ပြည်တွင်းကုန်သွယ်မှုသတင်း

    မိတ္ထီလာခရိုင်၊ သာစည်မြို့နယ်တွင် လယ်ယာထွက်ကုန်သီးနှံများထွက်ရှိသည့်အပြင် သီးနှံ စိုက်ပျိုးသည့်လယ်ယာများ၏ လယ်ကန်သင်းများတွင်အလေ့ကျပေါက်သည့် ဇီးချဉ်သီးများမှ ဇီးချဉ် သီးရာသီချိန်တွင် တောင်သူများ တစ်လက်တလမ်းမှ အပိုဝင်ငွေရရှိလျက်ရှိပါသည်။ ဇီးချဉ်သီးမှာ ဆိတ်စားဇီးသီးနှင့် ရိုးရိုးအချဉ်သီးဟူ၍ (၂) မျိုးရှိပါသည်။ သာစည်မြို့နယ် ပေါက်တောရွာ၊ အင်းရွာ၊ ဆင်ဝင်ရွာ၊ အိုင်ကြီးလည်ရွာ အစရှိသောရွာများမှထွက်ရှိပြီး ဈေးကွက်အတွင်းဝင်ရောက် ရောင်းချနေကြောင်း တွေ့ရပါသည်။

        ဇီးသီးသည် ရာသီစာဖြစ်၍ တစ်ကြိမ်သာ စားသုံးခွင့်ရှိသော သီးနှံတစ်မျိုးဖြစ်ပြီး ဇီးချဉ် သီးကို ဒီဇင်ဘာလမှစ၍ ဖေဖော်ဝါရီလနှင့် မတ်လများအထိ ကောက်သိမ်းနိုင်ပြီး ဇီးချဉ်သီးမှ ရရှိသော ဇီးသီးအမှည့်ကို ဈေးကွက်သို့ အခြောက်ခံ၍ ရောင်းချခြင်း၊ ဇီးချဉ်သီးကို ဇီးယို၊ ဇီးထုပ်၊ ဇီးပြား၊ ဇီးထန်းလျက်နှင့် ဇီးဖျော်ရည်များအဖြစ် တန်ဖိုးမြင့်ထုတ်ကုန် တစ်ပိုင်တနိုင်ထုတ်လုပ် ရောင်းချကြပါသည်။ ဇီးချဉ်သီးတွင် ဗီတာမင်နှင့် သတ္တုဓာတ်များစွာပါရှိသည့်အတွက် လူသား တို့၏ ကျန်းမာရေးကိုလည်း အကျိုးပြုစေပါသည်။ဆိတ်စားဇီးချဉ်သီးမှာ တောင်သူများ တစ်ပိုင် တစ်နိုင် မွေးမြူထားသော ဆိတ်များအား အစာအဖြစ်ကျွေးပြီးနောက် ရရှိလာသော ဇီးစေ့များ အား ဆိတ်စား ဇီးချဉ်သီးအဖြစ်လည်းကောင်း ရောင်းချကြပါသည်။ ဇီးချဉ်သီးနှင့် ဆိတ်စား ဇီးချဉ်သီးအစေ့များကို ရွာလာပွဲစားများသို့ ရောင်းချခြင်း၊ မိတ္ထီလာပွဲရုံများသို့ တင်ပို့ရောင်းချ ကြကြောင်း၊ ဇီးချဉ်သီးမှ တောင်သူများ တစ်ဘက်တစ်လမ်းမှ အပိုဝင်ငွေရရှိ၍ အကျိုးဖြစ်ထွန်း လျက်ရှိကြောင်း တောင်သူများထံမှ သိရှိရပါသည်။ ဈေးကွက်အနေဖြင့် ယခုနှစ် ဇီးချဉ်သီးရာသီ ပေါ်ချိန်တွင် ဇီးချဉ်သီးဈေးနှုန်းမှာ တစ်တင်းလျှင် (၅၀၀၀) ကျပ်ရှိပြီး ဆိတ်စားဇီးချဉ်အစေ့မှာ တစ်တင်းလျှင် (၄၀၀၀၀) ကျပ်ရှိကြောင်း ယခုလိုကာလများတွင် လုပ်သားများအတွက် အကျိုး ဖြစ်ထွန်းကာ  အလုပ်အကိုင်အခွင့်အလမ်းများ ဖြစ်ထွန်းလျက်ရှိကြောင်း သိရှိရပါသည်။ အချို့ တောင်သူကြီးများတွင် ဇီးချဉ်သီးအမှည့်ခြောက် တင်း (၅၀) မှ (၈၀) အထိ ရရှိကြောင်း တောင်သူများထံမှ သိရှိရပါသည်။

