ပြည်တွင်းကုန်သွယ်မှုသတင်း

              တတိုင်းမွှေးဆိုတဲ့ အမည်နှင့်လိုက်ဖက်စွာ အမည်ကို တမ်းတရုံနှင့် မွှေးသည် ဆိုရလောက်အောင် ပန်း၏ရနံ့မှာ ဆွတ်ပျံ့ဖွယ်ဖြစ်သည်။ မေ၊ဇွန်၊ဇူလိုင်လများတွင် ပန်းပွင့်ကြပြီး အဖြူရောင်၊ရနံ့မွှေးကြိုင် တံတိုင်းမွှေးပန်းများကို ယခုလိုအချိန် မိုးကုတ်ဒေသတွင် စိုက်ပျိုးဖြစ် ထွန်းပြီး အိမ်တစ်အိမ်မှာ တတိုင်းမွှေးပန်းပင်တစ်ပင်ရှိလျှင် တစ်ရပ်ကွက်လုံး မွှေးပျံ့နေပါသည်။ အအေးပိုင်းဒေသတွင် ပိုမိုဖြစ်ထွန်းပါသည်။ တတိုင်းမွှေးပင်၏ အရွက်မှာ အစိမ်းရင့်ရောင် ဘဲဥပုံအ ရွက်များဖြစ်ပြီး ဖယောင်းလွှာဖြင့် ဖုံးအုပ်ထားသောကြောင့် ပြောင်ချောနေသည်။ ပန်းပွင့်များမှာ အပင်မျိုးစိတ်ပေါ် မူတည်၍ အဖြူရောင်၊ အဝါရောင်၊ အနီရောင်၊ ပန်းရောင်၊ ခရမ်းရောင်၊ ကြက်သွေး ရောင် ဟူ၍ အမျိုးမျိုးရှိသည်။ ပန်းများ၏ ရနံ့မှာ အလွန်မွှေးသောကြောင့် ရေမွှေးပြုလုပ်ရာတွင် လည်းကောင်း၊ရေချိုးဆပ်ပြာ၊ အလှကုန် ပစ္စည်းထုတ်လုပ်ရာတွင် လည်းကောင်း အသုံးပြုကြသည်။ စတင်စိုက်ပျိုးချိန်မှစ၍ (၇)နှစ်ခန့်ကြာမှသာ ပန်းပွင့်ပါသည်။ တတိုင်းမွှေးပန်း၏ ထူးခြားချက်မှာ ဝတ်မှုံမထုတ်လုပ်ဘဲ ပရိုတင်းဓာတ်ပါသော ဝတ်ရည်များသာ ထုတ်ကာ ပျားများသည် တတိုင်းမွှေး၏ အဓိက ဝတ်မှုန်ကူးသူဖြစ်သည်။ အပင်များသည် နှစ်(၁၀၀)သက်တမ်းအထိ ရှင်သန်နိုင်သည်။ စကားဝါ၊ စကားစိမ်းနွယ်ပင်ဖြစ်သည်။ တတိုင်းမွှေးပန်း ကလေးများသည် အဆင်းလှပခြင်း၊ ရနံ့သင်းပျံ့ခြင်းတို့ကြောင့် ပန်းချစ်သူများအနေဖြင့် မိမိတို့ အိမ်ခြံဝင်းထဲတွင် တစ်ပင်တစ်လေ စိုက်ပျိုးသင့်ပါသည်။ မြန်မာနိုင်ငံတွင် အပူပိုင်းနှင့် သမပိုင်း ဒေသရှိ တတိုင်းမွှေးကိုသာ စိုက်ပျိုးသင့်ပါသည်။အအေးပိုင်းဒေသများဖြစ်သော မိုးကုတ်၊ ပြင်ဦးလွင်ဒေသများတွင် မြင်တွေ့နိုင်သည်။ တတိုင်းမွှေးပန်းက စိုးရိမ်စိတ်များတာကို သက်သာ စေသည်။ အသက်ရှုလမ်းကြောင်းဆိုင်ရာ ကျန်းမာရေးကို ကောင်းစေသည်။ စိတ်ဖိစီးမှုကိုလည်း သက်သာစေသည်။

