ပြည်တွင်းကုန်သွယ်မှုသတင်း

          ကုန်စည်နှင့်ဝန်ဆောင်မှုများတွင်ကုန်စည်ထုတ်လုပ်မှုကွင်းဆက် နှင့် ဝန်ဆောင်မှု၏ မှန်ကန်ပြည့်ဝသောသတင်းအချက်အလက်များသည် စားသုံးသူများ၏ လူမှုဘဝမှန်ကန်လုံခြုံ စေရန်အဓိကအချက်ဖြစ်ပါသည်။ ကုန်စည်ထုတ်လုပ်ရာတွင် နည်းလမ်းမှန်ကန်၍ အဆင့်မြင့် နည်းပညာအသုံးပြုမှု ထွန်းကားစေခြင်း၊ ဈေးကွက်အတွင်းကုန်အညွှန်းအမှတ်အသား နှင့် ပြည့်စုံသောကုန်စည်များတိုးပွားစေခြင်း၊သိုလှောင်ရောင်းဝယ်သည့် စနစ်ကောင်းမွန်စေရန် ကျွန်တော်တို့စားသုံးသူရေးရာဦးစီးဌာနမှ စီမံချက်များဖြင့် မြေပြင်ကွင်းဆင်းစစ်ဆေးလျက်ရှိ ပါသည်။

          ထိုသို့မြေပြင်ကွင်းဆင်းစစ်ဆေးရင်း အသေးအဖွဲကုန်ကြမ်းမှ ထုတ်လုပ်မှုနည်းစနစ် မှန်ကန်အဆင့်မြင့်လျှင် ဆန်းသစ်သောနိုင်ငံတကာဈေးကွက်ဝင်ထုတ်ကုန်များ ထုတ်လုပ်ပြီး ရွှေဖြစ်နိုင်ကြောင်း လေ့လာတင်ပြချင်ပါသည်။

          ကျွန်တော်တို့ရှမ်းပြည်နယ်နှင့် မြန်မာနိုင်ငံအနှံ့အပြားတွင် ချင်း(ဂျင်း)၊ ပူစီနန်၊ ဖက် ယားပင်၊ ချဉ်ပေါင်သီး၊ ဗလရှင့်(ပက်ပါမင့်)၊ ဆေးမြင်းခွာရွက်၊ အောင်မဲညိုပွင့်၊ စမုံစပါး၊ ပဲနံသာ၊ ငါးအူသီး၊ ရက်ဘယ်ရီ၊ ထပ်တရာပန်း စသည့်စားဖိုဆောင်သီးနှံနှင့် ဘယဆေးပင်များ စိုက်ပျိုးကြသလို အလေ့ကျပေါက်ရောက်မှုများလည်းတွေ့ရှိရပါသည်။

          ထိုကဲ့သို့သော ဈေးကွက်တန်ဖိုးနည်းပါးသော ကုန်ကြမ်း သီးနှံများကိုထုတ်လုပ်မှုနည်း စနစ်မှန်ကန်စွာအဆင့်ဆင့် သန့်စင်အခြောက်ခံထုပ်ပိုး၍ ဆန်းသစ်သည့် အဆင့်မြင့် ထုတ်ကုန် တစ်မျိုးအဖြစ် ထုတ်လုပ်ပြီး ဂျပန်နှင့် ဂျာမဏီနိုင်ငံများသို့ တင်ပို့နေကြောင်း၊ ကျန်းမာရေး အထောက်အကူပြုလ္ဘက်ရည်ထုတ်လုပ် တင်ပို့ ရောင်းချ၍ပြည်တွင်း၌ အသုံးပြု နေကြောင်းသိရပါသည်။တောင်သူ များနှင့် အကျိုးတူပေါင်းစပ်၍ ကန်ထရိုက် လယ်ယာ စနစ်ဖြင့် ချင်း(ဂျင်း)၊ ပူစီနံ၊ ပဲနံသာ၊ ချဉ် ပေါင်သီး၊ ဆေးမြင်းခွာရွက်၊ ထပ်တရာပန်း၊ ဗလရှင့် (ပက်ပါမင့်)၊ စမုံစပါး စသည်တို့ကိုမျိုးစေ့ နှင့် နည်းပညာများပံ့ပိုးကူညီ၍ စိုက်ပျိုးထုတ် လုပ်နေကြောင်းသိရပါသည်။

