ပြည်ပကုန်သွယ်မှုသတင်းများ

    Canton Fair ဟုလည်းလူသိများသော ၁၃၈ ကြိမ်မြောက် တရုတ်သွင်းကုန်နှင့် ပို့ကုန် ကုန်စည်ပြပွဲအတွက် အရောင်းမြှင့်တင်ဆွေးနွေးပွဲကို စက်တင်ဘာ ၁ ရက်၊ တနင်္လာနေ့ ‌‌ပေါ်တူဂီ နိုင်ငံတွင် ကျင်းပခဲ့ပြီး တရုတ်နှင့်ပေါ်တူဂီနှစ်နိုင်ငံစလုံးမှ နိုင်ငံရေး၊ စီးပွားရေးနှင့် မီဒီယာ အသိုက် အဝန်းမှ ပါဝင်သူ ၁၀၀ ခန့် တက်ရောက်ခဲ့ကြသည်။ Canton Fair သည် နှစ်နိုင်ငံကြား စီးပွားရေး နှင့် ကုန်သွယ်မှု ပူးပေါင်းဆောင်ရွက်မှုအတွက် အရေးကြီးသော ပလက်ဖောင်းတစ်ခုအဖြစ် ဆောင် ရွက်ခဲ့သည်ဟု ပေါ်တူဂီနိုင်ငံ တရုတ်သံရုံးမှ စီးပွားရေးနှင့် ကူးသန်းရောင်းဝယ်ရေး အတိုင်ပင်ခံ Li Yong က ပြောကြားခဲ့သည်။ ပေါ်တူဂီစီးပွားရေးလုပ်ငန်းများသည် တရုတ်ကုမ္ပဏီများနှင့် ရေရှည် လက်တွဲလုပ်ဆောင်နိုင်လိမ့်မည်ဟု မျှော်လင့်ကြောင်း ၎င်းက ပြောကြားခဲ့သည်။ Canton Fair ပရိုမိုးရှင်းအဖွဲ့၏ အကြီးအကဲ Situ Yi က ပွဲအတွက် ပြင်ဆင်မှုများနှင့်ပတ်သက်၍ ပရိသတ် များအား ရှင်းလင်းပြောကြားခဲ့ပြီး ပေါ်တူဂီကုမ္ပဏီများသည် ၎င်းတို့၏ လုပ်ငန်းတည်ရှိမှုကို ချဲ့ထွင် ရန်နှင့် တရုတ်နိုင်ငံ၏ ဖွံ့ဖြိုးတိုးတက်ရေး အခွင့်အလမ်းများမှ အကျိုးအမြတ်ရယူရန် တိုက်တွန်းခဲ့ သည်။ အဓိကပေါ်တူဂီကုန်သွယ်မှုကုမ္ပဏီတစ်ခုဖြစ်သည့် JOINCO ၏ CEO နှင့် Canton Fair ဝယ်သူများ၏ကိုယ်စားလှယ်တစ်ဦးဖြစ်သူ Pedro Cunha က ပူးပေါင်းဆောင်ရွက်လာသည့် နှစ် များ တစ်လျှောက်တွင် ၎င်းက ပြပွဲကို ပြပွဲတစ်ခုအဖြစ်သာမက ပူးပေါင်းဆောင်ရွက်ခြင်း၊ ဆန်းသစ်တီထွင်မှုနှင့် ကမ္ဘာလုံးဆိုင်ရာယုံကြည်မှုတည်ဆောက်မှုဆိုင်ရာ ဂေဟစနစ်တစ်ခုအဖြစ် ရှုမြင်လာခဲ့ကြောင်း ပြောကြားခဲ့သည်။ မျှတသော ဖွံ့ဖြိုးတိုးတက်မှုနှင့် အစိမ်းရောင်ဆန်းသစ် တီထွင်မှု၊ စိုက်ပျိုးရေးနှင့် ခရီးသွားလုပ်ငန်း၊ နည်းပညာနှင့် ဒစ်ဂျစ်တယ် အသွင်ကူးပြောင်းရေးတို့မှ တစ်ဆင့် ပေါ်တူဂီကုမ္ပဏီများ တိုက်ရိုက်အကျိုးခံစားနိုင်သည့် သီးခြားနယ်ပယ်သုံးခုကို ၎င်းက မီးမောင်းထိုးပြခဲ့သည်။ ပေါ်တူဂီနိုင်ငံ Battery Cluster အသင်း၏ အထွေထွေမန်နေဂျာ Fernando Machado က နှစ်နိုင်ငံအကြား ပူးပေါင်းဆောင်ရွက်မှုနှင့် ကုန်သွယ်မှုကို မြှင့်တင်ရာ တွင် အထူးသဖြင့် စွမ်းအင်ကဏ္ဍသစ်တွင် မျှတမှုအခန်းကဏ္ဍကို ချီးကျူးခဲ့သည်။ ၁၉၅၇ ခုနှစ်တွင် စတင်တည်ထောင်ခဲ့ပြီး Canton Fair ကို တရုတ်နိုင်ငံ၊ Guangzhou တွင် နွေဦးနှင့် ဆောင်းဦးရာသီတိုင်း ကျင်းပသည်။ 138 ကြိမ်မြောက် Canton Fair ကို အောက်တိုဘာလမှ နိုဝင်ဘာလအထိ ကျင်းပရန် စီစဉ်ထားသည်။

