ပြည်ပကုန်သွယ်မှုသတင်းများ

          ဗီယက်နမ်၏ ကားဈေးကွက်သည် ဖေဖော်ဝါရီလတွင် ကြီးထွားမှုအားကောင်းခဲ့ပြီး VinFast က ရောင်းချရမှုတွင် ဦးဆောင်ခဲ့ကြောင်း ဗီယက်နမ်မော်တော်ကားထုတ်လုပ်သူများ အသင်း (VAMA) ၏ အဆိုအရ သိရပါသည်။ ဖေဖော်ဝါရီလတွင် VAMA အဖွဲ့ဝင်များသည် အစီးရေ ၂၁၆၀၆ စီး ရောင်းချခဲ့ရပြီး ဇန်နဝါရီလကထက် ၁၄ ရာခိုင်နှုန်းမြင့်တက်ခဲ့ကာ ၂၀၂၄ ခုနှစ် ဖေဖော်ဝါရီလကထက် ၈၆ ရာခိုင်နှုန်းမြင့်တက်ခဲ့ကြောင်း သိရပါသည်။ Passenger ကားများမှာ အစီးရေ ၁၄၅၄၉ စီးရောင်းချခဲ့ရပြီး ဇန်နဝါရီလကထက် ၂.၅ ရာခိုင်နှုန်းမြင့်တက် ခဲ့ကြောင်း သိရပါသည်။ Commercial ကားများမှာ အစီးရေ ၆၇၇၅ စီးရောင်းချခဲ့ရပြီး ၅၆ ရာခိုင်နှုန်း မြင့်တက်ခဲ့ကြောင်း  သိရပါသည်။ သို့သော် Special-purpose မော်တော်ယာဉ် များမှာ အစီးရေ ၂၈၂ စီးရောင်းချခဲ့ရပြီး ၁၇ ရာခိုင်နှုန်း ကျဆင်းခဲ့ကြောင်း သိရပါသည်။ ပြည်တွင်း၌ ထုတ်လုပ်တပ်ဆင်သည့်မော်တော်ကားများမှာ အစီးရေ ၁၁၀၆၇ စီးရောင်းချခဲ့ ရပြီး ၂၁ ရာခိုင်နှုန်းမြင့်တက်ခြင်းက ပြည်တွင်းထုတ်လုပ်မှုကဏ္ဍနာလံထူလာမှုကို ပြသနေ ကြောင်း သိရပါသည်။ တင်သွင်းလာသည့်မော်တော်ကားရောင်းချရမှုမှာ အစီးရေ ၁၀၅၃၉ စီး ရောင်းချခဲ့ရပြီး ဇန်နဝါရီလကထက် ၈ ရာခိုင်နှုန်း မြင့်တက်ခဲ့ကြောင်း သိရပါသည်။ ၂၀၂၅ ခုနှစ်၏ ပထမနှစ်လတွင် VAMA အဖွဲ့ဝင်များသည် မော်တော်ကားအစီးရေ ၄၀၄၉၉ စီး ရောင်းချခဲ့ရပြီး ၂၀၂၄ ခုနှစ် ပထမနှစ်လထက် ၃၁ ရာခိုင်နှုန်းမြင့်တက်ခဲ့ကြောင်း သိရ ပါသည်။ VAMA ၏ အချက်အလက်များအပြင် Audi၊ BYD၊ Jaguar Land Rover၊ Mercedes-Benz၊ Nissan၊ Omoda&Jaecoo၊ Subaru၊ Volkswagen နှင့် Volvo တို့မှာလည်း ၎င်းတို့၏ ရောင်းချရမှုကိန်းဂဏန်းကို မဖော်ပြသော်လည်း ဈေးကွက်တွင် ပူးပေါင်းပါဝင်ခဲ့ကြောင်း သိရ ပါသည်။ VinFast သည် ဖေဖော်ဝါရီလတွင် အစီးရေ ၁၂၅၀၀ စီး ရောင်းချခဲ့ရပြီး ဇန်နဝါရီလ ကထက် ၂၅ ရာခိုင်နှုန်းမြင့်တက်ခဲ့ကာ ဈေးကွက်ကိုဦးဆောင်ခဲ့ကြောင်း သိရပါသည်။ လောင်စာဆီသက်သာသည့် မော်တော်ကားများအတွက် ဝယ်လိုအားမြင့်တက်လာမှုနှင့်အတူ Hybrid နှင့် လျှပ်စစ်ကားများရောင်းချရမှုမှာ ၂၀၂၄ ခုနှစ်ဖေဖော်ဝါရီလတွင် အစီးရေ ၂၀၅ စီး ရောင်းချခဲ့ရရာမှ ၂၀၂၅ ခုနှစ် ဖေဖော်ဝါရီလတွင် အစီးရေ ၇၅၆ စီးထိ မြင့်တက်ခဲ့ကြောင်း သိရပါသည်။ ထိုအရှိန်အဟုန်နှင့်အတူ ၂၀၂၅ ခုနှစ်သည် ဗီယက်နမ်မော်တော်ကားလုပ်ငန်း နယ်ပယ်အတွက် အထူးသဖြင့် လျှပ်စစ်နှင့် သဘာဝပတ်ဝန်းကျင်နှင့်သင့်လျော်သည့် မော်တော်ကားကဏ္ဍတွင် ထိုးဖောက်အောင်မြင်မှုရမည့်နှစ်တစ်နှစ်ဖြစ်လာရန် မျှော်လင့်ရ ကြောင်း သိရပါသည်။

