HighLight News

    ပြည်ထောင်စုဝန်ကြီး၏ လမ်းညွှန်မှာကြားချက်အရ ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်တင်စိုးနှင့်ဝန်ထမ်းများသည် 24-5-2024 ရက်နေ့၊ နံနက် (10း00) နာရီအချိန်တွင် အမှတ် (၅၆၁)၊ အမှတ်(၄)လမ်းမကြီး၊ ရွှေပြည်သာမြို့နယ်ရှိ Steel နှင့် H-Beam များကိုအသုံးပြုထုတ်လုပ်ထားသော ဆောက်လုပ်ရေးလုပ်ငန်းသုံးပစ္စည်းများထုတ်လုပ်သည့် ကုန်ချောစက်ရုံသို့သွားရောက်၍ စက်ရုံပိုင်ရှင် ဦးမောင်မောင်အုန်းနှင့်တွေ့ဆုံမေးမြန်းရာ သွင်းကုန်လိုင်စင်အခက်အခဲရှိပြီး တစ်လလျှင် H-Beam & I-Beam, Galvanzied Iron Sheet In Coil, Prime Pre-Painted Galvanzied Iron Sheet In Coil, Opp Insulator, Mild Steel Sheets, Opp Glue, Bolts & Nuts, Screws ကုန်ကြမ်းလိုအပ်ချက် (821) MT လိုအပ်ပြီး စက်ရုံ၌ ကုန်ကြမ်းလက်ကျန်လည်းမရှိတော့ကြောင်း ကွင်းဆင်းစစ်ဆေးမှုအရသိရှိခဲ့ရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးတွင် ၆-၅-၂၀၂၄ ရက်နေ့တွင် ကြာသပတေးနေ့စကားဝိုင်းအစီအစဉ် Thursday Talk ကျင်းပပြုလုပ်ခဲ့ပါသည်။ စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ ဒုတိယတိုင်းဒေသကြီးဦးစီးမှူး ဦးမြင့်အောင်နှင့်တကွ အရာထမ်းများ၊ အမှုထမ်းများ၊ စုစုပေါင်း ၃၄ဦးတက်ရောက်ခဲ့ကြပါသည်။ အခမ်းအနားစတင်ချိန်တွင် ဒုတိယတိုင်းဒေသကြီးဦးစီးမှူး ဦးမြင့်အောင်က အဖွင့်အမှာစကားပြောကြားခဲ့ပါသည်။ ထို့နောက် ရန်ကုန်တိုင်းဒေသကြီးဦးစီးမှူးရုံး၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲမှ ဒေါ်စန္ဒာဝင်း (ဦးစီးအရာရှိ) က “သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲအကြောင်းသိကောင်းစရာများ” ခေါင်းစဉ်ဖြင့် ဌာနခွဲ၏လုပ်ဆောင်ချက်များကို အသိပညာပေးရှင်းလင်းပြောကြားခဲ့ပါသည်။ ၎င်းနောက် ဌာနခွဲ၏ မျှော်မှန်းချက်နှင့် ရည်မှန်းချက်၊ ဌာနခွဲ၏တာဝန်များ၊ ICT လုပ်ငန်းဆောင်ရွက်ချက်များ၊ အရည်အသွေးစီမံခန့်ခွဲမှုလုပ်ငန်းဆောင်ရွက်ချက်များ၊ ဌာန၏လုပ်ဆောင်ချက်များ၊ Video Clip ပြုလုပ်ခြင်းများကို ရှင်းလင်း‌ပြော ကြားခဲ့ပါသည်။ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲသည် ဌာန၏ Website ဖြစ်သော www. doca. gov. mm ကိုထိန်းသိမ်းခြင်း၊ စီမံခန့်ခွဲခြင်းနှင့် သတင်းဆောင်းပါးများလွှင့်တင်ခြင်း၊ ကွန်ပျူတာအပါအဝင် ICT ဆက်စပ်ပစ္စည်းများ၊ Network ပစ္စည်းများ၊ Server ပြုပြင်ထိန်းသိမ်းခြင်းဆိုင်ရာပစ္စည်းများဝယ်ယူဖြည့်တင်းခြင်း၊ စားသုံးသူအသိပညာပေးမီဒီယာကမ်ပိန်းများကျင်းပခြင်း၊ Consumer Call Center တည်ထောင်ထားရှိခြင်း၊ ဝန်ထမ်းများ၏ လစာစရိတ်တွက်ချက်သည့် Government Employees Payroll System (GEPS) Software နှင့် ဌာနရှိပုံသေပိုင် ၉မျိုးနှင့်ပတ်သက်သည့် Fixed Assets Reporting Software တို့ကိုရေးဆွဲအသုံးပြုခြင်း၊ ပြည်တွင်းပြည်ပမှ ထုတ်လုပ်တင်သွင်းလာသော ကုန်ပစ္စည်းများ၏အရည်အသွေးများကို ဓာတ်ခွဲစစ်ဆေး၍ Test Report ထုတ်ပေးခြင်းဖြင့် စားသုံးသူကာကွယ်ပေးရေးလုပ်ငန်းများ အဆင်ပြေချောမွေ့စေရန် ကူညီပေးခြင်း၊ ဓာတ်ခွဲနည်းပညာများ အစဉ်တိုးတက်မှုရှိစေရေးအတွက် ပြည်တွင်း/ ပြည်ပဓာတ်ခွဲခန်းများနှင့်ချိတ်ဆက်၍ ရင်ဘောင်တန်းလိုက်နာဆောင်ရွက်ခြင်း၊ ပို့ကုန်အရည်အသွေးစီမံခန့်ခွဲရေးဆိုင်ရာကိစ္စရပ်များတွင် ပူးပေါင်းဆောင်ရွက်ခြင်း၊ စိုက်ပျိုးရေးအခြေခံထုတ်ကုန်စံချိန်စံညွန်းများ‌ရေးဆွဲခြင်းနှင့် နည်းပညာဆိုင်ရာစည်းမျဉ်းများ ရေးဆွဲခြင်းတို့ကို ဆောင်ရွက်လျက်ရှိကြောင်း သိရှိရပါသည်။

