ပြည်တွင်းကုန်သွယ်မှုသတင်း

     မုံရွာမြို့၊ သီရိရတနာစျေးရှိ သစ်သီးဝလံများမှာ ရှမ်းပြည်နယ်၊ တောင်ကြီး၊ မြစ်ကြီးနား၊ သီပေါ၊  စစ်ကိုင်း၊ ပြင်ဦးလွင်နှင့် ဒေသတွင်းတို့မှ အသီးသီးဝင်ရောက်လျက်ရှိကြောင်းသိရပါသည်။

   ၂၀၂၃ခုနှစ်၊ အောက်တိုဘာလ စတုတ္ထအပတ်တွင် ရွှေလိမ္မော်(၁)ပိဿာလျှင် ကျပ်(၇၀၀၀မှ ၈၀၀၀)ကြား၊ ပျားလိမ္မော်(၁)ပိဿာလျှင် ကျပ်(၇၀၀၀မှ ၉၀၀၀)ကြား၊ လိမ္မော်(ရိုးရိုး) (၁)ပိဿာလျှင် ကျပ်(၆၀၀၀မှ ၈၀၀၀) ကြား၊ စတော်ဘယ်ရီ(၁)ပိဿာလျှင် ကျပ်(၈၀၀၀မှ ၉၅၀၀)ကြား၊  ပန်းသစ်တော် (၁)လုံးလျှင် ကျပ်(၁၀၀၀မှ ၁၅၀၀)ကြား၊ ပန်းသီး (၁)လုံးလျှင် ကျပ်(၇၀၀မှ ၁၅၀၀)ကြား၊ ထောပတ်သီး (၁)လုံးလျှင် ကျပ်(၇၀၀မှ ၁၅၀၀)ကြား၊ ကျွဲကောသီး (၁)လုံးလျှင် ကျပ်(၁၀၀၀မှ ၁၅၀၀)ကြား၊ တည်သီး (၁)လုံးလျှင် ကျပ်(၈၀၀မှ ၁၀၀၀)ကြား၊ သခွားမွှေး (၁)လုံးလျှင် ကျပ်(၁၅၀၀မှ ၃၅၀၀)ကြား၊ ဖရဲသီး(ကြီး) (၁)လုံးလျှင် ကျပ်(၁၅၀၀မှ ၂၀၀၀)ကြား၊ ဖရဲသီး(သေး) (၁)လုံးလျှင် ကျပ်(၈၀၀မှ ၁၅၀၀)ကြား၊ နာနတ်သီး (၁)လုံးလျှင် ကျပ်(၇၀၀မှ ၁၅၀၀)ကြား၊ နှင်းသီး(၁)ပိဿာလျှင် ကျပ်(၅၀၀၀မှ ၇၀၀၀)ကြား၊ နဂါးမောက်သီး (၁)လုံးလျှင် ကျပ်(၈၀၀မှ ၁၅၀၀)ကြား၊ မင်းဂွတ်သီး(၁)လုံးလျှင် ကျပ်(၁၅၀မှ ၃၀၀)ကြား၊ ငှက်ပျောသီးဖီးကြမ်းတစ်ဖီးလျှင် ကျပ်(၁၅၀၀မှ ၂၅၀၀)ကြား၊ ငှက်ပျောသီးမွှေးတစ်ဖီးလျှင် ကျပ်(၁၅၀၀မှ ၂၀၀၀)ကြား၊ စပျစ်သီး (၁)ပိဿာလျှင် ကျပ်(၈၀၀၀မှ ၁၂၀၀၀)ကြားဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း မုံရွာမြို့၊ သီရိရတနာဈေးအတွင်းရောင်းချနေသော ဈေးသည်များထံမှသိရှိရပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရာ ၂၀၂၃ခုနှစ်၊ အောက်တိုဘာလ၊ စတုတ္ထအပတ်အတွင်း အရောင်းအဝယ်ဖြစ်သည့် သီးနှံနှင့်ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့်ဆက်သွယ်မေးမြန်းခဲ့ပါသည်။ မြေပဲလုံးဆံ(နီ၊ ဖြူ)များမှာ စက်တင်ဘာလ၊ တတိယအပတ်မှစတင်၍ ရွှေဘိုဈေးကွက်သို့ဝင်ရောက်ခဲ့ကြောင်း၊ အောက်တိုဘာလ၊ စတုတ္ထအပတ်တွင် အရောင်းအဝယ်ဖြစ်သည့်ဈေးနှုန်းမှာ မြေပဲလုံးဆံ(ဖြူ)တစ်တင်းလျှင် (၉၁၂၀ဝိ/-)ကျပ်ပေါက်ဈေးရှိပြီး တစ်ပတ်အတွင်း အရောင်းအဝယ်ဖြစ်မှုမှာ (၃၆၀၀)တင်း/(၈၂)တန်ဖြစ်ကြောင်း၊ ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်အပတ်၌ မြေပဲလုံးဆံ(ဖြူ)တစ်တင်းလျှင် (၈၈၀၀ဝိ/-)ကျပ်ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် မြေပဲလုံးဆံ(ဖြူ)တစ်တင်းလျှင် (၃၂၀ဝိ/-) ကျပ်ဈေးပိုခဲ့ကြောင်း၊  ယခင်နှစ်ကာလတူနှင့် အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်နှစ်ကာလတူတွင် မြေပဲလုံးဆံ(ဖြူ) တစ်မျိုးတည်းသာအရောင်းအဝယ်ဖြစ်ခဲ့ပြီး တစ်တင်းလျှင် (၈၃၂၀ဝိ/-) ကျပ်ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူထက် မြေပဲလုံးဆံ(ဖြူ)တစ်တင်းလျှင် (၈၀၀ဝိ/-) ကျပ်ဈေးပိုခဲ့ကြောင်း သတင်းရရှိပါသည်။

