ပြည်တွင်းကုန်သွယ်မှုသတင်း

    မန္တလေးမြို့တွင်းသို့ စစ်ကိုင်း၊ မုံရွာ၊ တောင်တွင်းကြီး မန္တလေးအနီးတဝိုက်ရှိ ဒေသတို့တွင် နံနံပင်များ ဝင်ရောက်လျက်ရှိသည်။ ဗမာနံနံပင်ကို မြန်မာလူမျိုးတို့သည် ငါးနှင့်ချဉ်ရည်ဟင်း၊ ဟင်းချိုဟင်းတို့ချက်ပြုတ်ရာတွင် ဟင်းခတ်အမွှေးအကြိုင်အဖြစ် စားသုံးရန်သာမက မုန့်ဟင်းခါး၊ ကြာဇံဟင်းတို့တွင်လည်း ပဲသီး၊ နံနံပင်များထည့်၍ စားသုံးကြသည်။ ယခုနှစ်တွင် ဗမာနံနံပင်များ ဈေးတက်လကျ်ရှိပြီး ယခင်နှစ်က (၁)စည်းလျင်(၂၀၀)ကျပ်ရှိခဲ့ပြီး ယခုနှစ်တွင်(၁)စည်းလျင်(၄၀၀/၅၀၀)ကျပ်တို့ဖြင့် ရောင်းဝယ်လျက်ရှိပြီး တစ်ပိဿာလျင်(၂၀၀၀၀/၂၅၀၀၀)ကျပ်တို့ဖြင့် ဝယ်ယူကြပြီး အစည်းအသေးလေးများခွဲစည်းကြ၍ မန္တလေးမြို့နယ်အတွင်းရှိ ဈေးကလေးများသို့ ရောင်းချလျက်ရှိကြောင်း သိရှိရသည်။

DOCA(မန္တလေး)

           စစ်ကိုင်းတိုင်းဒေသကြီး၊ မုံရွာမြို့၊ ဈေးဟောင်းရှိ ဟင်းသီးဟင်းရွက်တန်းတွင် ရာသီပေါ် ငရံ့ပတူရွက်၊ ကြက်တက်ရွက်နှင့် မြင်းခွာရွက်များ  ရောင်းချလျက်ရှိကြောင်း သိရသည်။ မြင်းခွာရွက်သည်  နွယ်ပင်အမျိုးအစားဖြစ်ပြီး လယ်တောများတွင် အများအပြားပေါက်ရောက်တတ်ပါသည်။

          ၂၀၂၅ ခုနှစ်၊ ဒီဇင်ဘာလ ပထမပတ်တွင် ဈေးဟောင်း၌  ငရံ့ပတူရွက်ပြုတ် (၁၀) ကျပ်သားလျှင် (၅၀၀)ကျပ်၊ (၅၀)ကျပ်သားလျှင် (၂၅၀၀)ကျပ်၊ ကြက်တက်ရွက်ပြုတ် (၁၀)ကျပ်သားလျှင် (၇၀၀)ကျပ်၊ (၅၀)ကျပ်သားလျှင် (၃၅၀၀)ကျပ်နှင့် မြင်းခွာရွက် (၁)ပုံ လျှင် (၃၀၀)ကျပ် မှ (၄၀၀)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသူထံမှ သိရှိရပါသည်။

DOCA(စစ်ကိုင်း)

         စစ်ကိုင်းတိုင်းဒေသကြီး၊ မုံရွာမြို့တွင် ရာသီပေါ်သီးနှံများကို စိုက်ပျိုးရောင်းချလျက်ရှိရာ ယခုအခါ ကြက်ဟင်းခါးပင်၊ ခဆော့ပင်နှင့် ကင်းမုံသီးများကို  မိမိတို့နေအိမ်ခြံဝင်းများတွင်လည်းကောင်း၊ မိမိပိုင်လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ မုံရွာမြို့ပေါ်ရှိ ဈေးဟောင်းနှင့်ရပ်ကွက်ဈေးများတွင် လာရောက်ရောင်းချကြကြောင်း သိရှိရပါသည်။  

    ၂၀၂၅ ခုနှစ်၊ ဒီဇင်ဘာလ ပထမပတ်တွင် မုံရွာမြို့၊ ဈေးဟောင်းတွင် ရောင်းချလျက်ရှိသော  ကြက်ဟင်းခါးသီးဈေးနှုန်းများမှာ ကြက်ဟင်းခါးသီး (၂၅)ကျပ်သားလျှင် (၉၀၀) ကျပ်၊ (၅၀)ကျပ်သားလျှင် (၁၈၀၀)ကျပ်၊ (၁)ပိဿာလျှင် (၃၅၀၀)ကျပ်၊ ခဆော့သီးတစ် (၁)ဘူးလျှင် (၄၀၀)ကျပ်နှင့် ကင်းမုံသီ(၁)ပြည်လျှင် (၂၃၀၀)ကျပ် ဖြင့် ရောင်းချလျက်ရှိပြီး ဈေးနှုန်းအနည်းငယ်ကျဆင်းသွားကြောင်း ကုန်စိမ်းရောင်းချသူများထံမှ  သိရှိရပါသည်။

