ပြည်တွင်းကုန်သွယ်မှုသတင်း

     စစ်ကိုင်းတိုင်းဒေသကြီး၊ မုံရွာမြို့နယ်တွင် ကွမ်းကို မိမိတို့အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကို ဆောင်းစိုက်နှင့် မိုးစိုက်ဟူ၍ နှစ်မျိုး ခွဲစိုက်ပျိုးကြပြီး မိုးစိုက်သည် ပိုးကျလွယ်သည့် အတွက် အစိုက်နည်းပြီး ဆောင်းစိုက်ကိုသာ ပိုမိုစိုက်ပျိုးကြကြောင်းသိရသည်။     

   မုံရွာမြို့နယ် ကွမ်းဈေးကွက်အနေဖြင့် ယခင် ၂၀၂၃ခုနှစ်၊ ဖေဖော်ဝါရီလတွင် ကွမ်းတစ်ပိဿာလျှင် ကျပ်(၂၅၀၀-၅၀၀၀) ဈေးရရှိပြီး ယခုမတ်လတွင် အရည်အသွေးအပေါ်မူတည်ပြီး တစ်ပိဿာလျှင် ကျပ်(၃၅၀၀-၇၀၀၀)ထိ ရောင်းချရပြီး ဈေးနှုန်းအနည်းငယ်မြင့်တက်လျက်ရှိပြီး အရောင်းအဝယ်ဖြစ်လျက်ရှိကြောင်း ကွမ်းစိုက်တောင်သူများထံမှ စုံစမ်းသိရှိရသည်။

DOCA(စစ်ကိုင်း)

     ကလေးမြို့ပေါ်တွင် ၂၀၂၃ခုနှစ် မတ်လ၊ စတုတ္ထအပတ်အတွင်း  ဖြစ်ပေါ်နေသည့် ဈေးနှုန်းများမှာ ဧည့်မထစပါးအသစ် ( ၁ ) တင်း လျှင် ( ၁၄၀၀၀ ) ကျပ်၊ ငစိန်စပါးအသစ် ( ၁ ) တင်းလျှင် ( ၁၃၀၀၀ ) ကျပ်၊ ဧရာမင်းစပါးအသစ် ( ၁ ) တင်းလျှင် ( ၁၆၀၀၀ ) ကျပ်၊ ဧည့်မထဆန်အသစ် ( ၂၄ ) ပြည် ( ၁ ) အိတ်လျှင် ( ၅၀၀၀၀ ) ကျပ်၊ ငစိန်ဆန်အသစ် ( ၂၄ ) ပြည် ( ၁ ) အိတ်လျှင် ( ၄၅၀၀၀ ) ကျပ်၊ ဧရာမင်းဆန်အသစ် ( ၂၄ ) ပြည် ( ၁ ) အိတ်လျှင် ( ၆၀၀၀၀ ) ကျပ်၊ ပဲဆီ ( ၁ ) ပိဿာလျှင် ( ၁၂၀၀၀ ) ကျပ်၊ နှမ်းဆီ ( ၁ ) ပိဿာလျှင် ( ၁၀၀၀၀ ) ကျပ်၊ စားအုန်းဆီ တစ်ပိဿာလျှင် ( ၇၆၀၀ ) ကျပ်၊ ကြက်သွန်နီ ( ဒေသထွက် ) တစ်ပိဿာလျှင် ( ၁၈၀၀ ) ကျပ်၊ ကြက်သွန်နီ ( မုံရွာ ) တစ်ပိဿာလျှင် ( ၁၈၀၀ ) ကျပ်၊ ကြက်သွန်ဖြူ ( ရှမ်း ) တစ်ပိဿာလျှင် ( ၄၀၀၀ ) ကျပ်၊ ကြက်သွန်ဖြူ ( ကြူကုတ် ) တစ်ပိဿာလျှင် ( ၅၀၀၀ ) ကျပ်၊ ဂျင်းတက် တစ်ပိဿာလျှင် ( ၁၅၀၀ ) ကျပ်၊ ဆားတစ်ပိဿာလျှင် ( ၇၀၀ ) ကျပ်၊ ကုလားပဲ တစ်ပိဿာလျှင် ( ၅၀၀၀ ) ကျပ်၊ ငရုတ်ခြောက်ရှည် တစ်ပိဿာလျှင် ( ၂၂၀၀၀ ) ကျပ်၊ ငရုတ်ခြောက်ပု တစ်ပိဿာလျှင် ( ၃၂၀၀၀ ) ကျပ်၊ အာလူး တစ်ပိဿာလျှင် ( ၃၀၀၀ ) ကျပ်၊ မန်ကျည်းသီး ( အစေ့လွတ် ) တစ်ပိဿာလျှင် ( ၄၀၀၀ ) ကျပ်၊ ကြက်သား တစ်ပိဿာလျှင် ( ၁၂၀၀၀ ) ကျပ်၊ ဝက်သား တစ်ပိဿာလျှင် ( ၁၈၀၀၀ ) ကျပ်၊ အမဲသား တစ်ပိဿာလျှင် ( ၁၆၀၀၀ ) ကျပ်၊ ဆိတ်သား တစ်ပိဿာလျှင် ( ၂၄၀၀၀ ) ကျပ် ပေါက်ဈေးနှုန်းများဖြင့် ဈေးကွက်အတွင်း ရောင်းချလျက်ပါကြောင်း ဈေးကွက်အတွင်းမှ စုံစမ်းသိရှိရပါသည်။

