HighLight News

      စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့၊ အမှတ်(၁၀)ရပ်ကွက် အကျဉ်းဦးစီးဌာနတွင် ၂၀၂၄ခုနှစ်၊ မေလ (၂၄)ရက်နေ့၌ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်၍ ဝန်ထမ်း(၄)ဦးတို့သည် အကျဉ်းဦးစီးဌာနမှ ဝန်ထမ်းနှင့်မိသားစု (၅၀)တို့အား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ကြောင်းသိရှိရပါသည်။

       အဆိုပါဟောပြောပွဲတွင် ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူးဦးဇော်မင်းသိန်းက စားသုံးသူ၏အဓိပ္ပာယ်ဖွင့်ဆိုချက်များ၊ စားသုံးသူအခွင့်အရေးနှင့်လိုက်နာရမည့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ ဒု-ခရိုင်ဦး စီးမှူးဒေါ်နှင်းနှင်းခိုင်က အခန်း(၁၈)ပါ ကုန်အညွှန်းအမှတ်အသားဖော်ပြခြင်းအကြောင်းနှင့် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာ ကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) ပါအကြောင်းများ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့် သက်ဆိုင်သောအကြောင်းများကို မေးမြန်းစုံစမ်းနိုင်သည့် Consumer Call Centerအကြောင်း၊ တိုင်ကြားစာများကို စိစစ်ညှိနှိုင်းဖြေရှင်းပေးသည့်အကြောင်းများကို အသေးစိတ်ရှင်းလင်းဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်းသတင်းရရှိပါသည်။

DOCA(စစ်ကိုင်း)

        စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးလက်အောက်ရှိ မြို့နယ်များတွင် ဖွင့်လှစ်ရောင်းချနေသော စက်သုံးဆီအရောင်းဆိုင်များ၏ နေ့စဉ်အရောင်းဈေးနှုန်းများနှင့် စက်သုံးဆီပြတ်လပ်မှုရှိ/ မရှိတို့ကို ရန်ကုန်တိုင်းဦးစီးမှူးရုံးသို့ နေ့စဉ်ပေးပို့တင်ပြရာ 21-5-၂၀၂၄ ရက်နေ့၊ နံနက် (၁1:၀၀)နာရီအချိန်တွင် အမှတ်(၂၃၅/ခ) မြေတိုင်းရပ်ကွက်အမှတ် (၁၀)၊ ရှု့ခင်းသာမြို့ပတ်လမ်း၊ သာကေတမြို့နယ်ရှိ အသစ်ဖွင့်လှစ်ရောင်းချသည့် Denko (သာကေတ) စက်သုံးဆီအရောင်းဆိုင်အား ခရိုင်ဦးစီးမှူးက သွားရောက်စစ်ဆေးခဲ့ကြောင်းသိရှိရပါသည်။

