ပြည်တွင်းကုန်သွယ်မှုသတင်း

ပေါက်ခေါင်းမြို့နယ်အနေဖြင့် ရာသီပေါ်သီးနှံများကို ရာသီအလိုက်ပုံမှန်ရောင်းချလျက်ရှိပါ သည်။ ယခု(၂)လပိုင်း ပထမပတ်မှစ၍ ပန်းဂေါ်ဖီများ လှိုင်လှိုင်ရောင်းချ လျက်ရှိပါသည်။ ပန်းဂေါ်ဖီ များမှာ ဒေသတွင်းစိုက်ပျိုးထားခြင်းမရှိသော်လည်း ပထမဆုံးအနေဖြင့် ရှမ်းပြည်နယ် ဘက်မှ တင်သွင်းရပြီး ပြည်မှတစ်ဆင့်ဝယ်ယူရကြောင်းသိရှိရပါသည်။ ယခုအခါ သဲကုန်း၊ ဆင်မြီးဆွဲ စသည့်မြို့များနှင့် ပေါင်းတလည်မြို့များမှ ဝယ်ယူရရှိကြောင်းသိရပါသည်။ ရှမ်းပြည်နယ်ဘက်မှ တင်သွင်းလာသောဂေါ်ဖီထုပ်များမှာ သယ်ယူစရိတ်နှင့် ပစ္စည်းရှားပါးမှုကြောင့်တစ်ပွင့်လျှင် (၁၈၀၀) ကျပ်မှ (၂၀၀၀)ကျပ်အထိ ဈေးကောင်းပေးဝယ်ရပြီး ယခုအခါ အနားပတ်ဝန်းကျပ်မြို့နယ်များ မှ ဝယ်ယူရရှိသဖြင့် တစ်ပွင့်လျှင် (၁၀၀၀)မှ (၁၅၀၀)အထိသာ ဝယ်ယူရောင်းချလျက်ရှိကြောင်း ဈေးသည်တစ်ဦးထံမှသိရှိရပါသည်။

DOCA(ပဲခူး)

       မေမြို့ပန်းသည် အခိုင်လိုက် အစုလိုက်ပွင့်သောပန်းမျိုးဖြစ်ပါသည်။ ပန်းအရောင်မှာ အဖြူ၊ အနီ၊ ပန်းရောင်း၊ ဗေဒါရောင်တို့ရှိပါသည်။ မျိုးစေ့ပုလင်းများမှာယူပြီး စိုက်ပျိုးကြပါသည်။ မြန်မာအခေါ် ရိုးစိမ်းဖြူ၊ ကျောက်နီ၊ ချင်းမိုင်စသဖြင့် အပွင့်အရောင်ပေါ်မူတည်၍ ခေါ်ကြပါသည်။ နေရောင်ခြည်အပြည့်အဝရရှိမှုကို ကြိုက်နှစ်သက်ပါသည်။ အေးလွန်းသည့်အခါတွင်လည်း ပန်းများ ပွင့်နှုန်းလျော့တတ်ကြပါသည်။ ပန်းမျိုးစေ့ကို ဘောင်များဖြင့် ပျိုး‌ထောင်ထားရပါသည်။ ပျိုးထောင် ပြီး (၁၅)ရက်ခန့်အကြာတွင် စိုက်ကွင်းအတွင်းသို့ စတင်စိုက်ပျိုးနိုင်ပါသည်။ မေမြို့ပန်းများကို အပင်လိုက် နှုတ်စည်း၍ဈေးများတွင် ရောင်းချကြပါသည်။ အပင်ကြီးထွားမှုနှင့် အပွင့်အရောင် အသွေးပေါ်မူတည်၍ ဒေသအလိုက်ဈေးနှုန်းမတူညီနိုင်ပါ။ မေမြို့ပန်းစိုက်ပျိုးသည့် ဒေသများမှာ မြန်မာပြည်အနှံ့အပြားတွင် စီးပွားဖြစ်စိုက်ပျိုးကြပါသည်။ ပြည်ဒေသနှင့် အနီးတဝိုက်ရှိ ရွာများဖြစ် သော မှော်ဇာရွာ၊ တောင်လုံးညိုရွာနှင့် ရွှေတောင်မြို့နယ်အတွင်းရှိ ကျီးသဲ၊ မြို့မစသည့် ဒေသများတွင်လည်း မေမြို့ပန်းများကို စီးပွားဖြစ်စိုက်ပျိုးကြပါသည်။ ဒေသထွက် မေမြို့ပန်းများကို ပန်းဒိုင်များသို့ လိုင်းကားများဖြင့် လာရောက်ရောင်းချကြပါသည်။ ပန်းဒိုင်များမှ တစ်ဆင့် ပန်းများကို ရန်ကုန်၊ မင်္ဂလာဒုံ၊ ထောက်ကြန့်စသည့် ဒေသများသို့ ပြန်လည်ရောင်းချကြပါသည်။ မေမြို့ပန်း များသည် အရောင်အသွေးပေါ်မူတည်ပြီး ဈေးနှုန်းအမျိုးမျိုးရှိပါသည်။ မေမြို့ပန်း(၅)ပင်ပါ တစ်စည်း လျှင် (၁၀၀၀)ကျပ်နှုန်းဖြင့် ဈေးကွက်အတွင်း အရောင်းအဝယ်ဖြစ်နေကြောင်းသိရပါသည်။

