ပြည်ပကုန်သွယ်မှုသတင်းများ

    ထိုင်းဆန်စျေးနှုန်းများမှာ ၁၀၀မှတ် ဘီဂရိတ်ဆန်တစ်တန်လျှင် အမေရိကန်ဒေါ်လာ ၆၀၉ကျဆင်းသွားပြီး  ၂၅မှတ် ဆန်တစ်တန်လျှင် အမေရိကန်ဒေါ်လာ ၅၆၆ဖြင့် ဈေးနှုန်းတည်ငြိမ်နေပြီး  ပေါင်းဆန်စျေးနှုန်းမှာ အမေရိကန်ဒေါ်လာ ၆၀၃ဖြင့် စျေးနှုန်းအနည်းငယ်မြင့်တက်လျက်ရှိကြောင်းသိရှိရသည်။

      ဗီယက်နမ်ဆန်ဈေးနှုန်းများမှာ ၅မှတ် ဆန်တစ်တန်လျှင် အမေရိကန်ဒေါ်လာ ၆၂၂၊  ၂၅မှတ် ဆန်တစ်တန်လျှင် အမေရိကန်ဒေါ်လာ ၆၀၇ဖြင့် စျေးနှုန်း မြင့်တက်လျက်ရှိပြီး ဆန်ကွဲစျေးနှုန်း ဖော်ပြထားခြင်းမရှိပါ။

   အိန္ဒိယဆန်စျေးနှုန်းတို့တွင် ၅မှတ် ဆန်နှင့် ၂၅မှတ် ဆန်ဈေးနှုန်းတို့ကိုဖော်ပြထားခြင်းမရှိပါ။ ပေါင်းဆန်တစ်တန်လျှင် အမေရိကန်ဒေါ်လာ ၅၂၇ဖြင့် ဈေးနှုန်းမြင့်တက်နေကြောင်းသိရှိရပါသည်။

       ပါကစ္စတန်ဆန်စျေးနှုန်းများမှာ ၅မှတ် ဆန်တစ်တန်လျှင် အမေရိကန်ဒေါ်လာ ၅၂၂၊ ၂၅ မှတ် ဆန်တစ်တန်လျှင် အမေရိကန်ဒေါ်လာ ၄၇၂ဖြင့် ဈေးနှုန်းကျဆင်းသွားပြီး ပေါင်းဆန် စျေးနှုန်းမှာ အမေရိကန်ဒေါ်လာ ၅၇၇ဖြင့် စျေးနှုန်းတည်ငြိမ်နေပြီး ဆန်ကွဲစျေးနှုန်းဖော်ပြထားခြင်းမရှိပါ။

အာရှဆန်ဈေးနှုန်း (Price Indications) အခြေအနေ ။ အောက်ပါအတိုင်းဖော်ပြအပ်ပါသည်-

(USD/ MT, FAO)

Source: Thai Rice Exporters Association တစ်ပတ်တစ်ကြိမ်ဖော်ပြသောစျေးနှုန်းဖြစ်ပါသည်။

၂၀၂၃ ခုနှစ် အောက်တိုဘာလအတွင်း ဆန်ဖြူ ၅% ၏ ကမ္ဘာ့ပေါက်ဈေးများအခြေအနေ၊

                                   ရက်သတ္တပတ်၊ ရက်စွဲအလိုက် နှိုင်းယှဉ်ဖော်ပြချက်

(USD/ MT, FAO)

Source: Thai Rice Exporters Association တစ်ပတ်တစ်ကြိမ်ဖော်ပြသောစျေးနှုန်းဖြစ်ပါသည်။

၂၀၂၃ ခုနှစ် အောက်တိုဘာလအတွင်း ဆန်ဖြူ ၅% ၏ ကမ္ဘာ့ပေါက်ဈေးများအခြေအနေ၊

                                   ရက်သတ္တပတ်၊ ရက်စွဲအလိုက် နှိုင်းယှဉ်ဖော်ပြချက်

DOCA(ရန်ကုန်)