DOCA(ရန်ကုန်)

          ဗီယက်နမ်နိုင်ငံ၏ အကြီးမားဆုံး လျှပ်စစ်မော်တော်ယာဉ်ထုတ်လုပ်သူဖြစ်သည့် VinFast သည် ဖေဖော်ဝါရီလတွင် အစီးရေ ၁၂၅၀၀ စီးရောင်းချခဲ့ရပြီး ဇန်နဝါရီလကထက် ၂၅ ရာခိုင်နှုန်းမြင့်တက်ခဲ့ကြောင်း သိရပါသည်။ VF 3 မော်ဒယ်မှာ ၎င်း၏ ယှဉ်ပြိုင်နိုင်စွမ်း ရှိသည့်ဈေးနှုန်း၊ အရွယ်အစားနှင့် ဒီဇိုင်းတို့ကြောင့် အစီးရေ ၅၂၀၀ စီးဖြင့် ထိပ်ဆုံးမှဦးဆောင် ခဲ့ကြောင်း သိရပါသည်။ VF 5 မော်ဒယ်မှာ အစီးရေ ၃၀၀၀ ကျော်ဖြင့် ရောင်းချရမှုတွင် ဒုတိယနေရာက ရပ်တည်ခဲ့ကြောင်း သိရပါသည်။ VF6 မော်ဒယ်မှာလည်း အစီးရေ ၂၀၀၀ နီးပါးဖြင့် အားကောင်း‌သောစွမ်းဆောင်ရည်ကို ပြသခဲ့ကြောင်း သိရပါသည်။ ကျန်ရှိသည့် အစီးရေ ၂၂၀၀ မှာ VF e34၊ VF 7၊ VF 8 နှင့် VF 9 မော်ဒယ်တို့ဖြစ်ပြီး VF 7 မော်ဒယ်သည် အစီးရေ ၅၇၀ ကျော်ရောင်းချခဲ့ရကြောင်း သိရပါသည်။ VinFast ၏ဖေဖော်ဝါရီရလဒ်သည် ၎င်းတို့၏ အားကောင်းသောပြည်တွင်းဈေးကွက်စွမ်းရည်ကြောင့် ဖြစ်ကြောင်း သိရပါသည်။ ၂၀၂၄ ခုနှစ်တွင် ဗီယက်နမ်၏ ရောင်းအားအကောင်းဆုံး ကားထုတ်လုပ်သူအဖြစ်ရပ်တည် ပြီးနောက် ကုမ္ပဏီသည် ၂၀၂၅ ခုနှစ်၏ ပထမနှစ်လတွင် လျှပ်စစ်မော်တော်ယာဉ် အစီးရေ ၂၃၀၀၀ နီးပါး ရောင်းချပြီးဖြစ်ကြောင်း သိရပါသည်။ VinFast ၏ Global CEO of Sales ဖြစ်သူ Duong Thi Thu Trang ကုမ္ပဏီသည် ရောင်းချမှုမူဝါဒများချိန်ညှိခြင်း၊ ထုတ်ကုန်သစ် များမိတ်ဆက်ခြင်းနှင့် ဝန်ဆောင်မှုအရည်အသွေးမြှင့်တင်ခြင်းတို့နှင့်အတူ ၂၀၂၅ ခုနှစ် ရည်မှန်းချက်များအတွက် ကောင်းမွန်စွာပြင်ဆင်ထားကြောင်း သိရပါသည်။

