ပြည်တွင်းကုန်သွယ်မှုသတင်း

             စစ်ကိုင်းတိုင်းဒေသကြီးသည် ဇွန်လ(ဒုတိယ)ပတ်၌ စပါး/ဆန်ဈေးနှုန်းများမှာ ဆန်ပိုဒေသများဖြစ်သော ကလေးခရိုင်၊ ကသာခရိုင်၊ စစ်ကိုင်းခရိုင်၊ မုံရွာခရိုင်နှင့် ရွှေဘိုခရိုင်တို့တွင် ဈေးအေးနေပါသည်။

            စစ်ကိုင်းတိုင်းဒေသကြီးအတွင်း မေလ(နောက်ဆုံးပတ်)တွင် ဖြစ်ပေါ်နေသောအခြေခံစားကုန်ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၁၅၅၀၀၀၀)၊ ပေါ်ဆန်း (ဆန်)၂၄ ပြည်ပါ တစ်အိတ်လျှင် ကျပ်  ၅၅၀၀၀၊ ဧရာမင်း(စပါး) တင်း ၁၀၀လျှင် ၁၀၅၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ်လျှင် ကျပ် ၄၄၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၁၃၅၀၀၀၀၊ ပေါ်ဆန်း(ဆန်) တစ်အိတ်လျှင်ကျပ် ၅၂၀၀၀၊  ဧရာမင်း (စပါး) တင်း၁၀၀ လျှင် ၉၀၀၀၀၀၊ ဧရာမင်း (ဆန်)၂၄ ပြည်ပါ တစ်အိတ်လျှင်  ၄၀၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

        ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၈၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၂၇၀၀၀၊ ငစိန်(စပါး) တင်း ၁၀၀ လျှင် ၈၀၀၀၀၀ ၊ ငစိန်(ဆန်)၂၄ပြည်ပါ တစ်အိတ်မှာ ၂၆၅၀၀၊ ဧရာမင်း (စပါး)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)၂၄ပြည်ပါ တစ်အိတ်မှာကျပ် ၃၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

          ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၈၀၀၀၀၀၊ မှော်ဘီ(၂) ဆန် ၂၄ပြည် တစ်အိတ်လျှင် ကျပ် ၃၅၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၇၀၀၀၀၀၊ ဆင်းဧကရီ-၃ဆန် ၂၄ပြည် တစ်အိတ်မှာကျပ် ၃၀၀၀၀၊ ဧရာမင်း (စပါး) တင်း ၁၀၀ လျှင် ကျပ် ၉၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၃၉၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

          မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၀၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၃၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၀၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၅၂၀၀၀၊ မနောသုခ (စပါး)တင်း ၁၀၀လျှင် ကျပ် ၇၅၀၀၀၀၊ မနောသုခ(ဆန်) ၂၄ ပြည် တစ်အိတ်လျှင် ကျပ်၂၈၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

           ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၀၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၃၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၅၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၅၄၀၀၀ဖြင့် အရောင်းအဝယ် ဖြစ်နေကြောင်း သိရပါသည်။

           စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ မေလ(စတုတ္တ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ မေလ(နောက်ဆုံး)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၂၈၀၀၀၊ မန္တလေးသို့ အိတ်ရေ ၄၁၇၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၀၀၀၀၊ ရှမ်း(တောင်)သို့ အိတ်ရေ ၆၀၀၀၊ ရှမ်း (မြောက်)သို့အိတ်ရေ ၆၀၀၀၊ စုစုပေါင်းအိတ်ရေ (၉၂၇၀၀) အိတ်၊ တန်အားဖြင့် (၄၆၃၅) စီးထွက်ခဲ့ပြီး၊ ယခု ဇွန်လ(ပထမ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၂၄၀၀၀၊ မန္တလေးသို့ အိတ်ရေ ၃၈၆၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၆၅၀၀၊ ရှမ်း(တောင်)သို့ အိတ်ရေ ၄၅၀၀၊ ရှမ်း (မြောက်)သို့ အိတ်ရေ ၄၅၀၀၊ စုစုပေါင်းအိတ်ရေ (၇၉၁၀၀) အိတ်၊ တန်အားဖြင့် (၃၉၅၅) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၁၃၆၀၀)တန်အားဖြင့် (၆၈၀)လျော့နည်းစီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)                                                                                                                                               