DOCA(စစ်ကိုင်း)

 ‌     အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ) (၄၅)ပိဿာဝင်(၁)အိတ်လျှင် ယခင်အပတ်(၂၂-၃-၂၀၂၃)ရက်နေ့တွင် ကျပ်(၂၅၀၀၀၀)ဖြစ်ပြီး ယခုအပတ် (၂၈-၃-၂၀၂၃)ရက်နေ့တွင်လည်း ကျပ် (၂၅၀၀၀၀)၊ ယခင်အပတ်တွင် နှမ်းပြာတစ်အိတ်လျှင် ကျပ်(၂၃၀၀၀၀)ဖြစ်ပြီး ယခုအပတ်တွင်လည်း ကျပ်(၂၃၀၀၀၀)၊ ယခင်အပတ်တွင် နှမ်းဖြူတစ်အိတ်လျှင် ကျပ်(၂၆၀၀၀၀)ဖြစ်ပြီး ယခုအပတ်တွင်လည်း ကျပ်(၂၆၀၀၀၀)၊ ယခင်အပတ်တွင် နှမ်းနီတစ်အိတ်လျှင် ကျပ်(၂၆၀၀၀၀) ဖြစ်ပြီး ယခုအပတ်တွင်လည်း ကျပ်(၂၆၀၀၀၀)ဖြစ်၍ ဈေးနှုန်းပြောင်းလဲမှုမရှိကြောင်း၊ အရောင်းအဝယ်ပမဏအနေဖြင့် (၄၅)ပိဿာဝင်အိတ်ဖြင့် နှမ်းနက်(စမုံ) (၄၈၀)အိတ်၊ နှမ်းပြာ(၁၁၀)အိတ်၊ နှမ်းဖြူ(၈၅)အိတ်နှင့် နှမ်းနီ(၉၀)အိတ်တို့ အရောင်းအဝယ်ရှိခဲ့ကြောင်း ကုန်သည်များထံမှ သိရှိရပါသည်။

