သရက်သီးသည် လူတိုင်းကြိုက်နှစ်သက်သောအသီးမျိုးဖြစ်ပြီး ယခုဆောင်းရာသီတွင် ရှားပါးသီးနှံဖြစ်သည့်အတွက် စားသုံးများ ခံတွင်းတွေ့ကာ အရောင်းအဝယ်ကောင်းကြောင်း သိရပါ သည်။ သရက်သီးစိမ်းကို ငါးပိရည်ကျိုနှင့်တို့စား၍သော်လည်းကောင်း၊ သုပ်စား၍သော်လည်း ကောင်းစားကြပါသည်။ ထားဝယ်မြို့စည်ပင်သာယာဈေးနှင့်ဈေးငယ်များတွင် သရက်သီးများရောင်း ချလျက်ရှိရာ ဈေးကောင်းလျက်ရှိကြောင်း သိရှိရပြီးတစ်ကီလိုလျှင်(၃၅၀၀)ကျပ်ရှိကြောင်းသိရှိရပါ သည်။
DOCA(တနင်္သာရီ)
တနင်္သာရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်နေ တောင်သူများသည် ဥယျာဉ်ခြံလုပ်ငန်းများလုပ်ကိုင်ကြရာ နှစ်ရှည်သီးနှံများနှင့် ရာသီပေါ်သီးနှံများစိုက်ပျိုးရောင်းချကြပြီး ယခုအချိန်တွင် ရာသီပေါ်သီးနှံအဖြစ် နာနတ်သီးပေါ်ချိန် ဖြစ်သည့်အတွက် တောင်သူများက နာနတ်သီးများ ခူးဆွတ်ရောင်းချရာမှ မိသားစုစားဝတ် နေရေး အတွက် တစ်ဖက်တစ်လမ်းမှ အပိုဝင်ငွေရရှိကြောင်း သရက်ချောင်းမြို့ပေါ်နေ စိုက်ပျိုး တောင်သူ များထံမှသိရှိရပါသည်။ နာနတ်သီးကို ယခုလပိုင်းများတွင် စတင်ခူးဆွတ်ပြီး ဈေးကွက် အတွင်းသို့ ရောင်းချကြပါသည်။ လက်ရှိစည်ပင်သာယာဈေးနှင့် ဈေးငယ်များတွင် နာနတ်သီး တစ်လုံးလျှင် (၃၀၀၀)ကျပ်မှ(၃၅၀၀)ကျပ်အတွင်းရှိပြီး ဈေးကောင်းလျက်ရှိကြောင်းသိရှိရ ပါသည်။
DOCA(တနင်္သာရီ)
တနင်္သာရီတိုင်းဒေသကြီး၊ ထားဝယ်မြို့ စည်ပင်သာယာဈေးကြီးအတွင်း ရောင်းချလျက် ရှိသော ကြက်ဥများမှာ ဒေသတွင်းကြက်ခြံများမှ ဇန်နဝါရီလ တတိယပတ်အတွင်း ဖြစ်ပေါ်နေသော ကြက်ဥဈေးနှုန်းမှာ အကြီးတစ်လုံးလျှင်(၅၀၀)ကျပ်၊ အလတ်တစ်လုံးလျှင်(၄၅၀)ကျပ်နှင့် အသေး တစ်လုံးလျှင်(၃၅၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်ကာလက ဖြစ်ပေါ်ခဲ့သော ဈေးနှုန်းထက် အနည်းငယ်မြင့်တက်လာကြောင်းသိရပါသည်။
ကြက်ဥများကို စားသောက်ဆိုင်များ၊ မုန့်လုပ်ငန်းများတွင် အများဆုံးအသုံးပြုကြပြီး မိသားစုထမင်းဝိုင်းအတွက် ဟင်းလျာအဖြစ် ချက်ပြုတ်ရာတွင်လည်းအသုံးပြုကြသဖြင့် အရောင်း အဝယ်သွက်လျက်ရှိကြောင်း ဈေးသည်တစ်ဦး ထံမှသိရပါသည်။
