ပြည်တွင်းကုန်သွယ်မှုသတင်း

မြင်းခြံမြို့နယ်အတွင်းသို့ သီးနှံမျိုးစုံရောင်းဝယ်နေကြသည့်အထဲတွင် နှံစားပြောင်းဈေးကွက် သည်လည်း ဈေးကွက်လိုအပ်ချက်ရှိသော သီးနှံတစ်ခုပင်ဖြစ်ကြောင်းသိရှိရသည်။ နှံစားပြောင်းပင်သည် စိုက်ပျိုးရာတွင် ကုန်ကျစရိတ်နည်းကြောင်း ပြောင်းပင်ရိုးကိုလည်း အခြောက်ခံ၍ နွားစာအဖြစ်အသုံး ပြု၍ပင်ရပါကြောင်း ပိုလျှံ၍နွားစာအဖြစ် ပြန်လည်ရောင်းချမည်ဆိုကလည်း နွားစာတစ်တင်းကို ၂၀၀၀ - ၂၅၀၀ ကျပ်ရရှိသည့်အတွက် စိုက်ပျိုးသင့်သော သီးနှံတစ်မျိုးပင်ဖြစ်တယ်လို့ စိုက်ပျိုးထုတ်လုပ်သူ တောင်သူတစ်ဦးထံမှသိရသည်။ မြင်းခြံမြို့နယ်တွင် နှံစားပြောင်းစိုက်ပျိုးမှုအနေဖြင့် (၁၄၀၆၁)ဧက ရှိပြီး တစ်ဧကပျမ်းမျှအထွက်နှုန်းအနေဖြင့်(၁၂)တင်းခန့်ထွက်ရှိကြောင်းသိရသည်။ နှံစားပြောင်းဟု ဆိုရာတွင် နှံစားပြောင်းအနီနှင့်အဖြူဟူ၍ နှစ်မျိုးရှိကြောင်း နှံစားပြောင်းအနီကို ဈေးကွက်အခေါ်အရ ရွှေနီပြောင်း ဟူ၍လည်းကောင်း နှံစားပြောင်းအဖြူကို ဆန်ပြောင်းဟူ၍လည်းကောင်း ခေါ်ဆိုရောင်းဝယ်လျက်ရှိ ကြောင်းဈေးကွက်မှသိရသည်။ လက်ရှိအရောင်းအဝယ်ဈေးကွက်အနေဖြင့် ရွှေနီပြောင်းတစ်ပိဿာ (၁၄၀၀-၁၅၀၀)ကျပ် ၊ ဆန်ပြောင်းတစ်ပိဿာ(၁၄၅၀-၁၅၀၀) ကျပ်ဈေးဖြင့် ဈေးငြိမ်နေကြောင်း၊ ပေါ်စဈေးမှာ ၁၂၀၀/-ကျပ်ရှိကြောင်းသိရသည်။ မြို့ပေါ်လက်လီပြန်အရောင်းဆိုင်များနှင့်ရန်ကုန်၊ ဈေးကွက်ကိုတင်ပို့မှုရှိကြောင်း သုံးစွဲမှုအနေဖြင့် တိရစ္ဆာန်အစာနှင့်မုန့်လုပ်ရာတွင်လည်း ထည့်သွင်း အသုံးပြုကြောင်း သိရသည်။ အရောင်းအဝယ်ဖြစ်မှုအနေဖြင့် တစ်ရက်လျှင် အိတ် ၁၅၀-၂၀၀ ခန့်သာ ရှိကြောင်း သိရသည်။

DOCA(မန္တလေး)

            စစ်ကိုင်းတိုင်းဒေသကြီး၊ ကန့်ဘလူခရိုင်သည် စိုက်ပျိုးရေးလုပ်ငန်းကို အဓိကလုပ်ကိုင်ကြပြီး မြေပဲလုံးဆံနှင့် မြေပဲအတောင့်များကို မြေပဲစိုက်ပျိုးရာ၌လည်းကောင်း ၊ ဆီစက်လုပ်ငန်းရှင်အချို့မှ မြေပဲဆီကြိတ်ကာ ကုန်ချောထုတ်လုပ်၍ ပြန်လည်ရောင်းချကြောင်း၊ မြေပဲလုံးဆံကို မြေပဲယို၊ မြေပဲဆားလှော်စသည်ဖြင့်လည်းကောင်း၊ အစားအသောက်များနှင့်တွဲဖက်စားသုံးခြင်းတို့ ပြုလုပ်ကြကြောင်း သိရသည်။

           ကန့်ဘလူခရိုင်၌ ဖေဖေါ်ဝါရီလ စတုတ္ထပတ်အတွင်း မြေပဲအတောင့်(၁)တင်းလျှင်(၄၀၀၀၀) ကျပ်နှင့် မြေပဲလုံးဆံ(၁)တင်းလျှင်(၁၅၀၀၀၀)ကျပ်ဖြင့် အရောင်းအဝယ်လျက်ရှိကြောင်း၊  ကန့်ဘလူ ခရိုင်တွင် အရောင်းအဝယ်ဖြစ်နေသည့် မြေပဲလုံးဆံများသည် ဒေသတွင်းမှလည်းကောင်း၊ မန္တလေး မြို့နှင့်ရွှေဘိုမြို့တို့မှလည်းကောင်း ဝင်ရောက်ကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

