ပြည်တွင်းကုန်သွယ်မှုသတင်း

         မကွေးတိုင်းဒေသကြီးသည် ဆီထွက်သီးနှံဖြစ်သော မြေပဲ၊ နှမ်း၊ ကြက်သွန်နီနှင့် အခြားပဲမျိုးစုံကို အဓိကထားစိုက်ပျိုးပြီး အခြားတိုင်းဒေသကြီးနှင့်ပြည်နယ်များသို့ တင်ပို့ရောင်းချလျက်ရှိပါသည်။

          မကွေးတိုင်းဒေသကြီးအတွင်းရှိ မကွေး၊ တောင်တွင်းကြီး၊ အောင်လံ၊ ရေနံချောင်း၊ ဆိပ်ဖြူနှင့် ပခုက္ကူကုန်စည်ဒိုင်တွင် နှမ်း၊ ကြက်သွန်နီနှင့် ပဲမျိုးစုံသီးနှံများ ပုံမှန်အရောင်းအဝယ်ဖြစ်လျက်ရှိပါသည်။ ၂၀၂၄ခုနှစ်၊ မေလ(တတိယပတ်)တွင် ကုန်စည်ဒိုင်များ၏ အရောင်းအဝယ်ဖြစ်ပေါ်နေသော ဈေးနှုန်းများမှာ မကွေးကုန်စည်ဒိုင်တွင် နှမ်းဖြူ(၁)ပိဿာလျှင် ကျပ်(၈၈၀၀-၉၀၇၀)၊ နှမ်းနီ ကျပ်(၈၀၀၀)၊ နှမ်းနက် (စမုံ) ကျပ်(၉၀၀၀-၉၁၃၀)၊ ပဲလွန်ဝါ(ကြီး) ကျပ်(၂၈၉၀-၃၀၅၀)၊ ကုလားပဲ ကျပ်(၄၁၅၀-၄၂၀၀)၊ ပဲကြီး(ဖြူ) ကျပ် (၄၂၁၀)၊ ပဲထောပတ် ကျပ်(၅၉၀၀)၊ မတ်ပဲ ကျပ်(၄၉၀၀-၄၉၅၀)၊ ပဲစဉ်းငုံနီ ကျပ်(၆၉၀၀)၊ စားတော်ပဲ ကျပ် (၄၇၅၀)ဖြစ်ပြီး ယခင်အပတ်ထက် ယခုအပတ်တွင် ကုလားပဲ ကျပ်(၂၀-၁၀၀)၊ ပဲစဉ်းငုံ(နီ) ကျပ်(၃၅၀-၄၀၀) ဈေးမြင့်ခဲ့ပြီး  ပဲထောပတ် ကျပ်(၄၂၀) ဈေးကျခဲ့ပါသည်။ တစ်ပတ်အတွင်း တန်ချိန်(၇၂၀)ခန့်အရောင်းအဝယ် ဖြစ်ခဲ့ပြီး ရန်ကုန်မြို့သို့ ကုလားပဲ အိတ်(၃၀၀၀)၊ ပဲကြီး အိတ်(၁၂၀၀)၊ မတ်ပဲ အိတ်(၆၀၀)၊ မန္တလေးမြို့သို့ နှမ်းအိတ်(၁၀၀၀)၊ စုစုပေါင်း အိတ်(၅၈၀၀)တင်ပို့ခဲ့ကြောင်း သိရှိရပါသည်။

          တောင်တွင်းကြီးကုန်စည်ဒိုင်တွင် ပဲစဉ်းငုံ(နီ) ကျပ်(၆၈၅၀-၆၉၅၀)၊ ကုလားပဲ (ဝါသေး)ကျပ်(၃၉၅၀)၊ ကုလားပဲဟောလန် ကျပ်(၄၀၇၅)၊ မြေပဲလုံးဆံနီ ကျပ်(၆၂၀၀)၊ မြေပဲလုံးဆံဖြူ ကျပ်(၇၀၀၀)ဖြစ်ပြီး ယခင် အပတ်ထက် ယခုအပတ်တွင် ပဲစဉ်းငုံ(နီ) ကျပ်(၃၂၀-၃၅၀)၊ ကုလားပဲ(ဝါသေး) ကျပ်(၅၀)၊ ကုလားပဲ ဟော်လန် ကျပ်(၂၅-၅၀)၊ မြေပဲလုံးဆံဖြူ ကျပ်(၁၀၀၀)ဈေးမြင့်တက်ခဲ့ပြီး မြေပဲလုံးဆံနီ ကျပ်(၃၀၀)ဈေးကျ ခဲ့ပါသည်။

