ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီး၊ မြိတ်မြို့ပေါ်ရှိ စည်ပင်သာယာဈေးကြီးများနှင့် လမ်းဘေးသစ် သီးဆိုင်များတွင် ရောင်းချနေသော သစ်သီးဝလံဈေးနှုန်းများရောင်းချလျက်ရှိကြောင်း သိရှိရပါ  သည်။

          ယခု၂၀၂၅ခုနှစ် ဇူလိုင်စတုတ္ထပတ်တွင် ဖြစ်ပေါ်နေသော သစ်သီးဈေးနှုန်းများမှာ စပျစ်သီး တစ်ဆယ်သားလျှင် (၃၀၀၀)ကျပ်၊ ပန်းသီးအကြီးတစ်လုံးလျှင် (၁၅၀၀)ကျပ်၊ ပန်းသီးအငယ်တစ်လုံး လျှင် (၁၀၀၀)ကျပ်၊ ပျားလိမ္မော်ကြီးတစ်လုံးလျှင် (၇၀၀)ကျပ်၊ မာလကာသီးတစ်လုံးလျှင် (၂၀၀၀) ကျပ်၊ သရက်သီးအကြီးတစ်လုံးလျှင် (၅၀၀၀)ကျပ်၊ သရက်သီးအငယ်တစ်လုံးလျှင် (၂၀၀၀)ကျပ်၊ လိုင်ချီး နို့စည်ဗူးတစ်ဗူးလျှင် (၂၀၀၀)ကျပ်၊ လော်ကော်သီး တစ်ဆယ်သားလျှင် (၂၀၀၀)ကျပ်၊ မက် မွန်းသီးတစ်လုံးလျှင် (၁၅၀၀)ကျပ်၊ နဂါးမောက်သီးတစ်လုံးလျှင် (၄၅၀၀)ကျပ်၊ ဖရဲသီးအကြီး တစ်လုံးလျှင် (၇၀၀၀)ကျပ်၊ နာနတ်သီးတစ်လုံးလျှင် (၂၅၀၀)ကျပ်၊ ကျွဲကောသီးအကြီးတစ်လုံး လျှင်(၁၀၀၀၀)ကျပ်နှင့် ကျွဲ‌ကောသီးအငယ်တစ်လုံးလျှင် (၅၀၀၀)ကျပ်ဖြင့် အသီးသီးရောင်းချနေ ကြောင်း မြိတ်မြို့ စည်ပင်သာယာဈေးကြီးတွင် ရောင်းချလျက်ရှိသော သစ်သီးဆိုင်များထံမှ သိရှိ ရပါသည်။

DOCA( တနင်္သာရီ)

      ကျွန်းလှမြို့နယ်အတွင်းရှိ ကျေးရွာများနှင့် ကျွန်းလှမြို့ ပေါ်ရပ်ကွက်များတွင် မွေးမြူရေး နှင့်  စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှ ရိုးရိုး ဗမာနွားများနှင့် မေထုံခေါ် နို့စားနွား မွေးမြူရေးလုပ်ငန်းကိုလည်း တစ်ပိုင်တစ်နိုင် မွေးမြူလျက်ရှိပြီး နွားနို့များကို ကျွန်းလှမြို့ ဈေးကွက် အတွင်းသို့ လာရောက် ပို့ဆောင်ကာ ရောင်းချလျက်ရှိကြောင်း သိရသည်။

    ဗမာနွားများသည် သဘာဝအစားအစာဖြစ်သော မြက်၊ ကောက်ရိုး၊ ပဲမှော်များကိုသာကျွေးရပေမဲ့ နို့စားနွားများကိုဖြင့် အသင့်စား အစာမှုန့် ၊ ပဲပတ်၊ ကုလာပဲဆံမှုန့် ၊ ဆန်ကွဲ နှင့် မြက်နုများကိုသာ ကျွေးမွေးရခြင်းဖြင့် နွားနို့အထွက်နှုန်းကောင်းပြီး စီးပွားရေးအရ တွက်ခြေကိုက်သည့်အတွက် မွေးမြူသင့်ကြောင်း မွေးမြူရေးလုပ်ကိုင်သူထံမှ သိရသည်။

