ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ကုန်ကြီးကျေးရွာအုပ်စု၊ ဂျင်ရဲမြောင် (စံပြ)ကျေးရွာသည် စိုက်ပျိုးရေးကိုအဓိကလုပ်ကိုင်ပြီး ကြက်သွန်နီ၊ ဝါ၊ ပဲတီစိမ်း၊ နေကြာ၊ နှမ်းတို့ကို ရာသီအလိုက်စိုက်ပျိုးကြကြောင်း၊ မိုးနှမ်းစိုက်တောင်သူ(၅၀)ဦးခန့်ရှိပြီး စိုက်ဧကမှာ(၁၀၀)ဧက ကျော်ရှိကြောင်း သိရှိရပါသည်။

    ၂၀၂၄ခုနှစ်၊ မေလ(စတုတ္ထပတ်)တွင် စတင်စိုက်ပျိုးပြီး ရက်ပေါင်း (၈၀)အကြာတွင် ခူးဆွတ်ရကြောင်း၊ နှမ်းနီမျိုးကို အများဆုံးစိုက်ပျိုးပြီး (၁)ဧကလျှင် မျိုး(၃)ပြည် ခန့်ကုန်ကျကြောင်း၊ မိမိအနေ ဖြင့် နှမ်းနီ(၈)ဧကခွဲနှင့် နှမ်းဖြူ(၁)ဧကခွဲ စုစုပေါင်း(၁၀)ဧကခန့်ကို  ကြောင်းဆွဲအစေ့ချစနစ်ဖြင့် စိုက်ပျိုးထားပါကြောင်း၊ နှမ်းနီကို ယခင်နှစ်မျိုးလက်ကျန်ဖြင့် စိုက်ပျိုးပြီး နှမ်းဖြူကို အထက်မင်းလှ မြို့၊ စိုက်ပျိုးရေးဦးစီးဌာနမှ မျိုး(၁)ပြည်လျှင် ကျပ်(၁၁၀၀၀)ဖြင့် ဝယ်ယူ၍စိုက်ပျိုးပါကြောင်း၊  ကုန်ကျစရိတ်အနေဖြင့် နှမ်းနီစိုက်ပျိုးမှုတွင် မျိုးဖိုးမပါဘဲ မြေပြုပြင်ခ၊ လုပ်အားခအပါအဝင် စုစုပေါင်း ကုန်ကျစရိတ်မှာ ကျပ်(၁၀၀၀၀၀)ဝန်းကျင်ကုန်ကျပြီး နှမ်းဖြူစိုက်ပျိုးမှုတွင် မျိုးဖိုး အပါအဝင် ကျပ်(၁၄၀၀၀၀)နီးပါးကုန်ကျပါကြောင်း၊ ယခင်နှစ်က နှမ်းနီ၊ နှမ်းဖြူ(၁)ဧကအထွက်နှုန်းအနေဖြင့် (၁)ဧကလျှင် (၁၅)တင်းထွက်ရှိပြီး (၁)တင်းလျှင် နှမ်းနီကျပ်(၈၀၀၀၀)၊ နှမ်းဖြူ ကျပ်(၈၅၀၀၀) ဈေးရရှိခဲ့ကြောင်း၊ ဈေးကွက်အနေဖြင့် မကွေးမြို့နှင့် မင်းလှမြို့သို့ တင်ပို့ရောင်းချကြောင်း၊ မိုးနှမ်းမှာ ရာသီဥတုပေါ်မူတည်၍ စိုက်ပျိုးရပြီး မိုးများသည့်အခါတွင် နှမ်းပင်များပျက်စီး၍ အထွက်နှုန်း လျော့နိုင်ပြီး မိုးနည်းသည့် အခါတွင်လည်း မျိုးအောင်မူနည်း၍ အထွက်နှုန်းလျော့နိုင်ကြောင်း၊ ယခု လက်ရှိအချိန် ၂၀၂၄ခုနှစ်၊ ဇွန်လ(ပထမပတ်)တွင် ဈေးနှုန်းအနေဖြင့် ယခင်နှစ်ကထွက်ရှိခဲ့သည့် နှမ်းအဟောင်းများ အရောင်း အဝယ်ဖြစ်လျက်ရှိပြီး နှမ်း(၁)တင်းလျှင် နှမ်းနက်(စမုံ) ကျပ်(၁၂၅၀၀၀)၊ နှမ်းနီ ကျပ်(၁၁၂၅၀၀)၊ နှမ်းဖြူ ကျပ်(၁၁၆၅၀၀)ဈေးရနေသည့်အတွက် ၎င်းဈေးအတိုင်းရှိနေမည် ဆိုလျှင် နှမ်းစိုက်တောင်သူများအတွက် ထိုက်သင့်သည့်အကျိုးအမြတ်များရရှိနိုင်မည်ဖြစ်ကြောင်း ဂျင်ရဲမြောင်(စံပြ)ကျေးရွာနေ နှမ်းစိုက်တောင်သူ ဦးတင်ဇော်ဌေးထံမှ သိရှိရပါသည်။

