ပြည်တွင်းကုန်သွယ်မှုသတင်း

        ၂၀၂၃ ခုနှစ် ဧပြီလ (ပထမအပတ်)အတွင်း ကန့်ဘလူ၊ ကျွန်းလှ မြို့နယ်တွင် အခြေခံစားကုန်များဖြစ်သော ရွေဘိုပေါ်ဆန်း(အဟောင်း) တစ်ပြည် (၃၈၀၀) ကျပ်၊ ဧရာမင်း(အဟောင်း) တစ်ပြည် (၃၂၀၀) ကျပ်၊ ရွှေဘိုပေါ်ဆန်း (အသစ်)တစ်ပြည် (၃၂၀၀) ကျပ်၊ ယခင်အပတ်ထက်ရွှေဘိုပေါ်ဆန်း (အသစ်)ဈေး တစ်ပြည်လျှင် (၂၀၀)ကျပ် မြင့်တက်နေပြီး ဧရာမင်း(အသစ်)တစ်ပြည် (၃၀၀၀) ကျပ် ယခင်အပတ်ထက် ဧရာမင်း (အသစ်)ဈေး တစ်ပြည်လျှင် (၂၀၀)ကျပ် မြင့်တက်နေပြီး အရောင်းအဝယ် ဖြစ်လျှက်ရှိသည်။ ကြက်သွန်နီ မြစ်သားအမျိုးအစား(အသစ်) လက်လီဈေးမှာ (အကြီး)တစ်ပိသာ (၁၈၀၀) ကျပ် ၊ (အလတ်) တစ်ပိသာ (၁၅၀၀) ကျပ် ၊ (အသေး)တစ်ပိသာ (၁၃၀၀) ကျပ် ကြက်သွန်နီ ရိုးရိုး အမျိုး အစား(အသစ်) လက်လီဈေးမှာ (အကြီး)တစ်ပိသာ (၁၄၀၀) ကျပ် ၊ (အလတ်) တစ်ပိသာ (၁၂၀၀) ကျပ် ၊ (အသေး)တစ်ပိသာ (၈၀၀)ကျပ် နှုန်းဖြင့် အရောင်းအဝယ် ဖြစ်လျှက်ရှိသည်။ ကြက်သွန်ဖြူ လက်လီဈေးမှာ(ဗမာ)အလုံးကြီး တစ်ပိသာ (၅၅၀၀) ကျပ် ကြက်သွန်ဖြူ လက်လီဈေး မှာ(ဗမာ) အလုံးသေး တစ်ပိသာ(၄၃၀၀)ကျပ် မှ  (၅၀၀၀) ကျပ် ၊ ယခင်အပတ်ဈေးအတိုင်းဖြစ်ပြီး ကြူကုတ် တစ်ပိသာ (၄၈၀၀) ကျပ် မှ (၅၃၀၀) ကျပ် ယခင်အပတ်အတိုင်းတည်ငြိမ်နေပြီး ၊ ချင်း တစ်ပိသာ (၃၅၀၀)ကျပ် ဖြစ်နေပြီး ယခင်အပတ်ထက် တစ်ပိသာလျှင် (၈၀၀)ကျပ် မြင့်တက်နေပြီး ငရုတ်သီးခြောက် အမျိုးအစားအလိုက် (၁၆၀၀၀) ကျပ် မှ (၂၅၀၀၀) ကျပ် ယခင်အပတ်အတိုင်း ငြိမ်နေပြီး၊ အာလူးတစ်ပိသာ  (၂၃၀၀) ကျပ် အရောင်းအဝယ်ဖြစ်လျက်ရှိသည်။

      ငရုပ်သီးစိမ်း တစ်ပိသာ (၂၅၀၀) ကျပ်  ယခင်အပတ်နှင့်ကွာခြားမှုမရှိကြောင်း ခရမ်းချဉ်သီး တစ်ပိသာ (၁၀၀၀) ကျပ် မှ(၁၂၀၀)ကျပ် ဖြစ်နေပြီး မတ်လကုန်အပတ်ထက်(၃၀၀/၄၀၀)ကျပ်ဝန်းကျင် မြင့်တက်နေကြောင်း ၊ ခရမ်းသီး တစ်ပိသာ (၅၀၀) ကျပ် ၊ ပန်းဂေါ်ဖီ တစ်ပွင့်  (၁၅၀၀) ကျပ် ၊ ဂေါ်ဖီထုတ် တစ်ထုတ် လျှင်(၈၀၀) ကျပ်၊ ခါကြက်ဥ တစ်ပိသာ (၂၅၀၀) ကျပ် မှ (၃၀၀၀) ကျပ်၊ သံပုရာသီး တစ်လုံးလျှင် (၂၀၀) ကျပ် မှ (၃၀၀) ကျပ် ၊ ကန်ဇွန်းရွက် တစ်စီးလျှင် (၁၀၀) ကျပ် နှုန်းဖြင့် အရောင်းအဝယ် ဖြစ်နေပြီး ကုန်စိမ်းများသည် ယခင်အပတ်နှင့်ကွာခြားမှုမရှိကြောင်း ဈေးသည်တစ်ဦး ထံမှသိရှိရပါသည် ။

