ပြည်တွင်းကုန်သွယ်မှုသတင်း

          တပေါင်းလရာသီချိန်ဖြစ်၍ ငှက်ပျောသီးများစျေးကွက်အတွင်း ဝင်ရောက်မှုများပြီး အရောင်း သွက်ရှိကြောင်း သိရပါတယ်။ မန္တလေးတိုင်းဒေသကြီးအတွင်း အမရပူရ၊ ပုသိမ်ကြီး၊ မတ္တရာ၊ ကျောက်ဆည်၊စဉ့်ကိုင်၊ မြစ်သားမြို့နယ်တို့တွင် ငှက်ပျောသီးအများအပြားစိုက်ပျိုးကြောင်း သိရပါ တယ်။ ဖီးကြမ်း၊  သီးမွှေး၊  ရခိုင်၊ ငှက်ပျောချဉ်နှင့်ရွှေနီငှက်ပျောသီးတို့မှာ စျေးကွက်အတွင်း အများ ဆုံး တွေ့ရှိရ ပါတယ်။ ငှက်ပျောသီး သီးနှံကို အဟာရဓါတ်စာ၊ဖျော်ရည်နှင့် စားသောက်ကုန်တို့တွင်  ထည့်သွင်းသုံးစွဲခြင်း၊ ဘုရားပွဲနှင့်မိရိုးဖလာကန်တော့ပွဲများတွင်  သုံးစွဲကြောင်း သိရပါတယ်။ မတ္တရာ မြို့နယ်ထွက်သည့်ငှက်ပျောသီးမှာ အခွံထူပြီး၊အရသာမှာ အချိုဓါတ်အနည်း ငယ်လျော့ ကြောင်းနှင့် ကျောက်ဆည်မှထွက်သည့်ငှက်ပျောသီးမှာ အခွံပါးပြီး၊အချိုဓါတ်များကြောင်း သိရပါတယ်။ ဖီးကြမ်း၊ သီးမွှေးနှင့် ရခိုင်ငှက်ပျောသီးများကို  ဘုရားပွဲနှင့်  မိရိုးဖလာပွဲများတွင် သုံးစွဲမှုများပြီး၊ ကန်တော့ပွဲ တစ်ပွဲတွင် အုန်းသီးတစ်လုံးနှင့်သုံးစွဲသည့်ငှက်ပျောခိုင်အရေအတွက်အလိုက်၊ အလုံးအရွယ်အစား အလိုက် စျေးနှုန်းအမျိုးမျိုး ရောင်းချကြောင်း သိရပါတယ်။ ၂၀၂၅ ခုနှစ်မတ်လပထမပတ်အတွင်း စျေးကွက်အတွင်း ရောင်းချသည့် ငှက်ပျောဖီးစျေးနှုန်းများအနေဖြင့် တစ်ဖီးလျင်ဖီးကြမ်း(အစိမ်း) ၂၀၀ဝိ/- နှင့် ၃၅၀ဝိ/- စျေး၊ဖီးကြမ်း (အမှည့်) ၁၅၀ဝိ/- နှင့် ၃၀၀ဝိ/- စျေး၊သီးမွှေးငှက်ပျောသီးမှာ ၁၅၀ဝိ/-နှင့် ၂၅၀ဝိ/-စျေး၊(တောင်ငူသီး) ၄၀၀ဝိ/-နှင့် ၅၅၀ဝိ/-စျေး၊ ရခိုင်ငှက်ပျောသီးနှင့်ငှက်ပျော ချဉ်သီးမှာ ၁၅၀ဝ/-နှင့်၂၀၀ဝိ/-စျေး၊ ရွှေနီငှက်ပျောသီး(တောင်ငူသီး)မှာ၅၀၀ဝိ/-နှင့်၈၀၀ဝိ/-စျေး အသီးသီးဖြစ်ပေါ်လျက်ကြောင်း သိရပါတယ်။ တပေါင်းလရာသီချိန်အတွင်း ကန်တော့ပွဲတွင် သုံးစွဲ သည့်ငှက်ပျောဖီးအရေတွက်အလိုက် စျေးကွာခြားမှုရှိပြီး တစ်ပွဲလျှင် ၁၀၀၀ဝိ/-၊ ၁၅၀၀ဝိ/- နှင့် ၂၅၀၀ဝိ/-တို့ဖြင့် အရောင်းသွက်လျက်ရှိကြောင်း သိရပါတယ်။ 

