၂.၇.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၂၆/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။
၂.၇.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂.၇.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မြန်မာနိုင်ငံသည် စိုက်ပျိုးရေးနှင့် မွေးမြူရေးလုပ်ငန်းများကို အဓိကထားဆောင်ရွက်လျက်ရှိသော နိုင်ငံတစ်ခုဖြစ်သည်။ စစ်ကိုင်းတိုင်းဒေသကြီး၊ ကန့်ဘလူခရိုင်၌ ဒေသတွင်းစားသုံးဆီဖူလုံရန်၊ ပြည်ပမှစားသုံးဆီတင်သွင်းမှုလျှော့ချရန်အတွက် ဆီထွက်သီးနှံ မိုးမြေပဲများကို နေရာအနှံအပြားတွင် စိုက်ပျိုးလျက်ရှိကြောင်းသိရသည်။
မြေပဲစိုက်စိုက်ပျိုးရန် အသင့်လျော်ဆုံးမြေအမျိုးအစားမှာ နုန်းမြေနှင့်သဲမြေတို့ဖြစ်ကြောင်း၊ မြေပဲသီးနှံကို မိုးဦးကာလ မေလနှင့်ဇွန်လများတွင် စိုက်ပျိုးကြကြောင်း၊ မိုးမြေပဲထက် ဆောင်းမြေပဲကို ပိုမိုစိုက်ပျိုးကြောင်း စိုက်ပျိုးထုတ်လုပ်မှုစာရင်းများအရသိရသည်။ ကန့်ဘလူခရိုင်၌ မိုးမြေပဲကို ဧက၅၀၀၀၀ကျော်စိုက်ပျိုးရန်လျာထားကြောင်း ခရိုင်စိုက်ပျိုးရေးဦးစီးဌာနမှသိရသည်။ မိုးမြေပဲသီးနှံစိုက်ခင်းများ အောင်မြင်ဖြစ်ထွန်းပြီး အထွက်နှုန်းကောင်းမွန်စေရန် စိုက်ပျိုးရေးဦးစီးဌာနမှ စိုက်ပျိုးနည်းစနစ်များ အသိပညာပေးလျက်ရှိကြောင်း၊ မိုးမြေပဲစိုက်တောင်သူများသည် မိုးရေကိုသာအဓိကထားစိုက်ပျိုးရခြင်းကြောင့် ရာသီဥတုဖောက်ပြန်ပြီး မိုးရေချိန်နည်းလျှင် အထွက်နှုန်းလျော့နည်းနိုင်ကြောင်း၊ ကန့်ဘလူခရိုင်တွင် ပြည်တွင်းစားသုံးဆီဖူလုံရန်အတွက် ဆီထွက်သီးနှံများဖြစ်သည့် မြေပဲ၊ နှမ်းနှင့် နေကြာသီးနှံများကိုစိုက်ပျိုးကြောင်းသိရှိရပါသည်။
DOCA(စစ်ကိုင်း)
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ကုန်စိမ်းသီးနှံအစုံရောင်းချပြီး မိသားစုစားဝတ်နေရေးအတွက် ဝင်ငွေရှာသည့်လုပ်ငန်းလုပ်ကိုင်ရောင်းချလျက်ရှိကာ ကုန်စမ်းသီးနှံများအား ရာသီအလိုက် ပေါ်ပင်သီးနှံများကို နေရာဒေသမရွေးမှ ဖောက်သည်ယူ၍ ပေါ်ဦးပေါ်ဖျားမှ သီးနှံတုန်းသည်အထိ ရောင်းချကြောင်းသိရပါသည်။
