ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် ကွမ်းရွက်များကို ဧရာဝတီတိုင်းဒေသကြီး ကနောင်၊ မြန်အောင်၊ ပဲခူးတိုင်းဒေသကြီး ပေါက်ခေါင်း၊ ပေါင်းတလည်၊ စစ်ကိုင်း တိုင်းဒေသကြီး မုံရွာမြို့တို့ရှိကွမ်းခြံများမှ တိုက်ရိုက်ဝယ်ယူရောင်းချကြောင်း၊ ကွမ်းသီးများကို ထားဝယ်မှတိုက်ရိုက် တင်ပို့သည့် ပြည်မြို့ရှိ ကွမ်းဒိုင်မှတဆင့် မှာယူရောင်းချကြောင်း၊ ကွမ်းစား ထုံးကို မကွေးမှဝယ်ယူရောင်းချပြီး နှပ်ဆေးနှင့်ဗမာဆေးကို မုံရွာနှင့်ပခုက္ကူမှ ဝယ်ယူရောင်းချကြောင်း သိရှိရပါသည်။

    မင်းလှမြို့နယ်တွင် ကွမ်းသီး၊ ကွမ်းရွက် လက်လီလက်ကားရောင်းချသည့်ဆိုင် (၁၀)ဆိုင် ခန့်ရှိပြီး ကွမ်းစိမ်းနှင့်ကွမ်းရွက်ဝါ(၂)မျိုးရှိသည့်အနက် ကွမ်းရွက်ဝါကိုပိုအစားများ ကြကြောင်း သိရှိ ရပါသည်။ ကွမ်းရွက်ဈေးနှုန်းအနေဖြင့် ၂၀၂၄ခုနှစ်၊ မေလ(စတုတ္ထပတ်)တွင် ကွမ်းရွက်ဝါ(၁) ပိဿာလျှင် ကွမ်းရွက် အကြီး၊ အသေးနှင့် ဝယ်ယူတင်သွင်းရသည့်နေရာဒေသအလိုက် ကျပ်(၁၄၀၀၀-၂၀၀၀၀)၊ ကွမ်းသီးခြမ်း (၁)ပိဿာလျှင် ကျပ်(၇၀၀၀)၊ ကွမ်းသီးစိပ်(၁)ပိဿာလျှင် ကျပ် (၆၅၀၀)၊ ကွမ်းစားထုံး(၁) လီတာ (၁)ဘူးလျှင် ကျပ်(၉၀၀-၁၀၀၀)၊ ကွမ်းစားနှပ်ဆေး (၁)ထုပ်လျှင် ကျပ်(၅၀၀-၆၀၀)၊ ဗမာဆေး(၁) ထုပ်လျှင် ကျပ်(၄၀၀-၅၀၀) စသည့်ဈေးနှုန်းများဖြင့် ရောင်းချလျက်ရှိကြောင်း သိရှိရပါသည်။

     အရောင်းအဝယ်အနေဖြင့် (၁)ရက်လျှင် ကွမ်းရွက်ပိဿာချိန်(၁၀)ပိဿာနှင့်အထက် ရောင်းချ ရပြီး ကွမ်းသီး၊ ကွမ်းစိပ်မှာ(၅)ပိဿာမှ (၆)ပိဿာထိပုံမှန်ရောင်းချရပါကြောင်း၊ ကွမ်းသီးနှင့် အခြားကွမ်းပစ္စည်းဈေးနှုန်းများမှာ တည်ငြိမ်နေသော်လည်း ကွမ်းရွက်ဈေးနှုန်းမှာ ကွမ်းရွက်ထွက်ရှိရာ ဒေသများတွင် ရာသီဥတုပူလွန်း၍ ကွမ်းပင်များသေဆုံးခြင်းအဖြစ်များ၍ ကွမ်းဈေးနှုန်းမှာ မေလ (တတိယပတ်)ထက် ယခု(စတုတ္ထပတ်)တွင် ကျပ်(၅၀၀-၁၁၀၀၀)ဈေးတက်၍ အရောင်းအဝယ်ဖြစ်လျက်ရှိကြောင်း အထက်မင်းလှ-သရက်ကားလမ်းဘေးရှိ ကွမ်းသီး၊ ကွမ်းရွက်ရောင်းချသည့် ကွမ်းဆိုင်ပိုင်ရှင်တစ်ဦးထံမှ သိရှိရပါသည်။