      ကြက်ဥ လက်လီဈေးနှုန်းမှာ (အကြီး)တစ်လုံး (၂၅၀)ကျပ်၊ (အသေ)တစ်လုံး (၂၃၀) ကျပ် ၊ ဘဲဥ တစ်လုံ (၃၅၀) ကျပ်ရှိသည် ။  ကန့်ဘလူ၊ ကျွန်းလှမြို့တို့၏ အသား /ငါး ဈေးနှုန်းများမှာ ကြက်သား(cp) (၁၀၀၀၀ )ကျပ် မှ (၁၂၀၀၀) ကျပ် ၊ ကြက်သား(ဗမာ) (၁၈၀၀၀ )ကျပ် မှ (၂၀၀၀၀) ကျပ် ၊ ဝက်သား တစ်ပိသာ (၁၈၀၀၀) ကျပ် မှ (၂၀၀၀၀) ကျပ် ၊ အမဲသာ တစ်ပိသာ (၁၀၀၀၀) ကျပ် မှ (၁၂၀၀၀) ကျပ် ထိ၊ ငါးကြင်း တစ်ပိသာ (၆၀၀၀) ကျပ် မှ (၈၅၀၀) ကျပ်၊ တီလားဗီးယားငါး တစ်ပိသာ (၄၀၀၀) ကျပ် မှ (၆၀၀၀) ကျပ် ဖြင့် ရောင်းဝယ်နေကြောင်းသိရပါသည်။

        စားသုံးဆီဈေးနှုန်းမှာ မြေပဲဆီသန့် တစ်ပိသာ လျှင် (၁၄၀၀၀) ကျပ် မတ်လကုန်အပတ်ထက် တစ်ပိသာလျှင်(၁၀၀၀)ကျပ် မြင့်တက်လာကြောင်း၊ စားအုံးဆီ တစ်ပိသာလျှင် (၇၂၀၀)ကျပ် မတ်လကုန်အပတ်ထက် တစ်ပိသာလျှင်(၂၀၀)ကျပ် မြင့်တက်လာပြီး အရောင်းအဝယ် ဖြစ်နေကြောင်း သိရသည်။

DOCA(မကွေး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်း ဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကိုလည်း အပတ်စဉ်၊ လစဉ်တင်ပြလျက်ရာ ဧပြီလ၊ ပထမပတ်အတွင်း အရောင်းအဝယ်ဖြစ်သည့် သီးနှံဈေးနှုန်းများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းခဲ့ပါသည်။

   ရွှေဘိုခရိုင်အတွင်းစိုက်ပျိုးထားသော ဆောင်းမြေပဲများရိတ်သိမ်းပြီး၍ ရွှေဘိုဈေးကွက်သို့ မြေပဲလုံးဆံများ ဖေဖော်ဝါရီလ (စတုတ္ထပတ်)မှစတင်ဝင်ရောက်လာပြီး ဧပြီလ(ပထမပတ်)အထိ အရောင်းအဝယ်ဖြစ်လျက်ရှိကြောင်း၊ ဧပြီလ (ပထမပတ်)၌ မြေပဲလုံးဆံတစ်တင်းလျှင်(၁၀၀၈၀ဝိ/-) ဖြင့်အရောင်းအဝယ်ဖြစ်ခဲ့ပြီး အရောင်းအဝယ်ဖြစ်မှုမှာ (၁၅၀)တင်း/ (၃)တန်ဖြစ်ကြောင်း၊ ယခင်နှစ်ကာလတူ၌ မြေပဲလုံးဆံ အရောင်းအဝယ်ဖြစ်ခြင်းမရှိကြောင်း၊ ယခင်အပတ်တွင်လည်း မြေပဲလုံးဆံတစ် တင်းလျှင် (၁၀၀၈၀ဝိ/-)ပေါက်ဈေးရှိခဲ့သဖြင့် ယခင်အပတ်နှင့် ယခုအပတ် အရောင်းအဝယ်ဖြစ်သည့် ဈေးနှုန်းတူညီသဖြင့် ဈေးငြိမ်၍ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် ဦးစီးမှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေး လုပ်ငန်းများ ဆောင်ရွက်လျက်ရှိပြီး ပုဂ္ဂလိက ကဏ္ဍဖွံ့ဖြိုးတိုးတက်ရေးအတွက် အသင်းအဖွဲ့များ အစုအဖွဲ့များ ဖွဲ့စည်းပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျှက်ရှိပါသည်။ ပွဲရုံများ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း၊ တန် စာရင်းတို့ကိုလည်း အပတ်စဉ်၊ လစဉ် တင်ပြလျက်ရှိပါသည်။