DOCA(ရန်ကုန်)

          ဗီယက်နမ်နိုင်ငံ၏ မော်တော်ယာဥ်စျေးကွက်သည် ဖေဖော်ဝါရီလတွင် အရှိန်အဟုန်ဖြင့် မြှင့်တက်လာခဲ့မှုကို မှတ်တမ်းတင်နိုင်ခဲ့ပြီး စုစုပေါင်း မော်တော်ယာဥ်ရောင်းချမှုမှာ အစီးရေ ၂၁၆၀၆ စီး ရှိကာ တစ်နှစ်ထက်တစ်နှစ် ၈၆ ရာခိုင်နှုန်းမြင့်တက်လာခဲ့ကြောင်း နိုင်ငံပိုင်သတင်း အေဂျင်စီက ကြာသာပတေးနေ့တွင်‌ဖော်ပြခဲ့သည်။

          ပြည်တွင်း၌ တပ်ဆင်သောမော်တော်ယာဥ်များတင်သွင်းမှုထက်သာလွန်ခဲ့ပြီး ပြည်တွင်း ထုတ်ကားများရောင်းအားလစဥ်အစီးရေ ၁၁၀၆၇ မှ ၂၁ ရာခိုင်နှုန်းတိုးလာကာ တင်သွင်းသည့် မော်တော်ယာဥ်လုပ်ငန်းရှင်များအသင်းမှထုတ်ပြန်သော အချက်အလက်များကို ကိုးကား၍ အစီအရင် ခံစာတွင်‌ဖော်ပြထားသည်။

          ဖေဖော်ဝါရီလတွင် ဟိုက်ဘရစ်နှင့်လျှပ်စစ်ကားအစီးရေ ၇၅၆ စီး အထိရောင်းချနိုင်ခဲ့ပြီး ဆီစား သက်သာသည့် မော်တော်ယာဥ်များအားသိသာထင်ရှားစွာ ပြောင်းလဲအသုံးပြုလာမှုကို သတိပြုမိခဲ့ ကြောင်း အသင်းက မှတ်ချက်ပြုခဲ့သည်။

DOCA(ရန်ကုန်)

ကမ္ဘာ့နို့ထွက်ပစ္စည်းဈေးကွက်တွင် ၎င်း၏ရပ်တည်ချက်ကို အားကောင်းစေခြင်းဖြင့် နိုင်ငံသည် ကမ္ဘာ့နို့ထွက်ပစ္စည်းဈေးကွက်တွင် ရပ်တည်မှုအားကောင်းလာသဖြင့် ၂၀၂၅ ခုနှစ်တွင် ကင်ညာရှီလင် ကိုးဘီလီယံ (အမေရိကန်ဒေါ်လာ ၆၉.၅ သန်းခန့်)အထိ နို့ထွက်ပစ္စည်းတင်ပို့မှု တိုးမြှင့် ရန် မတ် ၁၇ ရက် (ဆင်ဟွာ) နေ့တွင် ကြေညာခဲ့သည်။

နိုင်ငံပိုင် Kenya Dairy Board (KDB) ဥက္ကဋ္ဌ Genesio Mugo က ကင်ညာနိုင်ငံ မြို့တော် နိုင်ရိုဘီ၏ နိုင်ငံတကာ စျေးကွက်များတွင် အဓိကကျသော စျေးကွက်များမှာ အရှေ့အလယ်ပိုင်း၊ တောင်ဆူဒန်နှင့် ဆိုမာလီယာတို့ ပါဝင်သည်။

