ပြည်ပကုန်သွယ်မှုသတင်းများ

         တရုတ်နိုင်ငံကားထုတ်လုပ်သည့် ကုမ္ပဏီဖြစ်သော BYD သည် ၂၀၁၅ ခုနှစ်နှင့် ၂၀၂၂ ခုနှစ် အတွင်း ထုတ်လုပ်ခဲ့သော မော်ဒယ် Tang နှင့် Yuan Pro ကားများတွင် ဒီးဇိုင်းပိုင်းချွတ်ယွင်းချက် နှင့် ဘက်ထရီပိုင်းဆိုင်ရာပြဿနာများကြောင့် ကားအစီးရေ ၁၁၅၀၀၀ ခန့်ကို ပြန်လည် သိမ်းဆည်း ခဲ့ကြောင်း တရုတ်နိုင်ငံ စျေးကွက်စောင့်ကြည့်သူများက အောက်တိုဘာလ ၁၇ ရက်နေ့တွင် ပြောကြားချက်အရ သိရပါသည်။ BYD သည် ၂၀၁၅ ခုနှစ် မတ်လမှ ၂၀၁၇ ခုနှစ် ဇူလိုင်လအတွင်း ထုတ်လုပ်ခဲ့သော မော်ဒယ် Tang ကားအစီးရေ ၄၄၅၃၅ စီးအား ပုံမှန်မဟုတ် သော အပြစ်အနာ အဆာများပါရှိမှုကြောင့် ပြန်လည်သိမ်းဆည်းရန်အတွက် ပြည်နယ် အုပ်ချုပ်ရေးထံ အစီအစဥ် တကျ တင်သွင်းမှုများ ပြုလုပ်ခဲ့ကြောင်း သိရပါသည်။ ထို့အပြင် BYD သည် ၂၀၂၁ ခုနှစ် ဖေဖော်ဝါရီလနှင့် ၂၀၂၂ ခုနှစ် သြဂုတ်လအတွင်းတွင် ရောင်းချခဲ့သော Yuan Pro ကားများတွင် ဘက်ထရီတပ်ဆင်ခြင်းနှင့်ပတ်သက်၍ အခက်အခဲများရှိသောကြောင့် မော်ဒယ် Yuan Pro ကားအစီးရေ ၇၁၂၄၈ စီးအား ပြန်လည်သိမ်းဆည်းရန် စီမံလျက်ရှိ‌ကြောင်း သိရပါသည်။ အဆိုပါ လုပ်ဆောင်မှုများမပြုလုပ်ခင်တွင် BYD သည် ၎င်းရောင်းချခဲ့သော မော်ဒယ် Dolphin နှင့် Yuan Plus လျှပ်စစ်ကားများတွင် ကားလက်ကိုင်မီးလောင်ဖြစ်ပွားမှုဆိုင်ရာ ချို့ယွင်းချက်များ ရှိနေသော ကြောင့် ကားအစီးရေ ၉၇၀၀၀ ကျော်ခန့်ကို ၂၀၂၄ ခုနှစ်တွင် ပြန်လည်သိမ်းဆည်းခဲ့ကြောင်း သိရ ပါသည်။

DOCA (ရန်ကုန်)

