ပြည်ပကုန်သွယ်မှုသတင်းများ

      မလေးရှား၏ Melaka ပြည်နယ်သည် ဗီယက်နမ်လုပ်ငန်းများအတွက် အခွင့်အလမ်းများ ပေးစွမ်းရန်မျှော်မှန်းရသည့် ပြည်နယ်ဟာလာလုပ်ငန်းဖွံ့ဖြိုးတိုးတက်‌ရေးကောင်စီတည်ထောင်မည့် ၎င်းတို့၏ အစီအစဉ်ကိုကြေညာခဲ့ကြောင်း သိရပါသည်။ Melaka ပြည်နယ်ဝန်ကြီးချုပ် Ab Rauf Yusoh က ကောင်စီသည် ရင်းနှီးမြှုပ်နှံသူများဝင်ရောက်ရန်နှင့် ဟာလာအသိအမှတ်ပြု လက်မှတ်ခွင့်ပြုရန် ကြိုးပမ်းနေကြောင်း ပြောကြားခဲ့ပါသည်။ ကောင်စီတည်ထောင်ခြင်းသည် ဗီယက်နမ်လုပ်ငန်းများက အသိအမှတ်ပြုလက်မှတ်အခက်အခဲကိုကျော်လွှားရန်နှင့် Melaka ဈေးကွက်နှင့် ကျယ်ပြန့်သောဒေသဆိုင်ရာဟာလာစီးပွားရေးသို့ ဝင်ရောက်ရန်အတွက် အပေါင်း လက္ခဏာဆောင်သောအချက်တစ်ခုဖြစ်ကြောင်း သိရပါသည်။ Melaka သည် ဒေသတွင်းဟာလာ အချက်အချာအဖြစ်တည်ရှိနေသောကြောင့် ဗီယက်နမ်ပို့ကုန်လုပ်ငန်းရှင်များအတွက် အခွင့် အလမ်းသစ်များ ပေါ်ထွက်လာစေကြောင်း သိရပါသည်။ ဗီယက်နမ်ပို့ကုန်လုပ်ငန်းရှင်များသည် ကျယ်ပြန့်သောကုန်သွယ်ရေးလိုအပ်ချက်နှင့် တင်းကျပ်သောအစ္စလာမ်အသိအမှတ်ပြုစံနှုန်း ပြသနာများနှင့် ရင်ဆိုင်နေရသော်လည်း ဟာလာကဏ္ဍတွင် ဗီယက်နမ်-မလေးရှားကုန်သွယ်ရေး သည် ကြီးထွားမှုအားကောင်းလျှက်ရှိကြောင်း သိရပါသည်။ ဗီယက်နမ်အကောက်ခွန်ဦးစီးဌာန၏ အဆိုအရ ၂၀၂၅ ခုနှစ်၏ ပထမ ၉ လတွင် နှစ်နိုင်ငံအပြန်အလှန်ကုန်သွယ်မှုတန်ဖိုးမှာ အမေရိကန် ဒေါ်လာ ၁၂ ဘီလီယံကျော်ခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၂.၉ ရာခိုင်နှုန်း မြင့်တက်ခဲ့သော်လည်း ဗီယက်နမ်က ကုန်သွယ်ရေးလိုငွေ အမေရိကန်ဒေါ်လာ ၄.၂၉ ဘီလီယံပြခဲ့ကြောင်း သိရပါသည်။ မလေးရှားနိုင်ငံဆိုင်ရာ ဗီယက်နမ် ကုန်သွယ်ရေး တာဝန်ခံဖြစ်သူ Ngo Quang Hung က မ‌လေးရှားသည် အားကောင်းသောဝယ်ယူအား၊ စားသုံးသူလိုအပ်ချက်များ ကွဲပြားမှုနှင့် ဗီယက်နမ်ထုတ်ကုန်များနှင့် ကိုက်ညီသည့်စားသုံးမှု ပုံစံရှိသည့် ဆွဲဆောင်မှုရှိသော ဈေးကွက်ဖြစ်ကြောင်းပြောကြားခဲ့ပါသည်။ သို့သော် ဗီယက်နမ်၏ တင်ပို့မှုများမှာ တရုတ်၊ ထိုင်း နှင့် အင်ဒိုနီးရှားတို့ထံမှ ပြင်းထန်သည့် ယှဉ်ပြိုင်မှုများနှင့် ကြုံတွေ့ရလျှက်ရှိကြောင်း သိရပါသည်။