အာရှဒေသအတွင်း၌ ကြာမြင့်စွာ ပူပြင်းခြောက်သွေ့မှုများနှင့် မိုးခေါင်ရေရှားမှုတို့ကြောင့် ဖြစ်ပေါ်လာသည့် သမုဒ္ဒရာရေမျက်နှာပြင် ပူနွေးလာသည့် အယ်လ်နီညိုဖြစ်စဉ်သည် အနည်းဆုံး ၂၀၂၄ ခုနှစ် မေလအထိဖြင့် ဆက်လက်ဖြစ်ပွားနိုင်ကြောင်း အမေရိကန် မိုးလေဝသအေဂျင်စီအဖွဲ့ (NOAA) ၏ လက်အောက်ရှိ ရာသီဥတုခန့်မှန်းရေးဌာန (Climate Prediction Center - CPC) က ပြောကြားခဲ့ပါသည်။

CPC ၏ အောက်တိုဘာလ ၁၆ ရက်၊ တနင်္လာနေ့က ထုတ်ပြန်ခဲ့သော သတင်းတွင် အယ်လ် နီညိုသည် ကမ္ဘာ့မြောက်ခြမ်း၌ ၂၀၂၄ ခုနှစ်တွင် နွေဦးရာသီကာလဖြစ်သည့် မတ်လမှ မေလ အတွင်း ၈၀ ရာခိုင်နှုန်းဖြင့် ဆက်လက်ဖြစ်ပွားနိုင်ချေရှိကြောင်းဖြင့် ဖော်ပြထားပါသည်။ အဆိုပါ ကာလအတွင်း၌ ENSO-Neutral ဟုခေါ်သည့် အယ်လ်နီညိုမဟုတ် လာနီညာမဟုတ်သည့် အခြေ အနေများဆီသို့ တိုက်ဆိုင်စွာပြန်ရောက်သွားနိုင်ကြောင်းဖြင့် သိရပါသည်။

မီယာမီတက္ကသိုလ်မှ ပညာရှင်တစ်ဦး၏ အဆိုအရ ပိုမိုအားကောင်းသည့် အယ်လ်နီညိုသည် ကမ္ဘာတစ်ဝှမ်းတွင် ဆောင်းရာသီ၏ အပူချိန်နှင့် မိုး/နှင်းများ ရွာသွန်းမှု၏ ပုံစံများအပေါ်တွင် သက်ရောက်မှု အားကောင်းနိုင်ကြောင်း၊ ဝါရှင်တန်တက္ကသိုလ်မှ လေထုသုတေသန သိပ္ပံပညာရှင် တစ်ဦးက ယခုနှစ်တွင် သမုဒ္ဒရာအပူချိန် မြင့်တက်လာရန် မျှော်လင့်ထားသလောက် လေထုသည် တုံ့ပြန်မှုမရှိသေးကြောင်း၊ ယခင်အယ်လ်နီညိုနှစ်များ၏ အစောပိုင်းကာလကဲ့သို့ မိုးဆီးနှင်းများ ရွာသွန်းမှုမှာ များပြားခြင်းမရှိသေးဘဲ အချိန်များစွာ ယူနေရသည့် အခြေအနေရှိနိုင်ကြောင်းဖြင့် ပြောကြားခဲ့သည်။

၂၀၂၄ ခုနှစ်၊ မေလအထိ အယ်လ်နီညိုသည်  ဆက်လက်ဖြစ်ပွားနိုင်မှုသည် အိန္ဒိယနိုင်ငံတွင် မုတ်သုံအကြိုမိုးရွာသွန်းမှုအပေါ် သက်ရောက်မှုရှိနိုင်ကြောင်း၊ အဓိကအားဖြင့် အရှေ့တောင် အာရှ ဒေသများတွင် ကာလကြာရှည်ခြောက်သွေ့သည့်ကာလကို ဖြစ်ပေါ်စေနိုင်ကြောင်း၊ ဆန်နှင့် စား အုန်းဆီကဲ့သို့သော အဓိကသီးနှံများ၏ ထုတ်လုပ်မှုအပေါ် ထိခိုက်ဆုံးရှုံးနိုင်ဖွယ်ရှိကြောင်း သိရ ပါသည်။