DOCA(မန္တလေး)

                အဝါရောင်သည် ပျော်ရွှင်ခြင်း၊ ရယ်မောခြင်း၊ မျှော်လင့်ချက်ရဲ့ နေရောင်ခြည်ကို နွေးထွေးခြင်းဆိုတဲ့ အဓိပ္ပာယ်ကို ဆောင်ပါသည်။ အကောင်းမြင်ခြင်းနှင့် စိတ်ပျော်ရွှင် တက်ကြွခြင်း ကို ပေးစွမ်းနိုင်ပါသည်။ အဝါရောင်သည် လင်းလွန်းသောကြောင့် စိတ်ကိုကြည်လင်လန်းဆန်း စေပါသည်။ ငုဝါပန်းများကလည်း အဝါရောင်ဆွဲလွဲအခိုင်လိုက်တွေ တစ်ပင်လုံးအူနေအောင် ပွင့်တတ်သည်။ သင်္ကြန်မိုးကလေးပြီးကတည်းက ပွင့်လန်းခဲ့သည့် စိန်ပန်းနီ၊ စိန်ပန်းပြာတွေ၊ ငုဝါပန်းတွေ၊ ငုစပ်ပန်းတွေက ကြွေကျမြေမှာ ကြဲပြန့်နေပြီး နောက်တစ်ပြန်ပွင့်တဲ့ စိန်ပန်းနီတွေကတော့ ပွင့်လျှက်ကျန်နေပါသည်။ ငုဝါပန်းက နွေရာသီရဲ့ ရာသီပန်းဖြစ်သည်။ ထင်သာမြင်သာအောင် ပွင့်သောကြောင့် လမ်းဘေးဝဲယာ၊ ကျောင်းကန်ဘုရား၊ ခြံဝန်း၊ပန်းခြံ စသည်ဖြင့် အရိပ်ရအလှပင် အဖြစ် စိုက်ပျိုးကြသည်။ ငုဝါပန်းများကို ဘုရားကျောင်းအိမ်တွင် ချိတ်ဆွဲထားက ပျော်ရွှင်ခြင်းနှင့် ကံကောင်းခြင်းတွေကို သယ်ဆောင်ပေးနိုင်သည်ဟု ဆိုသည်။ မြန်မာနိုင်ငံ၏ နှစ်သစ်ကို ကံကောင်းခြင်းများစွာနှင့် ကြိုဆိုကာ ပွင့်လန်းသောပန်းများဖြစ်သည်။ ငုဝါပန်းပွင့်များကို မြင်ရသူအဖို့ ရင်ဝယ်နွေးထွေးမှုကို ရစေပါသည်။ ငုဝါအသီး၊ အခေါက်၊အရွက်များကို တိုင်းရင်းဆေးဖော်စပ်ရာတွင် အသုံးပြုကြောင်း သိရှိရသည်။ ပိတောက်နှင့် ငုဝါပန်းသည် အဝါရောင် ပွင့်လန်းသော ပန်းများဖြစ်ပြီး အပြိုင်လှရပ်နိုင်လွန်းပြီး လူတို့နှစ်သက်မြတ်နိုးအပ်သော ပန်းကလေး များဖြစ်သည့်အတွက်စိုက်ပျိုးသင့်ပါသည်။ငုဝါပန်းပျိုးပင်တစ်ပင်လျှင် (၂၀၀၀/၃၀၀၀/၅၀၀၀) ကျပ်ဖြင့် ရောင်းချလျှက်ရှိကြောင်း ပန်းပျိုးပင်အရောင်း ဆိုင်မှ သိရှိရသည်။

DOCA(မန္တလေး)