Vietnam Plus                                                                            

DOCA (ရန်ကုန်)

       Viettel Military Industry and Telecoms Group (Viettel) သည် လာအိုတွင် Unitel Logistics ဖွင့်လှစ်ပြီး ထောက်ပံ့ပို့ဆောင်ရေးနှင့် နိုင်ငံတကာသယ်ယူပို့ဆောင်ရေးကဏ္ဍသို့ တိုးချဲ့ မည်ဖြစ်ကြောင်း အောက်တိုဘာလ ၁၆ ရက်နေ့က ကြေညာခဲ့ပါသည်။ အခမ်းအနားကို ဗီယက်နမ် ကာကွယ်ရေးဝန်ကြီး ဗိုလ်ချုပ်ကြီး Phan Van Giang နှင့် လာအိုကာကွယ်ရေးဝန်ကြီး ဗိုလ်ချုပ်မှူး ကြီး Khamliang Outhakaysone တို့က ကာကွယ်ရေးဝန်ကြီးဌာန ၂ ခုစလုံးမှ အကြီးတန်းတာဝန် ရှိသူများနှင့်အတူတက်ရောက်ခဲ့ကြောင်း သိရပါသည်။ Unitel Logistics ကို Viettel Post နှင့် Unitel တို့ကြားပူးပေါင်းဆောင်ရွက်မှုမှတစ်ဆင့် တည်ထောင်ခဲ့ခြင်းဖြစ်ကြောင်း သိရပါသည်။ ၎င်း ကို ထောက်ပံ့မှုကွင်းဆက်စီမံခန့်ခွဲမှုနှင့် လည်ပတ်မှုများအတွက် ဘက်ပေါင်းစုံဒစ်ဂျစ်တယ်နည်း ပညာများကို အသုံးပြုထားသော ပေါင်းစပ်ထောက်ပံ့ ပို့ဆောင်ရေးလုပ်ငန်းဖြစ်လာရန် ဖန်တီးထား ကြောင်း သိရပါသည်။ Unitel Logistics သည် ထောက်ပံ့ပို့ဆောင်ရေးဝန်ဆောင်မှုများ၊ သိုလှောင် ရုံများ၊ နိုင်ငံတကာသယ်ယူပို့ဆောင်ရေးနှင့် နှစ်နိုင်ငံအကြားကုန်ပစ္စည်းများအတွက် ဝယ်လိုအား မြင့်တက်လာမှုကို ဖြည့်စည်းရန် နယ်စပ်ဖြတ်ကျော် e-commerce တို့ကို အဓိက ရည်ရွယ်ကြောင်း သိရပါသည်။ ထိုဖွင့်လှစ် မှုသည် အောက်တိုဘာ ၈ ရက်နေ့က လာအိုတွင်ပြည်တွင်းထောက်ပံ့မှု ကွင်းဆက်တည်ထောင် ရန် Viettel Post Laos နှင့် Unitel တို့ကြား ပူးပေါင်းဆောင်ရွက်မှုသဘော တူညီချက်နောက် အကောင်အထည်ဖော်ခဲ့ခြင်းဖြစ်ကြောင်း သိရပါသည်။ နှစ်ဖက်စလုံးသည် သယ်ယူပို့ဆောင်ရေး ကွန်ယက်၊ သိုလှောင်ရုံစနစ်၊ ကုန်ပစ္စည်းပေါင်းစည်းရေးစင်တာများနှင့် နယ်စပ်ဖြတ်ကျော်လမ်း ကြောင်းများတည်ဆောက်လိမ့်မည်ဖြစ်ကြောင်း သိရပါသည်။ ကနဦး အဆင့်တွင်Unitel Logistics သည် Oudomxay ၊ Vientiane နှင့် Savannakhet တို့တွင် အဓိက ထောက်ပံ့ပို့ဆောင်ရေးစင်တာများပါဝင်သော နိုင်ငံတစ်ဝှမ်းအခြေခံအဆောက်အအုံများ၊ ဗီယက်နမ်၊ ထိုင်းနှင့် တရုတ်နယ်စပ်ဂိတ်များတွင် သိုလှောင်ရုံများ၊ မြို့တော်များနှင့် ပြည်နယ်များ တစ်လျှောက် ဝန်ဆောင်မှုစင်တာ ၁၅၀၀ ကျော်တို့တွင် ရင်းနှီးမြှုပ်နှံမည်ဟု သိရပါသည်။ သယ်ယူ ပို့ဆောင်ရေးကွန်ယက်တွင်လည်း လမ်းမ၊ ရေကြောင်းနှင့် လေကြောင်းတို့ပါဝင်ပြီး ဒေသတွင်း စီးပွားရေးအချက်အချာများနှင့် တိုက်ရိုက်ချိတ်ဆက်မည်ဟု သိရပါသည်။ Unitel Logistics သည် အစိုးရများနှင့် ကာကွယ်ရေးဝန်ကြီးဌာနများအကြားအားကောင်း‌သောပူးပေါင်း ဆောင်ရွက်မှု၏ ဥပမာတစ်ခုဖြစ်ပြီး ဒေသတွင်းအဓိကစီးပွားရေး၏အဓိကထောက်တိုင်ဖြစ်သော ကြေးနန်း ဆက်သွယ်ရေးမှ ထောက်ပံ့ပို့ဆောင်ရေးသို့ ပူးပေါင်းဆောင်ရွက်မှု တိုးချဲ့ခြင်း ဖြစ်ကြောင်း သိရပါ သည်။