မိုးလေဝသအေဂျင်စီ CPC ၏ ထုတ်ပြန်ချက်အရ ပစိဖိတ်သမုဒ္ဒရာ၏ အလယ်ပိုင်းနှင့် အရှေ့ ဘက်တို့တွင် အီကွေတာ ပင်လယ်ရေမျက်နှာပြင်၏ အပူချိန်များ (Equatorial sea surface temperatures – SSTs) သည် ပျမ်းမျှအထက်တွင် ရှိနိုင်ကြောင်း၊ အယ်လ်နီညိုကြောင့် အပူပိုင်း ပစိဖိတ်ဒေသ၏ လေထုမှာ မူမမှန်မှုများဖြစ်ပေါ်နိုင်ကြောင်း၊ စက်တင်ဘာလ၏ နောက်ဆုံးအပတ် တွင် Date Line ဖြစ်သည့် ပစိဖိတ်ဒေသ၏ အလယ်ပိုင်းအနီးတွင် SST မူမမှန်များမှာ ပို၍ ဖြစ်ပေါ် ခဲ့ကြောင်းဖြင့် သိရသည်။

လွန်ခဲ့သည့် ရက်သတ္တပတ် ၄ ပတ်အတွင်း၌ အီကွေတာဆိုင်ရာ SST များသည် ပစိဖိတ် သမုဒ္ဒရာ၏ ဒေသအများစု၊ အနောက်အိန္ဒိယသမုဒ္ဒရာနှင့် အတ္တလန္တိတ်သမုဒ္ဒရာတို့ တစ်လျှောက် တွင် ပျမ်းမျှထက်ကျော်လွန်နေခဲ့ကြောင်း CPC အဖွဲ့က ပြောကြားခဲ့သည်။

CPC ၏ ပြောကြားမှုအရ Equatorial SSTs များသည် အိန္ဒိယသမုဒ္ဒရာအရှေ့ပိုင်းနှင့် အင်ဒိုနီးရှားနိုင်ငံတစ်ဝိုက်တွင် ပျမ်းမျှအောက်ရှိနေခြင်းမှာ အိန္ဒိယအတွက် အားတက်ဖွယ်ကောင်း သော ဖွံ့ဖြိုးတိုးတက်မှုဖြစ်ကြောင်း၊ အဓိကအားဖြင့် အိန္ဒိယသမုဒ္ဒရာ၏ အရှေ့ပိုင်းနှင့် အနောက် ပိုင်း (Indian Ocean Dipole) တို့တွင် SSTs ကွာဟချက်မှာ အားကောင်းလာပြီး ဒီဇင်ဘာလအထိ သာ ကြာမြင့်နိုင်ဖွယ်ရှိကြောင်းဖြင့် သိရပါသည်။

စက်တင်ဘာလနှောင်းပိုင်းမှစ၍ မြေအောက်အပူချိန် ပုံမှန်မဟုတ်မှုများသည် ဆက်လက် ရှိနေခဲ့ကြောင်း၊ အယ်လ်နီညိုသည် ၂၀၂၄ ခုနှစ် ဇန်နဝါရီ - မတ်လမှတစ်ဆင့် ဆက်လက်ဖြစ်ပွား နိုင်ချေမှာ ၉၅ ရာခိုင်နှုန်းရှိကြောင်းဖြင့် အမေရိကန်မိုးလေဝသအေဂျင်စီက ပြောကြားခဲ့သည်။

