HighLight News

        မအူပင်ခရိုင်၊ မအူပင်မြို့နယ် တွင် ၅ ရပ်ကွက်၊ ကျောင်းလမ်းရှိ အခြေခံပညာ အထက်တန်း‌ကျောင်းတွင် စားသုံးသူကာကွယ်ရေး အသိပညာပေးဟောပြောပွဲကို ၁၅.၆.၂၀၂၆ ရက်နေ့ နံနက် (၁၀း၀၀) နာရီအချိန်တွင် မြို့နယ်ကျန်းမာရေးဦးစီးဌာန၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာနတို့ ပူးပေါင်း၍ ကျင်းပပြုလုပ်ခဲ့ကြောင်း သိရသည်။

     ဟောပြောပွဲတွင် မအူပင်မြို့နယ် စားသုံးသူရေးရာဦးစီးဌာန ဒုခရိုင်ဦးစီးမှူး ဦးအောင်ဇော်ဦးက စားသုံးသူများ၏အခွင့်အရေးနှင့် အကျိုးစီးပွားကို ကာကွယ်ပေးနိုင်ရန်အတွက် စားသုံးသူကာကွယ်ရေး ဥပဒေကို ၂၀၁၉ ခုနှစ်၊ မတ်လ ၁၅ ရက်နေ့တွင် အတည်ပြုပြဋ္ဌာန်းခဲ့ပါ ကြောင်း၊ စားသုံးသူကာကွယ်ရေးနှင့် စပ်လျဉ်း၍ အသိပညာပေးလုပ်ငန်းများ ကျယ်ကျယ်ပြန့်ပြန့် ဆောင်ရွက်နိုင်စေရန် စားသုံးသူအခွင့်အရေး (၈)ချက်နှင့် စားသုံးသူလိုက်နာဆောင်ရွက်ရမည့် အချက်(၄)ချက်ပါ အကြောင်းအရာများ၊ စားသုံးသူကာကွယ်ရေးနှင့် စပ်လျဉ်း၍ တိကျမှန်ကန် ရှင်းလင်းသည့် သတင်းအချက်အလက်များ သိရှိနိုင်ရန် ကုန်အညွှန်းအမှတ်အသားဖော်ပြခြင်းဆိုင်ရာများ၊ စားသုံးသူထိခိုက်နစ်နာလျှင် တိုင်ကြားနိုင်မည့် နည်းလမ်းများ၊ အကြောင်းအရာများကို ရှင်းလင်းဆွေးနွေးခဲ့ကြောင်း သိရသည်။

         ဟောပြောပွဲကို ကျောင်းသား/ကျောင်းသူ  ၂၅၀ ဦး တက်ရောက်ခဲ့ကြပြီး စားသုံးသူအခွင့်အရေးများနှင့် ပတ်သက်၍ သိရှိလိုသည်များကိုမေးမြန်းခဲ့ရာ တာဝန်ရှိသူများက ပြန်လည်ဖြေကြားကာ အသိပညာပေးလက်ကမ်းစာစောင်များကို ဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

          ၁၇-၆-၂၀၂၆ ရက်နေ့ နံနက်(၁၀း၀၀) နာရီအချိန်တွင် မြို့နယ်ကျန်းမာရေးဦးစီးဌာ၊ မြို့နယ်စားသုံးသူရေးရာဦးစီးဌာန၊ မြို့နယ်တိုင်းရေးဆေးပညာဦးစီးဌာနတို့ ပါဝင်သောအဖွဲ့သည် ညောင်တုန်းမြို့ ၉ရပ်ကွက်၊ ရှိ အ.ထ.က-၁နှင့် အ.ထ.က-၂ အထက်တန်းကျောင်းတွင် လူငယ်ရေးရာအသိပညာပေး၊ ကျောင်းကျန်းမာရေးလှုပ်ရှားမှု ဟောပြောပွဲတွင် စားသုံးသူရေးရာဦးစီးဌာနမှ တာဝန်ရှိသူများက စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ကြသည်။