            ကျောက်ဆည်ခရိုင်အတွင်းရှိ ကျေးလက်နေတောင်သူများသည် စားဖိုဆောင်သီးနှံတစ်မျိုး ဖြစ်သောငရုတ်သီးနှံကို လယ်မြေနှင့်ယာမြေများတွင် အများဆုံးစိုက်ပျိုးလျှက်ရှိရာ စိုက်ပျိုးမှုအနေဖြင့် ၂၀၂၀-၂၀၂၁ ဘဏ္ဍာနှစ်တွင် (၁၄၇၃၂) ဧက စိုက်ပျိုးခဲ့ပြီး ၂၀၂၁-၂၀၂၂ ဘဏ္ဍာနှစ်တွင် ကျောက်ဆည်မြို့နယ်တွင်(၁၆၉၆)ဧက ၊ စဉ့်ကိုင်မြို့နယ်တွင် (၂၄၃)ဧက ၊ မြစ်သားမြို့နယ်တွင် (၁၂၂၇) ဧကနှင့် တံတားဦးမြို့နယ်တွင် (၇၅) ဧက၊စုစုပေါင်း (၃၂၄၁) ဧက စိုက်ပျိုးပြီးဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည်။ ငရုတ်စိုက်ပျိုးရာတွင် အရည်အသွေး ကောင်းမွန်ပြီး အထွက်နှုန်း ကောင်းသောမျိုးများကိုသာ ရွေးချယ်စိုက်ပျိုးကြပြီး ၄င်းမျိုးများမှာ စကာတာမျိုးနှင့် 692မျိုးများကိုသာ အဓိကထားအများဆုံး စိုက်ပျိုးကြကြောင်း သိရှိရပါသည်။ငရုတ်သီးနှံကို ဒီဇင်ဘာလနှင့်ဇန်နဝါရီလများတွင် စတင်ပျိုးထောင်ကြကာ ပျိုးထောင်ပြီးရက်ပေါင်း (၄၅)ရက်ခန့် အကြာတွင် လယ်မြေ၊ ယာမြေများတွင်ရွှေ့ပြောင်းစိုက်ပျိုးကြကြောင်း၊ စိုက်ပြီး(၂)လခန့်အကြာတွင် အပွင့်အသီးသီးကာ (၃) လခန့်အကြာတွင် စတင်ခူးဆွတ်ရကြောင်း၊ တောင်သူများသည် ငရုတ်သီးများ လှိုင်လှိုင်ပေါ်ချိန်တွင် (၇) ရက်ခြားတစ်ကြိမ် ခူးဆွတ်ရပြီး ရက်ခြားမှန်မှန်ခူးပေးခြင်းဖြင့် ကျန်အသီးငယ်များကြီးထွားမှုကောင်းပြီး