DOCA(မန္တလေး)

                 သစ်သီးစျေးကွက်အတွင်းသို့ ပြင်ဦးလွင်ခရိုင်၊ကျောက်ဆည်ခရိုင်နှင့်မိတ္ထီလာခရိုင်တို့မှ ထွက် သည့်ဖရဲသီးများဝင်ရောက်လျက်ရှိပြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီးနှင့် အခြားဒေသ တို့မှ လည်းဝင်ရောက်ကြောင်းသိရပါတယ်။ပြည်တွင်းစားသုံးမှုများပြားသကဲ့သို့ ပြည်ပတရုတ်နိုင်ငံ စျေးကွက်သို့ နှစ်စဉ်တင်ပို့လျက်ရှိသည့်ဖရဲသီးများအား  မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ဖရဲသီး(၇၈၀၀)ဧကကျော်စိုက်ပျိုးကြောင်း သိရပါတယ်။ ဖရဲသီးစားသုံးခြင်း ဖြင့် ကျောက်ကပ်ကျန်းမာခြင်း၊နှလုံးကျန်းမာစေခြင်း၊ အမြင်အာရုံတိုးတက်ကောင်းမွန်ခြင်း၊ သွေး ပေါင်ချိန်မှန်စေခြင်း၊အမြင်အာရုံတိုးတက်ကောင်းမွန်ခြင်း၊ အသားအရေဝင်းပစေခြင်း၊ အရိုးကျန်းမာ စေခြင်း၊ ကြွက်သားနာကျင်မှုကို ခုခံပေးခြင်း၊ ပန်နာရောဂါကိုတိုက်ဖျက်ပေးခြင်း၊ အပူရှပ်ခြင်း ကိုကာကွယ်ပေးခြင်း၊ ရေဓာတ်ဖြည့်စွမ်းပေးခြင်း၊ အစာခြေမှုကောင်းမွန်စေခြင်း စသည့်အကျိုး ကျေးဇူးများရရှိနိုင်ကြောင်း သိရပါတယ်။ ဖရဲသီးအားအသီးအတိုင်းစားသုံးခြင်း၊ ဖျော်ရည်နှင့်စား သောက်ကုန်တို့တွင် ထည့်၍ စားသုံးကြောင်းသိရပါတယ်။ သစ်သီးဝင်ရောက်မှုအနေဖြင့် ဒေသ အသီးသီးမှ ဝင်ရောက်လာသည့်သစ်သီးများအား မန္တလေးမြို့၊ စျေးချိုစျေး၊ ၂၉လမ်းနှင့် ၃၁လမ်း ကြား၊ ၈၄ လမ်းနေရာရှိ သစ်သီး ပွဲရုံများသို့ဝင်ရောက်ကြောင်းသိရပါတယ်။ စျေးချိုရှိသစ်သီး ပွဲရုံများ မှ ဝယ်ယူ၍ မြို့ပေါ်ရှိ စျေးငယ်များနှင့်အခြားဒေသများသို့  ပြန်လည်ရောင်းချလျက်ရှိ ကြောင်း သိရပါတယ်။ မန္တလေးစျေးကွက်တွင် ၂၀၂၅ ခုနှစ်မတ်လပထမပတ်အတွင်း ဖရဲသီး‌စျေးမှာ တစ်လုံးလျှင် အလုံးကြီး ၅၀၀၀ ကျပ်နှင့် ၇၀၀၀ ကျပ်၊ အလုံးလတ် ၃၀၀၀ ကျပ်နှင့်  ၄၀၀၀ ကျပ်၊ အလုံးသေး ၁၅၀၀ ကျပ်နှင့် ၂၀၀၀ ကျပ်စျေးဖြစ်ပြီး၊ အသီးအရွယ်အစားအလိုက် စျေးအနည်းငယ် ကွာခြားမှုရှိကြောင်း သိရပါတယ်။ ပွင့်လင်းရာသီရောက်လာပြီဖြစ်၍ ၂၀၂၅ ခုနှစ် မတ်လပထမ ပတ်အတွင်း  မန္တလေးသစ်သီးစျေးကွက်တွင် ရာသီစာဖရဲသီးများ ဝင်ရောက်မှုများပြားပြီး အရောင်း သွက်လျှက်ရှိကြောင်းသိရပါတယ်။