        ကူးသန်းရောင်းဝယ်ရေးအကြံပေးဆိုသူ Sk Bashir Uddin က ဂျာမနီနိုင်ငံမှ တင်သွင်းသူများ အား ဘင်္ဂလားဒေ့ရှ်နိုင်ငံမှ ထုတ်ကုန်မြင့်ပစ္စည်းများဖြစ်သော အဝတ်အထည်၊ အိမ်လုပ် ချည်ထည်များ၊ ဆေးဝါးများ၊ ပလပ်စတစ် ပစ္စည်းများ၊ ဖိနပ်များ၊ စက်ဘီးများနှင့် ရော်ဘာ ပစ္စည်းများအား ပိုမိုတင်သွင်းရန် တိုက်တွန်းလျက်ရှိကြောင်း သိရပါသည်။ အဆိုပါအကြံပေးသည် ဂျာမနီနိုင်ငံ သံအမတ်ကြီး Rudiger Lotz နှင့် ချိန်းဆိုမှုတစ်ခုပြုလုပ်ရန် ဖုန်းခေါ်ဆိုခဲ့ကြောင်း သိရပါသည်။ ဂျာမနီနိုင်ငံသည် အမေရိကန်နိုင်ငံပြီးလျှင် ဘင်္ဂလားဒေ့ရှ်နိုင်ငံအတွက် ဒုတိယ အကြီးမားဆုံးတင်ပို့သည့် မှတ်တိုင်တစ်ခုဖြစ်ပြီး ဘင်္ဂလားဒေ့ရှ်နိုင်ငံမှ ကုန်ပစ္စည်းစုစုပေါင်း ၁၀.၉၆ ရာခိုင်နှုန်းခန့်ကို တစ်နှစ်အတွင်း တင်သွင်းလျက်ရှိကြောင်း ကူးသန်းရောင်းဝယ်ရေး  ဝန်ကြီးဌာန မှ ထုတ်ပြန်သော သတင်းအချက်အလက်များအရ သိရပါသည်။ ဘင်္ဂလားဒေ့ရှ် နိုင်ငံနှင့် ဂျာမနီနိုင်ငံ နှစ်နိုင်ငံကုန်သွယ်မှုသည် ဂျာမနီအဝတ်အစားလက်လီရောင်းချသူများနှင့် အမှတ်တံဆိပ်များအတွက် အဓိကနေရာတစ်ခုအဖြစ် ဆောင်ရွက်သောကြောင့် အရှေ့တောင် အာရှနိုင်ငံများက ဝေဖန်လျက်ရှိကြောင်း သိရပါသည်။ ၂၀၂၃-၂၀၂၄ ဘဏ္ဍာနှစ်တွင် ဘင်္ဂလားဒေ့ရှ်နိုင်ငံသည် အမရိကန်ဒေါ်လာ ၄.၈၅ ဘီလီယံခန့်တန်ကြေးရှိသော ကုန်ပစ္စည်းများကို ဂျာမနီနိုင်ငံသို့ တင်ပို့ခဲ့ ကြောင်းနှင့် အမေရိကန်ဒေါ်လာ ၉၄၀.၆၀သန်းခန့်တန်ကြေးရှိသောကုန်ပစ္စည်းများကိုတင်သွင်းခဲ့ကြောင်း ကူးသန်းရောင်းဝယ်ရေးဝန်ကြီးဌာနမှထုတ်ပြန်သောသတင်းအချက် အလက် များအရ သိရပါသည်။ Lotz က ဂျာမနီနိုင်ငံသည် နှစ်နိုင်ငံကြား စီးပွားရေးဆက်ဆံမှု ပိုမိုခိုင်မာလာစေရန် ဘင်္ဂလားဒေ့ရှ်နိုင်ငံနှင့် ဆက်လက် အလုပ်လုပ်သွားမည်ဖြစ်ကြောင်း ပြောကြားခဲ့ပါသည်။ ထုတ်ပြန်ချက်များအရ ဂျာမနီနိုင်ငံသည် နှစ်နိုင်ငံကြား ကုန်သွယ်ရေးကွဲပြားမှုများကို အဆင့်မြှင့် တင်ရန်အတွက် ဘင်္ဂလားဒေ့ရှ်နိုင်ငံနှင့် ပူးပေါင်းဆောင်ရွက်သွားမည်ဖြစ်ကြောင်း သိရပါသည်။

 DOCA (ရန်ကုန်)