Vietnam Plus                                                                            

DOCA (ရန်ကုန်)

            အင်ဒိုနီးရှားနိုင်ငံစိုက်ပျိုးမွေးမြူရေးဝန်ကြီး Andi Amran Sulaiman က အုန်းသီးပါဝင် သောများစွာသောစိုက်ပျိုးရေးကုန်ပစ္စည်းများကို ပြုပြင်ထုတ်လုပ်မှုကနဦး ဆောင်ရွက်လျှက်ရှိပြီး အနီးနားအနာဂတ်တွင် ပြုပြင်မထုတ်လုပ်ထားသည့်အုန်းသီးများကို တင်ပို့မှုပြုလုပ်တော့မည် မဟုတ်ကြောင်း ပြောကြားခဲ့ပါသည်။ အောက်တိုဘာလ ၉ ရက်နေ့က သမ္မတနန်းတော်တွင် ကျင်းပပြုလုပ်ခဲ့သည့် သတင်းစာရှင်းလင်းပွဲတွင် Sulaiman က အင်ဒိုနီးရှားသည်လတ်တလော တွင် အုန်းသီးတန်ချိန် ၂.၈ သန်းကို နှစ်စဉ်တင်ပို့လျှက်ရှိကြောင်းနှင့် အုန်းသီးကို အုန်းနို့နှင့် virgin coconut oil ကဲ့သို့သောထုတ်ကုန်များအဖြစ်သို့ အပြီးသတ်ပြုပြင်ထုတ်လုပ်ခြင်းသည် တန်ဖိုးကို အဆ ၁၀၀ ထိ မြင့်တက်စေကြောင်းပြောကြားခဲ့ပါသည်။ အုန်းပင်သည် ၎င်း၏ ၁၅ မီတာမှ ၃၀ မီတာထိရှည်လျား မှုနှင့်ပတ်သတ်၍ လူသိများပြီး အစဉ်အလာအားဖြင့်  copra ၊ အုန်းဆီနှင့် အခြား ဆက်စပ်ထုတ်ကုန်များထုတ်လုပ်ရန်အသုံးပြုကြောင်း သိရပါသည်။ အင်ဒိုနီးရှား၏ ယခုနှစ် အုန်းသီးထုတ်လုပ်မှုသည်တန်ချိန် ၃၃ သန်းအထိရောက်ရှိခဲ့ပြီး နှစ်စဉ် အမေရိကန်ဒေါ်လာ ၁.၄၅ ဘီလီယံတန်ဖိုးရှိသောအုန်းသီးတန်ချိန် ၂.၈ သန်းကိုတင်ပို့ကြောင်း သိရပါသည်။ ပြုပြင်ထုတ်လုပ် ရေးမဟာဗျူဟာတွင် ကိုကိုး၊ သီဟိုဠ်၊ gambier ၊ ကွမ်းသီးနှင့် ငရုတ်ကောင်းတို့ကဲ့သို့သော စိုက်ပျိုး ရေးကုန်ပစ္စည်းများပါဝင်ကြောင်း သိရပါသည်။ ထိုကြိုးပမ်းအားထုတ်မှုသည် ကုန်ပစ္စည်းများ တန်ဖိုးမြှင့်တင်ရန်၊ အလုပ်အကိုင် များဖန်တီးပေးရန်၊ လူမှုဖူလုံရေးတိုးတက်ရန်နှင့် အလုပ်လက်မဲ့ လျှော့ချရန် ရည်ရွယ်ကြောင်း သိရပါသည်။ ကနဦးခြေလှမ်းတစ်ရပ်အနေဖြင့် စိုက်ပျိုးမွေးမြူရေး ဝန်ကြီးဌာနသည် နိုင်ငံတစ်ဝှမ်းရှိ စိုက်ပျိုးရေးသမားများအား ကိုကိုး၊ ကော်ဖီ၊ အုန်းပင်၊ သီဟိုဠ်နှင့် ကွမ်းပင်တို့၏ မျိုးစေ့များနှင့် ပျိုးပင်များကို ဖြန့်ဖြူးလျှက်ရှိကြောင်း သိရပါသည်။ စိုက်ပျိုးမှုပမာဏ မှာ ဟတ်တာ ၈၀၀၀၀၀ အကျယ်အဝန်းရှိပြီး ၂ နှစ်အတွင်းအလုပ်အကိုင် ၁.၆ သန်းဖန်တီးပေးရန် မျှော်မှန်းရကြောင်း သိရပါသည်။

