“ ကမ္ဗာလာသီးများလှိုင်လှိုင်ဝင်ရောက်”
ကျောက်ဆည်ခရိုင်အတွင်းရှိ အေးမြကြည်လင်ဈေးနှင့် မြို့မဈေးများသို့ ကမ္ဗာလာသီးများ လှိုင်လှိုင်ဝင်ရောက်လျက်ရှိပြီး ရှမ်းပြည်၊အောင်ပန်း၊ပင်းတယနှင့် ရွာငံရေဦးမြို့များမှ အများဆုံး ဝင်ရောက်လျက်ရှိကြောင်း၊ လိမ္မော်သီးမျိုး စိတ်အများအပြားရှိသည့်အနက် ထင်ရှားသည့် လိမ္မော်မျိုး သုံးမျိုးရှိကြောင်း ၊ ပထမတစ်မျိုးမှာ အချိုမျိုး ၊ ဒုတိယတစ်မျိုးမှာ ကမ္ဗာလာသီးခေါ် လိမ္မော်သီး အငယ်စားဖြစ်ပြီး တတိယတစ်မျိုးမှာ လိမ္မော်ယိုပြုလုပ်သည့်အခါးမျိုးတို့ဖြစ်ကြောင်း ၊ မြန်မာနိုင်ငံမှ ထွက်သော လိမ္မော်သီးများသည် အငယ်စားမျိုးဖြစ်၍ လိမ္မော်သီးနှင့် ကမ္ဗလာသီးဟူ၍ နှစ်မျိုး နှစ်စားရှိကြောင်း ၊ လိမ္မော်သီးဟု အများခေါ်နေကြတဲ့အသီးမှာ လိမ္မော်ခွံပွမျိုးဖြစ်ပြီး ကမ္ဗာလာသီးမှာ ခွံကျစ်မျိုးဖြစ်ကြောင်း၊ ကမ္ဗာလာသီးတွင် ပိုတက်ဆီယမ်၊ ဗီတာမင် C ၊ ဗီတာမင် E ၊ အမျှင်ဓာတ်နှင့် သကြားဓာတ် အာဟာများစွာပါဝင်ကြောင်း ၊ ကမ္ဗာလာသီးကို စားသုံးခြင်းဖြင့် ရောင်ရမ်းမှုကို သက်သာစေခြင်း ၊ သွေးတွင်းကိုလက်စထရောကျဆင်းစေခြင်း ၊ သွေးတွင်းသကြားဓါတ်ကို ထိန်းညှိပေးခြင်း ၊ သွေးပေါင်ချိန်ကို ထိန်းညှိပေးခြင်း ၊ အမြင်အာရုံ ကောင်းမွန်စေခြင်း ၊ ကိုယ်ခံအားစနစ်ကောင်းမွန်စေခြင်း နှင့် အစာကြေစေခြင်းစသည့် အကျိုးကျေးဇူးများစွာရှိ ကြောင်း ၊ ကမ္ဗာလာသီး အကြီးတစ်လုံးလျှင် (၈၀၀)ကျပ် ၊ အလတ် တစ်လုံးလျှင် (၅၀၀) ကျပ်၊ အသေးတစ်လုံးလျှင် (၃၀၀) ကျပ်ဖြင့် ရောင်းဝယ်လျက်ရှိကြောင်း သိရှိရပါသည်။
DOCA(မန္တလေး)
