HighLight News

      ပြည်သူများအနေဖြင့် စားသုံးသူအခွင့်အရေးများကို သိရှိနားလည်ပြီး လုံခြုံစိတ်ချရသော ကုန်ပစ္စည်းနှင့် ဝန်ဆောင်မှုများကို ရွေးချယ်အသုံးပြုနိုင်စေရေးအတွက် မြို့နယ်စားသုံးသူရေးရာဦးစီးဌာနမှ ၂၀၂၆ ခုနှစ်၊ ဇူလိုင်လ (၈) ရက်နေ့တွင် ပညာခေတ် ကိုယ်ပိုင်အထက်တန်းကျောင်း၌ ကျောင်းသား/ ကျောင်းသူ ၃၀၀ဦးအား စားသုံးသူကာကွယ်ရေး အသိပညာပေးဟောပြောပွဲကို ကျင်းပခဲ့ကြောင်း သိရသည်။

       ဟောပြောပွဲတွင် မအူပင်ခရိုင်၊ စားသုံးသူရေးရာဦးစီးဌာနမှ ဒုခရိုင်ဦးစီးမှူး ဦးအောင်ဇော်ဦးမှ အသိပညာပေးဟောပြောရာ စားသုံးသူကာကွယ်ရေးဥပဒေပါ စားသုံးသူ၏ အခြေခံအခွင့်အရေးများ၊ စားသောက်ကုန်နှင့် လူသုံးကုန်များ ဝယ်ယူရာတွင် သတိပြုစစ်ဆေးရမည့် အချက်များ၊ ကုန်အညွှန်းအမှတ်အသားများကို ဖတ်ရှုနားလည်အသုံးပြုနည်း၊ သက်တမ်းကုန်ဆုံးရက် (Expiry Date) နှင့် ထုတ်လုပ်သည့်ရက်စွဲ (Manufacturing Date) ကို စိစစ်ဝယ်ယူရန် လိုအပ်ချက်များ၊ မလုံခြုံသောကုန်ပစ္စည်းများနှင့် ကြုံတွေ့ရပါက တိုင်ကြားနိုင်သည့် Consumer call center 1535 ဆက်သွယ်တိုင်ကြားနိုင်မှု နည်းလမ်းများကို အသေးစိတ်ရှင်းလင်းဟောပြောခဲ့ကြောင်း သိရသည်။

          ထို့နောက် ကျောင်းသား၊ ကျောင်းသူများ၏ မေးမြန်းချက်များကို ပြန်လည်ဖြေကြားခဲ့ပြီး စားသုံးသူကာကွယ်ရေးဆိုင်ရာ အသိပညာပေး လက်ကမ်းစာစောင်များကို ဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

        ပြည်သူများ ဘေးကင်းလုံခြုံပြီး အရည်အသွေးပြည့်မီသော လူသုံးကုန်ပစ္စည်းများ ဝယ်ယူအသုံးပြုနိုင်စေရေးအတွက် တာဝန်ရှိသူများသည် ၂၀၂၆ ခုနှစ်၊ ဇူလိုင်လ (၁၀) ရက်နေ့တွင် ပန်းတနော်မြို့နယ် ဈေးကွက်အတွင်း ရောင်းချလျက်ရှိသော ဟင်းခတ်မှုန့်၊ အရသာမှုန့်နှင့် ဆပ်ပြာအမျိုးမျိုးအား ကုန်အညွှန်းအမှတ်အသားများ ပြည့်စုံမှုနှင့် အလေးချိန် မှန်ကန်ပြည့်မီမှု ရှိ/ မရှိတို့ကို ကွင်းဆင်းစစ်ဆေးခဲ့ကြောင်း သိရသည်။

     ကွင်းဆင်းစစ်ဆေးရာတွင် မြို့နယ်တာဝန်ခံ ဦးအောင်ကျော်သက်မှ ကုန်ပစ္စည်းများပေါ်တွင် ထုတ်လုပ်သူအမည်၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်၊ ပါဝင်ပစ္စည်းများနှင့် အသုံးပြုရန်အညွှန်းများကို မြန်မာဘာသာဖြင့် ပြည့်စုံစွာဖော်ပြထားမှုရှိ/ မရှိ စိစစ်ခဲ့သည်။ ထို့ပြင် ထုပ်ပိုးဖော်ပြထားသည့် အလေးချိန်နှင့် အမှန်တကယ်ပါရှိသော အလေးချိန်ကို တိုင်းတာစစ်ဆေးခဲ့ပြီး သတ်မှတ်အလေးချိန် ပြည့်မီစေရေး ဆောင်ရွက်ခဲ့ကြောင်း သိရသည်။

