မကွေးတိုင်းဒေသကြီး၊ ပခုက္ကူခရိုင်၊ ပခုက္ကူဈေးကွက်သို့ မြေပဲ၊ နှမ်းနှင့်ပဲမျိုးစုံသီးနှံများ နေ့စဉ်ဝင်ရောက်အရောင်းအဝယ်ဖြစ်လျက်ရှိပြီး ပဲလွန်းပြာသီးနှံမှာ ၂၀၂၅ခုနှစ်၊ ဇန်နဝါရီလ(တတိယပတ်) မှစ၍ ဈေးကွက်သို့ ဝင်ရောက် အရောင်းအဝယ်ဖြစ်လျက်ရှိသည်။ စိုက်ပျိုးမှုအနေဖြင့် ပဲလွန်းသီးနှံကို မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူကျွန်းဒေသများ ဖြစ်သည့် မြစ်ခြေ၊ ကမ္မ၊ ကျွန်းရွာများနှင့် နီးစပ်ရာကျေးရွာများအပြင် မြိုင်၊ ရေစကြို၊ ပေါက်၊ ဆိပ်ဖြူမြို့နယ်နှင့် ယောနယ် ဒေသများတွင် အများဆုံးစိုက်ပျိုးပြီး စိုက်ဧက(၂၅၀၀၀)ဝန်းကျင်ခန့် စိုက်ပျိုးကြောင်း သိရသည်။

             ဈေးနှုန်းအနေဖြင့် သီးနှံပေါ်စတစ်တင်းလျှင် ကျပ်(၆၅၀၀၀) ဈေးဖြင့် အရောင်းအဝယ်ဖြစ် ကြောင်း၊ ၂၀၂၅ခုနှစ်၊ မတ်လ(ပထမပတ်)အစောပိုင်းတွင် ပဲလွန်းပြာတစ်တင်းလျှင် ကျပ်(၇၂၀၀၀) ဈေးဖြင့် အရောင်းအဝယ်ဖြစ်ကြောင်း၊ သီးနှံပေါ်စအချိန် ဇန်နဝါရီလ(တတိယပတ်)နှင့် နှိုင်းယှဉ်ပါက ပဲလွန်းပြာတစ်တင်းလျှင် ကျပ်(၇၀၀၀)ခန့်ဈေးတက်ပြီး အရောင်းအဝယ်ဖြစ်ကြောင်း၊ ဈေးကွက်သို့ တစ်ရက်လျှင် ပဲလွန်းပြာပိဿာ (၃၀)ဝင်အိတ်(၅၀၀ မှ ၇၀၀)ထိ ဝင်ရောက်ကြောင်း၊ ပဲလွန်းပြာ သီးနှံသည် ကျန်းမာရေးနှင့်ညီညွတ်ပြီး ပြည်တွင်း စားသုံးမှုအနေဖြင့် မြန်မာ့ရိုးရာမုန့်မျိုးစုံတွင် ထည့်သွင်း အသုံးပြုမှုများ၍ ပြည်တွင်းစားသုံးမှုများသော သီးနှံတစ်မျိုးဖြစ်၍ ဈေးကွက်သို့ ကုန်ဝင်သလောက် အရောင်းအဝယ်ဖြစ်ကြောင်း သိရသည်။

          ဈေးကွက်အနေဖြင့် ပခုက္ကူဈေးကွက်သို့ ဝင်ရောက်လာသည့် ပဲလွန်းပြာသီးနှံများကို ပခုက္ကူပွဲရုံ များမှတစ်ဆင့် ဒေသတွင်းဖြန့်ဖြူးမှုအပြင် ရန်ကုန်၊ မန္တလေးဈေးကွက်သို့ တင်ပို့လျက်ရှိကြောင်း သီးနှံ ဈေးကွက်မှ သိရှိရပါသည်။

DOCA(မကွေး)         

