ပြည်တွင်းကုန်သွယ်မှုသတင်း

မြန်မာနိုင်ငံသည် လယ်ယာစိုက်ပျိုးရေးလုပ်ငန်းကို အဓိကလုပ်ကိုင်ကြသည့် နိုင်ငံဖြစ်သည် နှင့်အညီ စစ်ကိုင်းတိုင်းဒေသကြီး ၊ ကန့်ဘလူခရိုင်သည်လဲ လယ်ယာစိုက်ပျိုးရေးလုပ်ငန်းများကို အဓိကထားလုပ်ကိုင်သော ဒေသတစ်ခုဖြစ်သည်။ ယခုအခါ ကန့်ဘလူခရိုင်၏ အဓိကစိုက်ပျိုးသီးနှံ  တစ်ခုဖြစ်သည့် အစေ့ထုတ်ပြောင်းများ ဈေးကွက်အတွင်း ရောင်းဝယ်လျက်ရှိကြောင်း သိရသည်။

အစေ့ထုတ်ပြောင်းကို မေလကုန်တွင်စတင်စိုက်ပျိုးပြီး စက်တင်ဘာလဆန်းမှစ၍ ရိတ်သိမ်း ရကြောင်း၊ စိုက်ပျိုးရာတွင် မျိုးအနေဖြင့် C.P.808 နှင့် C.P.888 မျိုးများကို အများဆုံးစိုက်ပျိုးကြ ကြောင်း၊ ၂၀၂၅ ခုနှစ်၊ ဇန်နဝါရီလစတုတ္ထပတ်အတွင်း အစေ့ထုတ်ပြောင်း(၁)တင်းလျှင် ငွေကျပ် (၂၁၀၀၀)ဖြင့် အရောင်းအဝယ်ဖြစ်လျက်ရှိကြောင်း၊  ယခင်ပတ်ဈေးနှုန်းနှင့် နှိုင်းယှဉ်ပါက အစ့ထုတ် ပြောင်းတစ်တင်းလျှင်(၁၀၀၀)ကျပ် ကျဆင်းသွားကြောင်း ဒေသတွင်းပွဲရုံလုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

 စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် စပါးနှင့်ဆီထွက်သီးနှံများ အပြင် ပဲမျိုးစုံကိုလည်း စိုက်ပျိုးကြောင်း၊ မတ်ပဲသီးနှံများသည် ကန့်ဘလူမြို့နယ်အတွင်းရှိ ကျေးရွာများမှ အဓိကဝင်ရောက်လျက်ရှိပြီး ဇန်နဝါရီလစတုတ္ထပတ်အတွင်း ဈေးနှုန်းများမှာ မတ်ပဲရိုးရိုးတစ်တင်းလျှင် (၈၇၀၀၀)ကျပ်၊ မတ်ပဲ(မျက်ကွင်းဖြူ) တစ်တင်းလျှင်(၉၀၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ဈေးကွက်အနေဖြင့် ကန့်ဘလူခရိုင်မှထွက်ရှိသော မတ်ပဲများ ကို ရွှေဘိုမြို့နှင့်မန္တလေးမြို့ ရှိပွဲရုံများ၊ ကုန်စည်ဒိုင်များသို့ တင်ပို့လျက်ရှိကြောင်း သိရသည်။

ယခုအခါ ဈေးကွက်အတွင်း မတ်ပဲသီးနှံများ အရောင်းအဝယ်ဖြစ်လျက်ရှိပြီး ၂၀၂၅ ခုနှစ် ဇန်နဝါရီလတတိယပတ် ဈေးနှုန်းများနှင့်နှိုင်းယှဉ်ပါက စတုတ္ထပတ်အတွင်း မတ်ပဲဈေးနှုန်းများ ပြန်လည်မြင့်တက်လာကြောင်း သီးနှံရောင်းဝယ်ရေး လုပ်ငန်းရှင်များထံမှ သတင်းရရှိသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများမှ ရာသီစာ စားတော်ပဲစိမ်းကို စိုက်ပျိုးကာ ကန့်ဘလူမြို့မဈေးကွက်သို့ ရောင်းချလျက်ရှိကြောင်းသိရသည်။

