အုတ်တွင်းမြို့နယ်တွင် ကြံတောင်သူများ ကြံခုတ်သိမ်းနေပြီ
တောင်ငူခရိုင် အုတ်တွင်းမြို့နယ်တွင် ကြံစိုက်ဧက ၁၃၉၀ ရှိရာ ယခုအခါ ခုတ်သိမ်းနေပြီ ဖြစ်ပါသည်။ အုတ်တွင်းမြို့နယ် ဗောဓိကုန်းကျေးရွာရှိ သကြားစက်သည် ကြံစိုက်တောင်သူများ ကြံစိုက်ပျိုးရာသီတွင် စိုက်ပျိုးစရိတ် ချေးငွေများ ထုတ်ပေးသကဲ့သို့ ရရှိလာသော ကြံများကိုလည်း ဝယ်ယူပေးလျှက်ရှိပါသည်။
ကြံစိုက်ပျိုးချိန်တွင် စိုက်ပျိုးစရိတ် တစ်ဧကလျှင် ၄၀၀၀၀၀ ကျပ်နှင့် ဘောင်လုံးချိန်တွင် တစ်ဧကလျှင် ၁၀၀၀၀၀ ကျပ်ဖြင့် စုစုပေါင်း ၅၀၀၀၀၀ ကျပ်ကို အတိုးမဲ့ ထုတ်ချေးပေးခဲ့ပါသည်။ ကြံများ စတင် ထွက်ရှိချိန် ဒီဇင်ဘာလက စက်ရုံစတင်လည်ပတ်ပြီး ကြံများကို စက်ရုံအရောက်ဈေး ၁၈၀၀၀၀ ကျပ်ဖြင့် ဝယ်ယူပေးလျှက်ရှိသကဲ့သို့ စက်ရုံအရောက်လာရောက်ရောင်းချရန် အခက်အခဲ ရှိပါကလည်း စိုက်ကွင်းအရောက်သွားရောက်ပြီး တစ်တန်လျှင် ၁၅၀၀၀၀ ကျပ်ဖြင့် ဝယ်ယူပေးပါ သည်။
ကြံတန်ချိန် ၇၀၀၀၀ ကြိတ်ခွဲရန် လျာထားလျှက်ရှိရာ သကြားတန်ချိန် ၇၀၀၀ ခန့် ထုတ် လုပ်နိုင်မည် ဖြစ်ပါသည်။ ဗောဓိကုန်းသကြားစက်ရုံမှ ထွက်ရှိသော သကြားများကို နှစ်စဉ် တင်ဒါ စနစ်ဖြင့် ရောင်းချလျှက်ရှိကြောင်း သိရပါသည်။
DOCA(ပဲခူး)