DOCA(မန္တလေး)

      ၁၆.၁၂.၂၀၂၅ ရက်နေ့ ဘုရင့်နောင်ပွဲရုံတွင် ဖြစ်ပေါ်ခဲ့သော ကြက်သွန်ဖြူ ကြူကုတ် (ရှယ်) တစ်ပိဿာ ဈေးနှုန်းများမှာ ကျပ် ၁၆၅၀၀/၁၇၀၀၀၊ အောင်ပန်းထူး-၂ ကျပ် ၃၅၀၀၊ အောင်ပန်းထူး-၃ ကျပ် ၄၅၀၀၊ အောင်ပန်းထူး-၄ ကျပ် ၅၅၀၀၊ အောင်ပန်းထူး-၅ ကျပ် ၆၅၀၀၊ ကြက်သွန်နီ တစ်ပိဿာ ဈေးနှုန်းများမှာ ဆိပ်ဖြူ(သစ်) ရှယ် ကျပ် ၂၅၀၀၊ ဆိပ်ဖြူ(သစ်)လတ်ကြီး ကျပ်  ၁၆၅၀၊  ဆိပ်ဖြူ (သစ်) လတ်သန့် ကျပ် ၁၂၀၀၊ ဆိပ်ဖြူ(သစ်) လတ်ချော ကျပ် ၅၅၀၊ မြင်းခြံ(သစ်)ရှယ် ကျပ် ၂၁၀၀၊   မြင်းခြံ(သစ်) လတ်ကြီး ကျပ် ၁၃၀၀၊ မြင်းခြံ(သစ်) လတ်သန့် ကျပ် ၈၀၀၊ မြင်းခြံ(သစ်) လတ်ချော ကျပ် ၄၅၀၊ မုံရွာ (သစ်)ရှယ် ကျပ် ၂၅၀၀၊   မုံရွာ (သစ်) လတ်ကြီး ကျပ် ၁၆၅၀၊ မုံရွာ (သစ်) လတ်သန့် ကျပ် ၁၂၀၀၊ မုံရွာ (သစ်) လတ်ချော ကျပ် ၅၅၀၊ ပခုက္ကူ (သစ်)ရှယ် ကျပ် ၂၅၀၀၊   ပခုက္ကူ (သစ်) လတ်ကြီး ကျပ် ၁၆၅၀၊ ပခုက္ကူ (သစ်) လတ်သန့် ကျပ် ၁၂၀၀၊ ပခုက္ကူ (သစ်) လတ်ချော ကျပ် ၅၅၀ တို့ရှိကြောင်း၊ အာလူး တစ်ပိဿာလျှင် အောင်ပန်း A1 (သစ်)ကျပ် ၃၃၀၀၊ အောင်ပန်း OK (သစ်) ကျပ် ၃၇၀၀၊ အောင်ပန်း S1 (သစ်) ကျပ်၊ ၄၂၀၀၊ အောင်ပန်း S2 (သစ်) ကျပ် ၄၇၀၀၊ တရုတ်အာလူး ကျပ် ၅၅၀၀/၅၈၀၀ တို့ရှိကြောင်း သိရှိရပါသည်။ ယခုတစ်ပတ်တွင် ၁၆.၁၂.၂၀၂၅ ရက်နေ့တွင် ကြက်သွန်နီဈေးနှုန်းမှာ တစ်ပိဿာ ကျပ် ၄၀၀ နှင့် ကျပ် ၁၅၀ ဈေးနှုန်းတက်ပါကြောင်း၊ ကြက်သွန်ဖြူ ကြူကုတ်မှာ တစ်ပိဿာလျှင် ကျပ် ၁၅၀၀ ဈေးနှုန်းကျပါကြောင်း ဘုရင့်နောင်ကုန်စည်ဒိုင်မှ သိရှိရပါသည်။

