ပြည်တွင်းကုန်သွယ်မှုသတင်း

    အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနီမှာ (၄၅)ပိဿာဝင်(၁)အိတ်လျှင် ယခင်အပတ်(၁၅-၁၁-၂၀၂၃)ရက်နေ့တွင် ကျပ်(၂၇၅၀၀၀)ဖြစ်ခဲ့ပြီး ယခုအပတ်(၂၁-၁၁-၂၀၂၃)ရက်နေ့တွင် ကျပ်(၂၈၀၀၀၀)ဖြစ်၍ ကျပ်(၅၀၀၀)ဈေးနှုန်းမြင့်တက်ခဲ့ကြောင်း၊ နှမ်းဖြူ(၁)အိတ်လျှင် ယခင်အပတ်တွင် ကျပ်(၃၀၀၀၀၀) ဖြစ်ခဲံပြီး ယခုအပတ်တွင် ကျပ်(၃၁၀၀၀၀)ဖြစ်၍ ကျပ်(၁၀၀၀၀)ဈေးနှုန်းမြင့်တက်ခဲ့ကြောင်း၊ နှမ်းနက်(စမုံ)မှာ ယခင်အပတ်တွင် ကျပ်(၂၇၀၀၀၀-၃၁၀၀၀၀)ဖြစ်ခဲ့ပြီး ယခုအပတ်တွင် ကျပ်(၂၈၀၀၀၀-၃၂၀၀၀၀)ဖြစ်၍ ကျပ် (၁၀၀၀၀)ဈေးနှုန်းမြင့်တက်ခဲ့ကြောင်း၊ နှမ်းပြာ(၁)အိတ်လျှင် ယခင်အပတ်တွင်  ကျပ်(၂၇၀၀၀၀)ဖြစ်ခဲ့ပြီး ယခုအပတ်တွင် ကျပ် (၂၈၀၀၀၀)ဖြစ်၍ ကျပ်(၁၀၀၀၀) စသည်ဖြင့် အသီးသီးဈေးနှုန်းမြင့်တက်ခဲ့ပါသည်။ အရောင်းအဝယ်ပမာဏအနေဖြင့် (၄၅)ပိဿာဝင်အိတ်များဖြင့် နှမ်းနက်(စမုံ)(၃၈၀၀)အိတ်၊ နှမ်းနီ(၂၇၀)အိတ်၊ နှမ်းဖြူ(၁၈၀)အိတ်၊ နှမ်းပြာ (၅၅၀)အိတ်တို့ အရောင်းအဝယ်ရှိခဲ့ပါကြောင်းနှင့် နိုဝင်ဘာလ(ဒုတိယပတ်)နှင့်နှိုင်းယှဉ်ပါက အရောင်းအဝယ်အနေဖြင့် အနည်းငယ်ပိုမိုသွက်လာပါကြောင်း အောင်လံကုန်စည်ဒိုင်မှသိရှိရပါသည်။

  ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာတင်(၁)တင်းလျှင် ယခင်အပတ်တွင် ကျပ်(၈၉၀၀၀)ဖြစ်ခဲ့ပြီး ယခုအပတ်တွင် ကျပ်(၉၀၀၀၀)ဖြစ်၍ ကျပ်(၁၀၀၀)ဈေးနှုန်းမြင့်တက်ခဲ့ပါသည်။ ဘိုကိတ်ပြာ(၁)တင်းလျှင် ယခင်အပတ်တွင် ကျပ်(၆၂၀၀၀)ဖြစ်ခဲ့ပြီး ယခုအပတ်တွင်(၆၀၀၀၀)ဖြစ်၍ ကျပ်(၂၀၀၀)ဈေးနှုန်းလျော့နည်းခဲ့ကြောင်း၊ ပဲကြီး(၁)တင်းလျှင် ယခင်အပတ်တွင် ကျပ်(၁၃၀၀၀၀-၁၃၂၀၀၀)ဖြစ်ခဲ့ပြီး ယခုအပတ်တွင် ကျပ်(၁၂၈၀၀၀-၁၃၂၀၀၀)ဖြစ်၍ ကျပ် (၂၀၀၀) စသည်ဖြင့် အသီးသီးဈေးနှုန်းလျော့နည်းခဲ့ပါသည်။ ကုလားပဲ(H-L)မှာ ယခင်အပတ်တွင် ကျပ်(၈၈၀၀၀) ဖြစ်ခဲ့ပြီး ယခုအပတ်တွင်လည်း ကျပ်(၈၈၀၀၀)၊ ကုလားပဲ(မြကြေး) ယခင်အပတ်တွင် ကျပ်(၈၇၀၀၀) ဖြစ်ခဲ့ပြီး ယခုအပတ်တွင်လည်း ကျပ်(၈၇၀၀၀)၊ ပဲတီစိမ်း(၁)တင်းလျှင် ယခင်အပတ်တွင် ကျပ်(၅၃၅၀၀)ဖြစ်ခဲ့ပြီး ယခုအပတ်တွင်လည်း ကျပ်(၅၃၅၀၀)ဖြစ်၍  ဈေးနှုန်းပြောင်းလဲမှုမရှိဘဲ  အရောင်းအဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၃၀၀)အိတ်၊ ကုလားပဲ(H-L)(၉၀၀)အိတ်၊ ကုလားပဲ(မြကြေး) (၈၅၀) အိတ်၊ ပဲကြီး(၃၃၀)အိတ်၊ ပဲတီစိမ်း(၁၇၀၀)အိတ်၊ ဘိုကိတ်ပြာ(၁၅၀)အိတ်တို့ အရောင်းအဝယ်ဖြစ်ခဲ့ပါသည်။

    မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၅၆၀၀)ဖြစ်ခဲ့ပြီး ယခုအပတ်တွင် ကျပ် (၅၅၀၀)ဖြစ်၍ ကျပ်(၁၀၀)ဈေးနှုန်းလျော့နည်းခဲ့ကြောင်း၊ မြေပဲတောင့်အစို(၁)တင်းလျှင် ယခင်အပတ်တွင်  ကျပ် (၂၃၀၀၀)ဖြစ်ခဲ့ပြီး ယခုအပတ်တွင် ကျပ်(၁၈၀၀၀-၂၀၀၀၀)ဖြစ်၍ ကျပ်(၃၀၀၀-၅၀၀၀) စသည်ဖြင့် အသီးသီးဈေးနှုန်းလျော့နည်းခဲ့ပါသည်။ အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် မြေပဲလုံးဆံဖြူ (၁၈၀၀)အိတ်၊ မြေပဲတောင့်အစို တင်း(၄၇၀၀)ခန့်အရောင်းအဝယ်ရှိခဲ့ကြောင်း၊ အပတ်စဉ် ပုံမှန် ရန်ကုန်မြို့နှင့် မန္တလေးမြို့များသို့ တင်ပို့ရောင်းချလျက်ရှိကြောင်း၊ ဝါသီးနှံမှာ ယခင်အပတ်တွင် ကျပ် (၂၉၅၀-၃၀၀၀)ဖြစ်ခဲ့ပြီး ယခုအပတ်တွင် ကျပ်(၃၀၀၀-၃၀၅၀)ဖြစ်၍ ကျပ်(၅၀)ဈေးမြင့်ခဲ့ပြီး ဝါပိဿာချိန်(၂၈၀၀၀)ပိဿာအရောင်းအဝယ်ရှိခဲ့ကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

    မကွေးတိုင်းဒေသကြီး၊ ပခုက္ကူခရိုင်၊ ပေါက်မြို့နယ်၊ ပျဉ်းချောင်းအုပ်စု၊ ယောချောင်းဘေးရှိ ကျေးရွာများဖြစ်သော ပျဉ်းချောင်း၊ ထန်းတောကုန်း၊ ဆူးလေကုန်း၊ ဆယ်ဝ၊ ဆင်သေ၊ အောက်ကျင်း စသည့်ကျေးရွာများသည် စိုက်ပျိုးရေးကိုအဓိကထားလုပ်ကိုင်ကြပြီး စပါး၊ ကုလားပဲ၊ မြေပဲ၊ ကြက်သွန်နီ၊ ကြက်သွန်ဖြူ၊ ခရမ်းချဉ်သီး စသည့်သီးနှံများကို ရာသီအလိုက်စိုက်ပျိုးလျက်ရှိကြောင်းသိရှိရသည်။