          စစ်ဆေးမှုအတွင်း ရောင်းချသူများအား စားသုံးသူကာကွယ်ရေးဥပဒေနှင့်အညီ အလေးချိန်မပြည့်မီသော ကုန်ပစ္စည်းများ မရောင်းချရန်၊ ကုန်အညွှန်းအမှတ်အသား ပြည့်စုံသော ကုန်ပစ္စည်းများကိုသာ ရောင်းချရန်နှင့် စားသုံးသူအခွင့်အရေးကို အလေးထားဆောင်ရွက်ကြရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီးအတွင်းရှိ ပန်းတနော်၊ ညောင်တုန်းနှင့် ဓနုဖြူမြို့နယ်များတွင် ပြည်သူများထံ စားအုန်းဆီများကို သတ်မှတ်ရည်ညွှန်းဈေးနှုန်းအပေါ် သယ်ယူပို့ဆောင်ရေးနှင့် ဖြန့်ဖြူးစရိတ်များအပါအဝင် သက်ဆိုင်ရာသတ်မှတ်ဈေးနှုန်းဖြင့် စနစ်တကျ ဖြန့်ဖြူးရောင်း ချလျက်ရှိကြောင်း သိရသည်။

           ပန်းတနော်မြို့နယ်တွင် ၂၀၂၆ ခုနှစ်၊ ဇူလိုင်လ ၁၁ ရက်နေ့၌ စားအုန်းဆီခွဲတမ်း ၄,၀၇၀ ပိဿာရရှိခဲ့ပြီး ရရှိသည့်ဆီအားလုံးကို ရောင်းချပေးနိုင်ခဲ့သည်။ ရည်ညွှန်းဈေးနှုန်းမှာ တစ်ပိဿာလျှင် ၇,၂၃၀ ကျပ်ဖြစ်ပြီး ပြည်သူများထံ တစ်ပိဿာလျှင် ၇,၉၃၀ ကျပ်ဖြင့် ဖြန့်ဖြူးရောင်းချခဲ့သည်။ ဇူလိုင်လ ၁၂ ရက်နေ့တွင်လည်း စားအုန်းဆီ ၄,၀၇၀ ပိဿာ ထပ်မံရရှိခဲ့ပြီး ယခင်လက်ကျန်အပါအဝင် စုစုပေါင်း ၄,၂၉၀ ပိဿာကို ပြည်သူများထံ ၇,၉၃၀ ကျပ်ဖြင့် ဖြန့်ဖြူးရောင်းချခဲ့ကြောင်း သိရသည်။

         ညောင်တုန်းမြို့နယ်တွင် စားအုန်းဆီ ၃,၃၀၀ ပိဿာ ခွဲတမ်းရရှိခဲ့ပြီး ရရှိသည့်ဆီအားလုံးကို ပြည်သူများထံ ရောင်းချပေးခဲ့သည်။ ရည်ညွှန်းဈေးနှုန်းမှာ တစ်ပိဿာလျှင် ၇,၂၃၀ ကျပ်ဖြစ်ပြီး ပြည်သူများထံ တစ်ပိဿာလျှင် ၇,၈၀၅ ကျပ်ဖြင့် ဖြန့်ဖြူးရောင်းချခဲ့သည်။

          ဓနုဖြူမြို့နယ်တွင် စားအုန်းဆီ ၂,၇၅၀ ပိဿာ ခွဲတမ်းရရှိခဲ့ပြီး ရရှိသည့်ဆီအားလုံးကို ပြည်သူများထံ ဖြန့်ဖြူးရောင်းချခဲ့သည်။ ရည်ညွှန်းဈေးနှုန်းမှာ တစ်ပိဿာလျှင် ၇,၂၃၀ ကျပ်ဖြစ်ပြီး ပြည်သူများထံ တစ်ပိဿာလျှင် ၇,၉၃၀ ကျပ်ဖြင့် ရောင်းချပေးခဲ့ကြောင်း သိရသည်။

           ထို့ပြင် မြို့နယ်များသို့ ရောက်ရှိလာသော စားအုန်းဆီများကို ရရှိသည့်နေ့တွင် စာရင်းများ စနစ်တကျပြုစု၍ နောက်တစ်ရက်တွင် ပြည်သူများထံ အချိန်မီဖြန့်ဖြူးရောင်းချနိုင်ရေး ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊  မကွေး/ချောက်ခရိုင်တာဝန်ခံ ဒေါ်တင်တင်လှ (လက်ထောက်ညွှန်ကြားရေးမှူး)သည် (၉.၇.၂၀၂၆)ရက်နေ့၊ နံနက်(၁၀:၀၀) နာရီအချိန်တွင် ပြည်သူများ ဘေးအန္တရာယ်ကင်းရှင်းသော အစားအသောက်များဝယ်ယူနိုင်ရန်အတွက် အစားအသောက် ဝန်ဆောင်မှုပေးသည့် လုပ်ငန်းများဖြစ်သည့် စားသောက်ဆိုင်များသို့ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ၊ မြို့နယ်စည်ပင်သာယာရေးအဖွဲ့၊ ကျန်းမာရေးဦးစီးဌာန၊ အစားအသောက်နှင့်ဆေးဝါး ကွပ်ကဲရေးဦးစီးဌာန၊ မြန်မာနိုင်ငံရဲတပ်ဖွဲ့တို့နှင့်ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။