DOCA(မန္တလေး)

မန္တလေးဈေးကွက်အတွင်းသို့ ခရမ်းချဉ်သီးအမျိုးအစားများဖြစ်ကြသော  ရှမ်းသီး(ခေါ်) အင်းသီး၊ ထိုင်ဝမ်သီး၊ ဗမာသီးများ မျိုးစုံစွာ ဝင်ရောက်လျှက်ရှိပါသည်။ ယခင်က ခရမ်းချဉ်သီး (အင်းသီး)နှင့် ထိုင်ဝမ်သီးတို့ကို ရှမ်းပြည်နယ်နှင့် ပြင်ဦးလွင်တို့မှ ဝင်ရောက်လျှက်ရှိပြီး ယခုအခါ မန္တလေးတိုင်းတွင်းဒေသထွက် ဗမာခရမ်းချဉ်သီး (ခေါ်) ကိုင်းသီးများနှင့် ထိုင်ဝမ်ခရမ်းချဉ်သီးများ အများအပြား ဝင်ရောက်လျှက်ရှိပါသည်။ ဒေသထွက် ဗမာခရမ်းချဉ်သီးများ ယခုအခါ လှိုင်လှိုင် ထွက်ပေါ်လျှက်ရှိပါသည်။ ဒေသအတွင်း ထိုင်ဝမ်ခရမ်းချဉ်သီးမျိုးများကိုလည်း စီးပွားဖြစ်စိုက်ပျိုး လာခြင်းကြောင့် ယခုရာသီတွင် ဗမာခရမ်းချဉ်သီးနှင့် ထိုင်ဝမ်ခရမ်းချဉ်သီးများ အပြိုင်ထွက် ပေါ်လာခြင်းဖြစ်ပါသည်။ ဈေးကွက်အတွင်း၌ ခရမ်းချဉ်သီးဈေးနှုန်းများ သိသိသာသာကျဆင်း လျှက်ရှိပါသည်။ ဇန်နဝါရီလအတွင်း၌ ခရမ်းချဉ်သီး ရှမ်းသီး(ခေါ်)အင်းသီးတစ်ပိဿာလျှင် (၃၀၀၀/၄၀၀၀)ကျပ်၊ ထိုင်ဝမ်သီးတစ်ပိဿာလျှင်(၂၅၀၀/၃၅၀၀)ကျပ်၊ ဗမာခရမ်းချဉ်သီးတစ်ပိဿာ လျှင်(၃၀၀၀/၄၀၀၀)ကျပ် ဈေးနှုန်းများဖြင့် ရောင်းချခဲ့ပြီး ဖေဖော်ဝါရီ နောက်ဆုံးအပတ်တွင် ခရမ်း ချဉ်သီးဈေးနှုန်းများ သိသိသာသာ ကျဆင်းသွားခဲ့ပြီး  ဈေးကွက်အတွင်း၌ ခရမ်းချဉ်သီးရှမ်းသီး (ခေါ်)အင်းသီးတစ်ပိဿာလျှင်(၁၅၀၀)ကျပ်၊ ထိုင်ဝမ်ခရမ်းချဉ်သီးတစ်ပိဿာလျှင်(၁၀၀၀/၁၂၀၀) ကျပ်၊ ဗမာခရမ်းချဉ်သီးတစ်ပိဿာလျှင်(၁၂၀၀/၁၅၀၀)ကျပ် ဈေးနှုန်းများဖြင့် ရောင်းဝယ်လျှက်ရှိ ခဲ့ပါသည်။ ယခု မတ်လဆန်းပိုင်း၌ ခရမ်းချဉ်သီးဈေးနှုန်းများ ဆက်လက်ကျဆင်းလျှက်ရှိပြီး ခရမ်းချဉ်သီးရှမ်းသီး(ခေါ်) အင်းသီးတစ်ပိဿာလျှင် (၁၂၀၀)ကျပ်၊ ထိုင်ဝမ်ခရမ်းချဉ်သီး တစ်ပိဿာ လျှင်(၈၀၀/၁၀၀၀)ကျပ်၊ ဗမာခရမ်းချဉ်သီးတစ်ပိဿာလျှင်(၁၀၀၀/၁၂၀၀)ကျပ်  ဈေးနှုန်းများဖြင့် ရောင်းချလျှက်ရှိကြောင်း ဈေးကွက်အတွင်းမှ သိရှိရသည်။

