ပြည်တွင်းကုန်သွယ်မှုသတင်း

    မြင်းခြံ‌မြို့နယ်အတွင်းရှိ လေးအိမ်တန်းကျေးရွာ၊ လှိုင်းတက်ကျေးရွာနှင့် အနိမ့် ကျေးရွာတို့သည် ဧရာဝတီမြစ်ဖြင့် နီး၍ ကျေးရွာသူ၊ကျေးရွာသားများသည် ငါးဖမ်းလုပ်ငန်း၊ ငါးရောင်းချခြင်း လုပ်ငန်းများဖြင့် အသက်မွေးဝမ်းကျောင်းပြုကြသည်။ မြစ်အတွင်းမှ ရရှိသော ငါးများကို အနီးအနားပတ်ဝန်းကျင်များသို့ရောင်းချ၍ ပိုလျှံသေားငါးများကို ‌စံပြဈေးနှင့် အေးမြသီတာဈေးများသို့ ရောင်းချကြောင်း၊ ၂၀၂၅ ခုနှစ်၊ ဒီဇင်ဘာလ၌ မြစ်ငါးဘတ် ၂၅ ကျပ်သားလျှင် (၆၀၀၀)ကျပ်၊ တစ်ပိဿာလျှင် (၂၃၀၀၀) ကျပ်ပေါက်ဈေးများဖြင့် ရောင်းချကြောင်း၊ ယခင်လနှင့်နှိုင်းယှဉ်ပါက ယခုလတွင် မြစ်ငါးဘတ် ၂၅ ကျပ်သားလျှင် (၁၀၀၀)ကျပ်၊  တစ်ပိဿာလျှင် (၃၀၀၀)ကျပ်ခန့် ဈေးနှုန်းများကျဆင်းခဲ့ကြောင်း၊ ထိုသို့ မြစ်ငါးဘတ်များ ဈေးနှုန်းကျဆင်းခြင်းမှာ ပခုက္ကူမြို့မှ ငါးဘတ်များ ဝင်ရောက်လာသောကြောင့် ဈေးနှုန်းများ ကျဆင်းခြင်းဖြစ်ကြောင်း၊  ငါးဘတ်မွှေကြော်သည် လူသိများသော ဟင်းတစ်မည်ဖြစ်ပြီး "ငါးဘတ်ပုပ်ပုပ်၊ ငရုတ်စပ်စပ်" ဟူ၍ဆိုရိုးစကားအတိုင်း လူကြိုက်များ၍ စားသုံးမှုများသောကြောင့် အရောင်းအဝယ်ကောင်းကြောင်း၊ ငါးဘတ်အသားမှာ နုညံ့ချိုမြသောကြောင့် အရောင်းအဝယ်ဖြစ်ကြောင်း၊  ဈေးကွက်တွင်နေ့စဉ် (၁၀-၂၀) ပိဿာချိန်ခန့်ရောင်းချရကြောင်း၊ မြစ်အတွင်းမှ သဘာဝငါးဘတ်ဈေးနှုန်းသည် မွေးမြူရေးငါးများထက် ဈေးနှုန်းပိုများကြောင်း ငါးရောင်းချ၏ ပြောပြချက်အရသိရှိရသည်။

DOCA(မန္တလေး)