    ပဲမျိုးစုံဈေးကွက်တွင် ပဲစင်းငုံ(နီ) (၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၇၅၅၀၀)ဖြစ်ပြီး ယခုအပတ်တွင် ကျပ်(၇၅၀၀၀) ဖြစ်၍ ကျပ်(၅၀၀) ဈေးလျော့ခဲ့ကြောင်း၊ ယခင်အပတ်တွင် မတ်ပဲတစ်တင်းလျှင် ကျပ်(၆၄၅၀၀)ဖြစ်ပြီး ယခုအပတ်တွင် ကျပ်(၆၄၀၀၀)ဖြစ်၍ ကျပ်(၅၀၀)ဈေးလျော့ခဲ့ကြောင်း၊ ယခင်အပတ်တွင် ကုလားပဲ (HL) တစ်တင်းလျှင် ကျပ်(၇၄၅၀၀)ဖြစ်ပြီး ယခုအပတ်တွင် ကျပ်(၇၁၀၀၀)ဖြစ်၍ ကျပ်(၃၅၀၀)ဈေးလျော့ခဲ့ကြောင်း၊ ယခင်အပတ်တွင် ကုလားပဲ(မြကြေး)တစ်တင်းလျှင် ကျပ်(၇၄၅၀၀)ဖြစ်ပြီး ယခုအပတ်တွင် ကျပ်(၇၁၅၀၀) ဖြစ်၍ ကျပ်(၃၀၀၀)ဈေးလျော့ခဲ့ကြောင်း၊ ယခင်အပတ်တွင် ပဲကြီးတစ်တင်းလျှင် ကျပ်(၈၃၀၀၀)ဖြစ်ပြီး ယခုအပတ်တွင် ကျပ်(၈၀၀၀၀)ဖြစ်၍ ကျပ်(၃၀၀၀)ဈေးလျော့ခဲ့ကြောင်း၊  ယခင်အပတ်တွင် ဘိုကိတ်ပြာတစ်တင်းလျှင် ကျပ်(၄၅၀၀၀)ဖြစ်ပြီး ယခုအပတ်တွင် ကျပ်(၄၄၀၀၀)ဖြစ်၍ ကျပ်(၁၀၀၀)စသည်ဖြင့် အသီးသီးဈေးလျော့ခဲ့ပါသည်။ အရောင်းအဝယ်ပမာဏအနေဖြင့် (၃၀) ပိဿာဝင်အိတ်ဖြင့် ပဲစင်းငုံ(နီ) (၂၈၀၀) အိတ်၊ မတ်ပဲ(၃၀၀) အိတ်၊ ကုလားပဲ(HL) (၇၅၀) အိတ်၊ ကုလားပဲ(မြကြေး) (၇၀၀)အိတ်၊ ဘိုကိတ်ပြာ(၁၈၀)အိတ်နှင့် ပဲကြီး(၇၀၀) အိတ်တို့ အရောင်းအဝယ်ရှိခဲ့ကြောင်း သိရှိရပါသည်။

     မြေပဲလုံးဆံ(နီ)တစ်ပိဿာလျှင် ယခင်အပတ်တွင် ကျပ်(၇၀၇၅)ဖြစ်ပြီး ယခုအပတ်တွင် ကျပ်(၇၀၀၀)ဖြစ်၍ ကျပ်(၇၅)ဈေးလျော့ခဲ့ပါသည်။ မြေပဲလုံးဆံ(ဖြူ)တစ်ပိဿာလျှင်  ယခင်အပတ်တွင် ကျပ်(၆၁၀၀) ဖြစ်ပြီး ယခုအပတ်တွင် ကျပ်(၆၁၅၀)ဖြစ်၍ ကျပ်(၅၀)ဈေးမြင့်ခဲ့ပါကြောင်း၊ မြေပဲတောင့်အစို (၁)တင်းလျှင် ယခင်အပတ်တွင် ကျပ်(၂၃၀၀၀)ဖြစ်ပြီး ယခုအပတ်တွင်လည်း ကျပ်(၂၄၀၀၀)ဖြစ်၍ ကျပ်(၁၀၀၀) အသီးသီးဈေးမြင့်ခဲ့ပါသည်။ အရောင်းအဝယ်ပမာဏအနေဖြင့် (၃၀)ပိဿာဝင်အိတ်ဖြင့် မြေပဲလုံးဆံ(နီ)(၃၈၀)အိတ်၊ မြေပဲလုံးဆံ(ဖြူ)(၄၈၀)အိတ်နှင့် မြေပဲတောင့်အစိုတင်း(၄၂၀၀)တင်းတို့ အရောင်းအဝယ်ရှိခဲ့ကြောင်း သိရှိခဲ့ရပါသည်။