          စားတော်ပဲစိမ်းသည် ယခင်  မြန်မာမင်းများလက်ထက်ကတည်းက စားအလွန်ကောင်းကာ  နုညံ့ သည့်အဆင့််မြင့်် ပဲတစ်မျိုးကို ဘုရင်များ စားသုံးကြ၍ စား‌တော်ပဲဟုခေါ်ခဲ့ကြသည်။ စားတော်ပဲသည် ဘုရင်များတွင်သာမက လူအများကြိုနှစ်သက်သော ပဲတစ်မျိုးဖြစ်ပြီ စားတော်ပဲစိမ်းသည် ဆောင်းရာသီ တစ်ရာသီသာ စားရသောပဲဖြစ်ပါသည်။ စား‌တော်ပဲစိမ်းသည် ဇန်နဝါရီလ တတိယပတ် တွင်သာ စပေါ်ပြီး ဈေးကွက်အတွင်းသို့ ‌ရောက်ရှိလာပါသည်။  စား‌တော်ပဲစိမ်းကို စားသုံးမှုများမှာ အစိမ်းကြော်စားခြင်း၊ စား‌‌တော်ပဲစိမ်းချက်စားခြင်း၊ ‌ကောက်ညှင်းနှင့်ပေါင်းစားခြင်း၊ ဒံပေါက်ထဲတွင်ထည့်ခြင်း၊ ကောက်ညှင်း ကျည်တောက်ထဲတွင်ထည့်ခြင်းနှင့် ပဲကပ်ကြော်အဖြစ်ကြော်ပြီး ရေနွေးကြမ်းနှင့်စားသုံးခြင်းများ ဖြစ်ပါ သည်။

          ၂၀၂၅ ခုနှစ်၊ ဇန်နဝါရီလ တတိယပတ်အတွင်း ဖြစ်ပေါ်နေသော ကန့်ဘလူမြို့၏ စားတော်ပဲစိမ်း ဈေးနှုန်းများမှာ စားတော်ပဲစိမ်း တစ်ပြည်လျှင်(၁၆၀၀၀)ကျပ်၊ စားတော်ပဲစိမ်  နို့ဆီ တစ် ဘူးလျှင်(၂၀၀၀)ကျပ်ဈေးဖြင့် ၂၀၂၅ ခုနှစ်၊ ယခု ဇန်နဝါရီလ စတုထ္ထပတ်အတွင်း ဖြစ်ပေါ်နေသော ကန့်ဘလူမြို့၏ စားတော်ပဲစိမ်း ဈေးနှုန်းများမှာ စားတော်ပဲစိမ်း တစ်ပြည်လျှင်(၁၂၀၀၀)ကျပ်၊ စားတော်ပဲ စိမ်း  နို့ဆီ တစ်ဘူးလျှင်(၁၅၀၀)ကျပ်ဈေးဖြင့် ‌အရောင်းအဝယ် ဖြစ်လျက်ရှိသောကြောင့် ယခင်အပတ်နှင့် နှိုင်းယှဉ်ကြည့်မည်ဆိုပါက စားတော်ပဲစိမ်း တစ်ပြည်လျှင်(၄၀၀၀)ကျပ် ကျဆင်းလျက်ရှိပြီး အရောင်း အဝယ်ဖြစ်လျက်ရှိကြောင်း ကန့်ဘလူမြို့၊ မြို့မဈေးတွင် ကုန်စိမ်းသီးနှံမျိုးစုံ  ရောင်းချနေသော ဈေးသည် တစ်ဦးထံမှ သိရသည်။

DOCA(စစ်ကိုင်း)