အထွက်နှုန်းလည်း တိုးလာနိုင်ပါသည်။မျိုးအနေဖြင့် (၁) ဧက လျှင် (၅) ဂရမ်ပါ အထုတ် (၁၅) ထုတ်ကုန်ကျပြီး (၅) ဂရမ်ပါ စကာတာ နှင့် 692 မျိုး တစ်ထုတ်လျှင် (၆၇၀၀/-)ကျပ်စျေးနှုန်းရှိကြောင်း၊ (၁)ဧက ကုန်ကျစရိတ်အနေဖြင့်  မျိုး၊ သွင်းအားစု၊ လုပ်သားခ၊ စုစုပေါင်း(၁၀)သိန်းကျပ် ဝန်းကျင်ကုန်ကျကြောင်း၊ အထွက်နှုန်းအနေဖြင့် ငရုတ်အစို တင်း (၁၀၀) ခန့်အထိထွက်ရှိနိုင်ကြောင်း၊ ယခုအချိန်တွင် ငရုတ်သီးများ စတင်ခူးဆွတ်နေပြီ ဖြစ်ကြောင်း၊ ငရုတ်သီးစျေးနှုန်းအနေဖြင် ယခင်နှစ်ထက် စျေးနှုန်းမြင့်တက်လာခဲ့ခြင်းကြောင့် ငရုတ်မှည့်အစို များကို တရုတ်နိုင်ငံသို့ တင်ပို့ရန်အတွက် ပွဲစားများမှ ကျေးရွာအထိဆင်း၍ ဝယ်ယူကြရာ ဝယ်ယူရာ တွင် အရည်အသွေးပေါ်မူတည်ပြီး စျေးရရှိကြောင်း၊ ယခုနှစ် ငရုတ်သီးမှည့်စို(၁)ပိဿာလျှင်(၅၀၀၀-၅၅၀၀)ကျပ် စျေးနှုန်းများရှိပြီး ငရုတ်မှည့်အစို ၇ပိဿာခွဲလျှင် (၃၅၀၀၀-၃၈၀၀၀) ကျပ်နှုန်းဖြင့် ရောင်းဝယ်လျှက်ရှိကြောင်း၊ ငရုတ်ပွဲစားများမှ ငရုတ်သီးမှည့်အစိုများကိုသာ အဓိကထားဝယ်ယူကြသောကြောင့် ငရုတ်စိုက်တောင်သူများလိုချင်သည့် စျေးနှုန်းများရရှိပြီး အဆင်ပြေနေကြကြောင်း ၊ ငရုတ်သီးမှည့်အစို လက်ရှိပေါက်စျေးနှုန်းဖြင့် ရောင်းရလျှင် (၂၅)သိန်း ကျပ်ဝန်းကျင်ခန့် အကျိုးအမြတ်ရရှိကြောင်း ငရုတ်စိုက်တောင်သူတစ်ဦး၏ ပြောပြချက်အရ သိရှိရပါသည်။