        ထိုသို့ ကွင်းဆင်းဆောင်ရွက်ရာတွင် စားသောက်ဆိုင်ရောင်းချသူတာဝန်ခံများနှင့် တွေ့ဆုံ၍ လုပ်ငန်းတွင် အစားအသောက်ချက်ပြုတ်သူများ၊ အစားအ‌သောက်ဝန်ဆောင်မှုပေးသူများ၏ ကျန်းမာရေး၊ တစ်ကိုယ်ရည်သန့်ရှင်းမှုရှိ/ မရှိ၊ အစားအသောက်ချက်ပြုတ်ရန်နေရာများ သန့်ရှင်းမှုရှိ/ မရှိနှင့် အမှိုက်ပုံးထားရှိစွန့်ပစ်မှုများ၊ အစားအသောက်ချက်ပြုတ်ရာတွင် ပါဝင်သည့် ဟင်းသီးဟင်းရွက်၊ အသား/ငါးများ သန့်ရှင်းလတ်ဆတ်မှုရှိ/ မရှိ စစ်ဆေးခြင်းများဆောင်ရွက်ခဲ့ပြီး စားသုံးသူကာကွယ်ရေး ဥပဒေ အခန်း (၁၃)၊ ပုဒ်မ (၂၆)(၂၇)ပါ ဝန်ဆောင်မှုနှင့်စပ်လျဉ်းသည့် သတင်းအချက်အလက်များ ကြိုတင်အသိပေးခြင်း၊ မှန်ကန်၍ ပြည့်စုံသော ဝန်ဆောင်မှုအဆင့်အတန်းနှင့် အညီဖြစ်ခြင်း၊ လိုအပ်ချက်နှင့်ကိုက်ညီခြင်း၊ သတ်မှတ်အချိန်ကာလအတွင်း ပြီးစီးဆောင်ရွက်ပေးခြင်း၊ သဘောတူညီထားသည့် ဝန်ဆောင်မှုတန်ဖိုးအတိုင်းပေးအပ်စေခြင်း၊ ပျက်ကွက်မှုအတွက် လျော်ကြေးပေးစေခြင်း၊ စားသုံးသူ၏ နစ်နာမှုအတွက် ကုစားခွင့်ပေးစေခြင်းတို့ကို ရှင်းလင်းဆွေးနွေး၍ အသိပညာပေးခြင်းများဆောင်ရွက်ခဲ့ပြီး ဌာနမှ လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

      ၂၀၂၆ ခုနှစ်၊ ဇူလိုင်လ(၉)ရက်နေ့၊ နံနက်(၁၀:၀၀)နာရီအချိန်တွင် ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်၊ ကျွန်းတောရပ်ကွက်ရှိ အခြေခံပညာအထက်တန်းကျောင်းခွဲ၌ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနမှ မြို့နယ်တာ ဝန်ခံနှင့်ဝန်ထမ်းများ ပူးပေါင်း၍ အသိပညာပေး ဟောပြောခဲ့ကြောင်း သိရှိရပါသည်။

       ထိုဟောပြောပွဲတွင် တွံတေးမြို့နယ်တာဝန်ခံ ဦးအာကာမင်းက စားသုံးသူကာကွယ်ရေး ဥပဒေပြဌာန်းထားရှိမှု အခြေအနေများ၊ ဥပဒေပြဌာန်းချက်ပါ စားသုံးသူ၏ အဓိပ္ပါယ်၊ ကုန်စည်၊ ဝန်ဆောင်မှုများ၏ အဓိပ္ပါယ်ဖော်ပြချက်များအား ရှင်းလင်းဟောပြောခြင်း၊ စားသုံးသူ၏ အခွင့် အရေးနှင့်တာဝန်များအား အသိပညာပေးခြင်း၊ ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် သတိပြုရမည့်အချက်များ၊ ကုန်အညွှန်းအမှတ်အသားများ ပြည့်စုံစွာပါဝင်သော ကုန်စည်များကိုသာ ရွေးချယ်ဝယ်ယူသုံးစွဲကြရန်၊ ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင်လည်း ပြေစာ၊ အထောက်အထားများ ရယူထားကြရန်နှင့် နစ်နာမှုများရှိလာလျှင် စားသုံးသူရေးရာဦးစီးဌာန၏ Call Center No. 1535 သို့ ဖုန်းခေါ်ဆို၍ ဆက်သွယ်တိုင်ကြားမှုများ ပြုလုပ်နိုင်ကြောင်းနှင့် စားသုံးသူရေးရာဦးစီးဌာနသည် စားသုံးသူများ၏ နစ်နာမှုများကို တိုင်ကြားလာလျှင် စားသုံးသူနှင့် စီးပွားရေးလုပ်ငန်းရှင်များအကြား ညှိနှိုင်းဖြေရှင်း ဆောင်ရွက်ပေးလျက်ရှိကြောင်း အသိပညာပေးခဲ့ပြီး မိမိတို့ရရှိသွားသော အသိပညာများကိုလည်း အခြားသူများအား ပြန်လည်မျှဝေ အသိပေးရန် ဟောပြောခဲ့ကြောင်း သိရှိရပါသည်။

DOCA(ရန်ကုန်)