          ၂၀၂၅ ခုနှစ်၊ ဇန်နဝါရီလတတိယပတ်အတွင်း  မုံရွာစျေးကွက်အတွင်းသို့  ခရမ်းချဉ်သီး များဝင်ရောက်မှုများသည့်အတွက် စျေးအနည်းငယ်ကျဆင်းသွားကြောင်းတွေ့ရှိရပါသည်။  မုံရွာမြို့ အတွင်းသို့   တံတားဦးဒေသထွက်ခရမ်းချဉ်သီးများနှင့်အပြင် စစ်ကိုင်းတိုင်းဒေသကြီးမှ     လှိုင်လှိုင်ထွက်ပေါ်ဝင်ရောက်လျက်ရှိကြောင်း သိရှိရပါတယ်။ မုံရွာမြို့၊ ချင်းတွင်းရတနာဈေးရှိ ခရမ်းချဉ် သီးပွဲရုံများ၊ ကုန်စိမ်းလက္ကားရောင်းချသည့် သံလမ်းဈေးတို့တွင် ခရမ်းချဉ်သီး အမျိုးအစား အလိုက်ဝင်ရောက်လျက်ရှိပြီး၊ တစ်ဆင့်ပြန်လည်ရောင်းချလျက်ရှိကြောင်း သိရှိရပါတယ်။

           ဒီဇင်ဘာလ တတိယပတ်တွင် ခရမ်းချဉ်သီး လက္ကားဈေးနှုန်း တစ်ပိဿာလျှင်(၆၀၀၀ ) ကျပ်နှင့် လက်လီဈေးနှုန်း တစ်ပိဿာလျှင် ( ၇၀၀၀) ကျပ်ဖြစ်ပြီး ယခုအခါ ဇန်နဝါရီလ တတိယအပတ်အတွင်း ခရမ်းချဉ်သီး လက္ကားဈေးနှုန်း တစ်ပိဿာလျှင်(၃၀၀၀)ကျပ်နှင့် လက်လီဈေးနှုန်း တစ်ပိဿာလျှင် (၃၅၀၀) ကျပ်ဖြစ်သည့်အတွက် ဒီဇင်ဘာလတတိယပတ် အတွင်း ဖြစ်ပေါ်ခဲ့သည့်ပေါက်စျေးနှင့်နှိုင်းယှဉ်ပါက  ယခုလတွင် ခရမ်းချဉ်သီးဝင်ရောက်မှုများ လာသည့် အပေါ် စျေးနှုန်းအနည်းငယ်ကျဆင်းသွားကြောင်း တွေ့ရှိရပါတယ်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်အတွင်းရှိ ကျေးရွာများတွင် စပါး၊ ပဲမျိုးစုံနှင့် စားဖိုဆောင် သီးနှံများကို စိုက်ပျိုးသည့်အနက် ပဲကြီးသည်လည်း ဈေးကောင်းရ၍ အရောင်းအဝယ်ဖြစ်လျက်ရှိကြောင်း သိရသည်။

          ပဲကြီးသည် လူအများကြိုနှစ်သက်သော ပဲတစ်မျိုးဖြစ်ပြီ ပဲကြီးအစိုညှစ်သည် ဆောင်း ရာသီ တစ်ရာသီသာ စားရသောပဲဖြစ်ပါသည်။ ပဲကြီးအစိုညှစ်သည် ဇန်နဝါရီလတွင် စတင်ပေါ်၍  ဈေးကွက်အတွင်းသို့ ‌ရောက်ရှိလာပါသည်။  ပဲကြီးအစိုညှစ်ကို စားသုံးမှုများမှာ အစိမ်းကြော် စားခြင်း၊ ပဲနှပ်ချက် ချက်စားခြင်း၊ ပဲဟင်းချိုချက်စားခြင်း၊ ပဲကြီးအစိုကို အကြော်ဆံအဖြစ်ကြော်ပြီး လဖက်ဖြင့်တွဲဖက်ကာ ရေနွေးကြမ်းနှင့်စားသုံးခြင်းများ ဖြစ်ပါ သည်။

၂၀၂၅ ခုနှစ်၊ ဇန်နဝါရီလ စတုထ္ထပတ်အတွင်း ဖြစ်ပေါ်နေသော ကန့်ဘလူမြို့၏ ပဲကြီးအစိုညှစ် ဈေးနှုန်းများမှာ ပဲကြီးအစိုညှစ် တစ်ပြည်လျှင်(၁၄၀၀၀)ကျပ်၊ ပဲကြီးအစိုညှစ် နို့ဆီ တစ်ဘူး လျှင်(၁၈၀၀)ကျပ်ဈေးဖြင့် အရောင်းအဝယ်ဖြစ်လျက်ရှိကြောင်း သိရသည်။

DOCA(စစ်ကိုင်း)