   မိုးကြက်သွန်နီ(ခေါ်)ဥစိုက်ကြက်သွန်နီများကို အောက်ကျင်းကျေးရွာရှိ တောင်သူ(၁၀)ဦးမှာ (၁၀)ဧကနီးပါးစိုက်ပျိုးထားရှိပြီး မိုးနှောင်းကာလဖြစ်သည့် အောက်တိုဘာလကုန်နှင့် နိုဝင်ဘာလအစတွင် စတင်စိုက်ပျိုးကြကြောင်းသိရသည်။ စိုက်ပျိုးရာတွင် မျိုးကိုဝယ်စရာမလိုဘဲ ယခင်နှစ်တွင်စိုက်ပျိုးခဲ့သည့် ကြက်သွန်နီစိုက်ခင်းများမှထွက်ရှိသော ကြက်သွန်နီဥများအနက် အသေးဆုံးအရွယ်များကို မျိုးအဖြစ်ဖယ်ချန်ကာ စိုက်ပျိုးခြင်းဖြစ်ကြောင်း၊ ကြက်သွန်နီစိုက်ခင်း(၁)ဧကလျှင် စိုက်ပျိုးရန်မြောင်း ပေါင်(၂၀၀)နီးပါးပြုလုပ်ရပြီး (၁)ပေါင်လျှင် မျိုးဥကြက်သွန်နီ(၂)ပိဿာကျော်အသုံးပြုရ၍ (၁)ဧကလျှင် ပိဿာချိန်(၄၀၀)ပိဿာကျော်ကုန်ကျကြောင်း၊ စတင်စိုက်ပျိုးသည့်အချိန်မှစ၍ ရက်ပေါင်း(၉၀) ကျော်တွင်တူးဖော်ရကြောင်း၊ စိုက်ပျိုးချိန်ရက်(၉၀)အတွင်း မြေအနေအထားပေါ်မူတည်၍ ရေကို အနည်းဆုံး(၅)ကြိမ်နှင့်အထက်သွင်းရကြောင်း၊ ပျိုးပင်ကိုစိုက်ပျိုးခြင်းထက် မျိုးဥစိုက်ပျိုးမှုမှာ အထွက်နှုန်းနည်းပြီး ဥစိုက်အထွက်နှုန်းမှာ (၁)ဧကလျှင် ပိဿာချိန်(၃၀၀၀)ပိဿာနီးပါးထွက်ရှိကြောင်း၊ ထွက်ရှိသောကြက်သွန်နီများကို ကံမ္မမြို့နှင့် ပခုက္ကူမြို့ရှိကုန်စည်ဒိုင်များသို့ တိုက်ရိုက်တင်ပို့ရောင်းချကြောင်း၊ ဥစိုက်ကြက်သွန်နီစိုက်ပျိုးချိန်သည် မိုးကာလဖြစ်၍မြက်ပင်များရှင်းလင်းရသည့် လုပ်အားခ၊ ထွန်စက်ဖြင့်မြေပြုပြင်ခအပါအဝင် ၂၀၂၃ခုနှစ်တွင် (၁)ဧကလျှင် စုစုပေါင်းကုန်ကျစရိတ်မှာ ကျပ်(၁၉)သိန်းနီးပါးရှိကြောင်း၊ ယခင်နှစ်တွင် စုစုပေါင်းကုန်ကျစရိတ်မှာ ကျပ်(၁၆) သိန်းရှိခဲ့ပြီး ကြက်သွန်နီဈေးနှုန်းမှာ (၁)ပိဿာလျှင် အမြင့်ဆုံးဈေး ကျပ်(၂၅၀၀)ရရှိကြောင်း၊ ယခုနှစ်တွင် ကြက်သွန်နီစိုက်ခင်းကုန်ကျစရိတ်မှာ ယခင်နှစ်ထက်ပိုမိုကုန်ကျသောကြောင့် ယခုနှစ်ကြက်သွန်နီထွက်ရှိချိန်တွင် ကြက်သွန်နီ(၁)ပိဿာလျှင် ကျပ်(၃၀၀၀)ရရှိမည်ဆိုပါက ကြက်သွန်စိုက်တောင်သူများအနေဖြင့် အဆင်ပြေမည်ဖြစ်ပါကြောင်း အောက်ကျင်းကျေးရွာနေ ကြက်သွန်နီစိုက်တောင်သူ ဦးဝင်းနိုင်ထံမှသိရှိရပါသည်။

DOCA(မကွေး)

    မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်အတွင်းရှိ ပန်းတော်ပြင်၊ ရေခါး၊ ကုန်းကြီး၊ တောင်ဦး၊ လယ်လှနှင့်ဒေါင်းဘုတ် စသည့်ကျေးရွာများတွင် တောင်သူများမှာ ချည်မျှင်ရှည်ဝါကို စိုက်ပျိုးရေးဦးစီးဌာနနှင့်ပူးပေါင်း၍ စိုက်ပျိုးလျက်ရှိကြောင်းသိရှိရပါသည်။