     ဝါသီးနှံဈေးကွက်မှာလည်း (၁)ပိဿာလျှင် ယခင်အပတ်တွင် ကျပ်(၃၁၀၀)ဖြစ်ပြီး ယခုအပတ်တွင် ကျပ်(၂၉၀၀)ဖြစ်၍ ကျပ်(၂၀၀)ဈေးလျော့ခဲ့ပြီး ဝါပိဿာချိန် (၂၅၀၀၀)ခန့်အရောင်းအဝယ်ရှိခဲ့ပါသည်။ ဝါသီးနှံ၊ နှမ်းသီးနှံ၊ မတ်ပဲ၊ ကုလားပဲ(HL)၊ ကုလားပဲ(မြကြေး)၊ မြေပဲလုံးဆံ(နီ)၊ မြေပဲလုံးဆံ(ဖြူ)နှင့် မြေပဲတောင့်(အစို)သီးနှံများကို မန္တလေးမြို့သို့တင်ပို့ရောင်းချရပါကြောင်း၊ ဘိုကိတ်ပြာ၊ ပဲစင်းငုံ(နီ)တို့ကို ရန်ကုန်မြို့သို့တင်ပို့ရောင်းချလျက်ရှိပြီး ပဲကြီးသီးနှံအား အောင်လံမြို့အတွင်းရှိ ပဲကြော်လုပ်ငန်းရှင်များအား ရောင်းချရပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

   တောင်ငူမြို့ရှိ စိမ်းစိမ်းစို ပျိုးဥယျာဉ်တွင် ပျိုးပင်များစွာရှိသည့်အနက် လူအများ စိုက်ပျိုးလေ့ရှိသည့်ပန်းပျိုးပင်များဖြစ်သည့် ခေါင်ရမ်းပန်း၊ ဇော်မွှေးပန်း၊ သစ်ခွပန်း၊ ရွက်လှပန်းမျိုးစုံ၊ ဆယ့်နှစ်ရာသီ ကံ့ကော်ပန်းများနှင့် ခရစ္စမတ်ပင်များမှာ အရောင်းသွက်လျက်ရှိပါသည်။

     ထိုပန်းပျိုးပင်များမှာ ဈေးကွက်အတွင်းတွင် အရောင်းသွက်လျက်ရှိရာ ခေါင်ရမ်းပန်းပျိုးပင် တစ်ထုပ်လျှင် ၂၅၀၀ကျပ်၊ ဇော်မွှေးပန်းပင်ပျိုးထုပ်တစ်ထုပ်လျှင် ၂၅၀၀ ကျပ်၊ သစ်ခွပန်း ပျိုးပင် တစ်ထုပ်လျှင် ၂၅၀၀ ကျပ်၊ ရွက်လှပန်း ပျိုးပင်တစ်ထုပ်လျှင် ၇၀၀၀ ကျပ်၊ ဆယ့်နှစ်ရာသီ ကံ့ကော်ပန်းပျိုးပင်တစ်ထုပ်လျှင် ၃၀၀၀၀ကျပ် ဖြင့်လည်းကောင်း၊ ခရစ္စမတ်ရာသီတွင် ရောင်းအား ကောင်းလျက်ရှိသော ခရစ္စမတ်ပျိုးပင်တစ်ထုပ်လျှင် ၁၀၀၀၀ ကျပ်နှုန်းဖြင့်လည်းကောင်း ရောင်းချပေးလျက်ရှိပါသည်။

