ပြည်တွင်းကုန်သွယ်မှုသတင်း

  ၂၀၂၅ ခုနှစ်၊ ဒီဇင်ဘာလ ဒုထမပတ်တွင် ကရင်ပြည်နယ်၊ ဘားအံမြို့ပေါ်ဈေးများရှိ အခြေခံ စားသောက် ကုန်ငါးခြောက်အမျိုးမျိုးတို့မှာ ဈေးကောင်းရလျက်ရှိကြောင်းနှင့် ယင်းငါးခြောက် များသည် ဒေသထွက်ရှိသလို အခြားဒေသမှလည်း ဝင်ရောက်လာကြောင်း သိရသည်။

          ဘားအံမြို့ ရေပေါ်ဈေးအတွင်းရှိ ငါးခြောက်မျိုးစုံဈေးနှုန်းများမှာ ငါးရံခြောက် တစ်ပိဿာလျှင်(၁၆၀၀၀၀)ကျပ်၊ အာဗြဲခြောက်တစ်ပိဿာလျှင်(၃၅၀၀၀)ကျပ်၊ ငါးကွင်းရှပ်ခြောက် တစ်ပိဿာလျှင် (၆၀၀၀၀)ကျပ်၊ ငါးယောင်ခြောက် တစ်ပိဿာလျှင် (၄၀၀၀၀) ကျပ်၊ ငါးတံခွန်ခြောက် တစ်ပိဿာလျှင် ( ၄၀၀၀၀ )ကျပ်၊ ငနီတူခြောက် တစ်ပိဿာလျှင် (၃၀၀၀၀)ကျပ်၊ မြှီးတံရှည်ခြောက် တစ်ပိဿာလျှင်(၂၅၀၀၀)ကျပ်၊ ငါးဇင်ရိုင်းခြောက် တစ်ပိဿာလျှင်(၂၅၀၀၀)ကျပ်၊ ငါးမွေထိုးခြောက် တစ်ပိဿာလျှင်(၂၈၀၀၀)ကျပ်တို့ဖြစ် အရောင်းအဝယ်ဖြစ်နေပြီး ယခင်လငါးခြောက်ဈေးနှုန်းထက် ယခုလ ငါးခြောက်ဈေးနှုန်းအနည်းငယ်ကျနေကြောင်းနှင့် ယခုလိုကျနေရခြင်းမှာ အခြားမြို့များမှ လှိုင်လှိုင်ဝင်ရောက်လာသောကြောင့်ဖြစ်ကြောင်း ငါးခြောက်အရောင်းဆိုင်မှ သိရသည်။

DOCA(ကရင်)

  ၂၀၂၅ ခုနှစ်၊ ဒီဇင်ဘာလ ပထမပတ်တွင် ဒေသထွက် ဆောင်းသခွားများ စတင်ထွက်ရှိ၍ အရောင်းသွက်လျက်ရှိကြောင်း သိရသည်။

          သခွားသီးတွင် မိုးသခွားသီးနှင့်ဆောင်းသခွားသီးဟူ၍(၂)မျိုးရှိသည်။ ဆောင်းသခွားသီးကို အောက်တိုဘာလနှင့်နိုဝင်ဘာလများတွင် စိုက်ပျိုး၍ ဒီဇင်ဘာလနှင့်ဇန်နဝါရီလဆန်းတွင် ထွက်ရှိ၍ ဈေးကွက်အတွင်း လက်ကား/လက်လီး ဖြန့်ဖြူးရောင်းချသည်။ ဆောင်းသခွားသီးဈေးနှုန်းများမှာ လက်ကားဈေးနှုန်း တစ်ပိဿာလျှင် (၃၅၀၀) ကျပ်နှင့်လက်လီဈေးနှုန်း တစ်ပိဿာလျှင် (၅၀၀၀) ကျပ် နှုန်းတို့ဖြင့် ရောင်းချကြသည်။ ယခုနှစ်တွင် နယ်မြေဒေသ လမ်းပန်းဆက်သွယ်ရေး အခြေအနေများ ကြောင့် တစ်ဖက်ထိုင်နိုင်ငံမှ သခွားသီးဝင်ရောက်မှုမရှိသောကြောင့် ဒေသထွက်သခွားသီးများ ဈေးကောင်းရ၍ အရောင်းသွက်လျက်ရှိကြောင်း သိရသည်။

DOCA(ကရင်)

  ၂၀၂၅ ခုနှစ်၊ အောင်တိုဘာလဆန်းပိုင်းမှစ၍ ကရင်ပြည်နယ်၊ဘားအံမြို့ပေါ်ရှိဈေးများသို့ ရှမ်းပြည်နယ်၊တောင်ကြီး၊အောင်ပန်း၊ကလော စသည်တောင်ပေါ်ဒေသထွက် ထောပတ်သီးများ ဝင်ရောက်လျက်ရှိကြောင်း သိရသည်။        