DOCA  (မန္တလေး)

              ကျောက်ဆည်ခရိုင်အနေဖြင့် ၂၀၂၁-၂၀၂၂ ဘဏ္ဍာနှစ်တွင် နွေနှမ်းစိုက်ဧက (၈၆၅၆၅) ဧက စိုက်ပျိုးနိုင်ခဲ့ပြီး နွေနှမ်းကို မတ်လတွင် စတင်စိုက်ပျိုးကြကြောင်း၊ နှမ်းမျိုးအနေဖြင့် နှမ်းဖြူ၊နှမ်းညို၊ နှမ်းနက်မျိုးများကိုသာ အများဆုံးစိုက်ပျိုးကြပါသည်။ယခုအချိန်တွင် နွေနှမ်းများ စတင်ရိတ်သိမ်းလျှက်ရှိပြီး (၁) ဧက ကုန်ကျစရိတ်အနေဖြင့်(၂၅၀၀၀၀/-)ကျပ်ခန့် ကုန်ကျကြောင်း ၊ နှမ်း(၁)ဧက အထွက်နှုန်းအနေဖြင့် ယခင်နှစ်တွင် (၈)တင်းခန့်သာ ထွက်ရှိပြီး ယခုနှစ်တွင် မိုးရွာသွန်းမှုကောင်းသောကြောင့်(၁၀-၁၁)တင်းဝန်းကျင်ခန့် ထွက်ရှိကြောင်း ၊ နှမ်းစျေးနှုန်းအနေဖြင့် ယခင်နှစ်တွင် နှမ်းဖြူ တစ်တင်းလျှင် (၄၄၀၀၀/-)ကျပ် ၊ နှမ်းညို တစ်တင်းလျှင်(၃၃၀၀၀/-)ကျပ်၊ နှမ်းနက် တစ်တင်းလျှင် (၃၃၀၀၀/-) ကျပ် စျေးနှုန်းများဖြစ်ခဲ့ပြီး ယခုနှစ်တွင်  နှမ်းဖြူ တစ်တင်းလျှင်(၅၃၀၀၀/-)ကျပ်၊နှမ်းညို တစ်တင်းလျှင်(၄၈၀၀၀/-)ကျပ် ၊ နှမ်းနက် တစ်တင်းလျှင်(၄၈၀၀၀/-)ကျပ်စျေးနှုန်းများဖြင့် အရောင်းအဝယ်ဖြစ်နေပြီး ဆီစျေးနှုန်းအနေဖြင့် နှမ်းဆီ (၁)ပိဿာလျှင်(၉၀၀၀/-)ကျပ် ၊ ပဲဆီ (၁) ပိဿာလျှင် (၉၅၀၀)ကျပ် ၊ စားဆီ (၁) ပိဿာလျှင်(၇၅၀၀/-)ကျပ် စျေးနှုန်းများဖြင့် ရောင်းဝယ်လျှက်ရှိကြောင်း ၊ နှမ်းစျေးနှုန်းအနေဖြင့် ယခင်နှစ်ထက် စျေးနှုန်းပိုမိုရရှိသောကြောင့် တောင်သူများအနေဖြင့် အကျိုးအမြတ်ပိုမိုရရှိကြောင်း တောင်သူတစ်ဦး၏ပြောကြားချက်အရ သိရှိရပါသည်။

