ပြည်တွင်းကုန်သွယ်မှုသတင်း

       မုံရွာမြို့နယ်အတွင်းရှိ ကျေးရွာများတွင် စိုက်ပျိုးရေးလုပ်ငန်းများကို အဓိက လုပ်ကိုင်လျက်ရှိရာ စားဖိုဆောင်သီးနှံဖြစ်သည့် နံနံပင်၊ ပူစီနံပင်၊ ချဉ်ပေါင်ရွက်၊ ဆူးပုတ်ရွက်၊ ကန်ဇွန်းရွက်၊ ပဲတောင့်ရှည်သီး၊ ရုံးပတီသီး၊ ခရမ်းသီးနှင့်  ခဝဲသီးများကို စိုက်ပျိုးလျက်ရှိပါသည်။  စိုက်ပျိုးထွက်ရှိသော သီးနှံများမှ ပူစီနံပင်များနှင့် နံနံပင်များကို  မုံရွာမြို့၊ နန္ဒဝန်ဈေး သစ်တွင် လာရောက်ရောင်းချလျက်ရှိကြောင်း သိရှိရပါသည်။

          ၂၀၂၅ ခုနှစ်၊ ဒီဇင်ဘာလ ပထမပတ်တွင် နန္ဒဝန်ဈေးသစ်တွင်  ရောင်းချနေသော နံနံပင်ဈေးနှုန်းမှာ တစ်စည်းလျှင်(၂၀၀)ကျပ်၊ (၆)စည်းလျှင်(၁၀၀၀)ကျပ်ဖြစ်ပြီး ပူစီနံဈေးနှုန်းမှာ တစ်စည်းလျှင် (၂၅၀)ကျပ်မှ (၃၀၀) ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ မုံရွာမြို့နယ်အတွင်ရှိ ကျေးရွာများတွင်  အသီးအရွက်များကို တစ်နိုင်တစ်ပိုင်သော်လည်းကောင်း၊  စီးပွားဖြစ်သော်လည်းကောင်း စိုက်ပျိုးကြပါသည်။  စိုက်ပျိုးရေးသီးနှံများမှ ဆလပ်ရွက်နှင့် အိုးမုန်ညှင်းရွက်ကို ဒေသတွင်း တစ်နိုင်တစ်ပိုင်စိုက်ပျိုးလျက်ရှိပြီး မုံရွာမြို့၊ ဈေးဟောင်းရှိ  ကုန်စိမ်းစျေးများတွင် ပြန်လည်ရောင်းချကြပါသည်။

        ၂၀၂၅ ခုနှစ်၊ ဒီဇင်ဘာလ ပထမပတ်တွင် ဈေးဟောင်းတွင် ဖြစ်ပေါ်နေသော ဆလပ်ရွက်ဈေးနှုန်းမှာ ဆလပ်ရွက်တစ်စည်းလျှင် (၃၀၀)ကျပ်မှ(၄၀၀)ကျပ်၊ အိုးမုန်ညှင်းရွက်ဈေးနှုန်းမှာ အစည်းအကြီးအသေးပေါ်မူတည်၍ တစ်စည်းလျှင် (၃၀၀)ကျပ်မှ (၃၅၀)ကျပ်ထိ ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

    မန္တလေးဈေးကွက်အတွင်းသို့ ပြင်ဦးလွင်ဒေသ၊ မိုးကုတ်၊ တောင်ကြီးတို့မှ ထွက်ရှိသည့် ရှမ်းနံနံများဈေးကွက်အတွင်းသို့ ဝင်ရောက်လျက်ရှိကြသည်။ ရှမ်းနံနံကို ရှမ်းရိုးရာအစားအစာများတွင် ဟင်းခတ်အမွှေးအကြိုင်အနေဖြင့် စားသုံးကြပြီး ဈေးကွက်အတွင်းတွင် ဗမာနံနံများဈေးကြီးသောကြောင့် အချို့ရှမ်းအစားအစာနှင့် မုန့်တီသုပ်ဟင်းချိုတို့တွင် ရှမ်းနံနံများ အစားထိုးအသုံးပြုမှုများလာပြီး အရောင်းအဝယ်သွက်လျက်ရှိကြသည်။ ယခင်နှစ်က ရှမ်းနံနံ(၁)စည်းလျင်(၁၂၀၀/၁၃၀၀)အထိရှိခဲ့ပြီး ယခုနှစ်တွင်မျူ(၁)စည်းလျင်(၁၈၀၀/၂၀၀၀)ကျပ်တို့ဖြင့် မန္တလေးမြို့နယ်အတွင်းရှိ အဈေးအလေးများတွင် ရောင်းဝယ်မှုများရှိကြောင်း သိရှိရပါသည်။

