မန္တလေးတိုင်းဒေသကြီး၊မိတ္ထီလာခရိုင်၊ သာစည်မြို့နယ်သည် လယ်ယာထွက် ကုန်သီးနှံစိုက်ပျိုး ဖြစ်ထွန်းလျက်ရှိရာ ဆီထွက်သီးနှံတစ်မျိုးဖြစ်သည့် မြေပဲကို ၂၀၂၅ ခုနှစ်၊ ဇူလိုင်လ ဒုတိယအပတ်တွင် စတင်စိုက်ပျိုးလျက်ရှိကြောင်း စိုက်ပျိုးဧက (၁၇၃)ဧက ရှိကြောင်း မြို့နယ် စိုက်ပျိုးရေးဦးစီးဌာနမှ သိရှိရပါသည်။ ဇူလိုင်လတွင် စတင်စိုက်ပျိုးသော မြေပဲမှာ တစ်ဧကလျှင် အတောင့် (၆) တင်းစိုက်ပျိုးကာ လုပ်သားခ၊ ထယ်ထွန်စသည့် စိုက်စရိတ်များနှင့် စုစုပေါင်း တွက်ချက်ပါက တစ် ဧက ကုန်ကျစရိတ်အနေနှင့် (၃၆၀၀၀၀) ဝန်းကျင်ကုန်ကျကာ ထွက်ရှိလာသည့် သီနှံအပေါ်တစ်တင်း လျှင် နှုတ်/ဆွတ်ခ အနေနှင့် ရိတ်သိမ်းခအပေါ် တစ်တင်းလျှင် (၄) ပြီ လုပ်သားခပေးရပါသည်။ ယခုလက်ရှိပေါက် ဈေးမှာ မြေပဲအတောင့်တစ်ပိဿာလျှင် (၄၅၀၀) ကျပ် နှင့် မြေပဲဆံ တစ်ပိဿာလျှင် (၈၅၀၀) ကျပ် ရှိကြောင်း ဈေးကွက်မှ သိရသည်။

DOCA(မန္တလေး)

          မိတ္ထီလာကုန်စည်ဒိုင်တွင် ယခုဇူလိုင်လစတုတ္ထပတ်တွင် ဖြစ်ပေါ်နေသော ဆီထွက် သီးနှံဈေးနှုန်း များမှာ နှမ်းညိုတစ်တင်းလျှင် (၈၇၀၀၀-၈၉၀၀၀)ကျပ်၊ နှမ်းဖြူတစ်တင်းလျှင် (၉၂၀၀၀- ၉၅၀၀၀)ကျပ်၊ နေကြာစေ့တစ်ပိဿာလျှင်(၆၂၀၀-၆၃၀၀)ကျပ်၊ မြေပဲဆီတစ်ပိဿာလျှင် (၁၇၀၀၀-၁၈၀၀၀)ကျပ်၊ နှမ်းဆီ(၁၃၀၀၀-၁၆၀၀၀)ကျပ်၊ နေကြာဆီတစ်ပိဿာ လျှင်(၁၈၀၀၀-၁၉၀၀၀) ကျပ်၊ နှမ်းဖတ် တစ်ပိဿာလျှင်(၂၈၀၀-၂၈၅၀)ကျပ်၊ ပဲဖတ်တစ်ပိဿာလျှင် (၄၄၅၀-၄၅၀၀)ကျပ်၊ နေကြာဖတ် တစ်ပိဿာလျှင်(၂၀၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လနှင့်ကာလတူနှိုင်းယှဉ်လျှင် နှမ်းညိုတစ်တင်းလျှင် (၁၁၀၀၀)ကျပ်၊ နှမ်းဖြူတစ်တင်းလျှင် (၁၂၀၀၀)ကျပ်၊ နေကြာစေ့ တစ်ပိဿာ လျှင်(၇၀၀)ကျပ်၊ နှမ်းဖတ်တစ်ပိဿာ လျှင်(၁၃၅၀)ကျပ်၊ ပဲဖတ်တစ်ပိဿာလျှင် (၄၀၀)ကျပ်၊ နေကြာဖတ် တစ်ပိဿာလျှင်(၃၀၀)ကျပ်ခန့်ဈေးနှုန်းကျဆင်းလာကြောင်း၊ဈေးနှုန်းကျဆင်းလာရခြင်းမှာ မိုးနှမ်းများ ဈေးကွက်သို့ဝင်ရောက်လာခြင်းကြောင့်ဖြစ်ကြောင်း၊ ပဲဆီ၊နှမ်းဆီဈေးနှုန်းမှာ တည်ငြိမ်နေ ကြောင်းသိရပါသည်။

