ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

     ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် ဖက်ဖယ်ရွက် များကို စိုက်ပျိုးကြကြောင်း၊ ဖက်ဖယ်ရွက်များကို ကန့်ဘလူမြို့မဈေးတွင် ရောင်းချကြောင်း၊ ၂၀၂၅ ခုနှစ်၊ စက်တင်ဘာလ တတိယပတ်အတွင်း ဖက်ဖယ်ရွက်(၁)စည်းလျှင်(၂၅၀)ကျပ်၊ ဖက်ဖယ်ရွက် (၃)စည်းလျှင်(၇၀၀)ကျပ်ဖြင့်ရောင်းချကြောင်း၊  ဖက်ဖယ်ရွက်များကို  အိမ်ရှင်မများဟင်းချက်ရာ တွင်လည်းကောင်း၊ စားသောက်ဆိုင်များနှင့် အကင်ဆိုင်များမှ အနံအရသာအတွက် မပါမဖြစ်ဝယ်ယူ အသုံးပြုကြသဖြင့် ဖက်ဖယ်ရွက်များ အရောင်းအဝယ်သွက်လျက်ရှိကြောင်း မြို့မဈေးရှိကုန်စိမ်း ရောင်းချ သူတစ်ဦးထံမှ သိရှိရပါသည်။

DOCA(စစ်ကိုင်း)

   ကန့်ဘလူမြို့ မြို့မဈေးတွင်လည်းကောင်း၊ ရပ်ကွက်အတွင်းလှည့်လည်ရောင်းချသည့်ဈေးသည်များတွင်လည်းကောင်း ပြောင်းဖူးများကို ရောင်းချလျက်ရှိသည်။ ပြောင်းဖူးများကို ကန့်ဘလူ ဒေသတွင်းမှလည်းကောင်း ဝင်ရောက်လျက်ရှိသည်။ နေ့စဉ်ရောင်းချလျက်ရှိသော ပြောင်းဖူးအမျိုး အစားမှာ ထိုင်ဝမ်ပြောင်းဖူးအမျိုးအစားဖြစ်ပြီး ပြောင်းဖူးပြုတ်ကို လူကြီးလူငယ်မရွေး သရေစာ အဖြစ်စားသုံးကြသလို အိမ်ရှင်မများကလည်း ပြောင်းဖူးအစိမ်းကို ဟင်းချက်ရာတွင်လည်း ထည့်သွင်း ချက်ပြုတ်ကြသည်။၂၀၂၅ခုနှစ်၊ စက်တင်ဘာလ တတိယပတ်အတွင်း ပြောင်းဖူးများကို ကန့်ဘလူမြို့မဈေးတွင် လက်လီ၊ လက်ကားရောင်းချနေသည့် လုပ်ငန်းရှင်တစ်ဦး၏ ပြောပြချက် အရပြောင်းဖူးအစိမ်းအကြီး (၁)ဖူးလျှင် (၄၀၀)ကျပ်၊ အသေး(၁)ဖူးလျှင် (၃၀၀)ကျပ်ဖြင့် ရောင်းချ လျက်ရှိကြောင်း သိရှိရပါသည်။

DOCA(စစ်ကိုင်း)

           ပန်းကလေးတွေက လူတွေရဲစိတ်ကိုပျော်ရွှင်စေသည်၊ ကြည်လင်စေသည်၊ စိတ်ခွန်အားကိုတွေပေးသည်။ ပျော်ရွှင်ခြင်း၊ ကြည်လင်းခြင်း၊ စိတ်ခွန်အားတွေကိုပေးသော ပန်းကလေးများကို လူတိုင်းချစ်မြတ်နိုးကြသည်။ စွယ်တော်ပန်းကလေးများသည် ပန်းရောင်၊ ခရမ်းရောင်၊ အနီရောင်၊ အဖြူရောင်ပွင့်လန်းကြသည်။ ရနံ့သင်းသင်လေးနှင့် အစုလိုက်အခိုင်လိုက် ပွင့်သောပန်းပင်ဖြစ်သည်။ စွယ်တော်ပင်သည် ပန်းပွင့်သောအရိပ်ရပင်ဖြစ်၍ စိုက်ပျိုးမှုများပြားသည်။ စွယ်တော်ပန်းကလေး၏ အဓိပ္ပာယ်သည် စည်းလုံးခြင်း၊ ညီညွတ်ခြင်း၊ ငြိမ်းချမ်းခြင်းကို ကိုယ်စားပြုပါသည်။ စွယ်တော်ပန်းပွင့်ကလေးများကို မြင်ရသူတိုင်း ရင်သတ်ရှုမောငေးကြည့်မိကြမည်ထင်ပါသည်။ အဖြူရောင်စွယ်တော်ပင်၏ အရွက်နုနုကလေးများကို ခူးယူ၍သုတ်စားဟင်းချိုချက်စား၍ ရပါသည်။ နှလုံးအားကောင်းပြီး ခန္ဓာကိုယ်အပူအပုတ်ကိုကြေစေကြောင်း သိရှိရသည်။အပူဒဏ် အအေးဒဏ်ခံနိုင်ရည်ရှိပြီး နေရာဒေသမရွှေးစိုက်ပျိုးရှင်သန်ဖြစ်ထွန်းပါသည်။ လမ်းဘေးဝဲယာ၊ ဘုရားကျောင်းကန်၊ အိမ်ခြံဝင်များတွင် အလှစိုက်ပျိုးမှုများပြားပြီး ရောင်းအားကောင်းသော ပန်းပျိုးပင်ဖြစ်သည်။ ပန်းပျိုးပင် တစ်ပင်လျှင် (၃၀၀၀-၅၀၀၀)ကျပ်ဖြင့် ရောင်းချလျက်ရှိကြောင်း ပန်းပျိုးပင်ဈေးကွက်မှ သိရှိရပါသည်။