ကန့်ဘလူမြို့မစည်ပင်သာယာဈေးမှာ ကုန်စိမ်းသီးနှံများဖြစ်သည့် ပန်းဂေါ်ဖီ၊ ဂေါ်ဖီထုပ်၊ ပြောင်းချို၊ မုန့်ညှင်းထုတ်၊ ခါကြက်ဥ၊ သံပရာသီး၊ ငရုတ်သီးစိမ်း၊ ပန်းငရုတ်ပွ၊ တိုင်ထောင်ဗိုလ်စားပဲသီး စသည်တို့ကို ရောင်းချရကြောင်း၊ ဒေသထွက်သီးနှံများမဟုတ်သည့် ကုန်စိမ်းသီးနှံများကို မန္တလေးမြို့၊ ကောလင်းမြို့တို့မှ ဖောက်သည်မှာယူပြီး ကန့်ဘလူမြို့မစည်ပင်သာယာဈေးတွင် လက်လီ/ လက်ကားရောင်းချပါ ကြောင်း ကုန်စိမ်းသီးနှံရောင်းချနေသူထံမှသိရှိရပါသည်။
ငရုတ်သီးစိမ်းများအနက် မိုးထောင်ငရုတ် ကျောက်စိမ်းသီးနှင့် ကုလားအော်သီးတို့ကိုရောင်းချလျက်ရှိပါသည်။ ၂၀၂၄ခုနှစ်၊ ဇွန်လ တတိယပတ်တွင် ကန့်ဘလူမြို့မစည်ပင်သာယာဈေးအတွင်း၌ ငရုတ်သီးစိမ်း၏ ဈေးနှုန်းဈေးကွက်အနေဖြင့် မိုးထောင်ငရုတ် (ကျောက်စိမ်းသီး) တစ်ပိဿာလျှင် (၃၀၀၀)ကျပ်၊ ကုလားအော် ငရုတ်သီးစိမ်းတစ်ပြည်လျှင် (၆၅၀၀)ကျပ်တို့ဖြင့် ဖောက်သည်ဝယ်ယူရပြီး ကန့်ဘလူမြို့ စားသုံးသူပြည်သူများထံသို့ရောင်းချရာတွင် မိုးထောင်ငရုတ် (ကျောက်စိမ်းသီး) တစ်ပိဿာလျှင် (၄၀၀၀)ကျပ်၊ ကုလားအော် ငရုတ်သီးစိမ်းတစ်ပြည်လျှင် (၈၀၀၀)ကျပ်တို့ဖြင့် အသီးသီးရောင်းချကြောင်း ကန့်ဘလူမြို့မစည်ပင်သာယာဈေး ကုန်စိမ်းသီးနှံအစုံရောင်းချသူထံမှသိရှိရပါသည်။
DOCA(စစ်ကိုင်း)
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ကုန်စိမ်းသီးနှံအစုံရောင်းချကြပြီး မိသားစုစားဝတ်နေရေးအတွက် ဝင်ငွေရှာသည့်လုပ်ငန်းလုပ်ကိုင်လျက်ရှိကာ ကုန်စိမ်းသီးနှံများအား ရာသီအလိုက် ပေါ်ပင်သီးနှံများကို နေရာဒေသအမျိုးမျိုးမှဖောက်သည်ယူ၍ ပေါ်ဦးပေါ်ဖျားမှ သီးနှံတုန်းသည်အထိ ရောင်းချကြောင်းသိရပါသည်။
ကန့်ဘလူမြို့မစည်ပင်သာယာဈေးမှာ ကုန်စိမ်းသီးနှံများဖြစ်သည့် ပန်းဂေါ်ဖီ၊ ဂေါ်ဖီထုပ်၊ ပြောင်းချို၊ မုန့်ညှင်းထုတ်၊ ခါကြက်ဥ၊ သံပရာသီး၊ ပန်းငရုတ်ပွ၊ တိုင်ထောင်ဗိုလ်စားပဲသီး စသည်တို့ကို ရောင်းချရကြောင်း၊ ဒေသထွက်သီးနှံများမဟုတ်သည့် ကုန်စိမ်းသီးနှံများကို မန္တလေးမြို့၊ ကောလင်းမြို့တို့မှ ဖောက်သည်မှာယူပြီး ကန့်ဘလူမြို့မစည်ပင်သာယာဈေးတွင် လက်လီ/ လက်ကားရောင်းချကြောင်း ကုန်စိမ်းသီးနှံရောင်းချနေသူထံမှသိရှိရပါသည်။