          ပဲမျိုးစုံဈေးကွက်တွင် V2ကုလားပဲတစ်တင်းလျှင် (၈၅၀၀၀-၈၆၀၀၀)ကျပ်၊929တစ်တင်းလျှင် (၈၃၀၀၀) ကျပ်၊ပဲစဉ်းငုံသစ်တစ်တင်းလျှင်(၈၅၀၀၀-၈၆၀၀၀)ကျပ်၊ပဲတီစိမ်းတစ်တင်းလျှင်(၁၁၀၀၀၀- ၁၁၅၀၀၀)ကျပ်ဖြင့်အရောင်းအဝယ်ဖြစ်လျက်ရှိကြောင်း၊ ယခင်လနှင့်ကာလတူနှိုင်းယှဉ်လျှင် V2ကုလား ပဲတစ်တင်းလျှင် (၂၀၀၀)ကျပ်၊929တစ်တင်းလျှင် (၂၀၀၀) ကျပ်ခန့်ဈေးကျဆင်းလာပြီး ပဲစဉ်းငုံသစ် တစ်တင်းလျှင်(၂၀၀၀)ကျပ်ခန့်မြင့်တက်လာကြောင်းသိရပါသည်။

        စားဖိုဆောင်သီးနှံဈေးနှုန်းများမှာ ကြက်သွန်နီတစ်ပိဿာလျှင်(၉၀၀-၁၀၀၀)ကျပ်၊ ငရုတ်သစ် တစ်ပိဿာလျှင်(၁၀၀၀၀-၁၂၀၀၀)ကျပ်ဈေးဖြင့်အရောင်းအဝယ်ဖြစ်လျက်ရှိကြောင်း၊ ယခင်လနှင့် ကာလတူနှိုင်းယှဉ်လျှင် ငရုတ်သစ် တစ်ပိဿာလျှင်(၁၅၀၀-၃၀၀၀)ကျပ်ခန့်ဈေးနှုန်းမြင့်တက်လာပြီး ကြက်သွန်နီဈေးမှာတည်ငြိမ်နေကြောင်းသိရပါသည်။

DOCA(မန္တလေး)

        မိတ္ထီလာခရိုင်၊ မလှိုင်မြို့နယ်တွင် ယခုနှစ်မိုးနှမ်းအထွက်နှုန်းမှာ ကောင်းမွန်ကြောင်း၊ ပေါ်ချိန် တွင် နှမ်းတစ်တင်းလျင် ၈၇၀၀၀/- မှ ၈၉၀၀၀/-ကျပ်ဖြင့် အရောင်းအဝယ်ရှိပြီး ယခုအခါ အဝင်မြိုင် လျက်ရှိပြီး ရာသီဥတုကြောင့် အစိုဓါတ်ရှိသည့်အတွက် မြို့ပေါ်ပွဲရုံများမှ တစ်တင်းလျင် ၆၈၀၀၀/- ကျပ်ဖြင့် အရောင်းအဝယ်ရှိပြီး အခြောက်ခံကာ မန္တလေးသို့ တင်ပြရောင်းချကြောင်း သိရှိရပါသည်။

DOCA(မန္တလေး)

        မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် မန်ကျည်းသီးမှည့်များဝင်ရောက် အရောင်းအဝယ်ဖြစ်လျက်ရှိပြီး အဓိကအားဖြင့် ယောနယ်ဒေသများနှင့် ကျောက်ပန်းတောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှ ထွက်ရှိ၍ နေ့စဉ်ဝင်ရောက်အရောင်းအဝယ် ဖြစ်လျက်ရှိပါသည်။

            ၂၀၂၅ခုနှစ်၊ ဩဂုတ်လ(ပထမပတ်)တွင် မန်ကျည်းသီးများ ဈေးမြင့်တက်၍ အရောင်းအဝယ် ဖြစ်လျက်ရှိသည်။ မန်ကျည်းသီးမှည့် အစေ့ပါ တစ်ပိဿာလျှင် ကျပ်(၅၀၀၀-၄၀၀၀)၊ အစေ့လွတ် တစ်ပိဿာလျှင် ကျပ်(၁၁၀၀၀-၁၀၀၀၀)ဖြစ်ပြီး ယခင်ဇူလိုင်လ(ပထမပတ်)နှင့်ဈေးနှုန်း နှိုင်းယှဉ်ပါက မန်ကျည်းသီးမှည့်တစ်ပိဿာလျှင် ကျပ်(၃၀၀၀)ခန့် ဈေးမြင့်တက်၍ အရောင်းအဝယ်ဖြစ် ကြောင်း ဈေးကွက်မှ သိရသည်။

            မန်ကျည်းသားများကို ပခုက္ကူမြို့ပေါ်ရှိ စားသောက်ကုန်လုပ်ငန်းရှင် လှောင်လက်သမား များမှ ကုန်ဝင်မှုရှိသော်လည်း ဝယ်ယူထားရှိပြီး ပြန်လည်ရောင်းချကြကြောင်း၊ အကြော်ဆိုင်၊ အကင် ဆိုင်များမှ မန်ကျည်းသီး အချဉ်ရည်များ ပြုလုပ်ရန်အတွက် ဝယ်ယူခြင်း၊ မန်ကျည်းဖျော်ရည် လုပ်ငန်းများနှင့် မန်ကျည်းတော်ဖီ လုပ်ငန်းရှင်များမှလည်း အများအပြားဝယ်ယူသည့်အပြင် ရန်ကုန် မြို့နှင့် မန္တလေးမြို့များသို့လည်း တင်ပို့လျက်ရှိကြောင်း သိရှိရသည်။