   ၂၀၂၅ ခုနှစ်၊ ဇူလိုင်လ စတုတ္ထပတ် အတွင်း ဖြစ်ပေါ်နေသော ကျွန်းလှမြို့၏ နွားနို့ဈေးနှုန်းများမှာ နွားနို့(၁)လီတာ တစ်ဘူးလျှင်(၂၀၀၀)ကျပ်၊ နွားနို့ခဲ(၁၀)ကျပ်သားလျှင်(၁၅၀၀)ကျပ် နှင့် ဒိန်ချဉ် (၁)လီတာ တစ်ဘူးလျှင်(၅၀၀၀)ကျပ် ဈေးနှုန်းတို့ဖြင့်  တည်ငြိမ်ပြီး အရောင်းအဝယ်ဖြစ်လျက်ရှိကြောင်း မွေးမြူရေး လုပ်ငန်းလုပ်ပြီး နွားနို့  ရောင်းချနေသူထံမှ သိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကျွန်းလှမြို့တွင် စိုက်ပျိုးရေး၊ မွေးမြူရေး လုပ်ငန်းများကို လုပ်ကိုင်ပြီး အသက်မွေးဝမ်းကြောင်းပြုကြသူများရှိသလို တောတောင်ကို အမှီပြုပြီး သပြေပန်းချိုးရောင်း ခြင်း၊ မျှစ်ချိုရောင်းခြင်း၊ မှိုရှာရောင်းခြင်း၊ အသီးအရွက်ခူးရောင်းခြင်း၊ အင်ဖက်ခူးရောင်းခြင်းနှင် ပျားရှာသည့်လုပ်ငန်းတို့ကိုလည်း လုပ်ကိုင်ပြီး မိသားစုစားဝတ်နေရေးတွက် အသက်မွေးဝမ်းကြောင်း ပြုသူများရှိသည့်အနက် သဘာဝအရပေါက်ရောက်သည့် တောမှို၊ တောင်ဘို့မှိုတို့ကို လိုက်ရှာပြီး ကျွန်းလှမြို့ သစ်ရာမြိုင်ဈေးတွင် လာရောက် ရောင်းချလျက်ရှိကြောင်း သိရသည်။

     တောင်ဘို့မှိုကို ခြမှိုလို့လဲခေါ်လေ့ရှိကြသည်။ တောင်ဘို့မှိုသည် တောင်ဘို့ရှိရာမြေအောက် ခြကောင်ရှိသောနေရာများ၌ အစုလိုက်အပြုံလိုက်ပေါက်ရောက်လေ့ရှိပါသည်။ တောင်ဘို့မှိုသည် နွေအကုန် မိုးဦးရာသီအစ မိုးတစ်ပြိုက် နှစ်ပြိုက်ရွာသွန်းအပြီးတွင် ပေါက်ရောက်လေ့ရှိပါသည်။ တောင်ဘို့မှိုသည် အခြားမှိုများနှင့်မတူ တမူထူးခြားပြီး အဖူးများဖြစ်သည့်အတွက် ရေအဆေးခံပြီး  အရသာမှာ ပိုချို ပိုနုပြီး လူကြိုက်များကာ ဈေးကောင်းရရှိသော မှိုအမျိုးအစားဖြစ်ပါသည်။

     ၂၀၂၅ ခုနှစ်၊ ဇူလိုင်လ စတုတ္ထပတ် အတွင်း ကျွန်းလှမြို့၌ ဖြစ်ပေါ်လျက်ရှိသော  တောင်ဘို့မှို ဈေးနှုန်းအနေဖြင့် တောင်ဘို့မှို တစ်ပိဿာလျှင်(၂၀၀၀၀)ကျပ်၊ တောဘို့မှို(၅၀)ကျပ်သားလျှင် (၁၀၀၀၀)ကျပ် နှင့် တောင်ဘို့မှို(၂၅)ကျပ်သားလျှင်(၅၀၀၀)ကျပ် ဈေးနှုန်းတို့ဖြင့်လည်းကောင်း တောမှိုဈေးနှုန်းအနေဖြင့် တောမှို တစ်ပိဿာလျှင်(၁၂၀၀၀)ကျပ်၊ တောမှို(၅၀)ကျပ်သားလျှင် (၆၀၀၀)ကျပ်နှင့် တောမှို(၂၅)ကျပ်သားလျှင်(၃၀၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး ရာသီစာဖြစ်သည့်အတွက် ဈေးကောင်းသော်လည်း လူကြိုက်များပြီး အရောင်းအဝယ်ဖြစ်လျက်ရှိကြောင်း  သိရသည်။

DOCA(စစ်ကိုင်း)

       ကန့်ဘလူခရိုင်၊ ကျွန်းလှမြို့နယ်အတွင်း ငါးဈေးနှုန်းများ အနည်းငယ်မြင့်တက်လျက်ရှိရာမှ ပုဇွန်ခြောက် ဈေးနှုန်းသည်လည်း ဈေးကောင်းဖြင့် ရောင်းချလျက်ရှိကြောင်း သိရှိရပါသည်။