    ထို့နောက် ဒုတိယတိုင်းဒေသကြီးဦးစီးမှူး ဦးမြင့်အောင်က နိဂုံးချုပ်အမှာစကားပြောကြားခဲ့ပြီး ဆွေးနွေးပြောကြားခဲ့သည့် ဒေါ်စန္ဒာဝင်း (ဦးစီးအရာရှိ) အား ဆုချီးမြှင့်ပေးအပ်ခဲ့ကာ အခမ်းအနား အောင်မြင်စွာပြီးမြောက်ခဲ့ကြောင်းသိရှိရပါသည်။

DOCA(ရန်ကုန်)

      ၂၀၂၄ ခုနှစ်၊ မေလ  ၂၃ ရက်နေ့၊ နံနက် (၁၀:၀၀) နာရီအချိန်တွင် စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းများမှဦးဆောင်၍ တိုင်းဒေသကြီးအထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ မုံရွာမြို့၊ သလ္လာရပ်ကွက်ရှိ ဆေးနှင့်ဆေးပစ္စည်းအရောင်းဆိုင်များအား ကွင်းဆင်းစစ်ဆေးခဲ့ကြောင်း သိရှိရပါသည်။

     ထိုသို့ ကွင်းဆင်းစစ်ဆေးရာတွင် ဆေးနှင့် ဆေးပစ္စည်းအရောင်းဆိုင်မှ စီးပွားရေးလုပ်ငန်းရှင် များအနေဖြင့် ဈေးကွက်အတွင်းဆေးနှင့်  ဆေးပစ္စည်းများ ဈေးနှုန်းမြှင့်တင် ရောင်းချ/ ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် သိုလှောင်းခြင်းမပြုလုပ်ရန်ပြောကြားခဲ့ပြီး၊ ဈေးနှုန်းမြှင့်တင် ရောင်းချ/ ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း၊ ဆေးဆိုင်များ ပုံမှန်ဖွင့်လှစ်ရောင်းချနိုင်ရေး ဆေးပြတ်လပ်မှုမဖြစ်ပေါ်စေရေး အဓိကထားဆောင်ရွက်ရန် ဈေးကွက်အတွင်းတရားမဝင်တင်သွင်းလာသော  ဆေးဝါးများရောင်းချခြင်းမပြုကြရန်၊ သက်တမ်းလွန်ဆေးါးများနှင့် လိုင်စင်မဲ့ဆေးဝါးများရောင်းချခြင်းမပြုရန် သက်ဆိုင်ရာဌာနများ၏ ညွှန်ကြားချက်များ၊ ဥပဒေများအား  လိုက်နာဆောင်ရွက်ကြရန် အသိပညာပေးပြောကြားခဲ့ကြောင်းသိရှိရပါသည်။

DOCA(စစ်ကိုင်း)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊   စားသုံးသူရေးရာဦးစီးဌာနအနေဖြင့် နိုင်ငံတကာအလေ့အကျင့်များအရ စားသုံးသူ၏နစ်နာဆုံးရုံးမှုများကို အရေးဆိုတိုင်ကြားနိုင်ရန်၊ အာဆီယံ Guide Line အရတိုင်ကြားမှုများကို လက်ခံဖြေရှင်းနိုင်ရန်၊ စားသုံးသူအခွင့်အရေးများ အပြည့်အဝရရှိနိုင်ရန်၊ စားသုံးသူ၏နစ်နာမှုများအားအချိန်တိုအတွင်းကုစားဖြေရှင်းပေးနိုင်ရန်ရည်ရွယ်၍ တိုင်းဒေသကြီး/ ပြည်နယ်များနှင့်ခရိုင်များတွင်စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ (CICC)များ ဖွင့်လှစ်၍ ဆောင်ရွက်ခဲ့ကြောင်းသိရှိရပါသည်။

    စစ်ကိုင်းတိုင်းစားသုံးသူရေးရာဦးစီးဌာနအနေဖြင့် စားသုံးသူများဝယ်ယူသုံးစွဲသည့်ကုန်စည် (သို့မဟုတ်) ဝန်ဆောင်မှုများကြောင့် နစ်နာဆုံးရှုံးမှုဖြစ်ပေါ်၍ တိုင်ကြားလာမှုများအား အချိန်နှင့်တပြေးညီ လျင်မြန်စွာဖြေရှင်းဆောင်ရွက်ပေးလျက်ရှိရာမုံရွာမြို့နေ စားသုံးသူက ကလေးခရိုင် တမူးချည်ထည်နှင့် အန္ဒိယမုန့်မျိုးစုံ လက်ကားဖြန့်ဖြူရေး (တမူးမြို့)မှ စွပ်ကျယ်ရောင်စုံ(၆)ထည်အား (၁)ထည်လျှင် (၅၀၀၀)ကျပ်နှုန်းဖြင့် စုစုပေါင်း(၃၀၀၀၀)ကျပ်ကို Online မှဝယ်ယူခဲ့ရာ မူလမှာယူသည့်ပစ္စည်းမဟုတ်ဘဲ လွဲမှားပို့ဆောင်ခြင်းကြောင့်  ပြောင်းလဲရောင်းချပေးခဲ့မှုအပေါ်  ကျေနပ်မှုမရှိပါသဖြင့် အထည်ဖိုးငွေပြန်လည်ရယူလိုကြောင်း စားသုံးသူရေးရာဦးစီးဌာန Website မှတစ်ဆင့်တိုင်ကြားလာခဲ့ပါသည်။ တိုင်ကြားမှုအပေါ်ဖြေရှင်းဆောင်ရွက်ရာ စားသုံးသူရေးရာဦးစီးဌာန၊ကလေးခရိုင်ဦးစီးမှူးရုံးမှ ရောင်းချသူ တမူးချည်ထည်နှင့် အိန္ဒိယမုန့်မျိုးစုံလက်ကားဖြန့်ဖြူးရေး ဆိုင်ပိုင်ရှင်အား တယ်လီဖုန်းဖြင့်ဆက်သွယ်မေးမြန်းပြီး တိုင်ကြားသူဝယ်ယူသော အထည်ပစ္စည်းမှားပို့သည်မှာ မှန်ကန်ပါကြောင်းနှင့် အထည်ဖိုးငွေကြေးကို တိုင်ကြားသူကျေနပ်မှု ရှိစေရန်တာဝန်ယူ၍  KBZ Pay ဖြင့် ငွေပြန်လည်ဖြည့်သွင်းပေးခဲ့ပြီး ဝယ်သူတိုင်ကြားသူဘက်မှလဲအထည်များကို Delivery ဖြင့် ပြန်လည်ပို့ဆောင်ပေးခဲ့ရာ နှစ်ဦးနှစ်ဖက်ကျေနပ်ပြေလည်သွားပြီး  အမှုအားပိတ်သိမ်း၍ နှစ်ဦးသဘောတူညှိနှိုင်းဖြေရှင်း ဆောင်ရွက်ခဲ့ကြောင်းသတင်းရရှိပါသည်။