     စိမ်းစိမ်းစို ပျိုးဥယျာဉ်တွင် မျိုးပေါင်းနှစ်ရာကျော်ရှိကြောင်းနှင့် အချို့ပျိုးပင်များအား ကိုယ်ပိုင်မြေကွက်တွင် စိုက်ပျိုးပြီး ပျိုးထုပ်လေးများထုပ်ကာ ရောင်းချပေးလျက်ရှိကြောင်း သိရှိရပါသည်။

DOCA(ပဲခူး)

    တောင်ငူခရိုင်၊ ဖြူးမြို့၊ ဈေးရပ်ကွက်၊ ပဲခူးလမ်းပေါ်ရှိ အေးရိပ်စံ ကိတ်နှင့်ရေခဲမုန့်ဆိုင်တွင် ယခုနွေရာသီတွင် ရေခဲမုန့်များ‌မှာ ရောင်းအားကောင်းနေပါသည်။ သစ်သီးစုံရေခဲမုန့်၊ သက်တန့်ရောင်ရေခဲမုန့်၊ ကိတ်ရေခဲမုန့်၊ ဂျယ်လီရေခဲမုန့်၊ ပူတင်းရေခဲမုန့်၊ နတ်သုဒ္ဓါရေခဲမုန့်၊ နှင်းပုလဲရေခဲမုန့်၊ နို့ဝေဖာရေခဲမုန့်၊ ချောကလက် အနှစ်ဆမ်းရေခဲမုန့်၊ ကောက်ညှင်းရေခဲမုန့်၊ အုန်းသီးရေခဲမုန့်၊ ဘာဂါရေခဲမုန့်၊ စတော်ဘယ်ရီရေခဲမုန့်နှင့် အုန်းနို့သရက်ကောက်ညှင်းရေခဲမုန့် စသည်ဖြင့် ရေခဲမုန့် အမျိုးအစားများကို  စုံလင်စွာရောင်းချလျက်ရှိပါသည်။

  ရေခဲမုန့်အမျိုးအစားပေါ်မူတည်၍ တစ်ပွဲလျှင် ၇၀၀ ကျပ်မှ ၂၅၀၀ ကျပ်အထိရှိပါသည်။ အလှူမင်္ဂလာပွဲများ၊ မင်္ဂလာဆောင်ပွဲများ၊ မွေးနေ့ပွဲများနှင့် စေ့စပ်မင်္ဂလာပွဲများအတွက် ဒန်ပေါက်၊ ကိတ်မုန့်တို့နှင့် တွဲဖက်စားသုံးကြသော စတော်ဘယ်ရီရေခဲမုန့်နှင့် သစ်သီးစုံရေခဲမုန့်များကို မှာယူစားသုံးမှုမှာ များကြပါသည်။

  စတော်ဘယ်ရီရေခဲမုန့် ခွက် (၇၀)ပါ ရေခဲမုန့်ပုံးသေးတစ်ပုံးလျှင် (၂၀၀၀၀)ကျပ်နှုန်းဖြင့်လည်းကောင်း၊ ခွက် (၁၄၀)ပါ ရေခဲမုန့်ပုံးကြီးတစ်ပုံးလျှင် (၄၀၀၀၀) ကျပ်နှုန်းဖြင့်လည်းကောင်း၊ သစ်သီးစုံရေခဲမုန့် ခွက် (၇၀)ပါ ရေခဲမုန့်တစ်ပုံးလျှင် (၂၂၅၀၀) ကျပ်နှုန်းဖြင့်လည်းကောင်း၊ ခွက် (၁၄၀)ပါ ရေခဲမုန့်ပုံးကြီးတစ်ပုံးလျှင် (၄၅၀၀၀) ကျပ်နှုန်း အသီးသီးဖြင့်ရောင်းချလျက်ရှိကြောင်း သိရှိရပါသည်။

DOCA(ပဲခူး)