DOCA(စစ်ကိုင်း)

    မြန်မာနိုင်ငံစက်သုံးဆီ တင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

    ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်တွင် စက်သုံးဆီဆိုင်(၈)ဆိုင်ရှိရာ     ပုံမုန်ဖွင့်လှစ်ရောင်းချလျက်ရှိပြီး ၂၀၂၃ခုနှစ် ၊ အောက်တိုဘာလ (စတုတ္တပတ်)တွင်ဖြစ်ပေါ်နေသော စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင်(၂၀၈၈)ကျပ်၊ ဓာတ်ဆီ(95) တစ်လီတာ လျှင်(၂၁၈၃)ကျပ် ဒီဇယ်ရိုးရိုး တစ်လီတာလျှင် (၂၃၃၃)ကျပ် ၊  ဒီဇယ်(ပရီမီယမ်)တစ်လီတာ လျှင် (၂၄၄၈)ကျပ် ဖြင့်ရောင်းချလျက်ရှိကြောင်းသိရပါသည်။

    ၂၀၂၃ခုနှစ် အောက်တိုဘာလ (ပထမ)ပတ်တွင် စက်သုံးဆီဈေးနှုန်းများမှာ ဓာတ်ဆီ (92)တစ်လီတာလျှင်(၁၉၆၈)ကျပ်၊ဓာတ်ဆီ(95)တစ်လီတာလျှင်(၂၀၆၈)ကျပ် ၊ ဒီဇယ်ရိုးရိုး တစ်လီတာလျှင်(၂၃၀၈)ကျပ် ၊ ဒီဇယ် (ပရီမီယမ်) တစ်လီတာလျှင် (၂၃၅၃)ကျပ် ဖြင့်ရောင်းချလျက် ရှိကြောင်း သိရပါသည်။ 

    ယခု အောက်တိုဘာလ (စတုတ္တ) အပတ်နှင့် နှိုင်းယှဉ်ပါက ဓာတ်ဆီ (92)တစ်လီတာလျှင် (၁၂၀) ကျပ်၊ ဓာတ်ဆီ (95) တစ်လီတာလျှင်(၁၁၅)ကျပ်၊  ဒီဇယ်ရိုးရိုးတစ်လီတာလျှင် (၂၅)ကျပ်၊ ဒီဇယ် (ပရီမီယမ်) တစ်လီတာလျှင် (၉၅)ကျပ် ဈေးမြင့်တက်သွားကြောင်း သိရပါသည်။

DOCA(ပဲခူး)

     ပဲခူးတိုင်းဒေသကြီး၊ နတ်တလင်းမြို့နယ်အတွင်းရှိ သဲကုန်းကျေးရွာ၊ မြို့ခြံကျေးရွာ၊ သရက်တစ်ပင် ကျေးရွာများတွင် အောက်တိုဘာလမှစ၍ ပိန်းဥများလှိုင်လှိုင်ထွက်ရှိနေပြီဖြစ်ပြီး ပိန်းဥ (အလုံးကြီး) တစ်ပိဿာ လက်လီ (၂၅၀၀)ကျပ်၊ လက်ကား(၂၀၀၀)ကျပ်၊ ပိန်းဥသားတက် တစ်ပိဿာ လက်လီ (၃၀၀၀)ကျပ်၊ လက်ကား (၂၅၀၀)ကျပ်နှုန်းဖြင့် ရောင်းဝယ်လျက်ရှိပါသည်။

