ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ်တာဝန်ခံဒေါ်ဇင်မာသန်းသည် (၂၃.၄.၂၀၂၅)ရက်နေ့၊ နံနက်(၁၀း၀၀) နာရီအချိန်တွင် မြို့နယ်တာဝန်ခံရုံး၌ Online  Saleရောင်းချနေသော ဆိုင်ပိုင်ရှင်များအား စားသုံးသူအသိပညာပေး ဟောပြောခဲ့ပါသည်။

          ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံမှ မိတ်ဆက်စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ(၂၀၁၉) ပါပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ၊ ပုဒ်မ(၄၁) ပုဒ်မခွဲ(ခ)နှင့်(ဂ)တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့်အသားတင်အလေးချိန်၊ သုံးစွဲပုံနည်းလမ်းနှင့်ထုတ်လုပ်သည့်ရက်စွဲ၊ သက်တန်းကုန်သည့်ရက်စွဲ၊ ထုတ်လုပ်မှုအမှတ်အစဉ်တို့အား အသေးစိတ်ရှင်းလင်း ဟောပြောခဲ့ပါသည်။ ဟောပြောပွဲသို့ Online  Sale ရောင်းချသူဆိုင်ပိုင်ရှင် စုစုပေါင်း(၁၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြို့နယ်တာဝန်ခံ ဦးလှထွဠ်ဦးသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၂၂.၄.၂၀၂၅)ရက်နေ့ နံနက်(၁၀း၀၀)နာရီအချိန်တွင် မြောင်းမြမြို့နယ်၊ ကူးတို့ဈေးအတွင်းရှိ ကုန်မျိုးစုံဆိုင်များတွင်ရောင်းချနေသော good choice ဟင်းသီးဟင်းရွက်ဆီသန့်ဘူးများတွင် ကုန်အညွှန်းအမှတ်အသားဖော်ပြချက် ပြည့်စုံခြင်းရှိ/ မရှိ ကွင်းဆင်းစစ်ဆေးခဲ့ပါသည်။

              ထိုသို့ကွင်းဆင်းစစ်ဆေးဆောင်ရွက်ရာတွင် မြောင်းမြမြို့နယ် တာဝန်ခံမှကူးတို့ဈေးအတွင်းရှိ ကုန်မျိုးစုံဆိုင်များတွင်  ရောင်းချနေသော good choice ဟင်းသီးဟင်းရွက်ဆီသန့်ဘူးများတွင် ကုန်ညွှန်းအမှတ်အသားဖော်ပြခြင်း ပြည့်စုံမှုရှိ/ မရှိစစ်ဆေးခဲ့ပြီး၊ ကုန်မျိးစုံဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ၂၀၁၉ပါပြဌာန်းချက်များမှ အခန်း(၁၈)ပါ  ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ၄၁၊ပုဒ်မခွဲ(ခ)နှင့်(ဆ)တို့ပါ ကုန်ညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့်ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ်အသားဖော်ပြချက်၊ ပြည့်စုံမှုရှိ/ မရှိအားဌာနအနေဖြင့် ဈေးကွက်စောင့်ကြည့်စစ်ဆေးမှုများ  စဉ်ဆက်မပြတ်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ဧရာဝတီ)

        ပဲခူးတိုင်းဒေသကြီး၊သာယာဝတီခရိုင်၊လက်ပံတန်းမြို့နယ်တွင် စားသုံးသူရေးရာဦးစီးဌာနမှ နေ့စဉ် အိမ်ဆောက်ပစ္စည်းရောင်းဝယ်လျက်ရှိသော ဆိုင်များသို့ဆောက်လုပ်ရေး ပစ္စည်းများ ဘိလပ်မြေ ဈေးနှုန်းဈေးကွက်အခြေအနေသိရှိစေရန် စားသုံးသူရေးရာဦးစီးဌာန ခရိုင်ဦး စီးမှူး ဦးသန်းစိုး၊လက်ပံ တန်းမြို့နယ် တာဝန်ခံနှင့်ဝန်ထမ်းများသည် ဘိလပ်မြေဈေးနှုန်း မှန်ကန် စွာ ရောင်းချခြင်း ရှိ/မရှိ ပစ္စည်းပြတ်လပ်မှုရှိ/မရှိ သိရှိရန်ဈေးကွက် စောင့်ကြည့်ခဲ့ပါသည်။ ဘိလပ်မြေဈေးနှုန်းများမှာ အပါချီ တစ်အိတ်လျှင်(၂၉၀၀၀/)ကျပ်၊Crown တစ်အိတ်လျှင် (၃၂၀၀၀/) ကျပ် ဖြစ်ပြီးလက်ကျန်အနေဖြင့် ရောက်ရှိသည့်နှင့် ပစ္စည်းများပြတ်လပ်သွားကြောင်း သိရှိရပါသည်။