  အထက်မင်းလှမြို့နယ်အတွင်း ချည်မျှင်ရှည်ဝါစိုက်ဧကမှာ စုစုပေါင်း(၂၉၈၁၃)ဧကရှိပြီး ရွှေတောင်(၈)၊ ရွှေတောင်(၁၀)၊ ငွေချည်(၉)၊ ငွေချည်(၁၁)၊ RAKA(666)၊ B31 စသည့်ဝါအမျိုးအစားများအနက် ရွှေတောင်(၈)ဝါအမျိုးအစားကိုသာ အများဆုံးစိုက်ပျိုးကြောင်းသိရှိရပါသည်။ စိုက်ပျိုးရာတွင် အစေ့ချစနစ်ဖြင့် (၁)ဧကလျှင် ဝါမျိုးစေ့(၃)ပိဿာခန့်အသုံးပြုရပြီး (၁)ဧကလျှင်ကုန်ကျစရိတ်မှာ ကျပ်(၈၃၀၀၀၀)ကုန်ကျကြောင်း၊ ၂၀၂၃ခုနှစ်၊ ဇူလိုင်လ(၁၅)ရက်နေ့တွင် စတင်စိုက်ပျိုးပြီး နိုဝင်ဘာလတွင် ဝါကောက်နေရပြီဖြစ်ကြောင်း၊ ထွက်ရှိမှုမှာ (၁)ဧကလျှင် ပိဿာ၅၀၀မှ ပိဿာ၇၀၀ကြားထွက်ရှိကြောင်း၊ ဈေးနှုန်းအနေဖြင့် ၂၀၂၃ခုနှစ်၊ နိုဝင်ဘာလ(စတုတ္တပတ်)တွင် ဝါ(၁)ပိဿာလျှင် ကျပ်(၃၁၀၀)ရရှိပြီး အထက်မင်းလှမြို့ရှိဝါပွဲရုံများသို့ရောင်းချလျက်ရှိကြောင်း ဝါစိုက်တောင်သူတစ်ဦးထံမှသိရှိရပါသည်။   အထက်မင်းလှမြို့နယ်တွင် ချည်မျှင်ရှည်ဝါအထွက်နှုန်းမြင့်မားရေးအပြင် နေကြာ၊ စပါး၊ နှမ်း၊ ကုလားပဲ၊ မြေပဲ၊ ချည်မျှင်ရှည်ဝါသီးနှံများကို စိုက်ပျိုးရေးဦးစီးဌာနအနေဖြင့် တောင်သူများနှင့်ပူးပေါင်း၍ မျိုးစေ့များဖြန့်ဝေပေးခြင်း၊ မြေဩဇာများကို ကုမ္မဏီများမှ ကုန်ကြွေးစနစ်ဖြင့်ဝယ်ယူရရှိနိုင်ရေး ညှိနှိုင်းဆောင်ရွက်ပေးခြင်းနှင့် စိုက်ပျိုးရေးနည်းစနစ်များကိုလည်း ဖြန့်ဝေပေးခြင်းများဆောင်ရွက်လျက်ရှိကြောင်းသိရှိရပါသည်။

DOCA(မကွေး)

   မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် မြို့အနီးရှိ ကျေးရွာများမှထွက်ရှိသော ဟင်းသီးဟင်းရွက်များအပါအဝင် မိကျောင်းရဲမြို့၊ တောင်တွင်းကြီးမြို့၊ သရက်မြို့၊ မင်းဘူးမြို့နှင့် မကွေးမြို့တို့မှ ကုန်စည်များကိုမှာယူ၍ ရောင်းဝယ်ဖောက်ကားလျက်ရှိပါသည်။

