ပြည်တွင်းကုန်သွယ်မှုသတင်း

     စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ မြိတ်မြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက် အခြေ အနေတို့အား ရေးသားတင်ပြလျက်ရှိရာ ယခုအခါ မြိတ်မြို့ပေါ်ရှိ ကုန်စုံဆိုင်များတွင် ရောင်းချ လျက်ရှိသည့် ထန်းလျက်များကို မြိတ်မြို့နယ်မှထွက်ရှိသလို မြိတ်မြို့ရှိ လက်ကားဆိုင်များမှ ဝယ်ယူရောင်းချကြောင်း သိရှိရပါသည်။ထန်းလျက်သည် မြန်မာရိုးရာ အစားအစာတစ်ခုဖြစ်ပြီး လူတွေရဲ့ကျန်းမာရေးကို အလွန်ပင် အထောက်အကူဖြစ်စေပါသည်။ ထန်းလျက်ကို မြန်မာတွေ က ထမင်းစားပြီးလျှင် အချို တည်းစရာအဖြစ်စားတတ်ကြပါသည်။ ထန်းလျက်သည် အစာကြေ လွယ်ပြီး သွေးအားကို သန့်ရှင်းစေခြင်း၊ ထန်းလျက်ကိုဂျင်းနှင့်ရောစားပေးလျှင် အဆစ် အမြစ် နာကျင်ခြင်းကိုကာကွယ်ပေးခြင်း၊ ကိုယ်ဝန်ဆောင်မိခင်များကို ကိုယ်ဝန်လွယ်စေပြီး သွေးအား နည်းခြင်းကို ကာကွယ်ပေးနိုင်ခြင်း စသည့် အကျိုးကျေးဇူးများလည်းရရှိစေပါသည်။

          ၂၀၂၅ခုနှစ်၊ ဒီဇင်ဘာလပထမပတ်တွင် မြိတ်မြို့ပေါ်တွင် ရောင်းချနေသော ထန်းလျက် တစ်ပိဿာလျှင် (၉၀၀၀)ကျပ်မှ (၁၀၀၀၀)ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

         ၂၇.၁၁.၂၀၂၅ရက် နေ့ နံနက် (၀၈:၀၀)နာရီ အချိန်တွင်‌ မအူပင်ခရိုင်၊ မအူပင်မြို့နယ် ၃ရပ်ကွက် အရံမီးသတ်တပ်ဖွဲ့ရုံးရှေ့တွင် ရပ်ကွက်နေ ပြည်သူများအား  ဧရာဝတီပေါ်ဆန်းဆန်နှင့် ဆင်းသုခဆန်များအား ဈေးနှုန်းများ တည်ငြိမ်မှန်ကန်စေရေးအတွက် သင့်တင့်မျှတသော ဈေးနှုန်းဖြင့်ရောင်းချပေးခဲ့ကြောင်း သိရသည်။

      ထိုသို့ရောင်းချရာတွင် ဆန်စပါးလုပ်ငန်းကြီးကြပ်ရေးအဖွဲ့၏ ဦးဆောင်မှုဖြင့် မအူပင်ဆန်စက် လုပ်ငန်းရှင်များ၊ ဆန်စပါးကုန်သည်များအသင်းနှင့် မြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့၊ ရပ်ကွက်အုပ်ချုပ်ရေးမှူးများ ပူးပေါင်းကြီးကြပ်မှုဖြင့်  ရပ်ကွက်နေပြည်သူများကို ဧရာဝတီပေါ်ဆန်း ၅အိတ်၊ ဧည့်မထဆန် ၈ အိတ်ကို ဧရာဝတီပေါ်ဆန်း ၁ပြည် (၅၀၀၀)ကျပ်၊ ဧည်မထဆန် ၁ပြည် ၂၅၀၀ကျပ်ဖြင့် ရောင်းချပေးနေပြီး ပြည်သူများ လွပ်လပ်စွာဝယ်ယူလျက်အား ပေးလျက်ရှိပြီး ဆန်ဆိုင်လုပ်ငန်းရှင်များကို မိမိတို့လက်ဝယ်တွင် ရောင်းချရန် သိုလှောင်ထားသော ပေါ်ဆန်းဆန်များအား ပစ္စည်းမှန်၊ ဈေးနှုန်းမှန်၊ အရည်အသွေးမှန်စွာဖြင့် ဈေးကွက်အတွင်းသို့ စဉ်ဆက်မပြတ် ထုတ်ရောင်းပေးရန်နှင့် သိုလှောင်ဈေးနှုန်းမြှင့်တင်ရောင်းချခြင်းများ (လုံးဝ) မပြုလုပ်ရန် အသိပေးထားကြောင်း သိရှိရပါသည်။

