ပြည်တွင်းကုန်သွယ်မှုသတင်း

  ဇူလိုင်လ စတုတ္ထပတ်အတွင်း မန္တလေးကုန်စည်ဒိုင်၌ အရောင်းအဝယ်ဖြစ်လျက်ရှိသော သီးနှံများ၏ဈေးနှုန်းများမှာ ဆီထွက်သီးနှံဖြစ်သည့် နှမ်းညိုတစ်ပိဿာလျှင် (၆၄၄၄) ကျပ်၊နှမ်းဖြူ တစ်ပိဿာလျှင် (၆၇၇၈) ကျပ်၊ နှမ်းဆီ တစ်ပိဿာလျှင် (၁၄၀၀၀) ကျပ်၊ ပဲဆီတစ်ပိဿာလျှင် (၁၇၅၀၀) ကျပ်၊ နှမ်းဖတ်တစ်ပိဿာလျှင် (၃၀၀၀) ကျပ် ဖြင့်အရောင်းအဝယ်ဖြစ်လျက်ရှိပြီး ယခင်လ နှင့် ယခုလနှိုင်းယှဉ်ပါက ဈေးနှုန်းကျဆင်းလျက်ရှိပါသည်။

  ပဲမျိုးစုံဈေးနှုန်းများအနေဖြင့် ပဲစဉ်ငုံ တစ်ပိဿာလျှင် (၄၄၃၃) ကျပ်၊ ထောပတ်ပဲ (ကြီး) တစ်ပိဿာလျှင်(၅၆၀၀) ကျပ်၊ ထောပတ်ပဲ(လတ်) တစ်ပိဿာလျှင် (၄၉၇၅) ကျပ်၊ထောပတ်ပဲ (သေး) တစ်ပိဿာလျှင်(၄၀၈၉)ကျပ်၊ကုလားပဲ(ဗမာ)တစ်ပိဿာလျှင်(၄၅၆၉)ကျပ်၊ ကုလားပဲ (ထိုင်ဝမ်)တစ်ပိဿာလျှင်(၄၃၅၆)ကျပ်၊ ကုလားပဲဖြူလုံးကြီး တစ်ပိသာလျှင်(၄၅၉၄)ကျပ် ဖြင့်အရောင်းအဝယ်ဖြစ်လျက်ရှိပါသည်။ 

  အခြားသီးနှံဈေးနှုန်းများမှာ ကြက်သွန်နီတစ်ပိဿာလျှင် (၁၅၀၀-၁၈၀၀)ကျပ်၊ ကြက်သွန်ဖြူ(ရှမ်း)တစ်ပိဿာလျှင် (၁၀၀၀၀) ကျပ်၊ ကြက်သွန်ဖြူ (ကြူကုတ်) တစ်ပိဿာလျှင် (၁၂၀၀၀)ကျပ်၊ ငရုတ်သီး ခြောက်တစ်ပိဿာလျှင် (၁၂၀၀၀)ကျပ်၊ အာလူးတစ်ပိဿာလျှင် (၄၅၀၀) ကျပ်၊ နနွင်းတက် (ဗမာ)တစ်ပိသာလျှင်(၁၀၀၀၀)ကျပ်၊ဂျင်း(သစ်)တစ်ပိဿာလျှင် (၆၀၀၀) ကျပ် ရှိပြီးယခင်လ နှင့်နှိုင်းယှဉ်ပါက ဈေးနှုန်းအနည်းငယ်ကျဆင်းလျက်ရှိပါသည်။

DOCA(မန္တလေး)

      ကျွန်းလှမြို့၊ ပိတောက်မြိုင်ဈေးတွင် စကားဖြူပန်း၊ စကားဝါပန်းများကို ရောင်းချလျက်ရှိရာ စကားဖြူ/ဝါပန်းပင်သည် အပင်ကြီးမျိုးဖြစ်ပြီး အရွက်ပုံစံမှာဘဲစဥပုံနှင့်  စကားဖြူ/ဝါပန်းပင်သည် မြန်မာ ပြည်အနှံအပြား စိုက်ပျိုးနိုင်သည်။ စကားဖြူ/ဝါပန်းပင်သည် ပူအိုက်စွတ်စိုသော ရာသီကို ကြိုက်နှစ်သက်သည့် အပင်ဖြစ်သည်။ မြေနေရာမရွေး စိုက်ပျိုးနိုင်ပြီး ရေဝပ်ဒဏ် မခံနိုင်ပါကြောင်း သိရသည်။