ထို့နောက်တွင် အယ်နီညိုသည် ၂၀၂၄ ခုနှစ် မေလမှ ဇူလိုင်လအတွင်း ENSO-Neutral ဟု ခေါ်သည့် အယ်လ်နီညိုမဟုတ် လာနီညာမဟုတ်သည့် အခြေအနေများသို့ ပြန်လည်ရောက်ရှိနိုင်သဖြင့် သက်ရောက်မှုဒဏ်များမှာ တဖြည်းဖြည်း လျော့နည်းသွားနိုင်ကြောင်း၊  အလယ်အလတ်မှ အားကောင်းသော အယ်လ်နီညိုမှာ ၂၀၂၄ ခုနှစ် မေလမှ မတ်လအတွင်း၌ ပိုမိုဖြစ်ပွားနိုင်ကြောင်း CPC မှ ပြောကြားခဲ့သည်။

Source: The Hindu Business Line, 17 Oct 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

အိန္ဒိယနိုင်ငံ၌ ၁၅-၁၀-၂၀၂၃ နေ့တွင် သက်တမ်းကုန်ဆုံးမည့် ပေါင်းဆန်အပေါ် ပို့ကုန်ခွန် ၂ဝ ရာခိုင်နှုန်းကောက်ခံရန် ချမှတ်ထားရှိမှုကို ၂ဝ၂၄ ခုနှစ်၊ မတ်လ ၃၁ ရက်နေ့အထိ ထပ်မံ သက်တမ်းတိုးမြှင့်လိုက်ကြောင်း အိန္ဒိယဘဏ္ဍာရေးဝန်ကြီးဌာနက ၁၃-၁၀-၂၀၂၃ နေ့၌ အမိန့် ကြော်ငြာစာ ထုတ်ပြန်ခဲ့ပါသည်။

ကုန်သည်များ၏ပြောကြားချက်အရ ပို့ကုန်ခွန်ကောက်ခံမှု သက်တမ်းတိုးမြှင့်လိုက်ခြင်းမှာ ၂ဝ၂၃ ခုနှစ် နိုဝင်ဘာလတွင် အိန္ဒိယနိုင်ငံရှိ အချို့ပြည်နယ်များ၌ ပြည်နယ်ရွေးကောက်ပွဲများ ပြုလုပ်သွားမည်ဖြစ်ရာ ရွေးကောက်ပွဲကျင်းပစဉ် ကာလအတွင်း ပြည်တွင်းဆန်ဈေးနှုန်းများကို စစ်ဆေးစောင့်ကြည့်သွားရန်အတွက်ဖြစ်ကြောင်း သိရှိရပါသည်။

ပုံမှန်အားဖြင့် စက်တင်ဘာလ တတိယပတ် သို့မဟုတ် စတုတ္ထပတ်တွင် ထုတ်ပြန်လေ့ရှိ သည့် ဆန်စပါးထွက်ရှိမှု ခန့်မှန်းချက်ကိန်းဂဏန်းများကို အိန္ဒိယအစိုးရက ထုတ်ပြန်ခြင်းမရှိသေး ကြောင်း၊ ၂ဝ၂၃ ခုနှစ်ဇူလိုင်လတွင် ဘာစမာတီမဟုတ်သောဆန်ဖြူ တင်ပို့မှုကို တားမြစ်ပိတ်ပင် ခဲ့ပြီးနောက် ဩဂုတ်လ၌ ဘာစမာတီဆန် သင်္ဘောတင်ပို့မှုကို ထိန်းချုပ်နိုင်ရန် ဘာစမာတီဆန် တင်ပို့မှုအပေါ် ပို့ကုန်ခွန်ကောက်ခံခဲ့ကြောင်း၊ ဆန်ကွဲတင်ပို့မှုအပေါ် တားမြစ်ပိတ်ပင်မှုကိုလည်း ဆက်လက်ဆောင်ရွက်လျက်ရှိကြောင်း သိရှိရပါသည်။

