ပြည်တွင်းကုန်သွယ်မှုသတင်း

           ပြောင်းသီးနှံမှာမွေးမြူရေး အစားစပ်လုပ်ငန်းတွင်သုံးစွဲမှုများပြားခြင်း၊ ပြည်ပတင်ပို့ခြင်းတို့ ကြောင့်အရောင်းသွက်လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂  ဧက၊ရိတ်သိမ်းမှု ၁၃၃၃၁ ဧက၊အထွက်နှုန်း  ၄၉.၅၅  တင်း၊အထွက်တင်းစုစုပေါင်း   ၆၆၀၅၉၁  တင်းဖြစ်ကြောင်းသိရပါသည်။  မန္တလေး ပွဲစား၊ ကုန်သည် စက်ပိုင်များမဟာကထိန်တော်အသင်းတွင် ၂၀၂၅ ခုနှစ် နိုဝင်ဘာလပထမပတ်အတွင်း ဖြစ်ပေါ်သည့် အစေ့ထုတ်ပြောင်းစျေးမှာပြောင်းဖူးစေ့(ရှမ်း)နှင့်ပြောင်းဖူးစေ့ (စီပီ) ၇၁၀၀၀ ကျပ် နှင့် ၇၈၀၀၀ကျပ်၊ တစ်ပိဿာစျေးအနေဖြင့် ပြောင်းဖူးစေ့(ရှမ်း)နှင့်(စီပီ)၁၃၁၅ကျပ်နှင့်၁၄၄၄ကျပ်စျေးတို့ ဖြစ်ကြောင်း သိရှိရပါသည်။ယခင်နှစ်ကာလတူတစ်ပိဿာစျေးမှာပြောင်းဖူးစေ့ (ရှမ်း)နှင့် (စီပီ) ၁၄၀၇ ကျပ်နှင့် ၁၄၁၇ကျပ်၊ ပြောင်းဖူးစေ့(ဗမာ)၁၃၇၀ကျပ်နှင့် ၁၃၈၀ကျပ်တို့ဖြစ်ကြောင်းသိရှိရပါသည်။ ယခုနှစ်စျေးနှင့်ယခင်နှစ်ကာလတူ စျေးနှိုင်းယှဉ်ပါက အစေ့ထုတ်ပြောင်းစျေးမှာ စျေးနှုန်းကွာခြားမှု အနည်းငယ်သာရှိပြီး၊ယခုနှစ်စျေးမှာပိုမိုရရှိကြောင်း သိရှိရပါသည်။

DOCA(မန္တလေး)     

            စျေးကွက်အတွင်းမြေပဲစျေးမှာပြောင်းလဲမှုအနည်းငယ်သာရှိပြီး၊ယခင်နှစ်စျေးနှင့်နှိုင်းယှဉ်ပါက စျေးနှင့်နှိုင်းယှဉ်ပါက ယခုနှစ်စျေးပိုမိုရရှိကြောင်း သိရှိရပါသည်။ မြေပဲမှာ စားသုံးဆီကြိတ် ခွဲခြင်းလုပ်ငန်းများနှင့်စားသောက်ကုန်တို့တွင် အသုံးပြုခြင်းတို့ကြောင့် ပြည်တွင်းစျေးကွက် နှင့် ပြည်ပသို့ တင်ပို့သည့်သီးနှံဖြစ်ပြီး အရောင်းသွက်လျက်ရှိကြောင်း သိရပါသည်။ မန္တလေးတိုင်း ဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်း ရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ရိတ်သိမ်းမှု ၆၃၇၄၄၇ ဧက၊ အထွက်နှုန်း ၄၆.၇၇ တင်း၊ အထွက် စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များ မဟာ ကထိန်တော်အသင်းတွင် ၂၀၂၅ ခုနှစ်နိုဝင်ဘာလပထမပတ်အတွင်း ဖြစ်ပေါ်လျက်ရှိသည့် ပေါက် စျေးများမှာ မြေပဲတစ်ပိဿာလျှင် S1 လုံးဆန် ၈၂၀၀ ကျပ်နှင့် ၈၄၅၀ကျပ်၊S1 ဆီဆန်  ၇၅၀၀ ကျပ် နှင့် ၇၇၅၀ကျပ်၊ S1 ရွေးဆန် ၈၀၀၀ကျပ်၊Mတွဲဆီဆန် ၇၅၀၀ ကျပ်နှင့် ၇၇၀၀ကျပ်၊Mတွဲလုံးဆန် ၈၀၀၀ ကျပ်၊အနီလုံးဆန် ၈၀၀၀ ကျပ်နှင့် ၈၄၀၀ကျပ်၊ အနီဆီဆန် ၇၅၀၀ ကျပ်နှင့် ၇၆၀၀ ကျပ် တို့ဖြစ်ကြောင်းသိရပါသည်။ယခင်နှစ်ကာလတူ တစ်ပိဿာစျေးမှာ S1 လုံးဆန် ၇၈၀၀ ကျပ်နှင့် ၈၀၀၀ ကျပ်၊ S1 လုံးဆန်(မြင်းမူ)၈၂၀၀ ကျပ်နှင့် ၈၄၀၀ကျပ်၊ S1 ဆီဆန် ၇၂၀၀ကျပ်နှင့် ၇၆၀၀ ကျပ်၊ S1 ရွေးဆန် ၇၅၀၀ကျပ်နှင့်၇၇၀၀ကျပ်၊အနီလုံးဆန် ၇၅၀၀ ကျပ် နှင့်၇၇၀၀ကျပ်တို့ဖြစ်ကြောင်း သိရှိရပါသည်။