DOCA  (မန္တလေး)

ပင်လယ်ပြင်ငါးဖမ်းရာသီ ဖြေလျှော့ဖမ်းဆီးခွင့်ပြုထား၍ ငါးဖမ်းဆီးမှုလုပ်ငန်းများ ပြန်လည်စတင်

          ပြည်တွင်းစားသုံးမှုနှင့် ပြည်ပပို့ကုန်အတွက်  ပင်လယ်ပြင်ငါးဖမ်းရာသီပိတ်သော (၃)လတာ၌ (၁)လစော၍ ငါးဖမ်းစက်လှေ ၃၀%ကို ဖြေလျှော့ဖမ်းဆီးခွင့်ပြုထားကာ နိုင်ငံခြားဝင်ငွေရရှိသော ပင်လယ်ငါးဖမ်းဆီးမှုလုပ်ငန်းများ ပြန်လည်စတင်ပြီဖြစ်ကြောင်း၊ငါးလုပ်ငန်းဉီးစီးဌာနသည် ယခင်နှစ်မှစ၍ စမ်းသပ်ကာလအဖြစ် ပင်လယ်ပြင်တွင် ငါးဖမ်းစက်လှေ အစီး(၁၀၀)လျှင် အစီး ၃၀ ကို ဇွန်လ (၁)ရက်နေ့မှ စတင်ဖြေလျှော့ဖမ်းဆီးခွင့်ပြုခဲ့ပြီး ရန်ကုန်/ဧရာဝတီ/တနင်္သာရီတိုင်းဒေသကြီး၊ မွန်/ ရခိုင်ပြည်နယ်တို့တွင် အကောင်အထည်ဖော် ဆောင်ရွက်ခဲ့ခြင်းဖြစ်ကြောင်း၊ထိုသို့ခွင့်ပြုခဲ့သည့်အတွက် လုပ်ငန်းရှင်များ၊ ငါးဖမ်းစက်လှေလုပ်သားများ၊ ပြည်တွင်းစားသုံးမှုနှင့် ပြည်ပပို့ကုန် အအေးခန်းသိုလှောင်မှုအတွက် အဆင်ပြေခဲ့ပြီး ငါးဖမ်းစက်လှေအရေအတွက်အားဖြင့် ရန်ကုန်တိုင်းတွင် (၈၀)ခန့်၊ ရခိုင်ပြည်နယ်တွင်(၂)စီးခန့် ထွက်ခွာခွင့်ရခဲ့ကြောင်း၊ပင်လယ်ပြင်သို့ ငါးဖမ်းဆီးခွင့်ရသော စက်လှေ များကို သက်ဆိုင်ရာဆိပ်ကမ်းများတွင် ပင်လယ်ပြင်စောင့်ကြည့်‌ရေးစက်(VMS)များ တပ်ဆင်မှု ရှိ/မရှိ၊ ပင်လယ်လိပ်များပိုက်ကွန်အတွင်းမှပြန်ထွက်နိုင်သောကိရိယာ(TED)တပ်ဆင်ထားမှု ရှိ/မရှိ ကို ငါး လုပ်ငန်းဉီးစီးဌာနက စိစစ်ကြပ်မတ်ဆောင်ရွက်လျှက်ရှိပြီး ယခင်နှစ်ကရန်ကုန်မြို့မှ VMS စက် တပ်ဆင်ထားသော ငါးဖမ်းစက်လှေ (၂၃၈)စီး ပင်လယ်ပြင်တွင် ငါး/ ပုစွန်ဖမ်းဆီးခဲ့ပြီး ယခုနှစ် ဇွန်လ ပထမပတ်၌ ဒီဇယ်ဆီအခက်အခဲကြောင့် ငါးဖမ်းစက်လှေအချို့ ပင်လယ်ပြင်သို့မထွက်နိုင်ကြောင်း၊ ရေချိုငါးပို့ကုန်ထက် ရေငန် ငါး/ ပုစွန်ထုတ်လုပ်မှုမှ နိုင်ငံအတွက်နိုင်ငံခြားဝင်ငွေရရှိလျှက်ရှိရာ ယခင် နှစ်က ရေထွက်ကုန်ပြည်ပတင်ပို့မှု အမေရိကန်ဒေါ်လာ သန်း(၈၀၀)ကျော်အနက် ပင်လယ်ပြင်ရေထွက် ကုန်မှ ၇၀% ကျော် ရရှိခဲ့ကြောင်း၊ မြန်မာနိုင်ငံမှ ပင်လယ်ပြင်ငါး အမျိုးအစား (၁၅)မျိုးနှင့် ပုစွန်(၅)မျိုးကို တရုတ်နိုင်ငံသို့အဓိကတင်ပို့လျှက်ရှိပြီး ထိုင်းနိုင်ငံသို့ ပင်လယ်ငါး (၄)မျိုးနှင့်ပုစွန်တို့ တင်ပို့ကြောင်း သိရှိရပါသည်။

(ရင်းမြစ်-Myanmar Food Guide မှရရှိသည့်သတင်း)