     ဟောပြောပွဲတွင် ကျောင်းအုပ်ဆရာကြီးက ကျောင်းသား/ ကျောင်းသူများကို လူငယ်ရေးရာ အသိပညာပေးဟောပြောခြင်းကို ကျောင်းသား/ သူများ မှတ်သားလိုက်နာ ဆောင်ရွက်နိုင်ဖို့က အရေးကြီးကြောင်းနှင့် ကျောင်းသို့ ဌာနဆိုင်ရာများက လူငယ်အသိပညာပေး ဟောပြောခြင်းကိုလည်း ကြိုဆိုကြောင်း သက်ဆိုင်ရာဌာနများက အသိပညာပေးလုပ်ငန်းကို စဉ်ဆက်မပြတ် ဟောပြောပေးနိုင်ရန် အဖွင့်အမှာစကားပြောကြားခဲ့ပြီး၊ အခြားသက်ဆိုင်ရာဌာနများက ဌာန၏ လုပ်ငန်းဆောင်ရွက်ချက် လူငယ်များသိသင့်သော အသိပညာပေးခြင်းများကို အသီးသီးဟောပြောခဲ့ကြောင်း သိရသည်။

     ဆက်လက်၍ စားသုံးသူရေးရာဦးစီးဌာနမှ ဒေါ်ချိုမီဇင် ဒုဦးစီးမှူးက စားသုံးသူကာကွယ်ရေး သိကောင်းစရာအကြောင်း ဟောပြောရာ စားသုံးသူအခွင့်အရေး(၈ချက်) စားသုံးသူလိုက်နာရမည့် တာဝန်(၄)ချက် အကြောင်းကို ကျောင်းသားများ နားလည်သလောက် တစ်ဦးချင်း မေးမြန်းဆွေးနွေးပြီး၊ စားသုံးသူအခွင့်အရေး နစ်နာမှုရှိပါက မည်သည့်ဌာနသို့ တိုင်ကြားနိုင်ကြောင်း မေးမြန်းခြင်းနှင့် တိုင်ကြားနိုင်သည့် နည်းလမ်းများ တိုင်ကြားလို့ရနိုင်ကြောင်းကို ပြည်သူသိရှိနိုင်ရန်အတွက်   တိုင်ကြားလို့ရတယ့်နည်းလမ်း (၇) မျိုးရှိကြောင်း၊  တိုင်ကြားနိုင်တဲ့ နည်းလမ်းအဆင့်ဆင့် တွေကတော့ DOCA Myanmar Application, CICC Naypyi Taw လူမှုကွန်ယက်၊ သက်ဆိုင်ရာတိုင်းနဲ့ ပြည်နယ်ဦးစီးမှူးရုံးတွေကို လူကိုယ်တိုင် (သို့) စာဖြင့် တိုင်ကြားနိုင်၊ CICC ဖုန်း၊ Consumer Call Center No.1535 စားသုံးသူကာကွယ်ရေးဆိုင်ရာ အသင်းအဖွဲ့များမှ တစ်ဆင့် တိုင်ကြားလို့ရကြောင်း၊ ပို၍ လွယ်ကူတာကတော့  Consumer Call Center  ရယ့်      HOT Line No ဖြစ်တယ့် 1535 ကို  Mytel, Ooredoo , Telenor, MPT အသုံးပြုသူများ စားသုံးသူကာကွယ်ရေးဆိုင်ရာ အကြောင်းအရာတွေကို သိရှိလိုသည််ဖြစ်ဖြစ်၊ တိုင်ကြားချင်သည် ဖြစ်ဖြစ်၊ HOT Line No လေးကို  အလွယ်တကူ ခေါ်ဆိုရုံဖြင့် ဆက်သွယ်တိုင်ကြားလို့ရကြောင်း ထပ်ဆင့် အသိပေးပြောကြားခဲ့ကြောင်း သိရသည်။ ရှင်းလင်းဟောပြောခဲ့ကြောင်းနှင့် ဟောပြောပွဲသို့ ကျောင်းသား/ သူဆရာ/ ဆရာမ (၃၄၅)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

