ပြည်တွင်းကုန်သွယ်မှုသတင်း

          ထောပတ်သီးများကို စီးပွားရေးအရ ရောင်းဝယ်ကြပြီး အပူပိုင်းဒေသနှင့် မြေထဲပင်လယ် ရာသီဥတုရှိသော ဒေသများတွင်စိုက်ပျိုးဖြစ်ထွန်းသည်။ ထောပတ်သီးသည် အခွံအစိမ်းရောင်ရှိပြီး အသားပေါကာ ဘဲဥပုံ သို့မဟုတ် စက်လုံးပုံရှိတတ်ကြသည်။  ထောပတ်သီးပင်များသည် အပင် တစ်ပင်ထဲမှ ဝတ်မှုန်ကူးခြင်း ဖြစ်ပွားပြီး ရံဖန်ရံခါတွင် အသီး၏အရည်အသွေးနှင့် အရေအတွက် ထွက်ရှိမှုကို ထိန်းသိမ်းရန်အတွက် ကိုင်းဆက်ကိုင်းကူးခြင်းဖြင့်လည်း အပင်မျိုးပွားခြင်းကို ပြုလုပ်ကြ သည်။ အပင်သည် ၂၀မီတာ(၆၆)အထိ ကြီးထွားပြီး သစ်ရွက်များသည် ၁၂-၂၅ စင်တီမီတာ(၄.၇-၉.၈) လက်မခန့် ရှည်လျားသည်။ ပန်းပွင့်များသည် စိမ်းဝါရောင်ရှိပြီး မသိမသာဘဲ ၅-၁၀မီလီလီတာခန့်် ကျယ်ပြန့်သည်။

          ထောပတ်သီး၏အပြင်ခွံအရောင်မှာ အညိုရောင်သို့မဟုတ် အစိမ်းရောင်ရှိပြီး အတွင်းသားများ သည်အဝါရောင်ဖျော့ဖျော့ သို့မဟုတ် အစိမ်းရောင်နုနုလေးအနှစ်လေးများ ဖြစ်ပါသည်။ ထောပတ်ပင်မှာအပင်ကြီးမျိုးဖြစ်ပြီး အသီးများသည်အခိုင်လိုက်သီးတတ်ပါသည်။ ထောပတ်သီး အရွယ်အစားမှာ အမျိုးမျိုးရှိတတ်ပါသည်။ ထောပတ်သီးပင်များသည် နှစ်ရှည်သီးနှံပင်များ ဖြစ်သောကြောင့် စတင်စိုက်ပျိုးပြီး အချိန်(၃)နှစ်ကြာမှ စတင်အသီးသီးပါသည်။ ထောပတ်သီးတွင် အမျှင်ဓာတ်များစွာပါဝင်သောကြောင့်  ဝမ်းချုပ်ခြင်းကိုလည်း ကာကွယ်နိုင်ပါသည်။ ထောပတ်သီးကို စားသုံးရန်အတွက်သာမကဘဲ အလှအပရေးရာအတွက်လည်း အသုံးပြုနိုင်ပါသည်။ ထောပတ်သီး များကို ယခုဖေဖော်ဝါရီလနောက်ဆုံးအပတ်တွင် ထောပတ်သီးအလုံးအကြီးအသေးအလိုက် (၁၀၀၀-၁၅၀၀)ကျပ်တို့ဖြင့် အသီးသီးရောင်းချလျက်ရှိကြောင်း သိရှိရပါသည်။ ထို့ကြောင့် ကျန်းမာရေး အတွက်များစွာ အထောက်အကူပြုသော ထောပတ်သီးသည် ခန္ဓာကိုယ်အတွက် ကောင်းကျိုးပြုသည့် အပြင်  အလှအပအတွက်လည်း များစွာအထောက်အကူပြုသောကြောင့် ထောပတ်သီးကို စားသုံးပေး ရန်လိုအပ်ပါသည်။

