စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေ တို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၂၀၂၅ ခုနှစ်၊ ဧပြီလ (၁) ရက်နေ့မှ (၁၁) ရက်နေ့ အတွင်းတွင် ပြည်ခရိုင်၊ ပြည်မြို့နယ်၊ နဝဒေးရပ်ကွက် တိုးချဲ့စက်မှုဇုံလမ်းရှိ “TMS” သောက်ရေသန့်လုပ်ငန်း၊ ရွာဘဲရပ်ကွက်၊ ဗိုလ်ချုပ်လမ်းရှိ “ခြစ်သည်” ဒိန်ချဉ်နှင့် ရွှေရင်အေးလုပ်ငန်း၊ ရွှေကူရပ်ကွက် ဆေးရုံလမ်းတိုရှိ “ခြင်္သေ့မင်း” အမှတ်တံဆိပ် တိုင်းရင်းဆေးထုတ်လုပ်ရောင်းဝယ်သည့်လုပ်ငန်း၊ အမှတ်(၃၄၅)နဝင်း(၁၂)လမ်းရှိ “Sun Power” ဖျော်ရည်မျိုးစုံလုပ်ငန်း၊ ပေါက်ခေါင်းမြို့နယ်တွင် အမှတ်(၄)ရပ်ကွက် အထကကျောင်းအနီးရှိ ဒေါ်ဆိတ်မဣစ္ဆိတံနှင့် မုန့်ကြိုးလိမ်လုပ်ငန်းသို့ လည်းကောင်းသက်ဆိုင်ရာ မြို့နယ်တာဝန်ခံနှင့် ဝန်ထမ်းများသည် သွားရောက်၍ ဈေးကွက် မရောက်မီ ကုန်စည်များတွင် ကုန်အညွှန်း အမှတ်အသားပါ သတ်မှတ်ချက်များနှင့် ကိုက်ညီမှုရှိသော ကုန်စည် များကို တင်သွင်း ရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှု ရှိ/မရှိ ဈေးကွက် စောင့်ကြည့်စစ်ဆေး ခဲ့ပါကြောင်းနှင့် စောင့်ကြည့် စစ်ဆေးခဲ့သည့် ကုန်စည်များတွင် ကုန်အညွှန်း အမှတ်အသား ဖေါ်ပြချက်များနှင့် ကိုက်ညီမှုရှိပါကြောင်း သတင်းရရှိပါသည်။

DOCA(ပဲခူး)

          စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့် ပြည်ခရိုင် အတွင်းရှိ ဈေးကွက်များတွင် ရောင်းချလျက်ရှိသော ဆောက်လုပ်ရေးလုပ်ငန်းသုံးပစ္စည်းများ၏ ဈေးနှုန်းများ အဆမတန် မြှင့်တင်ရောင်းချမှုမရှိစေရေး၊ ပစ္စည်းပြတ်လပ်မှုမရှိစေရေးရည်ရွယ်၍ ၂၀၂၅ခုနှစ် ဧပြီလ ၇ရက် နံနက်ပိုင်းတွင် ပြည်မြို့ပေါ်ရှိ အိမ်ဆောက်ပစ္စည်းလက်လီ/လက်ကား ရောင်းချနေသော “ဘရူနိုင်း” အိမ်ဆောက်ပစ္စည်းအရောင်းဆိုင်၊ “ခေတ်သစ်” အိမ်ဆောက်ပစ္စည်း အရောင်းဆိုင်၊ “လှစိုးနှင့်ညီမများ” အိမ်ဆောက်ပစ္စည်းအရောင်းဆိုင်ကြီးများသို့ ပြည်ခရိုင် စီမံအုပ်ချုပ်ရေးကောင်စီဥက္ကဌ ဦးဆောင်သော ကုန်ဈေးနှုန်းတည်ငြိမ်‌ေ၍ရး အဖွဲ့ဝင်များနှင့် ပူးပေါင်း၍ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ယင်းသို့ကွင်းဆင်းစစ်ဆေးခြင်းများ ဆောင်ရွက်ရာ အိမ်ဆောက်ပစ္စည်းအရောင်းဆိုင်များ တွင်HRB-400၊ HRB-500 သံချောင်းများ၏ ဈေးနှုန်းမှာ ယခင်ထက် ဈေးအနည်းငယ်ပိုပြီး ပစ္စည်းများပြတ်လပ်မှုမရှိကြောင်း၊ U Bean, Angel Bar,H Bean များနှင့် သွပ်ပြားအမျိုးမျိုးတို့မှာ သိသိသာသာဈေးနှုန်းပြောင်းလဲမှုမရှိပဲ ဈေးကွက်အတွင်းပစ္စည်းပြတ်လပ်မှုမရှိကြောင်း၊ ဘိလပ်မြေ တံဆိပ်အမျိုးမျိုးအနေဖြင့် ဈေးကွက်အတွင်း ပစ္စည်းများပြတ်လပ်နေပြီး ရန်ကုန်မှ အဝင်မရှိကြောင်း ကွင်းဆင်း စိစစ်တွေ့ရှိခဲ့ရာ ပြည်ခရိုင်အတွင်း ဈေးကွက်များတွင် ရောင်းချလျက်ရှိသော ဆောက်လုပ်ရေး လုပ်ငန်းသုံးပစ္စည်းများအား ဈေးနှုန်းများ အဆမတန်မြှင့်တင် ရောင်းချမှု မရှိပါကြောင်းနှင့် ဘိလပ်မြေအိတ်များသာ ဈေးကွက်အတွင်း ပစ္စည်းများပြတ်လပ်မှုရှိနေကြောင်း သတင်းရရှိပါသည်။