ကုန်စိမ်းသီးနှံများအနက် ခါကြက်ဥရိုးရိုး(ဗမာ)ဥနှင့်( တရုတ်) ခါကြက်ဥဆို၍ နှစ်မျိုးရှိကြောင်းသိရှိရပါသည်။ ခါကြက်ဥ၏ အသုံးပြုပုံများမှာ အစိမ်းကြော်ကြော်ရာတွင်လည်းကောင်း၊ ငါးပိရည်နှင့်တို့စရာ အဖြစ်လည်းကောင်း၊ ခြစ်နှင့်ခြစ်ပြီး သုပ်စား၍သော်လည်းကောင်း၊ ပင်လယ်စာ၊ ကော်ပြန်ရောင်းချရာတွင်လည်း သီးနှံတစ်မျိုးအဖြစ်လည်းကောင်း ခေါက်ဆွဲကြော်၊ ကြာဇံကြော်၊ မာလာဟင်း၊ မာလာရှမ်းကော စသည့်အစားအစာမျိုးစုံတို့တွင်လည်း အသုံးပြုကြသည့်အတွက် အရောင်းအဝယ်ဖြစ်သော သီးနှံတစ်မျိုးလည်းဖြစ်ပါသည်။
၂၀၂၄ခုနှစ်၊ ဇွန်လ တတိယပတ်တွင် ကန့်ဘလူမြို့မစည်ပင်သာယာဈေးအတွင်း၌ ခါကြက်ဥကို မန္တလေးမြို့မှ မှာယူရောင်းချကြောင်း၊ ခါကြက်ဥ၏ ဈေးနှုန်းဈေးကွက်အနေဖြင့် ခါကြက်ဥ(ရိုးရိုး) အလုံးအကြီး/အသေးပေါ်မူတည်၍ တစ်ပိဿာလျှင် (၃၀၀၀/၃၅၀၀)ကျပ်၊ ခါကြက်ဥ(တရုတ်) တစ်ပိဿာလျှင် (၈၃၀၀)ကျပ်တို့ဖြင့် ဖောက်သည်ဝယ်ယူရပြီး ကန့်ဘလူမြို့ စားသုံးသူပြည်သူများထံသို့ရောင်းချရာတွင် ခါကြက်ဥ(ရိုးရိုး)အလုံးအကြီး/အသေးပေါ်မူတည်၍ တစ်ပိဿာလျှင် (၄၀၀၀/၄၅၀၀)ကျပ်၊ ခါကြက်ဥ (တရုတ်) တစ်ပိဿာလျှင် (၁၀၀၀၀)ကျပ်တို့ဖြင့် အသီးသီးရောင်းချကြောင်း ကန့်ဘလူမြို့မစည်ပင် သာယာဈေး ကုန်စိမ်းသီးနှံအစုံရောင်းချသူထံမှသိရှိရပါသည်။
DOCA(စစ်ကိုင်း)
စီပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ပေးရေးလုပ်ငန်းများကိုသာမက ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါ လုပ်ကိုင်ဆောင်ရွက်လျက်ရှိရာ ကန့်ဘလူမြို့နှင့် ကျွန်းလှမြို့တို့၏ ရာသီသီးနှံမျာအကြောင်းကိုလည်း လစဉ်နှင့် အပတ်စဉ်တင်ပြလျက်ရှိရာ ယခုဇွန်လ တတိယပတ်တွင် ပန်းတိမ်ငို (ခေါ်) ပန်းတိမ်မနိုင်ပန်းများမှာ ဈေးကောင်းရရှိကာ ဈေးကွက်အတွင်းသို့ ဝင်ရောက်အရောင်းအဝယ်ဖြစ်လျက်ရှိပါသည်။
ပန်းတိမ်ငို(ခေါ်)ပန်းတိမ်မနိုင်ပန်းများကို ကန့်ဘလူမြို့နှင့် ကျွန်းလှမြို့တို့တွင် တစ်နိုင်တစ်ပိုင်မျှသာစိုက်ပျိုးကြပြီး ပန်းတိမ်ငို (ခေါ်) ပန်းတိမ်မနိုင်ပန်းများ တစ်ခါစိုက်ပျိုးပြီးပါက နှစ်စဉ်စိုက်ခင်းသစ်များ ပြန်လည်စိုက်ပျိုးရန်မလိုဘဲ မိုးရာသီအချိန်ရောက်လျှင် အပင်များပြန်လည်ထွက်ပေါ်လာကာ အပင်ပွားများကို သားခွဲစိုက်ပျိုးပေးရကြောင်း၊ စိုက်ပျိုးပြီး(၂)ပတ်အကြာတွင် ဈေးကွက်ဝင် ပန်းခိုင်များစပေါ်ပြီး