ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့ရှိ သစ်သီးရောင်းဝယ်ရေးဆိုင်များတွင် ရာသီပေါ်အသီးတစ်မျိုးဖြစ်သည့် နာနတ်သီးနှင့် ဖရဲသီးများရောင်းချနေကြောင်း သိရသည်။ နာနတ်သီးသည် ချိုချဉ်အရသာရှိပြီး ကြိုက်နှစ်သက်သူများသည့်အတွက် ဈေးကွက်အတွင်း အရောင်းအဝယ်သွက်လျက်ရှိကြောင်း သိရသည်။

   ကန့်ဘလူမြို့နယ်တွင် ဖရဲသီးကို မန္တလေးမြို့သစ်သီးပွဲရုံမှလည်းကောင်း၊ နာနတ်သီးများကို မန္တလေးသစ်သီးပွဲရုံနှင့် မြစ်ကြီးနားသစ်သီးပွဲရုံများမှမှာယူ၍ ရောင်းချလျက်ရှိကြောင်း၊ ဇူလိုင်လ စတုတ္ထပတ်အတွင်း မန္တလေးနာနတ်သီးတစ်လုံးလျှင် (၂၀၀၀မှ ၃၀၀၀)ကျပ်၊ မြစ်ကြီးနားသီးတစ်လုံးလျှင် (၃၅၀၀မှ ၄၀၀၀)ကျပ်ဖြင့်ရောင်းချလျက်ရှိကြောင်း၊ နာနတ်သီးကို လူကြီးလူငယ်မရွေး စားသုံးကြကြောင်း၊ ချဉ်ပေါင်းသည်များကလည်းဝယ်ယူကြောင်း၊ ဇူလိုင်လ စတုတ္ထပတ်အတွင်း ဖရဲအကြီး(၁)လုံးလျှင် ( ၆၀၀၀)ကျပ်၊ အသေး(၁)လုံးလျှင် (၂၅၀၀မှ ၃၀၀၀)ကျပ်ဖြင့် ရောင်းချလျက်ရှိကြောင်း၊ သစ်သီးရောင်းချသူများထံမှ သိရှိရသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်၌ ရာသီပေါ်သီးနှံများကို မိသားစု တစ်ပိုင်တစ်နိုင်စိုက်ပျိုးလျက်ရှိရာ စားသုံးသူရေးရာဦးစီးဌာနမှ မြို့နယ်တာဝန်ခံဦးမျိုးဝင်းသန်းနှင့် ဝန်ထမ်း(၁)ဦးတို့သည် ကန့်ဘလူမြို့နယ်၊ အမှတ်(၃)ရပ်ကွက်ရှိ ဦးလှအောင်၏ ငရုတ်စိုက်ခင်းသို့ ကွင်းဆင်းလေ့လာခဲ့ကြောင်း သိရသည်။

    လုပ်ငန်းရှင်၏ ပြောပြချက်အရ ငရုတ်စိုက်ပျိုးရာတွင် တိုက်ရိုက်စိုက်တာနဲ့ ပြောင်းရွှေ့ စိုက်ပျိုးတာဆိုပြီး (၂)မျိုးရှိကြောင်း၊ ပြောင်းရွှေ့စိုက်ပျိုးနည်းကတော့ ဦးစွာငရုတ်ပျိုးပင်များကို အိမ်မှာပျိုးထောင်းကြောင်း၊ အရန်သင့်စိုက်ပျိုးနိုင်ရန်အတွက် မြေဆွေးထည့်ကာ မြေပြုခြင်းကို ကြိုတင်ဆောင်ရွက်ထားရကြောင်း၊ ပျိုးပင် ပျိုးသက် (၃၀-၄၅)ရက်သားခန့်တွင် ပြောင်းရွှေ့စိုက်ပျိုး ရကြောင်း၊ ယခုစိုက်ပျိုးထားသည့် ငရုတ်မျိုးမှာ အောက်ဆွဲငရုတ်မျိုးနှင့် မိုးထောင်ငရုတ် မျိုးများဖြစ်ကြောင်း၊ ငရုတ်သီးသည် ရွှေ့စိုက်ပြီး (၃-၄)လအတွင်း ငရုတ်အသီးများကို စတင်ခူးဆွတ် ရကြောင်း၊ မျိုးနှင့် စိုက်ပျိုးမှုပေါ်မူတည်၍ တစ်ဧကမှာ ငရုတ်သီးခြောက်(၁၀၀မှ ၂၀၀)ပိဿာထိ  ရနိုင်ပြီး ငရုတ်သီးစိမ်းအနေနဲ့ (၄၀၀မှ ၁၀၀၀)ပိဿာထိ ထွက်နိုင်ကြောင်း၊ ဇူလိုင်လ စတုတ္ထပတ် အတွင်း ငရုတ်သီးအတောင့်ခြောက် (၁)ပိဿာလျင် (၁၄၀၀၀မှ ၁၆၀၀၀)ကျပ်နှင့် (၅၀)ကျပ်သား လျှင်(၇၅၀၀)ကျပ်ဖြင့် ရောင်းချရသည့်အတွက် စိုက်ပျိုးသူများအနေဖြင့် ထိုက်သင့်သည့် အကျိုး အမြတ်များရရှိကာ အဆင်ပြေလျက်ရှိကြောင်း သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့မဈေးရှိ သစ်သီးဆိုင်များတွင် သစ်သီး မျိုးစုံရောင်းချလျက်ရှိရာ ပန်းသီးနှင့် ပန်းသစ်တော်သီးများလည်းရောင်းချလျက်ရှိကြောင်း သိရှိရ သည်။ ပန်းသီးနှင့် ပန်းသစ်တော်သီးများကို မန္တလေးမြို့ရှိ သစ်သီးပွဲရုံများမှ မှာယူရောင်းချလျက် ရှိကြောင်း၊ ပန်းသီးသည် ကျန်းမာရေးအတွက် အထောက်အကူများစွာ ပြုပေးသည့်အတွက် စားသုံးသူများ ကြိုက်နှစ်သက်သည့် အသီးတစ်မျိုးဖြစ်ကြောင်း သိရှိရသည်။