DOCA(တနင်္သာရီ)
ကော့သောင်းခရိုင်၊ စားသုံးသူရေးရာဦးစီးဌာန ကော့သောင်းခရိုင်ဦးစီးမှူးရုံးမှ ဝန်ထမ်းများ သည် စားသုံးသူရေးရာဦးစီးဌာန(ရုံးချူပ်)မှ ညွှန်ကြားလာသည့် ဘိလပ်မြေထုတ်လုပ်နေသည့်စက်ရုံများနှင့်ဘိလပ် မြေ ရောင်းချနေသည့်ဆိုင်များအား ပစ္စည်းပြတ်လပ်မှုရှိ/ မရှိ ၊ မြေပြင်လက်ကျန်အခြေအနေများ၊ စျေးနှုန်း စျေးကွက်အခြေအနေအား မြေပြင်ကွင်းဆင်းစစ်ဆေးရန်ညွှန်ကြားလာမှုအပေါ်၂၀၂၅ ခုနှစ် ဇန်နဝါရီလ ၈ ရက်နေ့ နံနက်(၉:၀၀) အချိန်တွင် ကော့သောင်းမြို့ပေါ်ရှိ ဘိလပ်မြေအရောင်းဆိုင်များအား ကွင်းဆင်းစုံစမ်း ရာတွင် မြေပြင်တွင်ပစ္စည်းပြတ်လပ်မှုမရှိပါကြောင်း၊ ပစ္စည်းများအလုံအလောက်မှုရှိပါကြောင်း သိရှိရပါ သည်။
ကွင်းဆင်းစုံစမ်းရာတွင် ဘိလပ်မြေစျေးနှုန်းမှာ ယခင်လတွင် ဘိလပ်မြေအမှတ်တံဆိပ် ထိုင်းဆင် (SCG) ၅၀ ကီလိုဂရမ် တစ်အိတ်လျှင် ၁၈၇၀၀ ကျပ်ရှိပြီး ယခုလတွင် ထိုင်းဆင် (SCG) ၅၀ ကီလိုဂရမ် တစ်အိတ်လျှင် ၁၈၈၅၀ ကျပ် ဖြစ်ပေါ်လျက်ရှိပြီး၊ ဘိလပ်မြေ အမှတ်တံဆိပ် ထိုင်းကျား (SCG) ၅၀ ကီလို ဂရမ် တစ်အိတ်လျှင် ၁၆၁၅၀ ကျပ်ရှိပြီး ယခုလတွင် ထိုင်းကျား (SCG) ၅၀ ကီလိုဂရမ် တစ်အိတ်လျှင် ၁၆၂၅၀ကျပ် ဖြစ်ပေါ်လျက်ရှိရာ ယခင်လနှင့်ယခုလနှိုင်းယှဉ်ပါက အနည်းငယ်မြှင့်တက်လျက်ရှိကြောင်းသိ ရှိရပါသည်။
DOCA(တနင်္သာရီ)
မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် (၂၀.၁.၂၀၂၅)ရက်နေ့၊ နံနက်(၁၀:၀၀)နာရီတွင် ပြည်တွင်းကုန်သွယ်မှုကဏ္ဍဖွံ့ဖြိုး တိုးတက် စေရေးအတွက် မင်းဘူးမြို့ရှိပွဲရုံများသို့ သွားရောက်၍ စီးပွားရေးလုပ်ငန်းရှင်များအား ကွင်းဆင်း နှင့်တွေ့ဆုံ၍ အသိပညာပေးဆွေးနွေးခဲ့ကြောင်း သိရသည်။