      ပုဇွန်ခြောက်ဟာဆိုရင် ကျွန်းလှမြို့နယ်အတွင်းရှိ သဖန်းဆိပ်ဆည်အတွင်းမှ ရရှိသည့် ရေချိုပုဇွန် ခြောက်ဖြစ်ပြီး အကောင်သေးပြီး အရမ်းချိုကာ အသားကျစ်လစ်သည့်အတွက် လူကြိုက်များပြီး  လက်ဆောင်ပေးရာတွင်လည်း  အမြင်လှသည့်အတွက် အရောင်းသွက်ကာ ဈေးကောင်းရရှိလျက် ရှိပါသည်။

      ၂၀၂၅ ခုနှစ်၊ ဇူလိုင်လ စတုတ္ထပတ် တွင် ကျွန်းလှမြို့နယ်အတွင်း ဖြစ်ပေါ်နေသော ပုဇွန်ခြောက် ဈေးနှုန်း များအနေဖြင့် ပုဇွန်ခြောက် အကြီး တစ်ပြည်လျှင်(၅၅၀၀၀)ကျပ်၊ ပုဇွန်ခြောက် အကြီး လက်လီ ဈေး နို့ဆီ(၁)ဘူးလျှင်(၇၀၀၀)ကျပ်၊ ပုဇွန်ခြောက် အလတ် တစ်ပြည်လျှင်(၄၀၀၀၀)ကျပ်၊ ပုဇွန်ခြောက်  အလတ် နို့ဆီ(၁)ဘူးလျှင်(၅၀၀၀)ကျပ် နှင့် ပုဇွန်ခြောက်  အသေး တစ်ပြည်လျှင်(၂၈၀၀၀)ကျပ် နှင့် နို့ဆီ(၁)ဘူးလျှင်(၃၅၀၀)ကျပ်ဈေးနှုန်းအသီးသီးတို့ဖြင့် အရောင်းအဝယ်ဖြစ်လျက်ရှိကြောင်း ပုဇွန်ခြောက် ရောင်းချသူထံမှ သိရပါသည်။

DOCA(စစ်ကိုင်း)

 မျှစ်သည် မြက်မျိုးရင်းဝင်တစ်မျိုးမှ ဆင်းသက်လာပြီး မြက်မျိုးရင်းဝင်ထဲတွင်အရှည်ဆုံးနှင့် အကြီးဆုံးအပင်တစ်မျိုးပင်ဖြစ်ပါသည်။ ဝါးပင်နုနုလေးဖြစ်ပြီး ရက်သတ္တပတ်(၂)ပတ်မပြည့်ခင် အမြင့် (၁)ပေ မပြည့်ခင်ခူးချိုးထားသော ဝါးပင်၏အတက်ကလေး ဖြစ်ပါသည်။မျှစ်သည် ချက်စားသည့် အခါတွင်လည်း ကြွပ်ကြွပ်လေးနဲ့ စားကောင်းပါသည်။ထို့ပြင် ဆောက်လုပ်ရေးလုပ်ကိုင်ရာတွင်လည်း အသုံးဝင်သော ဝါးပင်လည်းဖြစ်ပါသည်။အာရှနိုင်ငံအများစုတွင်ပေါက်ရောက်ပြီး အာရှဒေသခံများ အတွက်လည်း အသုံးဝင်သော အပင်တစ်မျိုးဖြစ်ပါသည်။ မျှစ်သည်ပရိုတင်းဓာတ်ကြွယ်ဝသလို  ကယ်လိုရီပါဝင်မှုလည်း နည်းပြီး အမျှင်ဓာတ်နဲ့ ဗီတာမင် A ၊ ဗီတာမင် B အုပ်စု၊ ဗီတာမင် E ၊ သံဓာတ်များပါဝင်သည်။ မျှစ်သည် အမျှင်ဓာတ်ကြွယ်ဝခြင်းကြောင့် အစာကြေစေနိုင်ပြီး ဝမ်းမှန် စေနိုင်ပါသည်။ အူမကြီးလှုပ်ရှားမှုကိုကောင်းမွန်စေပြီး ဝမ်းချုပ်မှုကို ကင်းစေတာကြောင့် အစာခြေစနစ် ကျန်းမာစေဖို့ စားပေးသင့်တဲ့ အစားအစာတစ်ခုဖြစ်ပါသည်။ မျှစ်၂၅ကျပ်သားလျှင် (၁၅၀၀)ကျပ်၊ ၅၀ကျပ်သားလျှင် (၂၅၀၀)ကျပ်၊ မျှစ်တစ်ပိဿာလျှင် (၅၀၀၀)ကျပ်ဖြင့် အရောင်းအဝယ်ဖြစ်လျက် ရှိကြောင်း သိရှိရပါသည်။

DOCA(မန္တလေး)