ပြည်တွင်းကုန်သွယ်မှုသတင်း

   ပြင်ဦးလွင်မြို့မှဒေသထွက် ခရမ်းချဉ်သီးများ ဈေးကောင်းရရှိသဖြင့် ခရမ်းချဉ်စိုက် တောင်သူများအဆင်ပြေလျက်ရှိကြောင်း သိရှိရပါသည် ။ ကျောက်ဆည်မြို့နယ်အတွင်း ကျေးရွာ အချို့တွင်လည်း ဗမာခရမ်းချဉ်သီးများကို တစ်ပိုင်တစ်နိုင် စိုက်ပျိုးလျက်ရှိပါသည်။ ကျောက်ဆည် မြို့နယ်အတွင်းရှိ မြို့မဈေး နှင့် အေးမြကြည်လင်ဈေးတို့တွင် ရောင်းချသည့် ဟင်းသီးဟင်းရွက် အများစုမှာ မြို့နယ်အတွင်းကျေးရွာများ နှင့် ရွာငံဒေသမှ လာရောက် တင်သွင်း ရောင်းချခြင်း များဖြစ်ပြီး ခရမ်းချဉ်သီး၊ မုန်လာဉ၊ ချဉ်ပေါင်ရွက်၊ ခရမ်းသီး၊ ပဲသီး၊ ဆလပ်ရွက်၊ ပန်းမုံလာ၊ ငရုပ်သီး၊ အာလူး၊ကြက်သွန်၊ဗူးသီး၊ဂေါ်ဖီထုပ်နှင့်ဘုရားပန်းများလာရောက်ရောင်းချလျှက်ရှိပါသည်။ ယခင်နှစ် ခရမ်းချဉ်သီးစိုက်တောင်သူများ အရှုံးပေါ်ခဲ့သည့်အတွက် စိုက်သူများလာသဖြင့် ခရမ်းချဉ်သီး ထွက်နှုန်းများ ကျဆင်းပြီး ဝယ်လိုအားနှင့်ရောင်းလိုအား မမျှတကာ ခရမ်းချဉ်သီး ဈေးကွက် ဆက်တိုက် ဈေးတက်လျက်ရှိကြောင်း ၊ စားဖိုဆောင်သီးနှံ တစ်မျိုးဖြစ်သည့် ဗမာ ခရမ်းချဉ်သီး ဈေးနှုန်းမှာ(၁)ပိဿာလျှင်လက်ကားဈေး(၄၀၀၀)ကျပ်ရောင်းချပြီး ၊လက်လီဈေးအနေဖြင့်(၁)ပိဿာ လျှင်(၆၀၀၀)ကျပ်ဖြင့်ရောင်းချရကြောင်း၊ကုန်စိမ်းရောင်းချသည့်ဈေးသည်တစ်ဦးထံမှသိရှိရပါသည်။

DOCA( မန္တလေး)

   မန္တလေးတိုင်းဒေသကြီး၊ ကျောက်ဆည်မြို့ရှိ မြို့မဈေးနှင့် အေးမြကြည်လင်ဈေးများတွင် ရာသီစာသီးနှံများ၊ သစ်သီးဝလံများ၊ အထည်များရောင်းချသည့်အပြင် ရာသီမရွေးရရှိသည့် အုန်းသီး၊ ငှက်ပျောသီးများကိုလည်း ရောင်းချလျက်ရှိပါသည်။ အုန်းသီးကို ဒေသမှ ထွက်ရှိသည့် အုန်းသီး များအပြင် အခြားဒေသမှ ထွက်ရှိသည့် အုန်းသီးများကိုလည်း ရောင်းချလျက်ရှိပါသည်။ ငှက်ပျော သီးကို ကျောက်ဆည်ဒေသမှ အဓိကထွက်ရှိသည့်အတွက် ဒေသထွက် ငှက်ပျောသီးများ ကိုလည်း အဓိကထားရောင်းချလျက်ရှိပါသည်။ အုန်းသီးဈေးနှုန်းအနေဖြင့် တစ်လုံးလျှင်(၄၀၀၀-၅၀၀၀/-) ကျပ်ခန့်ရှိကြောင်း၊ ငှက်ပျောသီးဈေးနှုန်းအနေဖြင့် ဖီးကြမ်းငှက်ပျောသီး တစ်ဖီးလျှင် (၃၀၀၀-၃၅၀၀/-)ကျပ်ခန့်ရှိကြောင်း၊ ပြေသီးငှက်ပျော(ရခိုင်ငှက်ပျော)တစ်ဖီးလျှင်(၁၀၀၀-၁၅၀၀/-) ကျပ် ခန့်ရှိကြောင်း၊ ကျောက်ဆည်မြို့၊ အေးမြကြည်လင်ဈေးနှင့် မြို့မဈေးရှိ အုန်း၊ ငှက်ပျော ရောင်းချ သော ဆိုင်ရှင်တစ်ဦး၏ ပြောကြားချက်အရသိရှိရပါသည်။