DOCA(မကွေး)

    တောင်ငူမြို့တွင် ယခုလဆန်းပိုင်းက ရွှေဘိုပေါ်ဆန်းတစ်အိတ်လျှင်၁၅၅၀၀၀ကျပ်ရှိရာမှ မေလနောက်ဆုံးအပတ်တွင် တစ်အိတ်လျှင်၁၆၀၀၀၀ကျပ်၊ ဖျာပုံပေါ်ဆန်းတစ်အိတ်လျှင်၁၄၀၀၀၀ကျပ်မှ ယခုအပတ်တွင် ၁၅၀၀၀၀ကျပ်အထိ၊ ဒေသပေါ်ဆန်းတစ်အိတ်လျှင် ၁၂၀၀၀၀ကျပ်မှ မေလနောက်ဆုံးအပတ်တွင် ၁၂၅၀၀၀ ကျပ်အထိဖြင့်ဈေးတက်ခဲ့ပြီး ဧည့်မထ(မိုး) တစ်အိတ်လျှင် ၈၇၀၀၀ကျပ်မှ ၉၀၀၀၀ကျပ်၊ ဧည့်မထ(နွေ)ဆန်မှာ တစ်အိတ်လျှင် ၇၅၀၀၀ကျပ်ဖြင့် ဈေးနှုန်းတည်ငြိမ်နေပါသည်။

   စပါးမှာ ယခုလဆန်းပိုင်းက တင်း၁၀၀လျှင် ၁၉၅၀၀၀၀ ကျပ်ရှိရာမှ မေလနောက်ဆုံးအပတ်တွင် တင်း ၁၀၀လျှင် ၂၀၀၀၀၀၀ကျပ်ဖြင့် ဈေးနှုန်းအနည်းငယ်တက်ဆင်းပြီး  ဆန်ကွဲကြီးမှာတစ်အိတ်လျှင် ၅၀၀၀၀ ကျပ်၊ ဆန်ကွဲသေးမှာတစ်အိတ်လျှင် ၄၆၀၀၀ကျပ်၊ ဖွဲနုမှာတစ်အိတ်လျှင် ၁၈၀၀၀ကျပ်ဖြင့် ဈေးနှုန်းတည်ငြိမ်နေပါသည်။

     မတ်ပဲ(၃၀ ပိဿာအိတ်)မှာ ယခုလဆန်းပိုင်းက တစ်အိတ်လျှင် ၁၅၀၀၀၀ကျပ်ရှိရာမှ မေလနောက်ဆုံးအပတ်တွင် တစ်အိတ်လျှင် ၁၅၉၅၀၀ကျပ်ဖြင့် ဈေးအနည်းငယ်တက်ပြီး ပဲလွန်းဖြူမှာ တစ်အိတ်လျှင် ၈၅၀၀၀ကျပ်၊ ပဲတီစိမ်းမှာတစ်အိတ်လျှင် ၈၅၀၀၀ကျပ်ဖြင့် ဈေးနှုန်းတည်ငြိမ်နေကြောင်း တောင်ငူမြို့ရှိ ဆန်၊ စပါး၊ ပဲပွဲရုံများမှသိရှိရပါ သည်။

DOCA(ပဲခူး)

    ပဲခူးတိုင်းဒေသကြီး၊ ပဲခူးမြို့နယ်ပြင်စီဈေးအတွင်း မေလနောက်ဆုံးပတ်၌ ဖြစ်ပေါ်နေသော အခြေခံစားသောက်ကုန်ဈေးနှုန်းများမှာ မေလဒုတိယပတ်တွင် ခရမ်းချဉ်သီးတစ်ပိဿာလျှင်(၃၀၀၀)ကျပ်နှင့် ယခုမေလနောက်ဆုံးပတ်တွင်(၄၀၀၀)ကျပ်ဖြစ်ကာ ဈေးနှုန်းမြင့်တက်လျက်ရှိပြီး ယခုမေလနောက်ဆုံးပတ်တွင်ဂေါ်ရခါးသီးတစ်လုံးလျှင်(၃၅၀)ကျပ်၊ ပန်းဂေါ်ဖီအကြီးတစ်ပွင့်လျှင်(၁၈၀၀)ကျပ်၊ ပန်းဂေါ်ဖီအသေးတစ်ပွင့်လျှင်(၁၅၀၀)ကျပ်၊ ကန်စွန်းရွက်တစ်စည်းလျှင်(၃၀၀)ကျပ်၊ ချဉ်ပေါင်ရွက်တစ်စည်းလျှင် (၃၀၀)ကျပ်၊ ဂျင်းတစ်ပိဿာလျှင် (၁၂၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