            မကွေးတိုင်းဒေသကြီး၊ ပခုက္ကူမြို့ သီးနှံမျိုးစုံရောင်းဝယ်ရေးဈေးကွက်တွင် နှမ်းသီးနှံများ နေ့စဉ် အရောင်းအဝယ်ဖြစ်လျက်ရှိရာ ၂၀၂၅ခုနှစ်၊ ဖေဖော်ဝါရီလ(စတုတ္ထပတ်)တွင် နှမ်းနက်(စမုန်)များ ပြည်ပ အဝယ်လိုက်၍ ဈေးတက်ပြီး အရောင်းအဝယ်ဖြစ်လျက်ရှိပါသည်။ ဈေးကွက်သို့ နှမ်းသီးနှံစိုက်ပျိုးမှု များသော ပခုက္ကူ၊ မြိုင်၊ ပေါက်၊ ရေစကြို၊ ယောနယ်ဒေသများနှင့် အခြားမြို့နယ်များဖြစ်သည့် မန္တလေး၊ စစ်ကိုင်းဒေသကြီးအတွင်းရှိ မြို့နယ်များမှထွက်ရှိသော နှမ်းသီးနှံများ နေ့စဉ် အရောင်းအဝယ်ဖြစ် လျက်ရှိကြောင်း၊ ဖေဖော်ဝါရီ(စတုတ္ထပတ်)တွင် နှမ်းရာသီပေါ်ချိန်မဟုတ်၍ ဈေးကွက်သို့ ကုန်ဝင် ရောက်မှုနည်းပြီး သီးနှံအဟောင်းများသာ အရောင်းအဝယ်ဖြစ်ကြောင်း၊ မြိုင်မြို့နယ်ဒေသထွက် နှမ်းနက် (စမုန်) ကုန်ချိန်အများဆုံးဝင်ရောက်ကြောင်း၊ တစ်ရက်လျှင် ပိဿာ(၃၀)ဝင်အိတ်(၂၀၀ - ၃၀၀)ခန့် အရောင်းအဝယ်ဖြစ်ကြောင်း၊ ပြည်တွင်းသုံးစွဲမှုအပြင် ပြည်ပအဝယ်လိုက်၍ ကုန်ဝင်သလောက် အရောင်း အဝယ်ဖြစ်နေကြောင်း ဈေးကွက်မှ သိရသည်။

          ဈေးနှုန်းအနေဖြင့် ၂၀၂၅ခုနှစ်၊ ဖေဖော်ဝါရီလ(စတုတ္ထပတ်)တွင် နှမ်းအမျိုးအစားနှင့် အရည် အသွေးလိုက်၍ နှမ်းနက်(စမုန်)တစ်တင်းလျှင် ကျပ်(၂၄၅၀၀၀-၂၁၀၀၀၀)၊ နှမ်းဖြူတစ်တင်းလျှင် ကျပ် (၁၂၄၀၀၀-၁၁၉၀၀၀-၁၀၈၀၀၀)၊ နှမ်းဝါတစ်တင်းလျှင် ကျပ်(၁၀၅၀၀၀-၁၀၃၀၀၀-၁၀၀၀၀၀) အရောင်း အဝယ်ဖြစ်ပြီး ဖေဖော်ဝါရီလ(ပထမပတ်)တွင် နှမ်းဖြူတစ်တင်းလျှင် ကျပ်(၁၂၆၀၀၀-၁၂၁၀၀၀-၁၁၀၀၀၀)၊ နှမ်းဝါတစ်တင်းလျှင် ကျပ်(၁၁၁၀၀၀-၁၀၉၀၀၀-၁၀၆၀၀၀)၊ နှမ်းနက်(စမုန်) တစ်တင်းလျှင် ကျပ်(၂၃၅၀၀၀-၂၀၀၀၀၀)အရောင်းအဝယ်ဖြစ်ခဲ့ပြီး ယခင်ဖေဖော်ဝါရီ(ပထမပတ်)နှင့် ဈေးနှုန်းနှိုင်းယှဉ် ပါက တစ်လအတွင်း နှမ်းနက်(စမုန်)တစ်တင်းလျှင် ကျပ်(၁၀၀၀၀)ဈေးမြင့်တက်ခဲ့ပြီး အရောင်းအဝယ် ဖြစ်ကြောင်း၊ သီးနှံပေါ်ချိန်မဟုတ်၍ ဈေးကွက်သို့ ကုန်ဝင်ရောက်မှုနည်းကြောင်း၊ ဈေးကွက်သို့ ရောက်ရှိ သည့် နှမ်းများကို မြို့ပေါ်ရှိ ဆီစက်လုပ်ငန်းရှင်များ၊ နှမ်းလှော်လုပ်ငန်းရှင်များနှင့် အခြားစားသောက်ကုန် လုပ်ငန်းရှင်များမှ ဝယ်ယူမှုများကြောင်း၊ ရန်ကုန်၊ မန္တလေးဈေးကွက်သို့လည်း တင်ပို့လျက်ရှိကြောင်း၊ ထိုမှတစ်ဆင့် ပြည်ပတရုတ်နိုင်ငံသို့ တင်ပို့ကြောင်း၊ မြို့ပေါ်ရှိ ဆီထွက်သီးနှံရောင်းဝယ်ရေးဈေးကွက်မှ သိရှိရပါသည်။ 