     ၂၀၂၅ ခုနှစ် ၊ ဇူလိုင်လ စတုတ္ထပတ်အတွင်း ကန့်ဘလူမြို့ရှိ သစ်သီးဆိုင်များတွင် ပန်းသီး အလုံးကြီး(၁)လုံးလျှင် (၂၀၀၀မှ ၄၀၀၀)ကျပ်၊ ပန်းသီးအလုံးသေး(၄)လုံးလျှင် (၁၀၀၀၀)ကျပ်ဖြင့် ရောင်းချလျက်ရှိကြောင်း၊ ပန်းသီးသည် နူးညံ့ထူးကဲသော အရသာပေးစွမ်းသည့်အတွက် စားကြည့် မိသူတိုင်း ကြိုက်နှစ်သက်ကြကြောင်း၊ ဇူလိုင်လ စတုတ္ထပတ်အတွင်း ပန်းသစ်တော်သီး ဈေးနှုန်း များမှာ ပန်းသစ်တော်သီး(၄)လုံးလျှင် ၁၀၀၀၀ကျပ်၊ ပန်းသစ်တော်သီး(၁)လုံးလျှင် (၂၅၀၀မှ ၃၀၀၀) ကျပ်ဖြင့် ရောင်းချလျက်ရှိကြောင်း၊ သစ်သီးရောင်းချသူများထံမှ သိရှိရပါသည်။

          စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်းရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ ခုနှစ်၊ ဩဂုတ် ၁၁ ရက်နေ့မှ ၁၇ ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ်၆,၂၈၅ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက အသိပေး ထုတ်ပြန်ကြေညာထားကြောင်း သိရှိရပါ​သည်။   

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်း သိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

     မြိတ်ခရိုင်တွင် ဒေသထွက်ကုန်ဖြစ်သော ကွမ်းသီးကို မြိတ်၊ ပုလော၊ ကျွန်းစု၊ တနင်္သာရီမြို့ (၄)မြို့နယ်တွင် စိုက်ပျိုးထားရှိပြီး  စိုက်ပျိုးဧက ၄၅၇၂၂ ဧကခန့်ရှိကြောင်းသိရှိရပါသည်။ ထွက်ရှိလာ သောဒေသထွက်ကွမ်းသီးများကို ရန်ကုန်နှင့် မန္တလေးတိုင်းသို့အများဆုံးတင်ပို့လျှက်ရှိပြီး ကွမ်းသီးနု၊ အခြောက်နှင့် ခွဲခြမ်းများဖြင့် တင်ပို့ရောင်းချကြသည်။ မြိတ်မြို့တွင် ဒေသထွက်ကွမ်းသီးများကို အခြားတိုင်းနှင့်ပြည်နယ်များသို့ တင်ပို့မည်ဆိုပါက မြိတ်မြို့၊ အဝေးပြေးကာဝင်းရှိ ကွမ်းသီးစစ်ဆေး ရေးအဖွဲ့ထံ ထောက်ခံချက်ရယူပြီးမှထွက်ရှိရကြောင်းသိရှိရပါသည်။

    ၂၀၂၅ခုနှစ်၊ဇန်နဝါရီလမှစ၍ ယနေ့ထိ မြိတ်မြို့မှကွမ်းသီးတင်ပို့မှုမှာ (၁၂၇၃၀၉၂၄)ပိဿာ ထိတင်ပို့နိုင်ခဲ့ကြောင်းသိရှိရပါသည်။ မြိတ်မြို့တွင် ကွမ်းသီးခြောက်အလုံးတစ်ပိဿာ စျေးနှုန်းမှာ ၂၄၀၀၀ကျပ် ရှိပြီး ကွမ်းသီးခွဲခြမ်းတစ်ပိဿာစျေးနှုန်းမှာ ၁၉၀၀၀ကျပ်ရှိနေကြောင်းသိရှိရပါသည်။ ရာသီပေါ်ချိန်တွင် ကွမ်းသီးအနုများစျေးကောင်းရရှိပြီး ကွမ်းသီးအနုတစ်ပိဿာစျေးနှုန်းမှာ (၆၅၀၀) ကျပ် ခန့် ဖြစ်ပေါ်နေကြောင်းသိရှိရပါသည်။

DOCA(တနင်္သာရီ)