ပြည်တွင်းကုန်သွယ်မှုသတင်း

      ပြည်ခရိုင်တွင် မိုးစပါးများစတင်ထွက်ပေါ်နေပြီဖြစ်ပါသည်။ ပြည်ခရိုင်တွင် မိုးစပါးစုစုပေါင်းစိုက်ဧက (၂၂၆၄၉) ဧကရှိပါသည်။ ယခင်နှစ်မိုးစပါးပေါ်စအချိန်တွင် (၄၆)ပေါင်ပါ တင်း (၁၀၀)လျှင် (၁၆၅၀၀၀၀)ကျပ်ရှိခဲ့ပြီး ယခုနှစ် စပါးပေါ်စအချိန်တွင် (၁၅၅၀၀၀)ကျပ်ဈေးရှိပြီး အစို(၂၀%) ရှိပါသည်။ ယခင်နှစ်တွင် စပါးအထွက်နှုန်း (၈၉.၇၅)ရှိခဲ့ပြီး တောင်သူများ တစ်ဧကလျှင် ကုန်ကျစာရိတ် ကျပ်(၈၀၀၀၀၀)‌ကျော်ကုန်ကျပါသည်။ ယခင်နှစ်စပါးဈေးမှာ တင်း(၁၀၀)လျှင် (၁၆၅၀၀၀၀)ကျပ်ရှိသည့်အတွက် တစ်ဧကလျှင် ကျပ်(၁၄၀၀၀၀၀)သိန်းကျော်ဝင်ငွေရရှိသည့်အတွက် တစ်ဧကလျှင် (၆၀၀၀၀၀)‌ ကျပ်အကျိုးအမြတ်ရရှိပါသည်။ အရောင်းအဝယ်အနေဖြင့် စတင်ထွက်ပေါ်ချိန်ဖြစ်သည့်အတွက် အနည်းငယ်သာရှိနေပါသည်။ ပြည်ခရိုင်မှ အခြားတိုင်းသို့ ဆန်တင်ပို့မှုအနေဖြင့် တစ်ပတ်လျှင် အိတ် (၁၇၀၀)တင်ပို့ရောင်းချမှုရှိပြီး မကွေးတိုင်းသို့ တစ်ပတ်လျှင် အိတ်ရေ (၄၀၀၀)ခန့်တင်ပို့ရောင်းချလျက်ရှိပါသည်။ ဆန်ဈေးနှုန်းအနေဖြင့် ပျမ်းမျှ (၇၂၀၀၀-၇၅၀၀၀)ကျပ်ဈေးဖြင့် တင်ပို့ရောင်းချလျက်ရှိကြောင်းသိရပါသည်။

DOCA(ပဲခူး)

        ပြည်ဈေးကွက်အတွင်း ရှမ်းပြည်နယ်တောင်ကြီးဘက်မှအဝင်ရှိနေသော မုန်လာဥနီများ (၅)ရက်ခြားလျှင် တစ်ကြိမ်အဝင်ရှိကာ ၁ဖာလျှင် (၆)ပိဿာဝင်ဆံ့သည့် (၅)ဖာခန့်အဝင်ရှိနေ သည်။ ယခုအောက်တိုဘာလ နောက်ဆုံးပတ်တွင် မုန်လာဥနီ (၁၀)ကျပ်သားလျှင် ကျပ် ၁၄၀၀/ ၁၅၀၀ နှုန်းရှိပြီး  ယခင်ဈေးမှာ ကျပ်(၅၀၀-၆၀၀)ခန့်သာရှိသဖြင့် ဈေးနှုန်းမှာ (၃)ဆခန့်မြင့် တက်သွားပြီး အရောင်းအဝယ်မှာ ဝင်ရောက်မှု၏ ထက်ဝက်ခန့်သာ အရောင်းအဝယ်ဖြစ်လျက်ရှိနေကြောင်းသိရပါသည်။

DOCA(ပဲခူး)

       ပဲခူးတိုင်းဒေသကြီး၊ ပြည်ခရိုင်အနေဖြင့် ဆီထွက်သီးနှံများဖြစ်ကြသော နှမ်းနှင့်မြေပဲသီးနှံများအား ယခင်နှစ်နှင့် ယခုနှစ်ကာလတူဈေးနှုန်းနှိုင်းယှဉ်မှုအား လေ့လာသုံးသပ်ကြည့်ရာတွင်-