  နွားထိုးကြီးမြို့နယ်သည် ဆည်ရေသောက်အသင့်တင့်ရှိပြီး မိုးကောင်းသောက် ဧရိယာ များတွင် မိုးစပါးများကိုလည်း ဒေသတွင်းဝမ်းစာဖူလုံစေရန် စိုက်ပျိုးထားကြောင်း သိရှိရသည်။ မိုးစပါးများကို ဇူလိုင်လ၊ဩဂုတ်လနှင့် စက်တင်ဘာလတို့တွင် စတင်စိုက်ပျိုးပြီး ဒီဇင်ဘာလနှင့် ဇန်နဝါရီလတို့တွင် စတင်ရိတ်သိမ်းကြောင်း သိရှိရသည်။ ၂၀၂၅/၂၀၂၆ခုနှစ်တွင် မြင်းခြံမြို့နယ်၌ မိုးစပါးစိုက်ပျိုးပြီးဧက (၁၁၈၅၉) စိုက်ပျိုးထားကြောင်း မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရှိရသည်။ စီမံကိန်းလျာထားချက်နှင့် အညီရာနှုန်း ပြည့်မီအောင် စိုက်ပျိုးထား ကြောင်း၊ သက်လတ်စပါးမျိုးဖြစ်သော မနောသုခ စပါးမျိုးများကို စိုက်ပျိုးထားကြောင်း၊ မိုးစပါး များကို ၂၀၂၆ခုနှစ်၊ ဇန်နဝါရီလတွင်  စတင်ရိတ် သိမ်းမည်ဖြစ်ကြောင်း၊ ယခင်နှစ်မိုးစပါးအထွက် နှုန်းအနေဖြင့် (၇၀)တင်းခန့် ထွက်ရှိခဲ့ကြောင်း၊  ယခင်နှစ်မနောသုခစပါး တစ်တင်းခွဲ တစ်အိတ်လျှင် (၃၀၀၀၀) ကျပ်ခန့်ပေါက်ဈေးများဖြင့် ဒေသအတွင်း၌သာ အရောင်းအဝယ် ဖြစ်ခဲ့ကြောင်း၊ စိုက်နည်းစနစ်၊ သွင်းအားစုနှင့် ရာသီဥတုကောင်းမွန်ပါက ယခင်နှစ်ထက် အထွက်နှုန်းကောင်းနိုင်ကြောင်း မိုးစပါး စိုက်တောင်သူတစ်ဦး၏ ပြောပြချက်အရသိရှိရသည်။

DOCA(မန္တလေး)

           ဇွန်၊ဇူလိုင်မိုးနှင့်အတူ သစ်ပင်၊ ပန်းပင်စိုက်ပျိုးရန် အချိန်ကောင်းဖြစ်သည့် အားလျော်စွာ ပန်းပျိုးပင် များ ရောင်းအားကောင်းခဲ့ရှိကြောင်း ပန်းပျိုးပင်ဈေးကွက်မှ သိရှိရသည်။ပန်းပျိုးပင် များရောင်းအား ကောင်းလျှက်ရှိသော အပင်များအနက် သပြေဘူတအပင်များလည်း ပါဝင်သည်။ သပြေဘူတအပင် သည် အဖြစ်မြန်သည်၊ အကြီးမြန်သည်။ ရာသီဥတုဒဏ်ခံသည်။ ဘုရား၊ကျောင်း၊ ကန်၊ဟိုတယ်၊ အိမ်ယာခြံဝင်းများတွင် ပန်းအလှပင်အဖြစ် စိုက်ပျိုးကြသလို လမ်းဘေးဝဲယာတ လျှောက်လည်း စိုက်ပျိုးကြသည်။ပန်းလေးတွေရဲ့သဘောသည် မြင်ရသူ၏ ရင်ဝယ်စိတ်နှလုံးရွှင်ပြုံးစေသည်။ စိတ်အမောပြေစေသည်။ ဒါကြောင့် စိတ်ချမ်းသာချင်လျှင် သစ်ပင်ပန်းပင်စိုက်ပါ။ လူတွေ ရဲ့စိတ်ကို ချမ်းသာစေသည်မှာ စကားပြန်မပြောတတ်သော ပန်းကလေးများဖြစ်သည်။ ပန်းကလေး တွေမှာ သာ အသိညဏ်ခံစားတတ်သော နှလုံးသားရှိမည်ဆိုလျှင် သူတို့ရဲ့ရင်ထဲ လူတွေရဲ့စိတ်ကို ပျော်ရွှင် စေတဲ့အတွက်ကြောင့် ကျေနပ်နေမည်တင်ပါသည်။ နိုင်ငံတကာနေရာဒေသကမ္ဘာကြီးကို သစ်ပင်၊ ပန်းပင်များက အလှဆင်ထားသည်မှာ ဧကန်မလွဲဖြစ်သည်။ သပြေဘူတအပင်များသည် ယခင်က မြန်မာနိုင်ငံက ထွက်ရှိအပင်များ မဟုတ်ဘဲ နိုင်ငံခြားမှ တင်သွင်းလာခဲ့ခြင်းဖြစ်သည်။ ယခုအခါတွင် မျိုးစေ့ကျအပင်ပေါက်တဲ့အတွက်ကြောင့် နိုင်ငံအနှံ့အပြား မြင်တွေ့နိုင်သည်။ သပြေဘူတ အဖြူ၊ အနီ၊ အဝါရောင်စုံရှိပြီး အဆုပ်လိုက်အဆုပ်လိုက်တပင်လုံး အူနေအောင်ပွင့်တတ် ပါသည်။ ယခင်က ဈေးကြီးပေမဲ့ ယခုအခါဈေးကျနေပြီး သပြေဘူတ တစ်ပင်လျှင် အပင်အကြီးအ သေးပေါ်မူတည်၍ (၁၀၀၀/၅၀၀၀) ကျပ်ဖြင့် ရောင်းချလျှက်ရှိကြောင်း ပန်းပျိုးပင်ဈေးကွက်မှ သိရှိရသည်။

