ပြည်ပကုန်သွယ်မှုသတင်းများ
ဗီယက်နမ်နိုင်ငံသည် ၂၀၂၄ ခုနှစ် ပထမသုံးလပတ်အတွင်း စုစုပေါင်း ရော်ဘာတန်ချိန် ၄၁၄၃၁၇ ခန့်တင်ပို့နိုင်ခဲ့ပြီး ဝင်ငွေ အမေရိကန်ဒေါ်လာ ၆၀၇ သန်းကျော်ရရှိခဲ့သည်ဟု ဗီယက်နမ် အကောက်ခွန်ဦးစီးဌာန၏ အချက်အလက်များအရ သိရှိရကြောင်း Vietnam News က ဧပြီလ ၂၇ ရက်နေ့တွင် ရေးသားဖော်ပြပါသည်။
ဖိလစ်ပိုင်နိုင်ငံ၏ ဆန်တင်သွင်းမှုမှာ ယခင်နှစ် ကာလတူ၌ တင်သွင်းခဲ့မှုနှင့် နှိုင်းယှဉ်ပါက ဧပြီလလယ်တွင် စံချိန်တင်မြင့်တက်ခဲ့ကြောင်း ဖိလစ်ပိုင်စိုက်ပျိုးရေးဦးစီးဌာန လက်အောက်ရှိ သီးနှံလုပ်ငန်းဌာန (BPI) ၏ အချက်အလက်များအရ သိရသည်။
ဘင်္ဂလားဒေ့ရှ်နိုင်ငံတွင် Boro စပါးခေါ် နွေစပါးအား စိုက်ပျိုးထားရှိမှုမှာ စိုက်ခင်းအများစု၌ စပါးအစေ့အဆန်တည်မှု အောင်မြင်မှုသည့် အဆင့်တွင်ရှိသော်လည်း အပွင့်ပွင့်သည့်အဆင့်၌ ကျန်ရှိနေသာ ၂၀% ခန့်သည် နိုင်ငံတစ်ဝန်း ဖြစ်ပေါ်နေသော အပူလှိုင်းကျရောက်မှု အန္တရာယ်ကို ရင်ဆိုင်နေရကြောင်း ဘင်္ဂလားဒေ့ရှ် စိုက်ပျိုးရေးပညာပေးဦးစီးဌာန၏ ဖော်ပြချက်အရ သိရသည်။
တရုတ်နိုင်ငံသည် လာမည့်ရက်များအတွင်း မိုးသည်းထန်စွာရွာသွန်းနိုင်သည်ဟု ခန့်မှန်းထားပြီး ကမ္ဘာ့အကြီးဆုံး ဆန်စပါးထုတ်လုပ်သူနှင့် စားသုံးသူဖြစ်သည့် တရုတ်နိုင်ငံ၏ ဒေသအချို့တွင် ကောက်စောစပါးသီးနှံများ ပျက်စီးနိုင်သဖြင့် စိုးရိမ်မှုများ မြင့်တက်လာသည်။
ကမ္ဘောဒီးယားသီဟိုဠ်စေ့များအသင်း (CAC) သည် သီဟိုဠ်စေ့အစို တစ်ကီလိုဂရမ်လျှင် ကမ္ဘောဒီးယား ငွေကြေး ၅၀၀၀ ရီယယ်အထိ တိုးမြှင့်လိုက်ကြောင်း ကြေညာခဲ့ပြီး ၁၅ နှစ်တာ ကာလအတွင်း စံချိန်သစ်တင်ခဲ့ကြောင်း၊ သုံးလအတွင်း တန်ချိန် ၄ သိန်းကျော် တန်ဖိုးအားဖြင့် အမေရိကန် ဒေါ်လာသန်း ၅၀၀ ကျော်ကို တင်ပို့ခဲ့ပြီး ဈေးနှုန်းမြင့်တက်လာခဲ့ခြင်းဖြစ်ကြောင်း၊ ၂၀၂၃ ခုနှစ် နှစ်ဦးပိုင်းတွင် သီဟိုဠ်စေ့အစိုဈေးနှုန်းမှာ ၄၀၀၀ ရီယယ်မှ ၄၆၀၀ ရီယယ်ကြားရှိ ကြောင်း သိရှိရသည်။