ကျွမ်းကျင်ပညာရှင်များ၏ ပြောကြားချက်အရ လက်ရှိ မိုးသီးနှံရာသီ၌ စပါးစိုက်ဧကမှာ ယခင်နှစ်ကာလထက် အနည်းငယ် ပိုမိုတိုးတက်လာသော်လည်း ဩဂုတ်လတွင် မိုးရွာသွန်းမှု လျော့နည်းခြင်းနှင့် ဟာရီယာနာနှင့် ပန်ဂျပ်ပြည်နယ်တို့၌ ရေလွှမ်းမိုးမှုများ ဖြစ်ပေါ်ခဲ့ခြင်းတို့ ကြောင့် စပါးသီးနှံရိတ်သိမ်းထွက်ရှိမှုမှာ လျော့နည်းသွား နိုင်ဖွယ်ရှိကြောင်း သိရှိရပါသည်။ ဟာရီယာနာပြည်နယ်မှ အစိုးရအရာရှိတစ်ဦးက ပြည်နယ်အတွင်း ဘာစမာတီမဟုတ်သောစပါး စိုက်ဧကမှာ လျော့နည်းခဲ့ပြီး ဘာစမာတီစပါးစိုက်ဧကမှာ တိုးတက်လာသဖြင့် စပါးစိုက်ဧရိယာ တိုးတက်လာကြောင်း ပြောကြားခဲ့ပါသည်။

၂ဝ၂၂ ခုနှစ် မိုးသီးနှံရာသီ၌ အိန္ဒိယ၏ ဆန်ထုတ်လုပ်မှုမှာ တန်ချိန် ၁၁ဝ သန်းရှိခဲ့ပြီး ယခုနှစ် မိုးသီးနှံရာသီကာလတွင် ဆန်စိုက်ပျိုး ထုတ်လုပ်မှုမှာ မျှော်မှန်းထားသော တန်ချိန် ၁၁၁ သန်း အောက်သို့ လျော့နည်းကျဆင်းမည်ကို စိုးရိမ်လျက်ရှိကြောင်း Hindu Business Line သတင်းဌာန က ဖော်ပြပါသည်။

Source: The Hindu Business Line, 13 Oct 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

ဂျပန်နိုင်ငံ၌ ရောင်းလိုအားနှင့် ဝယ်လိုအားတို့အပေါ် အခြေခံ၍ ဆန်ဈေးနှုန်းများကို ပိုမိုပွင့်လင်းစွာ သတ်မှတ်နိုင်ရန် ရည်ရွယ်လျက် အင်တာနက်စင်္ကြန်မှတစ်ဆင့် ဆန်လက်ငင်းရောင်းဝယ်မှု ဈေးကွက်တစ်ရပ်ကိုဖွင့်လှစ်ခဲ့ရာ နိုင်ငံ၏အဓိကစားနပ်ရိက္ခာဖြစ်သည့် ဆန်များ ဝယ်ယူရောင်းချခြင်းကို ပိုမိုချောမွေ့လာစေမည်ဖြစ်ကြောင်း သိရှိရသည်။

အနာဂတ်ဆန်ဈေးကွက် (Mirai Rice Market) ဟုခေါ်ဆိုသော အဆိုပါ ရောင်းဝယ်မှု စင်္ကြန်ကို ထူထောင်ရာတွင် ပုဂ္ဂလိကကဏ္ဍမှ ဉာဏ်ကြီးရှင်အဖွဲ့အစည်းများနှင့် ဆန်လက်ကားရောင်းချသူများက ရန်ပုံငွေအများအပြား ထောက်ပံ့ပေးခဲ့သည်။ ဆန်စပါးထုတ်လုပ်သူများသည် ၎င်းတို့၏ အလိုရှိသောစျေးနှုန်းများဖြင့် ရောင်းချမည့်ပမာဏတို့ကို ကမ်းလှမ်းနိုင်ပြီး သတ်မှတ်အချိန်ကာလတစ်ရပ်အတွင်း ၎င်းတို့၏ထုတ်ကုန်ကို အမြင့်ဆုံးဈေးနှုန်း ပေးအပ်များထံ လေလံတင် ရောင်းချနိုင်မည်ဖြစ်သည်။

