HighLight News

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မိတ္ထီလာခရိုင် ဦးစီးမှူးရုံးအနေဖြင့် စားသုံးသူကာကွယ်ရေးအသိပညာပေးဟောပြောပွဲများ၊ စီးပွားရေးလုပ်ငန်းရှင်များနှင့် တွေ့ဆုံပြီး ဥပဒေ၊ အမိန့်နှင့်ညွှန်ကြားချက် များအားရှင်းလင်းဆွေးနွေးခြင်းများ ဆောင်ရွက်လျက်ရှိသည့်အပြင် ထုတ်ကုန်လုံခြုံစိတ်ချမှုရှိစေရေးနှင့် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြရေးအတွက် ဈေးကွက်စောင့်ကြည့်စစ်ဆေးခြင်းများနှင့် အထူးဈေးကွက်စောင့်ကြည့်စစ်ဆေးခြင်းများကို ဆောင်ရွက်လျက်ရှိရာ (၂၃-၅- ၂၀၂၄) ရက်နေ့၊ နံနက် (၁၀:၀၀) နာရီအချိန်မှစတင်၍ စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏လမ်းညွှန်ချက်ဖြင့် ပျော်ဘွယ်မြို့နယ်တာဝန်ခံသည် အထွေထွေအုပ်ချုပ်ရေးဦးစီးဌာန မြို့နယ်ပြည်သူ့ကျန်းမာရေးဦးစီးဌာန၊ မြို့နယ် စည်ပင်သာယာရေး အဖွဲ့တို့နှင့်ပူးပေါင်း၍ ဆေးနှင့်ဆေးပစ္စည်းအရောင်းဆိုင် (၅) ဆိုင်ရှိ ဆေးနှင့် ဆေးပစ္စည်းများအား အထူးဈေးကွက်စောင့်ကြည့်စစ်ဆေးခဲ့ပါသည်။

    ထိုသို့ဆောင်ရွက်ရာတွင် စာသုံးသူပြည်သူများဘေးအန္တရာယ်ကင်းရှင်းစေရေးအတွက် မြန်မာနိုင်ငံဆေးဝါးမှတ်ပုံတင်အမှတ်မပါရှိသည့် တရားမဝင်ဆေးဝါးများနှင့် Online ပေါ်မှတဆင့် ဖြန့်ချိရောင်းချနေသော တရားမဝင်ဆေးဝါးများရောင်းချနေမှုရှိ/ မရှိစစ်ဆေးခြင်း၊ သက်တမ်းကုန်လွန်သော ဆေးဝါးများနှင့် ဆေးပစ္စည်းများရောင်းချနေမှုရှိ/ မရှိ စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

DOCA(မန္တလေး)

      ပြည်ထောင်စုဝန်ကြီး၏ လမ်းညွှန်မှာကြားချက်အရ ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးဦးဆောင်၍ မြို့နယ် ပြည်သူ့ကျန်းမာရေးဦးစီးဌာနမှ ဒေါက်တာဟေမာဇော်၊ အစားအသောက်နှင့်ဆေးဝါးကွပ်ကဲရေးဦးစီးဌာန(ရန်ကုန်)မှ ဒေါက်တာအောင်ကိုကို၊ မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူး ဦးတင်လှမောင်  စသည့်ဌာနများပူးပေါင်း၍ ၂၇-၅-၂၀၂၄ ရက်နေ့၊ နေ့လယ် (၁၂း၃၀) နာရီအချိန်တွင်  အမှတ် (25)၊ အလယ်ဘလောက်၊ ပထမထပ်၊ (၅၂) လမ်း၊ ဗိုလ်တထောင်မြို့နယ်ရှိ Top Winner Co.,Ltd မှ ဒါရိုက်တာ ဒေါက်တာရွှေစင်ဝင်းနှင့်သွားရောက်တွေ့ဆုံ၍ ဆေးကုမ္ပဏီအတွင်းရှိ ဆေးဝါးများအား စစ်ဆေးမှုများပြုလုပ်ခဲ့ကြောင်းသိရှိရပါသည်။