DOCA(မန္တလေး)     

        ပြည်တွင်းစားဆီကြိတ်ခွဲမှုနှင့်ပြည်ပသို့တင်ပို့သည့်နှမ်းအား မန္တလေးတိုင်းဒေသကြီးအတွင်း ၂၀၂၅-၂၀၂၆ ခုနှစ်တွင် စိုက်ပျိုးမှု ၉၂၃၁၅၃ ဧက၊ရိတ်သိမ်းမှု ၈၉၈၀၅၂ ဧက၊ အထွက် နှုန်း ၅.၁၉ တင်းနှင့် အထွက်စုစုပေါင်း ၄၆၆၁၉၈၈ တင်းဖြစ်ကြောင်း သိရပါသည်။မန္တလေးပွဲစား၊ ကုန်သည် စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်နိုဝင်ဘာလပထမပတ်အတွင်း နှမ်းအမျိုး အစားအလိုက်ပေါက်စျေးများမှာ ၃တင်းဝင်အိတ် (၄၅ပိဿာပါ) တစ်အိတ်လျှင် နှမ်းဖြူ (ဂျပန်) ၂၉၀၀၀၀ကျပ်နှင့် ၃၀၀၀၀၀ကျပ်၊နှမ်းညို ၂၆၇၀၀၀ ကျပ်၊ တစ်ပိဿာစျေးမှာ နှမ်းဖြူ (ဂျပန်) ၆၄၄၄ကျပ်နှင့် ၆၆၆၇ ကျပ်၊ နှမ်းညို ၅၉၃၃ကျပ် စျေးတို့ဖြစ်ပေါ် လျက်ရှိ ကြောင်းသိရပါသည်။ ယခင် နှစ်ကာလတူ ပေါက်စျေးမှာ တစ်ပိဿာလျှင် နှမ်းဖြူ(ဂျပန်) ၉၃၃၃ကျပ်နှင့် ၉၄၄၄ကျပ်၊ နှမ်းဖြူ (ဗမာ) ၈၁၁၁ ကျပ်နှင့် ၈၄၄၄ ကျပ်၊နှမ်းညို ၆၈၄၄ကျပ်နှင့် ၆၈၈၉ကျပ်၊နှမ်းနီ ၇၄၄၄ ကျပ် ၇၅၅၆ ကျပ်တို့ ဖြစ်ပေါ်ခဲ့ပြီး၊ ယခုနှစ်နှင့်ယခင်နှစ်ကာလတူ စျေးနှိုင်းယှဉ်ပါက နှမ်းစျေးမှာ အနည်းငယ်ကျဆင်းသွားကြောင်း သိရပါသည်။

DOCA(မန္တလေး)                  