     ပိန်းဥကို ဇူလိုင်လဒုတိယပတ်တွင် စတင်စိုက်ပျိုးပြီး အောက်တိုဘာလ ပထမပတ်တွင်  စတင်တူးဖော်ကြပါသည်။ ပိန်းဥများစိုက်ပျိုးရန်အတွက် မျိုးကိုယခင်နှစ်က တူးဖော်ထားရှိသော သားတက်များအား မျိုးအဖြစ်ပြန်လည်အသုံးပြုပါကြောင်း၊ ပိန်းဥတစ်ကျိုးစိုက်ပျိုးရာတွင် (မျိုး၊ မြေပြုပြင်ခ၊ စိုက်ခ ၊ ပေါင်းမြက်ရှင်းခ၊ ဓာတ်မြေဩဇာဘိုး၊ တူးဖော်ခ၊ နွှာခ) စုစုပေါင်းကုန်ကျစရိတ် (၃၄၀၀၀၀) ကျပ်ခန့်ကုန်ကျပါကြောင်း၊ တစ်ကျိုးလျှင် ပိန်းဥ အကြီးပိဿာ (၃၀၀)ခန့်နှင့် သားတက် ပိဿာ (၃၀)ခန့်  ထွက်ရှိပါကြောင်း ၊ ထွက်ရှိလာသောပိန်းဥများကို ဒေသတွင်း မြို့နယ်များတွင် ရောင်းချရန်နှင့် ရန်ကုန်မြို့သို့ တင်ပို့ရောင်းချရန် ကုန်သည်များမှ အိမ်အရောက်ဝယ်ယူမှုများ ရှိကြောင်း သိရှိရပါသည်။

DOCA(ပဲခူး)

    မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့၊ ကြက်သွန်နီဈေးကွက်သို့ ၂၀၂၃ခုနှစ်၊ အောက်တိုဘာလ(၁၇)ရက်မှ (၂၂)ရက်ထိ(တတိယ)ပတ်အတွင်း နေ့စဉ်ကုန်ချိန် ပိဿာ(၃)သောင်း ခန့်၊ (၁)ပတ်အတွင်း စုစုပေါင်း ပိဿာ(၂)သိန်းခန့် ကုန်စည်ဒိုင်တွင်ဝင်ရောက် အရောင်းအဝယ်ဖြစ်ပြီး ဆိပ်ဖြူမြို့မှ ကုန်စည်စီးဆင်းမှုမှာ (၁)ပတ်အတွင်း ပိဿာ(၃)သိန်းခန့် စီးဆင်းလျက်ရှိကြောင်း သိရှိရပါသည်။

    ယခု အောက်တိုဘာလ(တတိယ)ပတ်အတွင်း ကြက်သွန်နီ(၁)ပိဿာဈေးနှုန်းမှာ အမြင့်ဈေး ထိပ်စ(ရှယ်) ကျပ်(၂၄၅၀ မှ ၂၆၅၀)၊ အလတ်စ ကျပ်(၂၃၀၀ မှ ၂၅၀၀)၊ အနိမ့်ဈေး ကျပ်( ၁၆၀၀ မှ ၂၁၀၀) ဈေးနှုန်းအသီးသီးဖြင့် အရောင်းအဝယ်ဖြစ်ခဲ့ပါသည်။ ယခင်တစ်ပတ်တွင် ကြက်သွန်နီ ထိပ်စ အမြင့်ဆုံးဈေးမှာ (၁)ပိဿာလျှင် ကျပ်(၂၇၅၀)ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခု(၁)ပတ် တွင် ကြက်သွန်နီထိပ်စ အမြင့်ဆုံးဈေးမှာ (၁)ပိဿာလျှင် ကျပ်(၂၆၅၀)ဈေးဖြစ်၍ ကျပ်(၁၀၀) ဈေးနှုန်း ကျဆင်းပြီး၊ အလတ်စ ကျပ်(၅၀)နှင့် အသေးစ ကျပ်(၃၀၀)ဖြင့် ဈေးနှုန်းကျ၍ အရောင်းအဝယ်ဖြစ်ခဲ့ပါ သည်။

  ယခုအောက်တိုဘာလ(တတိယ)ပတ်တွင် ပြည်ပနိုင်ငံများသို့ တင်ပို့မှုနည်းပြီး ရန်ကုန် ဘုရင့်နောင်ကုန်စည်ဒိုင်ဈေးကွက်သို့ ကုန်ချိန်အများဆုံးတင်ပို့လျက်ရှိကြောင်း သိရှိရပြီး ကြက်သွန်နီ စုစုပေါင်းပျမ်းမျှ ပိဿာ (၃)သိန်းခန့်၊ (၁၁၅၃၈)အိတ်၊ တန်ချိန်(၄၉၀)ခန့် ကုန်စည်စီးဆင်းခဲ့ကြောင်း ဈေးကွက်မှ သိရှိရပါသည်။

DOCA(မကွေး)