ကော်ဖီနည်းပညာဖွံ့ဖြိုးရေးခြံအား ကော်ဖီဥယျာဉ်အဖြစ် ဖွင့်လှစ်

          စိုက်ပျိုးရေးကို အခြေခံသည့်ခရီးသွားလည်ပတ်စရာနေရာတစ်ခုအဖြစ် ပြင်ဉီးလွင်မြို့၊ကော်ဖီ နည်းပညာဖွံ့ဖြိုးရေးခြံ(ပွေးတောင်)အား  ကော်ဖီဉယျာဉ်အဖြစ်ဖွင့်လှစ်ထားရှိကြောင်း၊ ပြင်ဉီးလွင်မြို့အား ကော်ဖီမြို့တော်အဖြစ် ပိုမိုထင်ရှားစေရန်၊ မြန်မာ့ကော်ဖီအရည်အသွေးနှင့် ထုတ်လုပ်မှု တိုးတက်ပြီး ကမ္ဘာ့ကော်ဖီဈေးကွက်သို့ ထိုးဖောက်နိုင်စေရန်နှင့် မြန်မာ့ကော်ဖီအကြောင်း အများပြည်သူ ပိုမိုသိရှိလာစေရန်ရည်ရွယ်ပြီး စတင်ဖွင့်လှစ်ခြင်းဖြစ်ကြောင်း၊ ကော်ဖီစိုက်ပျိုးသည့် ဒေသများ၌ စီးပွားရေးဖွံ့ဖြိုးအောင်ဆောင်ရွက်ရန် လမ်းညွှန်ချက်အရ အမည်မျိုးစုံဖြင့်ကျော်ကြားသကဲ့သို့ ကော်ဖီ မြို့တော်ဖြစ်အောင်ရည်ရွယ်၍ ဆောင်ရွက်နေခြင်းဖြစ်ကြောင်း၊ မြန်မာနိုင်ငံ၌ စီးပွားဖြစ်ကော်ဖီ စတင်စိုက်ပျိုးခဲ့သောနေရာဖြစ်ပြီး နှစ် ၆၀-၇၀ ကျော် အရိပ်ရအပင်များရှိသော ခြံဧရိယာ(၃၈၆) ဧကရှိသည့် ပွေး‌တောင်ကော်ဖီခြံ၌ ဖွင့်လှစ်ရခြင်းဖြစ်ကြောင်း၊ ပုဂ္ဂလိကနှင့် ဝန်ကြီးဌာန ကော်ဖီ ပညာပေးပြခန်းများဖြင့် ကော်ဖီနှင့်ပတ်သက်၍စိတ်ဝင်စားသူများ ပြင်ဉီးလွင်သို့ရောက်ရှိပါက လေ့လာနိုင်အောင် ဖန်တီးပေးထားကြောင်း၊ ဈေးကွက်၌ မြန်မာ့ကော်ဖီသမိုင်းပြတိုက် ထည့်သွင်းထားသကဲ့သို့ ကော်ဖီ စိုက်ပျိုးထုတ်လုပ်ပုံအဆင့်ဆင့်အား ခင်းကျင်းပြသထားပြီး ဒေသအသီးသီးမှ ကော်ဖီမျိုးကွဲများ ဖော်ပြထားသဖြင့် ကော်ဖီများအား တစ်စုတစည်းတည်း ရောင်းဝယ်ဖောက်ကားနိုင်ရုံသာမက  ကော်ဖီအပန်းဖြေဉယျာဉ်အဖြစ် ဖော်ဆောင်ထားခြင်းဖြင့် အများပြည်သူများ အပန်းဖြေရင်း ကော်ဖီသီးနှံသဘာဝများကို လေ့လာနိုင်မည်ဖြစ်ကြောင်း သိရှိရပါသည်။

(ရင်းမြစ်-Myanmar Food Guide မှရရှိသည့်သတင်း)