DOCA(ဧရာဝတီ)

     ရွှေဘိုမြို့ရှိ ဈေးများတွင် အသီးအနှံများ၊ အသား/ငါးများ၊ အကြော်များ၊ နံနက်ခင်း စာမုန့်များရောင်းချလျက်ရှိရာ ဆောင်းရာသီမှသာ စားရသည့် ရာသီစာမုန့်ပေါင်းများကို လည်း ရောင်းချလျက်ရှိပါသည်။ အငွေ့တထောင်းထောင်းနှင့် စားချင့်သဖွယ်မုန့်ပေါင်းမှာ ကောက်ညှင်းဆန်နှင့်ငချပ်ဆန်ကိုအခြေခံ၍ အသုံးပြုရသော မုန့်ဖြစ်သဖြင့် မုန့်ပေါင်း (၃)ခု (၄)ခုစားလိုက်ရုံဖြင့် အစာပြေသော မုန့်တစ်မျိုးဖြစ်သည်။

    မုန့်ပေါင်းကို ပဲ ၊ ထန်းလျက်တို့ဖြင့် ပြုလုပ်၍ ပဲဖြင့် ပြုလုပ်‌‌သောမုန့်ပေါင်းနှင့် ထန်းလျက်ဖြင့်ပြုလုပ်မုန့်ပေါင်းဟူ၍ ရောင်းချ လျက်ရှိရာ မုန့်ပေါင်းကို နံနက်ခင်းစာ အဆာပြေသော်လည်းကောင်း၊ ညနေခင်းစာ အစာပြေ သော်လည်း ကောင်းရောင်းချလျက်ရှိကြောင်း၊ ၂၀၂၅ခုနှစ်၊ ဒီဇင်ဘာလ (ပထမ)ပတ်တွင် ရောင်းချလျက်ရှိသော မုန့်ပေါင်းဈေးနှုန်းမှာ (၁)ခုလျှင် (၅ဝိ၀/-)ကျပ်ဖြင့် ရောင်းချလျက်ရှိကြောင်း မုန့်ပေါင်းရောင်းချသည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

     ထန်းမြစ်များသည် မိုးအကုန်ဆောင်းအကူးကာလများတွင် အလွယ်တကူတွေ့ရှိနိုင်ပြီး မြန်မာနိုင်ငံ၏ အပူပိုင်းဒေသများတွင် အထူးပေါများပါသည်။ ထန်းမြစ်သည် ထန်းပင်မှပေါက်ဖွား လာသော အညှောက်၊ အမြစ် တစ်ခုဖြစ်ပြီး ထန်းသီးကိုမြေကြီးထဲတွင်စိုက်ပျိုးသောအခါ ထန်းသီး၏ အစေ့မှထွက်ပေါ်လာသော အညှောက်၊ အမြစ်သဏ္ဍာန်တစ်ခုသာဖြစ်ပါသည်။ ထန်းမြစ်သည် အနည်းငယ် ချိုသောအရသာရှိပြီး ကစီဓာတ်ကြွယ်ဝသောကြောင့် အိအိလေးနဲ့ စားရတာ ကောင်းမွန်ပါသည်။ ထန်းမြစ်များသည် ပေါ်ဦးပေါ်ဖျားတွင်နုသော်လည်း ရင့်မှည့် လာသည့်အခါ အမျှင်ပြတ်၍ ပိုမို စားကောင်းပါသည်။

    ယခုကာလ၌ အညာဒေသအစားအစာဖြစ်သည့် ထန်းမြစ်များစတင်ထွက်ပေါ်လာပြီး ဈေးကွက် အတွင်းသို့ဖြန့်ဖြူးရောင်းချလာကြပြီး အရောင်းအဝယ်သွက်လျက်ရှိနေပါသည်။ တောင်ငူမြို့နယ်ရှိ ဘုရင့်နောင်ဈေးနှင့် ညောင်ပင်လေးဈေးတို့တွင် ရောင်းချနေသော ထန်းမြစ်များသည် တောင်ငူခရိုင်၊ ကင်းဆိပ်ရွာမှရရှိပြီး ထန်းမြစ်တစ်စည်းတွင် ထန်းမြစ် ၁၀ ချောင်းပါရှိပြီး တစ်စည်းလျှင် ၂၀၀၀ ကျပ်ဖြင့်ရောင်းချလျက်ရှိပါသည်။ ထန်းမြစ်ပြုတ်ပြီးသား ရောင်းချသောဈေးသည်များသည်လည်း ထန်းမြစ် ၄ ချောင်းတစ်စည်းလျှင် ၁၀၀၀ ကျပ်ဖြင့် အသီးသီးရောင်းချလျက်ရှိကြောင်းလည်းသိရသည်။