DOCA(မန္တလေး)

ဆယ့်နှစ်လရာသီများတွင် မြန်မာသက္ကရာဇ် နှစ်တစ်နှစ်၏ နောက်ဆုံးလဖြစ်သော တပေါင်း လတွင် သဲပုံစေတီပွဲသာမက မြန်မာနိုင်ငံအနှံ့အပြားရှိ ဘုရားစေတီ၊ ပုထိုးများ၌ ဗုဒ္ဓပူဇနိယ ပွဲတော်များနှင့်အတူ ဆွမ်းကြီးလောင်းပွဲ၊ ပဌာန်းပွဲတို့ကိုပါ ကျင်းပလျှက်ရှိရာ တပေါင်းလသည် မြန်မာတို့အတွက် ဒါနသီလကိုပေးသော မွန်မြတ်သောလဖြစ်ပါသည်။ ကံ့ကော် ပန်း၏ ရနံ့သည် အမူးအမော်ကိုပြေစေပါသည်။ ကံ့ကော်ပန်းသည် သရဖီပန်း၊ ပုန်းညက်ပန်းများနှင့် ဆင်တူ၍ ရနံ့မွှေးကြိုင်ပါသည်။ တပေါင်း၏ ရာသီပန်းဖြစ်သည့် သရဖီပန်းများနှင့်အတူ ကံ့ကော်ပန်းလည်း ပင်လုံးကျွတ် ဖူးပွင့်နေကြပါသည်။ အရိပ်လည်းရ ပန်းလည်းလှသည့် အပင်မျိုး ဖြစ်ပါသည်။ ကံ့ကော်ပန်းကို ကျေးရွာလူနေအိမ်များ၊ ခြံဝင်းများနှင့် ဘုရားကျောင်းကန်များတွင် စိုက်ပျိုးကြ သည်။ ကံ့ကော်ပန်းကို ပန်းကုံးကလေးများသီကုံး၍သော်လည်းကောင်း၊ ကိုင်းလိုက်ချိုး၍သော် လည်းကောင်း ဈေးကွက်သို့ တင်ပို့ရောင်းချကြောင်း သိရှိရသည်။ တပေါင်းလ၏ ပထမလဝက် သည် ဆောင်းရာသီတွင် ကျရောက်ပြီး ဒုတိယလဝက်မှာ နွေရာသီတွင် ကျရောက်ပါသည်။ ဆောင်းအကူးနွေအစ သာယာလှသောလရာသီဖြစ်ပါသည်။ ကံ့ကော်ပန်းတစ်ကုံးလျှင် (၃၀၀/၅၀၀) ကျပ်ဖြင့်လည်းကောင်း၊ ကံ့ကော်ပန်းစည်းအပွင့်မပါတစ်စည်းလျှင်(၅၀၀)ကျပ်၊ ကံ့ကော်ပန်းစည်း အပွင့်ပါတစ်စည်းလျှင်(၁၀၀၀)ကျပ်ဖြင့်  ရောင်းချကြကြောင်း သိရှိရသည်။ ကံ့ကော်ပန်းများကို ကံပွင့်၊ လာဘ်ပွင့်စေရန်အတွက် ဘုရားလှူရန်၊ ယတြာချေရန် အတွက် ဝယ်ယူမှုများကြောင်းလည်း သိရှိရသည်။ ကံ့ကော်ဝတ်ဆံများကို တိုင်းရင်းဆေးဝါး ထုတ်လုပ်ရာတွင်လည်းကောင်း၊ သနပ်ခါး များထဲသို့ ကံ့ကော်ဝတ်ဆံများထည့်၍သော်လည်းကောင်း ထုတ်လုပ်ရောင်းချကြကြောင်း သိရှိ ရသည်။  

