ပြည်တွင်းကုန်သွယ်မှုသတင်း

      ဧရာဝတီတိုင်ဒေသကြီးသည် မြစ်ဝကျွန်းပေါ်ဒေသဖြစ်ပြီး မြေဆီမြေဩဇာကောင်းမွန်ကာ စိုက်ပျိုးရေးဖြစ်ထွန်းသော ဒေသဖြစ်ပါသည်။ မြစ်ဝကျွန်းပေါ်ဒေသဖြစ်သောကြောင့် နှစ်ရှည်သီးပင်တစ်ခုဖြစ်သော အုန်းသီးကို ဒေသတွင်းတစ်နိုင်တစ်ပိုင်စိုက်ပျိုးသူများရှိပြီး ပုသိမ်မြို့နယ်တွင် အုန်းသီး အခြောက်ပွဲရုံများကိုလည်း တွေ့ရှိရပါသည်။

          နိုဝင်ဘာလ တတိယပတ်တွင် အုန်းသီးအခြောက်ဈေးနှုူန်းများ ကျဆင်းလျက်ရှိပြီး အုန်းသီး တစ်လုံးလျှင် (၁၈၀၀) ကျပ်၊ (၂၀၀၀) ကျပ် ဖြစ်ပြီး နိုဝင်ဘာလ ပထမအပတ်ဈေးနှုန်းနှင့် နှိုင်းယှဉ်လျှင် အနည်းငယ်ကျဆင်းသွားကြောင်းနှင့် အုန်းသီးအခြောက်များကို အများအားဖြင့် ရန်ကုန်သို့တင်ပို့ ရောင်းချလျက်ရှိပြီး တစ်ခါတစ်ရံ အထက်မြန်မာပြည် မန္တလေးသို့ တင်ပို့ရောင်းချလျက်ရှိကြောင်း သိရှိရပါသည်။ ထို့ပြင် အုန်းသီးအခြောက်မှ ထွက်ရှိသော အုန်းခွံများကို ဒေသတွင်း တစ်နိုင်တစ်ပိုင် လုပ်ကိုင်ကြသော အုန်းဆံကျစ်သော နေရာများသို့ ပြန်လည်ရောင်းချလျက်ရှိကြောင်း သိရှိရပါသည်။

       (DOCA) ဧရာဝတီ

     မအူပင်မြို့တွင် ငါးချဉ်ရောင်းချသူများ ရှိပြီး နေ့စဉ် တစ်နှစ်ပတ်လည်လုံး ငါးချဉ် ထွက်ရှိ၍ ရောင်းချနေကြောင်း သိရသည်။ ငါးချဉ်မှာ ငါးခုံးမချဉ်၊ ငါးဖယ်ချဉ်၊ ပုစွန်ချဉ် များကို ဒေသထွက် ငါး၊ ပုစွန် များဖြင့်သာ ပြုလုပ်ကြောင်း သိရသည်။ မြစ်ချောင်း၊ အင်းအိုင်များမှ ရရှိပြီး ဒေသတွင်း ထုတ်လုပ်သူ ငါးဖယ်ချဉ်၊ ပုစွန်ချဉ် တံဆိပ် အမျိုးမျိူးဖြင့် ဒေသတွင်းနှင့် အခြားမြို့နယ်နှင့် ရန်ကုန်သို့လည်း တင်ပို့ရောင်းချကြသည်။