နှမ်းမျိုးစုံဈေးနှုန်း

နှမ်းနီ

      ပြည်ဈေးကွက်တွင် ယခုနှစ်ဖြစ်သော အောက်တိုဘာလ နောက်ဆုံးပတ်တွင် နှမ်းနီဈေးမှာ တစ်တင်းလျှင် ၁၁၆၀၀၀ကျပ်ဈေးဖြင့်အရောင်းအဝယ်ရှိပါသည်။ ယခင်နှစ်ဖြစ်သော အောက်တိုဘာလ နောက်ဆုံးပတ်တွင် နှမ်းနီတစ်တင်းလျှင် ၉၅၀၀၀ကျပ်ဈေးဖြင့်ရောင်းချခဲ့၍ ယခုနှစ်တွင် တစ်တင်းလျှင် ၂၁၀၀၀ကျပ်ဈေးမြင့်တက်လာခဲ့ပါသည်။ အရောင်းအဝယ်ဖြစ်မှုအနေဖြင့် ယခုအပတ်တွင် ပိဿာ(၃၀)ဝင်အိတ် ၂၀၀ခန့်အရောင်းအဝယ်ဖြစ်လျက်ရှိပါသည်။

နှမ်းနက်

         ပြည်ဈေးကွက်တွင် ယခုနှစ် အောက်တိုဘာလ နောက်ဆုံးပတ်တွင် နှမ်းနက်(၁)တင်းလျှင် ၁၆၅၀၀၀ကျပ်ဈေးဖြစ်ပြီး ယခင်နှစ်အောက်တိုဘာလ နောက်ဆုံးပတ်တွင် ၉၀၀၀၀ကျပ်ဖြင့်အရောင်းအဝယ်ဖြစ်ခဲ့၍ ယခုနှစ်တွင် တစ်တင်းလျှင် ၇၅၀၀၀ကျပ်ဈေးပိုလာခဲ့ပြီး အရောင်းအဝယ်ဖြစ်မှုမှာ ယခုအပတ်တွင် အရောင်းအဝယ်ပါး၍ အိတ်(၁၀၀)ခန့်သာ အရောင်းအဝယ်ဖြစ်ပါသည်။

စမုံနက်နှမ်း

        ပြည်ဈေးကွက်တွင် ယခုအပတ်၌ နှမ်းဝင်ရောက်မှုနည်းပါးသွားသည်သည်ကိုတွေ့ရပြီး အောက်တိုဘာလ နောက်ဆုံးပတ်တွင် ဈေးနှုန်းအနေဖြင့် တစ်တင်းလျှင် ၁၉၀၀၀၀-၂၀၀၀၀၀ ကျပ်ဖြင့် ဈေးအမြင့်ဆုံးသို့ရောက်ရှိလာပါသည်။ ယခင်နှစ်တွင် စမုံနက်နှမ်းဈေးမှာ တစ်တင်းလျှင် ၁၀၀၀၀၀ကျပ်ဖြင့်အရောင်းအဝယ်ဖြစ်ခဲ့၍ ယခုနှစ်တွင် စမုံနက်နှမ်းဈေးမှာ တစ်တင်းလျှင် ၉၀၀၀၀-၁၀၀၀၀၀ ကျပ်ခန့်ဈေးမြင့်လာခဲ့ပြီး အရောင်းအဝယ်ဖြစ်မှုမှာ ယခုအပတ်တွင် အိတ် ၅၀/၁၀၀ ခန့် ယခင်လှောင်နှမ်းလက်ကျန်များဖြင့်သာ အရောင်းအဝယ်ဖြစ်လျက်ရှိပါသည်။

မြေပဲဆန်ဈေးနှုန်းများ

လုံးဆန်(အဖြူ)