DOCA(မကွေး)

             မကွေးတိုင်းဒေသကြီး၊ ပခုက္ကူမြို့နယ်တွင် ငရုတ်သီးနှံကို ကျွန်းဦး၊ ကျွန်းညို၊ ပခုက္ကူကျွန်းများနှင့် မြစ်ခြေမြို့နယ်အတွင်းရှိ နန်းတော်ရပ်ကျေးရွာအုပ်စု ကျေးရွာများတွင် စိုက်ဧက(၂၅၀၀၀)ကျော် စိုက်ပျိုးလျက်ရှိပြီး မျိုးအနေဖြင့်  ပန်းရဲ၊ မျှားနီနှင့် အစပ်သီးအမျိုးမျိုးတို့ကို စိုက်ပျိုးကြကြောင်း သိရသည်။

          ပခုက္ကူမြို့မဈေးနှင့် အမှတ်(၂)ဈေးတို့တွင် ငရုတ်သီး အစို၊ အခြောက်များ ရောင်းချလျက်ရှိ၍ ဖေဖော်ဝါရီလအတွင်း ငရုတ်သီးအစိုဈေးနှုန်းများ ကျဆင်းပြီး အရောင်းအဝယ်လည်း သွက်လျက် ရှိပါသည်။ ၂၀၂၅ခုနှစ်၊ ဖေဖော်ဝါရီလ(ပထမပတ်)တွင် ရောင်းချနေသော ငရုတ်သီးအစိုဈေးမှာ ငရုတ်သီး အမျိုး အစားအလိုက် တစ်ပိဿာလျှင် ကျပ်(၈၀၀၀-၁၀၀၀၀)ဖြစ်ပြီး ယခုမတ်လ(ပထမပတ်)တွင် ငရုတ်သီး အစိုဈေးမှာ တစ်ပိဿာလျှင် ကျပ်(၆၀၀၀-၈၀၀၀)ဖြင့် ရောင်းချနေကြောင်း၊ ယခင် ဖေဖော်ဝါရီလ (ပထမပတ်)နှင့်နှိုင်းယှဉ်ပါက တစ်ပိဿာလျှင် ကျပ်(၂၀၀၀)ခန့်ကျဆင်းနေပြီး အရောင်းအဝယ်ဖြစ်လျက် ရှိကြောင်း၊ ငရုတ်သီးခြောက်ဈေးမှာ အမျိုးအစားကိုလိုက်၍ ကျွန်းငရုတ်သီး ခြောက်တစ်ပိဿာလျှင် ကျပ်(၉၅၀၀-၁၀၀၀၀)၊ ပန်းရဲငရုတ်သီးခြောက်တစ်ပိဿာလျှင် ကျပ်(၁၀၀၀၀)၊ ကျောက်ပန်းတောင်း၊ ပုပ္ပါးမှထွက်ရှိသော ငရုတ်သီးခြောက်မှာ တစ်ပိဿာလျှင် ကျပ်(၁၁၀၀၀)၊ ငရုတ်သီးခွဲခြမ်း တစ်ပိဿာလျှင် ကျပ်(၁၅၀၀၀)၊ ငရုတ်သီးအရောင်တင်မှုန့် တစ်ပိဿာလျှင် ကျပ် (၁၂၀၀၀)ဖြင့်ရောင်းချနေပြီး တင်ပို့မှုအနေဖြင့် ရန်ကုန်၊ မန္တလေးမြို့၊ မိတ္ထီလာနယ်များသို့ တင်ပို့ လျက်ရှိကြောင်း ကုန်သည်များထံမှ သိရှိရပါသည်။

