ပြည်တွင်းကုန်သွယ်မှုသတင်း

           မြင်းခြံမြို့နယ်ရှိ အေးမြသီတာဈေး၌ ကုန်စိမ်းသီးနှံမျိုးစုံနှင့် ဟင်းသီးဟင်းရွက်များ ရောင်းဝယ်လျက်ရှိသည့်အနက် ပဲတောင့်ရှည်သီးများကိုလည်း ရောင်းချလျက်ရှိကြောင်း၊ ၂၀၂၅ခုနှစ် ဒီဇင်ဘာလ၌ ပဲတောင့်ရှည် တစ်ပိဿာလျှင် (၅၈၀၀)ကျပ်၊ (၂၅)ကျပ်သားလျှင် (၁၅၀၀) ကျပ်ခန့် ပေါက်ဈေးများဖြင့် အရောင်းအဝယ် ဖြစ်လျက်ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် ပဲတောင့်ရှည်တစ်ပိဿာလျှင် (၁၀၀၀) ကျပ်၊ (၂၅)ကျပ်သားလျှင် (၂၀၀)ကျပ်ခန့် ဈေးနှုန်းများ မြင့်တက်ခဲ့ကြောင်း၊ ထိုသို့ဈေးနှုန်းမြင့် တက်ခဲ့ခြင်းမှာ ‌ဒေသအတွင်း၌ စိုက်ပျိုးထားရှိသော ပဲတောင့်ရှည်များ ရာသီချိန်ကုန်ဆုံးခါနီးပြီဖြစ်၍ အထွက်နှုန်းကျဆင်းလာခြင်း၊ ဈေးကွက်လိုအပ်ချက်အရ လိုအပ်သောပဲတောင့်ရှည်များကို ပုပ္ပါးမြို့နှင့် အောင်ပန်းမြို့တို့မှ တင်သွင်းရောင်းချကြောင်း၊ ရာသီစာပဲတောင့်ရှည်များကို ဆီချက်၊ မြေပဲထောင်းဖြင့် သုပ်စားခြင်း၊ အသားမျိုး စုံဖြင့် ချက်စားခြင်း၊ ငပိရည်အတို့အမြှုပ်တို့ဖြင့်လည်းတွဲဖက်စားသုံးကြကြောင်း၊ဈေးကွက်၌ စားသုံးမှုများပြားပြီး ဝယ်လိုအားများပြား၍  အရောင်းအဝယ်ကောင်းကြောင်း ကုန်စိမ်းပွဲရုံများမှ သိရှိပါရသည်။

DOCA(မန္တ‌လေး)

        မြင်းခြံမြို့နယ်အတွင်းရှိ နဘူးအိုင်ကျေးရွာ၊ တလုပ်ကျေးရွာနှင့် လေးအိမ်တန်းကျေးရွာများတွင် သံပုယိုသီးများကို စီးပွားဖြစ်စိုက်ပျိုးထားကြောင်း၊ အပင်ပြုစုပြီး ရေသွင်းစိုက်ပျိုးပါ၍ မြေဩဇာကျွေးပါက နှစ်ပါတ်လည် အသီးထွက်အားကောင်းကြောင်း၊ စိုက်ခင်းများမှထွက်ရှိသော သံပုရာသီးများကို တောင်သူများကိုယ်တိုင် ‌အေးမြသီတာဈေးနှင့် စံပြဈေးများသို့ လာရောက်ရောင်းချကြောင်း၊ ၂၀၂၅ခုနှစ်၊ ဒီဇင်ဘာလ၌ သံပုယိုသီးကြီးစတစ်ပိဿာလျှင် (၂၅၀၀)ကျပ်၊ အလတ်စတစ်ပိဿာလျှင် (၂၀၀၀)ကျပ်၊ အသေးစတစ်ပိဿာလျှင် (၁၅၀၀)ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်လနှင့်နှိုင်းယှဉ်ပါက ယခုလတွင် သံပုယိုသီးအစစုံ တစ်ပိဿာလျှင် (၁၅၀၀)ကျပ်ခန့် ဈေးနှုန်းများ ကျဆင်းလျက်ရှိကြောင်း၊ ဒေသတွင်း သံပုယိုသီးများထွက်ပေါ်ချိန်ဖြစ်၍ အသီးအထွက်နှုန်း ကောင်းသောကြောင့် သံပုယိုသီးဈေးနှုန်း ကျဆင်းလာခြင်းဖြစ်ကြောင်း၊ သုံးစွဲသူများသောကြောင့် မိသားစုစားဝတ်နေရေး အဆင်ပြေကြောင်း သံပုယိုစိုက်ဝောာင်သူ၏ ပြောပြချက်အရ သိရှိရပါသည်။

