ပြည်တွင်းကုန်သွယ်မှုသတင်း

    မြင်းခြံမြို့၊အေးမြသီတာဈေးနှင့် စံပြဈေးများတွင် စားသောက်ကုန်များ၊ ဟင်းသီးဟင်းရွက်နှင့် သားငါးမျိုးစုံရောင်း ချလျက်ရှိရာ ကြက်သား(မွေးမြူရေးကြက်) များကိုလည်း ရောင်းချလျက် ရှိကြောင်း သိရှိရသည်။ ၂၀၂၅ခုနှစ်၊ ဒီဇင်ဘာလ၌ ကြက်သား(၇င်အုပ်) တစ်ပိဿာ လျှင်(၂၄၀၀၀) ကျပ်၊ ကြက်မြစ်ကြက်သဲတစ်ပိဿာလျှင်(၂၄၀၀၀)ကျပ်၊ ပေါင်လုံးသား တစ်ပိဿာလျှင်(၂၃၀၀၀) ကျပ်၊ ပေါင်ခြမ်းတစ်ပိဿာလျှင် (၂၁၀၀၀)ကျပ်၊ ကြက်တောင်ပံ တစ်ပိဿာလျှင် (၁၈၀၀၀)ကျပ်၊ အကောင်းလိုက်တစ်ပိဿာလျှင် (၁၉၅၀၀)ကျပ်၊ အရိုးတစ်ပိဿာ လျှင်(၁၂၀၀၀) ကျပ်၊  ကြက် အရေခွံ တစ်ပိဿာလျှင်(၈၀၀၀) ကျပ်ခန့်ပေါက်ဈေးများဖြင့် ရောင်းချလျက်ရှိ ကြောင်းသိရှိရသည်။ ယခင်လနှင့်နှိုင်းယှဉ်ပါက ယခုလတွင် ကြက်သား(၇င်အုပ်) ကြက်မြစ်ကြက်သဲ နှင့် ကြက်ပေါင်လုံးသား တစ်ပိဿာလျှင်(၃၀၀၀)ကျပ်ခန့်၊ ကြက်ပေါင်ခြမ်းနှင့် ကြက်အကောင်လိုက် တစ်ပိဿာလျှင် (၂၀၀၀)ကျပ်ခန့်နှင့် ကြက်တောင်ပံ၊ ကြက်အရိုးနှင့် ကြက်အရေခွံ တစ်ပိဿာ လျှင်(၁၀၀၀)ကျပ်ခန့် အသီးသီးဈေးနှုန်းများကျဆင်းခဲ့ကြောင်းသိရှိရသည်။ ထိုသို့ဈေးနှုန်း ကျဆင်း ခြင်းမှာ ဈေးကွက်သို့ ကြက်သားဝင်‌ရောက်မှုများပြားလာသောကြောင့် ဈေးနှုန်းကျဆင်းခြင်းဖြစ်ကြောင်း ကြက်သား ရောင်းချသူတစ်ဦး၏ ပြောပြချက်အရသိရှိရသည်။

DOCA(မန္တလေး)

  တစောင်းခါးမှာ သဘာဝဟင်းသီးဟင်းရွက်အပင်ဖြစ်ပြီး စိုက်ပျိုးရလွယ်ကူသော နှစ်ရှည်ခံအပင်တစ်မျိုးဖြစ်ကြောင်း၊ အပူပိုင်းဒေသများဖြစ်သော စစ်ကိုင်းတိုင်း၊ မန္တလေးတိုင်း၊ မကွေးတိုင်း ဒေသများတွင် အများဆုံးပေါက်ရောက်ကြောင်းသိရသည်။

          မြင်းခြံမြို့နယ်၊ အေးမြသီတာကုန်စိမ်းဈေးအတွင်း ရောင်းချနေသော ၂၀၂၅ ခုနှစ်၊ ဒီဇင်ဘာလ၌ တစောင်းခါးလက်လီ ၂၅ ကျပ်သားလျှင် (၃၅၀၀-၄၀၀၀)  ကျပ်၊ လက်ကား တစ်ပိဿာလျှင် (၁၄၀၀၀) ကျပ်ခန့် ပေါက်ဈေးဖြင့် ရောင်းချကြောင်း၊ ယခင်လနှင့် နှိုင်းယှဉ်ပါက ယခုလတွင် တစောင်းခါး လက်လီ ၂၅ ကျပ်သားလျှင် (၅၀၀) ကျပ်၊ လက်ကား တစ်ပိဿာလျှင် (၃၀၀၀) ကျပ်ခန့် ဈေးနှုန်းမြင့်တက်ခဲ့ကြောင်း၊ စာသုံးမှုများပြီး ဝယ်လိုအားများ၍ ရောင်းလိုအားနည်းခြင်း ကြောင့် ဈေးနှုန်းမြင့်တက်ခဲ့ကြောင်း၊ ကုန်စိမ်းရောင်း ချသူတစ်ဦး၏ ပြောပြချက်အရသိရှိရသည်။  တစောင်းခါးမှာ ခါးသက်သောအရသာရှိပြီး စားသုံးလျှင် ဖန်ချိုအရသာရှိကာ ခံတွင်းမြိန်စေပြီး ဆေးဖက်ဝင်၍ စားသုံးမှုများပြားကြောင်း သိရသည်။