Source : Xinhua                                                                          

DOCA (ရန်ကုန်)

    အီဂျစ်နိုင်ငံသည် မြေထဲပင်လယ်နှင့် နိုင်းမြစ်ဝကျွန်းပေါ်ဒေသတို့တွင် ရေနံနှင့် သဘာဝ ဓာတ်ငွေ့ ရှာဖွေရန် နိုင်ငံတကာ စွမ်းအင်ကုမ္ပဏီများနှင့် အမေရိကန်ဒေါ်လာ သန်း ၃၄၀ ကျော် တန်ဖိုးရှိ သဘောတူညီချက်လေးခုအား လက်မှတ်ရေးထိုးခဲ့ကြောင်း အီဂျစ်ရေနံဝန်ကြီးဌာန၏ သြဂုတ်လ ၃၀ ရက်‌နေ့ထုတ်ပြန်ချက်အရသိရသည်။ နိုင်ငံပိုင် Egyptian Natural Gas Holding Company (EGAS) သည် Shell၊ Italy's Eni၊ Russia's Zarubezhneft နှင့် Britain's BP နှင့် United Arab Emirates' ADNOC တို့မှ ပူးတွဲပိုင်ဆိုင်သည့် အကျိုးတူပူးပေါင်းဆောင်ရွက်သည့် Arcius Energy တို့နှင့် သဘောတူညီချက်များ လက်မှတ်ရေးထိုးခဲ့သည်။ စာချုပ်များသည် ရေနံတွင်း ၁၀ တွင်း တူးဖော်ခြင်းအတွက် အကျုံးဝင်မည်ဖြစ်သည်။ အဆိုပါ သဘောတူညီချက် များကြောင့် နိုင်ငံ၏ ရေနံအထွက်နှုန်းတိုးလာစေရန်လည်း ရည်ရွယ်ထားကြောင်း ဝန်ကြီးဌာနက ဆိုသည်။ မကြာသေးမီက အီဂျစ်နိုင်ငံ၏ အနောက်မြစ်ဝကျွန်းပေါ်ဒေသတွင် ရေနံတွင်းအသစ် ၂ တွင်းတွေ့ရှိမှုအား အွန်လိုင်းပေါ်ပေါက်ကြားခဲ့ပြီးနောက် ဓာတ်ငွေ့ထုတ်လုပ်မှုမှာ တစ်နေ့လျှင် ကုဗပေ သန်း ၆၀ အထိ တိုးလာမည်ဟု မျှော်မှန်းထားကြသည်။ အီဂျစ်သည် မကြာသေးမီ နှစ်များအတွင်း ဓာတ်ငွေ့ထုတ်လုပ်မှု ကျဆင်းမှုနှင့် ရင်ဆိုင်နေရပြီး ကျဆင်းမှုကို တွန်လှန်နိုင်ရန် ရင်းနှီး မြှုပ်နှံမှု အသစ်များကိုလည်း ရှာဖွေလျက်ရှိကြောင်း သိရသည်။