        ပြည်မြို့ရှိ ပွဲရုံများဈေးကွက်များတွင် မြေပဲဆန် လုံးဆန်(အဖြူ)ဈေးများမှာ ယခုအောက်တိုဘာလ နောက်ဆုံးပတ်တွင် တစ်ပိဿာလျှင် ၇၄၀၀ကျပ်ဖြင့်အရောင်းအဝယ်ဖြစ်ခဲ့ပြီး ယခင်နှစ် အောက်တိုဘာလ နောက်ဆုံးပတ်တွင် တစ်ပိဿာကို ၅၆၀၀ကျပ်ဖြင့်ရောင်းချခဲ့၍ ယခုနှစ်တွင် တစ်ပိဿာလျှင် ၁၈၀၀ကျပ်ဈေးမြင့်တက်လာခဲ့ပါသည်။

လုံးဆန်(အနီ)

        ပြည်မြို့ရှိ ဈေးကွက်များတွင် မြေပဲဆန်လုံးဆန် (အနီ)များကို ပဲကြော်ဖိုသမားများက ဝယ်ယူမှုရှိ၍ ယခုအောက်တိုဘာလ နောက်ဆုံးပတ်တွင် တစ်ပိဿာလျှင် ၇၄၀၀ကျပ်ဖြင့် ရောင်းဝယ်လျက်ရှိ၍ ယခင်နှစ် ယခုကဲ့သို့သောအချိန်တွင် တစ်ပိဿာလျှင် ၅၄၀၀ကျပ်ဖြင့်ရောင်းချခဲ့၍ ယခုနှစ်တွင် တစ်ပိဿာလျှင် ၂၀၀၀ကျပ်ခန့်ဈေးပိုလာခဲ့ပါသည်။

ဆီကြိတ်မြေပဲဆန်(အဖြူ)

         မြေပဲဆန် ဆီကြိတ်ဆန်(အဖြူ)ဈေးများမှာ ယခုအောက်တိုဘာလ နောက်ဆုံးပတ်တွင် တစ်ပိဿာလျှင် ၆၈၀၀ကျပ်ဖြင့် ဆီစက်သမားများက ဝယ်ယူမှုရှိ၍ အရောင်းအဝယ်ဖြစ်လျက်ရှိပါသည်။ ယခင်နှစ် ယခုကဲ့သို့သောအချိန်တွင် တစ်ပိဿာလျှင် ၅၂၀၀ကျပ်ဖြင့်ရောင်းချခဲ့၍ ယခုနှစ်တွင် တစ်ပိဿာလျှင် ၁၆၀၀ကျပ်ဈေးပိုခဲ့ပြီး နေ့စဉ်ပုံမှန်အရောင်းအဝယ်ဖြစ်လျက်ရှိပါသည်။

ဆီကြိတ်မြေပဲဆန်(အနီ)

        ပြည်ဈေးကွက်တွင် ယခုအောက်တိုဘာလ နောက်ဆုံးပတ်တွင် ဆီကြိတ်မြေပဲဆန် (အနီ) တစ်ပိဿာလျှင် ၆၈၀၀ကျပ်ဖြင့်ရောင်းဝယ်လျက်ရှိပြီး ယခင်နှစ် ယခုကဲ့သို့သောအချိန်တွင် တစ်ပိဿာလျှင် ၅၀၀၀ကျပ်ဖြင့်အရောင်းအဝယ်ဖြစ်ခဲ့၍ ယခုနှစ်တွင် တစ်ပိဿာလျှင် ၁၈၀၀ကျပ်ဈေးပိုလာခဲ့ပါသည်။

        ထို့ကြောင့် ပြည်ဈေးကွက်ရှိ ဆီထွက်သီးနှံများမှာ ယခင်နှစ်နှင့် ယခုနှစ်ကာလတူအချိန်နှိုင်းယှဉ်မှုမှာ ယခုနှစ်တွင် ဈေးများပိုလာကြောင်းသိရပါသည်။ ထိုသို့ ဈေးများမြင့်တက်လာရခြင်းမှာ သီးနှံများဝင်ရောက်မှုနည်းခြင်း၊ သီးနှံများထွက်ပေါ်ချိန်တွင် ရေကြီး၊ ရေလျှံမှုများဖြစ်၍ အထွက်နှုန်းနည်းခြင်းတို့ကြောင့် ဝယ်လိုအားကောင်းသော်လည်း ရောင်းလိုအားနည်းသဖြင့် သီးနှံဈေးများမြင့်တက်လာရခြင်းဖြစ်ကြောင်း လေ့လာသုံးသပ်တင်ပြလိုက်ရပါသည်။

