Main menu

ပြည်တွင်းကုန်သွယ်မှုသတင်း

Powered by Drupal

တိုင်းဒေသကြီး/ပြည်နယ်များ၏ စပါးဆန်ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြခြင်း ( ၄.၆.၂၀၂၄ )

    ၄.၆.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၂၂/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံတစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်း ( ၄.၆.၂၀၂၄ )

    ၄.၆.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံး ပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများ( ၄.၆.၂၀၂၄ )

    ၄.၆.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

အောင်လံကုန်စည်ဒိုင်၏ သီးနှံမျိုးစုံဈေးနှုန်းများနှင့် အရောင်းအဝယ်ဖြစ်မှုအခြေအနေ

     မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် ၂၀၂၄ခုနှစ်၊ မေလ(စတုတ္ထပတ်)အတွင်း နှမ်းနက်(စမုံ) (၄၅)ပိဿာပါ(၁)အိတ်လျှင် အနိမ့်ဈေးကျပ်(၃၅၀၀၀၀) အမြင့်ဈေးကျပ် (၃၈၀၀၀၀)ဖြင့် (၄၅)ပိဿာဝင်အိတ် (၁၂၅၀)အိတ်ကိုလည်းကောင်း၊ နှမ်းနီ(၄၅)ပိဿာပါ (၁)အိတ် လျှင် ကျပ် (၃၄၀၀၀၀)ဖြင့်(၄၅)ပိဿာဝင် အိတ်(၈၀)အိတ်ကိုလည်းကောင်း၊ နှမ်းပြာ (၄၅)ပိဿာပါ (၁) အိတ်လျှင် ကျပ်(၃၄၀၀၀၀)ဖြင့် (၄၅)ပိဿာဝင် အိတ်(၁၅၀)အိတ်ကိုလည်းကောင်း၊ နှမ်းဖြူ (၄၅)ပိဿာ ပါ(၁)အိတ်လျှင် ကျပ်(၃၅၀၀၀၀)ဖြင့် (၄၅)ပိဿာဝင် အိတ်(၅၀)အိတ်ကိုလည်းကောင်း အသီးသီး အရောင်းအဝယ်ရှိခဲ့ပါသည်။