  အသား/ ငါးစျေးနှုန်းများအနေဖြင့် ကြက်သားတစ်ပိဿာလျှင်(၁၄၀၀၀)ကျပ်၊ ဆိတ်သားတစ်ပိဿာလျှင်(၂၅၀၀၀)ကျပ်၊ ဝက်သားတစ်ပိဿာလျှင်(၁၈၀၀၀)ကျပ်တို့ဖြစ်ကြပါသည်။

DOCA(ပဲခူး)

      မင်္ဂလာဒုံမြို့နယ်ရှိ ရတနာသီရိဈေးအတွင်းသို့ ၂၀၂၄ခုနှစ်၊ မေလ (၂၂)ရက်နေ့မှ မေလ(၂၈) ရက်နေ့အထိ တပ်ကုန်း၊ ရွှေတောင်၊ ဝက်ပုတ်၊ ပုတီးကုန်း၊ အောင်ပန်း၊ မင်းလှ၊ နတ်တလင်း၊ ကြို့ပင်ကောက်နှင့် ခရမ်းသုံးခွတို့မှ ဟင်းသီးဟင်းရွက်များ ဝင်ရောက်ရောင်းချနေကြောင်းသိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ဂေါ်ဖီတစ်ထုပ်လျှင် ကျပ်၁၅၅၀မှ  ကျပ်၃၅၀၀၊ ဂေါ်ရခါးသီးတစ်လုံးလျှင် ကျပ်၂၀၀မှ  ကျပ်၃၀၀၊ ခရမ်းချဉ်သီးတစ်ပိဿာလျှင် ကျပ်၁၄၀၀မှ ကျပ်၄၀၀၀၊ ပန်းဂေါ်ဖီတစ်ထုပ်လျှင် ကျပ်၁၅၀၀မှ ကျပ်၂၀၀၀၊ ခရမ်းသီးတစ်ပိဿာလျှင် ကျပ်၁၅၀၀မှ  ကျပ်၂၆၀၀၊ ခဝဲသီးတစ်တောင့်လျှင် ကျပ်၃၀၀မှ  ကျပ်၆၀၀၊ ဂျူးမြစ်တစ်ပိဿာလျှင် ကျပ်၁၅၀၀မှ ကျပ်၂၀၀၀၊ ငရုတ်သီးစိမ်းတစ်ပိဿာလျှင် ကျပ်၂၀၀၀မှ  ကျပ်၅၀၀၀၊ ပဲသီးတစ်စည်းလျှင် ကျပ်၁၀၀၀မှ ကျပ်၁၅၀၀၊ ကန်စွန်းရိုးနီတစ်စည်းလျှင် ကျပ်၁၅၀မှ ကျပ်၂၅၀၊ ချဉ်ပေါင်ရွက်တစ်စည်းလျှင် ကျပ်၁၀၀မှ ကျပ်၂၅၀၊ ဗုံလုံသီးတစ်တောင့်လျှင် ကျပ်၃၀၀မှ  ကျပ်၅၀၀၊ သံပရာသီးတစ်လုံးလျှင် ကျပ်၁၀၀မှ  ကျပ်၂၀၀၊ ကင်ပွန်းချဉ်တစ်စည်းလျှင် ကျပ်၁၀၀မှ  ကျပ်၂၀၀၊ ငရုတ်အာဝါးသီးတစ်တောင့်လျှင် ကျပ်၁၀၀မှ ကျပ်၁၅၀၊ ကြက်ဟင်းခါးသီးတစ်လုံးလျှင် ကျပ်၂၀၀မှ ကျပ်၄၀၀၊ ရှမ်းနံနံတစ်စည်းလျှင် ကျပ်၁၅၀မှ ကျပ်၂၀၀၊ ပင်စိမ်းတစ်စည်းလျှင် ကျပ်၁၀၀မှ ကျပ်၁၅၀၊ ရွှေဖရုံသီး(ကြီး/လတ်/သေး)တစ်လုံးလျှင် ကျပ်၁၀၀၀မှ ကျပ်၃၀၀၀၊ ကျောက်ဖရုံသီးတစ်လုံးလျှင် ကျပ်၁၀၀၀ မှ ကျပ်၂၅၀၀၊ ဘူးသီးတစ်လုံးလျှင် ကျပ်၁၈၀၀မှ ကျပ်၃၀၀၀၊ ဂွေးတောက်ရွက်တစ်စည်းလျှင် ကျပ်၁၀၀မှ ကျပ်၂၀၀၊ ရုံပတီသီးတစ်တောင့်လျှင် ကျပ်၃၀မှ ကျပ်၅၀၊ ခရမ်းကျွတ်သီးတစ်လုံးလျှင် ကျပ်၃၀မှ ကျပ်၅၀၊ ပဲစောင်းလျားသီးတစ်ပိဿာလျှင် ကျပ်၁၇၀၀မှ ကျပ်၃၀၀၀၊ ရွှေပဲသီးတစ်ပိဿာလျှင် ကျပ်၁၅၀၀၀မှ ကျပ်၁၈၀၀၀၊ ငရုတ်ပွတစ်ပိဿာလျှင် ကျပ်၄၀၀၀မှ ကျပ်၅၀၀၀၊ မုန်လာဥနီ တစ်ပိဿာလျှင် ကျပ်၃၀၀၀မှ ကျပ်၄၀၀၀၊ ဘိုစားပဲတစ်ပိဿာလျှင် ကျပ်၄၀၀၀မှ ကျပ်၇၀၀၀၊ ကိုက်လန်တစ်စည်းလျှင် ကျပ်၅၀၀မှ ကျပ်၆၀၀၊ တရုတ်နံနံတစ်စည်းလျှင် ကျပ်၅၀၀မှ ကျပ်၁၀၀၀၊ ဗမာနံနံတစ်ပိဿာလျှင် ကျပ်၈၀၀၀မှ ကျပ်၁၀၀၀၀၊ မျှစ်တစ်ပိဿာလျှင် ကျပ်၂၀၀၀မှ ကျပ်၃၀၀၀၊ တရုတ်ကန်စွန်းတစ်စည်းလျှင် ကျပ်၂၅၀မှ ကျပ်၄၀၀၊ ဆူးပုတ်တစ်စည်းလျှင် ကျပ်၂၀၀မှ ကျပ်၃၀၀၊ မြင်းခွာရွက်တစ်စည်းလျှင် ကျပ်၂၀၀မှ ကျပ်၃၀၀၊ ဟင်းနုနွယ်တစ်စည်းလျှင် ကျပ်၂၀၀မှ ကျပ်၄၀၀၊ ပြောင်းဖူးတစ်ဖူးလျှင် ကျပ်၃၀၀မှ ကျပ်၅၀၀၊ မုန့်ညှင်းရွက်တစ်စည်းလျှင် ကျပ်၂၀၀မှ ကျပ်၃၀၀၊ ဆလပ်ရွက်တစ်စည်းလျှင် ကျပ်၂၀၀မှ ကျပ်၃၀၀အတွင်းဖြစ်ကြောင်းသိရှိရပါသည်။ ရတနာသီရိဈေးအတွင်းသို့ နေ့စဉ်ကုန်အဝင်မှာ ရုံးပတီသီးကုန်ချိန်ပိဿာ (၅၀၀)ကျော်၊ ငရုတ်ပွကုန်ချိန်ပိဿာ (၈၀)ကျော်၊ ခရမ်းသီးကုန်ချိန်ပိဿာ (၄၀၀၀)ကျော်၊ ရွှေဖရုံသီးကုန်ချိန်ပိဿာ (၃၀၀၀)ကျော်၊ နံနံပင်ကုန်ချိန်ပိသာ (၄၀၀)ကျော် အသီးသီးအဝင်ရှိကြောင်းသိရှိရပါသည်။

DOCA(ရန်ကုန်)

      အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ၂၀၂၄ခုနှစ်၊ မေလ(၂၂)ရက်နေ့မှ မေလ (၂၈)ရက်နေ့အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက်ရောင်းချနေကြောင်းသိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်တစ်ပိဿာလျှင် ကျပ်၂၀၀၀မှ ကျပ်၃၅၀၀အတွင်း၊ ဂေါ်ဖီထုပ်တစ်ထုပ်လျှင် ကျပ်၁၀၀၀မှ ကျပ်၃၅၀၀အတွင်း၊ ပန်းဂေါ်ဖီတစ်ထုပ်လျှင် ကျပ်၁၅၀၀မှ ကျပ်၃၀၀၀အတွင်း၊ အာလူးတစ်ပိဿာ)ကျပ်၁၈၀၀မှ ကျပ်၂၅၀၀အတွင်း၊ မုန့်လာဥနီတစ်ပိဿာလျှင် ကျပ်၁၅၀၀မှ ကျပ်၂၀၀၀အတွင်း၊ ရွှေဖရုံသီးတစ်လုံးလျှင် ကျပ်၉၀၀မှ ကျပ်၁၀၀၀အတွင်း၊ ဘူးသီးတစ်လုံးလျှင် ကျပ်၁၅၀၀မှ ကျပ်၅၀၀အတွင်း၊ မုန်ညှင်း(ထုပ်)တစ်ပိဿာလျှင် ကျပ်၅၀၀၀မှ ကျပ်၆၀၀၀အတွင်း၊ ကြက်သွန်နီ(ဆိပ်ဖြူ)တစ်ပိဿာလျှင် ကျပ်၁၄၀၀မှ ကျပ်၂၂၀၀အတွင်း၊ ကြက်သွန်ဖြူ(ရှမ်း)တစ်ပိဿာလျှင် ကျပ်၈၀၀၀မှ ကျပ်၁၁၀၀၀အတွင်း၊ ကြက်သွန်ဖြူ (ကြူကုတ်) တစ်ပိဿာလျှင် ကျပ်၁၁၀၀၀မှ ကျပ်၁၁၅၀၀အတွင်း၊ ချင်းတစ်ပိဿာလျှင် ကျပ်၈၅၀၀မှ ကျပ်၉၀၀၀အတွင်း၊ ဆလပ်ရွက်တစ်စည်းလျှင် ကျပ်၃၀၀မှ ကျပ်၄၀၀အတွင်း၊ ချဉ်ပေါင်ရွက်တစ်စည်းလျှင် ကျပ်၈၀မှ ကျပ်၁၂၀အတွင်း၊ ခရမ်းသီး  (ရှည်) တစ်ပိဿာလျှင် ကျပ်၂၂၀၀မှ ကျပ်၃၀၀၀အတွင်း၊ သံပရာသီးတစ်လုံးလျှင် ကျပ်၅၀မှ ကျပ်၁၅၀အတွင်း၊ ငရုတ်သီးစိမ်း (ကျောက်စိမ်း) တစ်ပိဿာလျှင် ကျပ်၂၀၀၀မှ ကျပ်၄၅၀၀အတွင်း၊ ဖရဲသီး (အကြီး၊ အလတ်၊ အသေး) တစ်လုံးလျှင် ကျပ်၃၅၀၀မှ ကျပ်၆၅၀၀အတွင်းဖြစ်ကြောင်းသိရှိရပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း၌ သံပရာသီးအလုံးပေါင်း (1184400)ကျော်၊ ခရမ်းသီး(ရှည်) ပိဿာပေါင်း (21770)ကျော်၊ ဘူးသီးအလုံးပေါင်း (15010) ကျော်၊ ရွှေဖရုံသီးအလုံးပေါင်း (7622)ကျော်၊ ဂေါ်ဖီထုပ်ပေါင်း (46100)ကျော်၊ ပန်းဂေါ်ဖီထုပ်ပေါင်း (23870)ကျော်၊ မုန်ညှင်းထုပ်(ပိဿာ) ပေါင်း (12840)ကျော်၊ ဖရဲသီးလုံးပေါင်း (28050) ကျော် အသီးသီးကုန်အဝင်ရှိကြောင်းသိရပါသည်။

DOCA(ရန်ကုန်)