DOCA(မန္တလေး)

    ဇီးဖြူသီးသည် မြန်မာနိုင်ငံတွင် လူသိများသော သစ်သီးတစ်မျိုးဖြစ်ပြီး ဆေးဖက်ဝင်အပင် ဖြစ်လည်းထင်ရှားပါသည်။ မြန်မာနိုင်ငံ၏ ပူပြင်းခြောက်သွေ့သော ဒေသများတွင် ပိုမိုဖြစ်ထွန်းပြီး ကန့်ဘလူခရိုင်၌လည်း ဇီးဖြူပင်များ အလေ့ကျပေါက်နေသည်ကို နေရာအနှံ့အပြားတွင်တွေ့ရ သည်။ ဇီးဖြူပင်များကို နေအိမ်ခြံစည်းရိုးများ၌လည်းကောင်း၊ လယ်တော၊ ယာတောများတွင် စိုက်ပျိုးပြီး မိမိတို့အိမ်တွင် စားသုံး၍ပိုလျှံသည့်အသီးများကို ဇီးဖြူသီးအစိုနှင့် ဇီးဖြူသီးအခြောက် ပြုလုပ်၍ ကန့်ဘလူမြို့မဈေးတွင် ရောင်းချကြောင်း သိရသည်။

    ဇီးဖြူသီးသည် အနံ့အရသာထူးခြားပြီး ချဉ်ဖန်သောအရသာရှိသည့်အတွက် လူကြိုက်များ သောအသီးတစ်မျိုးဖြစ်သည်။ ထို့ကြောင့် ဇီးဖြူသီးကို ဇီးဖြူသီးအစိမ်းထောင်း၊ ဇီးဖြူသီးသနပ်နှင့် ဇီးဖြူသီးကို ကြာရှည်အသုံးပြုနိုင်ရန် အခြောက်လှန်း၍လည်း စားသုံးကြသည်။ ၂၀၂၅ခုနှစ်၊ စက်တင်ဘာလ တတိယပတ်အတွင်း ကန့်ဘလူမြို့၊မြို့မဈေးတွင် ဇီးဖြူသီးအစိမ်း နို့ဆီဘူး(၁)ဘူး လျှင်(၃၀၀)ကျပ်၊ (၁)ပြည်လျှင်(၂၂၀၀)ကျပ်၊ ဇီးဖြူသီးအခြောက်(၁)ဘူးလျှင် (၁၀၀၀)ကျပ်၊ (၁)ပြည် လျှင်(၇၉၀၀)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသူများထံမှ သိရှိရပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ပေါ်ရှိ  ဒေသခံများသည် တစ်နိုင်တစ်ပိုင် အသေးစားစီးပွားရေးလုပ်ငန်းများကို လုပ်ကိုင်လျက်ရှိရာ ကုလားပဲချောင်းနှင့် စလေဘီများကိုလည်း ပြုလုပ်ရောင်းချကြပါသည်။ ၂၀၂၅ခုနှစ်၊ စက်တင်ဘာလ တတိယပတ်တွင် ရောင်းချလျက်ရှိသော ကုလားပဲချောင်းနှင့် စလေဘီဈေးနှုန်းများမှာ စလေဘီ(၁) ပိဿာလျှင် (၁၂၀၀၀) ကျပ်၊ စလေဘီ (၅၀)ကျပ်သားလျှင် (၆၀၀၀)ကျပ်နှင့် စလေဘီ(၂၅)ကျပ်သားလျှင် (၃၀၀၀)ကျပ်နှင့် ကုလားပဲ ချောင်း(၁)ပိဿာလျှင် (၂၀၀၀၀)ကျပ်၊ ကုလားပဲချောင်း (၅၀) ကျပ်သားလျှင် (၁၀၀၀၀)ကျပ်၊ ကုလားပဲချောင်း (၂၅)ကျပ်သားလျှင် (၅၀၀၀)ကျပ်ဖြင့် အရောင်း အဝယ်ဖြစ်လျက်ရှိကြောင်း၊ ကုလားပဲချောင်းနှင့် စလေဘီများကိုသရေစာအဖြစ် စားသုံးရန် အတွက်လည်းကောင်း၊လက်ဆောင်ပေးရန်အတွက်လည်းကောင်း ဝယ်ယူကြသဖြင့် အရောင်း အဝယ်သွက်လျက်ရှိကြောင်း သတင်းရရှိပါသည်။

DOCA(စစ်ကိုင်း)