DOCA(ပဲခူး)

ပြည်ကုန်စည်ဒိုင်သည် သွားရေးလာရေးအချက်အခြာကျသော ပြည်မြို့တွင်ရှိသောကြောင့် ပဲမျိုးစုံအရောင်းအဝယ်မှာ သွက်လျက်ရှိပါသည်။
မတ်ပဲ
ပြည်ကုန်စည်ဒိုင်၏ အောက်တိုဘာလ ပထမပတ်၌ မတ်ပဲတစ်တင်းလျှင် (၁၂၆၀၀၀-၁၂၆၅၀၀) ကျပ်ဖြင့် ရန်ကုန်အဝယ်တစ်ရက်ကို အိတ်၂၀၀ခန့်အဝယ်ရှိပါသည်။ အောက်တိုဘာလ ဒုတိယပတ်တွင် မတ်ပဲတစ်တင်းလျှင် ၁၂၂၅၀၀ကျပ်၊ တတိယပတ်တွင် မတ်ပဲတစ်တင်းလျှင် ၁၂၃၀၀၀ကျပ်ဖြင့် ရန်ကုန်သို့တင်ပို့မှုရှိခဲ့ပါသည်။ အောက်တိုဘာလ စတုတ္ထပတ်တွင် မတ်ပဲတစ်တင်းလျှင် ၁၂၃၅၀၀ကျပ်ဖြင့် ရန်ကုန်အဝယ်တစ်ရက်ကို အိတ်၂၀၀ခန့်အဝယ်ရှိပါသည်။
ပဲစင်းငုံ
အောက်တိုဘာလ ပထမပတ်တွင် ပဲစင်းငုံတစ်တင်းလျှင် ၁၅၂၀၀၀ကျပ်ဖြင့် ရန်ကုန်အဝယ်ရှိခဲ့ပါသည်။ အောက်တိုဘာလ ဒုတိယပတ်တွင် ပဲစင်းငုံတစ်တင်းလျှင် ၁၅၂၀၀၀ကျပ်ဖြင့် ရန်ကုန်အဝယ်တစ်ရက်ကို အိတ်၂၀၀ခန့်ရှိခဲ့ပါသည်။ အောက်တိုဘာလ တတိယပတ်တွင် ပဲစင်းငုံတစ်တင်းလျှင် ၁၅၂၀၀၀ကျပ်ဖြင့် ဈေးအေးနေပြီး ရန်ကုန်အဝယ်ရှိပါသည်။ အောက်တိုဘာလ စတုတ္ထပတ်တွင် ပဲစင်းငုံတစ်တင်းကို ၁၅၂၀၀၀ကျပ်ဖြင့် အရောင်းအဝယ်ဖြစ်လျက်ရှိပါသည်။
ကုလားပဲ
အောက်တိုဘာလ ပထမပတ်တွင် ကုလားပဲ (HL) တစ်တင်းကို ၁၀၂၀၀၀-၁၀၃၀၀၀ ကျပ်၊ မြကြေးမှုံတစ်တင်းလျှင် ၁၁၃၅၀၀-၁၁၄၀၀၀ ကျပ်ဖြင့် မြို့တွင်းပဲခွဲစက်သမားနှင့် ရန်ကုန်အဝယ် တစ်ရက်ကို အိတ်၃၀၀ခန့်အဝယ်ရှိပါသည်။ အောက်တိုဘာလ ဒုတိယပတ်တွင် ကုလားပဲ (HL) တစ်တင်းလျှင် ၁၀၁၀၀၀-၁၀၂၀၀၀ ကျပ်၊ မြကြေးမှုံတစ်တင်းလျှင် ၁၁၃၀၀၀ကျပ်ဖြင့် မြို့တွင်းအဝယ်ရှိခဲ့ပါသည်။ အောက်တိုဘာလ တတိယပတ်တွင် ကုလားပဲ (HL) တစ်တင်းကို ၁၀၂၅၀၀-၁၀၃၀၀၀ ကျပ်၊ မြကြေးမှုံတစ်တင်းလျှင် ၁၁၃၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ်(၃၀၀)ခန့်အဝယ်ရှိပါသည်။ အောက်တိုဘာလ စတုတ္ထပတ်တွင် ကုလားပဲ (HL) တစ်တင်းလျှင် ၁၀၂၀၀၀ကျပ်၊ မြကြေးမှုံတစ်တင်းလျှင် ၁၁၄၀၀၀ကျပ်ဖြင့် မြို့တွင်းအဝယ်တစ်ရက်ကို အိတ်(၂၀၀) ခန့်အဝယ်ရှိပါသည်။
ပဲကြီး