                  မန္တလေးစျေးကွက်သို့  မန္တလေးတိုင်းဒေသကြီး ၊  စစ်ကိုင်းတိုင်း ဒေသကြီး နှင့်ရှမ်းပြည်နယ် တို့မှ သံပုရာသီးနှင့် သံပုယိုသီးများ  တန်ဆောင်မုန်းလပြည့်ကျော်ရာသီအချိန်တွင် ဝင်ရောက်မှု အနည်းငယ်လျော့ကျပြီး၊စျေးအနည်းငယ်မြင့်တက်ကာ အရောင်းသွက်လျက်ရှိကြောင်း သိရှိရပါ သည်။ ၂၀၂၅ ခုနှစ်နိုဝင်ဘာလပထမပတ်အတွင်း  ဖြစ်ပေါ်သည့် စျေးနှုန်းများမှာ သံပုရာသီး ၁၀ လုံး လျှင် အလုံးကြီး ၁၅၀၀ ကျပ်နှင့် ၁၈၀၀ကျပ်၊အလုံးလတ် ၁၂၀၀ ကျပ်နှင့် ၁၃၀၀ ကျပ်၊ သံပုယိုသီး ၁၀ လုံးလျှင် အလုံးကြီး ၉၀၀ ကျပ်နှင့် ၁၁၀၀ ကျပ်၊ အလုံးလတ် ၇၀၀ ကျပ်နှင့် ၈၀၀ ကျပ်စျေးတို့ဖြစ် ပေါ်လျက်ရှိပြီး၊ အလုံးအရွယ်အစားပေါ်မူတည်၍ စျေးအနည်းငယ်ပြောင်းလဲမှုရှိကြောင်း သိရပါသည်။ တန်ဆောင်မုန်းပြည့်ကျော် ရာသီအချိန်အတွင်း သံပုရာသီးနှင့် သံပုယိုသီးမှာဝင်ရောက်မှုအနည်းငယ်လျော့ကျသည့်အတွက်စျေးအနည်းငယ်မြင့်တက်သွားကြောင်း သိရှိရပါသည်။  

DOCA(မန္တလေး)                                                                                                    

          ကုန်စိမ်းစျေးကွက်သို့ တန်ဆောင်းမုန်းလပြည့်ကျော်ကာလအတွင်း မန္တလေးတိုင်းဒေသကြီး အမရပူရခရိုင်၊ ပြင်ဦးလွင်ခရိုင်၊ ကျောက်ဆည်ခရိုင်နှင့်မိတ္တီလာခရိုင်တို့မှ ထွက်သည့်ကုန်စိမ်းများ၊ စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ပဲသီးတောင့်ရှည်ကုန်စိမ်းများ ဝင်ရောက်မှု အနည်းငယ်လျော့ကျပြီး၊ စျေးအနည်းငယ်မြင့်တက်သွားကြောင်း သိရှိရပါသည်။ စျေးကွက်အတွင်း ဝင်ရောက်လျှက်ရှိသည့်ပဲသီး တောင့်ရှည်များအား အစိမ်းရောင်နှင့်ခရမ်းရောင်ပဲသီးတောင့်များ တွေ့ရှိရပါသည်။ မန္တလေးမြို့၊ သီရိမာလာစျေးနှင့်၄၁လမ်းစျေးရှိ ကုန်စိမ်းစျေးကွက်တွင်၂၀၂၅ခုနှစ် နိုဝင်ဘာလပထမပတ်အတွင်း ဖြစ်ပေါ်သည့် ပဲသီးတောင့်ရှည်စျေးနှုန်းများမှာ ၁ပိဿာလျှင် လက္ကား စျေး ၃၅၀၀ ကျပ်နှင့် ၄၅၀၀ကျပ်၊လက်လီစျေး၅၀၀၀ကျပ်နှင့်၅၅၀၀ကျပ်စျေးဖြင့် ရောင်းချလျက်ကရှိရှိကြောင်းသိရှိရပါသည်။ ပဲသီးတောင့်ရှည်ပေါက်စျေးမှာ အောက်တိုဘာလနောက်ဆုံးပတ်ပေါက်စျေး နှင့်နှိုင်းယှဉ်ပါက ၁ ပိဿာ လျှင် ၅၀၀ကျပ်စျေးမြင့်တက်သွားကြောင်း ကုန်စိမ်းရောင်းချသူ တစ်ဦး ၏ပြောပြချက်အရ သိရှိရပါသည်။ မန္တလေးမြို့၊ သီရိမာလာစျေးအတွင်း နေ့စဉ်ကုန်စိမ်း သီးနှံဝင် ရောက်မှုမှာ ကုန်စည်အမျိုးအစားအလိုက်(Canter၁၂ဘီးနှင့်၆ဘီး)ယာဉ်(၄၀)စီးနှင့် (၆၀)စီး အကြားဝင်ရောက်လျှက်ရှိကြောင်း သိရှိရပါသည်။

DOCA(မန္တလေး)