DOCA(မန္တလေး)

    မြင်းခြံမြို့၊ အေးမြသီတာဈေးရှိ သစ်သီးဆိုင်များတွင် ရောင်းချနေသော ပန်းသီးများကို ရှမ်းပြည်နယ်တောင်ပိုင်း၊ အောင်ပန်းမြို့နှင့် မန္တလေးမြို့တို့မှ ဝယ်ယူပြီး ဒေသတွင်းဖြန့်ဖြူး ရောင်းချကြောင်း၊ ၂၀၂၅ခုနှစ်၊ ဒီဇင်ဘာလ၌ ရောင်းချနေသော ပန်းသီး ၁၀ လုံးလျှင် (၃၂၀၀၀) ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် ပန်းသီး(၁၀)လုံးလျှင် (၃၀၀၀)ကျပ်ခန့် ဈေးနှုန်းမြင့်တက်ခဲ့ကြောင်း၊ ထိုသို့ဈေးနှုန်းမြင့် တက်ခဲ့ ခြင်းမှာ ရှမ်းပြည်နယ်တောင်ပိုင်းမှ ထွက်ရှိသော ပန်းသီးများ အထွက်နှုန်း လျော့နည်းလာ သောကြောင့် ဈေးနှုန်းများမြင့်တက် ခြင်းဖြစ်ကြောင်း၊ အမျှင်ဓာတ်ကြွယ်ဝပြီး အရွယ်တင် နုပျိုစေသောကြောင့် ပန်းသီးစားသုံးမှုများပြား၍ အရောင်းအဝယ်ကောင်းကြောင်း၊  သစ်သီးရောင်း ချသူတစ်ဦး၏ ပြောပြချက်အရ သိရှိရသည်။ ပန်းသီးစားသုံးခြင်းဖြင့် ကိုယ်ခံအားစနစ်ကို ကောင်းမွန်စေပြီး အရိုးအဆစ်ကို သန်မာစေသောကြောင့် ပန်းသီးများကို တစ်နေ့တစ်လုံး ပုံမှန်စားသုံးသင့်ကြောင်း လေ့လာသိရှိရသည်။

DOCA(မန္တလေး)

    မြင်းခြံမြို့၏ စည်ပင်သာယာနယ်နိမိတ်အတွင်းရှိ အေးမြသီတာဈေးများတွင် ၂၀၂၅ ခုနှစ်၊ ‌ဒီဇင်ဘာလ၌ ရောင်းချနေသော  စားဖိုဆောင်သီးနှံအုပ်စုဝင်ဖြစ်သော ကုန်စိမ်းသီးနှံဈေးနှုန်းများမှာ ခရမ်းချဉ်သီးတစ်ပိဿာလျှင် (၂၀၀၀-၃၅၀၀) ကျပ်၊ အာလူးသီးအကြီး တစ်ပိဿာလျှင် (၇၀၀၀-၈၀၀၀)ကျပ်၊ အာလူးသီးအလတ်တစ်ပိဿာလျှင် (၆၀၀၀) ကျပ်၊ အာလူးသီးအသေး တစ်ပိဿာလျှင် (၅၀၀၀)ကျပ်၊ ပဲတောင့်ရှည်တစ်ပိဿာလျှင် (၅၅၀၀) ကျပ်၊ ခရမ်းသီး သီးတစ်ပိဿာလျှင် (၃၀၀၀) ကျပ်၊ ခဝဲသီးတစ်ပိဿာလျှင် (၅၀၀၀)ကျပ်၊ ရုံးပတီသီးတစ်ပိဿာလျှင် (၃၅၀၀-၄၀၀၀) ကျပ်၊ ငရုတ်သီးစိမ်းတစ်ပိဿာလျှင် (၃၀၀၀) ကျပ်၊ ရွှေဖရုံသီးတစ်ပိဿာလျှင် (၂၂၀၀) ကျပ်၊ မျှစ်တစ်ပိဿာလျှင် (၄၀၀၀) ကျပ်၊ ဂျင်းတက်တစ်ပိဿာလျှင် (၅၀၀၀-၅၅၀၀) ကျပ်၊ နနွင်းတက်တစ်ပိဿာလျှင် (၁၄၀၀၀-၁၆၀၀၀)ကျပ်၊မုန်လာဥနီတစ်ပိဿာလျှင် (၄၀၀၀) ကျပ်၊  ဂေါ်ရခါးညွန့်လက်ဆုပ်တစ်စီးလျှင် (၉၀၀) ကျပ်၊ ဂေါ်ရခါးသီးတစ်လုံးလျှင် (၃၀၀) ကျပ်၊ ၊ဂေါ်ဖီထုပ်တစ်ထုပ်လျှင်(၁၅၀၀-၁၈၀၀)ကျပ်၊ ပန်းမုံလာပွင့် (အလတ်) တစ်ပွင့်လျှင် (၂၀၀၀) ကျပ်နှင့် ဂျူးမြစ်တစ်ပိဿာလျှင် (၇၅၀၀) ကျပ်ပေါက်ဈေးများဖြင့် ရောင်းချကြောင်း၊ ယခင်လ နှင့်နှိုင်းယှဉ်ပါ ယခုလတွင် ခရမ်းချဉ်သီး၊ ရွှေဖရုံသီးနှင့် ဂျင်းဈေးနှုန်းမှာ အနည်းငယ် မြင့်တက်ခဲ့၍ ငရုတ်သီးစိမ်း၊ ခဝဲသီး၊ဂေါ်ရခါးသီး၊ ပဲ‌တောင့်ရှည်နှင့် ဂျူးမြစ်များမှာ ဈေးနှုန်းများကျဆင်းခဲ့ကြောင်း၊ မုန်လာဥနီ၊ရုံးပတီသီးနှင့် ခရမ်းသီးဈေးများမှာ ဈေးတည်ငြိမ်လျက် ရှိကြောင်းသိရှိရသည်။ ကုန်စိမ်း သီးနှံများကို ရှမ်းပြည်နယ်တောင်ပိုင်း အောင်ပန်းမြို့နှင့်  မန္တလေးမြို့ကုန်စိမ်းပွဲရုံများမှ မှာယူ ရောင်းချကြောင်း၊ ကုန်စိမ်းရောင်းချသူ တစ်ဦး၏ ပြောပြချက်အရရှိရသည်။