   ထောပတ်သီးတွင် ဗီတာမင် k၊ ဗီတာမင် C၊ ဗီတာမင် B5၊ ဗီတာမင် B6၊  ဗီတာမင် Eတို့ အပြင် အခြား ဗီတာမင်ဓါတ်တွေလည်းများစွာပါဝင်ပါသည်။ ထောပတ်သီးစားသုံးခြင်းဖြင့် အဆီ ကျစေခြင်း၊ သွေးပေါင်ချိန်ကို ထိန်းညှိပေးခြင်း၊ ကိုယ်အလေးချိန်ကိုလျော့ချစေခြင်း၊ ဆံသားနှင့် အရေပြားကိုကျန်းမာစေခြင်း၊ဝမ်းချုပ်ခြင်းကို ကာကွယ်နိုင်ပြီး ဝမ်းမှန်စေခြင်း စသည့် အကျိုးကျေးဇူးများကိုရရှိ ပါသည်။

          ဒီဇင်ဘာလပထမပတ်၏ ထောပတ်သီးဈေးနှုန်းမှာ ဒေသသီး တစ်ကီလိုလျှင် (၅၀၀၀၊ ၆၀၀၀)ကျပ်၊ နိုင်ငံခြားမျိုး(Hass)သီး တစ်ကီလိုလျှင်(၆၀၀၀၊၈၀၀၀)ကျပ်တို့ဖြင့် အသီးသီး အရောင်း အဝယ် ဖြစ်လျက်ရှိကြောင်း သိရသည်။

DOCA(ကရင်)

        စစ်ကိုင်းတိုင်းဒေသကြီး၊ မုံရွာမြို့၊ မြသလ္လာဈေးနှင့် သံလမ်းဈေးတို့တွင် မုံရွာမြို့နယ် အတွင်းရှိ ကျေးရွာများ၊ မြို့ပေါ်ရပ်ကွက်များနှင့် ဒေသအသီးသီးမှ သံပုရာသီးများ လာရောက် ရောင်းချသည့်အတွက် ဈေးကွက်အတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

          ဒီဇင်ဘာလ ပထမပတ်တွင် မုံရွာမြို့ မြသလ္လာဈေး၊ သံလမ်းဈေးနှင့် ရပ်ကွက်ဈေးတို့၌ သံပုရာသီးဈေးနှုန်းမှာ အရွယ်အစား အကြီး/အသေး အပေါ်မူတည်၍ တစ်လုံးလျှင် (၁၀ဝိ/-) ကျပ်မှ (၁၃)လုံးလျှင် (၁၀၀၀) ကျပ်ဖြင့်လည်းကောင်း ၊ ရှောက်သီး(အသေး) (၁)လုံး လျှင် (၅၀၀)ကျပ်နှင့် (အကြီး)(၁)လုံးလျှင်(၆၀၀) ကျပ်ထိ ရောင်းချလျက်ရှိကြောင်း ကုန်စိမ်း ရောင်းသူများထံမှ သိရှိရပါသည်။

DOCA(စစ်ကိုင်း)

       ဘူးသီးပင်သည် မြန်မာနိုင်ငံ အပူပိုင်းနှင့်သမပိုင်းရာသီဥတုတွင် ကောင်းစွာဖြစ်ထွန်း သော ဟင်းသီးဟင်းရွက်အပင်မျိုးဖြစ်ပြီး နွယ်ပင်အမျိုးအစာဖြစ်ပါသည်။ ဘူးသီးပင်မှ ဘူးသီး များအပြင် ဘူးရွက်များလည်း စားသုံးနိုင်ကြပါသည်။ ဘူးပင်နှင့် ကျောက်ဖရုံသီးပင်သည် အိမ်တိုင်းနီးပါ စိုက်ပျိုးလေ့ရှိရာ စိုက်ပျိုးရလွယ်ကူပြီး အာဟာရဓာတ် ကြွယ်ဝသော အသီးအနှံ ဖြစ်သောကြောင့် နေ့စဉ်စားသင့်ကြောင်း သိရှိရသည်။

           ၂၀၂၅ ခုနှစ်၊ ဒီဇင်ဘာလ ပထမပတ်တွင် မုံရွာမြို့၊ မြသလ္လာဈေးကွက်တွင် ဘူးသီးတစ်လုံးလျှင် (၁၀၀၀-၁၈၀၀-၂၅၀၀) ကျပ် ပေါက်ဈေးများရှိပြီး အသီးလတ်ဆက်မှုနှင့် အရွယ်အစားအကြီး၊ အသေးပေါ်တွင်မူ၍ ဈေးနှုန်းများကွာခြားလျက်ရှိပြီး ကျောက်ဖရုံသီး အကြီးတစ်လုံးလျှင် (၄၄၀၀)ကျပ်၊ အလတ်တစ်လုံးလျှင် (၃၅၀၀) ကျပ်၊ အသေးတစ်လုံးလျှင် (၂၅၀၀)ကျပ်နှင့် ရောင်းချကြောင်း သိရှိရပါသည်။ စားသုံးမှုများ၍ ဈေးကွက်တွင် ရောင်းအား ကောင်းကြောင်း၊ ကုန်စိမ်းရောင်းချသူတစ်ဦး၏ ပြောပြချက်အရ သိရှိရသည်။

DOCA(စစ်ကိုင်း)