ဇွန်လ တတိယပတ်တွင် ပန်းတိမ်ငို(ခေါ်)ပန်းတိမ်မနိုင်ပန်းများသည် မိုးရေကိုပိုမိုကြိုက်နှစ်သက်ပြီး အဖြူရောင်၊ ဗေဒါရောင်၊ ခရမ်းပုတ်ရောင်ဟူ၍ (၃)ရောင်ရှိပါသည်။ ခရမ်းပုတ်ရောင်မှာ အဖြူရောင်ထက် ရာသီဥတုဒဏ်ပိုခံနိုင်ကြောင်း၊ ပန်းတိမ်ငို (ခေါ်) ပးန်တိမ်မနိုင်ပန်းများကိုစိုက်ပျိုးရာတွင် အပင်နှင့်အခက်များကြီးထွားစေရန်အတွက် အပင်နှင့် အပွင့်အားဆေးများသုံးစွဲပေးရပြီး ရောဂါဒဏ်ကာကွယ်ရန်အတွက် မှိုသတ်ဆေး၊ ပိုးသတ်ဆေးများသုံးစွဲပေရကြောင်းသိရှိရပါသည်။
ပန်းတိမ်ငို (ခေါ်) ပန်တိမ်မနိုင်ပန်းများ၏ ဈေးနှုန်းဈေးကွက်အနေဖြင့် ဇွန်လ တတိယပတ်တွင် ပန်းတိမ်ငို (ခေါ်) ပန်းတိမ်မနိုင်ပန်း(ခရမ်းရောင်)ပန်းတစ်ခက်လျှင် (၅၀၀)ကျပ်၊ (၃)ခက်ပါတစ်စည်းလျှင် (၁၅၀၀)ကျပ်ဖြင့်ရောင်းချရပြီး ပန်းတိမ်ငို (ခေါ်) ပန်တိမ်မနိုင်ပန်း(အဖြူရောင်) ပန်းတစ်ခက်လျှင် (၂၀၀)ကျပ်၊ (၅)ခက်တစ်စည်းလျှင် (၁၀၀၀)ကျပ်နှုန်းဖြင့် ဈေးကောင်းရရှိကာ အရောင်းအဝယ်ဖြစ်လျက်ရှိကြောင်း မြို့မစည်ပင်သာယာဈေးရှိ ပန်းသည်တစ်ဦးထံမှသိရှိရပါသည်။
DOCA(စစ်ကိုင်း)
မြန်မာနိုင်ငံသည် စိုက်ပျိုးရေးကိုအခြေခံသော နိုင်ငံဖြစ်သည့်အတွက် တောင်သူများသည် ယခုအခါ မိသားစုအပိုဝင်ငွေရအောင် သီးထပ်သီးညှပ်များနှင့် အလွယ်တကူခူးဆွတ်၍ ဝင်ငွေရအောင် စားသုံးသီးနှံများကိုလည်း အလေးထားစိုက်ပျိုးလာကြသည်ကိုတွေ့ရှိရပါသည်။ ၎င်းစားသုံးသီးနှံများအနက် မြှုပ်သခွားသီးသီးနှံကိုလည်းစိုက်ပျိုးလာကြပါသည်။ သခွားသီးကို ဧပြီလတွင် စတင်စိုက်ပျိုးပြီး ဇွန်လဆန်းပိုင်းတွင် စတင်ခူးဆွတ်နိုင်ကြောင်း၊ သခွားသီးတစ်ဧကစိုက်ပျိုးမှုကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၅၀၀၀၀၀/-)ကျပ်ခန့်ကုန်ကျကြောင်း၊ ယခုအခါ သခွားသီးနှံကို အရွယ်အစားသုံးမျိုးခွဲ၍ စျေးကွက်သို့ ဖောက်သည်ပေးရောင်းချရကြောင်း၊ သခွားသီးအကြီးတစ်လုံးလျှင် (၂၀၀/-)ကျပ်၊ အလတ်တစ်လုံးလျှင် (၁၅၀/-)ကျပ်၊ အသေးတစ်လုံးလျှင် (၈၀/-)ကျပ်စျေးနှုန်းများဖြင့်ရောင်းချရကြောင်း၊ သခွားသီးကို တစ်ရက်ခြားခူးဆွတ်ရကြောင်း၊ တစ်ရက်ခြားခူးဆွတ်ရသော အလုံးအရေအတွက်မှာ ကြီး၊ လတ်၊ သေး အလုံးပေါင်း (၅၀၀-၆၀၀) ထွက်ရှိကြောင်း၊ တစ်ရက်ခြား