    ပဲမျိုးစုံသီးနှံဖြစ်သည့် မတ်ပဲ၊ ပဲတီစိမ်း၊ ပဲစဉ်းငုံနီ၊ ပဲကြီး၊ ကုလားပဲ၊ ဘိုကိတ်ပြာ၊ မြေပဲနှင့် ဝါသီးနှံတို့မှာ မတ်ပဲ (၁)တင်းလျှင် အနိမ့်ဈေးကျပ်(၁၀၁၅၀၀) အမြင့်ဈေးကျပ်(၁၀၆၀၀၀)ဈေးနှုန်း ဖြင့် (၁)တင်းခွဲဝင် အိတ်(၁၅၀)ကို လည်းကောင်း၊ ပဲစဉ်းငုံနီမှာ (၁)တင်းလျှင် အနိမ့်ဈေးကျပ် (၁၃၆၈၀၀) အမြင့်ဈေးကျပ်(၁၄၂၆၀၀) ဈေးနှုန်းဖြင့် (၁)တင်းခွဲဝင် အိတ်(၂၈၀၀)ကိုလည်းကောင်း၊ ပဲကြီး (၁)တင်း လျှင် အနိမ့်ဈေးကျပ် (၈၂၀၀၀) အမြင့်ဈေးကျပ်(၉၂၀၀၀)ဈေးနှုန်းဖြင့် (၁)တင်းခွဲဝင် အိတ်(၂၀၀)ကို လည်းကောင်း၊ ဘိုကိတ်ပြာ (၁)တင်းလျှင် အနိမ့်ဈေးကျပ်(၆၂၀၀၀) အမြင့်ဈေး ကျပ် (၆၆၀၀၀) ဈေးနှုန်းဖြင့် (၁)တင်းခွဲဝင် အိတ်(၁၀၀) ကိုလည်းကောင်း၊ ကုလားပဲ (HL) (၁)တင်းလျှင် အနိမ့်ဈေးကျပ် (၈၂၀၀၀) အမြင့်ဈေးကျပ်(၈၅၀၀၀)ဈေးနှုန်းဖြင့် (၁)တင်းခွဲဝင်အိတ်(၄၀၀)ကို လည်းကောင်း၊ ကုလားပဲ(မြကြေး) (၁)တင်းလျှင် အနိမ့်ဈေးကျပ် (၈၇၀၀၀) အမြင့်ဈေးကျပ် (၉၀၀၀၀)ဈေးနှုန်းဖြင့် (၁)တင်းခွဲဝင် အိတ်(၃၅၀)ကို လည်းကောင်း၊ မြေပဲလုံးဆံ(ဖြူ)(၁)ပိဿာလျှင် ယခုတစ်ပတ်အတွင်း ကျပ်(၆၉၅၀) နှုန်းဖြင့် (၃၀) ပိဿာဝင် အိတ်(၂၀၀)ကိုလည်းကောင်း အသီးသီးအရောင်းအဝယ် ရှိခဲ့ပြီး မတ်ပဲ၊ ပဲစဉ်းငုံနီ၊ ဘိုကိတ်ပြာ၊ ကုလားပဲ(မြကြေး)၊ နှမ်းနက်(စမုံ)နှင့် နှမ်းပြာ စသည့်သီးနှံတို့ကို ရန်ကုန်မြို့နှင့် မန္တလေးမြို့များသို့ တင်ပို့ရောင်းချရခြင်းဖြစ်ပြီး ပဲကြီးကို ပြည်မြို့သို့ လည်းကောင်း၊ ကုလားပဲ(HL)၊ မြေပဲလုံးဆံ(ဖြူ)နှင့် နှမ်းဖြူတို့ကို အောင်လံမြို့နယ်အတွင်းရှိ ပဲကြော်လုပ်ငန်းရှင်များသို့လည်းကောင်း၊ နှမ်းအနီကို အောင်လံမြို့နယ်အတွင်းရှိ ဆီကြိတ်သည့် လုပ်ငန်းရှင်များသို့လည်းကောင်း တင်ပို့ရောင်းချရခြင်းဖြစ်ကြောင်း သိရှိခဲ့ရပါသည်။

   ဝါသီးနှံမှာ ယခုတစ်ပတ်အတွင်းတွင် (၁)ပိဿာလျှင် ကျပ်(၂၇၀၀ မှ ၂၈၀၀) ဈေးနှုန်းရှိပြီး ဝါပိဿာချိန် (၇၀၀၀) ပိဿာခန့်အား မန္တလေးမြို့သို့ တင်ပို့ရောင်းချရခြင်း ဖြစ်ပါကြောင်းနှင့် အရောင်းအဝယ်မှာ ပုံမှန်အနေအထားမျှသာရှိပါကြောင်း အောင်လံကုန်စည်ဒိုင်မှ သိရှိခဲ့ရပါသည်။

DOCA(မကွေး)

 

 

ပုထိုးစမ်းကျေးရွာတွင် မိုးမြေပဲများ စိုက်ပျိုးလျက်ရှိ

      မကွေးတိုင်းဒေသကြီး၊ မကွေးခရိုင်၊ မကွေးမြို့နယ်၊ မကြီးကန်ကျေးရွာအုပ်စုရှိ ပုထိုးစမ်းကျေးရွာသည် နှမ်း၊ မြေပဲ၊ ကုလားပဲ၊ ပဲတီစိမ်း၊ မတ်ပဲနှင့် ပဲစဉ်းငုံသီးနှံများကို စိုက်ပျိုးကြပြီး မြေပဲစိုက် တောင်သူမှာ (၆၀)ဦးခန့်ရှိပြီး စိုက်ဧကမှာ (၄၀၀၀)ဧကနီးပါး စိုက်ပျိုးထားကြောင်း သိရှိရပါသည်။