       ထိုသို့စစ်ဆေးရာတွင် ဆေးကုမ္ပဏီတွင် ဆေး(8)မျိုးရှိပြီး၊ သွေးတိုးကျဆေး၊ အအန်ပျောက်ဆေး၊ အကိုက်အခဲပျောက်ဆေး၊ ကိုယ်ခံအားကောင်းဆေးများဖြစ်ပြီး အဆိုပါ ဆေးများဝယ်ယူသည့်အရေအတွက်၊ သိုလှောင်ရုံပစ္စည်းလက်ကျန်၊ သိုလှောင်သည့်နေရာ၊ ဝယ်ယူသည့်ဈေးနှုန်း၊ ရောင်းချသည့်ဈေးနှုန်း၊ ပစ္စည်းပြတ်လပ်မှုရှိ/မရှိ၊ ဖြစ်သင့်ဖြစ်ထိုက်သည့်‌ဈေးနှုန်းထက် ဈေးနှုန်းမြှင့်တင်ရောင်းချမှုရှိ/ မရှိတို့ကိုစစ်ဆေးခဲ့ကြောင်း သတင်းရရှိပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးဦးလှစိုးနှင့်တာဝန်ရှိ ဝန်ထမ်းများသည် ၂၄.၅.၂၀၂၄ ရက်နေ့၊ နံနက် (၁၀:၀၀) နာရီအချိန်တွင် တာမွေမြို့နယ်၊ အထွေထွေ အုပ်ချုပ်‌ရေးဦးစီးဌာနရှိ ဝန်ထမ်းများအား စားသုံးသူကာကွယ်ရေးဥပဒေအကြောင်း အသိပညာပေးဟောပြောပွဲဆောင်ရွက်ခဲ့ကြောင်း သတင်းရရှိပါသည်။

      အဆိုပါဟောပြောပွဲတွင် ခရိုင်ဦးစီးမှူးက ပထမဦးစွာ စားသုံးသူကာကွယ်ရေးဥပဒေပေါ်ပေါက်လာပုံ၊ မြန်မာနိုင်ငံတွင် စားသုံးသူကာကွယ်ရေးဥပဒေကို ၂၀၁၉ခုနှစ်၊ မတ်လ ၁၅ရက်နေ့တွင် ပြည်ထောင်စုလွှတ်တော်ဥပဒေအမှတ် ၉ဖြင့်ပြဋ္ဌာန်းခဲ့ကြောင်း၊ ဥပဒေတွင် အခန်း (၂၅)ခန်းနှင့် ပုဒ်မ(၈၃)ခုပါရှိကြောင်း၊ စားသုံးသူကာကွယ်ရေးဥပဒေအရ အသိပညာပေးခြင်းလုပ်ငန်းများနှင့် ဈေးကွက်စောင့်ကြည့်စစ်ဆေးခြင်းလုပ်ငန်းများကို ဦးစားပေးဆောင်ရွက်လျက်ရှိကြောင်း၊ စားသုံးသူပြည်သူများ ကုန်စည်နှင့်ဝန်ဆောင်မှုများ ဝယ်ယူသုံးစွဲမှုနှင့်ပတ်သက်၍ နစ်နာမှုများရှိပါက တိုင်ကြားနိုင်ကြောင်းနှင့် တိုင်ကြားမှုများကိုလည်း ညှိနှိုင်းဖြေရှင်းဆောင်ရွက်ပေးပါကြောင်း၊ ဥပဒေပါ ရည်ရွယ်ချက်၊ ကော်မရှင်/ကော်မတီဖွဲ့စည်းခြင်း၊ စစ်ဆေးရေးအရာရှိ၏လုပ်ငန်းတာဝန်များ၊ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြချက်များ၊ ပြစ်မှုနှင့်ပြစ်ဒဏ်များကို အကျယ်တဝင့်ဆွေးနွေးပေးခဲ့ရာ ဆွေးနွေးပွဲသို့ (၁၂)ဦးတက်‌ရောက်ခဲ့ကြောင်း သတင်းရရှိပါသည်။

