ပြည်တွင်းကုန်သွယ်မှုသတင်း

    မြင်းခြံမြို့နယ်ရှိ အေးမြသီတာဈေး၊ မြို့မစည်ပင်သာယာဈေးနှင့် စံပြဈေးတို့သည် ကုန်စိမ်း ၊ ကုန်ခြောက်၊ ဟင်းသီး ဟင်းရွက်မျိုးစုံ၊ ဆန်ဆီ၊ ပဲအမျိုးမျိုး စသည်တို့ စုံလင်စွာ ရောင်းချသော မြို့တစ်မြို့ဖြစ်ပါသည်။ စိုက်ပျိုးရေး၊ မွေးမြူရေး၊ ကုန်ထုတ်လုပ်ငန်းများလည်း ဖွံ့ဖြိုးသော မြို့လည်းဖြစ်ပါကြောင်း သိရသည်။ မြို့မစည်ပင်သာယာဈေး၊ စံပြဈေး၊ အေးမြသီတာ ဈေးတွင် ရောင်းချသောအသီးအနှံများသည် ဒေသတွင်း ထွက်ရှိသော စားဖိုဆောင် သီးနှံများအပြင် မန္တလေးမြို့၊ ပြင်ဦးလွင်မြို့၊ အောင်ပန်းမြို့၊ ဟိုပုံးမြို့၊ မိတ္ထီလာမြို့၊ ပုပ္ပားမြို့၊ ပခုက္ကူမြို့များမှလည်း ဝင်ရောက်ကြောင်းသိရသည်။ ဒီဇင်ဘာလ ပထမပတ်တွင် အေးမြသီတာဈေးတွင် ရောင်းချနေသော ဘိုစားပဲသီး(ခေါ်) ပဲစိတ်တို ဈေးနှုန်းမှာ (၂၅) ကျပ်သားလျှင် (၂၅၀၀)ကျပ်၊ တစ်ပိဿာလျှင် (၉၀၀၀)ကျပ် ဖြင့်ရောင်းချကြောင်း၊ ဘိုစားပဲသီးကို ပြင်ဦးလွင်မြို့၊ ဟိုပုံးမြို့နှင့် အောင်ပန်းမြို့များမှ ဝယ်ယူရောင်းချရပါကြောင်း သိရသည်။

DOCA(မန္တလေး)

   မြင်းခြံမြို့နယ် ကျေးရွာအချို့သည် စိုက်ပျိုးရေးလုပ်ငန်းကို လုပ်ကိုင်စားသောက်ကြရာ စားဖိုဆောင်သီးနှံဖြစ်သော ချဉ်ပေါင်သီးနှံကိုလည်း ယာခင်းများတွင် သီးညှပ်သီးနှံအဖြစ် စိုက်ပျိုးကြခြင်း၊ သီးသန့်ပက်ကြဲစနစ်ဖြင့် လည်းကောင်း စိုက်ပျိုးကြကြောင်း သိရသည်။ မြင်းခြံမြို့ပေါ်ရှိ မြို့မစည်ပင်သာယာဈေး၊ အေးမြသီတာဈေးနှင့် စံပြဈေးတို့တွင် အချို့က ဖောက်သည်ပေးပြီး အချို့က ကိုယ်တိုင်ရောင်းချကြောင်း ဒေသခံတောင်သူတစ်ဦး၏ ပြောကြား ချက်အရ သိရပါသည်။ ချဉ်ပေါင်သီးကို ငရုတ်သီးဖြင့်ထောင်းစား၍ လည်းကောင်း၊ ချဉ်ပေါင်ဟင်း ချက်စား၍လည်းကောင်း၊ အမဲသားနှင့် ငပိချက် ချက်စား၍လည်းကောင်း စားသုံးခြင်းကြောင့် လူကြိုက်များပြီး အရောင်း အဝယ်သွက်သော သီးနှံတစ်မျိုး ဖြစ်ပါသည်။ ယခု ဒီဇင်ဘာလ ပထမ ပတ်တွင် ချဉ်ပေါင်သီးများ ခူးဆွတ်ရာသီဖြစ်ပါသဖြင့် ဈေးနှုန်းမှာ (၁၀)ကျပ်သား လျှင်  (၁၀၀၀) ကျပ်နှင့် တစ်ပိဿာလျှင် (၈၀၀၀) ကျပ်ဈေး ရောင်းချကြောင်း သိရှိရပါသည်။

DOCA(မန္တလေး)

မြင်းခြံမြို့ အေးမြသီတာဈေး၊ မြို့မစည်ပင်သာယာဈေး၊ စံပြဈေးတို့ရှိ ကုန်စိမ်းရောင်း ဝယ်မှုများသည် ဒေသထွက်သီးနှံများ ပေါ်ထွက်မှုမရှိလျှင် မန္တ‌လေးမြို့၊ ပြင်ဦးလွင်၊ အောင်ပန်း မြို့များမှ ဝယ်ယူရောင်းချကြောင်း သိရသညိ။ ဂျူးမြစ်ကို အချဉ်ရည်ဟင်း/ သီးစုံချည်ရည် များတွင်ထည့်၍ လည်းကောင်း၊ ငရုတ်သီးစိမ်းဖြင့် အစိမ်းထောင်း၍လည်းကောင်း၊ ကြက်သွန်ဖြူနှင့် ကြော်၍လည်းကောင်း၊ အချည်တယ်၍လည်းကောင်း စားသုံးခြင်းကြောင့် လူကြိုက်များပြီး အရောင်းအဝယ်သွက်သော သီးနှံတစ်မျိုး ဖြစ်ပါသည်။ ယခု ဒီဇင်ဘာလ ပထမပတ်တွင် ဂျူးမြစ် ဈေးနှုန်းမှာ (၂၅)ကျပ်သား လျှင်  (၂၀၀၀)ကျပ်နှင့် တစ်ပိဿာလျှင် (၇၀၀၀) ကျပ်ဈေး ရောင်းချ ကြောင်း သိရှိရပါသည်။

