ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့တွင် ငှက်ပျောပင်များကို တစ်နိင်တစ်ပိုင်အနေဖြင့် စိုက်ပျိုးလျက်ရှိပါသည်။ ငှက်ပျောပင်စိုက်ပျိုးရာတွင် မိမိတို့ပိုင်ဆိုင်သည့် ယာမြေကွက်များ (သို့မဟုတ်) အိမ်ခြံဝင်းအတွင်းရှိမြေကွက်လပ် ပတ်ချာလည်များတွင် စိုက်ပျိုးကြပြီး ငှက်ပျောစိုက်ပျိုးသည့် အမျိုးအစားများမှာ ဖီးကြမ်း(စိမ်း)၊ ဖီးကြမ်း(ငှက်ပြာ)၊ ကသည်းငှက်ပျော(ခေါ်)ရခိုင်ငှက်ပျော၊ ဝက်မလွတ်ငှက်ပျောနှင့် ဝက်မလွတ်(ဘရာဇီး)ငှက်ပျောတို့ကို အများဆုံးစိုက်ပျိုးလျက်ရှိပါသည်။

    ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ဖြစ်ပေါ်နေ‌သော ငှက်ပျောသီး ဈေးနှုန်းအနေဖြင့် ဖီးကြမ်းငှက်ပျောသီး အကြီး တစ်ဖီးလျှင်(၂၀၀၀)ကျပ်၊ ဖီးကြမ်းငှက်ပျောသီး အသေး တစ်ဖီးလျှင်(၁၅၀၀) ကျပ်၊ ဝက်မလွတ်(ဘရာဇီး)ငှက်ပျော အကြီး တဖီးလျှင်(၃၀၀၀)ကျပ်၊ ဝက်မလွတ်(ဘရာဇီး)ငှက်ပျော အသေးတဖီးလျှင်(၂၅၀၀)ကျပ်၊ ကသည်းငှက်ပျော(ခေါ်)ရခိုင် ငှက်ပျောသီး  အကြီး တစ်ဖီးလျှင် (၂၀၀၀) ကျပ်၊ ဝက်မလွတ်ငှက်ပျော ရိုးရိုး အကြီး တစ်ဖီးလျှင် (၂၅၀၀)ကျပ် နှင့် ဝက်မလွတ်ငှက်ပျော ရိုးရိုး အသေး တစ်ဖီးလျှင်(၂၀၀၀)ကျပ် ဈေးနှုန်းအသီးသီးတို့ဖြင့် ရောင်းချလျက်ရှိကြောင်း ကျွန်းလှမြို့ပေါ်ရှိ ရပ်ကွက်ဈေးများတွင် ငှက်ပျောသီး ရောင်းချသည့် ဈေးသည်ထံမှ သတင်းရရှိပါသည်။

DOCA(စစ်ကိုင်း)

    ရွှေဘိုမြို့ရှိ ဈေးများတွင် သစ်သီးဝလံများ၊ စားစရာမုန့်များကို ဈေးဆိုင်များတွင်လည်းကောင်း၊ ဆိုင်ခန်းများတွင်လည်းကောင်းရောင်းချကြသည့်အပြင် အများပြည်သူများသွားသည့် လမ်းများ၊ ကားဂိတ်များတွင် ခေါင်းရွက်ဗျက်ထိုးဈေးဗန်းများဖြင့် ရောင်းချသူများလည်းရှိကြောင်း၊ ခေါင်းရွက်ဗျက်ထိုးဈေးသည်များမှာ ပြောင်းဖူးပြုတ်၊ တညင်းသီးပြုတ်နှင့် ဖရဲသီးစိတ်များကိုလည်း ရောင်းချကြကြောင်း၊ ရောင်းချသည့်ဈေးနှုန်းများမှာ ပြောင်းဖူးပြုတ်(၁)ဖူးလျှင်(၈၀ဝိ/-)ကျပ်၊ တညင်းသီးပြုတ်(၁)လုံးလျှင်(၃၀ဝိ/-)ကျပ်နှင့် (၁)ထောင်ဖိုးဝယ်ယူလျှင်(၄)လုံး၊ ဖရဲသီးစိတ် (၁)စိတ်လျှင်(၅၀ဝိ/-)ကျပ်ဖြင့် ရောင်းချလျက်ရှိကြောင်း ခေါင်းရွက်ဗျက်ထိုးရောင်းချသည့် ဈေးသည်များမှ သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်းတွင်  ၂၀၂၅ ခုနှစ် ဇူလိုင်လ တတိယအပတ်အတွင်း  ခရမ်းချဉ်သီးများ အရောင်းသွက်လျှက်ရှိကြောင်းသိရပါသည်။  ခရမ်းချဉ်သီးသီးနှံသည် ဒေသမရွေး လွယ်ကူစွာစိုက်ပျိုးနိုင်သော သီးနှံတစ်မျိုးဖြစ်ပြီး ခရမ်းချဉ်သီးအား ဟင်းချက်ရာတွင် ဟင်းအနှစ်ရရှိရန်နှင့် အခြားသီးနှံ၊အသားများဖြင့် ရောကြော် ခြင်း စသည်ဖြင့်ပုံစံ အမျိုးမျိုးဖြင့် စားသုံးကြပါသည်။ ခရမ်းချဉ်သီး ကြိုက်နှစ်သက်သူများသည် လက်ဖက်နှင့်သော်လည်းကောင်း၊ အချို့သောသူများသည်ရေဆေး၍ အလုံးလိုက်ပင် စားသုံး တတ်ကြပါသည်။