    ကန့်ဘလူပွဲရုံများအနေဖြင့် မတ်လနှင့် ဧပြီလဆန်းပိုင်းတို့တွင် အရောင်းအဝယ် ဖြစ်နေသော သီးနှံအမျိုးအစားနှင့် ဈေးနှုန်းများ၏ အရောင်းအဝယ်ဖြစ်မှုအခြေအနေများမှာ ပဲစဉ်းငုံ (အနီ) (၁၅၀၀၀)တင်း/(၄၉၀)တန် အရောင်းအဝယ်ဖြစ်ကြောင်း ဈေးနှုန်းမှာတစ်တင်းလျှင် (၇၅၀၀၀)ကျပ် ပေါက်ဈေးရှိပြီး ပဲစဉ်းငုံ (အဖြူ)(၄၅၀၀)တင်း/(၁၄၇)တန် အရောင်းအဝယ်ဖြစ်ကြောင်း ဈေးနှုန်းမှာ တစ်တင်းလျှင်(၇၂၀၀၀)ကျပ် ပေါက်ဈေးရှိခဲ့ကြောင်း၊ ကုလားပဲ အမျိုးအစား (၄)မျိုးရှိပြီး v2 အမျိုးအစား (၆၀၀)တင်း/(၁၈.၇၀)တန် ဈေးနှုန်းမှာ တစ်တင်းလျှင်(၆၆၀၀၀)ကျပ်နှုန်း ၊ v7အမျိုး အစား(၂၀၀)တင်း/(၆.၂၄)တန်ဈေးနှုန်း တစ်တင်းလျှင် (၆၅၀၀၀)ကျပ်နှုန်း၊ ထိုင်ဝမ် အမျိုးအစား (၈၀၀)တင်း/(၂၄.၅)တန် ဈေးနှုန်း တစ်တင်းလျှင်(၆၄၀၀၀)ကျပ်နှုန်း၊ 929အမျိုးအစား တင်း(၂၀၀၀) /တန်(၆၁.၂၇)တန် ဈေးနှုန်း တစ်တင်းလျှင်(၆၅၀၀၀)ကျပ်နှုန်း ပေါက်ဈေးရှိပြီး၊ မတ်ပဲ တင်း(၄၀၀၀) /တန်(၁၃၀) ဈေးနှုန်း တစ်တင်းလျှင်(၆၄၀၀၀)ကျပ်နှုန်း ၊ ပဲတီစိမ်း တင်း(၁၀၀)/တန်(၃.၀၆) ဈေးနှုန်းမှာ အလုံး အကြီးတစ်တင်းလျှင်(၅၀၀၀၀)ကျပ်၊ အလုံးသေး တစ်တင်းလျှင်(၄၈၀၀၀)ကျပ် ပေါက်ဈေးရှိပြီး မတ်လဝက်လောက်မှစပြီး နေကြာများ စတင်ဝင်ရောက်လာပြီး ယခုထိနေကြာ တင်း(၃၀၀)/(၄.၄၁)တန် ဈေးနှုန်းမှာ(၃၄၀၀၀)ကျပ် ပေါက်ဈေးရှိကာ အရောင်းအဝယ်ဖြစ်လျက်ရှိပြီး ထွက်ရှိသော သီးနှံများကို မန်းလေးမြို့ ဇောတိကပွဲရုံသို့ တင်ပို့ရောင်းချလျက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိပါသည်။

DOCA(စစ်ကိုင်း)

      မုံရွာမြို့၊ ချင်းတွင်းရတနာစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်း သိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