ထိုသို့ဆောင်ရွက်ရာတွင် ၂၀၂၅ခုနှစ်၊ ဇန်နဝါရီလ(တတိယပတ်)တွင် ပဲမျိုးစုံသီးနှံများ၏ ဈေးနှုန်းဈေးကွက် အခြေအနေအား မေးမြန်းခဲ့ရာ ပဲစင်းငုံ တစ်တင်းလျှင် ကျပ်(၉၂၀၀၀)၊ ပဲလွန်း တစ်တင်းလျှင် ကျပ်(၇၃၀၀၀)နှင့် မတ်ပဲတစ်တင်းလျှင် ကျပ်(၇၅၀၀၀)ဈေးနှုန်းများဖြင့် အရောင်း အဝယ်ဖြစ်ပြီး သီးနှံများအား မကွေး၊ မန္တလေးမြို့များသို့ တင်ပို့ရောင်းချပါကြောင်း၊ ပဲမျိုးစုံသီးနှံများအား မင်းဘူးမြို့အနီးရှိ ချောင်းဖြူ၊ ကံသစ်၊ ကံကုလား၊ မယ်ဘေ့ ကုန်းကျေးရွာများမှ အများဆုံး လာရောက် ရောင်းချကြကြောင်း ပွဲရုံပိုင်ရှင်တစ်ဦးထံမှ သိရှိခဲ့ရပြီး ခရိုင်ဦးစီးမှူးမှ စီးပွားရေးလုပ်ငန်းရှင်များ အနေဖြင့် တောင်သူများအပေါ် သတ်မှတ်ရည်ညွှန်း ဈေးထက်ပို၍ ဝယ်ယူခြင်း မပြုရန်နှင့် သတ်မှတ်ရည်ညွှန်းဈေး အတိုင်းသာ ဝယ်ယူကြရန် အသိပညာပေး ဆွေးနွေးပြောကြားခဲ့ကြောင်း သိရှိရပါသည်။
မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်၊ ကြီးပင်ကန်ကျေးရွာအုပ်စုရှိ ကြီးပင်ကန်ကျေးရွာသည် စပါးနှင့်ပဲမျိုးစုံစိုက်ပျိုးလျက်ရှိရာ တောင်သူများမှ ပဲစဉ်းငုံနီစိုက်ဧက (၅)ဧကခန့်အား သီးညှပ်အဖြစ် ၂၀၂၄ခုနှစ်၊ ဇူလိုင်လတွင် စိုက်ပျိုးခဲ့ကြောင်း သိရသည်။
မျိုးအနေဖြင့် ယခင်နှစ် ပဲစဉ်းငုံနီစိုက်ခင်းမှ ထွက်ရှိသည့်ပဲစေ့များကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ကြောင်း၊ (၁)ဧကလျှင် မျိုး(၂)ပြည်နှုန်းကုန်ကျပြီး ထွန်ကြောင်းဆွဲအစေ့ချစနစ် ဖြင့်စိုက်ပျိုးကြောင်း၊ ၂၀၂၄ခုနှစ်၊ ဒီဇင်ဘာ(စတုတ္ထပတ်)တွင် စတင်ရိတ်သိမ်းကာ အထွက်နှုန်း အနေ ဖြင့် (၁)ဧကလျှင် (၇)တင်းခန့် ထွက်ရှိကြောင်း၊ ကုန်ကျစရိတ်အနေဖြင့် ကျပ်(၃)သိန်းခန့် ကုန်ကျပြီး ၂၀၂၅ခုနှစ်၊ ဇန်နဝါရီလ(ဒုတိယပတ်)တွင် ပဲစဉ်းငုံတစ်တင်းလျှင် ကျပ်(၉၁၀၀၀)ဖြင့် ရောင်းချရပြီး အကျိုးအမြတ်အနေဖြင့် ကျပ်(၃)သိန်းကျော်ရရှိကြောင်း၊ ဈေးနှုန်းဈေးကွက် အနေဖြင့် ထွက်ရှိသည့် ပဲစင်းငုံနီများကို မင်းဘူးမြို့ပေါ်ပွဲရုံများသို့ တင်ပို့ရောင်းချကြောင်း၊ ယခု၂၀၂၅ခုနှစ်၊ ဇန်နဝါရီလ(စတုတ္ထပတ်)တွင် ပဲစဉ်းငုံနီ(၁)တင်းလျှင် ကျပ်(၉၆၀၀၀)ဖြင့် အရောင်းအဝယ်ဖြစ်လျက်ရှိကြောင်း သိရသည်။
DOCA(မကွေး)