Mugo မှ ၄င်းတို့၏နို့ထွက်ပစ္စည်းများသည်ဥရောပသမဂ္ဂသို့ ဝင်ရောက်နိုင်စေရန်အတွက် အပြည်ပြည်ဆိုင်ရာ အဆင့်တွင်အသိအမှတ်ပြုလက်မှတ် ရရှိရန်စီစဉ်လျှက်ရှိကြောင်း ပြောကြား ခဲ့သည်။ KDB ၏ အဆိုအရ ကင်ညာသည် ၂၀၂၄ ခုနှစ်တွင် နွားနို့ လီတာပေါင်း ၅.၇၆ ဘီလီယံကို ထုတ်လုပ်ခဲ့ပြီး ၄.၈ ဘီလီယံ လီတာ ရောင်းချခဲ့ရကြောင်း သိရသည်။

ပို့ကုန်တိုးမြှင့်ရန် အဓိကဗျူဟာများထဲမှတစ်ခုမှာ နွားနို့ကို ထောပတ်၊ ဒိန်ခဲ၊ ဂျုံနှင့် ဒိန်ချဉ် အဖြစ်သို့ပြောင်းလဲနိုင်ရန် ပိုမိုလုပ်ဆောင်ရန်ဖြစ်ကြောင်း Mugo မှ ပြောကြားခဲ့သည်။ ကင်ညာသည် ကွန်ဂိုဒီမိုကရက်တစ်သမ္မတနိုင်ငံကဲ့သို့ အသားတင်တင်သွင်းသည့် နိုင်ငံများသို့ ဝင်ရောက်နိုင်စေရန် အာဖရိကတိုက် လွတ်လပ်သောကုန်သွယ်မှုဧရိယာတွင် အသုံးချရန်လည်း စီစဉ်ထားကြောင်း ၎င်းက ပြောကြားခဲ့သည်။

DOCA(ရန်ကုန်)

          Oddar Meanchey ပြည်နယ်အခြေစိုက်  Hang Harvest Agriculture Co Ltd နှင့် တရုတ်နိုင်ငံ၊ အစိုးရပိုင်စားသောက်ကုန်ရောင်းဝယ်ရေးလုပ်ငန်းဖြစ်သည့် COFCO Bio-Energy Co Ltd တို့သည့် ကမ္ဘောဒီးယားနိုင်ငံမှ ပီလောပီနံခြောက် တန်ချိန် ၂၀၀,၀၀၀ ကိုဝယ်ယူရန် နားလည်မှုစာချွန်လွှာ (MoU) ကို ၁၄-၃-၂၀၂၅ ရက်နေ့က လက်မှတ်ရေးထိုးခဲ့ကြသည်။ အခမ်းအနားသို့ တရုတ်နိုင်ငံ၊ Guangxi ကိုယ်ပိုင်အုပ်ချုပ်ခွင့်ရဒေသမှ ကူးသန်းရောင်းဝယ်ရေး ဌာန၊ Nanning မြို့ရှိ ကမ္ဘောဒီးယားကူးသန်းရောင်းဝယ်မှုဆက်ဆံရေးရုံး၊ Beihai မြို့အစိုးရ အဖွဲ့များ၊ ကမ္ဘောဒီယားနိုင်ငံ စိုက်ပျိုးရေးနှင့် ကျေးလက်ဒေသဖွံ့ဖြိုးတိုးတက်ရေးရုံးမှ တာဝန် ရှိသူများနှင့် ကမ္ဘောဒီးယားနိုင်ငံနှင့် တရုတ်နိုင်ငံတို့မှ သီဟိုဠ်စေ့ရောင်းချဝယ်ယူသူများ တက်ရောက်ခဲ့ကြသည်။ ကမ္ဘောဒီးယားနိုင်ငံ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန (MoC) ၏ ထုတ်ပြန်ချက်အရ ကမ္ဘောဒီးယားနိုင်ငံနှင့်တရုတ်နိုင်ငံတို့အကြား ကုန်သွယ်မှုပူပေါင်း ဆောင်ရွက်မှု ကိုအားကောင်းစေပြီး တရုတ်ရုတ်ဈေးကွက်သို့ ကမ္ဘောဒီးယား ပီလောပီနံ တင်ပို့မှုကို မြှင့်တင်ရန်ရည်ရွယ်ထားသည်။

DOCA(ရန်ကုန်)