DOCA(မန္တလေး)

     မန်ကျည်းသီးသည် အပူပိုင်းဒေသများများဖြစ်သည့် မြန်မာနိုင်ငံအလယ်ပိုင်းတွင် များစွာ ပေါက်ရောက်ကြပါသည်။ သစ်မာပင်အမျိုးအစာြဖစ်ပြီး အသီးမှာအမျှင်ဓါတ်ကြွယ်ဝသောကြောင့် ကျန်းမာရေးအတွက် များစွာအထောက်အကူပြုသည့် သီးနှံတစ်မျိုးဖြစ်ပါသည်။ တနင်္သာရီတိုင်း ဒေသကြီး၊ ထားဝယ်မြို့၊ ကမ်းနားပျံကျစျေး၊ စည်ပင်သာယာစျေးနှင့်ရပ်ကွက်ကုန်စုံဆိုင်များတွင် ဒေသထွက် အသီးအရွက်များဖြစ်သည့် မန်ကျည်းသီးအစိမ်းနှင့် အမှည့်များရောင်းချလျက်ရှိကြောင်း သိရှိရပါ သည်။

      ယခု ဒီဇင်ဘာလ ဒုတိယပတ်တွင် ထားဝယ်မြို့ကမ်းနားပျံကျစျေးတွင် ရောင်းချနေသော မန်ကျည်းသီးအစိမ်းစျေးနှုူန်းမှာ နို့ဆီဗူး(၁)ဗူးလျှင် (၂၀၀၀)ကျပ်ဖြင့်လည်းကောင်း၊ မန်ကျည်းသီး အမှည့်အစေ့လွတ်(၁)ပိဿာလျှင် (၁၁၀၀၀)ကျပ်ဖြင့် ရောင်းချနေကြောင်း သိရှိရပါသည်။

DOCA(တနင်္သာရီ)

   စားဖိုဆောင်သုံးသီးနှံတစ်မျိုးဖြစ်သည့် ခရမ်းချဉ်သီးသည် ပူနွေးသောရာသီတုဥကို ကြိုက်နှစ် သက်သည့်အတွက် မြန်မာနိုင်ငံအထက်ပိုင်းတွင် အနှံ့အပြားစိုက်ပျိုးကြသလို အိမ်ရှင်မများအတွက် အလွန်အသုံးဝင်သည့် သီးနှံဖြစ်ပါသည်။ မြန်မာဟင်းအမျိုးမျိုးချက်ပြုတ်ရာတွင်လည်း အလွန်အသုံး ဝင်သည့် သီးနှံဖြစ်သည့်အတွက် ချတ်ပြုတ်၍ဖြစ်စေ၊ အစိမ်းလိုက်ဖြစ်စေ အလွယ်တကူ စားသုံးနိုင် သည့် သီးနှံဖြစ်ပါသည်။ ခရမ်းချဉ်သီးများကိုထားဝယ်မြို့ ကျေးရွာများရှိ ခြံမြေများနှင့် လယ်ယာမြေ များတွင် စီးပွားဖြစ် ဟင်းသီးဟင်းရွက်အဖြစ် တစ်နိုင်တစ်ပိုင်စိုက်ပျိုးကြပြီး ရန်ကုန်၊ မန္တလေးပွဲရုံ များမှ ကားလမ်းဖြင့်ဝင်ရောက်လျက်ရှိရာ ရောင်းချသူများအနေဖြင့် ထားဝယ်မြို့ရှိ ကမ်းနားပျံကျ စျေး၊ ညနေစျေးများတွင် သယ်ယူရောင်းချကြပြီး ယခုဒီဇင်ဘာလ ဒုတိယပတ်တွင် တစ်ပိဿာလျှင် ကျပ်(၆၀၀၀)ဈေးနှုန်းဖြင့် ရောင်းချကြကြောင်း စျေးသည်များထံမှ သိရှိရပါသည်။