DOCA(ရန်ကုန်)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ရေးဥပဒေအရ စားသုံးသူကာကွယ်ရေးလုပ်ငန်းများအပြင် ဒေသတွင်းရှိ MSMEs လုပ်ငန်းများဖွံ့ဖြိုးတိုးတက်စေရေးလုပ်ငန်းရှင်နှင့် ကွင်းဆင်းတွေ့ဆုံမှုများဆောင်ရွက်လျက်ရှိကြောင်း၊ ၂၀၂၄ခုနှစ်၊ မေလ ၂၈ရက်နေ့၊ နံနက် (၀၉:၃၀) နာရီအချိန်အတွင် ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဝန်ထမ်း(၁)ဦးတို့သည် ကန့်ဘလူမြို့၊ အမှတ်(၃)ရပ်ကွက်ရှိ “သိန်းသန်းဖြိုး” ဆီစက်လုပ်ငန်းသို့သွားရောက်ကာ ဆီစက်လုပ်ငန်းရှင်နှင့် တွေ့ဆုံခဲ့ကြောင်းသိရသည်။

     ထိုသို့ကွင်းဆင်းတွေ့ဆုံရာတွင် တာဝန်ခံဦးမျိုးဝင်းသန်းက ဒေသတွင်းစားသုံးဆီကုန်ကြမ်းထွက်ရှိမှု၊ ဆီစက်များ၏ ကုန်ချောထုတ်လုပ်မှုအခြေအနေများကိုမေးမြန်းခဲ့ရာ လုပ်ငန်းရှင်က ကန့်ဘလူမြို့နယ်တွင် ဆီထွက်သီးနှံအနေဖြင့် မြေပဲ၊ နှမ်း၊ နေကြာ စသည့်သီးနှံများအနက် မြေပဲသီးနှံကိုသာအများဆုံးစိုက်ပျိုးကြကြောင်း၊ ဒေသတွင်းဆီစက်များအနေဖြင့် နဝလီကြိတ်ခွဲကြသည့်အတွက် လာရောက်ကြိတ်ခွဲသူရှိမှသာ လည်ပတ်ရကြောင်း၊ မိမိတို့အနေဖြင့် ကုန်ကြမ်းများဝယ်ယူပြီး ကြိတ်ခွဲရောင်းချမှုမရှိကြောင်း၊ စက်ကြိတ်ခရသည့် မြေပဲဆီအနည်းငယ်ကိုသာ ပြန်လည်ရောင်းချပေးကြောင်း၊ နောင်တွင် ဈေးကွက်ဝယ်လိုအားပေါ်မူတည်၍ ထုတ်လုပ်ရောင်းချသွားရန် အစီအစဉ်ရှိကြောင်း၊ စားသုံးသူများအတွက် ဈေးနှုန်းမှန်ကန်ပြီး အရည်အသွေးပြည့်မီသော မြေပဲဆီများရောင်းချနိုင်ရေး ကြိုးစားဆောင်ရွက်လျက်ရှိကြောင်းနှင့် ပေါင်းစပ်ညှိနှိုင်းဆောင်ရွက်ရမည့်ကိစ္စများတွင် ဌာနနှင့်ပူးပေါင်းဆောင်ရွက်သွားမည်ဖြစ်ကြောင်း ဆွေးနွေးခဲ့ကြပြီး စီးပွားရေးလုပ်ငန်းရှင်၏တာဝန်များပါ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူး၏ လမ်းညွှန်ချက်အရ ကန့်ဘလူခရိုင်ဦးစီးမှူး၏ကွပ်ကဲမှုအောက်ရှိ ကျွန်းလှမြို့နယ်တာဝန်ခံ ဒေါ်ဝေဝေအောင်သည် ၂၀၂၄ခုနှစ်၊ မေလ(၂၄)ရက်နေ့၊ နံနက်(၁၀း၀၀)နာရီအချိန်တွင် စစ်ကိုင်းတိုင်းဒေသကြီး၊  ကန့်ဘလူခရိုင်၊ ကျွန်းလှမြို့ပေါ်ရပ်ကွက်များရှိ ဘိလပ်မြေအရောင်းဆိုင် (၃)ဆိုင်သို့ သွားရောက်ကွင်းဆင်းစစ်ဆေးခြင်းဆောင်ရွက်ခဲ့ပါသည်။