DOCA(ပဲခူး)

       ယခင်ဇန်နဝါရီလနောက်ဆုံးပတ်တွင် ပြည်မြို့ပေါ် အောင်ဆန်း၊ ပြည်သာယာရပ်ကွက်ရှိ ဥယျာဉ်စု၊ ရှမ်းစု၊ ချင်းစု၊ ရေပူစမ်း စတဲ့ ဥယျာဉ်ခြံမြေများမှထွက်ရှိသော ဒန့်သလွန်သီး တောင့်များနှင့် ပြည်မြို့အနောက်ဘက်ကမ်းရှိ ဆင်တဲရွာ၊ ညောင်ပင်စုရွာ၊ မန်ကျည်းစုရွာတို့မှ ပြည်မြို့ပေါ်ဈေး များသို့ ရက်ခြားအတောင့် (၅၀-၆၀)ခန့် စတင်ဝင်ရောက်မှုရှိနေသည့်အတွက် ဈေးကောင်းရလျက် ရှိပါသည်။ ပေါ်ဦးပေါ်ဖျားဖြစ်သောကြောင့် ဈေးနှုန်းမှာ အတောင့်ချောလျှင် တစ်တောင့်ကို ကျပ်(၄၅၀-၅၀၀)နှုန်းရရှိပြီး အတောင့်သေးလျှင် ကျပ်(၃၀၀)နှုန့်ခန့်နှင့် အရောင်းအဝယ်ဖြစ်လျက် ရှိနေကြောင်းသိရသည်။

DOCA(ပဲခူး)

          တနင်္သာရီတိုင်းဒေသကြီးအတွင်း မြိတ်မြို့နှင့် ကော့သောင်းမြို့တို့တွင် ဘိလပ်မြေပြတ်လပ်မှု မရှိသော်လည်း ဈေးနှုန်းအနဲငယ်မြင့်တက်ခဲ့ပြီး ထားဝယ်မြို့တွင် ဈေးနှုန်းမြင့်တက်ရုံသာမက ဘိလပ်မြေ ပြတ်လပ်မှုများပါ ဖြစ်ပေါ်ခဲ့ပါတယ်။

          ထားဝယ်မြို့တွင် ပြီးခဲ့သည့်အပတ်  (၂၇.၁.၂၀၂၅)ရက်နေ့တွင် ဘိလပ်မြေများ ပြတ်လပ်လျက်ရှိ ပြီး တစ်အိတ်လျှင် (၂၈၀၀ဝိ/-)မှ (၃၈၀၀ဝိ/-) ခန့်အထိ ဈေးနှုန်းများမြင့်တက်သွားခဲ့ပါသည်။

           (၁.၂.၂၀၂၅)ရက်နေ့တွင် ဘိလပ်မြေ ၃၃၀၀၀အိတ် (၁၆၅၀ တန်)မှာ အမ်ဗွီ ဝိသာခါ သင်္ဘောဖြင့် လည်းကောင်း၊ (၃.၂.၂၀၂၅)ရက်နေ့တွင် ဘိလပ်မြေ ၂၈၅၆၀ အိတ် (၁၄၂၈ တန်)မှာ အမ်ဗွီ ဝေပုလ္လ သင်္ဘောဖြင့်လည်းကောင်း မော်လမြိုင်မြို့မှ ထားဝယ်မြို့ဆိပ်ကမ်းသို့ ဝင်ရောက်လာသဖြင့် ရပ်နားထားရ သောပုဂ္ဂလိကလုပ်ငန်းခွင်များ ပြန်လည်လုပ်ဆောင်နေပြီဖြစ်ကြောင်းနှင့် ဈေးကွက်အတွင်း ဘိလပ်မြေ တစ်အိတ် ဈေးနှုန်းမှာ (၃၃၀၀ဝိ/-) ခန့် ဈေးနှုန်းဖြစ်ပေါ်လျက်ရှိကြောင်း စုံစမ်း သိရှိရပါသည်။

DOCA(တနင်္သာရီ)

           မကွေးတိုင်းဒေသကြီး၊ ပခုက္ကူမြို့တွင် ၂၀၂၅ခုနှစ်၊ ဇန်နဝါရီလ(စတုတ္ထပတ်)တွင် ဘိလပ်မြေ အနည်းငယ်ပြတ်လတ်မှု၊ အဆင့်ဆင့်သယ်ယူရမှုတို့ကြောင့် ဈေးနှုန်းမြင့်တက်လာသည်ကို တွေ့ရှိရပြီး ကြံ့နှစ်ကောင် ဘိလပ်မြေတစ်အိတ်လျှင် ကျပ်(၂၂၀၀၀)၊ အယ်လဖာဘိလပ်မြေ တစ်အိတ်လျှင် ကျပ်(၂၁၀၀၀)၊ အပါချီဘိလပ်မြေတစ်အိတ်လျှင် ကျပ်(၂၁၀၀၀)ဈေးဖြင့် အရောင်း အဝယ်ဖြစ်လျက်ရှိကြောင်း သိရသည်။