မကွေးတိုင်းဒေသကြီး၊ ဆိပ်ဖြူမြို့နယ်၊ ရွာသစ်ရပ်ကွက်ရှိ စိုက်တောင်သူများသည် နှစ်စဉ် ကိုင်း၊ ကျွန်းမြေများတွင် ကြက်သွန်နီအပြင် သီးနှံမျိုးစုံစိုက်ပျိုးလျက်ရှိရာ ယခုနှစ်တွင် ဈေးကွက်ခိုင်မာ လျက်ရှိသော ဂျပန်ပဲယင်း(နီ)ကို စိုက်ဧကမများသော်လည်း တစ်ပိုင်တစ်နိုင်စိုက်ပျိုးထားကြောင်း ဒေသခံ တောင်သူတစ်ဦးထံမှ သိရသည်။
ရွာသစ်ရပ်ကွက်တွင် ဂျပန်ပဲယင်း(နီ)စိုက်ဧက(၅)ဧကခန့် စိုက်ပျိုးထားရှိပြီး စိုက်တောင်သူမှ တစ်ဧကခန့် စိုက်ပျိုးထားရှိကြောင်း၊ စိုက်ပျိုးရာတွင် လွယ်ကူပြီး ကုန်ကျစရိတ်လည်း သက်သာကြောင်း၊ ယခင်နှစ်က စိုက်ပျိုးမှုနည်းကြောင်း၊ ယခုနှစ်တွင် နယ်မြေဒေသ ရာသီဥတု ကိုက်ညီမှုရှိခြင်းကြောင့် ပဲယင်း(နီ)ကို ကုလားပဲသီးနှံအစားထိုး၍စိုက်ပျိုးကြောင်း သိရသည်။ ဂျပန်ပဲယင်း(နီ)မျိုးများကို ၂၀၂၄ခုနှစ်၊ အောက်တိုဘာလတွင် စိုက်ပျိုးပြီး ၂၀၂၅ခုနှစ်၊ မတ်လတွင် ရိတ်သိမ်းကြောင်း၊ တစ်ဧက လျှင် ပဲယင်း(နီ) (၃)ပြည်ခန့်ကုန်ကျပြီး မျိုးစေ့တစ်ပြည်လျှင် ကျပ်(၇၅၀၀)ဈေးဖြင့် ဝယ်ယူရကြောင်း၊ စိုက်ပျိုးရာတွင် လွယ်ကူပြီး အလုပ်သမားငှားရမ်းမှုနည်းခြင်း၊ သွင်းအားစုသုံးစွဲမှုနှင့် ပိုးသတ်ဆေး ဖျန်းခြင်းများမပြုလုပ်ရခြင်းကြောင့် ကုန်ကျစရိတ်နည်းကြောင်း သိရသည်။
ယခင်နှစ် ပဲယင်း(နီ)တစ်ဧက အထွက်နှုန်းမှာ တင်း(၃၀)မှ (၄၀)ထိ ထွက်ရှိကြောင်း၊ တစ်တင်း လျှင် ဒေသပေါက်ဈေး ကျပ်(၇)သောင်းဈေးဖြင့် ရောင်းချရ၍ ကျပ်(၂၁)သိန်းခန့် ဝင်ငွေရရှိပြီး ကုန်ကျ စရိတ် ကျပ်(၃)သိန်းခန့် ကုန်ကျ၍ အကျိုးအမြတ်အနေဖြင့် ကျပ်(၁၈)သိန်းခန့် ရရှိခဲ့ကြောင်း၊ ဈေးကွက် အနေဖြင့် စိုက်ခင်းထွက်သီးနှံများကိုချောက်မြို့ အေဝမ်းပွဲရုံသို့ရောင်းချပြီး ထိုမှတဆင့် ဒေသတွင်း ဖြန့်ဖြူးမှုအပြင် ရန်ကုန်မန္တလေးပဲဈေးကွက်မှ ပြည်ပတရုတ်နိုင်ငံသို့ တင်ပို့ကြောင်း၊ ပဲယင်းနီသီးနှံကို ပြည်တွင်းသုံးစွဲမှု နည်းကြောင်း၊ ယခုနှစ် စိုက်ပျိုးရာသီချိန်တွင် ရာသီဥတုကောင်းမွန်၍ ပဲယင်း(နီ) စိုက်ခင်းများ အောင်မြင်ဖြစ်ထွန်းလျက်ရှိကြောင်း၊ မတ်လဆန်းပိုင်တွင် သီးနှံ များ ရိတ်သိမ်းမည်ဖြစ် ကြောင်း၊ ယခုသီးနှံဈေးကွက်တွင် ပဲယင်း(နီ) တစ်တင်းလျှင် ကျပ်(၉၀၀၀၀)ဈေးဖြင့် အရောင်း အဝယ်ဖြစ်နေကြောင်း စိုက်တောင်သူများအနေဖြင့် ယခုနှစ်သီးနှံပေါ်ချိန်တွင် အထွက်နှုန်းကောင်းပြီး ဈေးကောင်းရရှိပါက အကျိုးအမြတ်များစွာရရှိမည်ဖြစ်ကြောင်း သိရှိရပါသည်။
DOCA(မကွေး)
ချင်း(ဂျင်း)သည် အိမ်ရှင်မများအတွက် မပါမဖြစ်အသုံးဝင်သော စားဖိုဆောင်သီးနှံတစ်မျိုးဖြစ် သည်။ လူအများစုက ဟင်းခတ်အမွှေးအကြိုင်အဖြစ် အသားဟင်းများချက်ပြုတ်ရာတွင် အသုံးပြုခြင်း၊ ချင်းပေါက်များကို သုပ်၍စားသုံးခြင်းဖြင့် အသုံးပြုမှုများကြပါသည်။ မကွေးတိုင်းဒေသကြီး၊ ပခုက္ကူခရိုင် သည် ချင်းထွက်ရှိမှုမရှိ၍ ရှမ်းပြည်နယ်၊ အောင်ပန်းမြို့မှထွက်ရှိသော ချင်းများမှာ ပခုက္ကူဈေးကွက်သို့ ဝင်ရောက်အရောင်းအဝယ်ဖြစ်လျက်ရှိပါသည်။
ချင်း(ဂျင်း)ဈေးကွက်အနေဖြင့် ၂၀၂၅ခုနှစ်၊ ဇန်နဝါရီလ(ပထမပတ်)မှစ၍ ချင်းဈေးနှုန်းများ ကျဆင်းခဲ့ပါသည်။ (တတိယပတ်)တွင် ချင်းတက်တစ်ပိဿာလျှင် ကျပ်(၄၀၀၀)၊ ချင်းပေါက် တစ်ပိဿာ လျှင် ကျပ်(၅၀၀၀)၊ ယခင်(ပထမပတ်)တွင် ချင်းတက်တစ်ပိဿာလျှင် ကျပ်(၅၀၀၀)၊ ချင်းပေါက် တစ်ပိဿာလျှင် ကျပ်(၆၀၀၀)ဖြစ်၍ တစ်လအတွင်း ချင်းတစ်ပိဿာလျှင် ကျပ်(၁၀၀၀)ခန့် ဈေးကျ ဆင်းပြီး အရောင်းအဝယ်ဖြစ်ခဲ့ကြောင်း သိရသည်။ ပခုက္ကူဈေးကွက်၌ ယခုဆောင်းရာသီကာလဖြစ်၍ ချင်းစားသုံးမှုများခြင်းကြောင့် အရောင်းအဝယ်သွက်ပြီး တစ်ရက်လျှင် ချင်းပိဿာ(၁၀၀)ခန့် အရောင်း အဝယ်ဖြစ်ကြောင်း ဈေးကွက်မှသိရှိရပါသည်။
DOCA(မကွေး)
မကွေးတိုင်းဒေသကြီး၊ ပခုက္ကူကုန်စည်ဒိုင်တွင် ပဲစဉ်းငုံနီ၊ ကုလားပဲအမျိုးမျိုး၊ ပဲတီစိမ်း၊ မတ်ပဲ၊ ပဲဇီးကွက်၊ ပဲလွန်းပြာ ပဲယင်းဝါနှင့် နှမ်းမျိုးစုံ အရောင်းအဝယ်ဖြစ်လျက်ရှိပါသည်။ ပဲစဉ်းငုံနီကို ပခုက္ကူမြို့နယ်အတွင်းရှိ ကျေးရွာများတွင် ပဲစဉ်းငုံနီကို သီးညှပ်အဖြစ် စိုက်ပျိုးကြပြီး သက်ကြီး၊ သက်လတ်မျိုးများကို အများဆုံးစိုက်ပျိုးကြသည်။ ယခုတစ်ပတ်တွင် ပဲစဉ်းငုံနီ(သစ်)များ စတင် ဝင်ရောက်နေပြီး ဈေးနှုန်းများမှာလည်း ယခင်တစ်ပတ်ထက် ဈေးနှုန်းများ ကျဆင်းလျက်ရှိကြောင်း သိရသည်။