            အောင်လံကုန်စည်ဒိုင်တွင် နှမ်းဈေးနှုန်းမှာ ယခင်အပတ်ဈေးနှုန်းအတိုင်း ပြောင်းလဲမှုမရှိဘဲ ပဲစဉ်းငုံနီ မှာ ကျပ်(၆၈၄၀-၆၉၀၀)၊ ကုလားပဲ(မြကြေး) ကျပ်(၄၃၅၀)၊ ကုလားပဲ (ဟော်လန်) ကျပ်(၄၁၀၀-၄၁၇၅)၊ ပဲကြီး(သစ်) ကျပ်(၄၄၀၀)၊ မြေပဲဆီဆံ(ဖြူ) ကျပ်(၆၉၀၀-၆၉၅၀)၊ မတ်ပဲ ကျပ်(၅၀၇၅)ဖြစ်ပြီး ယခင်အပတ် ထက် ယခုအပတ်တွင် ပဲစဉ်းငုံ(နီ)ကျပ်(၂၉၀-၃၅၀)၊ ကုလားပဲ(ဟော်လန်) ကျပ်(၂၅-၅၀)၊ ကုလားပဲ (မြကြေး) ကျပ်(၅၀-၁၀၀)၊ မတ်ပဲ ကျပ်(၁၅၀)၊ မြေပဲလုံးဆံ(ဖြူ) ကျပ်(၁၅၀-၂၀၀)အသီးသီးဈေးမြင့်ခဲ့ပါသည်။ တစ်ပတ် အတွင်း တန်ချိန်(၁၃၉.၄၅)ခန့် အရောင်းအဝယ်ဖြစ်ခဲ့ကြောင်း သိရှိရပါသည်။ 

         ရေနံချောင်းကုန်စည်ဒိုင်တွင် ကြက်သွန်နီ ကျပ်(၁၈၀၀-၂၂၀၀)ဖြစ်ပြီး ယခင်အပတ်အတိုင်းဈေးနှုန်း ပြောင်းလဲမှုမရှိဘဲ တစ်ပတ်အတွင်း တန်ချိန်(၉၇.၉၇)ခန့် အရောင်းအဝယ်ဖြစ်ခဲ့ကြောင်း သိရှိရပါသည်။  

         ဆိပ်ဖြူကုန်စည်ဒိုင်တွင် ကြက်သွန်နီ(သစ်) ကျပ်(၁၄၀၀-၂၀၀၀)ဖြစ်ပြီး ယခင်အပတ်အတိုင်း ဈေးနှုန်း ပြောင်းလဲမှုမရှိဘဲ  တစ်ပတ်အတွင်း တန်ချိန်(၄၈.၉၈)ခန့် အရောင်းအဝယ်ဖြစ်ခဲ့ကြောင်း သိရှိရပါသည်။

          ပခုက္ကူကုန်စည်ဒိုင်တွင် ကုလားပဲ(929) ကျပ်(၄၁၆၀-၄၁၈၅)၊ (CP)ပြောင်း ကျပ်(၁၀၈၀)၊ ပဲဇီးကွက် ကျပ်(၂၅၁၀)ဖြစ်ပြီး ယခင်အပတ်ထက် ယခုအပတ်တွင် ကုလားပဲ(929) ကျပ်(၂၅)၊  (CP)ပြောင်း ကျပ်(၁၀၀)၊ ပဲဇီးကွက် ကျပ်(၁၁၀)ဈေးနှုန်းမြင့်တက်ခဲ့ပါသည်။  တစ်ပတ်အတွင်း တန်ချိန်(၁၇၄.၂၉)ခန့် အရောင်းအဝယ် ဖြစ်ခဲ့ကြောင်း  သိရှိရပါသည်။

DOCA(မကွေး)         

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၂၁/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

       မိုးအစပျိုးချိန်၌ ပေါင်မြို့နယ်ရှိ ဥယျာဉ်ခြံများတွင် ရာသီစာသီးနှံတစ်မျိုးဖြစ်သည့် ရေငန်းသီး (ခေါ်) ရေငံသီးများ အရောင်းအဝယ်သွက်လျက်ရှိကြောင်းသိရှိရသည်။

       ရေငန်းသီးများကို ပေါင်မြို့နယ်ရှိ မော်လမြိုင်-ရန်ကုန်ကားလမ်းမကြီးဘေး ပေါင်းရပ်ကွက်၊ မိုးနိုင်းရပ်ကွက်၊ ဥတ္တကားကျေးရွာများရှိ သီးနှံ(ဈေးဆိုင်တန်း) များ၌ ဈေးကွက်တစ်ခုအနေဖြင့် ရောင်းချလျက်ရှိကြောင်းသိရပါသည်။