DOCA(စစ်ကိုင်း)

            စစ်ကိုင်းတိုင်းဒေသကြီးအတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို လုပ်ကိုင်စားသောက်ကြရာမှ နှစ်ရှည်သီးနှံဖြစ်သည့် မာလကာသီးပင်၊ ဩဇာသီးပင်၊ ဂွေးပင်၊ သရက်သီးပင်၊ နဂါးမောက်သီးပင်၊ ပိန္နဲသီးပင်နှင့် မန်ကျည်းသီးပင်များကိုလည်း မိမိတို့ နေအိမ်ခြံစည်းရိုးများနှင့် တောင်ယာများထဲတွင် တစ်ပိုင်တစ်နိုင် စိုက်ပျိုးလျက်ရှိကြပါသည်။ စိုက်ပျိုးရရှိသော သီနှံများထဲမှ  ဩဇာသီးနှင့် မာလကာသီးမျာကို မုံရွာမြို့၊ ချင်းတွင်းရတနာဈေး၊ သံလမ်းဈေးနှင့် ဈေးဟောင်းတို့တွင်  လာရောက်ရောင်းချလျက်ရှိကြောင်း သိရှိရပါသည်။

          ၂၀၂၅ ခုနှစ်၊ ဒီဇင်ဘာလ ပထမပတ်တွင် ဩဇာသီးဈေးနှုန်းများမှာ အရွယ်အစားအလိုက် ဈေးအမျိုးမျိုးရှိပြီး အရွယ်ကြီးအလုံးလှ(၁)လုံးလျှင် (၇၀၀)ကျပ်၊ အလုံးသေး (၁)လုံးလျှင် (၅၀၀)ကျပ်ဖြင့်လည်းကောင်း၊  ကီလိုမာလကာသီးဈေးနှုန်းများအနေဖြင့် အကြီးတစ်လုံးလျှင် (၇၀၀)ကျပ်၊ အသေးတစ်လုံးလျှင် (၅၀၀) ကျပ်ဖြစ်ပြီး အကြီးအသေးပေါ်မူတည်ပြီး ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

    မန္တလေးမြို့တွင်းသို့ ရှမ်းပြည်နယ်မြောက်ပိုင်း ကျောက်မဲ၊ သီပေါနှင့် ရှမ်းပြည်နယ် တောင်ပိုင်း အောင်ပန်း၊ ရပ်ဆောက်၊ ရွာငံဘက်များမှ လိမ္မော်သီးများ ဝင်ရောက်လျက်ရှိပါသည်။ မန္တလေးသစ်သီးပွဲရုံများသို့ ဝင်ရောက်သည့် လိမ္မော်သီးဈေးကွက်အနေနှင့် အလုံးရေ ၁၀၀ မှ ၁၂၅ လုံးပါ ခြင်းတစ်ခြင်းလျှင် ၅၅၀၀၀ ကျပ်မှ ၆၀၀၀၀ ကျပ်များနှင့် ဝယ်ယူမှုရှိပြီး မန္တလေးသစ်သီးပွဲရုံများသို့ တစ်ရက်လျှင် ကားလေးများနှင့် ၁၀ စီးမှ ၁၅ စီးအတွင်း ဝင်ရောက်မှုရှိပြီး သစ်သီးပွဲရုံများမှ လက်လီရောင်းဝယ်သူများဝယ်ယူမှုအနေနှင့် လိမ္မော်သီး တစ်ပိဿာလျှင် ၇၅၀၀ ကျပ်မှ ၈၀၀၀ ကျပ်များနှင့် ဝယ်ယူရပြီး လုံးကြီးတစ်ပိဿာလျှင် ၁၂ လုံး၊ လုံးသေးတစ်ပိဿာလျှင် ၁၅ ၊ ၁၆ လုံး ရရှိပါသည်။ လက်လီရောင်းဝယ်သူများအနေနှင့် အကြီး ၁၀ လုံးလျှင် ၉၀၀၀ ကျပ်မှ ၁၀၀၀၀ ကျပ်၊ အသေး ၁၀ လုံးလျှင် ၇၀၀၀ ကျပ်မှ ၇၅၀၀ ကျပ်များနှင့် ရောင်းဝယ်မှုရှိကြောင်း၊ ယခုရာသီ ကာလသည် လိမ္မော်သီးများ ချိုသည့်အတွက် စားသုံးသူများကြိုက်နှစ်သက်ပြီး ဈေးကွက်အတွင်း အရောင်းအဝယ်အားကောင်းနေကြောင်း လေ့လာသိရှိရပါသည်။

DOCA(မန္တလေး)