      ၂၀၂၅ခုနှစ် အောက်တိုဘာလ တတိယပါတ် အတွင်း ငါးခုံးမချဉ် ၁၀သား ဈေးနှုန်း ၂၀၀၀ ကျပ်ဖြင့်လည်းကောင်း၊ ပုစွန်ချဉ် ၁၀ဆယ်သား ၁ထုတ်လျှင် ငွေကျပ် ၈၀၀၀/-ဖြင့်လည်းကောင်း ၊ ငါးဖယ်ချဉ် ၁၀သားထုတ် တစ်ထုတ်လျှင် ၄၀၀၀/-ဖြင့် အရောင်းအဝယ်ဖြစ်လျက်ရှိသည်။ ငါးချဉ်လုပ်ငန်းများကို တစ်နိုင်တစ်ပိုင် လုပ်ကိုင်လျက်ရှိပြီး ငါးချဉ်များကို အချဉ်သိပ်ရန် ၂ရက်မှ ၅ရက်အတွင်း အချဉ်သိပ်၍ ဈေးကွက်အတွင်းရောင်းချပြီး ဆိုးဆေးမပါပဲ သဘာဝအတိုင်း ငါး၊ ပုစွန်ဖြင့်သာ ထုတ်လုပ်ကြောင်းသိရသည်။ ငါးခုံးမ ၅ပိဿာနှင့် ဆန် ၂ပြည် ဆား ၁ပိဿာခန့် အချဉ်သိပ်ပါက ငါးခုံးမချဉ် ၇ပိဿာခန့် ထွက်ရှိကြောင်း ပြုလုပ်သူမှ ရှင်းပြသည်။  စက်တင်ဘာလက ငါးခုံးမချဉ် ၁၀သားလျှင် ၁၅၀၀ကျပ်သာရှိပြီး ယနေ့ ၅၀၀ကျပ် ဈေးမြင့်တက်လာကြောင်း၊ ပုစွန်ချဉ် စက်တင်ဘာလက ၁၀ဆယ်သားလျှင် ၇၀၀၀ကျပ်ဖြစ်ပြီး ယနေ့ ၁၀၀၀ကျပ် မြင့်တက်လာကြောင်း၊ ငါးဖယ်ချဉ် ယခင်ဈေး ၁၀ဆယ်သားလျှင် ၅၀၀၀ကျပ်မှ ယနေ့ ၄၀၀၀ကျပ်ဖြစ်၍ ၁၀၀၀ကျပ် ဈေးကျဆင်းလာကြောင်း ဈေးကွက်အတွင်းမှ သိရသည်။ ကုန်ကြမ်းငါးများ ဈေးအတက်အကျပေါ်မူတည်၍ ဈေးနှုန်းမြင့်တက်လာခြင်းဖြစ်ပြီး အင်းများမှ ငါးများရရှိပါက ဈေးနှုန်းကျဆင်းလာနိုင်ကြောင်း ငါးချဉ်ထုတ်လုပ်သူထံ မှသိရသည်။

       မအူပင်မြို့အခြေပြု ထုတ်လုပ်ရောင်းချလျက်ရှိသော ပုဇွန်ချဉ် အမှတ်တံဆိပ်များတွင် (ဒေါ်နီ)ပုဇွန်ချဉ်၊ ကစ်ကစ် ပုဇွန်ချဉ်လုပ်ငန်း၊ မလွင် ပုဇွန်ချဉ် နှင့် ကျုံမငေး ကျေးရွာများမှ ငါးချဉ်လုပ်ငန်းများ လုပ်ကိုင်လျက်ရှိကြောင်း သိရသည်။

DOCA(ဧရာဝတီ)

     မအူပင်ခရိုင်၊ ကျုံစုတ်ကျေးရွာ တွင်ကိုထက် စီပီကြက်နှင့် ဗမာကြက် မွေးမြူရောင်းဝယ်ရေးလုပ်ငန်း လုပ်ကိုင်လျှက် ရှိကြောင်း သိရသည်။ ၎င်း လုပ်ငန်းမှ အောက်တိုဘာလ ပထမပတ်ကြက်သားဈေးနှုန်းများမှာ ဗမာကြက်ဟု ခေါ်ကြသော အိမ်မွေး ကြက်ဈေးနှုန်းမှာ  ကျပ် ၂၄၀ဝ၀၊ စပ်မျိုးကြက်ဈေးနှုန်း မှာ ကျပ် ၁၁၀ဝ၀ ၊ စီပီ ကြက်ဟုခေါ်ကြသော မွေးမြူရေးကြက် က  ဒိုင်ဈေး ကျပ် ၁၅၀၀ဝ  ဖြင့် မွေးမြူရေး ကြက်ခြံဈေး အကောင်လိုက် ရောင်းချ နေသည်ကို တွေ့ရသည်။ ကိုလတ် ကြက်မွေးမြူရေးလုပ်ငန်းတွင် စီပီကြက်အကောင်ရေ ၃၅၀ကောင်၊ ဗမာကြက် ၁၅၀ကောင်၊ စပ်မျိုးကြက် အကောင်ရည် ၁၈၀ ခန့်မွေးမြူထားကြောင်း သိရသည်။