    ၂၀၂၃ခုနှစ်၊ နိုဝင်ဘာလ(စတုတ္တပတ်)တွင် မင်းလှမြို့၊ ဇေယျာသီရိဈေး၌ ရောင်းချလျက်ရှိသော အခြေခံစားကုန်များ၏ဈေးနှုန်းများမှာ ဇီယာဆန်(၁)ပြည်လျှင် ကျပ်(၃၆၀၀)၊ ‌ပေါ်ဆန်း(ဖျာပုံ) (၁)ပြည်လျှင် ကျပ်(၆၅၀၀)၊ ပေါ်ဆန်း(ရွှေဘို)(၁)ပြည်လျှင် ကျပ်(၇၀၀၀)၊ ဧရာပဒေသာ(၁)ပြည်လျှင် ကျပ်(၅၅၀၀)၊ နှမ်းဆီ(၁)ပိဿာလျှင် ကျပ်(၁၆၀၀၀)၊ ပဲဆီ(၁)ပိဿာလျှင် ကျပ်(၁၆၀၀၀)၊ မျှင်ငါးပိ (၁) ပိဿာလျှင် ကျပ်(၄၀၀၀)၊ ကြက်သွန်နီ(၁)ပိဿာလျှင် ကျပ်(၄၀၀၀)၊ ကြက်သွန်ဖြူ(ရှမ်း)(၁) ပိဿာလျှင် ကျပ်(၁၅၀၀၀)၊ ကြက်သွန်ဖြူ(ဗမာ)(၁)ပိဿာလျှင် ကျပ်(၁၃၀၀၀)၊ ငရုတ်သီးခြောက်(ရှည်) (၁)ပိဿာလျှင် ကျပ်(၁၄၀၀၀)၊ ငရုတ်သီးအလှော်မုန့်(၁)ပိဿာလျှင် ကျပ်(၃၀၀၀၀)၊  ချင်းတက်(၁) ပိဿာလျှင် ကျပ်(၁၀၀၀၀)၊ နနွင်းတက်(၁)ပိဿာလျှင် ကျပ်(၁၀၀၀၀)၊ ပုစွန်ခြောက်(၁)ပိဿာလျှင် ကျပ်(၇၀၀၀၀-၉၀၀၀၀)၊ အိမ်သုံးဆား(၁)ပိဿာလျှင် ကျပ်(၇၀၀)၊ ငရုတ်သီးစိမ်း(၁)ပိဿာလျှင် ကျပ်(၁၆၀၀)၊ ခရမ်းချဉ်သီး(၁)ပိဿာလျှင် ကျပ်(၁၈၀၀)၊ ခရမ်းသီး(၁)ပိဿာလျှင် ကျပ်(၁၃၀၀)၊ ပဲသီး(၁)ပိဿာလျှင် ကျပ်(၂၀၀၀)၊ အာလူး(၁)ပိဿာလျှင် ကျပ်(၃၅၀၀)၊ မုန်လာဥနီ(၁)ပိဿာလျှင် ကျပ်(၅၀၀၀)၊ မုန်ညှင်း(၁)ပိဿာလျှင် ကျပ်(၂၈၀၀)၊ ရုံးပတီသီး(၁)ပိဿာလျှင် ကျပ်(၂၀၀၀)၊ ပန်းဂေါ်ဖီ(၁)ပွင့်လျှင် ကျပ်(၁၅၀၀)၊ ဂေါ်ဖီထုပ်(၁)ထုပ်လျှင် ကျပ်(၁၈၀၀-၂၀၀၀)၊ ချဉ်‌ပေါင်ရွက်(၁) စည်းလျှင် ကျပ်(၅၀)၊ ကန်စွန်းရွက်(၁)စည်းလျှင် ကျပ်(၅၀)၊ သခွားသီး(၁)လုံးလျှင် ကျပ်(၁၀၀)၊ ပြောင်းဖူး (သကြား)(၁)ဖူးလျှင် ကျပ်(၅၀၀)၊ မြေပဲဆံ(၁)ပြည်လျှင် ကျပ်(၁၀၀၀၀)၊ ကုလားပဲ(၁)ပြည်လျှင် ကျပ် (၇၈၀၀)၊ မောင်မခေါ်ပဲ(၁)ပြည်လျှင် ကျပ်(၁၃၀၀၀)၊ ကြက်သား(CP)(၁)ပိဿာလျှင် ကျပ် (၁၀၀၀၀)၊ ကြက်သား(ဗမာ)(၁)ပိဿာလျှင် ကျပ်(၁၅၀၀၀)၊ ဝက်သား(၁)ပိဿာလျှင် ကျပ် (၁၃၀၀၀)၊ အမဲသား(၁)ပိဿာလျှင် ကျပ်(၁၃၀၀၀)၊ ဆိတ်သား(၁)ပိဿာလျှင် ကျပ်(၁၆၀၀၀)၊ မြစ်ငါးကြင်း (၁)ပိဿာလျှင် ကျပ်(၁၆၀၀၀)၊ မြစ်ငါးဘတ်(၁)ပိဿာလျှင် ကျပ်(၂၀၀၀၀)၊ မြစ်ပုစွန်(၁)ပိဿာလျှင် ကျပ်(၃၀၀၀၀)၊ မြစ်ငါးသလောက်(၁)ပိဿာလျှင် ကျပ်(၂၀၀၀၀)၊ ကြက်ဥ(၁၀)လုံးလျှင် ကျပ် (၂၅၀၀)၊ ဘဲဥ(၁၀)လုံးလျှင် ကျပ်(၃၅၀၀)၊ ငုံးဥ(၁၀)လုံးလျှင် ကျပ်(၅၀၀)ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း ဇေယျာသီရိဈေးအတွင်းရှိရောင်းချသည့် ဈေးသည်များထံမှသိရှိရပါသည်။

DOCA(မကွေး)

     ၃.၁၂.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-