ပြည်ပကုန်သွယ်မှုသတင်းများ

       ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ၉ လ အတွင်း ဆန်ကြိတ်ခွဲပြီး တန်ချိန် ၅၉၆၃၄၁ တန် နီးပါး တင်ပို့ခဲ့ရာ ပြီးခဲ့သည့်နှစ် အလားတူကာလက တန်ချိန် ၄၄၅၉၁၃ တန်မှ ၃၃.၇ ရာခိုင်နှုန်း မြင့်တက်ခဲ့ကြောင်း ကမ္ဘောဒီးယားဆန်အဖွဲချုပ် (CRF) ၏ အောက်တိုဘာ ၁၀ ရက်နေ့က ထုတ်ပြန်သော အစီရင်ခံစာအရ သိရှိရပါသည်။

          ၂၀၂၅ ခုနှစ် ဇန်နဝါရီလမှ စက်တင်ဘာလအထိ ကုန်စည်တင်ပို့မှုမှ ကမ္ဘောဒီးယားနိုင်ငံသည် အမေရိကန်ဒေါ်လာ ၄၀၈ သန်း ရရှိခဲ့ပြီး ယခင်နှစ်အလားတူကာလက ရရှိခဲ့သည့် အမေရိကန် ဒေါ်လာ ၃၃၅ သန်းမှ ၂၁ ရာခိုင်နှုန်း တိုးတက်လာခဲ့ပါသည်။

          ကမ္ဘောဒီးယားနိုင်ငံ၏ အကြီးဆုံးဈေးကွက်ဖြစ်သော ဥရောပသမဂ္ဂရှိ နိုင်ငံများသို့ ဆန်ကြိတ် ခွဲပြီးတန်ချိန် ၂၄၈၂၇၇ တန် တင်ပို့ခဲ့ပါသည်။ ၎င်းသည် စုစုပေါင်းတင်ပို့မှု၏ ၄၁ ရာခိုင်နှုန်း ရှိပြီး အမေရိကန်ဒေါ်လာ ၁၉၂ သန်း ရရှိခဲ့ပါသည်။ ကမ္ဘောဒီးယားနိုင်ငံသည် ကုန်ပစ္စည်းတန်ချိန် ၁၄၃၁၈၇ တန် ကို တရုတ်နှင့် ကိုယ်ပိုင်အုပ်ချုပ်ခွင့်ရ ဒေသများသို့ တင်ပို့ခဲ့ပြီး အမေရိကန်ဒေါ်လာ ၈၅ သန်းရရှိခဲ့ပါသည်။ အခြားဈေးကွက်များမှာ အာဆီယံအဖွဲ့ ဝင်နိုင်ငံများနှင့် အာဖရိကနှင့် အရှေ့အလယ်ပိုင်းနိုင်ငံ ၃၂ နိုင်ငံတို့ဖြစ်ကြောင်းသိရှိရပါသည်။

DOCA (ရန်ကုန်)

          စင်္ကာပူနိုင်ငံ၏ စီးပွားရေးသည် ၂၀၂၅ ခုနှစ် တတိယ သုံးလပတ်အတွင်း ယခင်နှစ် အလားတူကာလနှင့် နှိုင်းယှဉ်ပါက ၂.၉ ရာခိုင်နှုန်း တိုးတက်ခဲ့ကြောင်း ကုန်သွယ်ရေးနှင့် စက်မှုဝန်ကြီးဌာန၏ ကြိုတင်ခန့်မှန်းချက်အရ သိရှိရပါသည်။ ၎င်းသည် ယခင်သုံးလပတ်တွင် မှတ်တမ်းတင်ခဲ့သော ၄.၅ ရာခိုင်နှုန်းမှ တိုးတက်မှုနှုန်း လျော့ကျလာခြင်း ဖြစ်ပါသည်။

          ရာသီအလိုက်ချိန်ညှိထားသော သုံးလပတ်အလိုက်စီးပွားရေး တိုးတက်မှုသည် ၁.၃ ရာခိုင်နှုန်း တိုးတက်ခဲ့ပြီး၊ ဒုတိယသုံးလပတ်တွင် ၁.၅ ရာခိုင်နှုန်း တိုးတက်မှုထက် အနည်းအငယ်ကျဆင်းသွားကြောင်း ဝန်ကြီးဌာနက ပြောကြားခဲ့ပါသည်။