အောက်တိုဘာလ ပထမပတ်တွင် ပဲကြီး(ရွှေကျွန်း)တစ်တင်းလျှင် ၉၂၀၀၀ကျပ်၊ ပဲကြီး(ကုန်းပဲ) တစ်တင်းလျှင် ၈၇၀၀၀ကျပ်ဖြင့် မြို့တွင်းပဲကြော်သမားများနှင့် ရန်ကုန်အဝယ်တစ်ရက်ကို အိတ်၃၀၀ခန့်အဝယ်ရှိပါသည်။ အောက်တိုဘာလ ဒုတိယပတ်တွင် ပဲကြီး(ရွှေကျွန်း)တစ်တင်းလျှင် ၉၂၀၀၀ကျပ်၊ ပဲကြီး(ကုန်းပဲ)တစ်တင်းလျှင် ၈၇၀၀၀ကျပ်ဖြင့် ရန်ကုန်အဝယ်နှင့် မြို့တွင်းအဝယ် တစ်ရက်ကို အိတ်၂၅၀ခန့်အဝယ်ရှိပါသည်။ အောက်တိုဘာလ တတိယပတ်တွင် ပဲကြီး(ရွှေကျွန်း) တစ်တင်းလျှင် ၉၂၀၀၀ကျပ်၊ ပဲကြီး(ကုန်းပဲ)တစ်တင်းလျှင် ၈၇၀၀၀ကျပ်ဖြင့် မြို့တွင်းအဝယ်ရှိခဲ့ ပါသည်။ အောက်တိုဘာလ စတုတ္ထပတ်တွင် ပဲကြီးဈေးအေးနေပြီး (ရွှေကျွန်း)တစ်တင်းလျှင် ၂၀၀၀၀ကျပ်၊ ပဲကြီး(ကုန်းပဲ) တစ်တင်းလျှင် ၈၇၀၀၀ကျပ်ဖြင့် မြို့တွင်းနှင့် ရန်ကုန်အဝယ်ရှိပါသည်။
ဘိုကိတ်ပဲ
အောက်တိုဘာလ ပထမပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ် ၁၀၀/၁၅၀ ခန့်အဝယ်ရှိပါသည်။ အောက်တိုဘာလ ဒုတိယပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် ဈေးအေးနေပြီး ရန်ကုန်အဝယ် အိတ်၁၀၀ခန့်ရှိပါသည်။ အောက်တိုဘာလ တတိယပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ် ၁၀၀/၁၅၀ ခန့်ရှိပါသည်။ စတုတ္ထပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် မြို့တွင်းနှင့်ရန်ကုန်အဝယ်ရှိပါသည်။
ပဲတီစိမ်း
အောက်တိုဘာလ ပထမပတ်တွင် ပဲတီစိမ်းတစ်တင်းလျှင် ၅၀၀၀၀ကျပ်ဖြင့် အရောင်းအဝယ် တစ်ခါတရံဖြစ်ပါသည်။ ဒုတိယအပတ်တွင် ပဲတီစိမ်းတစ်တင်းကို ၅၀၀၀၀ကျပ်၊ တတိယအပတ်တွင် ပဲတီစိမ်းတစ်တင်းလျှင် ၅၀၀၀၀ကျပ်ဖြင့် ဈေးအေးနေပြီး အရောင်းအဝယ်မှာ တစ်ခါတရံသာဖြစ်ပါသည်။ အောက်တိုဘာလ စတုတ္ထပတ်တွင် ပဲတီစိမ်းသစ်မှာ ဝင်စပြုနေပြီး တစ်ရက်ကို အိတ် ၁၀၀/၂၀၀ ခန့်အဝင်ရှိပါသည်။ ပဲတီစိမ်းတစ်တင်းကို ၇၀၀၀၀ကျပ်ဖြင့် ဈေးစဖွင့်ပြီး တစ်ရက်ကို အိတ် ၁၀၀/၂၀၀ ခန့်အရောင်းအဝယ်ဖြစ်ပါသည်။
ပြည်ကုန်စည်ဒိုင်တွင် မတ်ပဲ၊ ပဲတီစိမ်း၊ ပဲစင်းငုံသီးနှံများမှာ ရန်ကုန်တင်ပို့မှုရှိပြီး ကျန်ပဲများမှာ မြို့တွင်းနှင့် နယ်စုံအရောင်းအဝယ်ဖြစ်လျက်ရှိကြောင်းသိရှိရပါသည်။
DOCA(ပဲခူး)