DOCA(ပဲခူး)

ရွှေဘိုမြို့ပေါ်ရှိဈေးများတွင် ရှမ်းပြည်နယ် အောင်ပန်းဒေသထွက် အာလူးများကို မန္တလေးမြို့ မှမှာယူရောင်းချကြကြောင်း၊ အာလူးဈေးနှုန်းမှာ ကျဆင်းလျက်ရှိရာ ၂၀၂၅ခုနှစ်၊ ဖေဖော်ဝါရီလ (စတုတ္တ)ပတ်တွင် အာလူးဈေးနှုန်းမှာ အရွယ်အစားပေါ်မူတည်၍ (၁)ပိဿာလျှင် (၅၀၀ဝိ/-) ကျပ် မှ (၆၀၀ဝိ/-)ကျပ်ထိ ဈေးနှုန်းဖြင့် ကျဆင်းလျက်ရှိကြောင်း သတင်းရရှိပါသည်

DOCA(စစ်ကိုင်း)

       စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်၌ မြို့ပေါ်ရပ်ကွက်များနှင့် နတ်ပေး ကျေးရွာတွင် ဘူးပင်များစိုက်ပျိုးလျက်ရှိရာ ဘူးသီးတင်မက ဘူးညွှန့်များကိုပါ ရောင်းချရသည့် အတွက် မိသားစုဝင်ငွေများရရှိကာ အဆင်ပြေလျက်ရှိကြောင်း သိရသည်။

          ဘူးညွန့်ဆိုတာက နွယ်တက်ပြီး အရွက်ကအစိမ်းရောင် ဖားဖားလေးတွေရှိပြီး အရွက်လေး တွေနဲ့ရိုးတံလေးတွေမှာ အမွေးဖြူပါးပါးလေးတွေပါကြောင်း၊ အရသာကနုညံ့ပြီး လတ်လတ် ဆတ်ဆတ်ဆိုရင် အချိုအရသာရှိကြောင်း၊ ရိုးတံလေးတွေကိုရော အရွက်လေးတွေကိုပါ သေချာလေး သန့်စင်ပြီး ပြုတ်စားတာ၊ ကြော်စားတာ၊ ချဉ်ရည်ချက်စားတာ၊ ဟင်းချိုချက်စားတာ စသည်ဖြင့် အမျိုးမျိုးစားပေးလို့ရကြောင်း၊ ကန့်ဘလူမြို့မဈေးတွင် ဘူးညွှန့်(၁)စည်းလျှင် ၃၀၀ကျပ်၊ ဘူးညွှန့်(၂) စည်းလျှင် (၅၀၀)ကျပ်ဖြင့်ရောင်းချရကြောင်း၊ ဘူးညွှန့်ကို စားသုံးသူများက ကြိုက်နှစ်သက်၍ ရောင်းချရသည့်အတွက် မိသားစုအပိုဝင်ငွေရရှိကြောင်း စိုက်ပျိုးရေးလုပ်ငန်း လုပ်ကိုင်နေသူ ဦးဝင်းအောင်ထံမှ သတင်းရရှိပါသည်။

          DOCA(စစ်ကိုင်း)

          စစ်ကိုင်းတိုင်းဒေသကြီး ၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကထား လုပ်ကိုင်သော ဒေသတစ်ခုဖြစ်ပြီး သီးနှံစိုက်ပျိုးရာတွင် အထွက်နှုန်းများ ပိုမိုကောင်းမွန်စေရန်နှင့် ပန်းတိုင်အထွက်နှုန်းရရှိရေးအတွက် ကန့်ဘလူခရိုင်အတွင်းရှိ  သီးနှံစိုက်ပျိုးသူများက ဝယ်ယူအသုံး ပြုလျက်ရှိကြောင်း သိရသည်။