DOCA(တနင်္သာရီ)

        ဂေါ်ရခါးသီးသည် ရှမ်းပြည်နယ်တွင် အများဆုံး စိုက်ပျိုးကြပြီး ဂေါ်ရခါးသီးသည် ကိုယ်ခံ စွမ်းအားကိုမြှင့်တင်ပေးနိုင်ပြီး ကိုယ်ခန္ဓာအတွက်လိုအပ်သော အာဟာရနှင့်သတ္တုဓါတ်များစွာ ပါဝင် သဖြင့် ဂေါ်ရခါးသီးအား အသားနှင့်တွဲဖက် ချက်ပြုတ်စားသောက်ခြင်း၊ ကြော်စားခြင်း၊ ဟင်းချို ချက်စားခြင်း၊ သုတ်စားခြင်း၊ အတို့အမြှပ်အဖြစ်စားသုံးခြင်း၊ ကျန်းမာရေးလိုက်စားသူအချို့သည် ဂေါ်ရခါးသီးအား ဖျော်ရည်အဖြစ် ဖျော်သောက်ခြင်းများအပြင် အမျိုးမျိုးပြုလုပ်စားသုံးကြပါသည်။

          ထားဝယ်မြို့ပေါ်တွင်ဂေါ်ရခါးသီးအား ရှမ်းပြည်နယ်မှတိုက်ရိုက်ဝယ်ယူရောင်းချခြင်း၊ ရန်ကုန် ၊ မန္တလေးပွဲရုံများမှ တစ်ဆင့်ဝယ်ယူရောင်းချသည့်အပြင် ထားဝယ်မြို့အနီးရှိ  မြေအစိုဓါတ်ရှိသည့် အချို့သောကျေးရွာများတွင် ဂေါ်ရခါးသီးပင်အား စိုက်ပျိုးကြပြီး ပွင့်သီးထွက်ရှိလာသော ဂေါ်ရခါး သီး များအား အိမ်စားသုံးခြင်း၊ ကျေးရွာစျေးများတွင်ရောင်းချခြင်း၊ ထားဝယ်မြို့ပေါ်ရှိ စျေးများတွင် ရောင်း ချကြခြင်းဖြင့် ဒေသတွင်းမိသားစု ဝင်ငွေများရရှိလျက်ရှိပါသည်။ ယခုဒီဇင်ဘာလ ဒုတိယအပတ် အတွင်း ထားဝယ်မြို့ပေါ်ရှိ ကုန်စိမ်းစျေးနှင့် ကမ်းနားစျေးတို့တွင် ဂေါ်ရခါးသီးတစ်လုံးလျှင် ၅၀၀ ကျပ် ဖြင့်ရောင်းချပြီး အခြားကိုယ်ပိုင်စျေးငယ်များတွင် တစ်လုံးလျှင် ၆၀၀ ကျပ်ဖြင့် ရောင်းချလျက်ရှိ ကြောင်း အဆိုပါစျေးများရှိ ကုန်စိမ်းသည်များထံမှ သိရှိရပါသည်။

DOCA(တနင်္သာရီ)