        စားသုံးသူရေးရာဦးစီးဌာနသည် ပညာသင်နှစ် ကာလများတွင် ကျောင်းသားလူငယ်များ ကျန်းမာရေးနှင့် ညီညွှန်စေရန် ဘေးအန္တရာယ်ကင်းရှင်းသော ထုတ်ကုန်များ ဝယ်ယူအသုံးပြုနိုင်ရန် အတွက် မုန့်ဈေးတန်းဈေးကွက်စောင့်ကြည့် စစ်ဆေးခြင်းများကို နှစ်စဉ်ဆောင်ရွက်လျက်ရှိပါသည်။ ကျန်းမာရေးဦးစီးဌာနနှင့် ချိတ်ဆက်၍ ပညာရေးဦးစီးဌာန ကျောင်းများရှိ မုန့်ဈေးတန်းအား ‌ဈေးကွက်စောင့်ကြည်ခြင်းလုပ်ငန်းကို လျာထားချက် ချမှတ်ဆောင်ရွက်၍ စစ်ဆေးမှုများလုပ်ဆောင်လျက်ရှိကြောင်း သိရသည်။

       မအူပင်ခရိုင် မအူပင်မြို့နယ် အ.ထ.က ၂ ကျောင်းမုန့်စျေးတန်းအား ကျောင်းမုန့်စျေးတန်း ကော်မတီများ စားသုံးသူပြည်သူ့ကျန်းမာဦးစီးဌာန၊ FDA၊ စားသုံးသူရေးရာဦးစီးဌာန တို့ပူးပေါင်း၍ ၁၆.၆.၂၀၂၆ ရက်နေ့တွင် ဈေးကွက်စောင့်ကြည့်စစ်ဆေးရာ စားသုံးသူရေးရာဦးစီးဌာနမှ ဦးအောင်ဇော်ဦး စစ်ဆေးရေးအရာရှိမှ ဒေသတွင်း ထုတ်ကုန်များဖြစ်ပါက ကုန်အညွှန်းအမှတ် အသားနှင့် ပြည့်စုံစွာပါရှိစေရန်၊ ပြည်တွင်းထုတ်ကုန်မုန့်များဖြစ်ပါက ထုပ်ပိုးမုန့်များတွင် သုံးစွဲရန် သတ်မှတ်ထားသော ကုန်အညွှန်းအမှတ်အသား (သက်တမ်းကုန်ဆုံးရက်) ပြည့်မီခြင်း ရှိ/ မရှိ စစ်ဆေးခြင်း၊ မုန့်ရောင်းချသူများ၏ တစ်ကိုယ်ရေသန့်ရှင်းရေး၊ မုန့်များအား ဖုန်လုံ/အင်းဆက်လုံစွာ ဖုံးအုပ်ရောင်းချခြင်းနှင့် ချက်ပြုတ်ရာတွင် သန့်ရှင်းမှု ရှိ/မရှိ စစ်ဆေးခြင်း၊ FDA ဌာနမှ တားမြစ်ထားသော မုန့်များကို ရောင်းချခြင်းမပြုရန်၊ ကျန်းမာရေးနှင့်ညီညွှတ်သော ကျောင်းမုန့်ဈေးတန်း တစ်ခုဖြစ်စေရန် အထူးဂရုပြု ဆောင်ရွက်ရန်တို့ကို မုန့်ဈေးတန်းတာဝန်ရှိသူများကို မှာကြားခဲ့ပြီး လစဉ် စစ်ဆေးဆောင်ရွက်သွားမည်ဖြစ်ကြောင်း သတ်မှတ်စည်းကမ်းချက်များ လိုက်နာဆောင်ရွက်မှုမရှိသော မုန့်ဈေးရောင်းချသူကို ဥပဒေနှင့်အညီ အရေးယူဆောင်ရွက်မှုများ ပြုလုပ်သွားမည်ဖြစ်ကြောင်းကို မှာကြားစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

        ဖျာပုံခရိုင်၊ ကျိုက်လတ်မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ၂၀၂၆ခုနှစ်၊ ဇွန်လ(၁၆)ရက်နေ့ ညနေ(၁၅:၀၀)နာရီအချိန်တွင် စားသုံးသူကာကွယ် ရေးအကြောင်းသိကောင်းစရာခေါင်းစဉ်ဖြင့် Talk Showအစီအစဉ်အား ပြန်ကြားရေးနှင့်ပြည်သူဆက်ဆံရေးရုံးတွင် ပြုလုပ်ဆောင်ရွက်ခဲ့ကြောင်း သိရသည်။