DOCA (ရန်ကုန်)

             အင်ဒိုနီးရှားနိုင်ငံဘဏ္ဍာရေးဝန်ကြီးဌာနသည် ကမ္ဘာ့ဘဏ်က ၂၀၂၅ ခုနှစ်တွင် နိုင်ငံ၏ စီးပွားရေးကြီးထွားနှုန်းကို ၅ ရာခိုင်နှုန်းအောက်သာဆက်လက်ခန့်မှန်းထားသော်လည်း အင်ဒိုနီး ရှား၏ စီးပွားရေးသည် ၅.၂ ရာခိုင်နှုန်းကြီးထွားမည်ဟု အကောင်းမြင်သုံးသပ်လျှက်ရှိကြောင်း သိရ ပါသည်။ ဘဏ္ဍာရေးဝန်ကြီးဌာန၏ စီးပွားရေးနှင့်ဘဏ္ဍာရေးမဟာဗျူဟာညွှန်ကြားရေးမှူးချုပ် Febrio Kacaribu က ကမ္ဘာ့ဘဏ်၏ခန့်မှန်းချက်သည် စီးပွားရေးကြီးထွားမှုအဟုန်ကို ထိန်းသိမ်း ရန် ရည်ရွယ်ထားသည့် အင်ဒိုနီးရှား၏ဘဏ္ဍာရေးမူဝါဒများနှင့် အပြည့်အဝကိုက်ညီမှုမရှိကြောင်း ပြောကြားခဲ့ပါသည်။ ကမ္ဘာ့ဘဏ်သည် အစောပိုင်းက ၂၀၂၅ ခုနှစ်အတွက် အင်ဒိုနီးရှား၏စီးပွားရေး ကြီးထွားနှုန်းကို ကနဦးခန့်မှန်းချက်ဖြစ်သည့် ၄.၇ ရာခိုင်နှုန်းမှ ၄.၈ ရာခိုင်နှုန်းသို့ တိုးမြှင့်ခန့်မှန်း ခဲ့ကြောင်း သိရပါသည်။ ထိုကိန်းဂဏန်းသည် တိုးတက်ခဲ့သော်လည်း အစိုးရခန့်မှန်းချက်ဖြစ်သည့် ၅.၂ ရာခိုင်နှုန်း အောက်သာဆက်လက်တည်ရှိနေကြောင်း သိရပါသည်။ Kacaribu က နိုင်ငံတကာအသင်းအဖွဲ့များကခန့်မှန်းချက်များသည် မကြာခဏ မက်ခရိုစီးပွားရေးအချက် အလက်များကို အခြေခံပြီး အစိုးရသည် စီးပွားရေးအရှိန်မြှင့်တင်ရန် များစွာသောစီးပွားရေး လှုံ့ဆော်မှုစီမံချက်များကို ပြင်ဆင်ထားကြောင်းနှင့် အစိုးရသည် ၂၀၂၆ ခုနှစ်တွင် စီးပွားရေး ကြီးထွားနှုန်းကို ၅.