DOCA(မကွေး)

             ဧရာဝတီတိုင်းဒေသကြီး မအူပင်ခရိုင်၊ မအူပင်မြို့တွင် ငါး၊ ပုဇွန်နှင့် ရေထွက်ပစ္စည်းများ   အရောင်းသွက်လျက်ရှိကြောင်း  သိရပါသည်။     ရေထွက်ကုန်ငါးများ မွေးမြူရေး ငါးကန်များမှထွက်ရှိပြီး  မြစ်ချောင်းထွက် ငါးများလည် ဈေးကွက်အတွင်း အရောင်းအဝယ်ဖြစ်လျက်ရှိသည်။ မအူပင်တွင် ငါးမွေးမြူသူလုပ်ငန်းရှင် ၂၄၁၅ဦး ရှိကြောင်း သိရသည်။ ငါးကန်များမှ ငါးကန်ဖော်ချိန်တွင်  ငါးကန်းတစ်ကန်လျှင် ငါး ပိဿာချိန် ၁၅၀-၂၀၀ ထိထွက်ရှိကြောင်း သိရသည်။

          ဈေးကွက်အတွင်း ငါး၊ ပုစွန်ဈေးနှုန်းအနေဖြင့် ငါးမြစ်ချင်း  တစ်ပိဿာလျှင် ၁၀၀၀၀/-ကျပ်ဈေးဖြင့်၊ ငါးကြင်း ၁ပိဿာ ၁၅၀၀၀ ကျပ်ဈေးဖြင့်၊ ငါးခူ ၁ပိဿာ ၁၇၀၀၀-၁၉၀၀၀ ကျပ်ဈေး၊ ကျော့ပုစွန် ၂လက်မ အကောင်လတ် ၁ပိဿာလျှင် ၂၀၀၀၀ကျပ်ဈေး၊ မြစ်ပုစွန် အကောင်းလတ် ၁ပိဿာ ၅၀၀၀၀၊ ပုစွန်အကောင်ကြီး ၁ပိဿာ ၈၀၀၀၀ကျပ်ဈေး မြို့နယ်တွင်း အရောင်းအဝယ်ဖြစ်လျက်ရှိသည်။ ယခင်နှစ် ဈေးဖြင့် နှိုင်းယှဉ်ပါက ငါးကြင်း ၂၀၀၀ကျပ် ၊ ငါးခူ ၂၀၀၀-၄၀၀၀ကျပ် ဈေးအနည်းငယ်တက်ပြီး ကျန်သော ငါးဈေးနှုန်း တည်ငြိမ်လျက်ရှိသည်။ ယခင်နှစ်က ငါးတင်ပို့မှု ပျမ်းမျှ ပိဿာ ခုနှစ်သောင့်ခွဲခန့်တင်ပို့ခဲ့ပြီး ယခုနှစ် ငါးတင်ပို့မှု အနေဖြင့် ပျမ်းမျှပိဿာ ၁၃၀၀၀၀ခန့်တင်ပို့ခဲ့ပြီး ယခင်နှစ်ထက် ပိဿာချိန် ၅၅၀၀၀ခန့် တင်ပို့နိုင်ခဲ့ကြောင်းလေ့လာသိရှိရသည်။ မအူပင်ဒေသထွက် ငါးများကို ရန်ကုန်စံပြဈေး၊ ရွှေပိတောက်ငါးဈေးနှင့် ရန်ကုန်မြို့ရှိ ငါးဒိုင် ကြီးများသို့ ပြည်တွင်းစားသုံးရန် တင်ပို့ရောင်းချလျှက်ရှိကြောင်း ငါးဈေးကွက်လုပ်ကိုင် တင်ပို့သူထံမှ သိရှိရပါသည်။