DOCA(မကွေး)

   ၃.၆.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

   ကရင်ပြည်နယ်အတွင်း ရာဘာအ‌စေးခြစ်လုပ်ငန်းများဆောင်ရွက်နေပြီဖြစ်ပြီး ၂၀၂၄ခုနစ်၊ မေလအတွင်း ဖြစ်ပေါ်လျက်ရှိသော RSS3 ရာဘာ ၁ပေါင်ဈေးနှုန်းမှာ ၂၀၀၀ကျပ်ဖြစ်ကြောင်းသိရှိရပါသည်။  ကာလတူဈေးနှုန်းနှိုင်းယှဉ်ချက်များအရ ယမန်နှစ်က RSS3 တစ်ပေါင်လျင် ၁၃၃၀ကျပ်ဖြစ်ပြီး ကျပ် ၆၇၀ခန့် ဈေးနှုန်းမြင့်တက်ခဲ့ကြောင်းသိရှိရပါသည်။

  ကရင်ပြည်နယ်တွင် ရာဘာစိုက်ပျိုးသည့်ဧကမှာ ၂၇၁၂၇၁ဧကဖြစ်ကြောင်းနှင့် ယခုနှစ်အတွင်း ရာဘာဝယ်လိုအားကောင်းလာခဲ့ပြီး ဈေးနှုန်းမြင့်တက်ခဲ့ကြောင်းသိရှိရပါသည်။

DOCA(ကရင်)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိသည့်အပြင် ကုန်စည်ဒိုင်များ၏သီးနှံဈေးနှုန်းများနှင့် အရောင်းအဝယ်ဖြစ်မှု တင်း/ တန် စာရင်းတို့ကို အပတ်စဉ်၊ လစဉ်တင်ပြလျက်ရှိပါသည်။

   ပဲတီစိမ်းမှာ မေလ၊ ပထမအပတ်မှစတင်၍ ရွှေဘိုဈေးကွက်တွင် အရောင်းအဝယ်ဖြစ်ခဲ့ကြောင်း၊ မေလ၊ လကုန်အပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲတီစိမ်းတစ်တင်းလျှင် (၆၃၀၀ဝိ/-)ကျပ် ပေါက်ဈေးရှိပြီး အရောင်းအဝယ်ဖြစ်မှုမှာ (၆၃၀၀)တင်း/ (၂၀၆)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲတီစိမ်းတစ်တင်းလျှင်(၆၁၇၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ပဲတီစိမ်းတစ်တင်းလျှင်(၁၃၀ဝိ/-)ကျပ် ဈေးပိုမိုရရှိခဲ့ကြောင်း၊ ယခုအပတ်တွင် ယခင်အပတ်ထက် ပဲတီစိမ်းဈေးနှုန်းများမြင့်တက်လာသည့်အပြင် ဝင်ရောက်မှုမှာလည်းများလာကြောင်း  ရွှေဘိုမြို့ ပဲ၊ နှမ်းကုန်စည်ဒိုင်ရှိတာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျှက်ရှိပြီး ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန်ဟူသော မျော်မှန်းချက်နှင့်အညီ အသင်းအဖွဲ့များ အစုအဖွဲ့များဖွဲ့စည်းပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံးများ၏ သီးနှံဈေးနှုန်းများနှင့် အရောင်းအဝယ်ဖြစ်မှုများကိုလည်း တင်း/ တန် စာရင်းတို့ဖြင့် အပတ်စဉ်၊ လစဉ် တင်ပြလျက်ရှိပါသည်။