            ဗီယက်နမ်အမျိုးသားစက်မှု-စွမ်းအင်အုပ်စု (Petrovietnam) မှ ဒုတိယညွှန်ကြား‌ရေးမှူး Dr Le Xuan Huyen ဦးဆောင်သည့်ကိုယ်စားလှယ်အဖွဲ့သည် တရုတ်၏ Xinfengming Group (XFM) ၏ ရုံးချုပ်သို့သွားရောက်လည်ပတ်ခဲ့ပြီး ဆွေးနွေးမှုများပြုလုပ်ခဲ့ကြောင်း သိရပါသည်။ ထိုကိုယ်စား လှယ်အဖွဲ့တွင် Petrovietnam ၏ ကုမ္ပဏီခွဲများဖြစ်သည့် Vietnam Petrochemical and Fibre Joint Stock Company (VNPOLY) နှင့် Petrovietnam Fertilizer and Chemicals Corporation (PVFCCo) တို့မှ တာဝန်ရှိသူများ ပါဝင်ကြောင်းသိရပါသည်။ XFM သည် PTA နှင့် polyester ဖိုက်ဘာထုတ်လုပ်မှုကွင်းဆက်တွင် တရုတ်၏ထိပ်တန်းလုပ်ငန်းများထဲမှတစ်ခုဖြစ်ပြီး ၂၀၂၄ ခုနှစ်တွင် ဝင်ငွေအမေရိကန်ဒေါ်လာ ၉.၅ ဘီလီယံရရှိခဲ့ကြောင်း သိရပါသည်။ နှစ်စဉ် ထုတ်လုပ်နိုင်စွမ်းမှာ PTA တန်ချိန် ၈ သန်း၊ PSF ဖိုက်ဘာ တန်ချိန် ၁.၃ သန်းနှင့် polyester ချည်မျှင် တန်ချိန် ၈.၄ သန်းဖြစ်ကြောင်း သိရပါသည်။ ၎င်းတို့၏ထုတ်ကုန်များသည် အဓိကအား ဖြင့်တရုတ်ဈေးကွက်ဖြစ်သော်လည်း ဗီယက်နမ်အပါအဝင် များစွာသောနိုင်ငံများသို့ တင်ပို့ ကြောင်း သိရပါသည်။ အစည်းအဝေးအတွင်း Petrovietnam နှင့် XFM ခေါင်းဆောင်များသည် Dinh Vu ဖိုက်ဘာစက်ရုံတွင် VNPOLY နှင့်အတူ polyester ဖိုက်ဘာထုတ်လုပ်ခြင်းတွင် ပူးပေါင်း ဆောင်ရွက်ရန်ဆွေးနွေးခဲ့ကြပြီး polyester ဖိုက်ဘာထုတ်လုပ်မှုကွင်းဆက်တစ်လျှောက်တွင် အခြားအခွင့်အလမ်းများကို ရှာဖွေခဲ့ကြကြောင်း သိရပါသည်။ Dr Le က XFM ၏ ပူးပေါင်း ဆောင်ရွက်ရန်ဆန္ဒရှိမှုကို အမွှမ်းတင်ပြောကြားခဲ့ပြီး ၎င်းသည် ရေရှည်နှင့် အပြန်အလှန်အကျိုး ကျေးဇူးရှိသောမိတ်ဖက်ဖွဲ့မှုအတွက် ခိုင်မာသောအုတ်မြစ်တစ်ခုဖြစ်ကြောင်း ပြောကြားခဲ့ပါသည်။ ထို့ပြင် Dr Le က XFM ၏အကြီးတန်းခေါင်းဆောင်များအား ဆက်လက်ဆွေးနွေးရန်အတွက် ဗီယက်နမ်သို့လာရောက်လည်ပတ်ရန်ဖိတ်ကြားခဲ့ကြောင်း သိရပါသည်။ အစည်းအဝေးသည် polyester ဖိုက်ဘာထုတ်လုပ်ခြင်းတွင် Petrovietnam နှင့် XFM အကြား လက်တွေ့ပူးပေါင်း ဆောင်ရွက်ရန်အတွက် မျှော်လင့်ချက်အလားအလာများကို တံခါးဖွင့်လှစ်ပေးခဲ့ကြောင်း သိရပါ သည်။ နှစ်ဖက်စလုံးသည် ရေနံဓာတုနှင့် ဓာတုပစ္စည်းများထုတ်လုပ်ခြင်းတွင် နက်ရှိုင်းစွာပူးပေါင်း ‌ဆောင်ရွက်မှုကိုမြှင့်တင်ရန်အတွက် ဖောင်ဒေးရှင်းတစ်ခုတည်ထောင်ရန်သဘောတူညီခဲ့ကြပြီး ထိုမှတစ်ဆင့် Petrovietnam ၏ နိုင်ငံတစ်ကာပုံရိပ်မြှင့်တင်ကာ ကဏ္ဍသစ်တွင် ၎င်းတို့၏ စဉ်ဆက်မပြတ်ဖွံ့ဖြိုး တိုးတက်မှုမဟာဗျူဟာကို အကောင်အထည်ဖော်သွားမည်ဟု သိရပါ သည်။