DOCA(ပဲခူး)

           ပဲခူးတိုင်းဒေသကြီး၊ ပြည်ခရိုင်၊ စားသုံးသူရေးရာဦးစီးဌာနအနေဖြင့်  ဝန်ထမ်းများအား ဝန်ထမ်းစွမ်းဆောင်ရည်မြှင့်တင်ရေး အထောက်အကူပြု အသိပညာပေး ဟောပြောပွဲများကို  ဆောင်ရွက်လျက်ရှိရာ (၂၄.၄.၂၀၂၅)ရက်နေ့၊ နေ့လည်(၁:၀၀)နာရီအချိန်တွင် ပြည်ခရိုင်ဦးစီးမှူးရုံး၊ အစည်းအဝေးခန်းမ၌ ရွှေတောင်မြို့နယ် တာဝန်ခံရုံးမှ  ဒုတိယဦးစီးမှူး၊ ဒေါ်ဇင်မာချောစုကြည် က  ရွှေမျက်မှန် ဘုရားကြီးသမိုင်းကြောင်းကို ဝန်ထမ်းများသိရှိစေရန် ရည်ရွယ်၍ (၄/၂၀၂၅) ကြိမ်မြောက် Thursday Talk ဝန်ထမ်းစွမ်းဆောင်ရည် မြှင့်တင်ရေး အထောက်အကူပြု အသိပညာပေး ဟောပြောဆွေးနွေးခဲ့ရာ ဆွေးနွေးပွဲကိုဝန်ထမ်း(  ၃၅   )ဦး တက်ရောက်ခဲ့ကြောင်း သိရှိရပါသည်။

DOCA(ပဲခူး)

           ပဲခူးတိုင်းဒေသကြီး နတ်တလင်းခရိုင် နတ်တလင်းမြို့နယ်တွင် သောက်ရေသန့် ရောင်းချနေသော လီတာသောက်ရေသန့်လုပ်ငန်းရှင်နှင့် တွေ့ဆုံပြီး မိမိတို့သောက်ရေသန့်လုပ်ငန်းမှ ထုတ်လုပ်သော လီတာသောက်ရေသန့် (၁-လီတာ)နှင့် (၂၀-လီတာ)ထုတ်လုပ်မှုအား နတ်တလင်းမြို့နယ် တာဝန်ခံရုံး စားသုံးသူရေးရာဦးစီးဌာနမှ ဝန်ထမ်းများသည်  ဧပြီလ စတုတ္တပတ်တွင် ဈေးကွက်စောင့်ကြည့် ကွင်းဆင်းစစ်ဆေးမှု ဆောင်ရွက်ခဲ့ပါသည်။

          အဆိုပါ သောက်ရေသန့်ကို “လီတာ”သောက်ရေသန့် အမှတ်တံဆိပ်ဖြင့်  ထုတ်လုပ်ဖြန့်ဖြူး ရောင်းချလျှက်ရှိပြီး  (၁-လီတာ)နှင့် (၂၀-လီတာ) သောက်ရေသန့်များအား  ၁-လလျှင် (၂၀-လီတာဗူး ၉၅၀ခန့်နှင့် ၁-လီတာဗူး- ၆လုံးကဒ် ၆၀၀ကဒ်) ထုတ်လုပ်နိုင်၍ (၂၀-လီတာ)တဗူးလျှင် (၅၀၀ကျပ်)၊ (၁-လီတာ)၆-လုံး ၁-ကဒ်လျှင် (၂၅၀၀-ကျပ်) ဖြန့်ဖြူးရောင်းချလျက်ရှိပြီး မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ ကုန်စည်များ၏ ကုန်အညွှန်းအမှတ်အသားများကို မြန်မာဘာသာဖြင့် ဖော်ပြရန်ညွှန်ကြားချက်အရ ကိုက်ညီမှုရှိပါကြောင်းနှင့် အခြားသက်ဆိုင်ရာ ဌာနများ၏ ဥပဒေ၊ နည်းဥပဒေ၊ လုပ်ထုံးလုပ် နည်းများကိုလည်း လိုက်နာဆောင်ရွက်သွားရန် ဈေးကွက်စောင့်ကြည့် ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။ 

DOCA(ပဲခူး)