          ဖေဖော်ဝါရီလ စတုတ္ထပတ်အတွင်း ကန့်ဘလူခရိုင်၏ စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးဈေးနှုန်းများမှာ ပန်းဖူး(50)kgတစ်အိတ်လျှင် (၁၃၅၀၀၀)ကျပ်၊ မြှားကမ္ဘာ(50)kgတစ် အိတ်လျှင် (၁၁၅၀၀၀)ကျပ်၊ အာမို၊ကျွဲနက်တံဆိပ်(၁၅:၁၅:၁၅) ကွန်ပေါင်းဓာတ်မြေဩဇာ(50)kg တစ်အိတ်လျှင်(၁၇၅၀၀၀)ကျပ်၊ ရွှေတောနစ်(၅၀၀)စီစီတစ်ဘူးလျှင် (၁၆၀၀၀)ကျပ်၊ မိုရယ်လ်မုန်း အမြစ်ပွား၊ အသီးတင်၊ အပင်သန် ဟော်မုန်းဆေး (၅၀၀)စီစီ တစ်ဘူးလျှင်(၄၃၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ယခင်အပတ်ဈေးနှုန်းများနှင့်နှိုင်းယှဉ်ပါက ယခုပတ်အတွင်း ဈေးနှုန်းအနည်းငယ်ကျဆင်းကြောင်း ဓာတ်မြေဩဇာနှင့်ပိုးသတ်ဆေး ရောင်းချသည့်ဆိုင်များထံမှ သိရပါသည်။  

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကိုစိုက်ပျိုး ရောင်းချလျက်ရှိကြောင်း၊ ထိုင်ဝမ်ဖူးစားပြောင်းများကို နေအိမ်ခြံဝင်းများ၌လည်းကောင်း၊ ယာကွက် များ၌လည်းကောင်း တစ်နိုင်တစ်ပိုင် စိုက်ပျိုးရောင်းချလျက်ရှိကြောင်း သိရသည်။

ထိုင်ဝမ်ဖူးစားပြောင်းများကို ကန့်ဘလူမြို့မဈေးရှိ ကုန်စိမ်းသည်များတွင်လည်းကောင်း၊ ရပ်ကွက်အတွင်းလှည့်လည်ရောင်းချသည့် ဈေးသည်များတွင်လည်းကောင်း၊ ပြောင်းဖူးအစိမ်းနှင့် အပြုတ်ဟူ၍(၂)မျိုးရောင်းချလျက်ရှိကြောင်း၊ ပြောင်းဖူးစိမ်းကို စားသောက်ဆိုင်များနှင့် အိမ်ရှင်မ များကဟင်းချက်ရာ၌ ဝယ်ယူအသုံးပြုကြောင်း၊ ၂၀၂၅ခုနှစ်၊ ဖေဖော်ဝါရီလ စတုတ္ထပတ်အတွင်း  ကန့်ဘလူမြို့မဈေးတွင် ပြောင်းဖူးကို လက်လီ၊ လက်ကားရောင်းချနေသည့် လုပ်ငန်းရှင်တစ်ဦး၏ ပြောပြချက်အရ ပြောင်းဖူးအစိမ်းအကြီး(၁)ဖူးလျှင် (၇၀၀)ကျပ်၊ အသေး(၁)ဖူးလျှင်(၅၀၀)ကျပ်ဖြင့် ရောင်းချလျက်ရှိကြောင်း၊ တစ်ဆင့်ဝယ်ယူပြီး ပြောင်းဖူးများကိုပြုတ်၍ ပြန်လည်ရောင်းချသူများ သည်ပြောင်းဖူး ပြုတ်အကြီး(၁)ဖူးလျှင်(၁၀၀၀)ကျပ်၊ အသေး(၁)ဖူးလျှင်(၈၀၀)ကျပ်ဖြင့် ရောင်းချ လျက်ရှိကြောင်း သတင်းရရှိပါသည်။

DOCA(စစ်ကိုင်း)