DOCA(မန္တလေး)

        ရှေးလူကြီးများ ဆိုရိုးစကားရှိသည်မှာ အိမ်ရှေ့တမာ၊ အိမ်နောက်ကတက် စီပွားတက်ဟု ဆိုကြပါသည်။ ထို့ကြောင့် ကတက်ပင်များကို အိမ်၏နောက်ဘက် အိမ်ခြံစည်းရိုးများတွင် တစ်ပင် နှစ်ပင်စိုက်ပျိုးထားတက်ကြပါသည်။ ကတက်ပင်သည် မြစ်ချောင်းအင်းအိုင် ရေအစပ်များတွင် ပေါက်ရောက်တက်သည့် ရေကတက်နှင့် တောင်ပေါ်ဒေသတွင်‌ပေါက်ရောက်တက်သော တောင်က တက်ဟူ၍ နှစ်မျိုးရှိသည်။ တောင်ကတက်ပင်ကို တောင်ပေါ်ဒေသများဖြစ်ကြသော မိုးကုတ်၊ ပြင်ဦးလွင်တို့တွင် တွေ့ရနိုင်ပါသည်။ ယခုလိုနွေဦးပေါက်ရာသီတွင် ကတက်ပင်များ ရွက်သစ်ဝေ၍ ကတက်ရွက်များ စတင်ထွက်ပေါ်နေပြီဖြစ်ပါသည်။ မိုးကုတ်ဒေသထွက်တောင်ကတက်သည် အစိမ်းတိုင်း အတို့အမြုပ်လုပ်စား၍ ရပါသည်။ သရက်ရွက်နုကဲ့သို့ ရနံ့မွှေးကြိုင်ပြီး အနံ့အရသာနှင့် ပြည့်စုံသော အတို့အမြုပ်အရွက်တစ်မျိုးဖြစ်ပါသည်။ တောင်ကတက်ရွက်ကို ထမင်းရေနှင့်စိမ်၍ ဖွတ်ပေးရပြီး ကတက်ချဉ်စိမ်၍ ရောင်းချကြပါသည်။ မိုးကုတ်ဒေသထွက် တောင်ကတက်တစ်စည်း လျှင်(၅၀၀/၁၀၀၀)ကျပ်၊ ကတက်ချဉ်(၂၅)ကျပ်သားလျှင်(၂၀၀၀)ကျပ် ဈေးနှုန်းများဖြင့် ရောင်းချ လျှက်ရှိကြောင်း သိရှိရသည်။ ရေကတက်ရွက်သည် အစိမ်းတိုင်းစားသုံး၍မရဘဲ ကတက်ချဉ် တည်၍ရောင်းချကြသည်။ ရေကတက်ချဉ်(၂၅)ကျပ်သားလျှင်(၁၅၀၀)ကျပ်ဖြင့် ရောင်းချလျှက်ရှိ ကြောင်းလည်း သိရှိရသည်။ ကတက်ချဉ်ကို ကြက်သွန်နီ၊ ငရုတ်သီးစိမ်း၊ နံနံပင်၊ မြေပဲဆားလှော် ထောင်းနှင့် ဆီစိမ်းဖြင့် သုပ်စားကြပါသည်။ ကတက်ချဉ်သုပ်နှင့် ပဲကြီးဟင်းချိုသည် လိုက်ဖက် ညီသော ထမင်းမြိန်စေသည့် ဟင်းလျာတစ်မျိုးဖြစ်ပါသည်။ ရေကတက်ကို အောက်ပြည်အောက် ရွာနှင့် အညာဒေသမှာလည်း တွေ့နိုင်ပါသည်။ ကတက်ရွက်ကို သုပ်စားခြင်းဖြင့် ဆီးရွှင်စေပါသည်။ ကတက်ခေါက်ကို သံပုရာသီးနှင့်သွေးသောက်က ကျောက်တည်ရောဂါအတွက်  ကျောက်ကျစေသည် ဟူ၍လည်း ဆိုကြပါသည်။ ကတက်ပင်သည် သဘာဝကပေးသော ဆေးဖက်ဝင်အစားစာပင် တစ်မျိုးဖြစ်ပါသည်။

DOCA(မန္တလေး)