ကမ္ဘောဒီးယားနိုင်ငံသည် ၂၀၂၄ ခုနှစ် ပထမသုံးလပတ်တွင် ဒေါ်လာ ၅၄၃ သန်း တန်ဖိုးရှိသော သီဟိုဠ်စေ့များ တင်ပို့ခဲ့ပြီး ယခင်နှစ်ကာလတူနှင့် နှိုင်းယှဉ်ပါက ၁၃% တိုးတက်ခဲ့ကြောင်း၊ ယင်းကာလအတွင်း သီဟိုဠ်စေ့ထုတ်လုပ်မှု စုစုပေါင်းတန်ချိန် ၄၇၄၀၀၀ အနက် ၄၂၄၀၀၀ တန် အား ဗီယက်နမ်နိုင်ငံသို့ တင်ပို့ခဲ့ခြင်းဖြစ်ကြောင်း ကမ္ဘောဒီးယားသီဟိုဠ်စေ့အသင်း၏ အစီရင်ခံစာအရ သိရှိရသည်။
ဘင်္ဂလားဒေ့ရှ်နိုင်ငံရှိ တရုတ်နိုင်ငံသံရုံးမှ သံအမတ်ကြီး Yao Wen သည် ဘင်္ဂလားဒေ့ရှ် လယ်ယာစိုက်ပျိုးရေးဝန်ကြီး Dr Md Abdus Shahid နှင့် ဧပြီလ ၂၉ ရက်နေ့၌ တွေ့ဆုံရာတွင် တရုတ်နိုင်ငံအနေဖြင့် ၂ဝ၂၄ ခုနှစ်အတွင်း ဘင်္ဂလားဒေ့ရှ်နိုင်ငံထံမှ သရက်သီးများကို တင်သွင်း သွားလိုကြောင်း ပြောကြားခဲ့ပါသည်။
ဗီယက်နမ်နိုင်ငံ လယ်ယာစိုက်ပျိုးရေးနှင့် ကျေးလက်ဒေသဖွံ့ဖြိုးတိုးတက်ရေးဝန်ကြီးဌာနမှ လတ်တလောကာလတွင် အတည်ပြုခဲ့သည့် ပီလောပီနံလုပ်ငန်း ရေရှည်ဖွံ့ဖြိုးတိုးတက်ရေး စီမံကိန်းအရ ဗီယက်နမ်နိုင်ငံသည် ၂ဝ၃ဝ ပြည့်နှစ်၌ ပီလောပီနံ စိုက်ဧရိယာ၏ ၅ဝ% ခန့်ကို လည်းကောင်း၊ ၂ဝ၅ဝ ပြည့်နှစ်တွင် ပီလောပီနံ စိုက်ဧရိယာ၏ ၇ဝ% မှ ၈ဝ% ခန့်ကိုလည်းကောင်း ရေရှည်တည်တံ့သော လယ်ယာစိုက်ပျိုးရေးနည်းစနစ်များကို အသုံးပြု၍ စိုက်ပျိုးထုတ်လုပ်သွားမည်ဖြစ်ပါသည်။
အိန္ဒိယနိုင်ငံတွင် စိုက်ပျိုးထုတ်လုပ်သူများလက်ဝယ်နှင့် ဈေးကွက်အတွင်း ကုန်လက်ကျန် ပြတ်လပ်မှုကြောင့် ကွမ်းသီးဈေးနှုန်းများမှာ မြင့်တက်လျက်ရှိပြီး ကွမ်းသီးလုပ်ငန်းနယ်ပယ်၌ လုပ်ကိုင်နေကြသူများအနေဖြင့် မကြာသေးမီနှစ်များတွင် ရာသီဥတုပြောင်းလဲမှုနှင့် ခြောက်သွေ့မှု တို့မှ ကုန်ထုတ်လုပ်မှုအပေါ် သက်ရောက်ခြင်းကို ကြုံတွေ့နေရကြောင်း သိရှိရသည်။