                ရှမ်းပြည်နယ်အစိုးရအဖွဲ့၏ လမ်းညွှန်မှုဖြင့် ပြည်နယ်စားသုံးသူရေးရာဦးစီးဌာနမှကြီးကြပ်၍ ဆီကုန်သည်နှင့်ဆီလုပ်ငန်းရှင်များအသင်းမှ နိုင်ငံ့ဝန်ထမ်း(အငြိမ်းစား)ပင်စင်စားများအား ပြည်နယ်အားကစားရုံတွင် စက်တင်ဘာလ(၂၅)ရက်နေ့မှ လကုန်ရက်အထိလည်းကောင်း၊ အောက်တိုဘာလ (၂၀)ရက်နေ့မှ လကုန်ရက်အထိလည်ကောင်း စားအုန်းဆီများကို သတ်မှတ်ရည်ညွှန်းဈေးနှုန်းများဖြင့် နံနက်(၀၈း၀၀)နာရီအချိန်မှ ညနေ့(၁၆း၀၀)နာရီအထိ ရောင်းချပေးလျက်ရှိကြောင်း သိရှိရပါသည်။

                နိုင်ငံ့ဝန်ထမ်း(အငြိမ်းစား)ပင်စင်စားတစ်ဦးလျှင်(၁)ပိဿာနှုန်းဖြင့် လစဉ်ဘဏ်ပင်စင်ထုတ်ရက် (စနေ့၊တနင်္ဂနွေ)ပိတ်ရက်မပါ စားအုန်းဆီများကိုရောင်းချပေးသွားမည်ဖြစ်ကြောင်းသိရှိရပါသည်။ ရောင်းချပေးသည့် စားအုန်းဆီဈေးနှုန်းမှာ ဒေါ်လာအတက်/ အကျပေါ်မူတည်ပြီး အပတ်စဉ်တူညီမှုမရှိဘဲ အပြောင်းအလဲရှိကြောင်းနှင့် ပြောင်းလဲသွားသည့် သတ်မှတ်ရည်ညွှန်းဈေးနှုန်းအတိုင်း ရောင်းချပေးသွားမည်ဖြစ်ကြောင်းသိရှိရပါသည်။

             စားအုန်းဆီဝယ်ယူသည့် နိုင်ငံ့ဝန်ထမ်း(အငြိမ်းစား)ပင်စင်စားများမှာ မြို့ပြပင်စင်အမျိုးအစားနှင့် ကာကွယ်ရေးပင်စင်အမျိုးအစားဖြစ်ကြောင်းသိရှိရသည်။ စားအုန်းဆီအပြင် ကြက်ဥများကိုလည်း လာရောက်ရောင်းချပေးကြောင်းနှင့် ကြက်ဥများကို ပြည်နယ်မွေးမြူရေးနှင့် ကုသရေးဦးစီးဌာန၏ ညွှန်ကြားမှုဖြင့် သစ်တောရပ်ကွက်၊ ဦးစိုင်းလုံ + ဒေါ်ခင်အေး (ကြက်မွေးမြူရေးခြံ)မှ ကြက်ဥတစ်လုံး လျှင်(၃၃၀/-)ကျပ်ဖြင့် ရောင်းချပေးလျက်ရှိ ကြောင်းသိရှိရပါသည်။

DOCA(ရှမ်း)