      ထိုသို့ကွင်းဆင်းစစ်ဆေးရာတွင် ခရိုင်ဦးစီးမှူးက စက်သုံးဆီဆိုင်ဖွင့်လှစ်ခြင်းနှင့်ပတ်သက်၍ သက်ဆိုင်ရာဌာနများမှသတ်မှတ်ထားသည့် စည်းကမ်းချက်များအပြင် မိမိတို့ဌာနအနေဖြင့် စက်သုံးဆီအရောင်းဆိုင်များ၌ နေ့စဉ်ရောင်းချနေသည့် ဆီဈေးနှုန်းများ/ ဆီပြတ်လပ်မှုရှိ/ မရှိ၊ Led board/ ဆိုင်အတွင်း ကားတန်းစီမှုအခြေအနေ/ ဆီကားအဝင်စာရင်းတို့ကို တာဝန်ကျဝန်ထမ်းများက နေ့စဉ်စာရင်းကောက်ယူပြီး တိုင်းဒေသကြီးဦးစီးမှူးရုံးသို့ပေးပို့ရကြောင်း၊ အခါအားလျော်စွာ အထက်မှလမ်းညွှန်ချက်များအရ တာဝန်ပေးသည့်အခါ ဆီကန်များ၏ ဆီကန်ဝင်ဆံ့မှုပမာဏ/ ဆီကန်လက်ကျန်/ ဆီအရောင်းပြေစာ/ ဖြတ်ပိုင်း စသည်ဖြင့် ပေးအပ်သောတာဝန်များကိုလည်းလုပ်ဆောင်ရကြောင်း၊ ဌာနအနေဖြင့် စက်သုံးဆီရောင်းချရာတွင် အရည်အသွေးပြည့်ဝသော စက်သုံးဆီများကိုသာရောင်းချရန်၊ အလေးချိန်မှန်ကန်စွာချင်တွယ်စေရန်၊ သတ်မှတ်ရည်ညွှန်းဈေးအတိုင်းရောင်းချပေးရန်နှင့် စားဿုံးသူပြည်သူများအနေဖြင့် စိတ်ကျေနပ်မှုမရှိပါက တိုင်ကြားလျှင် စားသုံးသူကာကွယ်ရေးဥပဒေအရ အရေးယူခံရမည်ဖြစ်ကြောင်း ဆိုင်တာဝန်ခံ ဦးထွန်းထွန်းဝင်းနှင့်ဆိုင်ဝန်ထမ်းများအား အသိပညာပေးပြောကြားခဲ့ပြီး ဆိုင်အတွင်းအခြေအနေများကိုစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

     စစ်ကိုင်းတိုင်းဒေသကြီး၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကအားထားလုပ်ကိုင်သော ဒေသတစ်ခုဖြစ်ရာ ရာသီအလိုက်သီးနှံများကို စိုက်ပျိုးလျက်ရှိပြီး ယခုအခါ ပဲတီစိမ်းများ စတင်အရောင်းအဝယ်ဖြစ်လျက်ရှိကြောင်းသိရသည်။

         ကန့်ဘလူခရိုင်တွင် ပဲတီစိမ်းများကို ဖေဖော်ဝါရီလနှင့် မတ်လဆန်းပိုင်း၌ စိုက်ပျိုးကြပြီး ၎င်းမှာ မေလတွင် စတင်ထွက်ပေါ်ကြောင်း၊ ယခုအချိန်တွင် ပဲတီစိမ်းများ လှိုင်လှိုင်ထွက်ပေါ် လာသောကြောင့် ဈေးကွက်အတွင်း ဝင်ရောက်လျက်ရှိပြီး ဈေးနှုန်းအနေဖြင့် ပဲတီစိမ်းရိုးရိုး (52) တစ်တင်းလျှင် ၅၂၀၀၀ကျပ်၊ ပဲတီစိမ်းထွက်တိုး (55) တစ်တင်းလျှင် ၅၃၀၀၀ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ပဲတီစိမ်းမှာ အလုံးလှပြီး အကွဲအနာကင်းလျှင် ဈေးပိုရကြောင်း၊ ယခင်နှစ်ကာလတူ၌ ဖြစ်ပေါ်ခဲ့သောဈေးနှုန်းထက် ဈေးနှုန်းမြင့်တက်လာကြောင်း၊ ဈေးကွက်အနေဖြင့် ကန့်ဘလူခရိုင်မှ ထွက်ရှိသောပဲတီစိမ်းများကို မန္တလေးမြို့ရှိပွဲရုံများသို့ တင်ပို့ရောင်းချလျက်ရှိကြောင်း သီးနှံရောင်းဝယ်ရေးလုပ်ငန်းရှင်ထံမှသိရှိရပါသည်။

DOCA(စစ်ကိုင်း)

      ၂၀၂၄ခုနှစ်၊ မေလ ၂၀ရက်နေ့တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဝန်ထမ်း(၁) ဦးသည် ကန့်ဘလူမြို့၊ မြို့မဈေးရှိ စားသုံးဆီအမျိုးမျိုးရောင်းချသည့်ဆိုင်များအား ကွင်းဆင်းစစ်ဆေးခဲ့ကြောင်းသိရသည်။