DOCA(မန္တလေး)

   မြင်းခြံမြို့ရှိ အေးမြသီတာဈေး၌ စားဖိုဆောင်သီးနှံမျိုးစုံရောင်းဝယ်လျက်ရှိရာ အာလူးသီး သီးနှံများကိုလည်း ရောင်းဝယ်လျက်ရှိကြောင်း၊ အာလူးသီးများကို ရှမ်းပြည်နယ်တောင်ပိုင်း၊ အောင်းပန်းပွဲရုံများမှ တင်သွင်း၍ ဒေသတွင်းဖြန့်ဖြူးရောင်းချကြောင်း၊ ၂၀၂၅ခုနှစ်၊ နိုဝင်ဘာလ တွင်အာလူးသီးအကြီး တစ်ပိဿာလျှင် (၈၀၀၀)ကျပ်၊ အာလူးသီးအလတ် တစ်ပိဿာ လျှင်(၇၀၀၀) ကျပ်၊  အာလူးသီးအသေးတစ်ပိဿာလျှင် (၅၅၀၀)ကျပ်ခန့်ပေါက် ဈေးများဖြင့် ရောင်းချ ကြောင်း၊ ယခင်လနှင့်နှိုင်းယှဉ်ပါက ယခုလတွင် အာလူးသီးကြီး တစ်ပိဿာလျှင် (၁၀၀၀)ကျပ်၊ အာလူးသီးအလတ် တစ်ပိဿာလျှင်(၅၀၀)ကျပ်၊  အာလူးသီးအသေး တစ်ပိဿာလျှင် (၈၀၀)ကျပ် ခန့်ဈေးနှုန်းများ မြင့်တက်ခဲ့ကြောင်း၊ ရာသီချိန်ကုန်ခါနီးပြီဖြစ်သောကြောင့် အာလူးသီးဈေးမြင့်တက် ခဲ့ခြင်းဖြစ်ကြောင်း၊ ဒီဇင်ဘာလနှင့် ဇန်နဝါရီလတို့၌ အာလူးအသစ်များ ထွက်ပေါ်လာပါက ဈေးနှုန်းများကျဆင်းနိုင်ကြောင်း၊ နေ့စဉ်ကုန်ချိန် (၅၀-၁၅၀) ပိဿာခန့် ရောင်းချရကြောင်း၊ ဈေးကွက်အနေဖြင့် ဒေသတွင်းစားသုံးရန်နှင့် တောင်သာမြို့သို့လည်း တင်ပို့ရောင်းချရကြောင်း၊ စားသုံးမှုများပြားပြီး အရောင်းအဝယ်ကောင်းကြောင်း ကုန်စိမ်းပွဲရုံများမှသိရှိရသည်။

DOCA(မန္တလေး)