DOCA(ပဲခူး)

         ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ဒိုက်ဦးမြို့နယ်တာဝန်ခံရုံးအနေဖြင့် စားသုံးသူကာကွယ်ရေးလုပ်ငန်းများ၊ ကုန်ဈေးနှုန်းတည်ငြိမ်ရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ၁၁.၄.၂၀၂၅ ရက်နေ့၌ ဒိုက်ဦးမြို့ပေါ်တွင် လက်လီလက်ကား ရောင်းချလျက်ရှိသော ဘိလပ်မြေအရောင်းဆိုင်များအား မြို့နယ်ကုန်ဈေးနှုန်းတည်ငြိမ်ရေးအဖွဲ့များနှင့်အတူ သွားရောက်စစ်ဆေးခဲ့ကြောင်း သိရှိရပါသည်။

           ပြင်းအား ၇.၇ ရစ်(ခ်)တာစကေးရှိ အင်အားအလွန်ပြင်းထန်သည့် မြေငလျင်လှုပ်ခတ်ပြီး နောက် ဆောက်လုပ်ရေးလုပ်ငန်းသုံးပစ္စည်းများဖြစ်သော (ဘိလပ်မြေ၊ သွပ်၊ သံချောင်း) စသည်တို့ ပြတ်လပ်မှုမရှိစေရန် စားသုံးသူရေးရာဦးစီးဌာန၊ ဒိုက်ဦးမြို့နယ်တာဝန်ခံရုံးမှ မြို့နယ်တာဝန်ခံ ဦးကျော်သက်မိုး၊ မြို့နယ်ကုန်ဈေးနှုန်းတည်ငြိမ်ရေးအဖွဲ့များ ဖြစ်ကြသော ဒိုက်ဦးမြို့နယ် အထွေထွေ အုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးအဖွဲ့၊ စည်ပင်သာယာရေးအဖွဲ့၊ မြို့နယ်ရဲတပ်ဖွဲ့တို့ နှင့်အတူ ဒိုက်ဦးမြို့ပေါ်တွင် လက်လီလက်ကားရောင်းချလျက်ရှိသော ဘိလပ်မြေ အရောင်းဆိုင်များအား ကွင်းဆင်းစစ်ဆေးခဲ့ပါသည်။ ကွင်းဆင်းစစ်ဆေးရာတွင် ဆောက် လုပ်ရေးလုပ်ငန်းတွင် အဓိကအသုံးပြုလျက်ရှိသော (ဘိလပ်မြေ၊ သွပ်၊ သံချောင်း) စသည့် ကုန်ပစ္စည်းများအား ဈေးကွက်အတွင်း ဈေးနှုန်းမြှင့်တင်ရောင်းချခြင်းရှိ/ မရှိ၊ ပစ္စည်းများပြတ်လပ်မှု ရှိ/ မရှိနှင့် ကုန်ပစ္စည်းများအား ဈေးကစားရန် ရည်ရွယ်ချက်ဖြင့် သိုလှောင်ထားခြင်းမပြုရန် အသိပညာပေးဟောပြောကာ ကွင်းဆင်းစစ်ဆေးခဲ့ကြကြောင်း သတင်းရရှိပါသည်။

DOCA(ပဲခူး)

            ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ကျောက်တံခါးမြို့နယ်တာဝန်ခံရုံးအနေဖြင့် စားသုံးသူကာကွယ်ရေးလုပ်ငန်းများ၊ ကုန်ဈေးနှုန်းတည်ငြိမ်ရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ၂၈.၄.၂၀၂၅ ရက်နေ့၌ ကျောက်တံခါးမြို့ပေါ်တွင် လက်လီလက်ကား ရောင်းချလျက်ရှိသော ဘိလပ်မြေအရောင်းဆိုင်များအား မြို့နယ်ကုန်ဈေးနှုန်းတည်ငြိမ်ရေးအဖွဲ့များ နှင့်အတူ သွားရောက်စစ်ဆေးခဲ့ကြောင်း သိရှိရပါသည်။