DOCA(မန္တလေး)

         ဘုရင့်နောင်ကုန်စည်ဒိုင်သို့ ၁၈.၁၁.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၄၀၂၆ အိတ်နှင့် ဈေးနှုန်းမှာ ၅၃၅၀၀ မှ ၅၅၀၀၀ ကျပ်၊ ဆန်ကြမ်းထိပ်စအိတ်ရေ ၃၉၅၁ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၃၂၈၄ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၅၆၅ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၆၂၉၇ နှင့် ဈေးနှုန်းများမှာ ၄၂၀၀၀ မှ ၄၇၀၀၀ ကျပ်၊ ပဲခူး(အနောက်) မှ ရှယ်စ ၄၃၂၇ အိတ်နှင့် ဈေးနှုန်းမှာ ၅၃၅၀၀ မှ ၅၅၀၀၀ ကျပ်၊ ဆန်ကြမ်းထိပ်စ အိတ်ရေ ၃၇၂၀ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၃၁၉၅ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၄၉၂ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၆၃၅၃ နှင့် ဈေးနှုန်းများမှာ ၄၂၀၀၀ မှ ၄၇၀၀၀ကျပ်၊ ဧရာဝတီတိုင်းမှ ရှယ်စ ၄၂၅၈ အိတ်နှင့် ဈေးနှုန်းမှာ ၅၃၅၀၀ မှ ၅၅၀၀၀ ကျပ်၊ ဆန်ကြမ်းထိပ်စ အိတ်ရေ ၃၃၉၆ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၂၉၂၄ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၅၃၈ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၆၀၈၄ နှင့် ဈေးနှုန်းများမှာ ၄၂၀၀၀ မှ ၄၇၀၀၀ကျပ် တို့ဝင်ရောက်ကြောင်း သိရှိရပါသည်။        

        ၁၈.၁၁.၂၀၂၅ ရက်နေ့တွင်  ကုန်စည်ဒိုင်သို့ ရှယ်စ(၁၂၆၁၁)၊ ဆန်ကြမ်း(၁၁၀၆၇)၊ လတ်စ (၉၄၀၃)၊ ၂၅မတ်(၄၅၉၅)၊ ဆန်ကွဲ(၁၈၇၃၄) အိတ်နှင့် စုစုပေါင်းဆန်အိတ်ရေ (၅၆၄၁၀)  အိတ်ဝင်ရောက်ခဲ့ရာ ဆန်ဈေးနှုန်းမှာ အနည်းငယ်ပြောင်းလဲမှုရှိကြောင်း သိရှိရပါသည်။

DOCA(ရန်ကုန်)

  မန္တလေးတိုင်းဒေသကြီး၊ ကျောက်ဆည်မြို့နယ်၊ ထားဝယ်ကျေးရွာတွင်မိသားစုစားဝတ်နေရေးအတွက် တစ်ဖက်တစ်လမ်းမှ အထောက်အကူပြုစေသည့် ဆူးပုတ်ပင်များကိုတစ်ပိုင်တစ်နိုင် စိုက်ပျိုးလာကြသည်ကိုသိရှိရပါသည်။ ဆူးပုတ်ပင်ကိုအပင်(၃၀၀)ခန့်စိုက်ပျိုးထားရှိရာ စိုက်ပျိုးပြီး (၆) လအကြာတွင်ခူးဆွတ်ရောင်းချကြောင်း  ဆူးပုတ်ရွက်ကို(၂)ရက်တစ်ကြိမ် ခူးဆွတ်ရပြီး အစည်း ရေ(၂၀၀)ကျော် ခန့်ထွက်ရှိကြောင်း၊ ရာသီဥတုပေါ်မူတည်ပြီး ရေသွင်းခြင်းနှင့် ဆေးဖျန်းပေး ရကြောင်းသိရှိရပါသည်။ဆူးပုတ်ရွက်(၁)ပိဿာလျှင် လက်ကားဈေး (၄၀၀၀)ကျပ် နှုန်းဖြင့်ဈေးများတွင် ဖောက်သည်သွင်းရောင်းချသလို ကိုယ်တိုင်လည်း လက်လီ(၁၀)ကျပ်သားလျင် (၈၀၀)ကျပ် ဈေးနှုန်းဖြင့်ရောင်းချရပြီး ဆူးပုတ်ရွက်ကို အကုန်မညှပ်ဘဲ ဈေးကောင်းသည့် အချိန်မှဖမ်းညှပ်သလို ပုံမှန်ဝင်ငွေရသော်လည်း ထိန်းညှပ်ရတာလည်းရှိကြောင်းနှင့် အချို့ကျေးရွာများတွင်လည်း ကျယ်ကျယ်ပြန့်ပြန့် စိုက်ပျိုးလာကြောင်း ဆူးပုတ်ရွက်စိုက်ပျိုးသူ တစ်ဦး၏ ပြောပြချက်အရ သိရှိရပါသည်။

