မွန်ပြည်နယ်ဒေသထွက် နာနတ်သီးများ အရောင်းအဝယ်သွက်လျက်ရှိ
![](http://www.doca.gov.mm/sites/default/files/styles/consumer_inner_image__847x424_/public/နာနတ်_1.jpg?itok=trXVUqMF)
ယခုနှစ် မိုးဦးကာလတွင် မွန်ပြည်နယ်ထွက် နာနတ်သီးများ ဈေးကွက်အတွင်း အရောင်းအဝယ်သွက်နေကြောင်း မော်လမြိုင်မြို့နယ်ရှိ သစ်သီးဝလံရောင်းချသူများထံမှ သိရှိရသည်။
နာနတ်သီးများကို ကျိုုက်ထို၊ ဘီးလင်း၊ ကျိုက်မရော၊ မုဒုံ၊ ရေးမြို့နယ်တို့တွင် အများဆုံး စိုက်ပျိုးကြပြီး နာနတ်ပင်များကို စိုက်ပျိုးရန် သီးခြားမြေနေရာမလိုအပ်ပဲ ရော်ဘာပင်တန်း ကြားတွင် သီးညှပ်စိုက်ပျိုးကြကြောင်း ရေးမြို့နယ်ရှိ နာနတ်သီး စိုက်ပျိုးသူထံမှ သိရှိရသည်။ အရင့်မှန်ပြီး သဘာဝအတိုင်း ရင့်မှည့်သည့် နာနတ်သီးများကို ခြံပိုင်ရှင်များထံမှ ဝယ်ယူရောင်းချနေပြီး လက်ရှိဆိုင်ပေါ် ရောင်းဈေးသည် အရွယ်အစားပေါ် မူတည်၍ တစ်လုံးလျှင် ကျပ် ၂၀၀၀ မှ ၃၀၀၀ အထိ ရောင်းချကြောင်း သိရသည်။ မွန်ပြည်နယ်ထွက် နာနတ်သီးများကို မြို့ပေါ်ဈေးများနှင့် ပဲခူး၊ ရန်ကုန်၊ နေပြည်တော်စသည့် မြို့ကြီးများသို့လည်း တင်ပို့ရောင်းချလေ့ရှိကြောင်း သိရသည်။
နာနတ်သီးကို စားသုံးခြင်းဖြင့် ဆီးပူ၊ ဆီးအောင့်သက်သာခြင်း၊ ဝမ်းသွေးကျခြင်းတို့ကို ပျောက်ကင်းစေသည့်အပြင် ခန္ဓာကိုယ်စွမ်းအားကို မြှင့်တင်ပေးသည့် အသီးတစ်မျိုးဖြစ်ကြောင်း သိရှိရသည်။
DOCA(မွန်)