   မြင်းခြံမြို့နယ်အတွင်းရှိ လေးအိမ်တန်းအုပ်စု ကြက်လျှာကျေးရွာ၌ စိုက်ပျိုးရေးပျိုးပင် များရောင်းချသော အရောင်းဆိုင်တွင် သီးပင်၊ စားပင်၊ နှစ်ရှည်ပင် ပန်းအလှပင်များနှင့် အရိပ်ရပင်များဖြင့် စုံစုံလင်လင် ရောင်းချလျက်ရှိရာ ကံ့ကော်ပျိုးပင်မျာကိုလည်း ရောင်းချကြောင်း၊ ၎င်းပျိုးပင်များကို ကျောက်ပန်းတောင်းမြို့နယ်၊ ဆည်ပေါက်ရွာမှ မှာယူရောင်းချကြောင်း၊ ၂၀၂၅ ခုနှစ်၊ ဒီဇင်ဘာလ၌ ကံ့ကော်ပျိုးပင်တစ်ပင်လျှင် (၂၀၀၀) ကျပ်၊ ကိုင်းဆက် အပင်ကြီး တစ်ပင်လျှင် (၁၀၀၀၀) ကျပ်၊ ကိုင်းဆက်(အဖူးပါ)တစ်ပင်လျှင် (၁၅၀၀၀-၂၀၀၀၀) ကျပ်ပေါက် ဈေးများဖြင့် ရောင်းချကြောင်း၊ ကံ့ကော်ပင်စိုက်ပျိုးသူများ၍ ရောင်းချရကြောင်း ပျိုးပင်ရောင်းချ သူထံမှသိရှိ ရသည်။ ကံ့ကော်ပင်သည် အမြဲစိမ်းသောအပင်ကြီးမျိုးဖြစ်၍ သစ်မာပင် တစ်မျိုးဖြစ် ကြောင်း၊ ကံ့ကော်ပင်တစ်ပင်ဖြစ်ထွန်းပါက မိသားစုစားဝတ်နေရေး အဆင်ပြေကြောင်း၊ ကံ့ကော်ပင် သည် စီးပွားဖြစ်အပင်မျိုးဖြစ်ပြီး အကိုင်းအခက် အရွက်အပွင့်များကို ဘုရားပန်းအဖြစ် ရောင်းချကြ ကြောင်း၊ ကံ့ကော်ပင်သည် ထင်ရှားသောတော်ဝင်ပန်းဖြစ်သောကြောင့် ဗုဒ္ဓဘာသာဝင် မြန်မာ လူမျိုးများအနေဖြင့် ကံ့ကော်သားပင်စည်ကိုဘုရားထုကိုးကွယ်ခြင်း၊ အကိုင်းအခက်အညွှန့်နှင့် အပွင့်များကို ဘုရားပန်းထိုးခြင်း ဘာသာရေးတွင် အသုံးပြုသောကြောင့် ကံ့ကော်ပင်ကို စီးပွားဖြစ် စိုက်ပျိုးသင့်ကြောင်းသိရှိရသည်။

DOCA(မန္တလေး)