          ဂျင်း 1kg ကို ၃၀၀၀ကျပ်နှင့် ကန်ထရိုက်စနစ်ဖြင့် ဝယ်ယူ၍ အဆင့်ဆင့်သန့်စင်ခြောက် ခံပြီး ဂျာမဏီနိုင်ငံသို့ 1kg လျှင် ၂၈၀၀၀ကျပ်ဖြင့် ကုမ္ပဏီမှတဆင့် တင်ပို့နေကြောင်း သိရပါ သည်။ ထို့အတူ ပူစီနံကို 1kg လျှင် ၁၂၀၀ကျပ်ဖြင့်ဝယ်ယူပြီး 1kg ကို၁၅.၆ ဒေါ်လာဖြင့်၎င်း ဖက်ယားပင်ကို ၁၂၀၀ကျပ်မှ ၁၅၀၀ကျပ် ဖြင့်ဝယ်ယူပြီး ကုန်ချောထုတ်ပိုးသန့်စင်ပြီး A Grade 1kg ၁၉.၉၇ ဒေါ်လာနှင့် B Grade ကို၁၃.၁၅ ဒေါ်လာဖြင့်ရောင်းချနေကြောင်း ချဉ်ပေါင်သီး 1kg ကို၁၅၀၀ကျပ်ဖြင့်ဝယ်ယူ၍၁၃.၁၅ဖြင့်၎င်း၊ ဗလရှင့်(ပက်ပါးမင့်) ကို၁၅၀၀ ကျပ်ဖြင့် ဝယ်ယူ၍ 1kg ၁၄ ဒေါ်လာရရှိကြောင်း၊ ဆေးမြင်းခွာရွက်ကို 1kg ၁၃၀၀ကျပ်ဖြင့်ဝယ်ယူ၍1kg ၁၅ ဒေါ်လာရရှိကြောင်း၊ အောင်မဲညိုပွင့်ကို 1kg ၄၀၀၀ကျပ်ဖြင့်ဝယ်ယူ၍ 1kg ၃၀ဒေါ်လာခန့် ရရှိကြောင်း၊ စမုံစပါးတစ်ပိဿာ ၈၀၀၀ကျပ်ဝယ်ယူ၍ ၁၀.၅ဒေါ်လာ ရရှိကြောင်း၊ ပဲနံသာ တစ်ပိဿာ ၅၀၀၀ကျပ်ဖြင့် ဝယ်ယူ၍1kg ကို၇ ဒေါ်လာရရှိကြောင်း၊ ငါးအူသီးခေါ် Red Barrey သီးကို 1kg ၂၀၀၀ကျပ် ဝယ်ယူ၍ 1kg ၂၅ဒေါ်လာ ရရှိနိုင်ကြောင်းနှင့် ထပ်တရာပန်း 1kg ၁၇၀၀ကျပ် ဝယ်ယူ၍ ၄၀ဒေါ်လာခန့် ရရှိနိုင်ကြောင်းလေ့လာသိရှိရပါသည်။ သီးနှံအမျိုးအစား အလိုက်ကုန်ကြမ်းမှ ကုန်ချောထုတ်လုပ်ရာတွင် ကုန်ကြမ်းမှကုန်ချောရရှိမှု ရာခိုင်နှုန်း ကွာ ခြားသော်လည်းအကျိုးအမြတ်မှာ တွက်ခြေကိုက်ကြောင်းသိရှိရပါသည်။

          ထို့ကြောင့်နိုင်ငံတကာဈေးကွက်လိုအပ်ချက်ကိုလေ့လာသိရှိနိုင်သော သတင်းအချက် အလက်နှင့် ထုတ်လုပ်မှုနည်းစဉ်မှန်ကန်၍ အဆင့်မြင့်လျှင် ဆန်းသစ်သည့်ထုတ်ကုန်များ ထုတ်လုပ်၍နိုင်ငံအတွက် နှင့် စီးပွားရေးလုပ်ငန်းရှင်များအတွက် အကျိုးကျေးဇူးတိုးပွားနိုင် ကြောင်းလေ့လာသုံးသပ်တင်ပြအပ်ပါသည်။

DOCA(ရှမ်း)