            ပြင်းအား ၇.၇ ရစ်(ခ်)တာစကေးရှိ အင်အားအလွန်ပြင်းထန်သည့် မြေငလျင်လှုပ်ခတ်ပြီးနောက် ဆောက်လုပ်ရေးလုပ်ငန်းသုံးပစ္စည်းများဖြစ်သော (ဘိလပ်မြေ၊ သွပ်၊ သံချောင်း) စသည်တို့ ပြတ်လပ်မှုမရှိစေရန် စားသုံးသူရေးရာဦးစီးဌာန၊ ကျောက်တံခါးမြို့နယ်တာဝန်ခံရုံးမှ မြို့နယ် တာဝန်ခံ ဒေါ်တင်တင်စန်း၊ မြို့နယ်ကုန်ဈေးနှုန်းတည်ငြိမ်ရေးအဖွဲ့များ ဖြစ်ကြသော ကျောက်တံခါး မြို့နယ် အထွေထွေ အုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးအဖွဲ့၊ စည်ပင်သာယာရေးအဖွဲ့၊ မြို့နယ်ရဲတပ်ဖွဲ့တို့ နှင့်အတူ ကျောက်တံခါးမြို့ပေါ်တွင် လက်လီလက်ကားရောင်းချလျက်ရှိသော ဘိလပ်မြေအရောင်းဆိုင်များအား ကွင်းဆင်းစစ်ဆေးခဲ့ပါသည်။ ကွင်းဆင်းစစ်ဆေးရာတွင် ဆောက် လုပ်ရေးလုပ်ငန်းတွင် အဓိကအသုံးပြုလျက်ရှိသော (ဘိလပ်မြေ၊ သွပ်၊ သံချောင်း) စသည့် ကုန်ပစ္စည်းများအား ဈေးကွက်အတွင်း ဈေးနှုန်းမြှင့်တင်ရောင်းချခြင်းရှိ/ မရှိ၊ ပစ္စည်းများပြတ်လပ်မှု ရှိ/ မရှိနှင့် ကုန်ပစ္စည်းများအား ဈေးကစားရန် ရည်ရွယ်ချက်ဖြင့် သိုလှောင်ထားခြင်းမပြုရန် အသိပညာပေးဟောပြောကာ ကွင်းဆင်းစစ်ဆေးခဲ့ကြကြောင်း သတင်းရရှိပါသည်။

DOCA(ပဲခူး)

              စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော် ဦးဆောင်သော ခရိုင်ဦးစီးမှူးရုံးမှ စားသုံးသူရေးရာဌာနခွဲနှင့် ထုတ်ကုန်လုံခြုံစိတ်ချရမှုဌာနခွဲ တာဝန်ခံ၊ တောင်ငူမြို့နယ် ဒုတိယမြို့နယ် တာဝန်ခံတို့ပါဝင်သော အဖွဲ့သည် ခရိုင်အစား အသောက် နှင့် ဆေးဝါးကွပ်ကဲရေးဦးစီးဌာန၏ ညှိနှိုင်းချက်အရ ဧပြီလ ၂၄ ရက်နေ့ နံနက်ပိုင်းက တောင်ငူမြို့ တွင် အစားအသောက်၊ အလှကုန်နှင့် အိမ်သုံးဆေးဝါးများ ဈေးကွက်စောင့်ကြည့် စစ်ဆေးရာတွင် ပူးပေါင်းပါဝင်ဆောင်ရွက်ခဲ့ပါသည်။

              ပူးပေါင်းအဖွဲ့သည် ညောင်ပင်ဈေးရှိ ကုန်စုံဆိုင်များနှင့် အလှကုန်ဆိုင်များတွင် ရောင်း ချ လျှက်ရှိသော စားသောက်ကုန်များနှင့် အလှကုန်ပစ္စည်းများတွင် ခွင့်မပြုဓါတု ဆေးဝါးများ ပါဝင်မှု ရှိ/ မရှိနှင့် သက်တမ်းလွန်/မလွန်တို့ကိုလည်းကောင်း၊ အမှတ်(၂၃)ရပ်ကွက် ခြင်္သေ့ဦးရှိ ဆေးဆိုင်များ၌ တရားမဝင်ဆေးဝါးများရောင်းချခြင်းရှိ/မရှိနှင့် သက်တမ်းလွန်/ မလွန်တို့ကို လည်းကောင်း စစ်ဆေးခဲ့ပါသည်။

              ပူးပေါင်းအဖွဲ့တွင် ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန ခေတ္တခရိုင် တာဝန်ခံ ဒေါ်သူသူအောင်၊ မြို့နယ်စည်ပင်သာယာရေးအဖွဲ့ ဦးစီးအရာရှိ ဦးအောင်ကိုကို၊ အထွေထွေ အုပ်ချုပ်ရေးဦးစီးဌာမှ ဒုတိယဦးစီးမှူး ဒေါ်သီတာစိုးနှင့် မြို့နယ်ပြည်သူ့ ကျန်းမာရေး ဦးစီးဌာန ကျန်းမာရေးကြီးကြပ်(၁) ဦးမိုးကျော်သူတို့ ဦးဆောင်သောဝန်ထမ်းများ ပါဝင်ကြောင်း သိရပါသည်။

DOCA(ပဲခူ)