ဆော်ဒီအာရေဗျနိုင်ငံ၏ အိမ်ရှေ့စံမင်သားနှင့်ဝန်ကြီးချုပ်ဖြစ်သူ မိုဟာမက်ဘင်ဆယ်မန်သည် ယခုနှစ်ကုန်တွင် မလေးရှားနိုင်ငံသို့ တရားဝင်အလည်အပတ်ခရီးလာရောက်ရန် ဆန္ဒရှိနေကြောင်း ဆော်ဒီနိုင်ငံသို့သုံးရက်ကြာအလုပ်သဘောခရီးစဥ်ရောက်ရှိနေသည့် မလေးရှား ဝန်ကြီးချုပ် အန်ဝါးအီဗရာဟင်က (၂၈.၄.၂.၂၄) ရက်နေ့တွင်ပြောကြားခဲ့ပါသည်။ ဆော်ဒီနိုင်ငံတွင်ကျင်းပ ပြုလုပ်ခဲ့သော ကမ္ဘာ့စီးပွားရေးဖိုရမ် အထူးအစည်းဝေး တက်ရောက်သည့် ဆော်ဒီအိမ်ရှေ့မင်းသား၊ မလေးရှားဝန်ကြီးချုပ်မစ္စတာအန်ဝါးနှင့် အီဂျစ်၊ ဂျော်ဒန်၊ပါကစ္စတန်တို့မှ ဝန်ကြီးချုပ်များသီးခြား တွေ့ဆုံစဥ်၌ အိမ်ရှေ့မင်းသားက ပြောကြားခဲ့ခြင်းဖြစ်ကြောင်း မစ္စတာအန်
![](http://www.doca.gov.mm/sites/default/files/styles/trade_image_560x280_/public/3.7_3.jpg?itok=2qkPxty2)
(၃)ပတ်တာကျင်းပခဲ့သည့်ဆွမ်ခရမ်ပွဲတော်ကို နိုင်ငံခြားသားခရီးသွား (၁.၉)သန်း လာရောက် လည်ပတ်ခဲ့ကြပီး ခရီးသွားကဏ္ဍမှဝင်ငွေဘတ်(၁၄၀)ဘီလီယံ ရရှိခဲ့ကြောင်း ထိုင်းနိုင်ငံ ခရီးသွားလာရေးနှင့် အားကစားဝန်ကြီးဌာန အဆိုအရသိရပါသည်။ ဧပရယ်(၁)ရက် နေ့မှ (၂၁) ရက်နေ့ထိ၂၁ရက်ကြာကျင်းပခဲ့သည့်ပွဲတော်မှ ဘတ်(၁၄၀) ဘီလီယံ ရရှိခဲ့ခြင်း သည်မူလခန့်မှန်းထားသည့် ဘတ်(၁၃၂) ဘီလီယံ ကိုကျော် လွန်ခဲ့ခြင်း ဖြစ်ကြောင်း ခရီးသွား လာရေးနှင့် အားကစားဝန်ကြီး Sudawan Wangsupakitkosol က ၂၄.၄.၂၀၂၄ ကပြောကြား ခဲ့ပါသည်။ တည်းခိုနေထိုင်ခြင်းကဏ္ဍမှ ဘတ်(၄၂.၀၆)ဘီလီယံ၊ အစားအသောက်နှင့် အဖျော် ယမကာမှ ဘတ်(၃၃.၀၆)ဘီလီယံ၊ လူသု
![](http://www.doca.gov.mm/sites/default/files/styles/trade_image_560x280_/public/36_10.jpg?itok=F27AIUep)
သံမဏိနှင့်စက်ယန္တရားများ ကဲ့သို့သော အိန္ဒိယ၏ ဆောက်လုပ်ရေးပစ္စည်းများ တင်ပို့မှု သည် တစ်နှစ်ထက်တစ်နှစ် ၁၀.၇ ရာခိုင်နှုန်း (အမေရိကန်ဒေါ်လာ ၁၁.၂၈ ဘီလီယံ) အထိ မြင့်တက်ခဲ့သည်။ ပင်လယ်နီကိုဖြတ်၍ တင်ပို့မှုတွင် ပို့ဆောင်ရေးအခက်အခဲကြောင့် ပြဿနာ များဆက်လက်ဖြစ်ပေါ်နေသော်လည်းတင်ပို့မှုများတိုးတက်လာခဲ့သည်။
![](http://www.doca.gov.mm/sites/default/files/styles/trade_image_560x280_/public/32_5.jpg?itok=cj_vQ59I)