 DOCA (ဧရာဝတီ)

               ဧရာဝတီတိုင်းဒေသကြီး၊ မအူပင်ခရိုင်၊ အခြေခံစားသောက်ဈေးကွက်သို့ ပွင့်လင်းရာသီ၌ နေ့စဉ် ငရုတ်ခြောက်ဝင်ရောက်၍ အရောင်းအဝယ်ဖြစ်လျက်ရှိရာ ၂၀၂၄ခုနှစ် နိုဝင်ဘာလ ကတည်းကစတင်၍ ဈေးကွက်အတွင်းဝင်ရောက် အရောင်းအဝယ်ဖြစ်လျက်ရှိကြောင်း၊ ငရုတ်အမှည့်စိမ်းနှင့် ငရုတ်သီးစိမ်း၊ ငရုတ်မိုးထောင်၊ အောက်ဆွဲ၊ ဗီယက်နမ် ငရုတ်အခြောက်တောင့် မျိုးများကိုသာ အများဆုံးစိုက်ပျိုးပြီး အခြားတိုင်းဒေသသို့တင်ပိုလျက်ရှိသည်။ ဗီယက်နမ်ငရုတ်အခြောက်ကို ၂၀၂၄ခုနှစ်တွင်စိုက်ပျိုးပြီး ထွက်ရှိသော ငရုတ်ခြောက်များကို ၂၀၂၅ခုနှစ် ပွင့်လင်းရာသီတွင်  အ‌ရောင်းအဝယ် နှစ်စဉ်ဖြစ်လျက်ရှိကြောင်း၊ ငရုတ်ခြောက်စတင် ဈေးကွက်ဝင်ရောက်ချိန် ဒီဇင်ဘာလ ပထမပတ်တွင် ၁ပိဿာလျှင် ငွေကျပ် ၁၀၀၀၀-၁၂၀၀၀ နှုန်းဖြင့် အရောင်းအဝယ်ဖြစ်ပြီး  တစ်ရက်လျှင် ပိဿာချိန် ၃၀ ဝင် အိတ်ရေ ၁၀၀ မှ ၃၀၀ အထိ အရောင်းအဝယ်ဖြစ်လျက်ရှိကြောင်း၊ ၂၀၂၅ခုနှစ် ဖေဖော်ဝါရီ ပထမပတ်တွင် အရောင်းအဝယ်ဖြစ်သည့် ဈေးနှုန်းများနှင့် နှိုင်းယှဉ်ပါက ဗီယက်နမ်ငရုတ်ခြောက် ၁ပိဿာ လျှင် ငွေကျပ် ၇၅၀၀-၈၅၀၀ ဖြင့် အရောင်းအဝယ်ဖြစ်ခဲ့သဖြင့် ၂၀၂၄ခုနှစ် နိုဝင်ဘာလဈေးနှုန်း ၂၀၂၅ခုနှစ် ဖေဖော်ဝါရီလ ဈေးနှိုင်းယှဉ်ပါက ငွေကျပ် ၂၅၀၀-၃၅၀၀ ခန့် ဈေးနှုန်းအနည်းငယ်ကျဆင်း၍ အရောင်းအဝယ်ဖြစ်ခဲ့ကြောင်း၊ ဈေးကွက်အနေဖြင့် ဒေသတွင်းဝယ်ယူစားသုံးမှုအပြင် ရန်ကုန်မြို့သို့  တင်ပို့လျက်ရှိကြောင်း ဈေးကွက်မှ သိရှိရပါသည်။

DOCA (ဧရာဝတီ)