      ယခုဇူလိုင်လ တတိယအပတ်အတွင်း ရောင်းချနေသော ခရမ်းချဉ်သီးစျေးနှုန်းမှာ တစ်ပိဿာ လျှင် (၅၆၀၀) ကျပ် ခရမ်းချဉ်သီးရောင်းချသူထံမှ သိရှိရပါသည်။

DOCA(စစ်ကိုင်း)

       မန္တလေးတိုင်းဒေသကြီး၊ မိတ္ထီလာခရိုင်အတွင်း နှမ်းသီးနှံသီးနှံများကို မေလနှင့်ဇွန်လများတွင် စတင်စိုက်ပျိုးခဲ့ရာ  ၂၀၂၅-၂၀၂၆ ဘဏ္ဍာနှစ်အတွင် ဆီထွက်သီးနှံတစ်မျိုး ဖြစ်ပါသည်။ မိုးနှမ်းသီးနှံစိုက်ပျိုးဧက စိုက်ပျိုးခဲ့ရာ ယခုဆိုလျှင် စတင်ရိတ်သိမ်း နေပြီးဖြစ် ကြောင်း၊ မိတ္ထီလာမြို့နယ် အလည်ရွာအုပ်စုရှိ ကျေးရွာများတွင် ယခုနှစ် တွင် နှမ်းသီးနှံကို အဓိကထား စိုက်ပျိုးခဲ့ကြောင်း၊ ယခုနှစ်တွင် မိုးရွာသွန်းမှု များသည့်အတွက် လယ်ကွက်များတွင် စိုက်သော နှမ်းများမှာ ပျက်စီးခဲ့ကြောင်း၊ ကုန်းကျသော ယာမြေများတွင်သာ ရေမဝပ်သည့် အတွက် နှမ်းများ အောင်မြင်ဖြစ်ထွန်းကြောင်း၊ တစ်ဧကကုန်ကျစရိတ်အနေဖြင့် (၂၅၀၀၀၀-၃၀၀၀၀၀) ခန့် ကုန်ကျကြောင်း၊ ယခုနှစ်တွင် ပျက်စီးမှုမရှိသော သီးနှံများမှာ ယခင်နှစ်များထက် အထွက်နှုန်းပိုနိုင်ကြောင်း၊ အထွက်နှုန်း (၆)တင်း မှ (၈) တင်း အထိ ထွက်ရှိနိုင် ကြောင်း၊ နှမ်းတစ်တင်းလျှင် (၈၈၀၀၀-၉၀၀၀၀) ဈေး ပေါက်ဈေးရှိသဖြင့် တစ်ဧက အကျိုးအမြတ် အနေဖြင့် (၄၀၀၀၀၀) ကျပ်ခန့် ရရှိနိုင်ကြောင်း တောင်သူများထံမှ သိရှိရပါသည်။

DOCA(မန္တလေး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် အခြေခံစားကုန်ဈေးနှုန်းများကို အပတ်စဉ်တင်ပြလျက်ရှိပါသည်။ စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့တွင် ရောင်းချသည့် ကြက်ဥ၊ ငုံးဥများကို ယခင်က ဒေသတွင်းအပြင် ကန့်ဘလူခရိုင် ဇီးကုန်းမြို့နှင့် မန္တလေးမြို့တို့မှ သယ်ယူရောင်းချကြသော်လည်း ယခုအချိန်တွင် ဒေသတွင်း ဥစားကြက်များ မွေးမြူနိုင်ခြင်းမရှိသည့်အပြင် ကန့်ဘလူခရိုင် ဇီးကုန်းမြို့မှလည်း ဝင်ရောက်မှုမရှိသဖြင့် မန္တလေးမြို့မှ အဓိကမှာယူရောင်းချကြပါသည်။ ရွှေဘိုမြို့၌ ဇူလိုင်လ၊ စတုတ္ထအပတ်တွင် ရောင်းချသည့် ကြက်ဥဈေးနှုန်းများမှာ အရွယ်အစား အကြီး၊ အသေးပေါ်မူတည်၍ တစ်လုံးလျှင် (၄၃ဝိ/-)ကျပ်၊ (၄၅ဝိ/-) ကျပ်၊ (၅၀ဝိ/-)ကျပ်နှင့် (၅၅ဝိ/-)ကျပ်ဖြင့် ရောင်းချလျက်ရှိပြီး ငုံးဥ(၂၅)လုံးလျှင်(၂၀၀ဝိ/-)ကျပ်ဖြင့် ရောင်းချကြကြောင်း၊ တစ်ခါတစ်ရံတွင် ရွှေဘို၊ မန္တလေးကားလမ်းပိတ်ခြင်းများရှိသဖြင့် လမ်းခရီတွင် အချိန်ကြန့်ကြာမှုရှိ၍ ကြက်ဥ၊ ငုံးဥ ပုတ်ခြင်းများရှိကြောင်း၊ ကြက်ဥ၊ ငုံးဥများမှာ ဒေသတွင်းစားသုံးမှုများသဖြင့် ပုံမှန်အရောင်းအဝယ်ဖြစ်လျက်ရှိကြောင်း ရောင်းချသူများထံမှ သတင်းရရှိပါသည်။

DOCA(စစ်ကိုင်း)