    စကားဝါပန်းနှင့်စားကားဖြူပန်းကို အကုံးအလိုက် ဘုရားပန်းကပ်လှူခြင်း၊ အပွင့်အတိုင်း ပန်းကန် လေးဖြင့် ဘုရားတွင်ကပ်လှူခြင်းအပြင် ပန်းများကို ဖန်ပုလင်းများဖြင့် ထည့်ကာ ကျောက်ချဉ်ဖြင့် စိမ်ပြီး နှစ်ပေါင်းများစွာထားရှိကပ်လှူကြသည့်အပြင် ဈေးဆိုင်များ၊ ကားများနှင့် သုံးဘီးဆိုင်ကယ်များတွင် မင်္ဂလာကျက်သရေရှိစွာ ချိတ်ဆွဲလေ့ရှိကြသည်။ လူအများဦးခေါင်းထက်တွင်လည်း ကျက်သရေရှိစွာ ပန်ဆင်လေ့ရှိသည့်အတွက် ဈေးကောင်းဖြင့် ရောင်းချလျက်ရှိကြောင်း သိရသည်။

          ၂၀၂၅ ခုနှစ်၊  ဇူလိုင်လ စတုတ္ထပတ်တွင်ကျွန်းလှမြို့၊ ပိတောက်မြိုင်ဈေး၌ ဖြစ်ပေါ်နေသော စကားဖြူပန်း ဈေးနှုန်းဖြင့် စကားဖြူပန်း(၃)ပွင့်ပါ တစ်ကုံးလျှင်(၃၅၀)ကျပ်၊ စကားဖြူပန်း(၃)ကုံးလျှင် (၁၀၀၀)ကျပ် ဈေးနှုန်းတို့ဖြင့်လည်းကောင်း စကားဝါပန်း ဈေးနှုန်းဖြင့် စကားဝါပန်း(၇)ပွင့်ပါ တစ်ကုံးလျှင် (၅၀၀)ကျပ်၊ စကားဝါပန်း(၃)ပွင့်ပါ တစ်ကုံးလျှင်(၂၀၀)ကျပ်၊ စကားဝါပန်း(၃)ကုံးလျှင် (၅၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ဘုရားပန်းမျိုးစုံ ရောင်းချနေသော ပန်းသည်ထံမှ သိရှိရပါသည်။

DOCA(စစ်ကိုင်း)

     ငါးပတ်နှင့်ငါးပေါက်စကို ကန့်ဘလူခရိုင်၊ ကျွန်းလှမြို့နယ်အတွင်းရှိ သဖန်းဆိပ်ဆည်အတွင်းမှ ထွက်ရှိသည့် ဒေသထွက်ရေချိုငါးများကို  လက်လီ/လက္ကား ငါးအရောင်းအဝယ်ပြုလုပ်သည့် ဒိုင်များမှ ဝယ်ယူရောင်းချကာ  ဈေးကောင်းရရှိပြီး အရောင်းအဝယ် ဖြစ်လျက်ရှိကြောင်း သိရသည်။

    ၂၀၂၅ ခုနှစ်၊ ဇူလိုင်လ စတုတ္ထပတ််တွင် ကျွန်းလှမြို့၏ ငါးပတ် ဈေးနှုန်းများ အနေဖြင့် ငါးပတ် ရှယ်ဆိုက်ဝင်(အကြီး) တစ်ပိဿာလျှင်(၂၅၀၀၀)ကျပ် နှင့် ငါးပတ် အကောင်သေး တစ်ပိဿာလျှင် (၂၀၀၀၀)ကျပ် ဈေးနှုန်းဖြစ်ပြီး ငါးပေါက်စဈေးနှုန်းများအနေဖြင့် ငါးပေါက်စ(ခေါင်းဖြတ်ချေးဖောက်ပြီး) လက်လီ တစ်ပိဿာလျှင်(၁၆၀၀၀)ကျပ်၊ (၅၀)ကျပ်သားလျှင်(၈၀၀၀)ကျပ်နှင့် (၂၅)ကျပ်သားလျှင် (၄၀၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း ငါးအရောင်းအဝယ်လုပ်ကိုင်သူထံမှ သိရပါသည်။

DOCA(စစ်ကိုင်း)

      ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးကို အဓိကထားလုပ်ကိုင်ကြရာမှ စားဖိုဆောင်သီးနှံဖြစ်သည့် ခါကြက်ဥ(ဗမာ)မျိုးကို တစ်ပိုင်တစ်နိုင် စိုက်ပျိုးကြပြီး သစ်ရာမြိုင်ဈေးကွက် အတွင်းသို့ လာရောက် ပို့ဆောင်ရောင်းချကြပါသည်။

    ခါကြက်ဥများကို ခါကြက်ဥ(တရုတ်)နှင့် ခါကြက်ဥ(ဗမာ)ဟူ၍ ခါ(၂)မျိုးရောင်းချလျက်ရှိရာ ယခု အချိန်တွင် ဒေသတွင်း ထွက်ရှိသည့် ခါကြက်ဥ(ဗမာ)ဥများ ရှားပါးလာသည့် အချိန်ဖြစ်၍ တရုတ်ခါကြက်ဥကိုတော့ မန္တလေးမြို့နှင့် ရှမ်းပြည်နယ်တို့မှ ဝယ်ယူရောင်းချလျက်ရှိပါသည်။

