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

   ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန် ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ ဒီဇင်ဘာလ နောက်ဆုံးပတ် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၈၀၀)ကျပ်၊ ဓါတ်ဆီ(95) တစ်လီတာလျှင် (၂၉၀၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၆၉၀)ကျပ်၊ ဒီဇယ်(ပရီမီယမ်)တစ်လီတာလျှင် (၂၇၃၅)ကျပ်ဖြင့် ရောင်းချလျက်ရှိကြောင်း သိရှိရပါသည်။

    ယခု ၂၀၂၄ ခုနှစ်၊ ဇန်နဝါရီလ ပထမပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာ လျှင် (၂၅၉၅)ကျပ်၊ ဓါတ်ဆီ(95)တစ်လီတာလျှင် (၂၇၆၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၃၈၀)ကျပ်၊ ဒီဇယ်(ပရီမီယမ်)တစ်လီတာလျှင် (၂၄၇၅)ကျပ်ဖြင့် ရောင်းချနေသောကြောင့် ယခင်အပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၂၀၅)ကျပ်၊ ဓါတ်ဆီ(95) တစ်လီတာလျှင် (၁၄၀)ကျပ် ဒီဇယ်(ရိုးရိုး) တစ်လီတာလျှင် (၃၁၀)ကျပ်၊ ဒီဇယ် (ပရီမီယမ်) တစ်လီတာလျှင် (၂၆၀)ကျပ်ဖြင့် အသီးသီး ဈေးနှုန်းကျဆင်းခဲ့ကြောင်း စက်သုံးဆီအရောင်းဆိုင်များမှ သတင်းရရှိပါသည်။

DOCA(စစ်ကိုင်း)

  ၁၀.၁.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

    ဧရာဝတီတိုင်းဒေသကြီးသည် ငါးပိ၊ ငါးခြောက်နှင့် ရေချို၊ ရေငန် ငါး၊ ပုစွန်များ ပေါများစွာထွက်ရှိသော မြန်မာနိုင်ငံ၏အရေးပါပြီး အချက်အချာကျသော တိုင်းဒေသကြီးတစ်ခုဖြစ်သည်။ လမ်းပန်းဆက်သွယ်ရေးအထူးကောင်းမွန်ပြီး ရေလမ်း၊ ကုန်လမ်းဖြင့် ကုန်စည်များကို လွယ်ကူလျင်မြန်စွာပို့ဆောင်ပေးနိုင်သည့် နေရာတစ်ခုလည်းဖြစ်သောကြောင့် စီးပွားရေးလုပ်ငန်းရှင်များနှင့် တစ်နိုင်တစ်ပိုင်လုပ်ငန်းလုပ်ကိုင်သူများအတွက် အထူးအဆင်ပြေပြီး ပြည်သူများအနေဖြင့်လည်း အလုပ်ကိုင်များကို ရာသီပေါ်ချိန်နှင့်ဆက်စပ်၍ လုပ်ကိုင်စားသောက်နိုင်သည့် အဖိုးဖြတ်မရသည့် တိုင်းဒေသကြီးတစ်ခုလည်းဖြစ်ပါသည်။ အသင့်စားသုံးနိုင်သော ငါးနှပ်ခြောက်များကို ဖျာပုံမြို့၊ (၄)လမ်းရှိ “ကောင်းကောင်း” ငါးနှပ်ခြောက်လုပ်ငန်းနှင့် အမှတ်(၃)၊ စာတိုက်(၆) လမ်း၊ (၁၀) ရပ်ကွက်ရှိ “မဟာစံ” ငါးနှပ်ခြောက်လုပ်ငန်းတို့မှ တစ်နိုင်တစ်ပိုင်ထုတ်လုပ်ရောင်းချပြီး ဒေသတွင်းနှင့် ရန်ကုန်သို့ အများဆုံး တင်ပို့ရောင်းချလျက်ရှိပါသည်။ အဓိကကုန်ကြမ်း “အာဗြဲခြောက်” ငါးခြောက်များကို ရန်ကုန်ပွဲရုံမှ လိုအပ်သည့်အရွယ်အစားနှင့်  လိုသလာက်ဝယ်ယူရရှိပြီး ရင်းနှီးမြှုပ်နှံမှုတန်ဖိုးအနေဖြင့် သိန်း(၆၀၀) ခန့်ရင်းနှီးမြှုပ်နှံရပြီး လုပ်သားဦးရေ (၆)ဦး၊ (၇) ဦး ခန့်ဖြင့် လုပ်ကိုင်ရပါသည်။ အလုပ်သမား တစ်ဦးလျှင် လုပ်ခလစာမှာ (၁၅၀၀၀၀) ကျပ်မှ (၂၀၀၀၀၀) ကျပ်ခန့်ပေးရပြီး၊ တစ်လအတွင်း ကုန်ကြမ်းငါးခြောက်ဝယ်ယူမှုမှာ တစ်ပိဿာလျှင် (၃၇၀၀၀)ကျပ်ဖြင့် (၇၅) ပိဿာခန့်ဝယ်ယူရပါသည်။ ထုတ်လုပ်ပုံမှာ ငါးခြောက်များကို ခေါင်း၊ အမြီးဖြတ်၍ (၁၅) မိနစ်ခန့် ရေစိမ်ပြီး ပြောင်စင်အောင်ဆေးကြောကာ ငါးခြောက်များကို (၁)ရက်ခန့်နေလှန်းရပါသည်။ နေလှန်းပြီးသောငါးခြောက်များကို ဗိုက်ခွဲကာ ပြန့်သွားအောင်ထုပေးရပါသည်။ ပြန့်သွားသည့် ငါးခြောက်များကို မီးသွေးမီးဖိုဖြင့်ကင်ကာ အလေးချိန်ချင်တွယ်ပြီး ပါကင်ထုပ်၍ ဈေးကွက်သို့ဖြန့်ဖြူးရောင်းချပါသည်။ (၄၀) ဂရမ်ပါ  တစ်ထုပ်လျှင် (၂၅၀၀) ကျပ်ဖြစ်ပြီး (၄၅) ဂရမ်ဘူးသေးတစ်ဘူးလျှင် (၃၆၀၀) ကျပ်၊ ဘူးကြီး (၂၂၀) ဂရမ် တစ်ဘူးလျှင် (၁၇၀၀၀) ကျပ်ဖြင့်ရောင်းချကြောင်း လုပ်ငန်းရှင်ထံမှသိရပါသည်။

DOCA(ဧရာဝတီ)