၂၀၂၅ခုနှစ်၊ ဇန်နဝါရီလ(ပထမပတ်)တွင် ပခုက္ကူကုန်စည်ဒိုင်၌ အရောင်းအဝယ်ဖြစ်ခဲ့သော ပဲစဉ်းငုံနီဈေးနှုန်းမှာ တစ်တင်းလျှင် ကျပ်(၉၆၀၀၀)၊ (ဒုတိယပတ်)တွင် ကျပ်(၉၄၂၀၀)၊ (တတိယပတ်) တွင် ကျပ်(၉၁၀၀၀)ဖြစ်ပြီး (ပထမပတ်)နှင့် (တတိယပတ်)နှိုင်းယှဉ်ပါက တစ်တင်းလျှင် ကျပ်(၅၀၀၀) ခန့် ကျဆင်းနေကြောင်း၊ အရောင်းအဝယ်ဖြစ်မှုမှာ နေ့စဉ်အိတ်ရေ(၃၀၀ မှ ၁၂၀၀ ထိ) ဖြစ်လျက်ရှိပြီး တင်ပို့မှုအနေဖြင့် ရန်ကုန်ရွှေပြည်သာသို့ အိတ်ရေ(၂၇၀၀)ခန့် တင်ပို့လျက်ရှိကြောင်း ကုန်လမ်းပို့ဆောင် ရေးနှင့်ကုန်စည်ဒိုင်မှ သိရှိရပါသည်။
DOCA(မကွေး)
မကွေးတိုင်းဒေကြီး၊ ပခုက္ကူကုန်စည်ဒိုင်၌ ပဲစဉ်းငုံနီ၊ ကုလားပဲအမျိုးမျိုး၊ ပဲတီစိမ်း၊ မတ်ပဲ၊ ပဲဇီးကွက်၊ ပဲလွန်းပြာ ပဲယင်းဝါနှင့် နှမ်းမျိုးစုံ အရောင်းအဝယ်ဖြစ်လျက်ရှိရာ ၂၀၂၅ခုနှစ်၊ ဇန်နဝါရီလ (တတိယပတ်)တွင် ယောပဲယင်းဝါများ စတင်ဝင်ရောက် အရောင်းအဝယ်ဖြစ်လျက်ရှိပါသည်။ ယောပဲယင်းဝါများကို ဂန့်ဂေါခရိုင်အတွင်းရှိ ကျေးရွာများဖြစ်သော မောက်လင်း၊ မြောက်ခရမ်း၊ တောင်ခရမ်း၊ ကျွဲနမ်း၊ မြင်းစာနှင့် မောက် စသည့်ကျေးရွာများတွင် ပဲယင်းဝါများကို စီးပွားဖြစ်စိုက်ပျိုး ထုတ်လုပ်လျက်ရှိပါသည်။ ပခုက္ကူကုန်စည်ဒိုင်သည် ပခုက္ကူမြို့၏ စီးပွားရေးအချက်အချာကျသော နေရာဒေသတစ်ခုလည်းဖြစ်ပါသည်။
ပဲယင်းဝါ(ယော)များကို ကုန်စည်ဒိုင်တွင်သာမက မြို့ပေါ်ပွဲရုံများတွင်လည်း ကုန်စည်ဒိုင်ပြတ် ဈေးဖြင့် အရောင်းအဝယ်ဖြစ်လျက်ရှိပါသည်။ ၂၀၂၅ခုနှစ်၊ ဇန်နဝါရီလ(တတိယပတ်)တွင် ကုန်စည်ဒိုင်၌ အရောင်း အဝယ်ဖြစ်ခဲ့သော ပဲယင်းဝါဈေးနှုန်းမှာ တစ်တင်းလျှင် ကျပ်(၇၀၀၀၀)ဖြင့် အိတ်ရေ(၁၀၀၀)ခန့် အရောင်းအဝယ်ဖြစ်လျက်ရှိ တင်ပို့မှုအနေဖြင့် အိတ်ရေ(၁၅၀၀)ကျော် ရန်ကုန်တိုင်းဒေသကြီးသို့ တင်ပို့ လျက်ရှိကြောင်း ကုန်လမ်းပို့ဆောင်ရေးနှင့် ကုန်စည်ဒိုင်မှ သိရှိရသည်။
DOCA(မကွေး)