          ၂၀၂၅ခုနှစ်၊ ဇန်နဝါရီလ(စတုတ္ထပတ်)တွင် ဓာတ်မြေဩဇာဈေးနှုန်းများမှာ ဇန်နဝါရီလ (တတိယပတ်) ဈေးနှုန်းအတိုင်း ဈေးငြိမ်နေသည်ကို တွေ့ရှိရပါသည်။ ယခုလက်ရှိဈေးနှုန်းများမှာ  အာမိုယူရီးယား (50)kg ပါ တစ်အိတ်လျှင် ကျပ်(၁၀၅၀၀၀)၊ ဩဘာယူရီးယား(50)kgပါ တစ်အိတ်လျှင် ကျပ်(၁၀၃၀၀၀)၊ ရွှေနဂါးယူရီးယား တစ်အိတ်လျှင် ကျပ်(၁၁၃၀၀၀)၊ တရုတ်တီစူပါ သံကွင်း (50)kgပါ တစ်အိတ်လျှင် ကျပ်(၁၆၅၀၀၀)၊ တရုတ်ပုလဲရွှေတောင် (50)kgပါ  တစ်အိတ် လျှင် ကျပ်(၁၀၁၀၀၀)၊ မြန်မာဩဘာ ရွှေကောမက် (50)kg ပါ တစ်အိတ်လျှင် ကျပ်(၁၅၅၀၀၀)၊ ဩဘာကွန်ပေါင်း (50)kg ပါ တစ်အိတ်လျှင် ကျပ်(၁၄၀၀၀၀)၊ ကောမက်ကွန်ပေါင်း ၁၅:၁၅:၁၅ (50kg)ပါ တစ်အိတ်လျှင် ကျပ် (၁၄၀၀၀၀)၊ တရုတ် အာမို ၁၆:၁၆:၁၆ (50kg)ပါ တစ်အိတ်လျှင် ကျပ်(၁၅၀၀၀၀)ဖြင့် အရောင်းအဝယ် ဖြစ်လျက်ရှိပါသည်။

          ဇန်နဝါရီလ(စတုတ္ထပတ်)တွင် ဖြစ်ပေါ်နေသော ပိုးသတ်ဆေးဈေးနှုန်းများမှာ ဇန်နဝါရီလ (ပထမပတ်)ဈေးနှုန်းများအတိုင်း ဈေးငြိမ်နေသည်ကို တွေ့ရသည်။  အာမိုမက်နီဖော့(500)cc တစ်ဘူး လျှင် ကျပ်(၆၅၀၀၀)၊ အာမိုမက်နီဖော့ (၁)လီတာတစ်ဘူးလျှင် ကျပ်(၁၀၅၀၀)၊ အာမိုစတား(၁)လီတာ တစ်ဘူးလျှင် ကျပ်(၆၇၀၀၀)၊ အာမိုအီမာ(၂၅၀)cc တစ်ဘူးလျှင် ကျပ်(၁၈၀၀၀)၊ (၅၀၀)cc တစ်ဘူးလျှင် ကျပ်(၂၈၅၀၀)၊ (၁)လီတာ တစ်ဘူးလျှင် ကျပ်(၅၃၀၀၀)၊ ဂျက်ကက် မင်းမဟော် (၁၀၀)cc တစ်ဘူးလျှင် ကျပ်(၁၆၅၀၀)၊ ဩဘာအဆီဖိတ် (500)gပါ တစ်ထုပ်လျှင် ကျပ်(၃၄၀၀၀)၊ ဩဘာငှက်ကြီးတောင် (၁၀၀)cc တစ်ဘူးလျှင် ကျပ်(၂၆၀၀၀)၊ ဩဘာငှက်ကြီး တောင်(၂၅၀)cc တစ်ဘူးလျှင်ကျပ်(၆၂၀၀၀)၊ မင်းမဟော်ဖော်ယူဘိုး (500)cc တစ်ဘူးလျှင် ကျပ်(၄၅၀၀၀)၊ (250)cc တစ်ဘူးလျှင် ကျပ်(၂၅၅၀၀)၊ မင်းမဟော် ဂုတ်မက်ပ် (၂၅၀)cc တစ်ဘူးလျှင် ကျပ်(၃၇၀၀၀)၊(၅၀၀)cc တစ်ဘူးလျှင်  ကျပ်(၆၈၀၀၀) ဈေးနှုန်း အသီးသီးဖြင့် အရောင်းအဝယ်မှာ ပုံမှန်ဖြစ်လျက်ရှိကြောင်း သိရှိရပါသည်။

DOCA(မကွေး)