Source : Xinhua                                                                          

DOCA (ရန်ကုန်)

     ပို့ကုန်ကွဲပြားမှုနှင့် တန်ဖိုးမြှင့်ထုတ်ကုန်များ ဖွံ့ဖြိုးတိုးတက်လာစေရန် မက်လုံးများကို မိတ်ဆက်မည်ဖြစ်ကြောင်း သီရိလင်္ကာ သမ္မတ Anura Kumara Dissanayake က သြဂုတ်လ ၃၀ ရက်နေ့တွင် ပြောကြားခဲ့သည်။ အစိုးရက ၎င်းတို့အား အဟန့်အတားဖြစ်စေမည့်အစား စက်မှု လုပ်ငန်းများကိုပံ့ပိုးပေးသင့်ကြောင်း သမ္မတက ပြောကြားခဲ့ပြီး စည်းမျဉ်းရေးဆွဲရေးလုပ်ငန်းစဉ် အတွင်း သက်ဆိုင်ရာကဏ္ဍများနှင့် တိုင်ပင်ဆွေးနွေးရန် အရေးကြီးကြောင်း အလေးပေး ပြောကြား ခဲ့သည်။ Dissanayake သည် စိုက်ပျိုးရေး၊ အစားအစာနှင့် အဖျော်ယမကာကဏ္ဍများမှ ပုဂ္ဂလိက ကိုယ်စားလှယ်များနှင့် ၂၀၂၆ ခုနှစ် ဘတ်ဂျက်အကြို ဆွေးနွေးမှုအတွင်း သမ္မတရုံး၌ အဆိုပါ မှတ်ချက်ကို ပြောကြားခဲ့ကြောင်း သိရသည်။ ဆွေးနွေးပွဲတွင် တောင်သူလယ်သမားများအတွက် အထောက်အကူပစ္စည်းများ ပံ့ပိုးပေးခြင်း၊ ပို့ကုန်အခွန်သက်သာခွင့်၊ ပြန်လည်အသုံးပြုခြင်း ကဏ္ဍများအပေါ် သက်ရောက်မှုရှိသော ဥပဒေမူဘောင်များကို အဓိကထား ဆွေးနွေးခဲ့သည်။ စားသုံးသူများထံ အရည်အသွေးမီ စိုက်ပျိုးရေးနှင့် စားသောက်ကုန် ထုတ်ကုန်များ စဉ်ဆက်မပြတ် ထောက်ပံ့နိုင်စေရေးနှင့် စီးပွားရေးလုပ်ငန်းများ ကြုံတွေ့နေရသော စိန်ခေါ်မှုများကို ကျယ်ကျယ် ပြန့်ပြန့် ဆွေးနွေးခဲ့ပြီး တက်ရောက်လာသူများက ၎င်းတို့၏ အမြင်နှင့် အဆိုပြုချက်များကို မျှဝေခဲ့ကြသည်။ ယင်းစိန်ခေါ်မှုများကို ဖြေရှင်းရန်အတွက် အစိုးရနှင့် ပုဂ္ဂလိကကဏ္ဍတို့အကြား ခိုင်မာသော ပူးပေါင်းဆောင်ရွက်မှု လိုအပ်ကြောင်း စားသုံးသူများထံ ကုန်ပစ္စည်းများ ဖြန့်ဖြူးရာ တွင် စနစ်တကျ ချဉ်းကပ်မှု မရှိခြင်းကိုလည်း သမ္မတက ထောက်ပြခဲ့သည်။ အစိုးရမှ စိုက်ပျိုးရေး ထွက်ကုန်၊ နို့ထွက်ပစ္စည်းနှင့် မွေးမြူရေးဆိုင်ရာ စျေးကွက်ချဲ့ထွင်ရန်အတွက် ပုဂ္ဂလိကကဏ္ဍ၏ ပံ့ပိုးကူညီမှု အပြည့်အဝရရှိရေးကို အာရုံစိုက်လျှက်ရှိကြောင်း Dissanayake ၏ ရှင်းလင်း ပြော ကြားချက်အရသိရပါသည်။