      ယခုဧပြီလ(ပထမအပတ်)တွင် ရောင်းချနေသော ဈေးနှုန်းများမှာ ပုဇွန်ခြောက် (၁)ပိဿာလျှင် ကျပ်(၆၀၀၀၀)မှ ကျပ်(၉၀၀၀၀)၊ ငါးရံ့ခြောက် (၁)ပိဿာလျှင် ကျပ်(၅၅၀၀၀မှ ၇၅၀၀၀)၊ ငါးပုတ်လုံးခြောက်(၁)ပိဿာလျှင် ကျပ်(၁၅၀၀၀မှ ၁၇၀၀၀)၊  ငါးပုတ်သင်(၁)ပိဿာလျှင် ကျပ်(၁၄၀၀၀မှ ၁၆၀၀၀) ၊ အာပြဲခြောက်(၁)ပိဿာလျှင် ကျပ်(၂၀၀၀၀မှ ၂၂၀၀၀)၊ ငါးကျည်း ခြောက်(၁)ပိဿာလျှင် ကျပ်(၃၀၀၀၀မှ ၄၀၀၀၀)၊ ငါးနီတူးခြောက် (၁)ပိဿာလျှင် ကျပ်(၁၀၀၀၀ မှ ၁၃၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၆၀၀၀) ရှိကြောင်း ချင်းတွင်းရတနာဈေးတွင် ရောင်းချနေသော ငါးခြောက်ကုန်သည်များထံမှ သိရှိရပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကိုလည်း အပတ်စဉ်၊ လစဉ်တင်ပြလျက်ရှိပါသည်။ ဧပြီလ၊ ပထမပတ်အတွင်း ရွှေဘိုမြို့တွင် ပဲ၊ နှမ်းကုန်စည်ဒိုင်များ၏ အရောင်းအဝယ်ဖြစ်သည့် သီးနှံအမျိုးအစားအလိုက် တာဝန်ရှိသူများနှင့် ဆက်သွယ်မေးမြန်းမှုအရ သိရှိရပါသည်။

   ရွှေဘိုခရိုင်အတွင်းရှိ မြို့နယ်များတွင် စိုက်ပျိုးထားသော ကုလားပဲများမှာ ဖေဖော်ဝါရီလ (တတိယပတ်)မှစတင်၍ ရွှေဘိုဈေးကွက်သို့ဝင်ရောက်လာပြီး ဧပြီလ(ပထမပတ်)အထိ အရောင်းအဝယ်ဖြစ်လျက်ရှိကြောင်း သိရှိရပြီး၊ ရွှေဘိုဈေးကွက်သို့ မူးမြစ်ဝှမ်းဒေသများဖြစ်သည့် ဝက်လက်မြို့နယ်နှင့် ရွှေဘိုမြို့နယ် အနောက်ဘက်ခြမ်းရှိကျေးရွာများမှ အများဆုံးဝင်ရောက်လျက်ရှိရာ ယခုအပတ်တွင်လည်း ကုလားပဲ(V2) တစ်မျိုးတည်းသာ အရောင်းအဝယ်ဖြစ်လျက်ရှိပြီး ဧပြီလ(ပထမပတ်)အတွင်း အရောင်းအဝယ် ဖြစ်သည့်ဈေးနှုန်းမှာ ကုလားပဲ(V2)တစ်တင်းလျှင် (၆၇၅၀ဝိ/-)ဖြစ်၍ အရောင်းအဝယ်ဖြစ်မှုမှာ (၁၈၀)တင်း/ (၆)တန်ဖြစ်ကြောင်း၊ ကုလာပဲသီးနှံအနေဖြင့် ယခင်နှစ်ကာလတူတွင် အရောင်းအဝယ်ဖြစ်ခြင်းမရှိကြောင်း၊  ယခင်အပတ်နှင့်ယခုအပတ် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခင်အပတ်၌ ကုလားပဲ(V2) တစ်တင်းလျင်(၆၈၀၀ဝိ/-)ဖြင့် အရောင်းအဝယ်ဖြစ်ခဲ့သဖြင့် ယခင်အပတ်နှင့် ယခုအပတ် အရောင်းအဝယ်ဖြစ်သည့်ဈေးနှုန်းနှိုင်းယှဉ်ပါက ယခုအပတ်တွင် ယခင်အပတ်အောက် ဈေးနှုန်းအနည်းငယ်လျော့နည်း သွားပြီး တောင်သူလက်ထဲတွင် လက်ကျန်နည်းခြင်းနှင့် သင်္ကြန်ကာလနီးခြင်းကြောင့် ဝင်ရောက်မှုလည်း နည်းကြောင်း သတင်းရရှိပါသည်။

DOCA(စစ်ကိုင်း)