DOCA(မန္တလေး)

    ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အနေဖြင့် မြို့နယ်များအပါအဝင် ၁၅တန်နှင့်အထက် ဆန်စက်အလုံးရေ (၄၈)လုံး ရှိပြီး စပါးကြိတ်ခွဲထွက်ရှိမှုမှ ဆန်များကို ရန်ကုန်တိုင်းဒေသကြီးသို့ အဓိကထား၍ စီးထွက်လျက်ရှိပြီး  ရန်ကုန်မှတဆင့် အခြားဒေသများသို့ နေ့စဉ် ပုံမှန် (စီးထွက်) လျက်ရှိကြောင်း သိရသည်။

    ဆန်များကို ရန်ကုန် သီလဝါ ဆိပ်ကမ်း၊ သံလျင်မြို့၊ ဆူးလေဆိပ်ကမ်း၊ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့ တို့သို့ လည်းကောင်း ဆန်ကွဲများကို စက်မှုဇုန်လုပ်ငန်းများသို့လည်းကောင်း နေ့စဉ်တင်ပို့လျက်ရှိကြောင်း သိရှိရပါသည်။

     ညောင်တုန်းမြို့နယ် ၂၀၂၅ ခုနှစ် နိုဝင်ဘာလ ၁လအတွင်း ဆန်တင်ပို့မှုအနေဖြင့်  ၂၅၀၅၄၅ အိတ်၊ တန်အားဖြင့် ၁၂၅၂၇ တန်နှင့်  ဆန်ကွဲအနေဖြင့် ၉၉၄၅၄ အိတ်၊ တန်အားဖြင့် ၄၉၇၂ တန် တင်ပို့နိုင်ခဲ့ပြီး ယခင်လနှင့် တင်ပို့မှု အနေဖြင့် ယခင်လထက် ဆန်အိတ် ၁၃၂၀၄၅ အိတ်၊  ဆန်ကွဲ ၅၈၄၃၄ အိတ် ပိုမို တင်ပို့နိုင်ခဲ့ကြောင်း ဆန်စက်နှင့် သိုလှောင်ရုံများမှ နေ့စဉ်စီးထွက် ကုန်ရပြေစာဖြင့် ထွက်ရှိမှု စာရင်းများအရ သိရသည်။

DOCA(ဧရာဝတီ)

     မအူပင်ခရိုင်၊ မအူပင်မြို့နယ်မှ စိုက်ပျိုးထွက်ရှိသော စပါးများကို ဆန်စက်(၁၉)စက်မှ ကြိတ်ခွဲပြီး ထွက်ရှိလာသော ဆန်/ဆန်ကွဲများကို ရန်ကုန်သို့ အဓိကထား နေ့စဉ် တင်ပို့လျက်ရှိပါသည်။ ၂၀၂၅ခုနှစ် အတွင်း နိုဝင်ဘာလ ၁လအတွင်း ဆန်တင်ပို့မှု ၆၉၂၈ အိတ်နှင့် တန်အားဖြင့် ၃၄၆ ၊  ဆန်ကွဲအနေဖြင့် ၅၄၆၅ အိတ်၊ တန်အားဖြင့် ၂၇၃ တန်၊ ယခင်လ တင်ပို့မှုမှာ ဆန်အိတ် ၁၄၇၇၅ အိတ်၊ ဆန်ကွဲ အိတ် ၇၄၈၉ အိတ်  နှိုင်းယှဉ်တင်ပို့မှုမှာ ဆန် ၇၈၄၇ အိတ် လျော့နည်းတင်ပို့ပြီး ဆန်ကွဲအနေဖြင့်  ၂၀၂၄ အိတ် လျော့နည်း တင်ပို့ကြောင်း တွေ့ရှိရသည်။ 

   ဒေသထွက်ရှိသော ဆန်နှင့် ဆန်ကွဲများကို ရန်ကုန်မြို့ သီလဝါဆိပ်ကမ်း၊ သံလျင်မြို့၊ ဆူးလေဆိပ်ကမ်း ပန်းပဲတန်းမြို့၊ Asiaworld ဆိပ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုက်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက့်မြို့၊ ရွှေလင်ပန်းစက်မှု ဇုန်လှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ နေ့စ ဉ် စီးထွက်လျက်ရှိကြောင်း သိရှိရပါသည်။

     အခြားမြို့နယ်တင်ပို့မှု အနေဖြင့် နိုဝင်ဘာလ ဆန် ၂၄၉၄၇၃ အိတ်၊ ဆန်ကွဲ ၁၂၄၁၁၄ အိတ် နှင့် ယခင်လက ဆန် ၁၆၆၇၅၀ အိတ်၊ ဆန်ကွဲ ၅၃၂၄၀ အိတ် တင်ပို့ခဲ့ပြီး  ယခုလ ၈၂၇၂၃ အိတ်၊ ဆန်ကွဲ ၇၀၈၇၄ အိတ် ဆန်ကွဲများ ပိုမို တင်ပို့ ကြောင်းတွေ့ရှိရသည်၊၊

DOCA(ဧရာဝတီ)