  DOCA (ရန်ကုန်)

              ရေနံစိမ်းဈေးမြင့်တက်လာမှုနှင့် အမေရိကန်ဒေါ်လာနှင့်ယှဉ် ပြည်တွင်းငွေကြေးတန်ဖိုးကျ ဆင်းမှုကြောင့် တောင်ကိုရီးယားသို့ သွင်းကုန်ပစ္စည်းများ၏ဈေးနှုန်းသည်သုံးလဆက်တိုက်မြင့်တက်လာကြောင်းအောက်တိုဘာလ၁၇ ရက်နေ့ထုတ်ပြန်သော ဗဟိုဘဏ်အချက်အလက်များအရ သိရှိရပါသည်။

          သွင်းကုန်ဈေးနှုန်းအညွှန်းကိန်းသည် ဇူလိုင်လတွင် ၀.၈ ရာခိုင်နှုန်းနှင့် ဩဂုတ်လတွင် ၀.၃ ရာခိုင်နှုန်းမြင့်တက်ခဲ့ပါသည်။ စက်တင်ဘာလတွင် ယခင်လကထက် ၀.၂ ရာခိုင်နှုန်း တက်လာခဲ့ ကြောင်း  ကိုရီးယားဘဏ် (BOK) ကပြောကြားခဲ့ပါသည်။

          တောင်ကိုရီးယားနိုင်ငံ၏ စံနှုန်းဖြစ်သည့် ဒူဘိုင်းရေနံစိမ်းဈေးနှုန်းသည် စက်တင်ဘာလ တွင် တစ်စည်လျှင် ပျှမ်းမျှ အမေရိကန်ဒေါ်လာ ၇၀.၀၁ ရှိခဲ့ပြီး ယခင်လက ဒေါ်လာ ၆၉.၃၉ မြင့်တက်လာ ခဲ့ပါသည်။

          ဝမ်ငွေနှင့် ဒေါ်လာငွေလဲနှုန်းသည် ဩဂုတ်တွင် ၁၃၈၉၆၆ ဝမ်မှ စက်တင်ဘာလတွင် တစ်ဒေါ်လာလျှင် ၁၃၉၁၈၃ ဝမ် အထိ မြင့်တက်လာခဲ့ပါသည်။ သွင်းကုန် ကုန်ကြမ်းဈေးနှုန်းသည် စက်တင်ဘာလတွင် လစဉ်အခြေခံဖြင့် ၀.၁ ရာခိုင်နှုန်း ကျဆင်းခဲ့ပြီး ဈေးသက်သာသော သဘာဝ ဓာတ်ငွေ့ (LNG) ကြောင့် ဈေးပိုကြီးသော ရေနံစိမ်းကို ကာမိစေခဲ့ပါသည်။

          ကြားခံကုန်ပစ္စည်းများ၏ သွင်းကုန်ဈေးနှုန်းသည် ပြီးခဲ့သည့်လက ၀.၅ ရာခိုင်နှုန်းအထိ ဆက်တိုက်မြင့်တက်ခဲ့ပြီး တတိယမြောက်လ အဖြစ် ဆက်တိုက်မြင့်တက်ခဲ့ပါသည်။ သွင်းကုန် အရင်း အနှီးကုန်စည်များ၏ ဈေးနှုန်းသည် ၀.၂ ရခိုင်နှုန်းကျဆင်းခဲ့သော်လည်းစက်တင်ဘာလ တွင် သွင်ကုန်သုံးစွဲသူ ကုန်ပစ္စည်းဈေးနှုန်းသည် ၀.၁ ရာခိုင်နှုန်း တိုးလာခဲ့ပါသည်။