DOCA(မကွေး)

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့်  ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင်နှင့် ဝန်ထမ်းများအဖွဲ့သည် (၅.၈.၂၀၂၅)ရက်နေ့၊ နေ့လယ်(၁၃:၀၀)နာရီအချိန်တွင် စက်မှုလုပ်ငန်းသုံးဆီ ခွဲတမ်းရရှိသော "ကျော်မြင့်ထွန်း"နှင့် “ခိုင်မွန်” ပဲကြော်ဖိုလုပ်ငန်းများ မြေပြင်တွင် လုပ်ငန်းအမှန်တကယ်လည်ပတ်ခြင်းရှိ/မရှိ ကွင်းဆင်း စစ်ဆေးခဲ့ကြောင်း သိရသည်။

          ပဲကြော်လုပ်ငန်းရှင်များမှ ဈေးနှုန်းချိုသာသော စားအုန်းဆီခွဲတမ်းရရှိမှုကြောင့် လက်ရှိအချိန်တွင် ပဲကြော်လုပ်ငန်းလုပ်ကိုင်ရသည်မှာ အဆင်ပြေကြောင်း၊ လုပ်ငန်းတွင်ကျယ်စွာ လုပ်ကိုင် ရသောကြောင့် စားအုန်းဆီလုံလောက်မှုနည်းပါးသဖြင့် ဝါစေ့ဆီကို တွဲဖက်၍ သုံးစွဲနေကြောင်း၊ ဝါစေ့ဆီ တစ်ပိဿာလျှင် ကျပ်(၁၁၀၀၀)ဖြင့် ပခုက္ကူစက်မှုဇုန်မှ ဝယ်ယူကြောင်း၊ ကုန်ကြမ်း ပဲကြီးကို ပိဿာချိန်(၃၀)ဝင် တစ်အိတ်လျှင် ကျပ်(၁၁၀၀၀၀-၁၃၀၀၀၀)ဖြင့် မုံရွာ၊ အောင်ပန်းမြို့တို့မှ ဝယ်ယူ ကြောင်း၊ တစ်နေ့လျှင် အိတ်ရေ(၁၂ - ၁၅)အိတ်ခန့် ကြော်ရပြီး ကုန်ချောပိဿာချိန်(၃၁၂)မှ (၃၉၀)ပိဿာချိန်ထွက်ရှိကြောင်း၊ တစ်လလျှင် ပျမ်းမျှ(၂၀-၂၅) ရက်ခန့် လုပ်ကိုင်ရကြောင်း၊ ပဲကြော် သော လုပ်သားဦးရေ(၇)ဦးရှိပြီး လုပ်သားခကို တစ်နေ့လျှင် အမျိုးသားတစ်ဦးလျှင် ကျပ်(၁၅၀၀၀)၊ အမျိုးသမီးတစ်ဦးလျှင် ကျပ်(၇၀၀၀)ပေးကြောင်း၊ ပဲညှစ် သော လုပ်သားဦးရေ အများအပြားရှိပြီး ပဲညှစ်ခကို တစ်ပြည်လျှင် ကျပ်(၃၀၀)ပေးကြောင်း၊ လူတစ်ဦးလျှင် ပဲညှစ်ခ ကျပ်(၄၀၀၀-၆၀၀၀) ခန့်ရရှိကြောင်း၊ ပဲကြော်များကို ပခုက္ကူမြို့ပေါ်တွင် ရောင်းချရမှုနည်းပြီး  ရန်ကုန်၊ တောင်ကြီး၊ မုံရွာ၊ ကလေး၊ ကလေးဝ မြို့နယ်များသို့ ရေလမ်းဖြင့် အများဆုံး တင်ပို့ရောင်းချကြောင်း၊ ဈေးနှုန်း အနေဖြင့် ပဲပူးကြော်၊ နှစ်ပြန်ကြော် တစ်ပိဿာလျှင် လက်လီ ကျပ် (၁၄၀၀၀)၊ လက်ကား ကျပ် (၁၃၀၀၀)ဖြင့် ရောင်းချကြောင်း၊ မြေပြင်တွင် လုပ်ငန်းအမှန်တကယ် လည်ပတ်ပြီး လုပ်ကိုင်နေ ကြောင်း၊ ဆီခွဲတမ်းရရှိမှုများလျှင် ပို၍အဆင်ပြေကြောင်း၊ ဆီဈေးနှုန်း သင့်တင့်စွာဝယ်ယူရလျှင် စားသုံးသူများအပေါ် ပို၍ဈေးနှုန်းချိုသာစွာဖြင့် ရောင်းချပေးနိုင်ကြောင်း  ပဲကြော်လုပ်ငန်းရှင်များမှ ပြန်လည်ရှင်းလင်းဆွေးနွေးခဲ့ကြောင်း သိရှိရသည်။

DOCA(မကွေး)