          ယခင် စက်တင်ဘာလက ဗမာကြက်အကောင်ဈေးအနေဖြင့်  ၂၂၀၀၀၊ စပ်မျိုးကြက် ၉၀၀၀ကျပ်၊ စီပီ ၁၃၀၀၀ ကျပ်ဖြင့် အရောင်းအဝယ်ဖြစ်ပြီး ယနေ့ဈေးဖြင့် နှိုင်းယှဉ်ပါက  ၂၀၀၀-၃၀၀၀ကျပ်ခန့် မြင့်တက်လာကြောင်း ပွင့်လင်းရာသီဖြစ်၍ မြင့်တက်လာခြင်းဖြစ်ပြီးနှစ်စဉ် ဈေးနှုန်းမြင့်တက်သော ကာလဖြစ်ကြောင်း ကြက်သားရောင်းချသူထံများမှ သိရသည်။ ကြက်အသားရောင်းချမှုအနေဖြင့်  ၃လမ်းဈေးအတွင်း စီပီ ကြက်သား ၁ပိဿာလျှင် ၂၀၀၀၀- ၂၃၀၀၀ကျပ်၊ ဗမာကြက် ၁ပိဿာ ၃၀၀၀၀-၃၂၀၀၀ ကျပ်၊ စပ်မျိုးကြက် ၁ပိဿာ ၁၃၀၀၀-၁၄၀၀၀ကျပ်ဖြင့် အသီးသီးရောင်းချနေပြီး ယခုရက်အတွင်း ကြက်သာဈေးနှုန်း အနည်းငယ်မြင့်တက်လာကြောင်း ဈေးကွက်အတွင်းမှ သိရသည်။

DOCA(ဧရာဝတီ)

     ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်သည် စိုက်ပျိုးရေးလုပ်ငန်းများ၊ မွေးမြူရေးလုပ်ငန်းများ၊ လယ်ယာထွက်ကုန်နှင့် မွေးမြူရေး ငါးများကိုပါ ပြည်ပတင်ပိုမှု အများဆုံးမြို့ဖြစ်သည်။ စိုက်ပျိုးရေးလုပ်ငန်းတွင် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စီးပွားဖြစ်စိုက်ပျိုးခြင်း၊  တစ်ပိုင်တစ်နိုင် စိုက်ပျိုးခြင်းလုပ်ငန်းများလည်း ရှိကြသည်။

       ၂၀၂၅ခုနှစ် နိုဝင်ဘာလတွင် ညောင်တုန်းမြို့  ရန်ကုန်-ပုသိမ်ကားလမ်း ဘေးရှိ ဆားမလောက်မှ ဗန္ဓုလ တတံတား တစ်လျောက် ကျေးရွာများ၊  အခြားသောကျေးရွာများတွင် ဟင်းသီး ဟင်းရွက်အပင်များကိုစိုက်ပျိုးကြကြောင်း၊ ထိုဟင်းသီးဟင်းရွက်များကို ညောင်တုန်းမြို့နယ်တွင်း ဈေးနှင့် ရန်ကုန်၊ ဧရာဝတီတိုင်းတွင်းဒေသများသို့ တင်ပို့ရောင်းချကြောင်းသိရသည်။ စိုက်ပျိုးမှု ကုန်ကျစရိတ်အနေဖြင့် နံနံပင်  စိုက်ပျိုးရာတွင် ဧကဝက်ခန့်သာစိုက်ပျိုးပြီး မျိုး၁ထုတ်ဈေးနှုန်းမှာ ၁၆၀၀၀ ကျပ် ၅၀၀ဂရမ်၊  ဧကဝက် အတွက် မျိုးထုတ် ၅၀ ထုတ်ကုန်ကျကြောင်း၊ ဧကဝက် ကုန်ကျစရိတ်အနေဖြင့် ၁၀သိန်းခန့်ကုန်ကျပြီး ၊ ပင်စိမ်း၊ ရှမ်းနံနံ၊ ပူစီနံမှာ ပေ ၄၀၊ ၆၀ ခန့် ပတ်လည်တွင် စိုက်ပျိုးပြီး မျိုး ၁ထုတ်ဈေးနှုန်းမှာ ၁၅၀၀ကျပ်ခန့်သာရှိ၍ ပင်စိမ်း၊ ရှမ်းနံနံ၊ ပူစီနံ ကုန်ကျစရိတ်မှာ တစ်မျိုး လျှင် ကုန်ကျစရိတ် ၆သောင်းခန့်သာရှိသည်ဟုသိရသည်။

    နံနံပင် ထွက်ရှိမှု အနေဖြင့် ဧကဝက်တွင် ပိဿာချိန် ၁၅၀ခန့်ထွက်ရှိသည်ဟူ စိုက်ပျိုးသူထံမှ သိရသည်။ ဈေးနှုန်းအနေဖြင့် နံနံပင် ၁ပိဿာလျှင် ၁၀၀၀၀ကျပ်ဖြင့် ဈေးကွက်အတွင်း လက်လီရောင်းချကြောင်း၊ လက်ကားဈေး ၁ပိသာ ၉၀၀၀ကျပ်ဖြင့် အရောင်းအဝယ်ဖြစ်လျက်ရှိသည်။ စိုက်ပျိုးသူများ နံနံပင်အကျိုးအမြတ်အနေဖြင့် ၃၅၀၀၀၀ ကျပ်ခန့်ကျန်ရှိသည်ဟု သိရသည်။