   ကန့်ဘလူပွဲရုံများအနေဖြင့် ၂၀၂၄ ခုနှစ်၊ မေလအတွင်းပွဲရုံသို့ဝင်ရောက် အရောင်းအဝယ်ဖြစ်နေသောသီးနှံအမျိုးအစား၏ ဒေသပေါက်ဈေးနှုန်းများအဝင်/အထွက် တင်းများ၏ အရောင်းအဝယ်ဖြစ်မှအခြေအနေများမှာ ကုလားပဲ v2(၃၆၇.၅)တင်း ဈေးနှုန်း မှာ(၈၃၀၀၀)ကျပ်၊ ကုလားပဲ ၉၂၉(၂၇၅၄)တင်းဈေးနှုန်းမှာ (၈၀၀၀၀)ကျပ်၊ ကုလားပဲ ထိုင်ဝမ်(၂၂၀.၅)တင်း ဈေးနှုန်းမှာ(၇၃၀၀၀)ကျပ်၊ မတ်ပဲ ထွက်တိုး အမျိုးအစား(၁၄၅၂)တင်း ဈေးနှုန်းမှာ(၉၇၀၀၀)ကျပ်၊  မတ်ပဲ ဂျပန်အမျိုးအစား(၂၉၅.၅)တင်း ဈေးနှုန်းမှာ(၉၄၀၀၀)ကျပ်၊ ပဲတီစိမ်း(၆၀)တင်း ဈေးနှုန်းမှာ(၆၃၀၀၀)ကျပ်၊ ပဲစဉ်းငုံ(နီ)(၁၉၂)တင်း ဈေးနှုန်းမှာ (၁၃၀၀၀၀)ကျပ်၊ ပဲစဉ်းငုံ (ဖြူ)(၅၄)တင်း ဈေးနှုန်းမှာ (၁၂၀၀၀၀)ကျပ်၊ ကြက်ဆူ(၂၈.၅)တင်း ဈေးနှုန်းမှာ (၂၉၅၀၀)ကျပ်၊ ထောပတ်ပဲ(၈၁)တင်း ဈေးနှုန်းမှာ(၁၂၀၀၀၀)ကျပ်၊ စွန်တာနီပဲ(၂၁)တင်း ဈေးနှုန်းမှာ (၆၀၀၀၀)ကျပ်၊ ပဲဇီးကွက်(၄၅)တင်း ဈေးနှုန်းမှာ(၆၀၀၀၀)ကျပ်၊ နေကြာ(၁၂၇.၅)တင်း ဈေးနှုန်းမှာ (၃၃၀၀၀)ကျပ်၊ နံနံစေ့(၁၀၈)တင်း ဈေးနှုန်းမှာ(၃၁၀၀၀)ကျပ် အသီးသီးပေါက်ဈေးရှိကြောင်း သိရှိရပါသည်။

    ယခုရာသီကာလမှာဆိုလျှင်တော့ ကုလားပဲများလှိုင်လှိုင်ထွက်ရှိချိန်ဖြစ်ပြီး ပဲတီစိမ်းသည့် ယခုမေလမှာ စတင်ဝင်ရောက်သောသီးနှံဖြစ်ပါသည်။ ယခင် ဧပြီလ ပေါက်ဈေးနှုန်းနှင့်နှိုင်းယှဉ်ပါက ကုလားပဲအမျိုးအစားအလိုက် တစ်တင်းလျှင်(၄၀၀၀/၅၀၀၀)ကျပ်၊ ပဲတီစိမ်း တစ်တင်းလျှင် (၁၀၀၀၀) ကျပ်နှင့် ပဲစဉ်းငုံ(ဖြူ/နီ)၊ စွန်တာနီပဲ၊ ပဲဇီးကွက်ဈေးနှုန်းများ အနည်းငယ်မြင့်တက်လာပြီး ကြက်ဆူစေ့ဈေးနှုန်းမှာ အနည်းငယ်ကျဆင်းလျက်ရှိကြောင်းနှင့် ကုလားပဲအမျိုးအစားများအလိုက် အဝင်များဆုံးကျေးရွာများဖြစ်သည့် တန်ဆည်မြို့နယ်၊ မူးတိန်၊ မူးဂွ၊ မူးကျင်း၊ ကျွန်းလည်၊ နားတောင်းကျကျေးရွာများနှင့် ကန့်ဘလူမြို့နယ်၊ စန္ဒယား၊ ကျောက်အိုင်၊ တပေါင်၊ ချောင်းစောက်ကျေးရွာများမှ အဝင်အများဆုံးဖြစ်ပြီး မိမိတို့ပွဲရုံမှသီးနှံများကို မန်းလေးမြို့ဇောတိကပွဲရုံ တစ်ခုတည်းကိုသာ တင်ပို့ရောင်းချလျှက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိသည်။

DOCA(စစ်ကိုင်း)