          ကုန်ထုတ်လုပ်မှုလုပ်ငန်းများသည် ယခင်သုံးလပတ်တွင် ၅ ရာခိုင်နှုန်း တိုးတက်မှုထက် နှေးကွေးသွားကာ ယခင်နှစ်နှင့် နှိုင်းယှဉ်ပါက ကျဆင်းခဲ့ပါသည်။ ရာသီအလိုက်ချိန်ညှိထားသော သုံးလပတ်အလိုက် အခြေခံကုန်ထုတ်လုပ်မှုသည် ၆.၁ ရာခိုင်နှုန်းတိုးတက်လာပြီး ဒုတိယသုံးပတ်တွင် ၀.၇ ရာခိုင်နှုန်း လျော့ကျဆင်းမှ ပြန်လည်တိုးတက်လာခဲ့ပါသည်။

          ဆောက်လုပ်ရေးလုပ်ငန်းသည် ယခင်နှစ်နှင့် နှိုင်းယှဉ်ပါက ၃.၁ ရာခိုင်နှုန်း တိုးတက်လာပြီး ယခင်သုံးလပတ်က ၆.၂ ရာခိုင်နှုန်း လျော့ကျသွားခဲ့ပါသည်။ ရာသီအလိုက်ချိန်ညှိထားသော သုံးလပတ်အလိုက် အခြေခံအရ ဆောက်လုပ်ရေးလုပ်ငန်းသည် ၁.၂ ရာခိုင်နှုန်း လျော့ကျခဲ့ပြီး ယခင်သုံးလပတ်က ၆.၅ တိုးတက်ခဲ့ပါသည်။

          ဝန်ဆောင်မှုလုပ်ငန်းများသည် တတိယ သုံးလပတ်တွင် ယခင်နှစ်နှင့်နှိုင်းယှဉ်ပါက တိုးတက်ခဲ့ကြောင်း သိရှိရပါသည်။

Source : Xinhua                                                                                  

DOCA (ရန်ကုန်)

          အင်ဒိုနီးရှားနိုင်ငံရှိ မြို့တော် ၃၃ ခု တွင် စွန့်ပစ်ပစ္စည်းမှ စွမ်းအင်ကူးပြောင်းစက်ရုံများ ဖွံ့ဖြိုးတိုးတက်အောင်ဆောင်ရွက်နိုင်စေရန်အတွက် ရင်းနှီးမြုပ်နှံမှု ၉၁ ထရီလီယံရူပီယာ (အမေ ရိကန် ဒေါ်လာ ၅.၅ ဘီလီယံ) ကို လိုအပ်လျက်ရှိကြောင်း ပြည်နယ်ရင်းနှီးမြှုပ်နှံမှု စီမံခန့်ခွဲမှု အေဂျင်စီ Danantara ၏ CEO ဖြစ်သူ Rosan Roeslani က အောက်တိုဘာလ ၁၀ ရက်နေ့တွင် ပြောကြားခဲ့သည်။ ထိုအစီအစဉ်အား တစ်ဦးတစ်ယောက်တည်းမှ ဖော်ဆောင်၍ မရနိုင်ကြောင်း ရည်မှန်းချက် အောင်မြင်ရန်အတွက် ပြည်းတွင်းသာမက နိုင်ငံတကာရှိ မိတ်ဖက်များနှင့် ပူးပေါင်း ssဆောင်ရွက်ရန် အသင့်ရှိကြောင်း Rosan မှ ဂျာကာတာတွင် ကျင်းပသော 2025 Indonesia International Sustainability Forum(IISF) တွင် ပြောကြားခဲ့သည်။