DOCA(ပဲခူး)

    ပဲခူးတိုင်းဒေသကြီး၊ တောင်ငူခရိုင်အတွင်းရှိ ခြံဝန်းကျယ်သော ဒေသခံများသည် မိမိတို့ အိမ်ခြံဝန်းများတွင် သစ်သီးဝလံ/ဟင်းသီးဟင်းရွက်နှင့်ဆေးဖက်ဝင်အပင်များကို စိုက်ပျိုးလေ့ရှိကြ သည်။ ထိုအပင်များအနက် ငှက်ပျောပင်များကိုလည်း စိုက်ပျိုးကြပါသည်။  ငှက်ပျောမျိုးစိတ်ပေါင်း များစွာရှိသည့်အနက် ရခိုင်ငှက်ပျောဟု အမည်ရှိသည့် ငှက်ပျောပင်အမျိုးအစားသည်  စိုက်ပျိုးရ လွယ်ကူပြီး အသုံးပြုနိုင်ခြင်း သာမက စားသုံးနိုင်သည့်အတွက် စိုက်ပျိုးကြသည်။

  တစ်ပင်လုံးခြုံငုံကြည့်လျှင် ပင်စည်၊ အမြစ်(ခေါ်)ငှက်ပျောခေါင်း၊အရွက်၊အဖူးနှင့် အသီးများပါရှိပြီး ပင်စည်နှင့် ငှက်ပျောခေါင်းကို မြန်မာ့ရိုးရာအစားအစာဖြစ်သော မုန့်ဟင်းခါး ချက်ပြုတ်ရာတွင် အများဆုံးအသုံးပြုပြီး၊ အရွက်များကို ဟင်းထုပ်၊ ငှက်ပျောသီး ကောက်ညှင်းမုန့် ၊မုန့်ဖက်ထုပ်၊ ပဲမုန့်များ ပြုလုပ်ခြင်း နှင့် အရွက်များကို ထုတ်ပိုးရာတွင် အများဆုံး အသုံးပြုပါသည်။အဖူးကိုပြုတ်၍တို့စရာ အဖြစ်လည်းကောင်း၊ သုတ်စားခြင်း၊ ကြော်စားခြင်း၊ ချဉ်ဖတ်ပြုလုပ် ခြင်းတို့ဖြင့် နှစ်သက်ရာစားသုံးကြသည်။ အသီးကိုတော့ ဧည့်သည်များ ဧည့်ခံရာတွင် သွားရေစာ အဖြစ်လည်းကောင်း၊ ကောက်ညှင်းဆန်ဖြင့်ရော၍ ငှက်ပျောသီးမုန့်ပြုလုပ်ခြင်း၊ ပေါင်းစားခြင်း၊ ကြော်စားခြင်းနှင့် မိရိုးဖလာရိုးရာ    ဓလေ့ဖြစ်သော ဘုရားပွဲ၊ နတ်ပွဲများ တွင်အသုံးပြုကြသည်။

      တောင်ငူမြို့နယ်ဈေးကွက်အတွင်းတွင် ငှက်ပျောဖူးကို တစ်ဖူးလျှင် ၅၀၀ ကျပ်မှ ၇၀၀ ကျပ်ဖြင့် ရောင်းချပြီး၊ ရခိုင်ငှက်ပျောသီးအသေးတစ်ဖီးလျှင် ၁၀၀၀ ကျပ် မှ ၁၅၀၀ ကျပ်၊ အကြီး တစ်ဖီးလျှင် ၂၀၀၀ ကျပ်မှ ၂၅၀၀ ကျပ်အထိ ရောင်းချလျက်ရှိပြီး၊ ပင်စည်(ခေါ်) ငှက်ပျောခေါင်းကို အပင်အကြီး/အသေးပေါ်မူတည်၍ ၁၅၀၀ ကျပ်မှ၂၅၀၀ ကျပ်ထိ  ဈေးနှုန်းအသီးသီးဖြင့် ရောင်းချ လျက်ရှိရာ အရောင်းသွက်ကြောင်း ဈေးသည်များထံမှ မေးမြန်းသိရှိရသည်။

DOCA(ပဲခူး)