၄ ရာခိုင်နှုန်းအထိ အကောင်းမြင်သုံးသပ်ထားကြောင်း ပြောကြားခဲ့ပါသည်။ Kacaribu ၏အဆိုအရ ကမ္ဘာ့ဘဏ်၊ နိုင်ငံတကာငွေကြေးရန်ပုံငွေအဖွဲ့၊ အာရှဖွံ့ဖြိုးတိုးတက် ရေးဘဏ်နှင့် စီးပွားရေးပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေး အဖွဲ့အစည်း (OECD) အစရှိသည့် နိုင်ငံတကာအသင်းအဖွဲ့များသည် အင်ဒိုနီးရှားတွင်ရင်းနှီးမြှုပ် နှံရန် စိတ်ဝင်စားမှု အားကောင်းနေသောကြောင့် နိုင်ငံ၏ စီးပွားရေးစွမ်းဆောင်ရည်ကို အနီးကပ်စောင့်ကြည့် နေကြောင်း သိရပါသည်။ Kacaribu က ဖွံ့ဖြိုးတိုးတက်ပြီးနိုင်ငံများကို ကိုယ်စားပြုသည့် OECD သည် ရင်းနှီးမြှုပ်နှံမှုအခွင့်အလမ်းများကိုရှာဖွေရန်၊ ပုံမှန်အစီရင်ခံစာထုတ်ပြန်ရန်နှင့် နိုင်ငံ၏ စွမ်းဆောင်ရည်နှင့် အလားအလာကိုလေ့လာရန် အင်ဒိုနီးရှား၏ စီးပွားရေးအခြေအနေများကို  အနီးကပ်စောင့်ကြည့်နေကြောင်း၊ နိုင်ငံတကာ အသင်းအဖွဲ့များထံမှအာရုံစိုက်မှုရရှိခြင်းကို ကြိုဆိုကြောင်း၊ အစိုးရသည်လည်း အလားအလာ ရှိသောကဏ္ဍများကိုဆက်လက်တံခါးဖွင့်ထားကြောင်းနှင့် ရင်းနှီးမြှုပ်နှံမှုမျှော်မှန်းချက် အား ကောင်း ရန်အတွက်မူဝါဒပံ့ပိုးပေးသွားမည်ဖြစ်ကြောင်း ပြောကြားခဲ့ပါသည်။ သို့သော်အစီရင် ခံစာအရ လတ်တလောကြီးထွားမှုကိုထိန်းထားနိုင်သည့် အချို့စီမံချက်များသည် အနာဂတ်ထပ် မံတိုးချဲ့မှုကို ပံ့ပိုးပေးရန် လုံလောက်မှုမရှိကြောင်း သိရပါသည်။

   DOCA (ရန်ကုန်)