          စွန့်ပစ်ပစ္စည်းမှ စွမ်းအင်ကူးပြောင်းသော စီမံကိန်းသည် လျှပ်စစ်ဓာတ်အားရရှိ‌ရေးကို အားကောင်းစေရုံသာမက သဘာဝပတ်ဝန်းကျင်နှင့်ပြည်သူ့ကျန်မာရေးဆိုင်ရာ အကျိုးကျေးဇူးများကိုလည်း ပေးစွမ်းနိုင်မည်ဖြစ်ကြောင်း ဆက်လက်ပြောကြားခဲ့သည်။ စက်ရုံတစ်ခုစီသည် တစ်နေ့ လျှင် အမှိုက်တန်ချိန် ၁၀၀၀ ခန့်ကို စီမံဆောင်ရွက်‌‌ပေးရန်ကြိုးပမ်းလျှက်ရှိပြီး အမှိုက်ပြသာနာကို ဖြေရှင်းနိုင်မည့်အဖြေကို ပေးစွမ်းနိုင်မည်ဖြစ်သည်။ Rosan ၏ အဆိုအရ ထိုပရောဂျက်အား ရင်းနှီးမြှုပ်နှံရန် စိတ်ဝင်စားလျှက်ရှိသော ကုမ္ပဏီပေါင်း ၁၉၀ ကျော်ရှိကြောင်း သိရသည်။ ပ‌‌‌ရောဂျက်အား ၂၀၂၅ ခုနှစ် ၏နိုဝင်ဘာ အစောပိုင်းကာလများတွင် တရားဝင်စတင်ရန် စီစဉ်ထားပြီး ပထမအဆင့်အနေဖြင့် ဂျာကာတာ၊ ဘန်ဒေါင်း၊ ဆူရာဘာယာနှင့် ဘာလီတို့ အပါအဝင် ဦးစားပေးမြို့ ၁၀ မြို့အား အာရုံစိုက် ဆောင်ရွက်သွားမည်ဖြစ်ကြောင်း သိရှိရပါသည်။

Source : Xinhua                                                                                  

DOCA(ရန်ကုန်)