    ဈေးကွက်အတွင်း ပိဿာချိန်ဖြင့် ရောင်းချခြင်းမရှိပဲ အစီးဖြင့်သာ ရောင်းချကြသည်။  ၂၀၂၅ ခုနှစ်၊ နိုဝင်ဘာလ တတိယ အပတ်အတွင်း နံနံပင်(၁)စည်းလျှင် (၅၀၀)ကျပ်၊ နံနံပင်(၂)စည်းလျှင် (၈၀၀)ကျပ်ဖြင့်ရောင်းချ ကြောင်း၊  ပင်စိမ်းရွက် (၁)စည်းလျှင် (၃၀၀)ကျပ်၊ ပင်စိမ်းရွက်(၂)စည်း လျှင်(၅၀၀)ကျပ်ဖြင့်ရောင်းချကြောင်း၊  ရှမ်းနံနံ ၁စီးလျှင် (၃၀၀)ကျပ်၊  ရှမ်းနံနံ (၂)စီးလျှင် (၅၀၀)ကျပ်ဖြင့် ရောင်းချကြောင်း၊ ပူစီနံနံရွက်(၁)စည်းလျှင် (၅၀၀)ကျပ် ဖြင့်ရောင်းချကြောင်း ၊ ယခင်နှစ်ဈေးဖြင့် နှိုင်းယှဉ်ပါက ၃၀၀ကျပ် ဈေးမြင့်တက်နေပြီး ယခုနှစ် ဈေးကောင်းလျက်ရှိကြောင်း  မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရ ပါသည်။

DOCA(ဧရာဝတီ)

     မအူပင်မြို့နယ်တွင် ၂၀၂၅ခုနှစ် အောက်တိုဘာလ၊ နိုဝင်ဘာလ မှ စ၍ အုန်းသီးဈေး ကျဆင်းလျက်ရှိကြောင်း သိရသည်။ မအူပင်မြို့နယ်တွင် အုန်းသီး သီးသန့်ရောင်းချသော ဆိုင်များရှိသလို အပင်ပြတ်ဝယ်ယူ၍ လှည့်လည်ရောင်းချသော အုန်းသီးသည်များလည်းရှိသည်။  အုန်းသီး ၁လုံးလျှင် လက်ကားဈေး ၈၀၀-၁၀၀၀ကျပ်ဖြင့် ဝယ်ယူရပြီး ပြန်လည် ရောင်းချပါက ၁လုံးလျှင် ၂၀၀၀ကျပ်ထိ ဈေးရောင်းချရကြောင်း အုန်းသီးလှ ၍ ဘုရားပွဲ၊ နတ်ပွဲသုံး အုန်းသီး ရောင်းချဈေးမှာ ၁လုံးလျှင် ၃၀၀၀ကျပ်ထိ သာရ၍ ကျဆင်းလာကြောင်း သိရသည်။

    လွန်ခဲ့သော မေ၊ ဇွန်၊ ဇူလိုင်၊ ဩဂုတ်လများက အုန်းသီး ၁လုံးလျှင် လက်ကားဈေး ၃၀၀၀ကျပ်ဖြင့် ဝယ်ယူရပြီး ပြန်လည် ရောင်းချပါက ၁လုံးလျှင် ၄၀၀၀ကျပ်ထိ ဈေးရောင်းချရကြောင်း အုန်းသီးလှ ၍ ဘုရားပွဲ၊ နတ်ပွဲသုံး အုန်းသီး ရောင်းချဈေးမှာ ၁လုံးလျှင် ၆၀၀၀ကျပ်ထိ ဈေးကောင်းရရျိခဲ့ပြီး ယနေ့ဈေးဖြင့် ယှဉ်လျှင် ၁၅၀၀-၂၀၀၀-၃၀၀၀ကျပ် ကျဆင်းလာကြောင်းတွေ့ရပြီး ဈေးကျဆင်းရခြင်းမှာ အုန်းသီးထွက်ရှိမှု ပိုမိုများပြားလာခြင်းကြောင့်ဖြစ်ကြောင်း၊ အခြားသော အုန်းသီးမျိုးကွဲများလည်း ထွက်ရှိလာသောကြောင့် ဈေးကွက်အတွင်း ဈေးကျဆင်းလာပြီး ရန်ကုန်တင်ပို့မှု တွင် ဈေးကောင်းရကြောင်း အုန်းသီးရောင်းချသူထံမှ သိရသည်။

DOCA(ဧရာဝတီ)