           ကန့်ဘလူခရိုင်သည် လယ်ယာစိုက်ပျိုးရေးလုပ်ငန်းများကို အဓိကထားလုပ်ကိုင်သော ဒေသတစ်ခုဖြစ်ပြီး ဒေသတွင်းစားသုံးဆီဖူလုံစေရေးအတွက် ကန့်ဘလူမြို့နယ်အတွင်းရှိ ကျေးရွာများတွင် ဆီထွက်သီးနှံဖြစ်သည့် နှမ်းသီးနှံကိုလည်း စိုက်ပျိုးကြကြောင်း၊ ဈေးကွက်အနေဖြင့် ကန့်ဘလူခရိုင် မှထွက်ရှိသောနှမ်းများကို မန္တလေးမြို့ရှိပွဲရုံများသို့ တင်ပို့ရောင်းချလျက်ရှိကြောင်း သိရသည်။

             ယခုအခါ နှမ်းဈေးနှုန်းများမှာ ၂၀၂၅ ခုနှစ်၊ ဖေဖေါ်ဝါရီလ တတိယပတ်အတွင်း နှမ်းနက်(စမုံ) တစ်တင်းလျှင်(၂၁၀၀၀၀)ကျပ်၊ နှမ်းဖြူ(ဂျပန်)တစ်တင်းလျှင် (၁၁၃၀၀၀)ကျပ်ဖြင့် အရောင်းအဝယ် ဖြစ်ခဲ့ပြီး၊ ဖေဖေါ်ဝါရီလ စတုတ္ထပတ်အတွင်း နှမ်းနက်(စမုံ)တစ်တင်းလျှင် (၂၂၀၀၀၀)ကျပ်၊ နှမ်းဖြူ (ဂျပန်)တစ်တင်းလျှင် (၁၂၀၀၀၀)ကျပ်ဖြင့် အရောင်းအဝယ်ဖြစ်နေသောကြောင့် ယခုပတ်အတွင်း နှမ်းနက်(စမုံ)တစ်တင်းလျှင် (၁၀၀၀၀)ကျပ်၊ နှမ်းဖြူ(ဂျပန်)တစ်တင်းလျှင် (၇၀၀၀)ကျပ်မြင့်တက် လာကြောင်း သီးနှံရောင်းဝယ်ရေး လုပ်ငန်းရှင်ထံမှ သတင်းရရှိသည်။

DOCA(စစ်ကိုင်း)

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် စပါးနှင့်ဆီထွက်သီးနှံများအပြင် ဘိလပ်စေ့သီးနှံများလည်း စိုက်ပျိုးကြောင်း၊ ဘိလပ်စေ့ကို ယာကွက်လွတ်များ၌လည်း ကောင်း၊ ယာခင်းဘေးပတ်လည်၌လည်းကောင်း၊ ကြဲပက်စနစ်နှင့် တန်းစိုက်စနစ်တို့ဖြင့် စိုက်ပျိုး ကြကြောင်း၊ ဘိလပ်စေ့သီးနှံများသည် ကန့်ဘလူမြို့နယ် ကံကြီးကုန်းကျေးရွာ၊ တောက္ကရှပ်ကျေး ရွာနှင့် အခြားသောကျေးရွာများမှ ဝင်ရောက်လျက်ရှိပြီး ဘိလပ်စေ့သည် စိုက်ပျိုးရလွယ်ကူပြီး ဈေးကောင်းရသဖြင့် စိုက်ပျိုးသူများအနေဖြင့် အပိုဝင်ငွေရရှိကာ မိသားစုအဆင်ပြေလျက်ရှိကြောင်း သိရသည်။

         ဖေဖေါ်ဝါရီလ စတုတ္ထပတ်အတွင်း ဈေးနှုန်းများမှာ ဘိလပ်စေ့တစ်တင်းလျှင် (၆၀၀၀၀)ကျပ်၊ ဘိလပ်စေ့ညံ့လျှင်(၅၈၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ဈေးကွက်အနေဖြင့် ကန့်ဘလူခရိုင်မှထွက်ရှိသော ဘိလပ်စေ့များကို ရွှေဘိုမြို့နှင့်မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့လျက်ရှိကြောင်း သီးနှံရောင်းဝယ်ရေး လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

             စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ်သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများကို ရောင်းချပေးလျက်ရှိကြောင်း၊ ယခုအခါ ကန့်ဘလူမြို့မဈေးတွင် ရာသီပေါ်ဂွေးတောက်ရွက်များ စတင်ရောင်းချလျက်ရှိကြောင်း သိရသည်။

            ၂၀၂၅ ခုနှစ်၊ ဖေဖေါ်ဝါရီလ စတုတ္ထပတ်အတွင်း ကန့်ဘလူမြို့မဈေးတွင်ရောင်းချနေသည့်  ဂွေးတောက်ရွက်ဈေးနှုန်းမှာ လက္ကား(၁)ပိဿာလျှင် (၄၅၀၀)ကျပ်၊ လက်လီ(၁)ပိဿာလျှင်(၅၀၀၀) ကျပ်၊ (၁၀)ကျပ်သားလျှင်(၅၀၀)ကျပ်ဖြင့်ရောင်းချကြောင်း၊ ဂွေးတောက်ရွက်များကို ကန့်ဘလူမြို့ ပေါ်၊ နတ်ပေးကျေးရွာနှင့်အခြားသောကျေးရွာများမှ ဝင်ရောက်လျက်ရှိကြောင်း ဈေးသည်လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)