           အမေရိကန်နှင့် အာဂျင်တီးနားနိုင်ငံတို့သည် ဘဏ္ဍာရေးဈေးကွက်တည်ငြိမ်စေရန် ရည်ရွယ်သည့် အမေရိကန်ဒေါ်လာ ဘီလီယံ ၂၀ တန်ငွေကြေးလဲလှယ်မှုမူဘောင်ကို အပြီးသတ်လုပ်ဆောင်ခဲ့ကြောင်း တာဝန်ရှိသူများက ကြာသပတေးနေ့တွင် ပြောကြားခဲ့သည်။ အမေရိကန်ဘဏ္ဍာရေးဝန်ကြီး Scott Bessent သည် အာဂျင်တီးနားစီးပွားရေးဝန်ကြီး Luis Caputo နှင့် IMF အရာရှိများတက်ရောက်ခဲ့သည့် ဝါရှင်တန်တွင် လေးရက်ကြာ တွေ့ဆုံပြီးနောက် သဘောတူညီချက်ကို အတည်ပြုခဲ့သည်။ Bessent က အာဂျင်တီးနားသည် “မတည်ငြိမ်မှု ပြင်းထန်သော အခိုက်အတန့်” နှင့် ရင်ဆိုင်နေရသော်လည်း IMF အပါအဝင် နိုင်ငံတကာ အသိုက်အဝန်းသည် နိုင်ငံ၏ “သတိရှိသော ဘဏ္ဍာရေး မဟာဗျူဟာကို ပံ့ပိုးရာတွင် စည်းစည်းလုံးလုံး ရှိနေကြသည်” ဟု မှတ်ချက်ပြုခဲ့သည်။ အမေရိကန် ဘဏ္ဍာရေးဌာနသည် အာဂျင်တီးနားဗဟိုဘဏ်နှင့် ဒေါ်လာဘီလီယံ ၂၀ ငွေကြေးလဲလှယ် မှုမူဘောင်ကို အပြီးသတ်ပြီး စျေးကွက်တည်ငြိမ်မှုရရှိရန် အာမခံထားသည့် အစီအမံများကို ချက်ချင်းလုပ်ဆောင်ရန် ပြင်ဆင်ထားကြောင်း ၎င်းကထပ်လောင်းပြောကြားခဲ့သည်။ ပက်ကေ့ချ်တွင် ပီဆိုဝယ်ယူမှု များမှတစ်ဆင့် အာဂျင်တီးနားနိုင်ငံခြားငွေလဲလှယ်ရေးဈေးကွက်တွင် အမေရိကန်၏ ဝင်ရောက်စွက်ဖက်မှုလည်း ပါဝင်သည်။ Caputo သည် သဘောတူညီချက်ကို ကြိုဆိုခဲ့ပြီး ၎င်းသည် "မျှဝေထားသော စီးပွားရေးပန်းတိုင်များအတွက် ခိုင်မာသောအုတ်မြစ်ချသည့်ခြေလှမ်း" ဟုဖော်ပြခဲ့သည်။ ဧပြီလတွင်၊ IMF သည် အာဂျင်တီးနားနိုင်ငံ၏ စီးပွားရေးပြန်လည်ဦးမော့လာစေရန် ဒေါ်လာ ဘီလီယံ ၂၀ ချေးငွေအစီအစဉ်အသစ်ကို အတည်ပြုခဲ့သည်။ ဥရောပ၏ အကြီးဆုံး တင်ပို့သူအပေါ် အမေရိကန်၏ စည်းကြပ်ခွန်များ ကောက်ခံမှုကြောင့် ဩဂုတ်လတွင် အမေရိကန်သို့ ဂျာမနီ၏ တင်ပို့မှုမှာ နောက်ထပ်ထိခိုက်ခဲ့ပြီး ငါးလဆက်တိုက် ကျဆင်းသွားခဲ့ကြောင်း တရားဝင် အချက်အလက်များက ကြာသပတေးနေ့တွင် ဖော်ပြခဲ့သည်။ အမေရိကန်ပြည်ထောင်စုသို့ တင်ပို့မှုမှာ ဇူလိုင်လမှစကာ ၂.၅ ရာခိုင်နှုန်း ကျဆင်းသွားပြီး ၂၀၂၁ ခုနှစ် နိုဝင်ဘာလနောက်ပိုင်း အနိမ့်ဆုံးအဆင့်ဖြစ်သည့် ယူရို ၁၀.၉ ဘီလီယံ (အမေရိကန်ဒေါ်လာ ၁၂.၇ ဘီလီယံ) ဖြင့် တစ်နှစ်ထက်တစ်နှစ် ၂၀.၁ ရာခိုင်နှုန်း ကျဆင်းခဲ့ကြောင်း Federal Statistical Office (Dstatis) မှ သိရသည်။ ဩဂုတ်လတွင် တရုတ်နိုင်ငံသို့ ပို့ကုန်များ မြင့်တက်နေသော်လည်း တိုးမြှင့်မှုသည် အမေရိကန်နှင့် ကုန်သွယ်မှုတွင် အကောက်ခွန် မောင်းနှင်မှု ကျဆင်းသွားမှုကို တစ်စိတ်တစ်ပိုင်းသာ ထေမိနိုင်ကြောင်း ဂျန်ဒူးရာက ပြောကြားခဲ့ သည်။ Destatis အချက်အလက်များအရ တရုတ်နိုင်ငံသို့ တင်ပို့မှုသည် သြဂုတ်လတွင် လစဉ် ၅.၄ ရာခိုင်နှုန်း တက်လာသော်လည်း စုစုပေါင်း တင်ပို့မှုမှာ ၀.၅ ရာခိုင်နှုန်းအထိ ကျဆင်း နေဆဲဖြစ်သည်။ ကိန်းဂဏန်းများသည် အမေရိကန်၏ အခွန်စည်းကြပ်မှု တိုးမြင့်လာပုံသည် ကမ္ဘာလုံးဆိုင်ရာ ၀ယ်လိုအားကို ချိန်ဆနေချိန်တွင် ဂျာမန် ပို့ကုန်လုပ်ငန်းရှင်များကို တိုက်ရိုက်ထိပါး လာပုံကို အလေးပေးဖော်ပြခဲ့ပြီး ပို့ကုန်ကိုမောင်းနှင်သော စီးပွားရေးကို ပိုမိုတင်းမာစေသည်။ ဝန်ကြီးဌာနသည် ယခုနှစ်တွင် စီးပွားရေး ၀.၂ ရာခိုင်နှုန်းနှင့် ၂၀၂၆ ခုနှစ်တွင် ၁.၃ ရာခိုင်နှုန်း တိုးလာရန် မျှော်လင့်ထားသော်လည်း မျှော်မှန်းထားသော ပြန်လည်ဦးမော့လာမှုသည် အမေရိကန်၏ မှန်းဆမရသော ကုန်သွယ်မှုနှင့် လုံခြုံရေးမူဝါဒများမှ ဖြစ်ပေါ်လာနိုင်သည့် အန္တရာယ်များနှင့် ရင်ဆိုင်နေရကြောင်း သတိပေးထားသည်။ အမေရိကန် ပြည်ထောင်စုသည် ဝါရှင်တန်နှင့် ၎င်း၏ ကုန်သွယ်မှုပိုငွေပြမှု၏ အဓိကဝေစုအတွက် မော်တော်ကားနှင့် ကားအစိတ်အပိုင်းများကို စာရင်းကိုင်ထားပြီး ဂျာမနီ၏ အကြီးမားဆုံး ပို့ကုန်ဈေးကွက်ဖြစ်သည်။ ယခုနှစ်အစောပိုင်းတွင် ဥရောပသမဂ္ဂမှ မော်တော်ကားများ၊ ကားအစိတ်အပိုင်းများနှင့် အခြားထုတ်ကုန်များအပေါ် အခွန်တိုးမြှင့်ကောက်ခံမည်ဟု အမေရိကန် အစိုးရက ကြေညာခဲ့သည်။ အဆိုပါအစီအမံများသည် ဧပြီလမှ စတင်၍ တဖြည်းဖြည်း အသက်ဝင်ခဲ့ပြီး အမေရိကန်သို့ ဂျာမန်တင်ပို့မှု ကျဆင်းခဲ့သည်။ Destatis မှ အချက်အလက်များအရ ယခုနှစ် ပထမခုနစ်လတွင် အမေရိကန်သို့ ဂျာမန်တင်ပို့မှုသည် ယခင်နှစ်ထက် ၅.၃ ရာခိုင်နှုန်း ကျဆင်းသွားကြောင်း ပြသခဲ့သည်။ ဧပြီလနှင့် မေလတစ်လအတွင်းတွင် ဂျာမန်ကားများ ၂၃.၅ ရာခိုင်နှုန်း လျော့နည်းပြီး အမေရိကန်ဈေးကွက်သို့ တင်ပို့ရောင်းချခဲ့ကြောင်း သိရှိရပါသည်။