     မျိုးကို ရွာရှိတောင်သူအချင်းချင်းထံမှ (၁)ပြည်လျှင် ကျပ်(၉၀၀၀)ဖြင့်ဝယ်ယူရပြီး ထွန်‌ကြောင်းဆွဲအစေ့ချစနစ်ဖြင့် စိုက်ပျိုးခြင်းဖြစ်ကြောင်း၊ (၁)ဧကလျှင် မျိုး(၂)တင်းခန့် အသုံးပြုရကြောင်း၊ ၂၀၂၄ခုနှစ်၊ မေလ(စတုတ္ထပတ်)တွင် စတင်စိုက်ပျိုးပြီး ရက်ပေါင်း(၈၀)အကြာတွင် ခူးဆွတ်ပါကြောင်း၊ မိမိအနေဖြင့် မိုးမြေပဲ(၁)ဧကခွဲစိုက်ပျိုးထားပြီး ကုန်ကျစရိတ်အနေဖြင့် ယခုနှစ်တွင် ယခင်နှစ်နည်းတူ မြေပြုပြင်ခ၊ လုပ်အားခအပါအဝင် စုစုပေါင်းကုန်ကျစရိတ်မှာ ကျပ်(၇၀၀၀၀၀) ခန့်ကုန်ကျကြောင်း၊ အထွက်နှုန်းအနေဖြင့် ယခင်နှစ်က (၁)ဧကလျှင် တင်း(၁၀၀)နီးပါးထွက်ရှိပြီး ဈေးနှုန်းအနေဖြင့် မြေပဲတောင့်(၁)တင်းလျှင် ကျပ်(၁၇၀၀၀)၊ မြေပဲဆံ(၁)တင်းလျှင် ကျပ်(၁၃၀၀၀၀) ဈေးရရှိခဲ့ကြောင်း၊ ဈေးကွက်အနေဖြင့် မကွေးမြို့ရှိ ပွဲရုံများသို့တင် ပို့ရောင်းချပါကြောင်း ပုထိုးစမ်းကျေးရွာနေ မြေပဲစိုက်တောင်သူ ဦးလှမြင့်ထံမှ သိရှိရပါသည်။

DOCA(မကွေး)

အထက်မင်းလှမြို့တွင် ကြက်သွန်နီဈေးနှုန်းအနည်းငယ်ကျဆင်း

    မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် ၂၀၂၄ခုနှစ်၊ ဇွန်လ(ပထမပတ်)တွင် ကြက်သွန်နီဈေးနှုန်းမှာ အနည်းကျဆင်းလျက်ရှိကြောင်း သိရှိရပါသည်။

    ၂၀၂၄ခုနှစ်၊ ဇွန်လ(ပထမပတ်)တွင် ကြက်သွန်နီ(အလုံးကြီး)(၁)ပိဿာလျှင် ကျပ်(၂၅၀၀)၊ အလတ်(၁)ပိဿာလျှင် ကျပ်(၂၃၀၀)၊ အသေး(၁)ပိဿာလျှင် ကျပ်(၂၁၀၀)ဈေးဖြင့် အရောင်းအဝယ် ဖြစ်လျက်ရှိပြီး ယခင်မေလ(စတုတ္ထပတ်)နှင့် နှိုင်းယှဉ်လျှင် ကျပ်(၂၀၀ - ၃၀၀)ဈေးနှုန်းကျဆင်းလျက် ရှိကြောင်း သိရပါသည်။ ကြက်သွန်နီကို မကွေးမြို့၊ မင်းဘူးမြို့၊ သရက်မြို့နှင့် တောင်တွင်းကြီးမြို့ တို့မှ မှာယူရောင်းချသော်လည်း ယခုအချိန်တွင် မင်းလှမြို့နယ်၊ ညောင်ပင်သာကျေးရွာ၌ ကြက်သွန်နီသစ်များ ထွက်ရှိလာသည့်အတွက် မင်းလှမြို့၊ ဇေယျာသီရိဈေးအတွင်း ကြက်သွန်နီဈေးမှာ အနည်းငယ်ကျဆင်းလာခြင်းဖြစ်ကြောင်း သိရှိရပါသည်။