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် စားသုံးသူများ နေ့စဉ်အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းစေရေးအတွက် သက်ဆိုင်ရာဌာနများနှင့်ပူးပေါင်း၍ ကွင်းဆင်းစစ်ဆေးခြင်းများဆောင်ရွက်လျက်ရှိကြောင်း၊ ဈေးကွက်အတွင်းရောင်းချနေသည့် ဘူးသွင်းစားသုံးဆီများတွင် ကုန်အညွှန်အမှတ်အသားများကို ညွှန်ကြားချက်နှင့်အညီ ဖော်ပြထားသည်ကိုစိစစ်တွေ့ရှိရကြောင်း၊ လုပ်ငန်းရှင်များအနေဖြင့် တရားမဝင်တင်သွင်းလာသော စားသုံးဆီများကိုရောင်းချခြင်းမပြုလုပ်ရန်ပြောကြားခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့သည်  (၂၁-၅-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ရွှေဘိုမြို့၊ အမှတ်(၁၀)ရပ်ကွက်ရှိ အေးမေတ္တာဆန်စက်နှင့် ဆန်၊ စားသုံးဆီအမျိုးမျိုးရောင်းဝယ်ရေးဆိုင်သို့သွားရောက်၍ ဆန်စပါးသိုလှောင်ထားရှိမှု၊ ကြိတ်ခွဲထုတ်လုပ်မှုနှင့် ဈေးနှုန်း၊ ဈေးကွက်အခြေအနေများကို ကွင်းဆင်းစစ်ဆေးခဲ့ပါသည်။

    ထိုသို့စစ်ဆေးရာ၌ မိုးစပါး(ရွှေဘိုပေါ်ဆန်းစပါး) တင်း(၁၀၀)လျှင် (၄၃)သိန်းကျပ်ဖြင့်ဝယ်ယူရပြီး ကြိတ်ခွဲထွက်ရှိသည့်ဆန်များကို တစ်အိတ်လျှင် (၁၅၀၀၀ဝိ/-)ကျပ်မှ (၁၅၅၀၀ဝိ/-)ကျပ်ဖြင့်လည်းကောင်း၊ ဧရာမင်းစပါးတင်း(၁၀၀)လျှင် (၃၃)သိန်းကျပ်ဖြင့်ဝယ်ယူရပြီး ကြိတ်ခွဲထွက်ရှိသည့်ဆန်များကို တစ်အိတ်လျှင် (၁၄၀၀၀ဝိ/-)ကျပ်မှ (၁၄၅၀၀ဝိ/-)ဖြင့်လည်းကောင်း ရောင်းချလျက်ရှိကြောင်း၊ ရွှေဘိုမြို့၊ စက်မှုဇုန်ရှိ ဆန်စက်မှကြိတ်ခွဲပြီး ထွက်ရှိသောဆန်များကို အရောင်းဆိုင်ဖွင့်လှစ်၍ရောင်းချသည့်အပြင် အခြားဒေသများသို့လည်းတင်ပို့ရောင်းချကြောင်း၊ ဆန်ဈေးနှုန်းအနေဖြင့် ယခင်အပတ်ဈေးနှုန်းထက် သိသိသာသာဈေးနှုန်းမြှင့်တက်ခြင်းမရှိဘဲ အရောင်းအဝယ်မှာလည်း ပုံမှန်သာဖြစ်ကြောင်းစစ်ဆေးတွေ့ရှိရသဖြင့် ခရိုင်ဦးစီးမှူးက စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် တိုင်းဒေသကြီး/ ပြည်နယ်များအတွင်းရှိ ဆန်အပါအဝင် အခြေခံစားသောက်ကုန်ပစ္စည်းများ ပြတ်လတ်မှုမရှိစေရေးနှင့် ဈေးနှုန်းများတည်ငြိမ်စေရေးအတွက် ကြပ်မတ်ဆောင်ရွက်လျက်ရှိကြောင်းနှင့် လုပ်ငန်းရှင်များအနေဖြင့် ဈေးနှုန်းမြင့်တင်ရောင်းချခြင်းအလို့ငှာ သိုလှောင်ခြင်း၊ ဖြန့်ဖြူးခြင်း၊ ရောင်းချခြင်းများမပြုလုပ်ရန် အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)