          ပို့ကုန်ဈေးနှုူန်းအညွှန်းကိန်းသည် ဇူလိုင်လတွင် ၀.၈ ရာခိုင်နှုန်းနှင့် ဩဂုတ်လတွင် ၀.၆ ရာခိုင်နှုန်း တိုးတက်ပြီးနောက် စက်တင်ဘာလတွင် ယခင်လထက် ၀.၆ ရာခိုင်နှုန်း မြင့်တက်ခဲ့ပါသည်။

   DOCA (ရန်ကုန်)

              ကာဂျစ္စတန်နိုင်ငံ၏ စီးပွားရေးသည် ၂၀၂၅ ခုနှစ် ပထမ ၉ လအတွင်းတွင် ၁၀ ရာခိုင်နှုန်း တိုးတက်ခဲ့ကြောင်း နိုင်ငံ၏ စာရင်းအင်းဌာနက အောက်တိုဘာ ၁၅ ရက်နေ့တွင် ထုတ်ပြန်ခဲ့သည့် အချက်အလက်များအရ သိရှိရပါသည်။

          နိုင်ငံ၏ပြည်တွင်းအသားတင်ထုတ်လုပ်မှု (GDP) သည် ၂၀၂၅ ခုနှစ် ဇန်နဝါရီလ မှ စက်တင်ဘာလအတွင်း အမေရိကန်ဒေါ်လာ ၁၄.၂ ဘီလီယံ ကျော် စုစုပေါင်းရရှိခဲ့ရာ ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၁၀ ရာခိုင်နှုန်း မြင့်တက်လာခဲ့ပါသည်။

          ဝန်ဆောင်မှုလုပ်ငန်းသည် GDP ၏ ၅၀ ရာခိုင်နှုန်း၊ ကုန်ပစ္စည်းထုတ်လုပ်မှုသည် ၃၄.၇ ရာခိုင်နှုန်း၊ ကုန်ပစ္စည်းအခွန်အခများမှာ ၁၅.၃ ရာခိုင်နှုန်း ရှိပါသည်။

          စက်မှုထုတ်လုပ်မှုသည် ၁၀.၂ ရာခိုင်နှုန်း၊ ဆောက်လုပ်ရေးလုပ်ငန်းသည် ၂၉.၆ ရာခိုင်နှုန်း၊ လက်လီလက်ကားရောင်းချမှုများသည် ၁၀.၉ ရာခိုင်နှုန်း၊ စိုက်ပျိုးရေး၊ သစ်တောနှင့် ငါးလုပ်ငန်းများသည် ၀.၉ ရာခိုင်နှုန်း တိုးတက်ခဲ့ပါသည်။

          ကာဂျစ္စတန်နိုင်ငံ၏ နိုင်ငံခြားကုန်သွယ်မှုလည်ပတ်မှုသည် ၂၀၂၅ ခုနှစ် ဇန်နဝါရီ-သြဂုတ်လတွင် အမေရိကန်ဒေါ်လာ ၉.၈၅ ဘီလီဘံ ရောက်ရှိခဲ့ပြီး ယခင်နှစ်အလားတူကာလ ထက် ၉.၁ ရာခိုင်နှုန်း ကျဆင်းခဲ့ပါသည်။ အဆိုပါကျဆင်းမှုသည် အဓိကအားဖြင့် ပို့ကုန် ၂၃.၇ ရာခိုင်နှုန်းနှင့် သွင်းကုန် ၅.၂ ရာခိုင်နှုန်း ကျဆင်းခဲ့ခြင်းကြောင့်ဖြစ်ပါသည်။ စုစုပေါင်း ကုန်သွယ်မှု၏ ပို့ကုန်သည် ၁၇.၆ ရာခိုင်နှုန်း ရှိပြီးသွင်းကုန်သည် ၈၂.၄ ရာခိုင်နှုန်း ရှိကြောင်း သိရှိရပါသည်။

DOCA (ရန်ကုန်)