DOCA(မကွေး)

 

အထက်မင်းလှမြို့၊ ဇေယျာသီရိဈေးတွင် ခရမ်းချဉ်သီးဈေးနှုန်းများ မြင့်တက်လျက်ရှိ

       မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် ခရမ်းချဉ်သီးကို သရက်မြို့၊ တောင်တွင်းကြီးမြို့၊ မင်းဘူးမြို့၊ မကွေးမြို့နှင့် ရှမ်းပြည်နယ် တောင်ကြီးမြို့တို့မှ အများဆုံးမှာယူရောင်းချလျက်ရှိကြောင်း သိရှိရပါသည်။

       ၂၀၂၄ခုနှစ်၊ ဇွန်လ(ပထမပတ်)တွင် ခရမ်းချဉ်သီးဈေးနှုန်းမှာ အလုံးကြီး(၁)ပိဿာလျှင် ကျပ် (၄၈၀၀)၊ အလုံးလတ်(၁)ပိဿာလျှင် ကျပ်(၄၅၀၀)ဈေးဖြင့်အရောင်းအဝယ်ဖြစ်လျက်ရှိပြီး ယခင် မေလ(စတုတ္ထပတ်)နှင့် နှိုင်းယှဉ်လျှင် ကျပ်(၁၀၀၀ မှ ၁၅၀၀)အထိ ဈေးနှုန်းမြင့်တက်အရောင်းအဝယ် ဖြစ်လျက်ရှိကြောင်း သိရပါသည်။  ယခုအချိန်သည် မိုးဦးကျကာလဖြစ်ပြီး ဒေသအတွင်းရှိ ခရမ်းချဉ် သီးများမှာ ရာသီတုံးသောကာလဖြစ်နေ၍ ရှမ်းပြည်နယ် တောင်ကြီးမြို့မှ မှာယူတင်သွင်းရသည့်အတွက် သယ်ယူစရိတ်မြင့်မား၍ ဈေးမြင့်လာရခြင်းဖြစ်ကြောင်း သိရှိရပါသည်။

DOCA(မကွေး)

အထက်မင်းလှမြို့၊ ဇေယျာသီရိဈေးတွင် ကြက်ဥနှင့် ဆေးဘဲဥဈေးနှုန်းများမြင့်တက်

    မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင်  ကြက်ဥ၊ ဘဲဥ၊ ငုံးဥနှင့်ဆေးဘဲဥများကို မကွေးမြို့နှင့် မန္တလေးမြို့တို့မှ မှာယူရောင်းချလျက်ရှိကြောင်း သိရှိရပါသည်။

    ၂၀၂၄ခုနှစ်၊ ဇွန်(ပထမပတ်)တွင် ကြက်ဥအလုံးကြီး(၁၀)လုံးလျှင် ကျပ်(၃၂၀၀)၊ အလုံးအလတ် (၁၀)လုံးလျှင် ကျပ်(၃၀၀၀)၊ ငုံးဥ(၂၅)လုံးလျှင် ကျပ်(၂၀၀၀)၊ ဆေးဘဲဥ(၁၀)လုံးလျှင် ကျပ်(၄၅၀၀) ဈေးနှုန်းများဖြင့် အရောင်းအဝယ်ဖြစ်လျက်ရှိပြီး ယခင်မေလ(စတုတ္ထပတ်)နှင့်နှိုင်းယှဉ်လျှင် ကြက်ဥ  ကျပ်(၂၀၀ မှ ၃၀၀)၊ ဆေးဘဲဥ ကျပ်(၅၀၀)ဈေးမြင့်တက်ခဲ့ပြီး ငုံးဥမှာ ဈေးနှုန်းတည်ငြိမ်လျက်ရှိကြောင်း သိရပါသည်။ ဥစားကြက်မွေးမြူးရေးခြံများတွင် ကြက်စာဈေးမြင့်လာခြင်းနှင့် သယ်ယူစရိတ် ဈေးမြင့်မားလာခြင်းတို့ကြောင့် ကြက်ဥဈေးမှာ မြင့်တက်လာရခြင်းဖြစ်ပြီး ဘဲဥကို မန္တလေးမြို့မှ မှာ ယူ၍မရသည့်အတွက် ဇွန်လ(ပထမပတ်)အတွင်း ပစ္စည်းပြတ်လပ်မှုဖြစ်နေ၍ ဈေးအတွင်း ရောင်းချခြင်းမရှိကြောင်း သိရှိရပါသည်။