        ယခုလက်ရှိ မေလအတွင်း ရေငန်းသီးအလုံးရေ (၂၀-၂၅)လုံးပါဝင်သည့် အတွဲတစ်တွဲလျှင် ငွေကျပ် (၃၀၀၀-၅၀၀၀) ထိဈေးနှုန်းရရှိပြီး အဆိုပါရေငန်းသီးများမှာ ခရီးသွားအများစု ဝယ်ယူ အားပေးသည့် ဒေသထွက်ကုန်သီးနှံတစ်မျိုးဖြစ်ကြောင်းသိရှိရပါသည်။

DOCA(မွန်)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ခရိုင်စီမံအုပ်ချုပ်ရေးအဖွဲ့၏အစီအမံဖြင့် စားအုန်းဆီများကို ခရိုင်ဆီလုပ်ငန်းရှင်များအသင်းက ဖြန့်ဖြူးရောင်းချပေးလျက်ရှိရာ ၂၀၂၄ခုနှစ်၊ မေလ ၂၅ရက်နေ့၊ နံနက် (၀၇:၄၅) နာရီအချိန်တွင် အမှတ်(၃)ရပ်ကွက်ရှိ ကန့်ဘလူခရိုင်စုပေါင်းရုံးဝန်းအတွင်း၌ ဌာနဆိုင်ရာဝန်ထမ်းများအား တစ်ဦးလျှင် (၁)ပိဿာနှုန်း၊ စားအုန်းဆီ (၁)ပိဿာလျှင် ၅၉၅၀ကျပ်ဖြင့်ရောင်းချပေးခဲ့ပြီး ဝန်ထမ်း (၈၈၇)ဦးအတွက် စားအုန်းဆီ ၈၈၇ပိဿာရောင်းချပေးခဲ့ကြောင်း ကန့်ဘလူခရိုင်ဆီလုပ်ငန်းရှင်များအသင်းထံမှသိရသည်။

      အဆိုပါစားအုန်းဆီရောင်းချပေးရာတွင် စားသုံးသူပြည်သူများ ကျန်းမာရေးနှင့်ညီညွတ်သော စားသုံးဆီများကိုသုံးစွဲနိုင်ရေး၊ ဈေးနှုန်းတည်ငြိမ်စွာဝယ်ယူစားသုံးနိုင်စေရေးတို့အတွက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ စားသုံးသူရေးရာဦးစီးဌာန၊ စည်ပင်သာယာရေးအဖွဲ့နှင့် တာဝန်ရှိသူများက ကြီးကြပ်ထိန်းကျောင်းဆောင်ရွက်လျက်ရှိကြောင်းသိရှိရပါသည်။

DOCA(စစ်ကိုင်း)

       ၂၀၂၄ ခုနှစ်၊ မေလ၂၅ ရက်‌နေ့၊ ညနေ (၁၄း၀၀)နာရီအချိန်တွင် တနင်္သာရီတိုင်းဒေသကြီး၊  ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိကောင်းဆက်ဟိန်းယာဉ်ရပ်နားစခန်းသို့ မြန်မာနိုင်ငံဆီကုန်သည်များနှင့် ဆီလုပ်ငန်းရှင်များအသင်းမှ ထားဝယ်ခရိုင်ဆီကုန်သည်များနှင့် ဆီလုပ်ငန်းရှင်များအသင်းသို့ ယာဉ်မောင်း ဦးချစ်ကို၊ ယာဉ်အမှတ်  4B /9723၊ Nissan DieseI မော်တော်ယာဉ်ဖြင့်တင်ဆောင်လာသော စားအုန်းဆီ (၁) ပေပါလျှင် ပိသာ ၁၁၀ ပါသည့်စားအုန်းဆီ ၇၀ ပေပါရောက်ရှိလာခဲ့သဖြင့် တိုင်းဒေသကြီးစားသုံးသူရေးရာဦးစီးမှူး ဦးစိုးဦးနှင့် တာဝန်ရှိသူများကသွားရောက်စစ်ဆေးခဲ့ကြောင်းသိရှိရပါသည်။ အဆိုပါစားအုန်းဆီ ၇၀ပေပါအား ထားဝယ်မြို့တွင်း၊ အိုးလုပ်ရပ်ကွက်၊ နိဗ္ဗာန်လမ်းရှိ ဦးဘိုသစ်၏ ယမုံလှိုင်ကုန်စုံဆိုင်အပါအဝင် အထိုင်ရောင်းချနေသည့် ဆီဆိုင် ၁၄ဆိုင်တို့မှ သတ်မှတ်ရည်ညွှန်းဈေးအတိုင်း ခွဲဝေရောင်းချပေးသွားမည်ဖြစ်ကြောင်းသိရှိရပါသည်။

DOCA(တနင်္သာရီ)