       ထိုသို့ကွင်းဆင်းစစ်ဆေးရာ ကျွန်းလှမြို့နယ်အတွင်းရောင်းချနေသော ဘိလပ်မြေအရောင်းဆိုင်များတွင်  ဘိလပ်မြေအမျိုးအစားများ၊ တစ်အိတ်ချင်းစီ၏ တစ်အိတ်ဈေးနှုန်း၊ ပစ္စည်းပြတ်လတ်မှုရှိ/မရှိ ကုန်ပစ္စည်းလက်ကျန်အခြေအနေမျာကိုသိရှိနိုင်ရန် မြေပြင်ကွင်းဆင်းစစ်ဆေးမှုများပြုလုပ်၍ တိုင်းဒေသ ကြီးဦးစီးမှူးရုံးသို့ အပတ်စဉ်ပေးပို့တင်ပြပေးလျက်ရှိကြောင်း သတင်းရရှိပါသည်။

      မြေပြင်ကွင်းဆင်းစစ်ဆေးဆောင်ရွက်မှုပြုလုပ်ရာတွင် ကျွန်းလှမြို့နယ်အတွင်းရှိ စားသုံးသူပြည်သူများ အလွယ်တကူဝယ်ယူအသုံးပြုနိုင်ရန်နှင့် ဈေးနှုန်းအဆမတန်မြှင့်တင်ဝယ်ယူရခြင်းများမဖြစ်ပေါ်စေရေးအတွက် ဘိလပ်မြေရောင်းချသည့်ဆိုင်များသို့ ဘိလပ်မြေဝယ်ယူရရှိမှုအခြေအနေ၊ ဖြန့်ဖြူးရောင်းချမှုနှင့် ဈေးနှုန်းဈေးကွက်အခြေအနေတို့အားမေးမြန်းစုံစမ်းရာ ဈေးကွက်အနေဖြင့် ကျွန်းလှမြို့နယ်အတွင်း ဖြန့်ဖြူးရောင်းချပေးလျက်ရှိကြောင်းနှင့် ဈေးနှုန်းအနေဖြင့် ကြံ့နှစ်ကောင်အမှတ်တံဆိပ် ဘိလပ်မြေဈေးနှုန်းမှာ တစ်အိတ်လျှင် ကျပ်၁၄၀၀၀၊ CROWN အမှတ်တံဆိပ် 525 အမျိုးအစားတစ်အိတ်လျှင် ကျပ်၁၆၀၀၀၊ CROWN အမှတ်တံဆိပ် 425 အမျိုးအစား ဘိလပ်မြေတစ်အိတ်လျှင် ကျပ်၁၅၅၀၀တို့ဖြင့် ဈေးနှုန်းအတက်အကျပေါ်မူတည်၍ ရောင်းချပေးလျက်ရှိကြောင်းနှင့် ဘိလပ်မြေဆိုင်များတွင် ပစ္စည်းပြတ်လတ်မှုမရှိကြောင်း၊ ကုန်ပစ္စည်းလက်ကျန်ရှိကြောင်း မေလ၊ တတိယအပတ်ထက် ဈေးနှုန်း အနည်းငယ်ထပ်မံကျဆင်းလျက်ရှိကြောင်းသိရှိခဲ့ရပါသည်။

DOCA(စစ်ကိုင်း)