ပျမ်းမျှဝင်ငွေမှာ (၇၀၀၀၀/-)ကျပ်ရှိကြောင်း၊ တစ်ဧကအကျိုးအမြတ်အနေဖြင့် သိန်း(၂၀)ကျပ်ခန့်ရရှိကြောင်း၊ တောင်သူများအနေဖြင့် စိုက်ပျိုးစရိတ်သက်သာပြီး မိသားစုအပိုဝင်ငွေအလွယ်တကူရရှိနိုင်သော မြှုပ်သခွား သီးနှံများကို စိုက်ပျိုးသင့်ပါကြောင်း သခွားစိုက်တောင်သူတစ်ဦး၏ ပြောကြားချက်အရသိရှိရပါသည်။
DOCA(မန္တလေး)
မန္တလေးတိုင်းဒေသကြီး၊ ကျောက်ဆည်ခရိုင်တွင် စိုက်ပျိုးရေးကို အဓိကထားဆောင်ရွက်လုပ်ကိုင်သောဒေသဖြစ်ပြီး မွေးမြူရေးလုပ်ငန်းကိုလည်း တွဲဖက်ပြီးလုပ်ကိုင်လျက်ရှိရာ ယခုအခါတွင် တစ်နိုင်တစ်ပိုင်မှ စီးပွားဖြစ်မွေးမြူလာကြပါသည်။ ၄င်းလုပ်ငန်းများအနက် ဆိတ်မွေးမြူရေးလုပ်ငန်းမှ တောင်သူများအနေဖြင့် စိုက်ပျိုးရေးအပြင် ဆိတ်မွေးမြူရေးလုပ်ငန်းကိုလည်း တွဲဖက်လုပ်ကိုင်ကြသလို လက်လုပ်လက်စားများကလည်း လုပ်အားခငွေများကိုစု၍ (၅-၁၀)ကောင်မွေးမြူကြကြောင်း၊ တချို့ငွေကြေးမတက်နိုင်သူများမှာ နေ့စားဆိတ်ကျောင်းရကြောင်း၊ တစ်ရက်လျှင်နှစ်ကြိမ် ဆိတ်ကျောင်းရကြောင်း၊ ဆိတ်ကျောင်းခအနေဖြင့် ဆိတ်အကောင်အရေအတွက်ပေါ်မူတည်၍ (၅၀၀၀-၈၀၀၀)ကျပ်အထိပေးရကြောင်း၊ မွေးမြူရာတွင် ဆိတ်မျိုးအနေဖြင့် ရှေးအစဉ်အဆက် ဘိုးဘွားများလက်ထက်ကမွေးမြူသော ချိတ်နီဆိတ်မျိူးများကိုသာ အဓိကမွေးမြူကြောင်း၊ ဆိတ်မများသည် တစ်နှစ်လျှင် (၂)သားတစ်ဗိုက်မွေးသောကြောင့် အကောင်ရေများများမွေးနိုင်ပါက အကျိုးအမြတ်များကြောင်း၊ ဆိတ်မအနေဖြင့် စတင်ကိုယ်ဝန်ဆောင်သောအရွယ်တွင် တစ်ကောင်သာသားပေါက်ပြီး ဆိတ်အကြီးမတစ်ကောင်လျှင် (၂)ကောင်အထိပေါက်ကြောင်း၊ ဆိတ်စျေးနှုန်းအနေဖြင့် အကြီးတစ်ကောင်လျှင် (၈၀၀၀၀-၁၀၀၀၀၀/-)ကျပ်၊ အလတ်တစ်ကောင်လျှင် (၅၀၀၀၀-၆၀၀၀၀/-) ကျပ်၊ အသေးတစ်ကောင်လျှင် (၃၀၀၀၀-၄၀၀၀၀/-)ကျပ်စျေးနှုန်းများဖြင့် အရောင်းအဝယ်ဖြစ်နေကြောင်း၊ ဆိတ်သားစျေးနှုန်းအနေဖြင့် တစ်ပိဿာလျှင် (၂၈၀၀၀/-)ကျပ်စျေးနှုန်းရှိကြောင်း၊ ဆိတ်မွေးမြူသူများသည် ယခုအချိန်တွင် ဆိတ်များရောင်းချရာ၌ စျေးနှုန်းပိုမိုရရှိသောကြောင့် တွက်ခြေကိုက်သည့် မွေးမြူရေးလုပ်ငန်းဖြစ်သည့်အတွက် ဆိတ်မွေးမြူရေးလုပ်ငန်းအား တိုးချဲ့မွေးမြူသင့်ပါကြောင်း ရေးသားတင်ပြလိုက်ရပါသည်။
DOCA(မန္တလေး)