Source : Xinhua                                                                                  

DOCA(ရန်ကုန်)

         အိန္ဒိယ၏ နိုင်ငံခြားငွေ အရန်ငွေသည် အောက်တိုဘာ ၃ ရက် နောက်ဆုံးပတ်အတွင်း အမေရိကန်ဒေါ်လာ ၂၇၆ သန်းမှ ၆၉၉.၉၆ ဘီလီယံသို့ ကျဆင်းခဲ့ကြောင်း နိုင်ငံ၏ ဗဟိုဘဏ်ဖြစ်သော အိန္ဒိယဗဟိုဘဏ် (RBI) မှ အောက်တိုဘာလ ၁၁ ရက်နေ့က ထုတ်ပြန်သော အပတ်စဉ် အချက်အလက်များအရ သိရသည်။

        နိုင်ငံ၏ နိုင်ငံခြားငွေ အရန်ငွေများ ကျဆင်းသွားသည့် တတိယပတ် ဆက်တိုက်ဖြစ်သည်။ နောက်ဆုံးရ RBI အချက်အလက်များအရ နိုင်ငံခြားငွေပိုင်ဆိုင်မှုများသည် ဒေါ်လာ ၄.၀၅ ဘီလီယံမှ ၅၇၇.၇၁ ဘီလီယံဒေါ်လာသို့ကျဆင်းသွားခဲ့ပြီး Gold Reserves သည် ၃.၇၅ ဘီလီယံဒေါ်လာမှ ၉၈.၇၇ ဘီလီယံအထိတိုးလာခဲ့သည်။

        အထူးဆွဲပိုင်ခွင့်များသည် ဒေါ်လာ ၂၅ သန်းမှ ၁၈.၈၁ ဘီလီယံအထိ တိုးလာပြီး နိုင်ငံတကာ ငွေကြေးရန်ပုံငွေအဖွဲ့၏ အရန်နေရာသည် ဒေါ်လာ ၄ သန်းမှ ၄.၆၇ ဘီလီယံသို့ ကျဆင်းသွားခဲ့ကြောင်း သိရှိရပါသည်။

Source : Xinhua                                                                                  

DOCA(ရန်ကုန်)