         ဘုရင့်နောင်ကုန်စည်ဒိုင်သို့ ၅.၁၂.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၆၈၉ အိတ်နှင့် ဈေးနှုန်းမှာ ၅၆၀၀၀ မှ ၅၇၀၀၀ ကျပ်၊ ဆန်ကြမ်းထိပ်စအိတ်ရေ ၂၉၆၅ နှင့် ဈေးနှုန်းမှာ ၅၀၀၀၀ မှ ၅၁၀၀၀ ကျပ်၊ လက်စအိတ်ရေ ၂၈၉၀ နှင့် ဈေးနှုန်းမှာ ၄၆၅၀၀ မှ ၅၁၀၀၀ ကျပ်၊ ၂၅ မတ်ဆန်အိတ် ၁၀၆၉ နှင့် ဈေးနှုန်းများမှာ ၄၈၀၀၀ မှ ၄၉၀၀၀ ကျပ်၊ ဆန်ကွဲအိတ်ရေ ၆၁၂၃ နှင့် ဈေးနှုန်းများမှာ ၄၂၅၀၀ မှ ၄၈၀၀၀ ကျပ်၊ ပဲခူး(အနောက်) မှ ရှယ်စ ၃၂၉၈ အိတ်နှင့် ဈေးနှုန်းမှာ ၅၆၀၀၀ မှ ၅၇၀၀၀ ကျပ်၊ ဆန်ကြမ်းထိပ်စအိတ်ရေ ၂၈၆၂ နှင့် ဈေးနှုန်းမှာ ၅၀၀၀၀ မှ ၅၁၀၀၀ ကျပ်၊ လက်စအိတ်ရေ ၃၁၀၅ နှင့် ဈေးနှုန်းမှာ ၄၆၅၀၀ မှ ၅၁၀၀၀ ကျပ်၊ ၂၅ မတ်ဆန်အိတ် ၉၄၇ နှင့် ဈေးနှုန်းများမှာ ၄၈၀၀၀ မှ ၄၉၀၀၀ ကျပ်၊ ဆန်ကွဲအိတ်ရေ ၅၈၄၇ နှင့် ဈေးနှုန်းများမှာ ၄၂၅၀၀ မှ ၄၈၀၀၀ ကျပ်၊ ဧရာဝတီ တိုင်းမှ မှ ရှယ်စ ၃၅၈၄ အိတ်နှင့် ဈေးနှုန်းမှာ ၅၆၀၀၀ မှ ၅၇၀၀၀ ကျပ်၊ ဆန်ကြမ်းထိပ်စ အိတ်ရေ ၃၇၆၉ နှင့် ဈေးနှုန်းမှာ ၅၀၀၀၀ မှ ၅၁၀၀၀ ကျပ်၊ လက်စအိတ်ရေ ၂၉၄၆ နှင့် ဈေးနှုန်းမှာ ၄၆၅၀၀ မှ ၅၁၀၀၀ ကျပ်၊ ၂၅ မတ်ဆန်အိတ် ၇၀၄ နှင့် ဈေးနှုန်းများမှာ ၄၈၀၀၀ မှ ၄၉၀၀၀ ကျပ်၊ ဆန်ကွဲအိတ်ရေ ၆၁၉၄ နှင့် ဈေးနှုန်းများမှာ ၄၂၅၀၀ မှ ၄၈၀၀၀ကျပ်တို့ဝင်ရောက်ကြောင်း သိရှိရပါသည်။         

    ၅.၁၂.၂၀၂၅ ရက်နေ့တွင်ဘုရင့်နောင်ကုန်စည်ဒိုင်သို့ ရှယ်စ(၁၀၅၇၁)၊ ဆန်ကြမ်း(၈၅၉၆)၊ လက်စ(၈၉၄၁)၊ ၂၅ မတ်ဆန်(၂၇၂၀)၊ ဆန်ကွဲ(၁၈၁၆၄) ဆန်အိတ်ရေစုစုပေါင်း (၄၈၉၉၂) အိတ် ဝင်ရောက်ခဲ့ပြီး ၄.၁၂.၂၀၂၅ ရက်နေ့ထက် အနည်းငယ်ပို၍ ဝင်ရောက်ခဲ့ပြီး  ဆန်ဈေးနှုန်းမှာ တည်ငြိမ်လျက်ရှိကြောင်း သိရှိရပါသည်။

DOCA(ရန်ကုန်)

          ၂၀၂၅ ခုနှစ်၊ ဒီဇင်ဘာလ(၄) ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ မုံရွာ၊ တောင်သာဒေသတို့မှ ကြက်သွန်နီ (၈၁၆၀၀၀) ပိဿာ ဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၃၂၆၄၀၀) ကျန်ရှိကြောင်း ကုန်စည်ဒိုင်သတင်းအရသိရှိရသည်။ ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၄၀၀၊ အသန့်မှာတစ်ပိဿာ ကျပ် ၉၅၀၊ အကြီးမှာ ကျပ် ၁၅၀၀၊ ရှယ်မှာ ကျပ် ၁၇၅၀၊ မုံရွာ ကြက်သွန်နီ(အသစ်)အချော တစ်ပိဿာ ကျပ် ၄၅၀၊ အသန့်မှာ တစ်ပိဿာ ကျပ် ၈၀၀ ၊ အကြီးမှာ ကျပ် ၁၄၀၀၊ ရှယ်မှာ ကျပ် ၁၈၀၀၊ မြင်းခြံ ကြက်သွန်နီ(အသစ်) အချော တစ်ပိဿာ ကျပ် ၅၅၀၊ အသန့်မှာတစ်ပိဿာ ကျပ် ၁၀၀၀၊ အကြီးမှာ ကျပ် ၁၆၀၀၊ ရှယ်မှာ ကျပ် ၁၉၀၀၊ တောင်သာ ကြက်သွန်နီ(အသစ်) အချော တစ်ပိဿာ ကျပ် ၃၀၀၊ အသန့်မှာ တစ်ပိဿာ ကျပ် ၆၀၀၊ အကြီးမှာ ကျပ် ၁၁၀၀ ဈေးတို့အသီးသီးရှိကြောင်း စုံစမ်းသိရှိရပါသည်။