            ရန်ကုန်တိုင်းဒေသကြီး လှိုင်မြို့နယ် သီရိမင်္ဂလာဈေးတွင် ဇွန်လ (၁) ရက်နေ့မှ ဇွန်လ (၇) ရက်နေ့အထိ ဖြစ်ပေါ်ခဲ့သော သစ်သီးဝလံဈေးနှုန်းများမှာ ရေး မှ ဒူးရင်းသီး အလုံးကြီး တစ်လုံးလျှင်  ကျပ် ၇၀၀၀ မှ ၆၀၀၀၊ အလုံးလတ် တစ်လုံးလျှင် ကျပ် ၅၀၀၀ မှ ၄၀၀၀၊ အလုံးသေး တစ်လုံးလျှင် ကျပ် ၃၀၀၀ မှ ၂၀၀၀၊ အမြန်လမ်း (၁၀) မိုင်မှ  ပိန္နဲသီး (ယိုးဒယား)  ကိုင်းဆက်   အလုံးကြီး တစ်လုံးလျှင် ကျပ် ၂၀၀၀၀ ၊ အလုံးလတ် တစ်လုံးလျှင် ကျပ် ၁၀၀၀၀ ၊ အလုံးသေး တစ်လုံးလျှင် ကျပ် ၅၀၀၀၊ ဘီးလင်းမှ ပိန္နဲသီး (ဗမာသီး) အလုံးကြီးတစ်လုံးလျှင် ကျပ် ၅၀၀၀၊ အလုံးလတ်တစ်လုံးလျှင် ကျပ် ၃၀၀၀၊ အလုံးသေးတစ်လုံးလျှင် ကျပ် ၂၀၀၀၊ ၊ ကျိုက်ကော် မှ နာနတ်သီး အလုံးကြီး တစ်လုံးလျှင် ကျပ် ၁၂၀၀၊ အလုံးလတ် တစ်လုံးလျှင် ကျပ် ၁၀၀၀ မှ ၈၀၀ ၊ အလုံးသေး တစ်လုံးလျှင် ကျပ် ၅၀၀ မှ ၃၀၀၊ မှော်ဘီ၊ တိုက်ကြီးမှ မာလကာသီး အလုံးကြီး တစ်လုံးလျှင် ကျပ် ၅၀၀၊ အလုံးလတ် တစ်လုံးလျှင် ကျပ် ၄၀၀ မှ ၃၀၀၊ အလုံးသေး တစ်လုံးလျှင် ကျပ် ၂၀၀ မှ ၁၀၀၊ မိုင်းရယ် မှ ဖရဲသီး(855) အလုံးကြီး တစ်လုံးလျှင် ကျပ် ၅၅၀၀၊ အလုံးလတ် တစ်လုံးလျှင် ကျပ် ၄၀၀၀၊  အလုံးသေး တစ်လုံးလျှင် ကျပ် ၃၀၀၀ ၊ သဲတော၊ ဝမ်းတွင်း မှ ဖရဲသီး (211) အလုံးကြီး တစ်လုံးလျှင် ကျပ် ၂၅၀၀၊ အလုံးလတ် တစ်လုံးလျှင် ကျပ် ၂၀၀၀၊ အလုံးသေး တစ်လုံးလျှင် ကျပ် ၁၅၀၀ ၊ တွံတေး မှ သရက်သီး (ရင်ကွဲ) အလုံးကြီး ၆၅ လုံးပါ တောင်းတစ်တောင်းလျှင် ကျပ် ၁၃၀၀၀၊ အလုံးလတ် ၇၅ လုံးပါ တောင်းတစ်တောင်းလျှင်  ကျပ် ၁၁၀၀၀၊ အလုံးသေး ၈၅ ပါ တောင်းတစ်တောင်းလျှင် ကျပ် ၉၀၀၀၊ တွံတေး မှ သရက်သီး (မချစ်စု) အလုံးကြီး ၇၀ လုံးပါ တောင်း တစ်တောင်းလျှင် ကျပ် ၁၉၀၀၀၊ အလုံးလတ် ၇၅ ပါ တောင်းတစ်တောင်းလျှင် ကျပ် ၁၅၀၀၀၊  အလုံးသေး ၉၀ ပါ တောင်းတစ်တောင်းလျှင် ကျပ် ၁၂၀၀၀၊ ကျိုက်ထို ၊ ဘီးလင်း မှ ကြက် မောက်သီး အလုံးကြီး ၁၀၀ ပါ ကျပ် ၈၀၀၀၊ အလုံးလတ် ၁၀၀ ပါကျပ် ၇၀၀၀၊ အလုံးသေး ၁၀၀ ပါ ကျပ် ၆၀၀၀ ဈေးတို့ရှိကြောင်း သီရိမင်္ဂလာဈေးရှိ မြန်မာနိုင်ငံသစ်သီးဝလံ ပန်းမန်ဟင်းသီးဟင်းရွက်စိုက်ပျိုး ထုတ်လုပ်တင်ပို့ရောင်းချသူများအသင်း (MFVP) မှသိရှိရပါသည်။

DOCA(ရန်ကုန်)