           အင်ဒိုနီးရှား၏ထိပ်တန်းစီးပွားရေးတာဝန်ရှိသူတစ်ဦးက နိုင်ငံတကာကုန်သွယ်ရေးသဘော တူညီချက်သစ်များသည် မော်တော်ကားပါဝင်သော ပြည်တွင်းထုတ်ကုန်များတင်ပို့မှုမြှင့်တင်နိုင် ရန် မျှော်မှန်းရကြောင်း ပြောကြားခဲ့ပါသည်။ Million Exports from Indonesia ပွဲအခမ်းအနား တွင် စီးပွားရေးရာညှိနှိုင်းဆွေးနွေးရေးဝန်ကြီး Airlangga Hartarto က အင်ဒိုနီးရှားသည် ဈေးကွက်သစ်များသို့ဝင်ရောက်ရန် ကုန်သွယ်ရေးစာချုပ်များကို တက်ကြွစွာလုပ်ဆောင်လျှက် ရှိကြောင်း၊ ၎င်းသည် သမ္မတ Prabowo Subianto ၏ ဈေးကွက်သစ်များသို့ တိုက်ရိုက်ဝင်ရောက် ရန်နှင့် အင်ဒိုနီးရှားကုန်ပစ္စည်းများအတွက် ပို့ကုန်ခွဲတမ်းတိုးမြင့်ရန်ကြိုးပမ်းမှုနှင့်ချိန်ညှိလျှက် ရှိကြောင်း၊ ဥပမာအနေဖြင့် ဆိုပါက Comprehensive and Progressive Agreement for Trans-Pacific Partnership (CPTPP) သည် မက္ကဆီကိုကဲ့သို့ ဈေးကွက်သို့ ဝင်ရောက်ရန် ပံ့ပိုးပေးကြောင်း၊ အချို့နိုင်ငံများသည် နိုင်ငံခြားထုတ်ကုန်များဝင်ရောက်မှုကိုကန့်သတ်ရန် သွင်းကုန်ခွဲတမ်းများကို ကန့်သတ်ထားကြောင်းနှင့် ထိုကုန်သွယ်ရေးသဘောတူညီချက်များသည် ထိုအတားအဆီးများကို ဖြေလျှော့ရန် ကူညီပေးနိုင်မည်ဟု ယုံကြည်ချက်ရှိကြောင်း ပြောကြားခဲ့ပါသည်။ CEPA နှင့် CPTPP အစရှိသည့် လွတ်လပ်သောကုန်သွယ်ရေး သဘောတူညီချက်များနှင့်အတူ ထိုခွဲတမ်းများသည် တံခါးပွင့်သွားကြောင်း သိရပါသည်။ Hartarto က PT TMMIN သည် ၁၉၈၇ ခုနှစ်မှစ၍ မော်တော် ကား ၃ သန်းကို နိုင်ငံပေါင်း ၁၀၀ သို့တင်ပို့ခဲ့ပြီး ထိုအောင်မြင်မှုသည် အားကောင်းသောပြည်တွင်း ထောက်ပံ့မှုကွင်းဆက်ပံ့ပိုးမှုတွင် တစ်စိတ်တစ်ပိုင်းဖြစ်ခဲ့ကြောင်း ပြောကြားခဲ့ပါသည်။ အင်ဒိုနီးရှားသည် အင်ဒိုနီးရှား-ဥရောပသမဂ္ဂ ဘက်ပေါင်းစုံစီးပွားရေးမိတ်ဖက်သဘောတူညီချက် ကို ၂၀၂၅ ခုနှစ် စက်တင်ဘာလ ၂၃ ရက်‌နေ့က အပြီးသတ်ခဲ့ကြောင်း သိရပါသည်။ ထိုသဘောတူ ညီချက်သည် ဥရောပသမဂ္ဂသို့ အင်ဒိုနီးရှား၏တင်ပို့မှုကို ၂.၅ ဆထိမြှင့်တင်ပေးရန် အလားအလာ ရှိကြောင်း သိရပါသည်။ ထို့ပြင်သဘောတူညီချက်သည် စုစုပေါင်းအပြန်အလှန်ကုန်သွယ်မှုတန်ဖိုး အမေရိကန် ဒေါ်လာ ၆၀ ဘီလီယံထိရောက်ရှိရန်ခန့်မှန်းရပြီး လာမည့် ၃ နှစ်မှ ၄ နှစ်အတွင်း အင်ဒိုနီးရှား၏ တင်ပို့မှုကို ၅၀ ရာခိုင်နှုန်းကျော်မြှင့်တင်ပေးရန် ခန့်မှန်းရကြောင်း သိရပါသည်။

  DOCA (ရန်ကုန်)