DOCA(မန္တလေး)

    မန္တလေးမြို့အတွင်းသို့ ယခုရက်ပိုင်းအတွင်း မေမြို့ပန်းများ စတင်ဝင်ရောက်နေပါသည်။ မေမြို့ပန်းဆိုသည့်အတိုင်း အေးသည့်ရာသီဉတုတွင်နှင်းကျသည့် အရပ်ဒေသတွင်သာ ပွင့်သောပန်း တစ်မျိုး ဖြစ်ပါသည်။မေမြို့ပန်းကို အနီရောင်၊ ပန်းရောင်၊ ခရမ်းပြာ‌ရောင်၊ အဖြူရောင်များဖြစ်ပြီး တပင်လျှင် ၅ပွင့်၊ ၆ပွင့်၊ ၇ပွင့် ရှိသည်။ ယခုလိုရာသီတွင် ဘုရားပန်းတခါထိုးထားလျှင် ၂ပတ်မှ ၃ပတ် အတွင်းခဲသည့်အတွကိ လူကြိုက်များပြီး နှစ်သက်သည့်ပန်းတမျိုးဖြစ်ပါသည်။ ယခုရက်ပိုင်းအတွင်း မန္တလေးပန်းဈေးတန်းသို့ လက်စုတ်တစီးပန်းအစည်း ၂၅ စီးတထုံးလျှင် ၁၈၀၀၀ ကျပ်မှ ၂၀၀၀၀ ကျပ် မျာနှင့် ဝယ်ယူမှုရှိပြီး မန္တလေးမြို့နှင့် အနီးဝန်းကျင်ရှိ လက်လီရောင်းချသည့် ပန်းရောင်းသူများအနေ နှင့် လက်စုတ်စီးတစီးလျှင် ၁၀၀၀ ကျပ် မှ ၁၂၀၀ ကျပ် ဈေးနှုန်းများနှင့် ရောင်းဝယ်မှုရှိပြီး ရာသီပန်း ဖြစ်သည့်အတွက် ‌ရောင်းဝယ်မှုအားကောင်းကြောင်း လေ့လာသိရှိရပါသည်။

DOCA(မန္တလေး)

      မန္တလေးမြို့တွင်းသို့ အောင်ပန်း ၊ ကလောနှင့်ရွာငံဘက်များမှ အာလူးများဝင်ရောက်လျက်ရှိပြီး ဝင်ရောက်လာသည့် အာလူးများအနေနှင့် မန္တလေးမြို့တွင်းရှိ ပွဲရုံများမှ တိုက်ရိုက်ဝယ်ယူကြပါသည်။ မန္တလေးမြို့တွင်းမှ စားသောက်ကုန်ထုတ်ရောင်းချသူများနှင့် လက်လီရောင်းဝယ်သူများမှ ဝယ်ယူ ရောင်းချကြပါသည်။ ယခုလက်တလော မန်းမြို့တွင်းဈေးနှုန်းဈေးကွက်အနေနှင့် လုံးကြီး ၅ ပိဿာ လျှင် ၂၇၀၀၀ ကျပ်မှ 27500 ကျပ် ၊ လုံသေး ၅ ပိဿာ ၂၂၀၀၀ ကျပ် မှ ၂၂၅၀၀ ကျပ်နှင့် ရောင်းဝယ်မှုရှိပြီး လက်လီရောင်းဝယ်သူများအနေနှင့် အာလူးလုံးကြီး ၁ ပိဿာလျှင် ၈၀၀၀ ကျပ် ၊ လုံးသေး ၁ ပိဿာလျှင် ၆၅၀၀ ကျပ်များနှင့် ရောင်းဝယ်မှုရှိပြီး ဝင်ရောက်လာသည့် အာလူးများအနေနှင့် မန္တလေးမြို့နှင့် အနီးဝန်းကျင်ရှိ မြို့များသို့ ကုန်စည်စီးမှုရှိကြောင်း သိရှိရပါသည်။

DOCA(မန္တလေး)