      ထိုသို့ဟောပြောရာတွင် မြို့နယ်တာဝန်ခံဦးမိုးမင်းသန်းက စားသုံးသူအခွင့်အရေး အပြည့်အဝရရှိစေရန် စားသုံးသူကာကွယ်ရေးနှင့်စပ်လျဉ်း၍ စီးပွားရေးလုပ်ငန်းရှင်များဘက်မှလည်း ဥပဒေနှင့်အညီ ဆောင်ရွက်ပေးရန်နှင့် စားသုံးသူတို့အား ဘေးအန္တရာယ်ဖြစ်စေသော ကုန်စည်များကိုသာ ရွေးချယ်ဝယ်ယူ စားသောက်ကြရန် မှာကြားဆွေးနွေးခဲ့ပါသည်။ ထိုနောက် စားသုံးသူများအနေဖြင့် Online Shopမှ ဝယ်ယူ သုံးစွဲရာတွင်လည်း မိမိတို့ဝယ်ယူမည့်ကုန်စည်ကိုလေ့လာပြီး ယုံကြည်စိတ်ချရမှုရှိသည့် Online Shopများမှ ရွေးချယ်ဝယ်ယူကြရန်နှင့် ဆက်သွယ်ရန်ဖုန်းနံပါတ်လိပ်စာတို့ကို တိကျစွာဖော်ပြထားသော Online Shopမှ သာဝယ်ယူကြရန်တို့ကို ဟောပြောဆွေးနွေးခဲ့ကြပါသည်။ ထိုနောက် စားသုံးသူများစိတ်ကျေနပ်မှုမရှိပါက Call Center 1535 သို့ ဆက်သွယ်တိုင်ကြားနိုင်ကြောင်းတို့ကို ဟောပြောဆွေးနွေးခဲ့ကြောင်း သတင်းရရှိပါ သည်။

DOCA(ဧရာဝတီ)

       စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံး ဝန်ထမ်း(၁)ဦးနှင့် စစ်ကိုင်းမြို့နယ် တာဝန်ခံတို့သည် ခရိုင်အသေးစားစက်မှုလက်မှုလုပ်ငန်းဦးစီးဌာနမှ တာဝန်ရှိသူနှင့်အတူ ၂၀၂၆နှစ်၊ ဇွန်လ ၁၇ ရက်နေ့ နံနက်(၀၉း၀၀)နာရီအချိန်တွင် စစ်ကိုင်းမြို့ရှိ MSME ထုတ်ကုန်များအား ကုန်အညွှန်းအမှတ်အသား ဖော်ပြချက်များနှင့် ကိုက်ညီမှု ရှိ/ မရှိ ကွင်းဆင်းစစ်ဆေးခဲ့ကြောင်း သိရှိရသည်။

         ထိုသို့မြေပြင်ကွင်းဆင်းစစ်ဆေးခဲ့ရာ စစ်ကိုင်းမြို့ရှိ ကုန်အညွှန်းအမှတ်အသားဖော်ပြခြင်းနှင့် ရောင်းချသည့် အမှတ်တံဆိပ်ပါ (ခင်မမ)ပဲကြော်စုံ၊ လက်ဖက်၊ ရွှေအိ(အသင့်စားရှမ်းခေါက်ဆွဲ၊ တိုးဟူးနွေးခေါက်ဆွဲ)၊ အောင်ရတီ(ဆီသန့်အာလူးကြော်)၊ စွမ်းထက်(မရွေး)၊ Sweet Bakery (ပေါင်မုန့်၊ ကိတ်မုန့်)၊ သန့်ဇင်(မုန့်ဟင်းခါးခြောက်)လုပ်ငန်းတို့အား မြေပြင်ကွင်းဆင်းစစ်ဆေးခဲ့ပြီး  ကုန်အညွှန်းအမှတ်အသားဖော်ပြရန်လိူအပ်ချက်ရှိသည့်လုပ်ငန်းများအား ပညာပေးကာလ (၁)လ သတ်မှတ်၍ ပြင်ဆင်စေပြီး ပြန်လည်စစ်‌ဆေးဆောင်ရွက်သွားမည်ဖြစ်ကြောင်း အသိပညာပေးခဲ့ကြောင်း သိရှိရပါသည်။

DOCA(စစ်ကိုင်း)