Source : Xinhua                                                                        

 DOCA (ရန်ကုန်)

     အာရှဖွံဖြိုးရေးဘဏ် (ADB) မှ ဥဇဘက်ကစ္စတန်နိုင်ငံသို့ အမေရိကန်ဒေါ်လာ ၂၃၃.၁ သန်း ချေးယူရန် ဩဂုတ်လ ၂၈ ရက်နေ့တွင် အတည်ပြုခဲ့ကြောင်း အာရှဖွံ့ဖြိုးရေးဘဏ် (အေဒီဘီ) က သြဂုတ်လ ၂၈ ရက်နေ့တွင် ပြောကြားခဲ့ပါသည်။ အဆိုပါ စီမံကိန်းသည် ဒေသတွင်း ဆက်သွယ်မှု ပိုမိုကောင်းမွန်စေရန်၊ ခရီးသွားလာမှုအချိန်ကို လျှော့ချရန်နှင့် ဥဇဘက်ကစ္စတန် အနောက်ပိုင်းရှိ လမ်းများဘေးကင်းရေးနှင့် ရာသီဥတုဒဏ်ခံနိုင်ရည်ကို မြှင့်တင်ရန် ရည်ရွယ်ထားကြောင်း မနီလာ အခြေစိုက်ဘဏ်က သတင်းထုတ်ပြန်ချက်အရသိရသည်။ "ရာသီဥတုဒဏ်ခံနိုင်သော အခြေခံ အဆောက်အဦးနှင့် ဖွံ့ဖြိုးတိုးတက်သောသယ်ယူပို့ဆောင်ရေးစနစ်များကို ပေါင်းစပ်ခြင်းဖြင့် စီမံကိန်းသည် ရေရှည်တည်တံ့ခိုင်မြဲမှုကို သေချာစေပြီး လူမှုအသိုက်အဝန်းများနှင့် စီးပွားရေးလုပ်ငန်း များအတွက် ပိုမိုဘေးကင်းပြီး ပိုမိုထိရောက်သော အကျိုးသက်ရောက်မှုများဖြစ်ပေါ်နိုင်စေမည် ဖြစ်ကြောင်း ဥဇဘက်ကစ္စတန် ၏ ADB Country Director Kanokpan Lao-Araya မှ ပြောကြား ခဲ့သည်။ ဥဇဘက်ကစ္စတန်သည် ၁၉၉၅ ခုနှစ်တွင် ADB သို့ဝင်ရောက်ခဲ့ပြီးကတည်းက ဘဏ်သည် နိုင်ငံအတွက် စုစုပေါင်းဒေါ်လာ ၁၄.၃ ဘီလီယံခန့်ရှိသော အစိုးရကဏ္ဍချေးငွေများထုတ်ပေးခဲ့ကြောင်း သိရသည်။

Source : Xinhua                                                                          

DOCA (ရန်ကုန်)