     ၂၀၂၅ ခုနှစ်၊ ဇူလိုင်လ စတုတ္ထပတ်၌ ကျွန်းလှမြို့၊ သစ်ရာမြိုင်ဈေးအတွင်း ဖြစ်ပေါ်နေသော  ခါကြက်ဥ ဈေးနှုန်းမှာ ခါကြက်ဥ(တရုတ်) တစ်ပိဿာလျှင်(၁၀၀၀၀)ကျပ်၊ (၅၀)ကျပ်သားလျှင် (၅၀၀၀) ကျပ် နှင့် ခါကြက်ဥ(ဗမာ)ဥ တစ်ပိဿာလျှင် (၆၀၀၀)ကျပ်၊ ၅၀ကျပ်သားလျှင်(၃၀၀၀)ကျပ်ဈေးနှုန်းဖြင့် လည်းကောင်း မုန်ညင်းထုတ် ဈေးနှုန်းအနေဖြင့် မုန်ညင်းထုတ် တစ်ပိဿာလျှင်(၁၀၀၀၀)ကျပ်၊ ၅၀ကျပ် သားလျှင်(၅၀၀၀)ကျပ် ဈေးနှုန်းများဖြင့် အရောင်းအဝယ်ဖြစ်လျက်ရှိပြီး စားသောက်ဆိုင် ထမင်းဆိုင်များနှင့် စားဖွယ်စုံ ရောင်းချသည့်ဆိုင်များမှ အသုံးများသည့်အတွက် ဈေးကြီးသော်လည်း ရောင်းအားကောင်းလျက်ရှိကြောင်း သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့နယ်၊ လယ်လှကျေးရွာတွင် ကွမ်းပင်များကို တစ်နိင်တစ်ပိုင်အနေဖြင့် စိုက်ပျိုးလျက်ရှိပါသည်။ ကွမ်းပင်စိုက်ပျိုးရာတွင် မိမိတို့ပိုင်ဆိုင်သည့် ယာမြေကွက်များ (သို့မဟုတ်) အိမ်ခြံဝင်းအတွင်းရှိမြေကွက်လပ်များတွင် စိုက်ပျိုးကြပြီး ကွမ်းပင်စိုက်ပျိုးသည့် အမျိုးအစားများမှာ ဧရာဝတီကွမ်း နှင့် ကွမ်းနုဝါမျိုးတို့ကို အများဆုံးစိုက်ပျိုးလျက်ရှိပါသည်။ ကွမ်းပင် သည် စတင်စိုက်ပျိုးချိန်မှ(၃)လအကြာတွင် ကွမ်းရွက်များကိုအစမ်း စတင်ခူးဆွတ်ရပါသည်။ ယခုလို မိုးရာသီတွင် ဧရာဝတီကွမ်းပင်သည်(၁၀)ရက်လျှင်(၁)ကြိမ်ခူးဆွတ်ရပြီး ကွမ်းနုဝါ ကိုတော့ (၇)ရက်လျှင် (၁)ကြိမ် ခူးဆွတ်ရပါသည်။

    ၂၀၂၅ ခုနှစ်၊ ဇူလိုင်လ စတုတ္ထပတ် ကျွန်းလှမြို့၌ ဖြစ်ပေါ်လျက်ရှိသော ကွမ်းရွက် ဈေးနှုန်းအနေဖြင့် ကွမ်းဒိုင်သွင်းဈေး ကွမ်းနုဝါ တစ်ပိဿာလျှင်(၁၅၀၀)ကျပ် နှင့် ဧရာဝတီကွမ်းရွက် တစ်ပိဿာလျှင် (၁၀၀၀)ကျပ်ဈေးနှုန်းဖြင့် သွင်းရပြီး ကွမ်းဒိုင်မှ ရောင်းချသည့် ဈေးနှုန်းများမှာ ကွမ်းနုဝါ ကွမ်းရွက် တစ်ပိဿာလျှင်(၅၀၀၀)ကျပ်နှင့် ဧရာဝတီကွမ်း တစ်ပိဿာလျှင်(၄၅၀၀)ကျပ် ဈေးနှုန်းတို့ဖြင့် ရောင်းချ လျက်ရှိပြီး ဆောင်းရာသီမှသာ ကွမ်းရွက်ဈေးကောင်းရရှိကြောင်း ကွမ်းပင်စိုက်ပျိုးသည့် တောင်သူထံမှ သိရသည်။

DOCA(စစ်ကိုင်း)