DOCA(မန္တလေး)

   မိတ္ထီလာမြို့နယ်၌ ဆီထွက်သီးနှံများဖြစ်သည့် မြေပဲ၊ နှမ်း၊ နေကြာသီးနှံများကို ဒေသတွင်း ဆီစက်များမှ တိရိစ္ဆာန်အစာဈေးကွက်ပေါ်မူတည်၍ ကြိတ်ခွဲထုတ်လုပ်မှုများလာပြီး ပဲဖက်၊ နှမ်းဖက်၊ နေကြာဖတ်များ ဈေးကောင်းရလာကြောင်းသိရပါသည်။ ဆီကြိတ်ဖတ်များကို ဒေသတွင်း တစ်နိုင် တပိုင်မွေးမြူရေးလုပ်ငန်များအပြင် မန္တလေးမြို့ တိရိစ္ဆာန်အစာတောင့်စက်ရုံများမှလည်း ဝယ်ယူလျက်ရှိ ကြောင်းသိရပါသည်။

   ယခု ဒီဇင်ဘာလပထမပတ် မိတ္ထီလာဈေးကွက်တွင် ဖြစ်ပေါ်နေသော ပဲဖတ်နှမ်းဖတ် ဈေးနှုန်း များမှာ ပဲဖတ်တစ်ပိဿာလျှင် (၆၇၀၀-၆၈၀၀)ကျပ်၊ နှမ်းဖတ်တစ်ပိဿာလျှင် (၄၄၀၀-၄၅၀၀)ကျပ်၊ နေကြာဖတ်တစ်ပိဿာလျှင်(၃၄၀၀-၃၅၀၀) ကျပ်ဈေးဖြင့် အရောင်းအဝယ်ဖြစ်လျက်ရှိကြောင်း၊ ယခင်လနှင့်ကာလတူနှိုင်းယှဉ်လျှင် ပဲဖတ်တစ်ပိဿာလျှင်(၄၅၀-၅၀၀)ကျပ်၊ နှမ်းဖတ်တစ်ပိဿာလျှင် (၄၀၀-၅၀၀)ကျပ်၊ နေကြာဖတ်တစ်ပိဿာလျှင်(၃၀၀)ကျပ်ခန့် ဈေးနှုန်းမြင့်တက်လာကြောင်း၊ ဈေးနှုန်းမြင့်တက်လာရခြင်းမှ မန္တလေးမြို့တိရိစ္ဆာန်အစာတောင့်စက်ရုံများမှ ဝယ်ယူမှုများလာခြင်းကြောင့်ဖြစ်သည် ဟု ဆီစက်လုပ်ငန်းရှင် တစ်ဦးထံမှသိရပါသည်။

DOCA(မန္တလေး)