     နည်းပညာနှင့်တစ်ပိုင်းလျှပ်ကူးပစ္စည်းများကို ဦးစားပေးပြသသည့် အပြည်ပြည်ဆိုင်ရာ ကုန် စည်ပြပွဲ တစ်ခုကို အိန္ဒိယနိုင်ငံ  နယူးဒေလီမြို့၌ ကျင်းပခဲ့သည်။နိုင်ငံခြားရင်းနှီးမြှုပ်နှံမှုကို ဆွဲ ဆောင်ရန် အိန္ဒိယအစိုးရနှင့် စက်မှုအဖွဲ့အစည်းတို့က အဆိုပါကုန်စည်ပြပွဲကို ဦးဆောင် ကျင်းပ ခဲ့ခြင်းဖြစ်သည်။

    အမေရိကန်အပါအဝင် ဥရောပ၊  အာရှနိုင်ငံနှင့် ဒေသများမှ ကုမ္ပဏီပေါင်း ၃၅၀ ကျော်ပါဝင် ပြသခဲ့သည်။ တစ်ပိုင်းလျှပ်ကူးပစ္စည်း  ပြုပြင်ထုတ်လုပ်သည့် စက်ယန္တရားများကို  ထုတ်လုပ်သော ဂျပန်ကုမ္ပဏီတစ်ခုဖြစ်သည့်  ဟာမာအီကုမ္ပဏီသည် အဆိုပါပြပွဲ၌ ဝင်ရောက်ပြသခဲ့ပြီး တစ်ပိုင်း လျှပ်ကူး ပစ္စည်းများပေါ်တွင် နာနိုအဆင့် အလွန်သေးငယ်သောချစ်ပ်ပြားများ  အသုံးပြုနိုင်သည့် နောက်ဆုံးပေါ်နည်းပညာကို မိတ်ဆက်ပြသခဲ့သည်။

     အိန္ဒိယနိုင်ငံသည် လူဦးရေထူထပ်များပြားသောကြောင့်  ၎င်း၏ တစ်ပိုင်းလျှပ်ကူးပစ္စည်း ဈေး ကွက်သည်လည်း    အလားအလာ အလွန်ကောင်းနိုင်ကြောင်း၊ ထို့အပြင် အိန္ဒိယနိုင်ငံသည် အလွန် အရေးပါသည့် ရင်းနှီးမြှုပ်နှံမှုပြုလုပ်ရာ နိုင်ငံတစ်နိုင်ငံဖြစ်လာနိုင်ကြောင်း ဟာမာအီကိုယ်စား လှယ် ဆမ်ပီအိယိုဆူကီက ပြောသည်။

    အိန္ဒိယအစိုးရသည် ၎င်း၏စီးပွားရေးဖွံ့ဖြိုး တိုးတက်မှုမဟာဗျူဟာ အစိတ်အပိုင်းတစ်ခု အနေဖြင့် တစ်ပိုင်းလျှပ်ကူးပစ္စည်းလုပ်ငန်းများကို မြေတောင်မြှောက်ပေးရန် အာရုံစိုက်လျက် ရှိသည်။ နိုင်ငံအတွင်း၌ ပထမဆုံးတစ်ပိုင်းလျှပ်ကူးပစ္စည်းများထုတ်လုပ်နိုင်ရန်  ဆောင်ရွက်လျက် ရှိပြီး ယခုနှစ်အကုန်တွင်  ပြည်တွင်းထုတ်လုပ်မှုစတင်နိုင်ရန် မျှော်မှန်းထားသည်။

   အိန္ဒိယနိုင်ငံ၏ တစ်ပိုင်းလျှပ်ကူးပစ္စည်းဈေးကွက်သည် ၂၀၃၀ ပြည့်နှစ်တွင် အမေရိကန် ဒေါ်လာ ဘီလီယံ ၁၀၀ တန်ဖိုးရှိလုပ်ငန်းကြီးအဖြစ် ကြီးထွားလာရန် မျှော်မှန်းထားသည်။ 

DOCA(ပြည်ထောင်စုနယ်မြေ)