ဂျပန်နိုင်ငံတွင် လက်ရှိကာလအထိ ဆန်ဈေးနှုန်းများ သတ်မှတ်ခြင်းကို လယ်သမားများကို ကိုယ်စားပြုသော စိုက်ပျိုးရေးဆိုင်ရာ သမဝါယမအသင်းများနှင့် ဝယ်ယူသူများအကြား ညှိနှိုင်းမှုဖြင့်သာ ဆောင်ရွက်ခဲ့သည်။ သို့ဖြစ်ရာ ဆန်အတွက် စံဈေးနှုန်းများ သတ်မှတ်ရာတွင် ပိုမိုပွင့်လင်းမြင်သာမှုရှိပြီး လယ်သမားများအနေဖြင့် ဈေးကွက်ဝယ်လိုအားကို ခန့်မှန်းအကဲဖြတ်ခွင့် ရရှိစေမည့် လက်ငင်းရောင်းဝယ်သည့် ဈေးကွက်တစ်ခု လိုအပ်ကြောင်း ဝေဖန်ထောက်ပြသူများက ပြောကြားထားခဲ့သည်။

Mirai Rice Market ၏ ဥက္ကဌဖြစ်သူ Orikasa Shunsuke က ဆန်၏ ထပ်တိုးတန်ဖိုး၊ လယ်သမားများ၏ ထုတ်လုပ်မှုအခက်အခဲများနှင့် ကုန်ကျစရိတ်များသည် အရောင်းအဝယ်ပြုသည့် ဈေးနှုန်းများ၌ ပါဝင်လျက်ရှိကြောင်းကို ထင်ဟပ်စေမည့် ပွင့်လင်းပြီး မျှတမှုရှိသော စျေးကွက်တစ်ရပ်အား ဖန်တီးရန် လယ်သမားများက လိုလားမှုရှိသည်ဟု ပြောကြားခဲ့သည်။ ဆန်ရောင်းဝယ်မှုစင်္ကြန်မှတစ်ဆင့် ပထမနှစ်အတွင်း ဆန်တန်ချိန် ၂၀၀၀၀ ခန့် အရောင်းအဝယ်ဖြစ် ပေါ်ရန်နှင့် ၅ နှစ်အတွင်း ၅ ဆအထိ မြင့်တက်လာရန် ၎င်းကမျှော်လင့်ထားသည်။

အဆိုပါ ဆန်ရောင်းဝယ်မှုစင်္ကြန် စီမံကိန်းကို ဂျပန်နိုင်ငံ၊ စိုက်ပျိုးရေးဝန်ကြီးဌာနက ကျောထောက်နောက်ခံပြုထားပြီး ယခုနှစ်ကုန်တွင် အခြားသော ဆန်စပါးလက်ငင်းဈေးကွက်တစ်ခုကို ထပ်မံဖွင့်လှစ်နိုင်မည်ဟု ခန့်မှန်းရကြောင်း NHK သတင်းဌာနက ဖော်ပြပါသည်။

Source: NHK World - Japan News, 16 Oct 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

၂၀၂၄ ခုနှစ်တွင် ဆန်တန်ချိန် ၃၅ သန်း ထုတ်လုပ်ရန် ရည်မှန်းချက်ကို အကောင်အထည် ဖော်ရေး ကြိုးပမ်းမှု၏ တစ်စိတ်တစ်ပိုင်းအနေဖြင့် အင်ဒိုနီးရှားနိုင်ငံတစ်ဝန်းတွင်  ဆန်စပါး စံချိန်တင်ထွက်ရှိအောင် စိုက်ပျိုးထုတ်လုပ်နိုင်သည့် ဒေသဆိုင်ရာ စိုက်ပျိုးရေးရုံးများကို အထူးဆုများ ချီးမြှင့်သွားမည်ဖြစ်ကြောင်း သိရှိရသည်။