DOCA(ရန်ကုန်)

             စားအုန်းဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီသည် စားအုန်းဆီ များသတ်မှတ်အရည်အသွေး၊ စံချိန်စံညွှန်းများနှင့်အညီများနှင့်အညီ စားသုံးသူပြည်သူ များ ကျန်းမာရေးနှင့်ညီညွတ်သော စားသုံးဆီများသုံးစွဲနိုင်ရေး၊ ဈေးနှုန်းတည်ငြိမ်စွာ ဝယ်ယူ စားသောက်နိုင်ရေး ကြီးကြပ်ထိန်းကျောင်း၍ သက်ဆိုင်ရာ ကုမ္ပဏီများက စားအုန်းဆီ များပြည်ပမှ တင်သွင်းလျက်ရှိရာ ရန်ကုန်တိုင်းဒေသကြီး သီလဝါဆိပ်ကမ်း၊ ကြည့်မြင်တိုင်မြို့နယ် ဗားဂရာ (သဲကွင်း) ဆိပ်ကမ်း၊ ကြည့်မြင်တိုင်မြို့နယ် ကမ်းနားဈေး ဆိပ်ကမ်း၊ KIP ဆိပ်ကမ်းသို့ ဆီသင်္ဘောများ ဆိုက်ကပ်ပြီး ၁၄.၁၂.၂၀၂၅ ရက်နေ့တွင် ကြည့်မြင်တိုင်မြို့နယ် ဗားဂရာ ဆိပ်ကမ်းတွင် MV. MESON V .21/25 သင်္ဘောဖြင့် HTT (2) ဆီကန်သို့   1000 MT၊  LLF ဆီကန်သို့ 1775 MT ၊ GGM 9 ဆီကန်သို့ 1550 MT စုစုပေါင်း (4325) MT ဝင်ရောက်လျှက်ရှိကြောင်း သိရှိရပါသည်။

DOCA(ရန်ကုန်)

        မန္တလေးတိုင်းဒေသကြီး၊ ပြင်ဦးလွင်ခရိုင်သည် တောင်ပေါ်မြို့လေးဖြစ်ပြီး ခရီးသွားဧည့်သည်များ၊ လည်ပတ်သူများဖြင့် အမြဲမပြတ်စည်းကားလျက်ရှိပါသည်။ ခရီးသွားများ များလာသည်အမျှ ဒေသထွက်ကုန်ဖြစ်သော ပန်းမာန်၊ နေကြာ၊ မက်မန်း၊ ထောပတ် စသည့် သီးနှံများအပြင် ဒေသထွက်ကုန်ဖြစ်သော စတော်ဘယ်ရီမှာလည်း လူကြိုက်များပြီး အရောင်းအဝယ်ဖြစ်လျက်ရှိပါသည်။ ပြင်ဦးလွင်မြို့သည် နှစ်ရှည်သီးနှံအပြင် ရာသီအလိုက် သီးနှံမျိုးစုံစိုက်ပျိုးပြီး ခြံစိုက်တောင်သူများ မိသားစုဝင်ငွေရရှိလျက်ရှိပါသည်။ စတော်ဘယ်ရီသီးနှံကို မိရိုးဖလာစိုက်ပျိုးသူများ လည်းရှိပါသည်။ စတော်ဘယ်ရီ သီးနှံကို ယို၊ ဝိုင်၊ တော်ဖီ စတော်ဘယ်ရီဖျော်ရည်အပြင် သကြားဖြူး၍လည်း အလွယ်တကူစားသောက်နိုင်ပါသည်။ ယခုအချိန် မန္တလေးမြို့တွင်းသို့ စတော်ဘယ်ရီသီးများ စတင်ရောင်းချနေပြီး စျေးနှုန်းအနေဖြင့် (၁)ပိဿာလျှင် (၁၇၀၀၀/၁၈၀၀၀)ကျပ် စျေးနှုန်းများဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(မန္တလေး)