DOCA(မကွေး)

 

အထက်မင်းလှမြို့နယ်၊ ဥယျာဉ်ကျေးရွာတွင် မိုးနှမ်းများစိုက်ပျိုးလျက်ရှိ

     မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်၊ ပန်းတော်ပြင်ကျေးရွာအုပ်စုရှိ ဥယျာဉ်ကျေးရွာသည် စိုက်ပျိုးရေးကိုအဓိကလုပ်ကိုင်ပြီး ၂၀၂၄ခုနှစ်၊ မေလ(စတုတ္ထပတ်)တွင် မိုးနှမ်းများကို စတင်စိုက်ပျိုးကာ မိုးနှမ်းစိုက်တောင်သူ(၅၀)ဦးခန့်ရှိပြီး စိုက်ဧကမှာ(၂၅၀)ဧက ဝန်းကျင်ရှိကြောင်း သိရှိရပါသည်။

     စိုက်ပျိုးရာတွင် ထွန်ကြောင်းဆွဲအစေ့ချစနစ်ဖြင့်စိုက်ပျိုးပြီး (၁)ဧကလျှင် မျိုး(၃)ပြည်ခန့် ကုန်ကျကြောင်း၊ မျိုးကို ယခင်နှစ်က နှမ်းစိုက်ခင်းမှထွက်ရှိသည့် နှမ်းစေ့များကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ကြောင်း၊ မိမိအနေဖြင့် နှမ်းနီ(၈)ဧကနီးပါး စိုက်ပျိုးထားပါကြောင်း၊ ရာသီဥတုပေါ်မူတည်၍ ရက်ပေါင်း(၇၅)ရက်မှ(၉၀)ရက်အတွင်း ရိတ်သိမ်းရကြောင်း၊ ကုန်ကျစရိတ်အနေဖြင့် ယခုနှစ်တွင် ယခင်နှစ်နည်းတူ မြေပြုပြင်ခ၊ လုပ်အားခအပါအဝင် စုစုပေါင်းကုန်ကျစရိတ်မှာ ကျပ် (၁၀၀၀၀၀)နီးပါး ကုန်ကျကြောင်း၊ အထွက်နှုန်းအနေဖြင့် ယခင်နှစ်က (၁)ဧကလျှင် (၁၂)တင်း ထွက်ရှိပြီး ဈေးနှုန်းအနေဖြင့် ကျပ်(၁၂၀၀၀၀)ထိ ဈေးရရှိခဲ့ကြောင်း၊ ဈေးကွက်အနေဖြင့် ထွက်ရှိသည့် နှမ်းများကို အထက်မင်းလှမြို့ရှိ ပွဲရုံများသို့ တင်ပို့ရောင်းချကြောင်း ဥယျာဉ်ကျေးရွာနေ နှမ်းစိုက်တောင်သူ ဦးဇော်အောင်ထံမှ သိရှိရပါသည်။

DOCA(မကွေး)

Pages

Subscribe to RSS - ပြည်တွင်းကုန်သွယ်မှုသတင်း