          ယခုတစ်ပတ်တွင်  ဆိပ်ဖြူနှင့် မြင်းခြံ ကြက်သွန်နီဈေးနှုန်းများမှာ ယခင်အပတ်ကထက် ဈေးအနည်းငယ်တက်လျက်ရှိပါသည်။ မုံရွာနှင့် တောင်သာကြက်သွန်နီမှာ ယခင်အပတ်အတိုင်း ဈေးတည်ငြိမ်နေကြောင်း သိရှိရပါသည်။

DOCA(ရန်ကုန်)

        ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်၌ ၂၀၂၅-၂၀၂၆ဘဏ္ဍာနှစ် မိုးစပါး စိုက်ပျိုးရာသီတွင် လျာထားစိုက်ဧက (၈၁၃၆၂)ဧကအား ဖြစ်ထွန်းအောင်မြင်စွာဖြင့် ရာနှုန်းပြည့် စိုက်ပျိုးနိုင်ခဲ့ပြီး Drum Seeder ဖြင့် အများဆုံးစိုက်ပျိုးနိုင်ခဲ့ကြောင်း မြို့နယ်စိုက်ပျိုးရေးဦးစီးဌာနမှ သိရှိရပြီး ယခုအချိန်တွင် ကျေးရွာအုပ်စုများရှိ လယ်ယာမြေများ စပါးရိတ်စက်ကြီးများနှင့် စတင်ရိတ်သိမ်းခြွေလှေနေပြီးဖြစ်ကြောင်း သိရသည်။

          တွံတေးမြို့နယ်၌ ၂၀၂၅-၂၀၂၆ ခုနှစ် မိုးနှံစပါး စိုက်ပျိုးထုတ်လုပ်မှု ကဏ္ဍဖွံ့ဖြိုးတိုးတက်စေရန်နှင့် ဒေသအတွင်း စားရေးရိက္ခာ ဖူလုံစေရန်နှင့် ပြည်ပသို့ ပိုမိုတင်ပို့နိုင်ရေးအတွက် ရည်ရွယ်၍ ဒေသခံတောင်သူများ တစ်မြို့နယ်လုံးအတိုင်းအတာ မိုးစပါးသီးနှံစိုက်ဧက (၈၁၃၆၂) ဧက ရာနှုန်းပြည့် စိုက်ပျိုးနိုင်ခဲ့ကြောင်း  ဒေသခံတောင်သူများ အဓိကထားစိုက်ပျိုးသည့် သီးနှံများမှာ ဧည့်မထ(အထွက်ကောင်းမျိုး)နှင့် အခြားစပါး (အထွက်ကောင်းမျိုး) စပါးများကို အဓိက ထားစိုက်ပျိုးကြပြီး ယခုအချိန်တွင် Drum Seeder ဖြင့် စိုက်ပျိုးထားသော လယ်ယာမြေများ စတင်ရိတ်သိမ်းခြွေလှေလျက်ရှိပြီး တစ်ဧကပျှမ်းမျှအထွက်နှုန်းမှာ (၇၇.၅၀)တင်းထွက်ရှိကြောင်း သိရှိရပါသည်။

DOCA(ရန်ကုန်)