ကမ္ဘာပေါ်တွင် ရေပြီးလျှင် ဒုတိယသောက်သုံးမှုအများဆုံးမှာ “ရေနွေးကြမ်း” ဖြစ်ပါသည်။ ရေနွေးကြမ်းသည် လက်ဖက်ခြောက်နှင့် ရေနွေးကိုပေါင်းစပ်ထားသည့် လက်ဖက်ရည်ကြမ်းတစ်မျိုး ဖြစ်ပါသည်။ လက်ဖက်စိမ်း(Green Tea)မှာ ကျန်းမာစေသည့်ဇီဝပစ္စည်း ဒြပ်ပေါင်းများစွာပါဝင်ခြင်းကြောင့် ဦးနှောက်၏လုပ်ငန်းဆောင်တာများကို တိုးတက်စေခြင်း၊ အဆီများကို လောင်ကျွမ်းစေနိုင်ခြင်း၊ လက်ဖက်စိမ်းတွင်ပါဝင်သော ဓာတ်တိုးပစ္စည်းကြောင့် ကင်ဆာရောဂါ ဖြစ်ပွားမှုနှုန်း ကျဆင်းစေခြင်း၊ ဦးနှေက်ရဲ့အိုမင်းခြင်းကို ကာကွယ်ပေးခြင်း(အယ်ဇိုင်းမား၊ ပါကင်ဆန်ရောဂါ)၊ သွေးသွင်းသကြားဓာတ်ကို လျော့ချပေးနိုင်လို့ ဆီးချိုရောဂါအမျိုးအစား(၂)မျိုးကို ကာကွယ်ရာမှာ အလွန်ထိရောက်ခြင်း၊ နှလုံးသွေးကြောကျဉ်းရောဂါကို ကာကွယ်ပေးနိုင်ခြင်း၊ ကိုယ်အလေးချိန်ကို လျော့ချပေးနိုင်ခြင်း စသည့်ကျန်းမာရေးအကျိုးကျေးဇူးများ ရရှိနိုင်ပါသည်။ အရသာ၊ လက်ဖက်ခြောက် အရောင်အသွေးနှင့် ရောင်းဈေးတို့မှာလည်း အဆင့်ဆင့်ကွာခြား သွားသည်။ လက်ဖက်စိမ်း(Green Tea) တစ်ပိဿာလျှင် (၂၈၀၀၀) ကျပ်မှ (၃၀၀၀၀) ကျပ် အထိရှိကြောင်း သိရှိရပါသည်။

DOCA(ရှမ်း)

          ပြောင်းဖူးကို ရာသီမရွေးစိုက်ပျိုးကြပြီး မြန်မာနိုင်ငံအလယ်ပိုင်းတွင် အများဆုံးစိုက်ပျိုးကြ ပါသည်။ပြောင်းဖူးကိုလူမျိုးဘာသာမျိုး စားသုံးရန်သာမက တိရိစ္ဆာန်အစားအစာအတွက် အလွန် အသုံးဝင်ပါသည်။ ပြောင်းဖူးသည် ပြည်ပဝင်ငွေအများဆုံးရရှိသည့် သီးနှံမျိုးဖြစ်ပြီး လူတိုင်း ကြိုက်နှစ်သက်သော သီးနှံတစ်မျိုးလည်း ဖြစ်ပါသည်။ ပြောင်းဖူးကို သကြားပြောင်း၊ ထောပတ် ပြောင်းဟူ၍ နှစ်မျိုးရှိပါသည်။

          မြိတ်မြို့တွင် ပြောင်းဖူးစိုက်သူနည်းပါးသဖြင့် အခြားပြည်နယ်များမှ တင်သွင်းဝယ်ယူ ‌ရောင်းချကြပါသည်။ ယခုအခါ မြိတ်မြို့ဆိပ်ငယ်စည်ပင်သာယာဈေးနှင့် စမ်းချောင်းကုန်စိမ်းဈေး များတွင် ပြောင်းဖူးအစိမ်းတစ်လုံးလျှင် (၁၂၀၀)ကျပ်နှင့် (၁၅၀၀)ကျပ် အစားစားရှိကြောင်း ကုန်စိမ်းရောင်းချနေသူတစ်ဦးထံမှ သိရှိရပါသည်။

DOCA(တနင်္သာရီ)

            စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/ တန်စာရင်းတို့ကို အပတ်စဉ်၊ လစဉ်တင်ပြလျက်ရာ ဖေဖော်ဝါရီလ၊ စတုတ္ထအပတ်တွင်  အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ အလုပ်အမှုဆောင်အဖွဲ့ဝင်များနှင့် ဆက်သွယ်မေးမြန်းခဲ့ပါသည်။ ဇန်နဝါရီလ၊ စတုတ္ထအပတ်မှစတင်၍ ရွှေဘိုဈေးကွက်သို့ ပဲစဉ်းငုံ(ဖြူ)များ စတင်ဝင်ရောက်ခဲ့ပြီး ဖေဖော်ဝါရီလ၊ စတုတ္ထအပတ်တွင်အရောင်းအဝယ်ဖြစ်သည့် ဈေးနှုန်းမှာ ပဲစဉ်းငုံ(ဖြူ)တစ်တင်းလျှင် (၉၁၀၀ဝိ/-)ကျပ်ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၉၀၀၀)တင်း/(၂၉၄)တန်ဖြစ်ကြောင်း၊ ယခုအပတ်နှင့် ယခင်အပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲစဉ်းငုံ(ဖြူ)တစ်တင်းလျှင် (၉၀၀၀ဝိ/-)ကျပ် ပေါက်ဈေး ရှိခဲ့သဖြင့် ယခုအပတ်တွင် ယခင်အပတ်ထက် ပဲစဉ်းငုံ(ဖြူ)တစ်တင်းလျှင် (၁၀၀ဝိ/-)ကျပ် ဈေးပိုမို ရရှိခဲ့ကြောင်း၊ ဈေးအနည်းငယ်တက်လာသော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

          မွန်ပြည်နယ်သည် ကျွဲကောသီးအများအပြားထွက်ရှိသည့် ပြည်နယ်တစ်ခုဖြစ်ရာ ယခင်က ကျွဲကောသီးများကို ပြည်နယ်အတွင်းနှင့် တိုင်းဒေသကြီး/ပြည်နယ်အသီးသီးသို့ အလုံးလိုက် တင်ပို့ရောင်းချပြီး ယခုအခါ တန်ဖိုးမြှင့်ထုတ်ကုန်ဖြစ်သည့် ကျွဲကောဝိုင်ထုတ်လာသည်ကို တွေ့ရှိရသည်။

            ကျွဲကောသီး၏ တန်ဖိုးမြှင့်ထုတ်ကုန်တစ်ခုဖြစ်သော “Matcher” ကျွဲကောဝိုင်သည် အချိန်တိုကာလအတွင်း ဈေးကွက်အတွင်းသို့ရောက်ရှိလာသည်ကို တွေ့ရသည်။ “Matcher” ကျွဲကောဝိုင်ကို ၂၀၂၄ ခုနှစ်တွင် စတင်တည်ထောင်ခဲ့ပြီး ကျွဲကောဝိုင်များကို စမ်းသပ်ထုတ်လုပ်ရာ ၂၀၂၄ ခုနှစ်ကုန်ခန့်တွင် ဈေးကွက်အတွင်းသို့ ရောက်ရှိလာပြီး အရောင်း အဝယ်သွက်လျှက်ရှိကြောင်း သိရှိရသည်။ လတ်တလောတွင် 375 ml တစ်မျိုးတည်းကိုသာ ထုတ်လုပ်ပြီး ပုလင်းရေ (၁၀၀၀) စမ်းသပ်ထုတ်လုပ်၍ ဈေးကွက်တင်ပို့ပြီး 375 ml ဝိုင်တစ်ပုလင်းလျှင် ၁၅၀၀၀ ကျပ်ဖြင့်ရောင်းချရာ ထုတ်လုပ်နိုင်မှုထက် ကုန်အမှာစာများက ပိုမိုရရှိကြောင်း “Matcher” ကျွဲကောဝိုင်ထုတ်လုပ်သူ ဒေါ်သူဇာလိုင်က ပြောကြားခဲ့သည်။ ကျွဲကောဝိုင်များကို ကုန်စည်ပြပွဲများတွင် ပြသရောင်းချခဲ့ရာ ရန်ကုန်၊ မန္တလေးနှင့် မွန်ပြည်နယ် အတွင်းမှ ကုန်အမှာစာများပိုမိုရရှိလာကြောင်း၊ လာမည့်ကျွဲကောရာသီတွင် ဝိုင်များကို ပိုမို ထုတ်လုပ်ရန် စီစဉ်ဆောင်ရွက်လျှက်ရှိပြီး Citi Mart နှင့် ချိတ်ဆက်ဆောင်ရွက်ထားရှိကြောင်း၊ ပြည်ပဈေးကွက်ချိတ်ဆက်မှုအနေဖြင့် ဗီယက်နမ်နိုင်ငံနှင့် ချိတ်ဆက်ဆွေးနွေးထားကြောင်း ဒေါ်သူဇာလိုင်၏ ပြောကြားချက်အရ သိရှိရပါသည်။

DOCA(မွန်)