DOCA(စစ်ကိုင်း)

    စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်အရ ဆန်ဈေးနှုန်းများမြင့်တက်လျက်ရှိသောကြောင့် ဆန်အပါအဝင် အခြေခံစားသောက်ကုန်ပစ္စည်းများ ပြတ်လပ်မှုမရှိစေရေးနှင့် ဈေးနှုန်းကြီးမြင့်မှုမရှိစေရန်တို့အတွက် ဈေးနှုန်းမြှင့်တင်ရောင်းချခြင်း၊ သိုလှောင်ခြင်း၊ ဖြန့်ဖြူးရောင်းချမှုရှိ/ မရှိသိရှိစေရန် အနောက်ပိုင်းခရိုင်ဦးစီးမှူးရုံးမှ ဦးစီးမှူးဦးဆောင်သောအဖွဲ့သည် ၂၁-၅-၂၀၂၄ ရက်နေ့၊ နံနက်(၁၀:၃၀) နာရီအချိန်၊ နံနက် (11း30) နာရီအချိန်နှင့် နေ့လယ် (12း00) နာရီအချိန်တို့တွင် ဆက်စပ်ဌာနများပါဝင်သောအဖွဲ့စုံဖြင့် ဆန်ဂိုဒေါင်နှင့်ဆန်ဆိုင်ကြီးများ အများအပြားရှိသော မရမ်းကုန်းမြို့နယ်၊ဘုရင့်နောင်ကုန်စည်ဒိုင်အတွင်းရှိ ည(၇၈) အာသောကလမ်း၊ သံလွင်ဦးပွဲရုံ၊ စိတ်တိုင်းကျပွဲရုံနှင့် ဦးထွန်းလင်းအေးပွဲရုံတို့သို့သွား‌ရောက်စစ်ဆေးခဲ့ရာ သံလွင်ဦးပွဲရုံတွင် ရွှေဘိုပေါ်ဆန်း၊ ဧရာဝတီပေါ်ဆန်း၊ မော်ကျွန်းပေါ်ဆန်းနှင့် ဇီယာဆန်များနှင့်  စိတ်တိုင်းကျပွဲရုံတွင် ဧရာဝတီပေါ်ဆန်းနှင့် ဧည့်မထဆန်းများနှင့် ဦးထွန်းလင်းအေးပွဲရုံတွင် ဧရာဝတီပေါ်ဆန်း၊ ပေါ်ကျွဲ၊ ဇီယာရှယ်နှင့် ရက် (90)ဆန်များမှာ ပုံမှန်အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(ရန်ကုန်)