  ဧရာဝတီတိုင်းဒေသကြီး     မအူပင်ခရိုင်  ပန်းတနော်မြို့နယ်၌   ဒေသထွက် ကန်စွန်းဥ များ   ဝယ်လို အား ကောင်းပြီး အရောင်းအဝယ်ကောင်းမွန်လျက်ရှိသည်။ ပန်းတနော်မြို့နယ်မှ ကန်စွမ်းဥ စိုက်ဧက ၁၁၉၄ဧက စိုက်ပျိုးရန် လျာထားသော်လည်း ၈၅၀ ဧကခန့် ကြောင်း သိရသည်။

ကန်စွန်းဥ စိုက်ပျိုးမှုအနေဖြင့် တွေက မြန်မာကန်စွန်းဥ နဲ့  ကိုရီးယား ကန်စွန်းဥ ဆိုပြီး  အမျိုးအစား နှစ်မျိုး  စိုက်ပျိုးကြောင်းသိရသည်။ ကန်စွမ်းဥ စိုက်ပျိုးချိန်မှာ မေလတွင် စတင်း စိုက်ပျိုး ပြီး (၁) ဧကစိုက်ပျိုးမှု အတွက် ကန်စွန်းပင်ဖြတ်ပိုင်း(၂၅၀၀၀)ခန့်စိုက်ပျိုးကြောင်း၊ ကန်စွန်းဥတစ်ဧက ကုန်ကျ စရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် (၁၅၀၀၀၀၀/)ကျပ်ခန့် ကုန်ကျကြောင်း၊ စိုက်ပျိုးပြီး ၃လခွဲအကြာ စတင်းတူးဖော်ကြသည်။ ကန်စွန်းဥ (၁)ဧကလျှင်  ပိဿာချိန် (၂၅၀၀ မှ ၃၀၀၀) ခန့် အထိထွက်ရှိကြောင်း စိုက်ပျိုးသူထံမှ သိရသည်။ဖြန့်ဖြူးရောင်းချမှုအနေဖြင့် လက်ကားဈေးအနေဖြင့် ကန်စွန်းဥအဖြူ တစ်ပိဿာ လျှင် (၂၅၀၀/)ကျပ်၊ အဝါတစ်ပိဿာလျှင်(၃၅၀၀/) ကျပ်၊ ခရမ်းတစ်ပိဿာလျှင် (၆၀၀၀/)ကျပ်ဖြင့် ရောင်းချ ကြကြောင်း၊ လက်လီဈေးအနေဖြင့်  ကန်စွန်းဥအဖြူတစ်ပိဿာလျှင်(၂၀၀၀/)ကျပ်၊ အဝါတစ်ပိဿာ လျှင်(၃၀၀၀/)ကျပ်၊ ခရမ်းတစ်ပိဿာ လျှင်(၅၀၀၀/)ကျပ်ဖြင့် အကြီးအသေးပေါ်မူတည်၍ ဈေးနှုန်းကွာခြား လျက်ရှိကြောင်း၊  ကန်စွန်းဥ (၁)ဧက အကျိုးအမြတ်အနေဖြင့် (၃၈၀၀၀၀၀/)ကျပ်ခန့်ရရှိကြောင်း၊ စိုက်စရိတ်သက်သာပြီး အကျိုးအမြက်ရရှိသဖြင့်  ကန်စွန်းဥများအား ကို တောင်သူများအနေဖြင့် စိုက်ပျိုးကြကြောင်း၊ ယခင်နှစ်ထက် စိုက်ပျိုးသူနည်းသော်လည်း ယခုနှစ် စိုက်ပျိုးသူများ အကျိုးအမြတ်ပိုမိုရရှိကြောင်း ရန်ကုန်သို့လည်း အနည်းငယ်တင်ပို့ကြောင်း စိုက်ပျိုးသူထံမှ သိရသည်။

DOCA(ဧရာဝတီ)