DOCA(မန္တလေး)

  ကျောက်ဆည်ခရိုင်အတွင်း သီးနှံမျိုးစုံစိုက်ပျိုးလျက်ရှိရာ စားဖိုဆောင်သီးနှံဖြစ်သော ငရုတ် ၊ ကြက်သွန်တို့အပြင် ဗူးသီး သီးနှံကိုလည်း စီးပွားဖြစ် စိုက်ပျိုးလာကြသည်။ ကျောက်ဆည် မြို့နယ်တွင် ငယ်တိုး၊ ရှားပင်၊ ကျီးအိပ်ကျေးရွာများတွင်  စိုက်ပျိုးကြသည်။ ဗူးသီး စိုက်ပျိုးရာတွင် မြေဆွေး၊ မြေဩဇာများ သမအောင်ရောမွှေပြီး ဘောင်ပြုလုပ်၍ စိုက်ပျိုးရကြောင်း၊  တစ်ပိုင်တစ်နိုင် အနေဖြင့်လည်း မိမိတို့လယ်ယာများနှင့် နေအိမ်များတွင်လည်းစိုက်ပျိုးကြကြောင်း၊ အများဆုံးစိုက်ပျိုးသော ဗူးသီးအမျိုးအစားများမှာ ဗူးသပိတ်၊ဗူးလယ်လှနှင့် ဗူးရှည်မျိုးများ ကိုစိုက်ပျိုးကြကြောင်း၊ ဗူးပင်မှာ တစ်နှစ်ပတ်လုံး စိုက်ပျိုး၍ရပါကြောင်း၊ တစ်ဧကကုန်ကျစရိတ် အနေဖြင့်မျိုး၊ သွင်းအားစု၊ လုပ်သားခ များအပါအဝင် စုစုပေါင်း (၈၅၀၀၀၀) ကျပ်ခန့် ကုန်ကျကြောင်း၊ ဗူးပင်စိုက်ပျိုးပြီး (၈၀-၉၀)ရက် အကြာတွင်  အသီးများစတင်ခူးစွတ် ရပါကြောင်း၊  ဗူးသီးကို  အခင်းထဲထိ    လာဝယ်ကြသလို၊ ကိုယ်တိုင်လည်း  ဈေးများသို့  သွားရောက် ရောင်းချကြ ကြောင်း၊ အထွက်နှုန်းအနေဖြင့် အလုံးရေ (၇၀၀၀-၈၀၀၀) အထိထွက်ရှိကြောင်း၊   ဗူးသီးဈေးနှုန်း အနေဖြင့် အရွယ်အစားအပေါ် မူတည်၍ ဖောက်သည်ဈေး(၅၀၀-၈၀၀)ကျပ်၊ လက်လီဈေးနှုန်း အနေဖြင့်ဗူးသီးတစ်လုံးလျင်(၁၀၀၀-၁၅၀၀) ကျပ် အထိဈေးများ ရရှိကြောင်း၊ ဗူးညွန့် တစ်စီးလျင် (၃၀၀-၅၀၀)ကျပ် ဈေးနှုန်းဖြင့် ရောင်းချရသောကြောင့် အပိုဝင်ငွေများရရှိကြောင်း ဗူးသီးစိုက်ပျိုး သော တောင်သူတစ်ဦး၏ ပြောပြချက်အရသိရှိရပါသည်။

 DOCA(မန္တလေး)