ဆန်ဖူလုံမှုရှိရေးသည် ဒေသတိုင်းအတွက် တူညီသောတာဝန်ဖြစ်ပြီး  နိုင်ငံတော်၏ လိုအပ်ချက်ကို ဖြည့်ဆည်းရန်အတွက် ဆန်စပါးများ ပိုမိုထွက်ရှိစေရေး မျှော်လင့်လျက် စိုက်ပျိုးသူများသို့ တွန်းအားပေးသည့်အနေဖြင့် ဂုဏ်ပြုဆုများ ချီးမြှင့်ပေးသွားမည် ဖြစ်ကြောင်း၊ အဆိုပါ ရည်မှန်း ချက်ကို အကောင်အထည်ဖော်ရာတွင် ဝန်ကြီးဌာနရှိ စားနပ်ရိက္ခာသီးနှံများ ညွှန်ကြားမှုဦးစီးဌာန၊ စိုက်ပျိုးရေး အခြေခံအဆောက်အအုံနှင့် အထောက်အကူပြုပစ္စည်းများ  ညွှန်ကြားမှုဦးစီးဌာနနှင့် စိုက်ပျိုးရေးဆိုင်ရာ လူ့စွမ်းအားအရင်းအမြစ် ဖွံ့ဖြိုးတိုးတက်ရေးအေဂျင်စီတို့ အနေဖြင့် ရှေ့တန်းအဆင့်-၁ တာဝန်ရှိသူများနှင့် ပေါင်းစပ်၍ ကူညီပံ့ပိုးသွားရန်ဖြစ်ကြောင်း ခေတ္တစိုက်ပျိုးရေးဝန်ကြီး Arief Prasetyo Adi က ၁၆-၁၀-၂၀၂၃ ရက်၊ တနင်္လာနေ့တွင် ကျင်းပသည့် ဈေးနှုန်းသက်သာသော စားသောက်ကုန်များ ရောင်းချမှုပွဲတော်၌ ထုတ်ဖော်ပြောကြားခဲ့ခြင်းဖြစ်သည်။

တောင်သူလယ်သမားများသို့ အရည်အသွေးမီမျိုးစေ့များ ပံ့ပိုးပေးရေး၊ ဓာတ်မြေသြဇာ ရရှိ ရေးနှင့် အသိပညာပေး ကျွမ်းကျင်ပညာရှင်များ အလွယ်တကူ ရရှိစေရေးတို့အတွက် ၎င်းဌာနများက ပူးပေါင်းလုပ်ဆောင်ရန်နှင့် အဆိုပါ ကျွမ်းကျင်ပညာရှင်များအပါအဝင် သက်ဆိုင်ရာအဖွဲ့ အစည်းများမှ တာဝန်ရှိသူများအား ခေါ်ယူနိုင်ရေးအတွက် ပြည်ထဲရေးဝန်ကြီးဌာနနှင့် ပေါင်းစပ်ဆောင်ရွက်ရန် Arief Prasetyo Adi က တိုက်တွန်းပြောကြားခဲ့သည်။

အင်ဒိုနီးရှားစိုက်ပျိုးရေးဝန်ကြီးဌာနသည် ချိတ်ဆက်ဆောင်ရွက်မှုများကို တိုးတက်ကောင်း မွန်စေခြင်းဖြင့် ဒေသတွင်းစိုက်ပျိုးရေးဆိုင်ရာပြဿနာများကို ကိုင်တွယ်ဖြေရှင်းရာတွင် ပိုမိုအထောက်အကူဖြစ်စေရန် လုပ်ဆောင်လျက်ရှိသည်။

Source: Antara News, 16 Oct 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)